رواية " على الحان الماضي " الجزء الأول

Part 16

* الفصل السادس عشر *
* في اليوم التاني *
ليليان صحيت من النوم وفتحت الفيس بتاعها وبصت علي الحاله الاجتماعيه وكانت عزباء رجعت تاني بصت لدبله عمر اللي في صباعها وقالت : معرفش تيجي ازاي بس لازم احرق دمك يا...... موره ههههههه
ليليان قامت وادت رويتينها المعتاد وبعدين فتحت اللاب ودخلت علي الايميل بتاعها لقيت رساله من شركه السيوفي للمعمار بخصوص الثفقه اللي مكملتش
ليليان ضحكت لما افتكرت ان الاجتماع اتلغي بسببها
وبعدين ردت وقالت انها هتحضر النهارده عشان يكملو الثفقه
قامت وغيرت هدومها ولبست بنطلون جينز وتيشيرت ابيض ودخلته في البنطلون ولبست فوقه جاكيت طويل ولفت حجابها ونزلت
ليليان نزلت وباست ايد عبدالحي وقالت : عبده انا هروح عشان الثفقه تمام
عبدالحي : ماشي يا حبيبتي وائل هيوصلك
ليليان : لا انا هروح بعربيتي
عبدالحي : طيب سوقي بحذر
ليليان : حاضر..... باي يا اهل البيت
كلهم : مع السلامه
ليليان ساقت العربيه واتجهت للقاهره وشغلت اغنيه ادهم نابلسي
* وتعبيرا عن الحاله اللي جوايا
اقول كل الكلام دلوقتي لعينيكي
وجودك جنبي بالنسبه لي ده كفايه
موافق اعمل اي حاجه ترضيكي
وتعبيرا عن الحاله اللي جوايا
اقول كل الكلام دلوقتي لعينيكي
وجودك جنبي بالنسبه لي ده كفايه
موافق اعمل اي حاجه ترضيكي

وحان الان
حبك في قلبي ياخد له مكان
ده مالي قلبي ولسه كمان عاوز سنين
حياتنا الجايه بالالوان
معاكي انت بجد عشان لقيت فيكي اللي بحلم بيه

وحان الان
حبك في قلبي ياخد له مكان
ده مالي قلبي ولسه كمان عاوز سنين
عشان اوصف فيه وننسي زمان
حياتنا الجايه بالالوان
معاكي انت بجد عشان لقيت فيكي
اللي بحلم بيه

وتقديرا عن الوضع اللي انا عايشه
هسيب كل اللي هيعطلني عن حبك
وتحديدا هقول كل اللي انا حاسه
انا مرتاح وانا عايش جنبك

وحان الان
حبك في قلبي ياخد له مكان
ده مالي قلبي ولسه كمان عاوز سنين
عشان اوصف فيه وننسي زمان
حياتنا الجايه بالالون
معاكي انت بجد عشان لقيت فيكي
اللي بحلم بيه
بعد ساعتان سواقه
* وقفت عند كمين ونزلت زجاج العربيه ووطت الصوت *
الظابط بصلها وقال : انزلي يا استاذه
ليليان : مش فاهمه انزل ليه
الظابط : هتصور معاكي...... احنا هنهزر انزلي
ليليان خافت ونزلت الظابط قال / اكتب عندك يا ابني قاصر بتسوق عربيه
ليليان بزهول وصدمه : انت يا عم انت عارف عندي كام سنه
الظابط بتريقه / خمستاشر اكيد
ليليان طلعت بطاقتها والظابط قرأها وقال / ليليان مصطفي عبدالحي الشناوي..... اربعه وعشرين سنه....... خريجه طب قلب......... لا وكمان تزوير بطايق ده انتي وقعتك سوده
ليليان / انا عارفه ان دي اخره الاصطباح علي دبله عمر
الظابط / وكمان سارقه دبله لا انتي تيجي معايا للسياده اللوا
ليليان بخوف / ل.... لوا مين يا عم انت
الظابط / يلا من غير شوشره..... انت يا زفت هات العربيه ديه ورايا علي القسم
واخذ ليليان ومشي
~~~~في القسم~~~~
ليليان واقفه ونفسها تخبط الظابط كف تكسرله سنانه......... وفجأه العسكري قال / اتفضل يا حضره الظابط
الظابط ادي التحيه العسكريه / اهي يا فندم المتهمه
اللوا بصلهم وقال بصدمه / ليليان
ليليان / هشومه ؟
الظابط / هشومه ؟!
هشام / احمم........ اتفضلي يا      
لي لي اقعدي
الظابط في نفسه / لي لي ؟ هشومه ؟....... ده انا وقعه امي سودا
هشام بصوت جهوري / اقدر اعرف حضرتك جايبها بأي تهمه
الظابط بخوف / ق.... قاصر يا فندم بتسوق عربيه ومزوره بطاقه وسارقه دبله
ليليان قامت بغضب وقالت / بقولك ايه انا ساكتالك من الصبح........ اي انت عملت قرعه وطلعلك ده كله
هشام / اهدي يا ليليان...... فين دليلك يا حسام
حسام / ما انا لقيتها قصيره يا فن.........
هشام ضحك وقال /ليليان ما تطولي شويه
ليليان / اي الخفه دي مش فايقولكو بجد
هشام بص لحسام واتكلم بجديه / اول واخر مره تحكم علي حد من غير دليل فاهم
حسام / فاهم يا فندم
هشام / انا اسف يا ليليان علي اللي حصل ده
ليليان وهي بتقوم : حصل خير يا هشام
حسام جاب بطاقه ليليان والرخصه ومفتاح العربيه وقال / انا اسف علي اللي حصل بس انتي اللي قصيره
ليليان بصتله بدهشه وقالت / استغفر الله العظيم يا رب
وطلعت ركبت عربيتها وراحت الشركه
* في الاستقبال *
السكرتيره / اهلا بحضرتك اخدمك ازاي
ليليان / عمر موجود ؟
السكرتيره بدهشه / عمر ؟ اه مستر عمر موجود اقوله مين
ليليان / قوليله ليليان
السكرتيره بصت في الكشف وقالت / اسفه يا فندم بس جدول اعماله مفيهوش مقابله باسم حضرتك
وفجأة نادين جت ووقفت وقالت / عمر هنا
السكرتيره / اه يا فندم فوق تقدري تطلعي....... نادين بصت لليليان وسابتها وطلعت
ليليان اتغاظت وقالت / اشمعنا هي تطلع يعني مش فاهمه
السكرتيره / حضرتك دي بنت عم استاذ عمر
ليليان / وانا بنت خاله وخطيبته
السكرتيره / خطيبته ؟ ايو بس انا معنديش معلومات انه خطب
ليليان / معلش المره الجايه هستاذن منك
السكرتيره / انتي كدابه ومش هتطلعي
ليليان / دي اتهبلت في نفوخها دي ولا ايه وسعي كده انا هطلع * وصوتها علي*
مراد جه وقال / اي اللي بيحصل هنا
السكرتيره / مستر مراد الست دي بتقول انها خطيبه مستر عمر وعاوزه تطلع
مراد بص ولقي ليليان واقفه وقال / ليليان ؟ انتي بتعملي ايه هنا
ليليان : هو يوم تحقيق ولا ايه..... المهم انا جايه عشان الثفقه فاكرها
مراد / ايو ايو...... وكمل بضحك اللي اتلغت بسببك
ليليان / الانسه دي مش راضيه تطلعني واول ما الست نادين جت طلعتها علي طول
مراد بص للسكرتيره وقال / دكتوره ليليان تطلع في اي وقت
السكرتيره / انا اسفه بس عمر بيه مقاليش انه مستني حد بالاسم ده
عمر جه وقال / ليليان ؟ اتأخرتي  ليه
ليليان بصت للسكرتيره وسكتت
السكرتيره فهمت ان ليليان خطيبه عمر فعلا لان اتعرف عليها هو ومراد
ليليان / معلش
عمر / طيب يلا عشان الاجتماع
دخلو اوضه الاجتماعات وكان في مستثمرين اجانب بيتكلمو مع نادين واول ما عمر دخل كلهم سكتوا
ودار بينهم حوار مترجم كالاتي
عمر / مرحبا سيد مايك
مايك / اهلا مستر عمر كيف حالك ؟
عمر : بخير ولندخل في العمل مباشره....... حسنا كما اتفقنا اننا سنقوم ببناء مستشفي خاص في مصر نحن بالتصميم والاطباء وانتم تتكفلون بالباقي صحيح
مايك بالايجاب / نعم هذا صحيح سيد عمر ولكن اين الاطباء
عمر شاور علي ليليان وخمسه معاها وقال / هؤلاء هم أوائل كليات الطب في جميع الاقسام..... عظام...... اورام....... طب نفسي........ وشاور علي ليليان وقال جراحه قلب
مايك نظر لليليان باعجاب واضح وقال / انت ارق من ان تكوني طبيبه قلب
ليليان / قد ابدو هكذا ولكنني في الحقيقه عكس هذا
عمر بغضب / حديثك معي فقط سيد مايك
مايك / حسنا سيد عمر لكنني اريد طبيب جراحه عامه ممتاز اتعرف احدا
عمر بتفكير / في الحقيقه لا
ليليان بتسرع / انا اعرف واحدا
نظر لها الجميع ومايك قالها / اخبرني يا جميله
ليليان بصت لعمر لقيته متعصب فقالت بخبث / اعرف طبيبا يدعي اسر وهو جراح عام وخبير جدا وايضا جميل
عمر بتسرع / لا لا هذا لا اريده
مايك / لماذا مستر عمر ؟ اعتقد انه مناسب بما ان السيده........
ليليان / ليليان
مايك / اسم جميل كصاحبته
عمر بغضب / سيد مايك لاخر مره سأخبرك بأن كلامك معي انا
مايك / أهدأ يا رجل...... حسنا لا تغضب....... سيده ليليان تحضري دكتور اسر للتعاقد معنا ارجوكي
عمر وقف وقال / اخبرتك انني لا اريد هذا الطبيب
ليليان بخبث / لكن لماذا انه لطيف
عمر بصوت جهوري / ليلياااان انا قولت مش عاوزه
مايك قام وقف وقال / سيد عمر لا اعرف لما لا تريده ؟ اعطني سببا مقنع
عمر / لا يوجد اسباب انا فقط لا احبه
مايك / سيد عمر يجب ان تضع مشاكلنا الشخصيه جانبا
عمر / سيد مايك لا تملي علي ما افعل لقد اخبرتك لا اريده وكفي
مايك / حسنا أهدأ لن نأخذه
عمر قعد وبص لليليان بغضب وقال / سيد مايك سنرسل لك مجموعه الاطباء في المستشفي بعد الانتهاء منها....... حسنا
مايك وهو ينظر لليليان / حسنا ولكن هل سنراكي مجددا دكتوره ليليان
ليليان بابتسامه / ربما سيد سيد مايك
مايك ليه هيمسك ايدها ويبوسها عمر مسك ايدها ووقف قدام مايك وقال / حسنا سيد مايك لم اعرفك بدكتوره ليليان خطيبتي * ورفع الدبل قصاد عينه*
مايك بصدمه / اوه خطيبتك ؟ يا للحظ.......
عمر / عفوا
مايك / اقصد مبارك يا سيد عمر وانتي يا جميله
عمر بضيق / شكر
وسابه وشد ليليان علي المكتب وقفله وقعد
ليليان / حضرتك جابتني هنا ليه دلوقتي
عمر بغضب / انتي تسكتي خالص
ليليان / ليه ان شاء الله مليش لسان ولا ايه
عمر / ما المشكله في لسانك ده عاوز افهم اي لازمه الدبله اللي في ايدك دي
ليليان قعدت وقالت / تصدق فيها مشكله فعلا انا اول ما بصت عليها الصبح رحت القسم
عمر / قسم ايه
ليليان / ملكش دعوه
عمر / هو انا مقعد بنت اختي معايا وانا مش واخد بالي ولا ايه
ليليان / مش هرد عليك عشان انت اكبر مني بس
عمر / اللهم طولك يا روح
ليليان / اه صحيح انت جبت الدكتور لجدو
عمر وهو يتفادي النظر في عينيها / ها.... اه كلمته وقال هيجي قريب
ليليان بحزن / يا رب يجي بسرعه....... عارف لو مش جدو مكنتش هضطر ابص في خلقتك القمر دي....... وكملت وقالت ماله حسن ما هو حيزبون اه بس جمب عبدالحي وهشوفه كل يوم
عمر / هو اي حاجه عبدالحي ؟ يعني لو جدك قالك ارمي نفسك هتعميلي كده
ليليان / لو هيكون مبسوط هعمل كده من غير ما افكر
عمر زعل جدا وقال / بس مفيش حد مبيموتش كلنا هنموت
ليليان ابتسمت بوجع وقالت / عارفه بس بتمني يومي يكون قبل يومه
عمر بغضب / اي الهبل اللي انتي بتقوليه ده
ليليان / هو انا كلمتك يا عم انت
عمر / اطلعي عشان متغاباش عليكي
ليليان بخبث / اه انا هروح اسلم علي اسر ع....
عمر / اقعدي يا ليليان
ليليان / انت مش لسه قايلي اطلعي
عمر / ودلوقتي بقولك اقعدي
عمر قام وقعد علي الكرسي اللي قدامها وقال / برضو مفهمتش لازمه الدبله اللي انتي لابساها
ليليان / يعني ايه
عمر بغضب مكبوت / يعني المفروض تدل انك مخطوبه صح
ليليان / ده المفروض
عمر / تمام احنا نكبرها عشان هي كده مش باينه
ليليان / ايه يا عم عاوزاني اعمل زي الكلبوبات واقعد اقول خطشيبي...... قره عيني..... وابو آدم...... والكلام ده
عمر خبطها بخفه علي جبهتها  وقال / لا مقولتش كده...... وقال طلعي موبايلك
ليليان طلعته وقالت / عاوز ايه
عمر اخده وقال / هاتي الباسورد
ليليان / باسورد مين يا باه
عمر / انجزي
ليليان / انت عايش الدور كده ليه يا جدع انت
عمر / مش هعيد كلامي يا ليليان
ليليان باستسلام قالتله الباسورد وعمر فتحه وضافله بصمه من غير ما تعرف
ليليان / هتعمل ايه يا كابتن
عمر مردش وفتح الفيس وغير الحاله الاجتماعيه من عزباء لمخطوبه
ليليان بزهول / انت انسان مستفز بتلعب في فيسي ليه
عمر / انا متسلط ملكيش دعوه...... وقام قعد مكانه تاني
ليليان قامت وقالت / انا هرجع بيتنا
عمر / استني هوصلك
ليليان سابته ومشيت وقالت / ميرسي معايا عربيتي
نزلت ركبت عربيتها ورجعت بيتها

يتبع ........