رواية " على الحان الماضي " الجزء الأول

Part 6

* الفصل السادس*
* بصيت ورايا لقيت بنت واقفه وبتبصلي ومحمد لما شافها ارتبك*
- انا هقولك يا حلوه
محمد قام بغضب :" انتي بتعملي ايه هنا "
ليل بدلع :" ايه يا ميدو ومش عاوز تعرفها علي خطيبتك ولا ايه "
ريم بصدمه :" خطيبته "
ليل :" اه يا حبيبي خطيبته "* ورفعت ايدها و ورتها الدبله ومسكت ايد محمد وحطتها قدام وش ريم *وقالت :" معلش معزمناكيش اصلها كانت علي الضيق "
ريم :" الكلام ده صح يا محمد "
محمد :" ريم والله انا.. "
ريم بحده ودموع :" انت خطبتها ولا لا "
محمد بينزل راسه ومبيردش
ريم :" انا كده فهمت "* وبصتله نظره عتاب ولوم وكلام هي مقدرتش تقوله كل اللي قالته هو :" شكرا يا محمد والف مبروك
وسابتهم ومشيت
محمد :" انتي اللي انتي هببتيه ده "
ليل :" هببت آيه انت كنت عاوزاني اسيبها تخطفك مني "
محمد :" ليل احنا هنصيع علي بعض انا مبحبكيش وانتي عارفه كده انا بحب ريم ريم وبس"
ليل :" مش مهم المهم اني هكون مراتك وهتتقبلني في يوم "
محمد بغضب :" هو انت ايييه مبتفهميش قولتلك مبحبكيش مبحبكيش افهمي بقي انا بحب ريم ريم بس غير كده لا "وسبها ومشي
* ريم لما مشيت من عند محمد كانت تايهه مش عارفه تروح فين كلمه انا خطيبته بتتردد في وادنها مش مصدقه انها مش هتشوفه تاني محمد اللي كانت مستعده تعمل ايه حاجه عشانه خطب غيرها فاقت لنفسها وقالت :لا يا ريم مش انا اللي اقع  الواقعه دي انتي ريم الشناوي بنت بميت راجل والله لانساك يا محمد *
* وراحت البيت مكلمتش حد ودخلت اوضتها وفضلت تعيط *
* محمد راح بيته وفضل يكسر في الاوضه ويقول راحت راحت مني بسبب انانيتكم راحت والله ما هسامحك يا ليل وفضل يصرخ*
بعد اسبوع
*ريم ماشيه في الجامعه وكان باين علي وشها الحزن وبتفكر مره في كلام ليل ومره في كلام مامتها *
~~~~فلاش بااااك~~~~~
•ريم قاعده في الصاله مخنوقه ومش علي بعضها دخلت عليها صفيه وقالت :" مالك يا ريم يا حبيبتي من ساعه ما رجعتي وانتي كده"•
ريم بهدوء مصطنع :" ابدا يا ماما مفيش حاجه "
صفيه :" علي امك برضو يا بنت بطني مالك يا بنتي "
ريم :" ولا حاجه "
صفيه :" طيب انا جايبالك خبر هيخليكي تفرحي وتوزعي شربات كمان "
ريم :" خير "
صفيه بفرح :" امبارح ابن خالتك اللي كان مسافر السعوديه رجع وعاوز يتجوزك وطلب ايدك من ابوكي "
ريم بخضه :" لا لا مش عايزه اتجوز "
صفيه :" ليه يا بنتي ده مدرس قد الدنيا والف مين تتمناه "
ريم :" لا انا عاوزه اكمل تعليمي الاول وبعدين انا... "
صفيه تقاطعها بغضب :" تعليمي.. تعليم ايه اهو اخره اللي خدناه من التعليم انا كنت معترضه علي الجامعه ديه من الاول بس ابوكي مدلعك زياده عن اللزوم ما اختك اهي متعلمتش واتجوزت اشمعنا انتي بقي "
ريم قد فاض بها :" يوووه نفس المواال كل يوم انا حره مش عاوزه اتجوز هو عافيه وبعدين محسساني ان اختي مبسوطه اوي؟ ردي مبسوطه ولا كل يوم زل واهانت عشان جوزها معاه شهاده وهي لاء انتو اللي عملتو
فيها كده وانا مش هبقي زيها" ويدخل عبدالحي علي اصواتهم
عبدالحي :" في ايه اصواتكم جايبه اخر الشارع "
ريم راحت لابوها وحضنته وعيطت
صفيه بغضب :" اها ما هو اللي عمل فيكي كده هو اللي دلعك زياده عن اللزوم دلع ياخويا دلع "
عبدالحي بغضب :" صفيه احترمي نفسك وبعدين انتي مالك انتي بنتي وبدلعها اي دخلك وصوتكو عالي ليه "•وكمل بحب وقال في ايه يا ريم بتعيطي ليه •
صفيه :" الاستاذه مش موافقه علي العريس وقال ايه هكمل تعليمي الاول تعليم ايه يا ام تعليم "
عبدالحي :" وانتي متعصبه عشان كده فيها ايه لما تكمل تعليمها واسمها اللي اتعلمو مخدوش ايه اللي اتعلمو اتثقفو وعاشو بكرامه واهلهم ماشين رافعين راسهم وهي دي اللي هترفع راسي "
صفيه :" يعني ايه "
عبدالحي :" يعني لو ريم مش موافقه عليه انا مش موافق مش علي اخر الزمن بنت عبدالحي الشناوي تتجوز غصب "
•صفيه عنيها زغللت واغمي عليها وطلعوا يجرو عليها •
~~~~~~~~~~~~~
ريم فاقت من زكرياتها علي صوت راجل
- لوسمحتي ممكن اقعد
ريم :" عفوا ! ما الكراسي كتير
- ايو بس انا عاوز اتكلم مع حضرتك في موضوع مهم
ريم :" موضوع مهم! انا اعرفك عشان تقولي موضوع مهم "
- الراجل قعد وقال شكراً
ريم :" لا ده انت مبتفهمش بقي "
ولسه جايه تمشي قال انا جايه اكلمك بخصوص محمد السيوفي
ريم اتصدمت وقعدت وقالت :" ويا ترا الدكتور هو اللي باعتك بقي "
- لا لا خالص هو ميعرفش اني هنا علي العموم انا اسمي سعد السيوفي ابن عمه وصديقه المقرب
ريم :" وحضرتك يا استاذ سعد عاوز ايه بقي "
سعد :" انا هعرفك علي محمد "
ريم باستغراب :" تعرفني عليه "
سعد :" ايو انتي تعرفي محمد كشخص متعرفيش عيلته او شغله الحقيقي "
ريم باستغراب اكتر :" اتفضل "
سعد :" محمد خالد السيوفي ابن خالد السيوفي صاحب اكبر شركات معمار في الوطن العربي"
ريم بصدمه :" نعم؟! طب هو.. "
سعد قاطعها :" هو ليه شغل دكتور في الجامعه مش كده "
ريم أومأت بالايجاب
سعد ابتسم وقال :" محمد طول عمره مختلف عن اخواته هو حب يكون نفسه بنفسه مع كده هو المفضل عند ابوه المهم محمد حكالي عنك بحكم اني صديقه الوحيد وانا فرحتله جدا وكمان قالي انه عاوز يتقدملك "
ريم ابتسمت بكسره وسعد كمل وقال :" اتفقنا اننا هنروح نقول لوالده اللي هو عمو خالد عشان نروح نطلبك من اهلك بس والده رفض "
ريم بصتله وقالت :" ر.. رفض ؟"
سعد بحزن :" للاسف رفض ومحمد لما زعق معاه وقاله هيتجوزها غصب "
~~~~~فلاش باااك~~~~~~
محمد بغضب :" يعني ايه مش موافق دي حياتي انا وانا هتجوزها غصب عن الكل "
خالد بغضب صفع محمد وقاله :" عايز تتجوزها.. طب قسما عظما لو عرفت انك شوفتها تاني لاكون قاتلها "
محمد بصدمه :" هت.. هتقتلها "
خالد :" ايو هقتلها ومش بس كده وامك اللي فوق دي هطلقها واهتجوز غيرها وعلي ما في خيالك اركبه ويكون في علمك خطوبتك علي ليل بنت عمك بكره "
محمد بعصبيه :" يعني ايه يعني مقدرش اختار اللي بحبها لا وكمان تختارولي لا مش هتجوزها مش هتقدر تقربلها "
خالد ببرود :" انت عارف اني اقد بلاش تيجي في الحته ديه واطلع جهز نفسك هنروح نطلب ليل النهارده وطلع وساب محمد واقف مصدوم ومش عارف يعمل ايه
~~~~~~~~~~~~~~
سعد :" وبعد كده عارفه الباقي محمد اتصل بيكي وطلب يقابلك والباقي حصل في حضورك "
ريم قاعده ومش قادره تكلم وجواها حاجات كتير سعاده وحزن يعني محمد ماخانهاش ؟مضحكش عليها... محمد بيحبها... بس هو خطب يا ريم
سعد :" انا بس عاوز اقولك ان محمد ضحيه زيه زيك والقرار في ايدك "
ريم :" قرار ايه "
سعد :" هتعرفيه بعدين انا مهمتي خلصت وراضيت ضميري وعرفتك أستأذن انا "
• ريم روحت وقعدت علي سريرها وفضلت تعيط بصوت مسموع وتندب حظها وتقول : طب يا رب انا المفروض افرح لانه بيحبني ولا ازعل لانه خطب وهيتجوز اعمل ايه يا رب انت العالم انا بحبه قد ايه لو هيكون ليا في يوم اديني اشاره ولو مش ليا شيل حبه من جوايا يا رب ياااارب •
الباب خبط ريم مسحت دموعها قامت تفتح لقيت ليلي صاحبتها
ليلي بخضه :" انتي بتعيطي ليه"
ريم بابتسامه حزن :" لا مفيش ادخلي "
ليلي دخلت وريم قفلت الباب وقعدت وفجأه ليلي قالت : هيتجوز النهارده
ريم بحزن :"ربنا يباركله "
ليلي :" انا اسفه يا ريم اني قولتلك بس انتي لازم تفوقي "
ريم :" متخافيش عليا انا بنت بميت راجل ولا نسيتي "
ليلي :" لاء منستش وكمان عارفه ان ده مش حقيقي انا عارفه ان دي من برا.. بس من جواكي انتي ضعيفه واوي كمان "
ريم انفجرت في العياط واحتضنت ليلي قائله :" انا مش هفضل كده انا هنساه دي اشاره من ربنا ليا "
ليلي :"بس"
ريم :" خلاص يا ليلي الموضوع خلص "
ليلي :" خلاص ارتاحي انتي وانا همشي دلوقتي "
ليلي مشيت وسابت ريم قاعده مع نفسها هي وافكارها بس
~~~~~بعد سنتين~~~~~~
صفيه :" ها يا ريم يا بنتي قولتي ايه "
ريم :" لا يا ماما قولتلك مش هتجوز "
صفيه بغضب :" يعني ايه مش هتجوز كل اما يجيلك عريس ترفضيه من غير ما تقابليه اسمعي يا بت انتي الدلع ده مبحبوش انتي هتتجوزيه ورجلك فوق رقبتك "
ريم : انا... *وفجأه التليفون رن وردت وقالت الو *
- ريم
ريم اتصدمت ومكنتش عارفه تقول ايه ومامتها واقفه
- ريم ارجوكي متقفليش عشان خاطري ممكن تسمعيني ريم لازم نتقابل مساله حياه او موت قابليني في **** الساعه خمسه
بحبك
ريم الدموع اتجمعت في عنيها والذكريات عمال تعدي قدامها وقلبها بدأ يدق من تاني
صفيه :" ريم انا بكلمك "
ريم :" ها.. اه انا لازم امشي "
•وطلعت تجري من غير ما تسمع الرد •
* ريم وصلت المكان وقلبها بيدق بطريقه جنونيه وبتدور ولمحته قاعد وعلي رجله طفل صغير *
ريم رجلها مكنتش شايلاها وبدأت تتحرك ببطء ووقفت وراه وقالت بصوت يكاد ان يسمع :م.. ممحمد
محمد قام بلهفه وبصلها بحب وقال :" ر.. ريم انتي هنا بجد "
ريم ابتسمت ابتسامه صغيره واومأت بالایجاب
محمد :" طيب اتفضلي "
ريم قعدت وعنيها علي الطفل اللي مع محمد فهم نظراتها وقال بحزن :" ريم ده عمر ابني "
ريم بصدمه :" انت بتهزر صح انتي جايبني عشان توريني ابنك يا محمد "
محمد بحزن :" لا يا ريم الموضوع مش كده "
ريم بغضب ودموع :" امال ايه يا دكتور قولي اول حاجه علقتيني بيك بعد كده اتجوزت ودلوقتي جايبلي ابنك ايه عاوزني اعمله ايه اريبهولك ؟ !!!

يتبع ......