رواية " على الحان الماضي " الجزء الأول

Part 31

* الفصل الثلاثون*
بعد عدة ساعات وصلو القاهرة
وائل / هنزل اودي دي لعمتو بسرعه هتنزلي معايا
ليليان بنفي/ لا روح انت.... انزلي معاه يا سارة سلمي علي عمتو
سارة/ لا مش هسيبك لوحدك
ليليان بمرح مصطنع/ العفاريت هتاكلني يعني انزلي يا بت
سارة نزلت مع وائل وليليان فضلت في العربيه بتبص علي الفيلا من بعيد وفجأة شافت ريم جايه عليها مع وائل وسارة
ليليان نزلت سلمت عليها وريم قالت بدموع/ انتي صحيح مسافرة
ليليان بدموع هي الاخري/ ايو يا عمتو هسافر
ريم حضنتها وقالت/ حقك عليا انا يا بنتي
ليليان/ لا يا حبيبتي انتي ملكيش ذنب في حاجه كل شئ قسمة ونصيب
ريم بعياط/ انا آسفه يا بابا انا مكنتش قد الأمانه..... انا آسفه يا حبيبي سامحني
ليليان حضنتها وقالت/ يوووه بقي يا ريم متعيطيش انا كويسه يا حبيبتي
ريم/ هتسافري امتي
ليليان/ همشي بعد بكرة الصبح
ريم/ طيب هتلحقي ترجعي البلد
ليليان/ لا ما انا هفضل في فندق مع الجامعه اللي طالعين معايا
ريم/ طيب ما تقعدي هنا
ليليان/ معلشي يا عمتو مش هقدر سيبني براحتي..... انا بس عاوزه اطلب منك طلب
ريم بحب/ اتفضلي يا روحي
ليليان بحرج/ احم... ممكن تخلي سيلين تقابلني في المطار بعد بكرة
ريم باستغراب/ سيلين؟بس ليه
ليليان بهدوء/ عاوزاها في موضوع ضروري ممكن تطلبي منها دا
ريم/ حاضر يا روحي هقولها
ليليان حضنتها وقالت بدموع/ باي يا عمتو
وائل وليليان وسارة ركبو ووصلو ليليان الفندق وودعواها
ليليان/ لما ارجع ان شاء الله يا سارة هجيب احلي فستان لفرحك
سارة بخجل/ نينيني مش هتجوز انا
ليليان بخبث/ لا ازاي ده انا ليا واحد زميلي هيموت عليكي
وائل بغضب/ مين ده ان شاء الله
ليليان بصتله وقالت/ دكتور زميلي اسمه يوسف بس ايه قمر يا بت يا سارة
سارة بخجل وخبث/ عنده دقن
وائل بغضب/ نعم يا رووح امك.... انتي عاوزه ايه من دقنه
سارة/ وانت مالك
وائل / سارة متجننيش عليكي فاااهمه؟
ليليان بخبث/ اي يا وائل في ايه انت اي اللي مضايقك
وائل بغضب وغيرة/ اي اللي مضايقني؟ انتي جايبلها عريس وتقولي ايه اللي مضايقني....
ليليان/ ايه هي مش من حقها تتجوز!!
وائل بغضب/ لا مش من حقها هي ليا انا بس
سارة بصتله بصدمة وليليان بصتله بخبث وضحكت وقالت/ هههه طهقتني يا راجل علي اما تقول انت قولت ايه بقي؟
وائل استوعب الموقف وقال لليليان بتوعد/ بتلعبي عليا انا يا ليليان.... انا هوريكي.... ومين يوسف ده كمان؟
ليليان/ يوسف؟ يوسف مين انا اخترعت الاسم عشان البعيد يحس..... يلا يا بخت من وفق راسين في الحلال
سارة وشها احمر وليليان ضحكت عليها وقالت بحب/ عارفين لو عملتو الفرح وانا مش هنا ؟
سارة/ ايه يا ليليان فرح ايه انتي جوزتينا خلاص انا واخوكي ده؟
وائل بغيظ/ ماله اخوها ده يكونش مش عاجبك؟
سارة بخجل/ هو.... هو.... هو انا..
وائل بخبث/ متخافيش يا لي لي في بت في دماغي كده هتقدملها الاسبوع الجاي ان شاء الله
سارة بتسرع/ هه عشان اكسرلك رجلك
وائل بزهول/ تكسري رجل مين يا بت انتي؟ انتي هبله
سارة بدموع بصت الناحيه التانيه ومردتش
وائل بدهشه/ انتي بتعيطي ليه طيب
سارة بدموع/ ملكش دعوه بيا روح اتجوز امشي
وائل / ايو ما انا هتجوز
سارة بصتله بدموع ومردتش
وائل / هتجوزك انتي
سارة بصتله بصدمة وفرح ومتكلمتش
وائل بمرح/ يلا هطلبك من ابوكي لما نروح هزيل عنهم بلوة
سارة بصتله بغيظ ولسه هتتكلم ليليان قاطعتها وقالت/ متبدأووش تاني والنبي يلا امشو انا هطلع الفندق
سارة حضنتها جامد وقالت/ خلي بالك من نفسك يا لي لي
ليليان/ وانتي كمان خلي بالك من وائل
سارة بغيظ/ كنت امه
وائل / ما تحترمي نفسك يا بت انتي
ليليان/ انتو مش هتضربو بعض صح؟
وائل وسارة/ لاا
ليليان/ يا ربي عليكو.... يلا سلام سوق بالراحه يا وائل
وائل / حاضر خلي بالك من نفسك
وائل وسارة مشيو وليليان طلعت اوضتها في الفندق وغيرت هدومها ونامت
~~~~~الساعه الثانيه صباحا في فيلا عمر~~~~~~~
ريم بتتحرك في كل مكان وبتقول/ أتأخر اوي يا عمو خالد عمر عمره ما اتاخر كده
خالد/ اهدي يا بنتي زمانه جاي
فاطمة/ خايفه عليه رغم زعلك منه
ريم بدموع/ عمر ده روحي فيه انا اتضايقت منه بس عشان اعرفه غلطه بس انا مقدرش ازعل منه
خالد/ زمانه هييجي دلوقتي
بعد عشر دقائق
ريم موبايلها رن ردت بخوف وقالت/ ايوه يا عمر انت فين؟
_ الو انا مش عمر صاحب الموبايل ده عمل حادثه وحاليا في المستشفي
ريم بصدمة/ انت..... بتقول ايه؟
_ يا فندم انا مليش دعوه انا لقيت العربيه دي عامله حادثه خدت الراجل اللي كان جوه وهو دلوقتي في العمليات ولقيت الموبايل ده فعربيته فقولت ابلغكم اكيد قلقانين
ريم ببكاء/ طب ابني كويس.... فين المستشفي
_ العنوان اهو*****
ريم قفلت معاه وجريت بدموع وقالت/ زياااااد
زياد نزل مخضوض/ خير يا طنط في ايه؟
ريم بعياط/ عمر.... عمر عمل حادثه وفي المستشفي وديني لابني الله يكرمك
خالد/ ايه اللي بتقوليه ده؟ يلا يا زياد بسرعه خليكو هنا انتي وفاطمة
ريم بعياط/ لا انا هروح لابني وديني لعمر
الجميع كان مستغربها كيف لا تقبل الحديث معه في الصباح والان تبكي لتراه؟
خالد باستسلام/ يلا يا ريم
ريم راحت معاهم ووصلو المستشفي ودخلت زي المجنونه تسأل علي عمر
* ____________________ *
_ ملكيش دعوة بيا يا لارا
لارا/ يا بت عليا برضو انا عاوزه افهم انتو رحتو من هنا عادي مرة وحدة كده يقول انا عاوز اتجوز سارة؟!
سارة بخجل وغيظ/ عادي انا اصلا قمر واتحب يا حبيبتي
لارا/ برضو هتقوليلي
سارة/ مش قايله
لارا/ هتقولي ولا اطلع اصحي وائل و....
سارة انتبهت وقالت/ بت يا لارا
لارا/ ايه؟
سارة/ مش واخده بالك اننا في البرانده والساعه دلوقتي أربعه الفجر
لارا/ تصدقي صح اوعي يكون الفجر فاتني؟ يا لهوي مشربتش مايه
سارة ضحكت وقالت/ استغفر الله العظيم بقي اول يوم رمضان افتتحه بيكي اما اطلع انام
لارا بغيظ/ اتهربي اتهربي..... وكملت بخوف/ هو ممكن حد ينط من فوق السور ويقتلنا
سارة بخوف/ تصدقي.... انا طالعه بيتنا يماما..... وكل وحده راحت علي بيتها
* _______________ *
الساعه العاشرة صباحاً تجلس تنظر لأبنها النائم بعمق علي سريره بالمستشفي وتجمعت الدموع في عينها حين تذكرت كلمات الطبيب
~~~~فلااش بااك~~~~
بعد ساعتين من دخول عمر العمليات
خرج الطبيب وجريت ريم عليه بلهفه وخوف ام وقالت/ خير يا دكتور ابني ماله
الدكتور/ متخافيش هو حالته استقرت بس الخبطه كانت جامده شويه عشان كده ممكن يفضل في غيبوبه قصيرة
ريم بدموع/ غيبوبه؟ هتفضل قد ايه
الدكتور/ متخافيش هي ان شاء الله قصيرة يوم او يومين اسبوع بالكتير ده بس عشان الخبطه
ريم/ اقدر اشوفه؟
الدكتور/ تقدرو تدخلو بس واحد اللي يبات معاه
ريم دخلت جري ووراها زياد وخالد..... ريم قعدت جمب عمر ومسكت ايده وباستها وقالت/ قوم يا حبيبي يلا قوم انا مش زعلانه منك يا روحي قوم بقي يا عمر
زياد ربت علي كتفها وقال/ متخافيش يا طنط هو اكيد هيبقي كويس
ريم بدموع/ يااارب يااارب
~~~~فلاش بااك~~~~
بعد يومين
ليليان في الفندق بتجهز شنطها بحزن والدموع متحجرة في عينها تأبي النزول تنهرها للاسرف في استخدامها..... فلهنا يكفي لن اعود تلك الفتاة التي تبكي وتنوح فقط سأقسي قليلا من اخدع.... لا استطيع القسوة عليه فقلبي يرهقني كثيرا ليتني امتلك القسوة..... لاذيقهم رشفه حزن لكل من اشبعوني الاحزان
ليليان اتنهدت وفتحت الموبايل وبصت علي الحالة الاجتماعية
" Married to Omar Elsyofie "
ابتسمت بكسرة وقالت/ مبقاش ينفع..... وغيرت الحالة الي عزباء
وكتبت " قمة القسوة في حق ذاتك ؛ ان تعيش علي ارضاء من حولك ليعيشوا هم علي كسر كل ما هو جميل فيك.... "
* __________________ *
في المستشفي
في غرفه عمر تجلس ريم وفاطمة وسيلين وزياد ومراد وهشام
مراد بيبص لعمر بحزن ويقول/ ان شاء الله هتفوق يا صاحبي.... انت عمر السيوفي انت غول المعمار
ريم/ ان شاء الله يا حبيبي هيقوم..... وبعدين بصت في موبايلها لقت رسالة من ليليان تذكرها بشأن سيلين فقالت بحزن لنفسها/ انا مش هقولك انه في المستشفي يا ليليان انا عارفه انه غلط انا عاوزاكي تتخطيه
ريم فاقت وقالت موجهه كلامها لسيلين/ سيلين يا بنتي ممكن اطلب منك طلب؟
سيلين/ طبعا يا ماما اتفضلي
ريم بهدوء/ ليليان مسافرة النهارده وطلبت مني اقولك تقابليها في المطار كمان ساعه
سيلين بصدمة/ مسافرة؟ طب وعمر.... هي متعرفش انه في المستشفي
ريم بحزن/ لا يا بنتي متعرفش وياريت متقوليلهاش انه هنا
سيلين بحزن/ حاضر يا ماما ريم متخافيش بس هي عاوزاني ليه احنا علاقتنا مش قد كده
ريم/ والله يا بنتي ما عارفه.... هي قالتلي من يومين وانا نسيت من المشكلة اللي كانت في البيت
سيلين اومأت وقالت/ حاضر يا ماما انا هروحلها بعد اذنكم

* دمتم سالمين *
بقلم /      Ghdeer ✨