* الفصل الاخير *
وائل بصله بفرح وقال/ اهلا بحضرة الظابط حسام الللي ناسينا
حسام حضن وائل وقال/ مبروك يا عريس
وائل / الله يبارك فيك يا حظابط
حسام بغيظ/ اسمها حضرة الظابط يلاا
وائل / مش هتخانق معاك عشان انت في بيتي بس
ليليان/ ما تفهموني في ايه وايه اللي جابك هنا يا اسمك ايه؟
حسام باستفزاز/ ليليان القصيرة بتتكلم
وائل بيكبت ضحكته بصعوبه فها هم عادو للمشاجرة
ليليان بغيظ/ احنا هنهزر ولا ايه تكونش جاي تقبض عليا تاني؟
وائل بصدمة/ تاني؟ هو قبض عليكي قبل كده ؟ انت يلا بتتفشخر بشغلانتك علي بنت عمتك يلا
ليليان بصدمة/ هاا؟
حسام/ سيمو يا بت نسيتي
ليليان بفرحه/ سيموووو..... يخرب عقلك وحشتني يا ابو طويله
حسام/ وانتي اكتر يا اوزعه
ليليان بعبوس/ متقولش الكلمة دي تاني
حسام بغمزه/ هو القمر رايح فين؟ وبص ل وائل وقال..... عمرك شوفت قمر بيلبس احمر
عمر بصله بغضب وقام وقال/ احممم وائل مش هتمشو ولا ايه
وائل / هااا اه.... احم اعرفكو حسام ده عمر ابن عمتي..... عمر دا حسام ابن خالي
حسام بابتسامة مد ايده لعمر وعمر سلم عليه وضغط علي ايده جامد
حسام بصله بعد فهم وشد ايده بالراحه وقال/ تشرفت بيك
عمر ببرود/ انا اكتر
ليليان بصت لعمر بتسلايه وقال في نفسها/ وماله مش انا مقضياها؟ طيب يا عمر انا هخليك تشد في شعرك
ليليان بخبث ودلع/ سيمو يلا عشان تيجي معانا نختار الفستان
وائل فهم ما تسعي اليه اخته فتنهد باستسلام
حسام/ ايه الاحترام دا يا اوزعه وبعدين انا هختار الفستان ليه
ليليان بخبث/ لا انت هتختار فستاني انا.... اممم اقتراح عليا انهي لون
حسام بمرح/ اصفر او ذهبي بيخليكي ايه قمر
عمر بصله بغضب وكور ايده وعيناه احمرت
ليليان لاحظت وقالت باستمتاع/ حلو اوي.... امم شوز ارضي ولا كعب
حسام بمرح/ كعب عشان تطولي شوية عشان اطولك
ليليان بحماس/ هنرقص سلو صح؟
عمر بغضب وصوت عالي/ ليلياااااان
ليليان اتخضت بس قالت ببرود/ نعم ياا... ابيه عمر
عمر بصلها بغضب ومسك ايدها وشدها ومشي
ليليان بعصبية/ ايه شادد بقرة
عمر بغضب/ امش وانتي ساكته واتقي شري احسنلك
ليليان بغضب/ سيب ايدي يااا عمر
عمر ركبها العربيه وقفل الباب وركب وساق
ليليان بغضب/ انت ازاي تعمل كده؟!!
عمر بغضب والغيره عاميه/ اعمل ايييه يا هانم؟ انتي مش شايفه نفسك ولا ايه
ليليان باستفزاز/ مالي ما انا كويسه
عمر بغيرة/ انتي ليه مصره تعصبيني
ليليان ببرود/ والله انت اللي متعصب وبتحب العصبيه..... دي مش شغلانتي
عمر بهدوء/ انا منبه عليكي متلبسيش احمر صح؟
ليليان وها هي قد وصلت لهدفها / وانت مالك بيا؟
عمر بصراخ/ يعني ايييه انت ماااالك؟ انااا منبه ولا لاااا
ليليان بقليل من الخوف/ برضو ملكش كلمة عليا كنت ابويا ولا اخويا؟
عمر بزعيق/ لا جووووزك يا هااانم
ليليان باستفزاز/ تؤ تؤ تؤ تؤ طليقي مش جوزي ولا تكون ناسي يا بشمهندس انك طلقتني
عمر بغضب/ حتي لو طلقتك هترجعيلي انتي ليا انا وبس فااهمه
ليليان بغضب هي الاخري/ لاا مش فااهمه انا محدش لييه دعوه بيااا ولاحد يمشيني علي مزااجه انااا مش لعبه ترميها وقت ما تحب وترجعلها وقت ما تحب..... ورجوع مش راجعه انت مفكر بناات الناااس لعبه ولا اييييه؟!!!
عمر بهدوء يحاول اصلاح الامور/ ليليان اسمعني
ليليان بغضب/ مش سامعه
عمر بغضب/ لا هتسمعي مش بمزاجك هووو
ليليان بغضب/ ليييه اومال بمزاج مين يا استاذ عمر بمزاجك انت
عمر/ انا مقصدش يا ليليان انتي ليه مش عاوزه تفهمي
ليليان/ انا مبفهمش يا اخي.... لو سمحت رجعني سيمو مستنيني
عمر بزعيق/ سيمووو؟!! ليليان احترمي نفسك ومتجننينيش عليكي فااهمه
ليليان ببرود/ والله انت مجنون لوحدك مش عاوز حد يجننك
عمر بنفاذ صبر مسح علي وجهه وبعثر شعره وقال/ ليليان يا حبيبتي ممكن تديني فرصه اتكلم؟
ليليان/ حبيبتك؟ انا مش حبيبتك يا بشمهندس ولو سمحت مش عاوزه اسمعك
عمر بصلها وقال/ بصيلي
ليليان/ لارد
عمر حرك وشها ناحيته وقال/ انا بحبك
اضطربت دقات قلبها وكأنها تسمعها للمرة الاولي كاد قلبها ان يقفز هي تحبه لا تنكر ذلك لكن فقط كرامتها مجروحه منه عارضت رغبه قلبها ونظرت له بقسوة وقالت ببرود/ كان فيه وخلص
أنت تقرأ
رواية " على الحان الماضي " الجزء الأول
Romanceرواية " على الحان الماضي " .... روايه رائعه ومشوقه ، انا لست الكاتبه .... انما انا ناقله فقط ... اتمنى تعجبكم الروايه ... ارائكم فى التعليقات ♥
