رواية " على الحان الماضي " الجزء الأول

Part 29

* الفصل التاسع والعشرين *
ريم/ مين ده يا ليليان؟
ليليان/ ده دكتور آسر دكتتوري في المستشفي
ريم/ هو ايه مشكلته مع عمر
ليليان بضحك/ هقولك واحنا في العربيه
ريم/ طيب يلا بينا
ريم وليليان ركبو العربيه مع زياد
ليليان حكت لريم الموقف بتاع عمر وأسر وريم ضحكت علي ابنها وغيرته
ريم/ يا عيني عليك يا ابني
ليليان بزهول/ يا عيني عليه ايه يا عمتو بقولك ابنك ضرب الراجل
ريم/ يستاهل في حد يطلب وحده من جوزها
ليليان بحرج/ ما هو ميعرفش اني متجوزه وانه جوزي اصلا
ريم/ بس كان يسأل برضو مين اخوها وابوها وكده
ليليان/ يا عيني عليك يا آسر وشك الحلو ده اتضرب
ريم خبطتها بخفه وقالت/ بت انا حماتك مش عشان عمتك يعني هسكتلك انا هقول لعمر يطين عيشتك
ليليان رمشتلها ببراءة وقالت/ اهون عليكي؟
ريم بضحك/ لا..... ودي المشكله بصراحه
زياد/ الشارع ده صح؟
ريم/ ايوه ادخل يمين
زياد/ وصلنا يا جماعه
ريم/ هتنزل يا ابني؟
زياد/ لا انا هرجع ورايا شغل مهم
ريم اومأت بهدوء ودخلت هي وليليان وكان في تجمع من الستات قاعدين في البرنده مع صفيه ورجاله قاعده في الحوش مع مصطفي واحمد
ريم دخلت وقالت/ السلام عليكم
_ وعليكم السلام
ليليان فضلت واقفه بتبص علي البيت من بعيد عاوزه تنادي بصوت عالي علي عبده بس مش قادره...... عينها اتجمعت فيها الدموع ورجليها مش راضيه تتحرك
وائل كان قاعد مع الرجاله شاف ليليان واقفه بعيد اتنهد بحزن وقام راحلها وخدها في حضنه
ليليان حضنت وائل وقالت/ جدو وحشني يا وائل نفسي احضنه اوي
وائل زاد من حضنه ليها وقال/ اهو احضنيني انا متعرفيش كام وحده هتموت وتحضني
ليليان حضنته جامد وقالت/ ربنا يخليك ليا يا حبيبي
وائل/ ممكن متعيطيش؟ انتي عارفه ان تيتا عندها السكر ولو عيطتي ضغطها هيعلي والدنيا هتبوظ
ليليان مسحت دموعها بهدوء وقالت/ عيب عليك انا مبعيطش
وائل بتريقه/ ايوه ايوه صح
ليليان طلعت من حضنه ودخلت جوه وقالت/ السلام عليكم
_ وعليكم السلام
صفية/ تعالي يا حبيبتي جمبي هنا
ليليان راحت قعدت جمبها وحضنتها
مي/ الدكتورة ليليان اللي واحشاني
ليليان بابتسامه/ ميمو اللي مش واحشاني
مي بتكشيرة/ كده ماشي يا لي لي
وفجأة في حد صرخ ونط علي رجل ليليان وقال/ خالتووووو
ليليان حضنتها بحب وقالت/ نوري وحشتني اوي اوي اوي
نور بتبوسها وتقول/ لا انتي وحشتني اكتر
ليليان/ لا انتي اكتر
نور بغضب طفولي/ انا مش بحب عمو عمر
ريم من جمبها/ ليه ده عمر عسل
نور/ لا هو خد لي لي ومشي وهي خالتي انا
سيف ( ابن مي ) جه وقعد علي رجل ليليان وقال/ لا هي خالتي انا
نور/ قوووم دي خالتوو
سيف حضن ليليان وقال/ لا دي خالتو انا...... امشي هضربك يا نور
نور عيطت وراحت لصفيه وقالت/ خلي سيف يقوم
صفية حضنتها بحب وقالت/ طيب روحي لخالتو سارة او خالتو لارا
نور بعياط/ لا انا عاوزه لي لي مليش دعوة
ليليان بفخر/ ربنا يحبب فينا خلقه تعالي يا نوري اقعدي هنا
نور/ لا سيف يقوم الاول
ليليان/ انا خالتكو انتو الاتنين تعالي بقي
سيف ونور في نفس الوقت/ لا خالتي انا
كلهم ضحكو عليهم
ليليان نزلت سيف وقالت/ انا غلطانه انا هروح اشوف خالاتكو التانيين يلا بقي ومش هكلمكم تاني
ليليان طلعت عند لارا وسارة وسيف ونور فضلو يعيطو
* _____________________ *
ليليان/ يعني اقبل ولا لا؟
سارة/ ده حلمك يا ليليان انتي كنتي عاوزها من زمان صح؟ ليه ترفضيها دلوقتي
لارا/ سارة بتتكلم صح يا لي لي المفروض ابيه عمر يبقي متفهم الموضوع
ليليان بتسرع/ لا لا لا عمر ميعرفش اصلا هو بس المشكلة اني هبعد سنتين وعمر اكيد مش هيقدر يسيب شغله كل المدة دي ولا يسيب مامته
سارة بتفكير/ اممم صح.... طب حاولي معاه
ليليان/ لا انا هكلم دكتور آسر الصبح وابلغه رفضي
لارا بحزن/ فكري كويس يا لي لي ده حلمك
ليليان في سرها/ كله يهون عشان عمري
سارة/ روحتي فين؟
ليليان/ هاا لا بقول انا.... انا بس بقول مش مشكلة المنحه كده كده ممكن اعوضها تاني انا هدخل جوه
ليليان جريت علي اوضتها وغيرت وقالت بابتسامه/ الوقت جه.... انا هعترفلك بحبي يا روبوت انا بحبك يا ابو طويلة متتاحرش بس
* _____________________ *
السكرتيرة/ يا فندم مينفعش مستر عمر منبه ان محدش يدخله
_ هه قوليله حسن الصياد بس وهو هييجي
السكرتيرة/ انا اسفه مقدرش ادخل غير لما الاجتماع يخلص
حسن نفخ بضيق وقال/ هيطول الاجتماع ده؟
السكرتيرة/ معنديش علم يا فندم
حسن قعد قدام اوضه الاجتماعات مستني عمر وعدت نص ساعة وهو قاعد
واخيرا الباب اتفتح وعمر طلع منه مع الاجانب
عمر بص قدامه وشاف حسن قاعد اتعصب وقال/ انت بتعمل ايه هنا؟
السكرتيرة/ استاذ عمر هو جه من شوية وطلب يدخل بس حضرتك كنت في اجتماع
عمر ببرود/ مش عاوز اقابل حد انا داخل ومتدخليش اي مخلوق
حسن/ ولو كان الموضوع عن ليليان؟!
عمر اتعصب ومسكه من هدومه وقال/ اسم مراتي ميتنطقش علي لسانك فااااهم؟!
مراد بخوف/ Okay, Mister Mike, let's go
مراد مشي مع الاجانب وعمر فضل مع حسن
حسن وهو بيبعد عمر عنه قال بخبث/ ها هتسمع الموضوع؟
عمر بغضب/ ويا تري اي الموضوع اللي يخص مراتي واللي حضرتك هتقولهولي؟
حسن بص حواليه وقال/ معتقدش انك هتحب تسمعه هنا
عمر بغيظ/ رانيا متدخليش حد علينا وانت تعالي يلا
حسن دخل وقعد قدام عمر وقال/ انت خدت مني حاجه ولازم ترجعها
عمر ببرود/ هه انا هاخد منك انت؟.....ويا تري اي هي الحاجه دي؟
حسن ببرود/ ليليان؟!
عمر قام وقال بغضب/ قولتلك اسمها ميتنطقش علي لسانك فااهم؟
حسن/ هه اومال اقول ايه ان شاء الله
عمر بغضب/ متقولش
حسن/ مش ده اللي انا جاي عشانه افهم انا لو مكنتش اتغابيت زمان مكنتش ليليان هتبقي معاك دلوقتي
عمر مسكه من هدومه وضربه وقال/ انت هتستعبط يا روح امك ولا ايه؟!
حسن/ هههه صدقني احنا كنا بنحب بعض
عمر فضل يضرب فيه وحسن بيقول من بين الضربات/ انا.... اللي..... ضيعتها..... هي..... بتحبني
عمر فاض بيه وعيونه احمرت كور ايده بغضب ولكم حسن في معدته حتي بصق الدماء من فمه
حسن وقع علي الارض وقال بتعب/ انت ليييه مش عاوز تصدقني
عمر بغضب/ انا المفروض اصدقك بقي يا روح امك؟ اي حد يقولي حاجه عن مراتي اصدقه زي العبيط؟
حسن قام بصعوبه وفتح تليفونه ووراه شات وكانت بين حسن وليليان وهو بيقولها انه بيحبها وهي بتكلمه وبتقوله انها بتحبه
عمر باستهزاء/ ده مش رقم ليليان روح العب غيرها يا شاطر
حسن بخبث/ كمل بس
عمر قرأ الباقي وقبض علي ايده بغضب
~~~~الشاات~~~~
_ ليليان انا بجد آسف وبعدين دي بنت خالتي يعني عادي
_ بنت خالتك ازاي يعني؟ هو اي حد عنده بنت خاله بيحضنها؟
_ ليليان انا قولتلك عادي محصلش حاجه
_ طيب عاادي دي مش عندي بقي انت يا إما تهزأها وتقولها تبعد عنك يا أما انا اللي هبعد
_ ليليان انتي عاوزاني اشتم بنت خالتي؟ طيب وأمي اي موقفها؟
_ وانا اي موقفي من ده يا حسن..... بص انا مش عاوزه اعرفك تاني فاااهم ورقمي ده هغيره ويكون اشوف وشك تاني
~~~~~~~~~~~~~~
حسن نتش من عمر الموبايل اللي عينه احمرت والشيطان بدأ يوسوسله
حسن/ انا بغبائي ضيعتها كنت مفكر انه زي اي مرة بنتخانق فيها وهصالحها ببوكيه ورد وحضن بس ليليان عاقبتني بأنها بعدت عني علي طول واتجوزت
عمر مسكه من ياقته وقال بعيون حمرا/ هو انا المفروض اصدق الهبل ده؟ وانا ايه يثبتلي كلامك
حسن بحزن مصطنع طلع موبايله ووراه فيديو لليليان وهي لابسه بيجامه وبتغني " يا حياة الروح "
حسن بحزن/ انا ببعتلها رسايل اعتذار كتير من زمان بس هي مبتردش عليا والفيديو ده آخر فيديو بعتتهولي ده آخر ذكري منها
عمر وصل قمه غضبه والشيطان لعب في دماغه ومسك حسن نزل فيه ضرب
حسن بصوت متقطع/ هي.... مبت... حبكش... لو.... بتحبك... مش..... هتطلب منك انكو تطلقو.... بعد سنة جواز..... هي بتحبني...... هي بس حبت تعاقبني
عمر بغضب/ انت ايه اللي عرفك بالاتفاق؟!!!
حسن بتعب وخبث/ مش بقولك مبتحبكش..... ههههههه هيكون مين قالي غيرها...... هو حد يعرف غيركو؟ ههههههه
عمر نادي علي مرااد بصوت عالي وقال/ مراااااد
مراد دخل واتصدم من منظر حسن وقال بتردد/ خ.... خير؟
عمر بعيون حمرا/ خد الكلب ده وارميه بره.... يلاااا
مراد نادي الامن وطلعو حسن بره
عمر اخد جاكيت البدله وخرج بره الشركه ووشه ميبشرش بالخير
مراد بخوف/ ربنا يستر
* _____________________ *
نادين بفرحه بتتضفله الجروح وبتقول/ هيبييه متأكد انه صدقك؟
حسن بوجع/ اهااا بالرااحه ده كسرلي جسمي
نادين بفرح/ هاااانت..... اما نشوف هيعمل اييه معاها
* __________________ *
بعد تلات ساعات
الساعه 6 مساءا عمر وصل بيت ليليان ووشه ميبشرش بالخير ابدا
عمر بغضب مكبوت/ السلام عليكم
_ وعليكم السلام
مصطفي/ تعالي اقعد يا ابني
عمر ببرود/ لا معلش اومال فين ليليان؟
ريم/ فوق يا حبيبي اطلعلها
عمر أستأذن وطلع وخبط علي الباب
لارا/ ابيه عمر اتفضل
عمر/ ليليان فين؟
لارا/ جوه في اوضتها ادخلها اتفضل
عمر فتح باب الاوضه ودخل
ليليان كانت قاعده علي السرير وفي ايدها بوكيه ورد وفيه كارتين في ايدها مكتوب فيهم
الاول
" كنت اعتذر للك ولا اعلم ما هو خطئي ، فقط كأن همي الا افتقدك "
التاني
" اتفهمين ماذا يعني ان تكونين انتي اليقين الوحيد لشخص إمتلأت حياته بالاحتمالات "
ليليان كانت بتقرأ ومستغربه وبتفكر انها ليه مقالتش لعمر لحد دلوقتي وفاقت علي صوت عمر وهو بيزعق وبيقول بغضب/ ليليااااان
ليليان اتنفضت وسارة ولارا اتخضو ونزلو تحت عشان يسيبوهم براحتهم
ليليان بحب/ عمر؟ انت جيت امتي؟
عمر بغضب مكبوت/ لسه جاي
ليليان شافت عينه الحمرا وشعره المبعثر باهمال وقبضه ايده قالت بخوف/ ا... انت كويس
عمر بصلها بغضب ومردش
ليليان بحماس وخجل/ انا... انا كنت عاوزه اقولك حاجه
عمر مردش
ليليان/ انا... انا... انا... بح....
قاطعها صفعه قويه نزلت علي وجهها من عمر اللي يناظرها بغضب وعيون حمرا من شده الغيره
ليليان بصدمة/ عمر انت اتجننت ؟ انت.... انت ضربتني؟
عمر بغضب مسك موبايلها وفتحه بالبصمه اللي ضافها لنفسه من غير ما تعرف وجاب الرسايل وقرأ الرسايل وشاف الرسايل بتتبعت من اكتر من رقم واستنتج ان ده حسن
عمر بغضب/ ايييه ده
ليليان بخوف ودموع/ انا معرفش صدقني يا عمر انا بجد معرفش مين دول؟
عمر مسكها من ايدها بغضب وهزها وقال/ ازااي متعرفيييش ومقولتليييش ليييه؟ هاااا
ليليان بدموع/ انا كنت هقولك والله بس في اكتر من حاجه بتحصل وبتنسيني
عمر هز راسه بهستريه وبص شاف بوكيه ورد وقرأ الكارت واتجنن وزعق وقال/ مييين بااعت ده؟
ليليان/ انا.... انا معرفش
عمر دقق في الكارت شاف اسم حسن بخط صغير قال بغيره وغضب/ متعرفيييش هااا؟ اومااال ايييه ده؟
ليليان شافت الاسم واتصدمت وقالت/ انا.... انا بجد معرفش يا عمر انا مشوفتش الاسم
عمر ضربها بالقلم للمرة التانيه ومسكها من شعرها وقال بغضب وغيره عمياء/ بقي انا تعملي فياا كده؟ تضحكيي عليا؟ توافقي تتجوزيني عشااان تعااقبيييه؟ هاا بتحبييه اوي؟ لا وقولتيله علي اتفاقنا صح؟ انتي...... ايه
ليليان اتصدمت من كلامه وقالت بدموع/ انت..... انت بتقولي انا الكلام ده يا عمر؟ انت مبتثقش فيااا خاالص؟ انت..... انت اكتر وااحد عاارف انا بكره حسن قد اييه؟
عمر بغضب/ انا كنت فاكرك بتكرهيه عشان بيضايقك يا هاانم بس الظاهر انك خبيتي عني انكو.....
ليليان قاطعته بصفعه علي وجهه وقالت بكبرياء/ مسمحلكش يا استاذ عمر مش انا اللي اتضرب ومش ليليان الشناوي اللي تتهمه زي دي
عمر عيونه احمرت وقال/ انت عملتي ايه هااا؟ انا الظاهر اني تهاونت معاكي يا ابله ليليان..... فين ليليان الشناوي دي؟.....ليليان المتربيه اللي عارفه الاصوال طلعت انسانه معندهاش دم ولا كرامه بتكلم واحد من ورا جوزها ومقضياها صح
ليليان بصتله بكره وقالت وهي تحاول استجماع كرامتها/ انا اغلي حاجه عندي كرامتي يا استاذ عمر وانا لا يمكن اقبل اعيش معاك تاني..... طلقني
عمر بغضب/ هه اطلقك عشان تروحي لحبيبك صح يا دكتورة يا محترمة؟.......وطلع الشات والفيديو ووراها وقال/ بتبعتيله فيديوهات وانتي بتغنيله؟ هه ما شاء الله بجد وعاملالي الخضره الشريفه؟!!!
ليليان بدموع وانكسار/ طلقني يا عمررر!!!
عمر بتحدي/ مش مطلق يا ليليان انا هوريكي الزل بس مش هطلقك
ليليان بعند وكرامه/ هه لوعندك كرامه تطلقني!!
عمر بغضب/ عشان تروحيله؟
ليليان بعند وكسره/ اه هروحله وبحبه....... وملكش دعوه..... ده احسن منك مليوووون مرة علي الاقل مبيرفعش ايده علي وحده ست!!!
عمر الغضب عماه وضربها بالقلم وقال بكسرة/ انتي طالق يا ليليان....... طاالق.... طاالق....!!!
بقلم/       Ghdeer ✨