* الفصل السابع عشر*
في الشرقيه في عياده الطبيب
الدكتور بحزن/ للاسف يا حج عبدالحي قدامك شهرين بالكتير
عبدالحي بحزن/ قل لن يصيبنا الا ما كتب الله لنا
الدكتور/ ونعم بالله يا حاج...... وانا اسف والله
مصطفي بدموع/ يعني ايه يا دكتور مفيش اي امل حتي لو هنسفره بره
الدكتور/ هنا زي بره مش هتفرق حاجه يا استاذ مصطفي
عبدالحي/ خلاص يا مصطفي ده قدر ومكتوب المهم ليليان متعرفش حاجه يا مصطفي
مصطفي بدموع/ حاضر يا حاج
~~~~~~~~~~~~~~~
ليليان/ امال عبده فين يا صفصف
صفيه/ خرج مع ابوكي يا بنتي
عبدالحي/ انا اهو يا حبيبتي
ليليان راحت حضتنته وقالت/ خمسه وراجعه هغير بس
عبدالحي/ ماشي يا حبيبتي
ليليان نزلت والكل كان متجمع
صفيه بدموع/ يعني ايه ؟ مفيش امل
ساره/ اكيد في دوا يا جدو
وائل/ طب نسافر بره بيك يا جدو
احمد/ ايو يا بابا لازم نسافر ونعالجك
عبدالحي/ ده قدر ونصيب انا مش زعلان ولا خايف اهم حاجه انتم تخلو بالكو من نفسكو........ ووصيتي ليكو ليليان خلو بالكو منها هي رقيقه بس عاوزه اللي يفهمها........ متخلوهاش تعيط ولا تزعل وقولولها انها اكتر وحده رفعتلي راسي وصيتك ليليان يا صفيه
وفجأة سمعو صوت مهزوز بيقول/ ع.. ع...... عب..... د.... ه...
بصو شافو ليليان واقفه وعينها مليانه دموع وبتقول وهي بتهز راسها/ ايه يا عبده ده ؟ لا لا لا ده كدب...... لا يا حبيبي دول...... كدابين يا عبده ......لا يا عبده انت كويس يا حبيبي ايو...... والله انت كويس صح.......
بصتلهم لقيتهم بيعيطو قالت بثبات/ انت هتبقي كويس متأكده من ده...... محدش يعيط..... وراحت حضنت عبدالحي وفضلت تخترف في الكلام
عبدالحي/ ايو يا حبيبتي انا كويس متعيطيش ومتخافيش عليا....... مصطفي!
مصطفي بصوت مهزوز/ ايو يا حاج
عبدالحي/ شوف عمر وريم وصلو فين
مصطفي/ حاضر
مصطفي اتصل علي عمر وعمر قاله انه قرب يوصل
بعد شويه عمر وصل وشاف ليليان في حضن عبدالحي وبتعيط بصمت وكلهم في حاله يرثي لها
ريم دخلت واول ما عرفت فضلت تعيط وعمر حضنها وهداها
عبدالحي قال/ انا عاوزكو تتجوزو خلال الشهر ده
كلهم اتفاجئو من طلب عبدالحي..... وعمر قال/ ايو بس....
عبدالحي قاطعه/ انت هتفضل هنا طول الشهر مش هتمشي غير وليليان مراتك ورايحه معاك
كلهم اتصدمو الا ليليان مش معاهم اصلا كانت في عالم تاني
عمر/ اللي حضرتك تشوفه
عبدالحي حسس علي شعر ليليان بحنان وقال/ ايه رايك يا حبيبتي
ليليان/ لا رد
عبدالحي زعل علي حالتها/ ليليان انا بكلمك
ليليان/ اللي يبسطك انا هعمله يا عبده
عبدالحي/ حبيبه عبده انتي...... خلاص كتب الكتاب الشهر الجاي
هنعمل للي لي احلي فرح في التاريخ
كلهم فرحو وزعلو في نفس الوقت
عمر بص لليليان وزعل علي حالتها جدا وطلع وقف بره
عبدالحي/ ليليان اطلعي نامي يا حبيبتي
ليليان بصتله بتوهان وقالت/ حاضر
ليليان طلعت اوضتها وعمر وريم نامو تحت
وعدي اليوم بحزنه وثقله علي الكل
مر شهر علي ابطالنا........ نبذه عن اللي حصل فيه....
........ليليان عندها امل ان عبدالحي هيخف ورفض فكره انه مبقالوش غير شهر واحد
........عمر زعلان علي حاله ليليان ولسه بيغير عليها وبدأ يحبها
.......كل البيت زعلان علي عبدالحي ومتضايقين من فكره انه هيسيبهم
........نادين حاولت تعرف عمر فين بس هو قافل موبايله
اليوم يوم كتب الكتاب
البنات بيلبسو ليليان بعد الحاح عبدالحي عليها........... والماذون جه واخير قال
* بارك الله لكم وبارك عليكم وجمع بينكم في خير *
عبدالحي/ حد يسمعنا زغروطه يا جماعه
صفيه وريم زغرطو والكل بدأ يبارك....... وليليان قاعده مببتكلمش
عبدالحي/ مبروك يا حبيبتي
ليليان بصتله وقامت حضنته وقالت/ الله يبارك فيك يا عبده
عبدالحي/ عاوزين نحدد يوم فرحك
ليليان/ بس انا مش عاوزه فرح
عبدالحي/ ودي تمشي ازاي ؟ ليليان الشناوي تتجوز كده لا مينفعش
ليليان/ ريحيني يا جدو وانا مش عاوزه فرح
عبدالحي/ بس......
مصطفي/ خلاص برحتك يا بنتي
عبدالحي/ بقي كده ؟ ماشي عمر من بكره تاخد مراتك وترجعو
ليليان/ مرات مين ؟ ومين دي اللي ترجع
عبدالحي/ هو متجوز كام وحده يعني....... اكيد انتي
ليليان/ لا لا انا هقعد معاك
عبدالحي/ مينفعش هتروحي مع جوزك
ليليان/ هروح معاه فين
عمر/ هنسافر دبي
ليليان/ بس انا مش عايزه اسافر
عبدالحي/ عشان خاطري يا لي لي لو ليا خاطر عندك
ليليان باستسلام/ حاضر
عبدالحي حضنها وقال/ ساره. لارا....... اطلعو جهزو شنط ليليان
لارا. وساره طلعو....... وليليان قالت/ ممكن انام في حضنك النهارده
عبدالحي بحب/ ماشي يا حبيبتي
كل واحد طلع بيته وليليان فضلت نايمه في حضن جدها للصبح
تاني يوم عمر وليليان جهزو...... وليليان ودعتهم وفضلت حاضنه عبدالحي........ وهو نظر لها نطره اخيره وكأنه بيقولها اشوفك في الاخره
ليليان وعمر سافرو دبي ووصلو الشقه
عمر/ اتفضلي
ليليان دخلت ببرود ومتكلمتش
عمر/ هتفضلي ساكته كتير
ليليان بدموع/ ممكن توديني لعبده
عمر بتأثر/ حاضر هنقعد اسبوعين وبعدين نرجع
ليليان/ هو مستنيني صح
عمر/ اكيد
ليليان نطت بفرحه وقالت بفرح/ طيب لازم الاسبوعين دول يخلصو بهدوء عشان اروح لعبده وكملت وهي بتشاور علي اوضه النوم........ بص انا هنام هنا وانت هتنام في اي حته تانيه
عمر تجاهلها ودخل اوضه النوم وغير ولبس لبس بيتي ونام علي السرير وقال/ انا هنام هنا
ليليان حطت ايدها في وسطها وقالت/ وانا هنام فين انشاء الله
عمر ببرود/ هنا برضو
ليليان شهقت بخفه وقالت/انت انسان قليل الادب وانا مش هنام جمبك
عمر/ خلاص مش هنرجع لجدك هنستقر هنا انا عجبني المكان
ليليان جريت عليه وقعدت علي حرف السرير وقالت/ خلاص متبقاش قفوش كده
عمر بصلها وحط ايده ورا راسه وغمض عينه وقال/ انتي جعانه
ليليان/ لا شكرا....... وقامت تغير هدومها
ليليان اخدت بيجامه ودخلت الحمام وغير وسرحت شعرها...... وراحت علي طرف السرير وطلعت الموبايل وفضلت تلعب عليه لحد ما نامت
يتبع .......
أنت تقرأ
رواية " على الحان الماضي " الجزء الأول
Romanceرواية " على الحان الماضي " .... روايه رائعه ومشوقه ، انا لست الكاتبه .... انما انا ناقله فقط ... اتمنى تعجبكم الروايه ... ارائكم فى التعليقات ♥
