رواية " على الحان الماضي " الجزء الأول

Part 8

* الفصل الثامن *
ريم بصتلهم وعرفت ان ليليان هي اللي ضربت عمر فضحكت بهدوء
عبدالحي :" باااس كفايه ايه ناقر ونقير "
ليليان بتحضن جدها وتقول انت عارفني اني طيوبه يا جدو هو اللي عصبني
عمر :" ديه عامله زي الاراجوز "
ليليان :" مين ديه اللي ارجواز انت اللي..."
مصطفي :" عمر ليليان خلاص كفايه "
ادم جاب مج القهوه وقال : ليليان امسكي
ليليان قاما وقفت وحضنت آدم وقالت مرسي يا دومي
عمر في اللحظه دي اتضايق وكان عاوز يقوم يولع في ادم وفضل يبصله هو وليليان وعينه بتطلع شرر "
ريم اخدت بالها من عمر لانها حافظاه وقالت بخبث :" الا قوليلي يا ليليان انتي بقي يا روحي شوفتي عمر فين "
ليليان بتشاور علي عمر وبتقول :" ده ابدا دي كانت صدفه وحشه مش اكتر "
عمر ساكت لانه عرف انها عملت كده لانها مامتها متوفيه وهو غلط فيها "
مي :" ليليان حسن كل يوم قارفني بيكي وانا مش عارفه اعمل ايه "
ليليان وهي بتتعدل علي الكنبه وتقولها وهي بتشاور علي عمر :" عارفه الراجل ده اهو حسن ابوخ منه "
عمر ببرود :" شكراً "
ليليان بغضب من بروده :" مي قولي لحسن ده يحل عني انا دماغي واجعاني مش ناقصاه هي
مي :" اي يا لي لي انتي مش عاوزه تبقي سلفتي ولا ايه "
ليليان بتريقه :" لا مش عاوزه هو هيكون دنيا واخره "
ريم ضحكت بصوتها كله... وكلهم بصولها وقالت :" اقسم بالله فظيعه انتي بتفكرني بنفسي اوي "
مصطفي بضحك :" اه انا من زمان ملاحظ الموضوع ده "
ليليان بصت لقت وائل واقف لوحده فابتسمت بخبث وراحت وقفت جمبه وكلهم باصينلها وطلعت الموبايل وعملت نفسها بتتكلم وقالت :" الو يا امل • وائل تركيزه بقي معاها •عامله ايه يا روحي اي ده في ايه ده بجد الف مبروك الخطوبه امتي بقي عشان الحق اجيب الفستان
وائل بصلها بغضب ونتش منها التليفون واتكلم وقال :" خطوبه مين دي يا روح امك ابيقي اتخطبي كده وانا هطربقها علي دماغكم "
ليليان انفجرت في الضحك و وائل بص لقي الكل بيضحك وبص لقي التليفون مقفول بص لليليان وهي في ثانيه كانت جمب عبدالحي
وائل :" ماشي يا ليليان الكلب والله لوريكي "
ليليان :" انا مالي يا بابا مش انت اللي نتشت التليفون "
وائل :" انا فكرت... "
ليليان بخبث :" فكرت ايه يا لولي "
وائل بغضب اكبر :" ماشي والله لتشوفي "
عبدالحي بضحك :" حرام عليكي اللي بتعمليه فيهم ده "
ليليان :" ما هم يستاهلو يا حج "
ليليان بصت لصفيه وقالت بحزن :" ازيك يا صفصف "
صفيه بصتلها :" اهلا"
ريم لاحظت التوتر بينهم وقالت في ايه يا مصطفي امك مالها "
مصطفي :" مبتكلمش ليليان عشان رفضت تتجوز حسن "
عمر بانفعال :" حسن مين "
مصطفي وريم بصوله باستغراب
مصطفي قال :" اخو جوز مي "
ريم بخبث :" طب هي رفضاه ليه ؟ مش حلو "
مصطفي :" ابدا ده كويس جدا ومعاه كليه كمان وفوق ده كله لو طلبت نجمه من السما هيجبالها "
ريم بصت لعمر وقالت :" مش يمكن بتحب حد ؟
عمر انتبه وبص لمصطفي بتركيز
مصطفي :" لا لا لو بتحب حد كانت هتقول للحاج عبدالحي لانها بتقوله كل حاجه يعني هو صاحبه قبل ما يكون جدها "
ريم :" اها! طيب مش م... "
صفيه :" بتوشوشو في ايه "
ريم :" ولا حاجه يا ماما وتابعت وهي تنظر الي مي امال فين امك يا مي "
مي :" ماما بتعمل عمره "
ريم بابتسامه :" ربنا يرجعها بالسلامه "
كلهم يا رب
وبصت لعبدالحي وقالت :" امال احمد مين "
عبدالحي بص لليليان وقال :" احمد سا فر بره مصر هو ومراته وعياله "
ريم :" سافرو طب ليه "
ليليان كحت وقالت :" انا هدخل المطبخ "
ريم :" هو مش هيرجع "
عبدالحي بارتباك :" هوو.. "
صفيه :" ما تقول اللي فيها وخلاص "
ريم :" في ايه يا ماما خوفتيني هو كويس صح "
صفيه :" اه اخوكي كويس بس ابنه لا "
ريم :" ابنه مين "
صفيه :" ابنه الكبير زين كان متقدم للدكتوره اللي راحت المطبخ ورفضت واتحايل علي ابوكي يخليها توافق ابوكي رفض وقال انا هجبرها فالولد تعب نفسيا واخوكي زعل علي ابنه فسافر وقال لما ينسي هيرجعو "
ريم :" كل شيء قسمه ونصيب واللي بيحب مبينساش احمد غلط لما سافر كان المفروض يوعي ابنه ان كل حاجه قدر ومكتوب مش يهربه من الواقع "
~~~~في مكان تاني~~~~
_ ها بدأت تراقبه
_ ايو يا فندم خرج النهارده هو وامه وراحو الشرقيه وفضلت ماشي وراهم لحد ما عرفت البيت اللي راحو "
_ نقطه ضعفه
_ للاسف يا فندم لسه محددتهاش بس قربت اوي هحددها
_ هاانت يا ابن السيوفي هتحصل ابوك
~~~~في فيلا عمر~~~~
نادين :" يوووه هم اتاخرو ليه كده "
سعاد :" هه.. انا اعرف يختي وبعدين حتي لو هنا هو الواد طايقنا يا حسره "
نادين بخبث :" هيقع وقريب اوي يا ماما كل ده هيبقي ليا انا وبس
~~~~عند ليليان~~~~
الجرس رن وليليان راحت تفتح واتصدمت وقالت : هو انت!
حسن بابتسامه :" ازيك يا لي لي
ليليان بضيق :" اسمي ليليان "
حسن :" هتسيبني واقف علي الباب كده "
ليليان :" لا ازاي اتفضل "
حسن :" يزيد فضلك يا دكتوره "
ليليان دخلت ووراها حسن
والكل قام يرحب بيه
عمر يهمس لريم :" مين ده "
ريم سألت مصطفي وقالها ان ده حسن
ريم بصت لعمر بخبث وقالت :" ده حسن اللي عاوز يتجوز ليليان
عمر اتضايق وبص لحسن بضيق هو ميعرفش سببه
حسن :" معلشي انا اسف اني جيت من غير موعد "
مصطفي :" اي يبني الكلام ده انت تنور في اي وقت "
حسن :" بنورك يا عمي وبص لليليان وقال ازيك يا لي لي "
عمر اتضيق وقال :" اسمها ليليان
كلهم بصوله باستغراب ماعدا ريم اللي ضحكت بخبث
ليليان قالت :" الجدع ده اول مره يقول حاجه صح انا اسمي ليليان الدكتوره ليليان "
حسن :" خلاص يا ستي ولا تزعلي "
ليليان قامت ووقفت وقالت :" انا هدخل جوه "
دخلت وحسن لسه هيتكلم عمر وقف وقال :" انا عاوز اتجوز ليليان "
كلهم اتصدمو وبصو لعمر وحسن وقف وقال بغضب :" تتجوز مين ايه اللي انت بتقوله ده "
ريم بسعاده :" انت قولت ايه يا عمر "
عمر :" ايه يا جماعه بتبصولي كده ليه انا عارف الانسه ليليان من فتره وكنت هاجي اخطبها من خالو مصطفي وكمل بخبث بما ان الكل موجود فده انسب وقت "
عبدالحي بص لعمر وبص لحسن وقال :" اهدو يا جماعه واقعد يا حسن "
حسن بغضب مبكوت :" حضرتك مش شايف بيقول ايه "
عمر بخبث وبرود :" بقول ايه يا استاذ حسن واحد بيتقدم اهو المفروض أستأذن ولا ايه "
حسن :" لا يا استاذ بس انا متكلم عليها الاول وكنت جاي اتقدم النهارده ولا ايه يا حاجه صفيه ماتتكلمي "
صفيه :" اقعد يا حسن بس "
حسن قعد قصاد عمر وبيبصله بشرار وعمر بيبصله ببرود
عمر :" خالو مصطفي انا قولت لحضرتك اني عاوز اتجوز ليليان وكنت مستني الوقت المناسب عشان اطلبها واهو جه "
مصطفي :" ايو يا بني بس.. "
عبدالحي :" خلاص يا جماعه القرار ده قرار ليليان وبس "
صفيه :" هو كل حاجه قرار ليليان في ايه البت ديه مش هتجبها البر "
عبدالحي بغضب :" انا قولت كلمه با جماعه وليليان مش موافقه عليك يا حسن يا ابني وكل شيء قسمه ونصيب "
حسن بغضب :" ماشي يا عم أستأذن انا بس ليليان لو مش ليا فمش هتكون لغيري وسابهم ومشي "
وائل راح قعد هو ولارا وادم في ركن وانفجرو في الضحك
عبدالحي :" بتضحكو علي ايه انتو كمان "
ادم بضحك :" لا ولا حاجه اصل العرض ده احنا شوفناه في مسلسل قبل كده "
لارا :" انا برضو شوفته بس مش فاكره كان تركي ولا هندي "
ريم :" هههه احنا في ايه ولا ايه"
عمر :" المهم نكمل موصوعنا يا خالو "
مصطفي بابتسامه :" هي ليليان فين يا لارا "
لارا :" مش عارفه والله يا بابا هي دخلت الاوضه لما حسن جه"
مصطفي :" طب ناديهالي كده "
لارا :" حاضر"
لارا راحت عند الاوضه وخبطت وليليان طلعت وكانت لابسه لابس خروج
لارا :" اي ده انتي رايحه فين "
ليليان :" انا هنزل انا وامل مشوار وسعي كده اما اروح اقول لجدو "
ليليان راحت عندهم وكلهم استغربو لانها لابسه لبس خروج"
عبدالحي :" اي ده انتي رايحه في حته "
ليليان :"  انا هخرج مع امل بعد اذنك طبعا يا جدو "
عبدالحي :" ماشي يا حبيبتي متتاخريش "
مصطفي :" استني يا ليليان "
ليليان :" نعم يا بابا "
مصطفي وهو ينظر لعمر :" اقعدي يا بنتي عشر دقايق "
ليليان بتوتر :" ح.. حاضر "
مصطفي :" عمر طالب ايدك "
ليليان بانفعال :" لا طبعا عمر مين ده "
عمر ببرود :" عمر مين يعني عمر محمد خالد السيوفي "
ليليان :" هو انا هطلعلك بطاقه ولا اكون هكتب كتابك "
عمر بخبث :" ممكن برضو نكتب كتابنا "
ليليان بنرفزه :" يخريبت برودك "
عمر :" انتي... "
صفيه :" شوفتو اهو بيتخانقو من دلوقتي هيتجوزو ازاي دول تاني يوم هيضربو بعض "
ريم بسرعه :" ما محبه الا بعد عداوه يا صفصف وبعدين دول بيعاندو في بعض بس مش اكتر صح يا عمر "
عمر :" ها.. اه طبعا "
صفيه قربت من ليليان وقالتلها بهمس :" يكون في علمك يا بنت مصطفي لو رفضتي عمر هتتجوزي حسن ورجلك فوق رقبتك "
ليليان فضلت واقفه مكانها وبتفكر في كلام جدتها طيب يا تري هي صفيه هتجوزها حسن فعلا
طب هي مبتحبش عمر هتتجوزه ازاي طب عمر ولا حسن وفجأه قالت بصوت عالي :" الاتنين باردين "

يتبع ......