* الفصل الرابع عشر *
في اليوم التالي
ليليان صحيت من النوم بعد تعب طويل دخلت الحمام غسلت وشها واتوضت وصلت الصبح
طلعت بره لقيت لارا قاعده وباين علي وشها الحزن
ليليان : صباح النور
ليليان : ها القمر ماله علي الصبح كده
لارا بابتسامه مزيفه : ابد مفيش حاجه
ليليان بمرح : هتخبي علي لي لي يا بت انا عاجناكي وخابزكي و....
لارا : باااس احنا هنبدأ
ليليان تكمل وهي تعرف سبب حزنها : قالك ايه....
لارا بزهول : هو مين
ليليان بخبث : هشام...
لارا : هو انتي عارفه
ليليان بمرح : يا حبيبتي انا مولوده مع العرابه الطيبه بتاعت سندريلا عارفه ها ؟...هههههه
لارا بحزن : انا ليه كل ما انساه في حاجه تفضل تفكرني بيه
ليليان بحزن : طيب هو قالك ايه
لارا : كنت ماشيه في الحفله وبعدين خبط في حد....
~~~~فلاش باااك~~~~
لارا : انا اسفه يا استاذ
وبعدين بصتله وقالت : هو انت...
هشام بابتسامه : ازيك يا لارا
لارا بغضب : انت اللي جابك هنا؟
هشام : جاي خطوبه صاحبي
لارا : صاحبك ؟ صاحبك مين ؟اه... ت.. تقصد عمر ؟
هشام : اكيد امال هقصد مين يعني
لارا كانت لسه هتمشي هشام قالها : لارا انا والله مظلوم انتي شايفه الموضوع من ناحيتك بس
لارا بنفاذ صبر : احنا فيها اهو يا هشام قولي يلا وجهه نظرك
هشام سكت
لارا بغضب : ساكت ليه يا استاذ هشلم ؟ماتقول
هشام بص في الارض : مش هقدر اقولك لان ده مش خاص بيا لوحدي انا كل اللي طالبه انك تثقي فيا....
لارا بهدوء : والله يا سياده اللوا لما تبقي تقول سبب مقنع للي عملته ده هبقي افكر يا تري تستاهل ثقتي ولا لا
وسابته ومشيت
~~~~~عوده للحاضر~~~~~
ليليان : طب ما يمكن مظلوم
لارا بغضب : بعد كل ده وتقوليلي مظلوم ؟ انا اديته اكتر من فرصه يبرر موقفه بس هو مبيعملش غير يقول اسف مش هقدر
ليليان تغير الموضوع وتقول بمرح : امال فين اخوكي وابوكي وسكان البيت
لارا : وائل راح القاهره مع عمر وعمتو وبابا تحت
ليليان : طيب انا هنزل اشوف عبده
لارا اومأت بالايجاب وليليان نزلت تحت عند عبدالحي وكان الكل متجمعين علي السفره
ليليان : السلام عليكم
كلهم : وعليكم السلام
ليليان بصت لعبدالحي وقالت : ازيك يا عبده
عبدالحي بحب : بقيت احسن لما شوفتك يا روح عبده
ساره : اه... قلبي الصغير لا يتحمل كل الحب ده...
ليليان بتحضن عبدالحي وبتقول : بس يا به يا غيوره
احمد : ههههه.... يالهوي منكو
ليليان جابت كرسي وقعدت قصاد عبدالحي وقالت بهمس : هو انا مقلتلكش
عبدالحي بضحك وبهمس أيضاً : لا قولتلي ايه
ليليان بهمس : مش انا عملت اول عمليه ليا وكانت ناجحه
عبدالحي بفرح قام وقال : بتتكلمي جد
ليليان قامت وقالت : اه والله يا راجل شوفت ازاي
عبدالحي حضنها وضحك بدموع وقال : ربنا يوفقك يا حبيبتي وتفضلي رفعه راسي.... انا بمشي وبكون نفسي اقول للكل... انا جد الدكتوره.....
ليليان : تؤ تؤ انت مش جدها بس... انت ابوها واخوها وصاحبها وروحها يا عبده
مصطفي : انا بقول نمشي احنا يا جماعه
احمد : انا بقول كده برضو ههههه
ساره : لا انا عاوزه.... حضن اشمعنا انا....
ليليان بشر : به ملكيش دعوه بجدي! والله هضربك
ساره قربت منهم وقالت بطفوليه : هو كان جدك لوحدك يختي ولا ايه.....
لسه هتحضنه ليليان وقفت قدامه وقالت : امشي يا بابا..... ده جدي انا وبس
ساره : انتي........
زين : باااس في ايه يا ساره انتي وليليان ماتعقلو
ليليان بطفوليه : اختك عاوزه تحضن...... جدي
ساره بزهول : ما هو جدي انا كمان
ليليان : والله.... والله هعورك
عبدالحي انفجر ضحكا وقال : خلاص يا لي لي .....خلاص يا ساره..... وحضنهم وقال انا جدكم انتو الاتنين
ليليان بدموع : لا جدي انا
عبدالحي : هههههه خلاص ماشي
وكلهم كانو بيضحكو وعبدالحي حضن ساره وليليان...... وفجأة ليليان انفجرت في العياط
كلهم اتخضو وجريو عليها
عبدالحي بخضه : ايه يا لي لي.... بتعيطي ليه.....
ليليان بتعيط ومبتردش
ساره طلعت من حضن عبدالحي وقالت : خلاص يا ليليان متعيطيش هو جدك انتي يا ستي
زين : انتي بتعيطي ليه طيب
مصطفي بزهول : في ايه يا بنتي
هدي : قل اعوذ برب الفلق.....دي عين يا حبيبتي
ليليان مكلبشه في جلبيه عبدالحي ومبتردش
عبدالحي بحرن : طيب مين مزعلك طيب ؟ مصطفي
مصطفي : انا ؟ والله ما كلمتها
ليليان بتعيط وصوتها عالي.... ولارا نزلت علي صوتها واتخضت من منظرها
صفيه قاعده علي السفره بس قلبها رق لليليان مهما كان هي حفيدتها وبتحبها
صفيه قامت وقعدت جمب ليليان وخدتها في حضنها وليليان عيطت اكتر.... صفيه بدأت تقرأ قرآن علي ليليان...... لحد ما هديت ونامت في حضنها
كلهم كانو مصدومين من تصرف صفيه بس فرحو لانها مبقتش زعلانه من ليليان
صفيه بحزن علي حال حفيدتها : مالك بس يا بنتي ده كله من العين..... قل اعوز برب الفلق..... خمسه في عين كل من شافك ومصلاش علي النبي......
ليليان نامت في حضنها ومحدش فاهم اي اللي حصلها ( طبعا انتو عارفين 😉)
مصطفي : هاتي يا ماما هشيلها واطلعها فوق
صفيه : لا سيبها يا ابني
عبدالحي بص لليليان بحزن....... وسمع صوت آذان الظهر قام وقال : احمد.... مصطفي..... زين..... يلا علي الجامع
كلهم : حاضر
كلهم مشيوا وسابو ليليان في حضن صفيه..... ولارا وساره جمبها........ وبعدين سمعو ليليان بتبرطم وتقول : ج... جدو....
كلهم انتبهولها وقربو منها عشان يسمعوها
ليليان بهلوسه : عب... د... الحي.....متس..... بنيش.....
لارا وساره اتصدمو
لارا قالت : مين قالها ؟ هي عرفت ازاي
ساره : والله ماعارف انا زيي زيك
صفيه : عرفت ايه البت مالها
لارا بدموع : باين انها عرفت بمرض جدو يا تيتا
صفيه بزعل : اهو عشان كده جدكم مكانش عايزها تعرف وكملت بغضب.... بس مين قالها ؟؟؟
يتبع ........
أنت تقرأ
رواية " على الحان الماضي " الجزء الأول
Romanceرواية " على الحان الماضي " .... روايه رائعه ومشوقه ، انا لست الكاتبه .... انما انا ناقله فقط ... اتمنى تعجبكم الروايه ... ارائكم فى التعليقات ♥
