رواية " على الحان الماضي " الجزء الأول

Part 24

* الفصل الرابع والعشرون *
عمر/ هااا يا هشام عملت ايه
هشام/**********
عمر ابتسم بشر وقال/ تمام اوي انا عاوزه حي يا هشام!
هشام/ نيفر مايند يا صاحبي
عمر/ يلا يا هشام سلام
~~~~~~~~~~~~~~
ليليان قاعده في الاوضه ودخلت عليها الممرضة
الممرضة بهدوء/ احمم دكتورة ليليان ازاي حضرتك دلوقتي
ليليان بابتسامة/ الحمد لله احسن
الممرضة/ احمم طيب انا محتاجة اسحب عينة دم من حضرتك عشان نعمل شوية تحاليل
ليليان بخوف/ لا لا بلاش انا كويسه!
الممرضة باستغراب/ حضرتك دكتورة وخايفه من الحقنه
ليليان/ لا لا لااا انا مش خايفه انا مش عاوزه بس انا.....
عمر دخل ومعاه العصاير وشاف ليليان خايفه
عمر بخوف/ في ايه يا ليليان مالك
ليليان بدموع/ انا مش عاوزه الحقنه دي
عمر اتنهد باريحيه وقال/ خضتيني وبعدين قال للمرضة..... تعالي شوفي شغلك
ليليان/ لا يا عمر لو سمحت انا مش عاوزه
عمر مسك ايدها وشمر كم التيشيرت وقال/ متخافيش دي شكه صغننه خالص ماشي
ليليان غمضت عينها جامد وغرزت ضوافرها في ايده وتاوهت بخفوت
الممرضة خلصت ومشيت وليليان لسه مغمضه
عمر/ اهاا يا بنت الجزمة
ليليان فتحت عينها بزهول وقالت/ الكلام ده ليا انا
عمر/ اكيد مش لامي مثلا بص ضوافرك عملت ايه في ايدي
ليليان بصتله بشر وقالت/ تستاهل يلا بقي
عمر/ انا! ماشي يا ليليان انا غلطان اني قاعد معاكي اما اروح لسيلين
ليليان بغيظ/ اها روحلها يا روميو زمانك وحشتها يا حرام
عمر باستمتاع/ اه صحيح بقالي كام يوم مشوفتهاش اما اروح اصلها وحشتني اوي بصراحه
ليليان بغيظ/ وحش اما يلهفك انت وهي يا شيخ
عمر/ احترمي نفسك
ليليان بضيق/ ماشي
عمر بزهول/ انتي بتعيطي ليه؟
ليليان بدموع/ ملكش دعوة بيا
عمر قرب منها ومسح دموعها وقال/ بتعيط ليه يا سمسم
ليليان ضحكت
عمر بغناء/ ضحكت يعني قلبها مال
ليليان مثلت الجدية وقالت/ ملكش دعوة بيا روح لسيلين يلا
عمر/ اه صح انا ماشي رايح لسولي....... وعمل نفسه ماشي وطلع من الاوضة
ليليان بصت لباب الاوضة اللي اتقفل وعيطت بصوت عالي
عمر كان واقف بره بيضحك واول ما سمع صوت عياطها اتخض ودخل جوه
عمر بلهفه/ طيب بتعيطي ليه انا بهزر معاكي
ليليان بتعيط ومبردتش
عمر/ خلاص بقي يا ليليان بطلي عياط
ليليان بشهقات/ انت كنت هتسيبني وتروح لسيلين صح
عمر ابتسم وربت علي شعرها وقال/ انا مسحيل اسيبك يا لي لي انا ما صدقت لقيتك عاوزاني اسيبك بالسهولة دي؟ مستحيل فاهمه
ليليان هديت ومسحت دموعها ووشها كان احمر من العياط
عمر بمرح/ انتي اي حاجة تعيطي عليها ليه كده * ديه انا يا عمر والله 😂* ديه لين اعقل منك
ليليان بغيظ/ مين لين دي كمان؟
عمر/ دي بنت الجنايني عيلة صغيرة في كي جي
ليليان/ اه بحسب
عمر/ لا متحسيبيش
ليليان/ احنا هنروح امتي؟!
عمر/ بكرة ان شاء الله هنرجع البيت
ليليان بزهق/ هووف طيب
~~~~~~~~~~~~~~
ونقول عدي اسبوعين ونلخص اللي حصل فيهم........
عمر وليليان رجعو القاهرة ومعرفوش حد باللي حصل لليليان........ وعمر قال لريم انه قابل ليل وريم اتضايقت من طريقة معاملته ليها ولانه مسمعهاش
عمر بيدور هو وهشام علي اللي قتل ابوه
ليليان عايشه بهدوء وبتفكر في اعتراف عمر ليها بس مش قادرة تاخد قرار ثابت
~~~~عودة للحاضر~~~~~
الساعة عشره الصبح في بيت امل
امل/ بس يا ماما احنا قاريين فاتحة!
الام/ يا امل انا عاوزه اطمن عليكي عشان خاطري يا بنتي اتجوزي ابن خالتك ده بيحبك يا بنتي والله
امل بحزن/ بس يا ماما انا بحب وائل
الام/ امل وائل مخدش خطوة لقدام من يوم قرايه الفاتحه...... وبعدين ابن خالتك اولي بيكي لو متجوزتيهوش هموت غضبانه عليكي
امل بصدمة ودموع/ اي يا ماما ده وائل عندهم ظروف موت جده
الام/ جده ميت من شهرين يا امل ده كله حداد انا قولت اللي عندي خالتك هتيجي بكره عشان كتب الكتاب
امل بصدمه/ كتب كتاب ايه يا ماما اي اللي بتقوليه ده انتي عارفه اني مبحبوش وبحب وائل
الام/ وائل وااااائل انا قولت اللي عندي ولو مسمعتيش الكلام هيبقي قلبي وربي غضابنين عليكي ليوم الدين
امل قعدت علي السرير وفضلت تعيط خايفه ترفض امها تتعب وهي عندها القلب وخايفه توافق تخسر حب حياتها فقعدت علي السرير وفضلت تعيط
~~~~عند وائل~~~~~~
وائل/ ما تقعدي يا اوزعه بقي قرفتيني
سارة/ وانت مالك كنت واقفة في بيتك يابا انا؟
وائل/ يا بنتي لمي لسانك الطويل ده هقطعهولك
سارة بغيظ/ هه خوفت انا كده روح يا شاطر العب غيرها مبخفش يا لولي
وائل/ انت.....
صفية بضيق/ بااااس صدعتوني في ايه؟!!!!
زين بهدوء/ ما تعقلو بقي انتو الاتنين
وائل/ ما تشوف اختك يا عم زين  مش سايباني في حالي
سارة/ حوش الواد يقول واقعه في دباديبه انا مثلا
وائل بفخر/ يماما انا البنات بيجرو ورايا
سارة باستفزاز/ مش ممكن ريحتك تكون وحشه وبيقولولك طير من هنا يلا ههههه
صفية ضحكت وقالت/ ههههه حلوة يا بت يا سارة
وائل بغيظ/ ماشي يا سارة الكلب انا ماشي من وشك
سارة/ مع السلامة للي عاوز يمشي والمركب اللي تودي مترجعشي
وائل بصلها بغيظ وسابهم وطلع
وائل فتح الموبايل واتصل علي امل وقال بمرح/ الو يا اموله
امل بصوت باكي/ ا... الو
وائل اتعدل علي السرير وقال/ مالك يا أمل في ايه؟!
أمل اتكلمت وقالت بجمود مزيف/ وائل احنا مش هينفع نكمل مع بعض
وائل/ ههههه ايه الهزار البايخ ده يا أمل؟!
أمل عيطت وقالت/ انا بقول الحقيقة يا وائل انا كتب كتابي بكرة علي مالك ابن خالتي
* وابن خالتي انا كمان ☺️*
وائل زعق بصدمة وقال/ انتي بتقوولي ايييه يا امل احنا قاريين الفاتحه وبعدين انا كنت مستني بس نعدي الفترة دي عشان الظروف اللي كانت في البيت وكنت هخطبك........ امل لو سمحتي متعمليش كده
امل/ انا اسفه
وائل زعق ودمعه نزلت منه وقال/ اسفه! بعد حب ست سنين تقوليلي اسفه اعمل بيها ايه دي يا امل؟ ما ترديييي
امل عيطت بصمت ومردتش
وائل/ طيب انا مش هزعقلك يا حبيبتي....... طيب انا زعلتك.......طيب ضايقتك..... متعمليش فيا كده يا امل!
امل كل اللي عملته انها قالت انا اسفه...... وقفلت الخط
وائل كان واقف مصدوم ومش عارف يعمل ايه......... امل.... حب صامت لمدة ست سنين....... امل البنت الخجوله اللي كان هيموت ويخطبها بعد ما خد خطوة هتسيبه؟ لا وكتب كتابها بكرة! وائل نزل وكان متعصب ومخنوق ركب العربيه وطلع علي القاهرة
~~~~~~~~~~~~~
نادين/ استني كمان شوية
حسن بضيق/ استني لامتي؟ هاا لحد ما تحبه؟
نادين بخبث/ وده المطلوب!
حسن بنرفزه/ انتي اكيد اتجننتي صح عاوزاها تحبه؟
نادين/ اسمع بس لو حبته فخطتتنا هتنجح لانه هيكسر ثقتها فيه وهتكرهه اكتر
حسن ابتسم بشر وقال/ طول ما هي هتبقي ليا فمش مهم اي حاجة تانيه
نادين بصت قدامها وقالت/ هتبقي ليك متخفش
~~~~~~~~~~~~~
ليليان لابسه تيشيرت عمر وماشية في الاوضة بتقرأ في كتاب وبتلف وبتقرأ وهي منسجمه وتقول/
_ اتسمحين لي
_ بماذا؟!
_ اقطفك من ارضك المزهره واغرسك بمكان اخر
_ اين؟!
_ صدري........ البستان الذي يليق بك
عمر جه من وراها وقال/ يارااجل ؟ بتتكلمي جد
ليليان بصتله وقالت/ انت بتطلع امتي؟
عمر/ كل اتناشر ساعه
ليليان/ ليه مضاد حيوي نيهاهاها
عمر/ خفه اوي...... وبعدين نتش منها الكتاب وقال/ اي اللي بتقريه ده!
ليليان/ هاات الكتاب
عمر رفع الكتاب لفوق وليليان مسكت في لياقه قميصه وبتحاول تمسك الكتاب بس مش طايله
عمر رافع راسه وبيحاول يتفاداها وبيقلب في الكتاب ولفت نظرة عبارة قرأها بصوت عالي عشان تسمعه وقال/ انا اعرف انها تحبني لا ليس كما احبها ولكنها تحبني انها تهرب مني في وقت لا أكف فيه عن الاندفاع نحوها وانا اعرف ان للحياة قد خدشتها بما فيه الكفاية لترفض مزيداً من الاخداش ولكن لماذا يتعين علي ان ادفع الثمن؟.....
ليليان بصتله لقيته باصصلها بطرف عينه عرفت انه بيلقح عليها فوشها احمر ووقفت وقالت/ احممم ممكن الكتاب؟
عمر ضحك وقال/ كتاب سنلتقي رومانسية اوي ليليان دي
ليليان/ ملكش فيه يا روبوت يا متحجر القلب انت
عمر/ انا روبوت ومتحجر القلب؟
ليليان/ اهاا وانسان بارد اوي كمان
عمر بغضب مكبوت/ انتي قولتي ايه؟
ليليان بصتله بخوف وقالت/ هااا مبقولش حاجه خالص وجريت من قدامه طلعت بره وهو بيجري وراها
ليليان/ اهاااا يا عمتووووو الحقييينييي
عمر بغضب/ بقي انا روبوت يا ليليان ماشي والله لوريكي
ليليان نزلت تحت وكانت ريم وسيلين وسعاد ونادين قاعدين
ليليان استخبت ورا ريم وقالت/ عمتو خلي ابنك يسكت
ريم بزهول/ في ايه يا عمر في ايه يا ليليان
عمر بغضب/ اوعي يا ماما كده البت دي عاوزه تتربي
ليليان بتطلعله لسانها وتقول/ بس يا شاطر روح العب بعيد
سيلين بزهول/ شاطر؟!!!!!
عمر بغضب وهو يحاول امساكها/ مااشي خودي هناااا يا بنت مصطفي
ليليان/ والله لاقوله كابتن روبوت بيشتمك
سيلين ضحكت وقالت/ اوبح روبوت كمان دي هتولع
عمر بغيظ/ انا روبوت يا ليليان؟
ليليان/ انت بتبصلي كده ليه هش هش
ريم/ باااس في ايه؟ ما تعقلو كده
ليليان/ اه قوليله يعقل يا عمتو عشان هو.......
عمر/ اه انا ايه واقسم بالله يا ليليان كلمة زيادة و.....
ليليان برقة/ هتعمل ايه يا عمر
عمر بتوهان/ هااا
ليليان ضحكت بصوت عالي وقالت/ اوه يا ماما وسابته وجريت علي فوق
عمر استدرك الموقف ولسه هيطلع وراها سيلين قالت/ عمر عاوزه اتكلم معاك
عمر بصلها وقال/ تعالي نتكلم في المكتب
~~~~~~~~~~~~~~
ليل واقفه قدام صورة محمد وبتقول بدموع/ انا مش عارفه مين السبب في كل ده؟ ممكن اكون انا جزءمنه لاني كنت عارفه انك بتحب وحده تانيه وقبلت اتجوزك....... بس انا كنت بحبك يا محمد والله كنت بحبك...... انا فكرت انك هتتغير لما نتجوز ونخلف كنت مفكرة اني هقدر اخد مكان في قلبك بس لا انت فضلت تحبها انت كنت معايا بس قلبك معاها انا فكرت اني لما اسيبلك عمر وامشي واتطلق انك هتعرف قميتي بس انت مت يا محمد انا رجعت ملقيتكش ولقيت ابني في حضن وحده تانيه........ وحده بكرهها..... انا ابني كرهني يا محمد كرهني بسببك وبسببها وبسبب ابوك انا بكرهكو كلكو بكرهكو.....
~~~~~~~~~~~~~~
وائل قاعد في كافيه في القاهرة سرحان في كل حاجه امل قالتها وفجأة اشتغلت اغنية عمر دياب
* انت اول كل حاجة والبدايه في كل شيء
حب اول مرة يجي لما قلبي كان برئ
انت اول كل حاجة وانت عارف كنت ايه
وانت اول حد يمشي ودمعتي تنزل عليه
كنت اول كل حاجه بتجري ليا
كنت اول روح بتلمس حاجه فيا
كنت اول حب يجي ونفسي يفضل كنت اول فرحه بتمناها تكمل
كنت اول حد برسم صوره ليه
كنت اكتر حد يعرف قمتي بيه
كنت بالنسبالي نفسي وكنت بكره
كنت عمري بس ليك انا كنت فترة
اللي يعرف من البدايه النهايه هاتبقي فين
مش هايغلط في اختياره بس نعرف ده منين
كنت اخر مرة امن قولي آمن بس مين
مافتكرش احب تاني صعب اغلط مرتين *
احمد/ هاا في اخبار عنه؟
_ لا يا باشا انا مراقبه كويس بقاله عشر سنين في المستشفي
احمد بشر/ تمام اوي اقفل دلوقتي........هه دي اخره اللي يفكر يلعب معايا تاني
فتحي/ هاا يا باشا هنعمل ايه مع عمر؟
احمد/ هنلعب معاه علي المكشوف قريب........ قريب اوي يا ابن اخويا هههههه
~~~~~~~~~~~~~
سيلين/ انااا
عمر/ هاا يا سلين عاوزه تقولي ايه؟
سيلين بدموع حضنته وقالت بهمس/ بابا فاق يا عمر
عمر بصلها وقال/ بتهزري صح؟ انتي اكيد بتهزري؟
سيلين هزت راسها بفرحه وقالت/ لا والله فاق انا كلمت ماما النهاردة وقالتلي انه فااق يا عمر
عمر ابتسم بفرح وقال/ احنا لازم نشوفه ونطمن عليه
سيلين بفرحه/ ايوه ايوه ماما قالت انهم هييجو هنا مصر عشان جلسة العلاج الطبيعي
عمر/ خير ان شاء الله
سيلين حضنته وقالت/ انا بجد فرحانه
ومرة وحده اتخضو من صوت ليليان وهي بتزعق وبتقول/ عمررررررر!
عمر اتنفض وبص وره شاف ليليان واقفه بتبصله بشر وعينها فيها دموع
سيلين بصت لليليان وقالت/ ليليان انت......
ليليان بصتلهم بقرف وطلعت من المكتب ورزعت الباب وراها
سيلين/ عمر روحلها اكيد فهمت غلط
عمر بتوتر/ ايو هروح اشوفها
عمر راح جري علي الاوضة ورا ليليان ومرة وحده صرخ وقال/ليلياااااااان!
****************
يا تري شاف ايه الله واعلم

بقلم / Ghdeer