رواية " على الحان الماضي " الجزء الأول

Part 26

* الفصل السادس والعشرون *
عمر قام وقال/ جدو؟ انت جيت امتي؟
خالد ابتسم وقال/ جيت اشوف حفيدي اللي مبيسألش
عمر ابتسم ببرود وقال/ شرفت اتفضل
فاطمة ( جدة عمر ) ابتسمت وقالت/ ماشاء الله اللهم بارك قمر يا حبيبي ربنا يحميك
عمر ابتسم بتكلف وقال ببرود/ شكراً
عمر نادي علي وحده من الخدم وقالها تجهز اوضة الضيوف
عمر/ اتفضلو اقعدو علي ما اوضتكو تجهز
خالد وفاطمة قعدو في الصالون مع عمر
عمر بص لسيلين لقيها واقفه بصلها وقال/ اقعدي يا سيلين واقفه ليه؟
خالد انتبهلها وقال/ اومال انتي مين؟
سيلين بتوتر/ احم..... انا سيلين
خالد/ سيلين ايه؟
سيلين/ سيلين سعد السيوفي
خالد بابتسامة/ هو انتي بنت سعد؟
سيلين اومأت بالايجاب
فاطمة/ سعد عامل ايه يا بنتي؟
سيلين بصت لعمر وقالت/ كويس الحمد لله
خالد/ فاق ولا لسه؟
عمر بسرعة/ لسه مفاقش بس هيفوق ان شاء الله
خالد/ اومال انت قاعد لوحدك هنا يا ابني؟
عمر ببرود/ لا معايا امي ومراتي......
فاطمة/ مراتك؟ انت اتجوزت يا عمر؟
خالد بغضب/ وفين مراتك دي؟ واسمها ايه ولا منين؟
عمر ببرود/ اسمها دكتورة ليليان مدام عمر السيوفي وهي بقي تبقي بنت خالو مصطفي
فاطمة/ بس ليل ملهاش اخوات!
عمر بغضب/ ليل مين؟ انا بقول خالي يعني اخو امي واللي هي ريم الشناوي!
خالد بعصبية/ بمزاجك او لا بس هي امك هي اللي ولدتك وحملت فيك مش ريم...!
عمر/ ريم دي تبقي اعظم ام دي ربتني مع اني مش ابنها ومع اني ابن الست اللي خدت منها حبيبها بس قبلت تحميني قبلت انها تشوه سمعتها عشاني واهلها كرهوها بسببي ومع ذلك مسابتنيش ولا حسستني بالنقص عملت اللي المفروط ان بنت اخوك تعمله........ ريم امي وعلي راسي واللي يجيب سيرتها بسوء انا اللي هقتله
خالد/ وهي فين؟ ما اكيد كرهتك فينا؟ فلازم تدافع عنها يا ابن محمد
فاطمة/ اهدي يا حاج العصبية غلط عليك
سيلين/ عمر خ... خلاص لو سمحت كده ميصحش
خالد بهدوء/ اقعد يا ابني خلينا نتفاهم بالراحه
عمر ببرود ممزوج بالغضب/ مفيش حاجة نتفاهم فيها انا معنديش غير ام وحده والتانيه دي معرفهاش
وسابهم وطلع اوضته
* _____________________ *
هشام/ ايوه؟ تمام اوي خليه عندك انا جاي بسرعة....... لا لا متتصلش عليه انا هقوله نص ساعة وهكون عندك
هشام قفل الخط وراح علي العنوان اللي المفروط يقابل الشخص ده فيه وبعد فترة نزل من العربية ودخل مخزن........ قلع النضارة ونزل علي الارض قصاد الشخص اللي مرمي عليها
هشام بغيظ/ هو انت بقي فتحي؟!
فتحي بصله بغيظ وقال/ انت مين ورحمة امي ما هسيبك فكني....!
هشام ببرود/ لا يا روح امك صوتك ده يوطي كده عشان مقلبش عليك
فتحي بخوف/ انت مين وعاوز اييه؟!!
هشام قعد وحط رجل علي رجل وقال/ اللوا هشام الجارحي يا حلو
فتحي بلع ريقه وقال بخوف حقيقي/ ل... لوا؟ حضرتك جايبني هنا ليه؟
هشام اتعدل واتكلم بتحذير/ انا هسألك شوية أسئلة هتجاوب عقابك هيخف
فتحي بتوتر/ ولو مجاوبتش؟
هشام بتحذير/ يبقي اجيبلك عمر اصله مبيطقكش ولو عرف انك هنا فمحدش هينقذك من تحت ايده
فتحي/ عمر مين؟ وانتو عاوزين ايه؟
هشام/ هه انت لعبت مع عمر وشكلك جيت علي حاجه تخصه فأنا موعدكش انك هتفضل عايش لو وقعت تحت ايده!
فتحي بلع ريقه وقال/ وانتو عاوزين ايه؟
هشام اتعدل وقال/ مين باعتك؟ وضربت نار علي مدام ليليان ليه؟
فتحي/ انا مضربتش ناار انا مليش دعوه!
هشام بغضب/ انت هتكدب يروح امك ما تنجز يلا انت هتتدلع ولا ايه
فتحي/ انا معرفش حاجه....
هشام قام وقال/ حلو اوي انا هجيبلك صاحب الشأن ويبقي وريني مين هيشيلك من تحت ايده
وسابه ومشي
فتحي فضل يصرخ بس محدش رد عليه وهشام امرهم محدش يلمسه غير لما عمر يوصل
* ____________________ *
ليليان بتتكلم في الموبايل وبتقول بحزن/ ليه كده يا امل؟
امل بحزن/ انا اسفه يا ليليان انتي عارفه ان ماما تعبانه ولو رفضت ممكن تروح فيها
ليليان بحزن/ المشكلة انك صاحبتي انا عارفه انتي بتحبي وائل قد ايه........ طيب ليه مقولتيش لوائل؟ كنتو هتلاقو حل!
امل/ ماما حطتني قدام الامر الواقع يا ليليان قالتلي انهم اتفقو واني لو رفضت هتغضب عليا
ليليان/ " وعسي ان تكرهوا شيئا وهو خير لكم وعسي ان تحبو شيئا وهو شر لكم والله يعلم وانتم لا تعلمون "
ربنا اكيد كاتبلك اللي تستحقيه وانا متأكدة انك هتلاقي العوض يا حبيبتي ربنا مبيظلمش حد هو مخبيلنا الاحسن واعرفي ده دايما وممكن انتي و وائل مش مقدرين لبعض من الاول
امل عيطت وقالت/ لو سمحتي مش عاوزه حد يعرف سبب جوازي خليه بيني وبينك....... وائل صفحة واتقفلت بس حبه لسه موجود جوايا
ليليان اتنهدت بحزن وقالت/ خلاص يا امل اللي حصل حصل
امل/ انتي مش هتسيبني عشان اللي حصل صح؟
ليليان بزعل/ ايه يا امل الهبل ده؟ انتي اختي يا هبله وبعدين علاقتي بيكي مش متوقفه علي علاقتك ب وائل انتي هتفضلي اختي علي طول يا امل وبطلي هطل بقي
امل/ ربنا يخليكي ليا يا رب...... انا هقفل عشان ماما بتنادي
ليليان/ مع السلامة
ليليان قفلت مع امل واتنهدت بحزن وفتحت الرسايل ولقيت رسايل من ارقام غريبه فتحتها
" في ايه في عيونك دول...... مش عند باقية الناس من اول لحظه قابلتك راحلك قلبي وسلم ليك "
ليليان ضحكت باستهزاء وقالت/ حتي تامر عاشور يا ناس مش سايبني في حالي
فتحت تاني وحده وكان مكتوب فيها
" مذهله، مذهبه للعقل مسكرة ، سارقة للقلب والعينين مغريه "
ليليان/ استغفر الله العظيم ايه يا عم ده بتجبيلنا سيئات علي اخر اليوم ليه؟!!
وفتحت الاخيرة وكان فيها
" كيف لي ان اخفي لهفه ملامحي عند ذكر اسمك "
ليليان بصت بذهوا وقالت/ هو مين ده كمان؟!.......انا هبحث علي تروكولر احسن
ليليان دورت علي الارقام بس مكانوش متسجلين
اتنهدت باستسلام وقالت/ استغفر الله العظيم يا رب ده ايه ده كمان طيب امسحهم ولا اسيبهم وابقي اقول لعمر؟ خلاص هسيبهم وابقي اقوله لما يجي ياخدني
* ____________________ *
عمر قام من مكانه بغضب وقال/ طيب يلا بسرعة علي هناك...... انت لسه فاكر تقولي يا هشام
هشام/ معلشي يا صاحبي انا فكرت انه هيتكلم بس ده كان شكله بيستعبط فقولت انت هتتفاهم معاه...... بس من غير ما تأذيه يا عمر
عمر/ من عيوني بس يلا نروحله بس وانا هاخده بالاحضان
هشام بضيق عينه. قال/ مش مرتاحلك خالص بس يلا
عمر وهشام طلعو علي المخزن القديم اللي فيه فتحي....... عمر دخل بهدوء وخطوات ثقيلة شاف فتحي قاعد علي الارض مربوط وباصص للارض ومبيتكلمش
عمر ابتسم بشر وقعد قدامه وقال باستهزازء/ هه والله ومسكتك يا توحا
فتحي بصله بخوف وقال/ انت مين؟ عاوز ايه
عمر بهدوء/ احمد اللي باعتك مش كده؟
فتحي بصله بصدمة وقال/ احمد مين؟ لا لا معرفش حد بالاسم ده
عمر بغضب قام وقال/ انت هتستعبط يا روح امك ولا ايه انت اللي خطفت مراتي مش كده لا وكنت هتقتلها؟
عمر شده من هدومه وفضل يضرب فيه وقال بغضب وعيون حمرا/ عاجباك اوي يلا؟ هاا بتعاكسها مش كده؟ ما تنطق
فتحي ابتسم وقال/ هاا ليليان دي قمر دي عليها عينين
هشام بلع ريقه وقال بهمس/ انت ليلتك سودا
عمر عينه احمرت وقال بصوت عالي/ انت قولت ايه؟ وفضل يضرب فيه...... قووولت اييييه؟
فتحي وفمه بينزف قال/ كان نفسي تفضل معانا والله كنت هخطفها واتجوزها هه بجد من يومها وعينيها ده مدوخاني
عمر/ هشاااام فكه
هشام/ اهدي يا صاحبي
عمر بصوت عالي/ بقولك فكه يا هشاااام
هشام فك فتحي وبعد عنهم....... عمر مسك حديده وراح علي فتحي فضل يضرب فيه ويقول بهستيريه/ عينها؟ ويضرب..... هتتجوزها مش كده؟ ويكمل ضرب...... انت ازاي تبص علي حاجة تخص عمر السيوفي هااااا انت ازاي اتجرأت تخطفها؟.....
وكمل بغضب وهو يمسك حديده رفيعه/ عينك اللي بصيت بيها عليها دي...... انا هقلعهالك
عمر راح عند فتحي اللي واقع علي الارض من الضرب ولسه هيحطها في عينه
هشام اتدخل بسرعة وقال/ عمر عمر اهدي متوديش نفسك في داهيه اهدي واحنا هنعاقبه
عمر مسمعش من هشام وراح عند فتحي عشان ينفذ بس هشام شد منه الحديده
عمر زعق وقال/ هشاااام متعصبنيش!
هشام/ متندمنيش اني قولتك يا عمر اهدي بس
عمر بغضب/ متقولش اهدي انا هقتله ابن ****ده........ وطلع المسدس من جيبه وقال/ انا هخليك عبره لاي حد يفكر يبص لحاجة تخصني
هشام بخوف علي عمر/ عمر متوديش نفسك في داهيه يا صاحبي انت هتتحبس لو قتلته
عمر/ مش فارقه انا كده كده رايح في داهيه
هشام فكر وقال بسرعة/ طيب انت لو قتلته هيرتاح احنا هنسيبه هنا يتعذب شوية لحد ما نمسك الرأس الكبيرة وبعدين نسجنه
عمر فكر واقتنع وقال/ بس مش قبل ما اعمل كده....... وخبط فتحي بالمسدس علي راسه من ورا وقع اغمي عليه
هشام شد عمر من هدومه وطلعه بره المخزن ووصي علي فتحي شوية وركبو العربية
هشام وهو سايق/ كنت هتودي نفسك في داهيه بسبب كلب ميسواش
عمر مردش وباصص قدامه بيفكر في كلام فتحي عن ليليان وعيونه احمرت وعروقه برزت
هشان بص عليه بطرف عينه وقال/ مش عاوز تعرف مسكناه ازاي؟
عمر اومأ بهدوء
هشام/ فاكر لما اتصلت عليا من يوم وانا في المكتب؟
عمر/ ايوه
هشام/
~~~~فلااش بااك~~~~
عمر/ ايوه يا هشام انا هبعتلك نمرة موتوسكيل وتعرفلي صاحبه مين بسرعة!
هشام/ تمام يا عمر نص ساعة ويكون عندك
هشام دور في السجل علي النمرة وحدد الموقع ومن حسن الحظ فتحي كان في مكان قريب من هشام
هشام طلع مع كذا عسكري وعملو كمين لفتحي ومسكوه وهشام حطه في المخزن
~~~~~~~~~~~~~~~~
هشام/ من حسن الحظ انه مباعش الموتوسيكل والا مكناش هنلاقيه
عمر بص قدامه وقال بهدوء/ انا متشكر اوي يا هشام من غيرك مكنتش هوصله
هشام/ اي الكلام ده يا عمر احنا اخوات يا ابني وبعدين متخليش الغضب يتحكم فيك انت كنت هتقتل الواد
عمر قبض ايده بغضب وقال/ لسه مشافش حاجه ده اتجرأ وبص لمراتي قسما عظما لاكون مخلص عليه بس امسك كبيره الاول عشان افضاله.....!
هشام اتنهد وقال/ ربنا يستر منك يا عمر
عمر بص قدامه ومتكلمش
* _________________ *
_ ليليااان!!!
ليليان بخضه/ اي يا لارا خير
لارا/ اخوكي راح فرح امل
ليليان شهقت وقالت/ بتهزري؟!انا هروح الحقه
ليليان غيرت ونزلت بسرعة ركبت العربية وطلعت علي القاعه اللي فيها فرح امل
~~~~ عند وائل ~~~~~
اول ما عرف ان الفرح اتحدد اتهبل ونسي كل الوعود اللي وعدها لنفسه بأنه هينساها...... قلبه اتغلب علي عقله المرادي
وائل نزل من العربية ودخل بالراحه علي القاعه شاف امل لابسه فستان ابيض وعلي الكوشه
ابتسم تلقائيا بس انتبه وافتكر انها جمب واحد تاني بقت مرات حد تاني دلوقتي
وائل مسح دموعه وراح عندها وهي اول ما شافته وشها اتخطف
وائل سلم علي العريس وقال/ مبروك يا مالك! مبروك يا صاحبي
مالك ابتسم وحضن وائل وقال/ الله يبارك فيك يا حبيبي
وائل بص لامل وقال بابتسامه مكسورة/ مبروك يا امل
امل وهي تتحاشي النظر له/ الله يبارك فيك
وفجأة ليليان دخلت وسلمت علي امل وباركت وقالت/ احم يلا يا وائل
وائل بنفي/ ده يحصل؟ لازم اغني لمالك وامل دول عشره يا لي لي
مالك ضحك وقال/ كتر خيرك يا عم وائل
وائل مسك المايك وغني
* وليه بعدين
دلوقتي احسن نسيب بعض ونبقي ثاني اثنين
بعد اما كنا قلب واحد يلا نبقي اثنين
نبقي اثنين
كفاية عليك
وقتك اخدته وانتهينا ومش هخبي عليك
حبك في قلبي بس عمري ما هبقي ثاني انا ليك
خسارة انا فيك
وليه بعدين
ايه اللي يجبرنا
ضاع اللي كان بينا
واللي اتفقنا عليه
وليه بعدين
ايه اللي يجبرنا
ضاع اللي كان بينا
واللي اتفقنا عليه
وليه بعدين
ايه اللي يجبرنا
ضاع اللي كان بينا
واللي اتفقنا عليه......*
امل كانت ماسكه دموعها بالعافيه و وائل دمع وقال/ احمم الف مبروك يا جماعة..... يلا يا ليليان
ليليان و وائل مشيو رجعو البيت و وائل حبس نفسه في اوضته
ليليان اتنهدت بحزن ودخلت اوضتها واتصدمت
_ اااااااااع
بقلم/         Ghdeer ✨