رواية " على الحان الماضي " الجزء الأول

Part 32

الفصل الثانى والثلاثون*
تقف في صالة المطار تنظر لساعتها  بنفاذ صبر..... وها هي تظهر من بعيد ابتسمت بهدوء وقالت/ كنت مفكراكي مش هتيجي
سيلين بابتسامه/ لا ازاي لازم اودعك
ليليان/ مش مهم انا جبتك عشان انتي الوحيده اللي اقدر اثق فيها علي دي
سيلين باستغراب/ غريبه مع انك عمرك ما حبتيني
ليليان بابتسامه حزينة/ انا عمري ما كرهت حد من غير سبب انا مكرهتكيش انا بس حسيت انك بتشاركيني في حاجه غاليه وانا مبحبش اشارك الحاجات الغاليه اوي
سيلين/ والحاجه دي عمر؟
ليليان ببرود/ مبقتش فارقه خلاص انا عاوزاكي تخلي دي معاكي..... واخرجت من حقيبتها فلاشه صغيرة
سيلين/ اي دي
ليليان بحزن/ دي فيها حاجه علمتني دروس كتير المهم انا عاوزاكي تديها لعمر في شهر مارس
سيلين/ اشمعنا
ليليان بتريقه/ اصل بعيد عنك دي هديه عيد جوازنا
سيلين/ ومش خايفه افتحها
ليليان بابتسامه/ لو مش واثقه فيكي مش هديهالك
_ ليليان يلا عشان الطيارة
ليليان لبست نضارتها وقالت/ سلام يا سولي خلي بالك من نفسك
سيلين بابتسامه/ ممكن نبقي صحاب
ليليان بابتسامه/ اكيد لما اوصل هكلمك علي الانستا
سيلين حضنتها بفرحه وقالت/ توصلي بالسلامة

ليليان ودعتها وودعت مصر وركبت الطيارة وهي تنوي علي بدأ حياة تخلو من عمر...... الا تعرف المسكينه ان حياة تخلو من عمر تعني حياة تخلو منها..... فعمر يحتل قلبها بالفعل كعدو محتل ارض غيره ويرفض اعلان استقلاله
ليليان نظرت من النافذة وقالت/ باي يا عمر
* ______________________ *
بعد مرور عام
_ انا اسف يا عمر بيه الغلط غلطي
عمر بغضب وصوت عالي وقف في منتصف الشركة وقال/ انت مطرود يا استاذ واي حد هيغلط غلطه صغيرة مش هعديها فاااهمين
مراد/ ايه يا عمر انت بقيت عصبي كده ليه
عمر رمقه بتحذير وسابه وطلع
مراد اتنهد وقال بغيظ/ بيحبها... طلقها ليه معرفش هو غاوي تعب
_ مرااااااد
مراد بخوف/ حبيبي جااي اهو
عمر/ عاوزاك تشوف كل حاجه عن الشركة الجديدة دي فااهم
مراد اومأ وقال/ كله هيبقي عندك بالليل وسابه وطلع
عمر قاعد ومرجع راسه لورا وفجأة سيلين دخلت
عمر بضيق/ خير يا سيلين
سيلين بابتسامة/ اهدي يا عمر انا جايلك في موضوع مهم
عمر/ موضوع ايه ده
سيلين/ ليليان
دقات قلبه تلاطمت كالموج وقال بقسوة مزيفه/ مش عاوز اسمع اسمها..... ومش عاوز اعرف حاجه عنها
سيلين/ دي امانه ولازم اوصلها... الفلاشه دي لازم تسمعها دلوقتي يا عمر.... انا هسيبك مع نفسك تسمعها براحتك
عمر بص علي الفلاشه بغضب وحنين وفضول ومسكها برجفه لا يعلم سببها
عمر فتح الفلاشه وحطها في اللاب واتصدم
سمع حوار ليليان مع حسن واعتراف حسن انه اللي فبرك الخط...... عمر بيسمع وقلبه مش عارف يفرح لانها مخانتوش ولا يزعل علي شكه فيها
عمر بصدمة مسك الفلاشه برجفه وطلع علي هشام
هشام باستغراب من وجود عمر/ عمر خير؟
عمر بدموع متحجرة/ تعالي معايا علي المخزن يا هشام
هشام/ المخزن.... خير يا عمر مين عمل مصيبه تاني
عمر بجمود/ يلاا يا هشام
هشام راح معاه المخزن ووصلو وقال/ هاا هتعاقب مين
عمر ببرود/ انا
هشام/ بجد.... كويس هجيب حق ناس كتير...... هتعاقب مين بقي
عمر بعصبيه/ قولتلك انا يا هشام هتعاقبني انا
هشام بصدمة/ انت.... انت بتقول ايه
عمر بغضب مسك الكرباج وقلع التيشيرت وقال/ اضرب يا هشام
هشام/ انت اتهبلت
عمر بغضب/ اضرررب يا هشااام انااا استاااهل اضرب
هشام بغضب/ عمر انا مستحيل اعمل كده قوم اقف
عمر بصله بغضب ومسك الكرباج وفضل يضرب في نفسه
هشام بصريخ/ عمر انت اتهبلت في ايه لكل ده
عمر مكنش سامعله كان بيضرب نفسه وبين كل ضربه بيفتكر ويقول
_ انا ضربتها بالقلم..... انا شكيت في اخلاقها..... انا شديت شعرها...... انا قولتلها انها خاينه..... انا طلقتها
عمر فضل علي الحال دي ساعه وبيبرطم بالكلام ودموعه مبتنزلش
هشام جاب اخره وقال/ عمرررررر فووووووق بقي انت بتعمل اييييه
عمر قام وضهره كله بينزف ولبس التيشيرت وقال/ يلا يا هشام
هشام بزهول/ يلا فين اقعد اعقملك الجروح دي
عمر ببرود/ انا مش هعقمهم انا هسيبهم عشان يفكروني بغبائي وان عمر السيوفي في كلب ضحك عليه بكلمتين
هشام/ ما تقولي في ايه؟
عمر ببرود/ ابدا.... كل اللي عاوزه منك تجيبلي واحد هنا عندي معاه حساب وتقل اوي
هشام/ طيب اعقملك جرحك
عمر هز راسه بالنفي وقال/ ده عقاب صغير هي عاقبتني اكبر عقاب
هشام/ انت بتتكلم بالالغاز ليه.... وبعدين مين اللي عاوزني اجيبهولك؟
عمر بغموض/ حسن...... حسن ابراهيم الصياد
* _____________________ *
_ ليلياااان
ليليان بهدوء وهي بتقرأ كتاب/ يا نعم.... قرفتيني في حياتي يا جني
جني بتمثيل الحزن/ ربنا يسامحك يا دكتورة اكمني مليش  صااحب يعني
ليليان بنفاذ صبر/ عاوزه ايه
جني بحماس/ بت يا ليليان انا شوفت امبارح صورة لرجل اعمال بس اييه مز
ليليان/ سو؟
جني/ ما هي المشكلة ان صفحته علي الفيسبوك برايفت وانتي من ضمن أصدقائه
ليليان باستغراب/ انا؟ مين ده
جني/ ده حته قمر يا بت يا ليليان عيونه ملونه وقمحاوي وحاجه كده من كوكب تاني
ليليان/ بااس بااس في ايه.... اسمه ايه
جني/ اسمه.... ع....
_ ليليان الدكتور عاوزك تحت بسرعة
ليليان/ ماشي..... هنشوف فتي احلامك ده بعدين باااي
* _________________ *
_ يا بنتي انا خطيبك يعني احترمني شوية
سارة ببرود/ تؤ تؤ مينفعش يا لولي انا ممكن يحصلي حاجه لو معصبتكش
وائل بنفاذ صبر/ يا ربي عليكي انت طهقتيني يا سارة بجد
سارة بحزن مصطنع/ كده يا وائل ربنا يسامحك انا.....
وائل / هنبدا تاني.... اسكتي يا بنتي
سارة بمرح/ وائل ليليان هتيجي امتي
وائل بحزن/ معرفش انا كلمتها من شوية ومقالتليش
سارة بحزن/ هي هتحضر فرحنا صح
وائل بتنهيده/ انا هحاول معاها يا سارة
سارة/ طيب يا لولي انا هقفل عشان اصلي العصر
وائل / ابو لهب اسلم
سارة بغيظ/ بتقول حاجه
وائل / هاا ابدا بقول ربنا يتقبل يلا سلام
سارة قفلت مع وائل وابتسمت وراحت تتوضي عشان تصلي
عمر رجع الفيلا ووقف في الصالون وقال بغضب وصوت عالي/ ناااااااديييين
العيله كلها اتجمعت علي الصوت
ريم بخضه/ في ايه يا ابني...... وكملت بصدمة وهي تري الدم.... اييه ده يا عمر انت متعور
عمر/ لا ده جرح بسيط
ريم وهي تتفقده/ جرح بسيط ازاي اي.... ده يا ابني
عمر بصوت عالي/ ناااادييين
نادين بخوف/ ايوه يااا عمر خيير
عمر راحلها ومسكها من شعرها تحت صدمة الموجودين وقال بغضب/ بقي يا روووح امك انا تتفقي علياا وتعملي كده
نادين بدموع/ اه سيب شعري
ريم بغضب/ عمر سيب شعرها في ايه
عمر بغضب/ انتي ليييه عملتي كده
سعاد بغضب/ عمر سيبها
نادين بدموع ووجع/ انا.... انا معملتش حاجه
عمر بغضب/ احنا هنكدب يا روح امك ولا اييه انا عرفت كل حاجه عن خطتك مع الزفت حسن
نادين بعياط/ حسن.... ده كداب متصدقهوش
عمر وهو يزيد ضغطه علي شعرها/ انا لاخر مرة هسأل انتي عملتي كده صح
نادين/ ايوه..... ايوه عملت كده عشان بحبك انا بحبك من زمان بس الفلاحه دي تيجي وتاخدك مني......انا بكرهها انا اللي اتفقت مع حسن انه يستخدم الفيديو بطريقه تانيه وانا اللي خليته يبعتلها رسايل وورد وانا اللي كنت هقتلها لو اضطريت
عمر لسه هيضربها بس تفاجئ بزياد وهو بيضربها بالقلم وبيقول/ انتي ازاااي كده هااا؟ ازااي قادرة تكرهي الناس بالطريقة دي انتي مبتحبيهوش انتي انسانه مريضه عاوزه الاسم والفلوس وبس
نادين بغضب/ انت اتجننت يا زياد بتضربني؟ بتمد ايدك علي اختك
زياد بغضب/ انا معنديش اخوات انا اختي ماتت فاهمه
عمر بغضب/ نص ساعة ومشوفش وشك هنا فاااهمه
نادين بغضب وكره/ انت بتلومنا عشان تثبت لنفسك انك مش غلطان يا استاذ عمر....... بس الحقيقه لا... ده كله حصل بسببك انت بسبب قلة ثقتك فيها وبسبب غضبك..... مش انا اللي طلقتها منك ومش انا اللي اتهمتها انت بس الغلطان انا بس وجهتك وانت زي العبيط صدقت..... لو معندكش ثقه في مراتك او اللي كانت مراتك متلومش الغير
زياد رفع ايده وقال بغضب/ نااادين
عمو قاطعه وقال بجمود/ زيااااد سيبها..... انا مش عاوزه اشوف وشك في مصر كلها فاهمه ارجعي من مكان ما جيتي واياكي ثم اياكي اعرف انك نزلتي مصر تااني فااهمه
ريم/ اي اللي بيحصل هنا ده
عمر مردتش وطلع اوضته ودخل ياخد دش وهو بيفكر في كل حرف قالته نادين وهو مينكرش انه غلط هو عارف انه السبب في كل ده غيرته وقله ثقته هي اللي ضيعتها منه فين وعودك يا عمر.... انت نسيت كل ده في لحظه شيطان بس انت كسرت ثقتها فيك يا عمر كسرت اي حاجه حلوة ولو كانت بسيطه كانت بينكم..... انت السبب
عمر همس لنفسه وهو يخبط علي الحائط بقضبته ويقول/ غبي غبي يا عمر
* ___________________ *
ليليان واقفه تدندن في شباك الفندق جنب جني وجوليا اصحابها
جني بغمزه/ ما تقولي يا جميل بتفكر في مين
ليليان بخفوت/ في حد ضاع بين النجوم بدور عليه
جني بعدم فهم/ وده مين
ليليان/ ملكيش دعوة
جوليا/ قولولي يلا مين فيكو مخطوب او بيحب او هيك اشياء
جني/ انا سنجل بائس بس البت ليليان دي بتحب كل يوم تقف الوقفه دي يا اختي ومعرفش بتفكر في ايه ولا مين
ليليان بهدوء/ مبفكرش في حد... الشخص الوحيد اللي بفكر فيه هو نفسي ازاي سمحت لحد يبقي نقطه ضعف ليا وازاي كسرني اقوله علي حاجه بتكسرني فيختار اللي تنهيني بفكر في حياتي اللي اتدمرت من قبل ما تتبني حتي
جني/ ايه الالغاز دي
ليليان مسحت دمعه تمردت من عينها وقالت بمزاح/ شكل الاسمنت اللي حياتي بتتبني بيه بايظ
فرح بغيظ/ يا خفه ههههه اضحكو يا ولاد
ليليان موبايلها رن وقفت جمب الشباك وقالت بهدوء/ الو؟
_ .........
ليليان بهدوء/ ميين؟
_ وحشتيني