رواية " على الحان الماضي " الجزء الأول

Part 30

* الفصل الثلاثون *
تقف في شرفتها تسترجع احداث اليوم الماضي وعلامات الحزن علي وجهها تحدث نفسها قائله / زعلانه ليه دلوقتي؟ مش انتي اللي طلبتي الطلاق؟ انتي غبيه اوي كنتي هتقوليله انك بتحبيه واحد مبيثقش فيكي وصدق اي كلام...... لا وحلم حياتك المنحه كنتي هتتخلي عنها في سبيل انك متبعديش عنه...... انا كرهت نفسي بسبب عمر انا كرهتك وكرهت نفسي........ انا مش هبقي ليليان الضعيفه اللي انت عارفها لا انا هاخد حقي منك..... ومن حسن
لارا جات من وراها وقالت بحزن/ مش هتقوليلنا سبب طلاقكو؟
ليليان ابتسمت بكسرة فقد اخبرهم عمر بطلاقهم امس
~~~فلااش بااك~~~~
عمر بغضب/ يلا يا ماما خليناا نمشي
ريم بزهول/ في ايه يا ابني مالك؟
عمر/ مفيش يلا بينا
ريم/ طيب نادي مراتك
عمر بغضب/ لا هي هتفضل هنا
ريم بحده/ عمر في ايه؟ نادي مراتك يلاا
عمر بصوت عالي/ احنا اتطلقناا
الصدمه الجمت الجميع بعد سماع تلك الجمله
ريم بغضب/ ايه اللي بتقوله ده اطلع نادي مراتك.....
عمر/ قولتلك هي مش مراتي انا طلقتها
مصطفي بغضب/ يعني ايه طلقتها؟ واحنا ازاي متقولناش؟ هي ملهاش اهل ولا ايه يا استاذ عمر؟
عمر وهو يحاول كبت غضبه/ بنتك اللي طلبت الطلاق؟
صفيه/ وايه السبب يبني؟
عمر بغضب/ أسألوها اهي عندكو..... يلاا يا ماما
ريم ركبت معاه وقالت بغضب/ ماشي يا عمر بس لو عرفت انك الغلطان متحلمش بليليان تاني
العيله كلها طلعت عند ليليان اللي كانت قافله باب اوضتها وبتعيط بصوت عالي
لارا/ افتحي يا ليليان بقي متخوفينيش
سارة/ يا بنتي قولي ايه اللي حصل لكل ده
وائل بزعيق/ ليليااان هكسر الباب افتحيي بقولك
ليليان اتكلمت بصوت باكي من خلف الباب وقالت/ انا عاوزه افضل لوحدي شوية
سارة/ طيب نشوفك طيب
ليليان بهدوء/ انا كويسه متخافوش
~~~~عوده للحاضر~~~~
لارا/ مش هتقولي برضو؟
ليليان هزت راسها بنفي وقالت/ انا عاوزه مي
* _____________________ *
عمر رجع من عند ليليان والغضب يعميه فقد كسرته كما يعتقد هو وخانت ثقته بها....... لا يعلم هذا المسكين بما فعله بها فقد حولها من مرحها وخجولها الي فتاه عنيده وبارده
عمر دلف الي غرفته هو وليليان واستنشق عبيرها فرق قلبه قليلا لكن عقله اخذ يذكره بما فعلت فأخذ يكسر كل شيء امامه واخرج ثيابها ومزقها بغضب
ريم استمعت لصوت التكسير فدلفت اليه بخوف وقالت بغضب/ ايه يا عمر في ايه؟ اي اللي انتي عملته ده
عمر قعد علي الارض ييأس وقال/ سيبني لوحدي
ريم دخلت وقالت بغضب/ والموقف البايخ اللي انت حطيتنا فيه ده؟ يعني ايه تطلقها مرة وحدة  كده انت اتجننت
عمر/ انا حر اعمل اللي انا عاوزه
ريم/ انت حر ازااي يعني انت مفكر انها ملهااش اهل ولا ايييه؟
عمر بعيون حمرا من الغضب وقف وقال/ اهل؟ فين الاهل دول؟ الاهل اللي ميربوش بنتهم يبقو مش اهل
ريم ضربته بالقلم وقالت بغضب/ انت اتجننت ولا اييه يا عمر؟ انا بنت اخويا متربيه كويس فاااهم؟
عمر الغضب سيطر عليه ونسي انها امه وقال/ بنت اخوكي؟ انتي بتضربني عشان البت دي؟ انتي لسه عارفاها من سنه نسيتي ولا ايه؟ بتضربيني عشان وحده زي دي
ريم بغضب/ زي دي!! دي احسن منك مليووون مرة فااهم؟ وبعدين اي اللي عملته لكل ده يعني؟ هاا...
عمر بغضب هو الاخر/ احسن مني صح؟ اه قولي كده عشان هي بنت اخوكي بس انا مش ابنك صح....... انتي بتحبيها اكتر مني عشان من دمك...... لو كنتي امي مكنتيش هتقولي كده
ريم بصدمة/ انا يا عمر؟ ربنا يسامحك يشهد ربنا انك اغلي ما عندي بس اسلوبك ده انت اثبتلي انك ابن ليل مش ابن ريم
عمر استوعب اللي قاله وقال/ ماما انا مقصدش انا........
ريم/ متقوليش ماما....... الموضوع انتهي انا بكره هرجع البلد ومش هتشوف وشي تاني
ريم خرجت من الغرفه ووجدت العائله تقف تستمع لحديثهم بحزن
سيلين دخلت لعمر وقالت بغضب/ اي اللي انت هببته ده يا عمر؟
عمر بغضب كبير/ سيليييين سيييبني لوحدييي دلووقتي
سيلين ابتعدت عنه بخوف وقالت بثقه مزيفه/ ماشي يا عمر انا هعرف في ايه......وسابته ومشيت
عمر قفل الباب وقعد في الاوضه يفكر في كل اللي حصل وقال لنفسه/ انت غلطت يا عمر انت نسيت انت اتجوزتها عشان تردلها القلم بس هي ضربتك عشره هي كسرتك...... قلبي اللي كنت قافل عليه معرفش ازاي حبها بس هي كانت بتضحك عليك وبتحب غيرك........ ايوه بس هي مقالتش انها بتحبك ( كانت هتقولك يا غبي 😒)
بس انا كنت بشوف ده في عينها من تصرفاتها طيب بعد ما اعترفتلها مصعبتش عليها؟ لا دي اتسلت بيا..... ماشي يا ليليان انا هوريكي مين عمر السيوفي
قام من مكانه بغضب وغير هدومه وكان خارج بس سمع صوت بكاء والدته
رق قلبه لها فهي اهم شخص له خبط علي الباب الاوضه ودخل ليها
عمر بحزن/ ماما
ريم وقفت وقالت بغضب/ اطلع بره يا عمر
عمر بحزن/ لو سمحتي يا ماما انتي عارفه اني مقصدش
ريم بقسوة مزيفه/ انا مش امك وانت اللي قولت كده فلو سمحت سيبني واطلع
عمر/ بس.....
ريم بزعيق/ انا قولت اطلع
عمر سابها وطلع ركب عربيته ومشي بيها وميعرفش هو رايح فين
* ____________________ *
في احدي الكافيهات الفاخره هناك من تضحك بصخب وتقول/ مش قولتلك الخطه هتنجح
حسن وهو يدخن بشر/ هه انا سمعن انه طلقها بالتلاته يعني مينفعش يردها لعصمته
نادين بخبث/ بس حلو انك كتبت اسمك في اخر كارت عشان يصدق اكتر
حسن بخبث/ انا كنت قاصدها وعارف انه هيدقق عشان كده كتبته بخط صغير
نادين/ لا وحوار الشات وتغير الخط ده نفع كنت مفكرك غبي
حسن بغضب/ ما تحترمي نفسك يا ست انتي
نادين بإشمئزاز/ اوك من هنا ورايح انت متعرفنيش وانا معرفكش الخطه اللي بينا نجحت وكل واحد من طريق
حسن بصلها بقرف وقال/ هه من حلاوتك يعني دي بنت خالتي احلي منك...... وسابها ومشي
بصت نادين في أثره بقرف وقالت/ لولا اني عاوزه مساعدتك مكنتش اتعرفت عليك وكملت...... شوفت يا عمر اضطريت الجأ للاشكال اللي زي دي عشانك يا حبيبي ( حبك برص يا شيخه )
* _____________________ *
_ مش راضيه تقولك برضو؟
لارا بحزن/ لا يا تيتا مش راضيه
مصطفي وقف وقال/ يعني ايه طلقها كده مرة وحدة هي بنات الناس لعبه..... ماشي يا عمر انا هخليك تتمني تشوفها ومتلمحهاش
صفيه بهدوء/ اهدي يا ابني انا بقول عليك عاقل
هدي/ يعني ايه يا ماما هو يطلق البت كده مرة وحدة وخلاص؟ البت يا حبه عيني من الصبح حابسه نفسها فوق ومش راضيه تاكل
وائل بهدوء/ يا جماعه ليليان هتسافر
نظرو اليه بصدمة وقالو/ تساافر
مصطفي/ تسافر فين؟
صفيه/ تسافر ايه يا ابني ولوحدها
وائل/ اه يا تيتا في بعثه طالعه كمان يومين امريكا وليليان من ضمن اللي اختاروهم عشان يطلعو
مصطفي/ بس هي هتسافر لوحدها بلد اجنبيه ازاي؟
وائل/ معاها زمايلها يا بابا ومعاهم مشرف عليهم هيقعدو في فندق طول المدة دي واهي تنسي اللي حصل
مصطفي اومأ بحزن وقال/ معاك حق يا ابني وده حلمها وكان نفسها تحققه
لارا لنفسها/ بس هي رفضته امبارح؟ اشمعنا دلوقتي وافقت انا لازم اتكلم معاها
صفيه/ بس برضو دي بنت ازاي هتسافر لوحدها
وائل بنفاذ صبر/ متخافيش يا حاجه كله هيبقي تمام اهم حاجه تطلع من المود اللي هي فيه....... أستأذن انا هطلع اخدها ونروح نشتري الحاجات اللي ناقصها
وائل طلع لليليان ولقيها قاعده في الصالون وتدندن وتقول
* انا قولت اللي محدش قاله
وعملت اللي محدش عمله
يفارقني انا راضي وماله
بكره هيعرف غلطه عمره
هيعيش يفتكرني
وكل ما يقابل في بعدي هيفتكرني
بتمني بس انه يقابلني
هيعيش يفتكرني
وكل ما يقابل في بعدي هيفتكرني
بتمني بس انه يقابلني
خليه يشوف بقي مين ابقاله
ده انا ياما عملت حساب زعلو
انا بعد كلامه وافعاله ......وهكذا
وائل  قال بمرح مصطنع/ دكتورتنا الحلوة قاعده هنا ليه
ليليان بابتسامه حزن/ هعمل ايه يعني؟ اديني قاعده
وائل/ تعرفي ان احسن حاجه حصلت انك مرفضتيش البعثه بجد دي هتغير كتير في مستقبلك
ليليان بهمس/ اهو بغبائي كنت هضيعها امبارح عشان واحد مبيثقش فيا
وائل باستغراب/ بتقولي ايه؟
ليليان/ هاا؟ ولا حاجه المهم ممكن اطلب منك طلب ؟
وائل/ انتي تؤمري
ليليان بهدوء/ الامر لله.... انا كنت عاوزك تيجي معايا عند مي
وائل باستغراب/ مي؟ بس ليه؟
ليليان بشرود/ هتعرف لما نوصل..... احم يلا بينا
وائل/ طيب غيري هدومك وانا مستنيكي تحت
ليليان دخلت اوضتها وغيرت هدومها وخدت الكروت وموبايل عمر المرمي علي الارض ونزلت
مصطفي/ رايحين فين؟
ليليان بهدوء/ رايحين عند مي
سارة بحماس/ اجي معاكو
ليليان ابتسمت وقالت/ يلا بينا
وائل/ احنا هنروح بالعربيه عشان هنطلع علي القاهرة نجيب باقي حاجات ليليان
مصطفي/ علي بركة الله اه ابقي عدي دي علي عمتك
وائل بغضب/ انا مش رايح هناك
مصطفي بهدوء/ عمتك ملهاش دعوة يا ابني بالخلافات دي وبعدين كل شيء قسمة ونصيب
وائل/ بس ده ميمنعش انه غلط
مصطفي/ انا مقولتش انه صح يا وائل اللي قولته ان عمتك ملهاش ذنب خد الشنطة دي واديهالها
ليليان بخفوت/ وائل بابا معاه حق عمتو ملهاش ذنب ومشكلتي مع عمر...... بيني انا وهو انا مش عاوزه حد فيكم يقاطعهم
هدي/ اي اللي بتقوليه ده يا بنتي
ليليان بهدوء/ لو سمحتو ريحوني.... عاوزاكم توعدوني متقطعوش علاقتكم بيهم
نظرت لهم وجدتهم ينظرون لها بشفقه وعطف
ليليان/ هاااا وعد؟
جميعهم/ وعد
ليليان ابتسمت وقالت/ يلا يا وائل
وائل وسارة وليليان ركبو العربيه واتجهو لبيت مي
ليليان نزلت من العربيه ولقيت مي وجوزها رامي وحسن وعائلته والجميع مجتمع في الدور السفلي
نور لمحتها جريت عليها وقالت/ لييي لييي
ليليان حضنته بحب والجميع انتبه لوجودهم
رامي بترحاب/ اي المفاجأة دي البشمهندس وائل؟...منورنا والله
وائل بابتسامة/ بنورك يا ابو سيف
مي حضنت ليليان وسارة وقالت/ الله اي المفاجأة الحلوة دي اتفضلو تعالو
رامي/ اتفضلو يا جماعه...... مي خدي بنات عمك واطلعو اقعدو براحتكو فوق
مي بفرح/ ايو صح يلا يا بنات اتفضلو
ليليان بابتسامة وهي تحمل نور/ معلش يا ميمو مرة تانيه انا مستعجله عشان رايحه القاهرة... وكملت وهي تنظر لحسن...... انا جايه عاوزه عمو ابراهيم وحسن في كلمتين
ابراهيم ( والد رامي وحسن )/ اكيد يا بنتي اتفضلي
ليليان نزلت نور ووقفت قدام حسن ووالدته/ لو سمحت عاوزاك لوحدنا
والده حسن بغيظ/ وهتعوزيه في ايه يا دكتورة؟!!
ليليان ببرود/ انا معنديش مانع اتكلم قدام كل الموجودين بس اعتقد ان ابنك شكله هيبقي بايخ اوي قدامكو وقدام بنت خالته
حسن بابتسامة/ انا تحت امرك يا لي لي عاوزاني في ايه؟
ليليان بغضب/ اولا اسمي ليليان الدكتورة ليليان انت مش من بقيه عيلتي عشان تدلعني
ثانيا وده الاهم انا عمري ما اعوزك في حاجه فااهم
ابراهيم/ تعالي يا بنتي نقعد جوه
ليليان بنفي/ لا يا عمو لو هعطلك تعالي نقف هناك ونتكلم
ابراهيم/ ميصحش يا دكتورة انتي اول مرة تزورينا تعالي نقعد جوه
ليليان باعتذار/ معلش بس احنا مش هنطول
ابراهيم باستسلام/ رامي هات كرسيين نقعد عليهم وانتي يا مي اعملي حاجه لعيال عمك يشربوها يا بنتي
وائل/ ملوش لزوم يا حاج واجبك وصل
ابراهيم بنفي/ ابدا والله اتفضل اقعد
ليليان وحسن وابراهيم قعدو و وائل وسارة دخلو مع مي ورامي
ليليان بهدوء طلعت الكروت وقالت/ حضرتك عارف الاصوال كويس يا عمو ابراهيم وانا عملت احترام للجيرة والنسب اللي ابنك نسيبهم
ابراهيم بص لحسن وقال/ في ايه يا بنتي خوفتيني

ليليان بغضب مكبوت/ ان ابن حضرتك يضايقني ويلزق فيا ويتقدملي مليون مرة دي حاجه وانه يروح لجوزي ويوريه محادثات برقمي القديم اللي معرفش برضو جابه منين دي حاجه تانيه
ابراهيم بص لحسن وقال بغضب/ اي الكلام اللي بسمعه ده يا حسن انت اتجننت
حسن بتوتر/ انا.... انا معملتش كده يا ليليان انا مليش دعوه
ليليان ورته الكروت وقالت بهدوء/ دول منك صح؟
حسن مردش
ليليان بهدوء/ عارف يا حسن انت عمرك ما حبيتني
حسن باندفاع/ كلام ايه ده انا بحبك والله بعشقك
ليليان/ اللي بيحب حد مبيشوهش صورته ومبيؤذهوش انت عملت كده بقي
حسن بتسرع/ مكنش قصدي
ليليان/ يعني انت عملت كده؟
حسن بحرج/ ايوه
ابراهيم وقف وضرب حسن بالقلم وقال بغضب/ هي دي الرجوله هي دي تربيتي ليك؟!
العيله كانو قصادهم ولما شافو ابراهيم بيضرب حسن اتصدمو بس محدش اتدخل
ليليان بهدوء ممزوج بالصدمه/ عمو ابراهيم لو سمحت سيبني معاه شوية
ابراهيم بص لحسن بخزي وقال/ ما شاء الله علي تربيتي يا ابني عاش والله
حسن بص لابوه وبعدين بص لليليان وقال بلهفه/ ليليان صدقيني انا عملت كل ده عشان بحبك والله العظيم ببحبك ليليان بهدوء/ انت لو بتحبني هتقولي جبت الرقم القديم ده منين وجبت الفيديو ازاي
حسن قص عليها كل خططه مع نادين من اول خطوبتها والي الان
ليليان بصدمة/ نادين؟!! هي كمان بس برضو جبت رقمي ازاي؟
حسن بحرج/ انا..... انا فتحت موبايل مي من غير ما تعرف وهو طبعا مش عليه باسورد لان سيف ونور بيلعبو بيه ودورت علي رقمك لقيت اتنين انا كنت عارف الجديد فخدت نمرة الرقم القديم واديته لواحد صحبي شغال في الهكر وخليته يعملي شريحه بنفس الرقم وحطيتها في موبايلي وراسلت بيها نفسي
ليليان بصتله بقرف وقالت بهدوء مصطنع/ والفيديو يا حسن حسن بصلها بحب/ الفيديو؟!
~~~فلااش باك~~~
نور بعياط/ ماما سيف غرقني مايه
مي باستسلام/ يا ربي تعالي اما اغيرلك عشان متتعبيش
مي اخدت نور وطلعت وحسن قاعد متابع الحوار
وفجأة موبايل مي جاتله رسايل
حسن/ مي موبايلك....
مي من بعيد/ ميين؟
حسن مسك الموبايل وفتحه وشاف فيديو من سارة وكان لسه بيحمل
حسن بصوت عالي/ سااارة
مي/ انا جاايه اهو
حسن لسه هيحط الموبايل الفيديو اشتغل حسن شاف ليليان بتغني فرح جدا وبعت الفيديو لنفسه من غير ما حد يعرف ومسح الشات بسرعة
وسابه الموبايل ومشي
~~~~~~~~~~~
ليليان قامت بغضب وصفقت قالت/ بجد شابوووووه يا حسن انا مش عارفه اقولك ايييه انت والانسانه التانيه
حسن قام وقال/ ليليان انا قولتلك الحقيقة عشان بحبك انتي هتتجوزيني صح؟
ليليان بغضب/ اتجوزك؟ انت انسان...... مش عارفه اقول ايييه برافو بجد يا حسن عرفت توقع بينا
حسن قام وقال/ انا موقعتش بينكو انا مأجبرتوش انه يصدق انا قولتله وهو اللي صدق متلومينيش لو جوزك معندوش ثقه فيكي
ليليان اتصدمت من كلامه وقالت/ دي الحاجه الصح الوحيدة اللي انت قولتلها يا حسن انت ملكش ذنب....... انا همشي بس اعرف اني عمر ما هسامحك...... مش عشان عمر طلقني...... لا عشان سمعتي اللي اتشوهت وعشان الناس اللي اتهانت بس انا بجد بشكرك عارف ليه؟ عشانك فوقتني فوقت ليليان تانيه يا حسن وعرفتني ان مش كل الناس زي بعض
ليليان القت هذا الكلام علي مسامعه واغلقت الموبايل عن وضع التسجيل وقالت/ يلا يا وائل يا سارة
وائل نظر لاخته بشفقه فلقد سمع كل حديثها مع حسن وقال بحب/ يلا يا حبيبتي
ليليان ركبت مع وائل وسارة وراحو علي القاهرة وكانو ساكتين طوال الطريق
_ انت ازاي تضربه قدام حد؟
ابراهيم بغضب/ بقولك اييه انا مش ناقصه فاااهمه؟
_ هو كان عمل ايه لكل ده؟
ابراهيم/ اهو عندك اسأليه ابنك اللي جابلنا الكلام اللي اثبتلي اني مربيتش
رامي/ لييه يا حاج هو عمل ايه؟
ابراهيم بغضب/ اتنيلي انت كمان يعني انت اللي فالح؟ انا مش عاوز اكلم حد فيكو امشو من وشي
بقلم /         Ghdeer ✨