البارت الحادي عشر
صباح جديد ملئ بالمفاجأت لابطالنا
استيقظت تلك القدر المميز علي اصوات عاليه بالخارج
فقامت ونزلت للاسفل وجدت والدتها تطلق الزغاريط ووالدها يبتسم بفرحه
قدر بنعاس: اييه ايييه الوش ده علي الصبح في ايه
نور بفرحه: اخيرااا ياقدر اخيراا هفرح
قدر: ايه ياحاجه مالك انتي حامل ولا ايه (ووجهت كلامها لوالدها) عملتها يابابا.. كده طب مش كنت تاخد اذني الاول
ايهاب: بس ياهبله امك قصدها حاجه تاني
قدر: طب خلصوني بقي عاوزه اتخمد
نور بفرحه: جايلك عريس ياقدر
قدر: والله؟ جايلي عريس.. طيب ماشي
واتجهت لتصعد غرفتها فأمسكتها نور
نور: استني هنا.. بقولك جايلك عريس
قدر: مانا سمعت انا سمعت والله سيبيني انام بقي
نور: يابني ادمه بقولك متقدماك عريس يعني صحصحي كده انزلي اشتري شويه حاجات كده يعني
قدر: ايه اشتري حاجات ليه
نور:عشان لما يجوا
قدر: وهما جايين امتي
نور: ابوكي اداهم معاد بكره الساعه٧
قدر لوالدها: بردوا.. بردوا ياحاج.. يعني امي حامل وقولنا ماشي.. انما تدي العريس معاد من غير استأذاني دي بقي اللي مش هسكت عليها
ايهاب بضحك: ياهبله امك ايه اللي حامل
قدر وهي تحك شعرها: اه صح الموضوع اتلغي.. انا هطلع انام
نور: قداااااار
قدر: نعاااااام
نور: انا قولت ايه
قدر: قولتي قدااااااار
نور بغيظ: اااه هتموتيني.. روحي يابت غيري يلا وانزلي اشتريلك كام فستان اي حاجه حلوه كده عشان تباني حلوه قدام الناس
قدر وهي تصعد الدرج: هو انا هقابلهم كده بشكلي ده.. هفضل كده لحد بكره.. يلا بقي
ودخلت غرفتها واغلقت الباب خلفها.
وبعد حوالي ربع ساعه
خرجت من غرفتها وهي ترتدي ملابسها ونزلت الدرج
نور بفرحه: هتروحي تجيبي اللي قولتلك عليه صح
قدر: اهدي شويه ياحاجه انا مش رايحه احيب حاجه انا رايحه الجامعه.
نزر: ماشي ياقدر انا هنزل انا
قدر: مدام هتنزلي انتي وهتجيبي وهتدفعي ابقي البسيهم بقي وقابليه انتي
أنت تقرأ
معشوقتي مجنونه رسمي❤😜..(الروايه الاولي من سلسله "أنا وانتي والعشق❤")
Romanceاردفت بصدمه وهي تري امامها تلك الجثه الغارقه في دمائها وهو يقف بجانبها وفي يده مسدسه ويديه ملطخه بدمائها لتردف بصدمه: قتلتها؟.. قتلتها ليه؟ فأردف هو بسرعه: لا والله صدقيتي انا مقتلتهاش والله العظيم ماقتلتها انا خرجت لقيتها كده نظرت لها بصدمه ثم صر...
