معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ١٨

البارت الثامن عشر

في صباح جديد تشرقه شمس يوم جديد.. عفوا عفوا..اعتذر..فلأن قد اقتربت الشمس علي الغروب فالساعه الان تقارب الثانيه والنصف عصرا
وكان جميع ابطالنا قد استيقظوا وفعلو روتينهم اليومي وذهبوا لوجهتهم بهمه ونشاط
ولكن مهلا..اعتذر منكم مره اخري.. ليس جميع ابطالنا فهناك القليل من ابطالنا لم يستيقظوا بعد.. مازالوا نائمين
واعتقد انكم تعرفونهم جيدا
فمن هم ياتري
خمنوا من هم حالما نعود لهم مره اخري

في كفاتيريا الجامعه

ملاك:وبس..اتصالحوا بقي..وهما جايين عندنا انهارده

همس:رغم ان الموضوع كان معقد وصعب بس اتصالحوا بسرعه

وچد:فعلا..انا قولت هيقعدوا فتره لحد مايتصالحوا

قدر:بس ايه ده..اتصالحوا بسرعه ليه مقعدوش فتره طويله اسبوع اسبوعين شهر سنه وبعد كده يتصالحوا

ملاك وهي تخمس في وجهها:ياساتر يارب..ايه يابت القر ده قل اعوذ برب الفلق..وبعدين يقعدوا سنه ليه انشالله كان قاتله قتيل

قدر وهي تهز كتفيها:وايه المشكله لما يقعدوا سنه ولا عشره هما وراهم حاجه

وچد بضحك:الله يخربيتك

همس:يابنتي دول اخوات يعني لازم يتصالحوا بسرعه

ملاك:قوليلها

همس:وعلفكره هما لو مكانوش اتصالحوا بسرعه كده انا كنت استغربت

ملاك:قوليلها

همس:وكنت قولت انهم مش باقيين علي بعض ولا بقوا بيحبوا بعض فاأكيد دول عشان اخوات كان لازم يتصالحوا بسرعه

ملاك: قوليلها

قدر: ايه ياماما خلاص.. عماله قوليلها قوليلها قوليلها.. ايييييه ماهي بتقولي فعلا ولا هو انا مبسمعش يعني

ملاك بسخريه: لا العفو

لمحت همس ليل يقف علي باب الكافتيريا وهو ينظر لها ويتحدث معها بالاشاره وكان يخبرها بأنه يريد ان يتحدث مع وچد بمفردهم
ففهمت هي مايريد قوله وماذا يريدها ان تفعل فأومأت له برأسها بأنها ستتصرف ووجهت كلامها لاصدقائها قائله

همس:امممممم..انا هروح اجيب الچاكيت بتاعي من العربيه عشان بردانه

ملاك:بردانه؟ده الجو نار يابنتي

همس:ياستي وانتي مالك انا حلوفه..هروح اجيب الچاكيت وهاجي

قدر وهي تشرب العصير وتهز كتفيها:روحي حد ماسكك

همس لكي تجعلهم يخرجون من الكافتيريا:طب ماتيجوا معايا

قدر برفعه حاجب:نيجي معاكي فين؟

همس ببراءه: وانا بجيب الچاكيت

ملاك بضحك:يلا يابت بلاش هبل..العربيه هنا..كمان خطوتين مش مستاهله