معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٣١

البارت الواحد والثلاثون

اكشن، رعب، دراما، كوميدي

هذه الكلمات التي كتبتها سمر في كل ورقه كلمه

ثم طوتها ووضعتهم في يديها ورجتها ثم القتهم في الارضيه وامسكت بإحدي الاوراق ونظرت فيها لتردف نجلاء

نجلاء:ها ياسمر لقيتي ايه؟

اسما:طلع ايه

جنه:ماتقولي ياختي في ايه في الورقه

نجاه:ماتخلصي يابنتي وقولي ايه نوع الفيلم

سمر وهي توزع نظراتها بينهم:هنتفرج علي

الفتيات بصوت واحد:هاااا

سمر:علي..

الفتيات بحماس:هااااا

سمر وهي تطوي الورقه:مش هنتفرج علي حاجه احنا هنقوم ننام يلا يلا نوم

وقامت واغلقت التلفاز تحت نظراتهم المندهشه والمصدومه

نجاه برفعه حاجب:ده ايه ده

سمر:يلااااا هنااام انا قولت كلمه وهتتنفذ

نجاه وهي تصفعها علي رقبتها:وده بصفتك ايه

سمر:طب دي مش اصول لما اكون متقمصه الشخصيه وانتي تضيعيها كده

نجاه:معلش.. هاتي الريموت بقي

سمر:لا كفايه كده بقي الساعه ٤ ننام بقي عشان نصحي الصبح بدري ناخد اليوم من اوله بقي علي البحر وكده ونخرج واليوم يبقي طويل ونبقي مصحصحين

جنه وهي تتثاوب:والله معاكي حق انا اصلا عاوزه انام

اسما:يخربيتك نعستيني

نجاه:طب خلاص يلا نطلع ننام ونتفرج علي الفيلم بكره

نجلاء:طب قولياي ونبي الفيلم طلع ايه لحسن فضولي هيموتني

نظرت لهم سمر وجدت علامات الفضول والحماس والتساؤل باديه علي وجههم لتقول

سمر بستفزاز:مش هقولكوا

نجلاء:انجزي

سمر:ل

لم تكمل جملتها حيث ان نجاه امسكت بالسكين الموضوع علي طبق الفاكهه علي الكاوله ووضعته حول رقبتها لتردف سمر

سمر:اوعي السلاح يطول..اوعي شطانك يوزك

نجاه:ماتخلصي يابت عماله تلعبي بأعصبنا وعامله نفسك كبيره وانتي اصلا ملكيش لازمه ماتنطقي وتقولي نوع الفيلم ايه

سمر:اهدي ياوحش مش كده كبيره ايه بس ده انا عقلي اصغر من طفل كبيره ايه وبتاع ايه انا بتاعه الكلام ده تؤ عيييب

نجاه وهي مازالت تضع السكينه علي رقبتها:انجززي

سمر:حاضر حاضر..الفيلم طلع كوميدي