معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٦٨

البارت الثامن والستون

نهضوا جميعاً واسند مراد رعد لكي يقوم
ونهض الجميع وقبل ان يتحدث احدهم
صدمت ملك بوقوف اسعد امامهم جميعاً
دق قلبها بعنف والقلق يتسرب اليها
خصوصاً بعدما اختلس تلك النظره الخبيثه اليها
اختطفت نظره لأيهم لتجده ينظر لها يطمنها
لا تنكر انها شعرت بالأطمئنان قليلاً
ولكن مازال بداخلها خوف فلماذا يقف هكذا وعلي ماذا ينوي!!؟؟...
تري هل سيقول شيء يعكر صفو حياتهم ويقلبها رأساً علي عقب كما فعل من قبل

نظرت لأصدقائها لتجدهم ينظرون له بغيظ.. شر..كره
دارت بنظرها علي الجميع.. فالجميع موجود بلا استثناء مترقبين لما يريد قوله ذلك الخصم
حقاً اذا نطق بشيء الان فالموت حليفها لا محاله

حبست انفاسها وهي تراه يتحدث ولكن حديثه هو ماصدمها وصدم الجميع وبالاخص رعد

اسعد: احم.. الف سلامه عليك ياكابتن.. حقيقي انا متأسف ليك جدا علي اللي وليد عمله بس هو مكنش يقصد حاجه.. ودي مسابقه وكنا فيها اخصام.. اتمني يكون عندك روح تسامح ومتزعلش.. والف مبروك المسابقه اللي كسبتوها

تنفست ملك الصعداء ورفعت حاجبها وهي تنظر له بعدم تصديق وكذلك الجميع دهشوا من حديثه

اسلام: هو وليد كده طول عمره اصفر

اسعد: عارف انكوا مستغربين بس انا محبتش اللي حصل ده وحسيت انه كان هيتسبب في اذيتك

ايهم بتنهيده: ياحنين

نظر له اسعد بغيظ فلم ينسي صفعته له وتحدث وهو يرمقه بغضب ويستعد للرحيل

اسعد: بعد اذنكوا.. والف سلامه عليك مره تانيه؟

قالها وغدر بعدما اختطف نظره لملك التي نظرت لاصدقائها بعدم تصديق ودهشه

رعد: غريبه يجي بعد القفا اللي ايهم ادهوله وسط الناس ويقول الكلام ده

فهد الكبير: بس مش عارف حاسس ان انا شوفته قبل كده

رعد وهو يحاول التذكر: مش عارف بس انا حسيت بردوا اني شوفته قبل كده

دق قلبها بعنف وهي تبتلع ريقها وتنظر لهم بقلق وتسب اسعد في سرها

ايهم: عادي  يعني يخلق من الشبه اربعين.. يلا ياعم عندنا غدا معزومين عليه

رضا: طبعا ما ابو بلاش كتر منه بقي

ايهم: طبعا ياحبيبي.. يلا ياعيال

وغادروا جميعهم خلف بعضهم وبقيت بالأخير شهد وملك ود.ملك ومريم

مريم: امممم واضح انه جاي وناويها

شهد: ولا يقدر يعمل حاجه لو عاوز يعمل حاجه كان عملها دلوقتي وهو ايه اللي يمنعه

د. ملك: فعلاً هو في دماغه حاجه عاوز يعملها بالحركه دي.. حاجه ايه بقي معرفش.. يا إما عاوز يخوفك ياملك ويلعب بأعصابك يا إما عاوز يقرب من رعد مثلاً وده لسبب تاني مش مفهوم