معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

هاام

جماعه
فضلاً وليس امراً
ادعوا لصديقتي "ريڤان"
بالرحمه والمغفره
لانها في ذمه الله
ادعولها ربنا يغفر لها ويسامحها

حقيقي ياجماعه الواحد يبقي قاعد مع الشخص ده كده وفجأه ميلاقيهوش معاه وفجأ يختفي؟!
صعبه اووي بجد
انا حاليا نفسيتي مدمره جدا وقلبي واجعني اوي عليها وعلي صحابها اللي مموتين نفسهم عشانها
ادعولها ياجماعه ربنا يغفرلها ويسامحها ويجعل مسواها الجنه

نصيحه مني ليكوا.....

لو زعلانين من حد روحوا صالحوا حتي لو انتوا اللي غلطانين وخيركم من يبدأ بالسلام

ولو مزعلين حد منكوا راضوه

وحسنوا علاقتكوا مع الناس
حبوا الناس عشان الناس تحبكوا

وقبل كل ده قربوا من ربنا

الدنيا دي فانيه ومش هينفعك بعدها غير اعمالك فيها ودعوه من ناس بتحبك

الدنيا مبتديش للواحد اكتر من فرصتين بالكتير اوي تلت فرص لو الانسان محظوظ

لازم تستغل كل فرصه كانت متاحه ليك

لازم تطلع من يومك بحاجه مفيده

لازم تكون راضي عن نفسك وقبل ده رضا ربنا وامك وابوك عنك

جماعه حقيقي الدنيا مش مستهله نضيع كل ده
عيشوا اللحظه علي انها اخر لحظه

انا كنت مدهوشه بجد من كميه البنات اللي كانوا في الجنازه انهارده

ماشاء الله ريڤان كانت محبوبه من الكل وكانت طيبه مع الكل

انا كنت ماشيه وافكر هل لما اموت هلاقي ناس كتير تزعل عليا كده ولا انا مش مهمه بالنسبه لاي حد

ادعولها ياجماعه فضلا وليس امراً

واسفه علي اي حاجه صدرت مني معجبتكوش بس صدقوني مش ببقي قصدي

وشكرا علي وقتكوا اللي قضتوه معايا ودعمكوا ليا
وانا موصيه اختي الصغيره
ان لما يجي وقتي وابقي في ذمه الله انا كمان

هي هتنزل هنا وهتقول كده بردوا

بس طلبي منكوا بقي
انكوا تدعولي كتير وعايزه زي ماكان ريڤان ليها ناس كتير بتحبها انا كمان ابقي ليا ناس كتير بتحبني

ولاخر مره حاولوا تصلحوا علاقتكوا بكل اللي حاوليكوا واقربوا منهم وقربوا من ربنا لان دي دنيا فانيه
ومحدش هياخد حاجه معاه

متنسوش طلبي الاول

(دعوتكم لريڤان)

وشكرا لوقتكوا❤