معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٦١

البارت الواحد والستون

ملاك: يارب تكون انبسطت ياعمرو.. يارب تكون نفذت اللي في دماغك.. دمرتها وبعدتنا عن بعض اتمني تكون انبسطت.. انا بس عايزه اعرف حاجه واحده.. انت ليه عايز تنتقم مني رغم اني معملتلكش حاجه.. انا عملتلك ايه عشان كل الكره ده؟.. عايزه افهم

عمرو وهو يقترب منها: اقولك.. وماله. من حقك بردوا تعرفي.. عايزك بس ترجعي بذاكرتك لورا خالص من اربع سنين فاتو.. فاكره عبدالله؟؟

ملاك بصدمه: عبدالله.. انت تعرف عبدالله؟.. تعرف عبدالله منين؟

عمرو بدموع حسره وقهر: اخويا

ملاك وصدمتها لم تقل:ايه؟..اخوك.. اخوك ازاي..

عمرو وهو ويمسح دمعه فرت من عينيه: اخويا ياملاك.. فاكره عبدالله كان بيحبك ازاي؟.. ها فاكره.. فاكره لما جيه اعترفلك بحبه وانتي بمنتهي البرود والقسوه رفضتيه.. فاكره ولا افكرك

ملاك بذهول: الحب مش بالعافيه ياعمرو.. وانا محبتش عبدالله مش ذنبي انه حبني

عمرو بعصبيه:لا ذنبك..ذنبك انك دخلتي حياته اصلا من الاول..ذنبك انك علقتيه بيكي وخلتيه يحبك وخلاص.. ذنبك انك كنتي بتعامليه حلو فافتكرك بتبادليه نفس مشاعره نحيتك.. لو مش ذنبك ياملاك هيبقي ذنب مين؟

ملاك: مش كل معامله كويسه يبقي وراها حب مش لازم عشان اكون بعاملك حلو يبقي انا كده بحبك ده مش منطق.. كل واحد بيعمل بأصله وانا متربتش علي اني اعامل حد وحش حتي لو مبحبوش.. واخوك مكنش اكتر من صديق بالنسبالي ياعمرو

عمرو: انتي عارفه بعد مارفضتيه عمل ايه

ملاك بإيماء: ايوا عارفه.. سافر بره ولسه مرجعش لحد دلوقتي

عمرو بضحك: سافر؟؟.. انتي كمان صدقتي.. عبدالله مسافرش

ملاك بستغراب:اومال هو فين دلوقتي

عمرو بألم ودموع:عبدالله انتحر

شهقت ملاك بصدمه ووضعت يديها علي فمها وسقطت دموعها وبدأت بالبكاء قائله

ملاك ببكاء:انتحر؟..

عمرو بحزن:ايوا انتحر لما حاول معاكي مره واتنين وتلاته وعشره ولاقاكي بردوا مفيش فايده ومش بتحبيه ولا ناويه تدي لحبه فرصه ولا حتي بتفكري فيه ولا هو اصلا في دماغك قرر ينتحر..وخد جرعه دوا زياده اوي هي اللي موتته

ملاك بدموع وشهقات: ليه عمل كده ليه.. انا كنت بحبه اوي كنت معتبراه اخويا ليه يعمل في نفسه كده