معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٧٢

البارت الثاني والسبعون

طبعا انا عارفه اني قولت هنزل البارت امبارح.. بس والله ماما تعبت وخالتي وعيالها كانوا عندنا
فاماما بقي وكلتني مهمه الاكل والبيت والمواعين لوحدي..
وعقبال ماخلصت ملحقتش اكتب حاجه
وانهارده انا لسه جايه من عند الدكتور مع اختي عشان تعبت وهي حامل وكده.. وطول مانا في الميكروباص قاعده بكمل الروايه ويدوب جيت ونزلتها اهو

انا بس عايزه افهمكوا حاجه ياريت تفهمومها وتستوعبوها.. انا عارفه اني قولت كذا مره هنزل ومبنزلش.. بس انا ببقي عايزه انزل البارت اكتر منكوا والله.. بس بيحصل حاجات تمنعني.. مش بلحق اكمله.. النت يفصل معرفش انزله.. كذا حاجه.. والواحد مبيبقاش عارف ايه اللي هيحصل.. يعني انا قولت هنزله الجمعه وكنت ناويه فعلا.. بس حصل زي ماقولتلكوا كده.. طب انا كنت هعرف منين ان كل ده هيحصل..في اي مره بقول فيها هنزل ومش بنزل فانا فعلا كنت هنزل وناويه والا مكنتش قولت.. بس بيحصل ظروف ومش بعرف انزله..
بس انا فعلا ببقي عايزه انزل البارت ووببقي متشوقه جدا اشوف رأيكوا واي كومنت يجيلي..بس زي ماقولت بيبقي غصب عني..وبيبقي علي عيني والله لما مش بنزل..اتمني تتفهموا موقفي..وتستوعبوا النقطه دي..
وكمان دي اول مره تحصل انزل بارتين ورا بعض كده والاتنين طوال مش قصيرين كمان.. فاحمدوا ربنا بقي😂
وبعدين الجمعه من السبت مفرقتش كتير .. عدوها بقي 😘😉

يلا

******

جالت هذه الفكره بخاطرها عندما رأت ذلك الاسعد يقف مع والدها علي بعد ليس كثير منها
نظر لها والدها واشار لها ان تأتي
فألتفتت لها ذلك الخبيث ونظر لها وعلي وجهه اكثر ابتسامه ماكره رأتها بحياتها
سقط قلبها هلعاً وتقدمت منهم وهي تقدم خطوه وتأخر اثنتان
وتبتلع ريقها بتوتر وتدعي ربها ان يمر كل شيء بسلام
حتي اقتربت منهم

فهد:جبتي الحاجات؟

تنفست الصعداء اخيراً وحمدت ربها في سرها
فوالدها لم يعرف شيء ولم يخبره ذلك البغيض بشيء

ملك: جبتهم اه

فهد وهو يشير برأسه الي اسعد:عارفه ده مين

ملك وهي تتحاشي النظر لعيونه التي ترصدها: مين؟

فهد: ده الشاب اللي كان بيلعب في الفريق الخصم في كره السله.. اللي جيه في الاخر واعتذر لرعد اخوكي لما وقع

ملك بشمئزاز وكره مخفي: اه افتكرته

اسعد: انا سعيد بمقابلتك