معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٦٠

البارت الستون

في المشفي

كانوا جميعهم في الغرفه مع ايليف بعد ان خيط لها الطبيب جرح رأسها
ذهبت مكه نحو سريرها وهي تخفض بصرها بحزن وخجل

ايليف: مكه حبيبتي مالك

مكه وهي مازالت تتجه نحوها وبمنتهي البراءه:انتي تويسه (كويسه)

ايليف ببتسامه: كويسه ياحبيبتي الحمدلله

مكه بدموع في عينيها:انا اسفه

ايليف بدهشه:اسفه علي ايه ياحبيبتي انتي معملتيش حاجه

مكه وقد تقوس فمها وعلي وشك البكاء:لا عسان انا تنت السبب وانتي العلبيه تانت هتخبتت واتعولتي بسببي(لا عشان انا كنت السبب وانتي العربيه كانت هتخبطك واتعورتي بسببي)

وبكت بطفوله وبراءه وهي تشعر بالذنب
اخذتها ايليف في احضانها وهي تقول بحنان وتقبل خديها

ايليف: لا ياروحي لا ياحبيبتي انتي مالكيش دعوه ربنا اللي عايز كده انتي معملتيش حاجه

مكه والدموع علي خديها: يعني انتي مس (مش) سحلانه (زعلانه) مني

ايليف بنفي وابتسامه وهي تمسح دموعها: تؤتؤ.. يلا امسحي دموعك بقي العيون الحلوه دي متعيطتش.. ماشي؟

مكه: ماسي

وفي ذلك الوقت دلف عدنان ومعه باقي الشباب

عدنان ببتسامه سرقت قلبها : حمدلله علي سلامتك ياايليف

ايليف بهيام: الله يسلمك

عدنان: انتي كويسه دلوقتي

ايليف وقد افاقت لنفسها: احم.. ايوا الحمدلله كويسه

كارمن: هو ايهم فين مش كان معاكوا

رضا: لا ايهم مكانش معانا

كارمن: اومال هو راح فين

ايهم وهو يدلف ببتسامه: انا اهو

ايليف بتذمر طفولي وهي تربع يديها امام صدرها:كنت فين ياأستاذ ايهم وسايب اختك كده

اتجه ايهم لها وقبل رأسها بحنان وقال ببتسامه: الف سلامه عليكي ياحبيبتي.. حقك عليا معلش كان عندي مشوار مهم

ايليف ببتسامه: ولا يهمك

دلفت شهد وملك وخلفهم د. ملك ومريم وغرام