معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٦٩

البارت التاسع والستون

علي الناحيه الاخري

رعد وهو يراقب اثر كلماته علي وجوههم:نڤين..نڤين ياملك

صُعقت ملك من قوله وتلجم لسانها وتحدثت بصدمه

ملك:نڤين مين؟..قصدك نڤين اللي هي

رعد مقاطعاً اياها وهو يهز رأسه:ايوا هي

ملك:طب وشمس

رعد وهو يرفع كتفيه:مالها

ملك برفعه حاجب:لا والله..مالها..ده ايه برودك ده..وبعدين لو مش عاوز شمس ماشي..انما نڤين..نڤين يارعد..ملقيتش غير نڤين اللي تتجوزها؟

رعد بعصبيه وانفعال: وانتي مالك اصلا دي حياتي وانا حر فيها.. متدخليش في اللي ملكيش فيه.. هو انتي اللي هتتجوزي ولا انا.. وبعدين انا من حقي اختار البني ادمه اللي هعيش معاها بقيت حياتي.. ومش لمجرد انها مش عجباكي هقولك حاضر انا هغيرها.. لا ياملك مبتتحسبش كده ابدا.. وبعد كده متدخليش في حاجه متخصكيش تاني

كانت تحدق به وهي تستمع لحديثه الذي لأول مره تسمعه من شقيقها
وكذلك والديها الذي دهشوا من صراخه عليها
فهو بالعاده يحب دائماً مشاكستها ولا يحب ان يراها حزينه ابداً فكيف يتحدث معها هكذا اذا

قمر:انا مش فاهمه مالها نڤين يعني

فهد:انا اعرف؟..مالها ياملك
   
ملك وهي تحدق برعد الذي يلهث من اثر انفعاله بعتاب وبعيونها لمعه دموع: مفيهاش.. وانا اسفه يارعد.. لو كنت اتدخلت في حاجه متخصنيش.. انا اسفه.. وفعلا دي حياتك وانا ماليش دخل فيها.. انت حر.. وانت كبير كفايه انك تعرف الصح من الغلط.. انا هطلع عشان عندي مذاكره

قالتها وصعدت سريعاً لينظر لها رعد بضيق وندم علي طريقته معها
ثم التفتت لوالداه الذين مازالوا ينظرون له بعدم فهم

رعد: انا هاخد منها ميعاد مناسب عشان نروح نطلب ايدها.. عن اذنكوا

قال جملته وصعد الي حجرته هو الاخر مغلقاً الباب خلفه

في الصعيد

: ايه رأيك يارضوي

قالتها وعد بفرحه بعدما تخلت عن خجلها قليلاً
وكانت ترتدي في إصبع البنصر خاصتها دبله ذهبيه

رضوي:حلوه اوي ياوعد والشكل رقيق كده وهادي

وعد: تمام.. هاخدها دي