معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٦٦

البارت السادس والستون

: انتوا ياشويه ميتيييين.. اصحي ياض منك ليييييه.. يخربيت اهاليكوا الماتش هيفوتنا

كان هذا صوت رضا الذي وقف امام الشاليهات وهو يصرخ بأعلي صوته

رعد وهو يخرج من الشاليه وبإزعاج: بااااس يالا ايه صوتك المعفن ده علي الصبح

عدنان وهو يخرج من الشاليه هو الاخر: ايه يارضا.. بتزعق ليه علي الصبح كده

رضا: وحياه امكوا؟.. انتوا هتستهبلوا انا قايلكوا ان الماتش هيبداء الساعه 2 والساعه دلوقتي 12 ونص

رعد:طب يابابا ليه بدري

رضا بسخريه: بدري من عمرك ياخويا ان شاء الله.. احنا عقبال مانروح هتكون الساعه 1 وربع ولا حاجه وومش هنلحق نعمل اي حاجه يدوب نلبس الهدوم اللي هنلعب بيها وخلاص

عدنان: نعمل ايه يعني.. اليوم امبارح كان متعب وكلنا كنا تعبانين

رضا: ده علي اساس اني كنت في السينما باكل فشار.. مانا كنت معاكوا في الليله دي وصاحي اهو

عدنان: عشان انت اكتر واحد فينا مهتم بموضوع الماتش ده.. ومتنساش ان انت اللي دبستنا في اصلا

رعد: خلاص بقي.. انا هاروح مشوار علي السريع كده.. وانت شوف ايهم ومراد واسلام وخلي عدي يشوف صاحبه ده.. يعني جمع التيم عقبال ماأجي

عدنان: هتروح فين؟

رعد: مشوار مهم.. ومش هتأخر

رضا:طب بسرعه ها

رعد: حاضر

وتركهم وغادر من امامهم

رضا: يلا ياعدنان نشوف العيال التانيه دي

عدنان: انا هدخل اشوف عدي واشوفه كلم صاحبه ولا ايه وانت شوف ايهم ومراد وكلم اسلام

رضا بحسره: دايما سايبين كل حاجه عليا

عدنان بضحك:معلش انت الكبير

رضا: طب يلا ياخفيف عشان منتأخرش

في القاهره

اسما: يانجلاء قومي بقي.. مش قولتي عندك قضيه هتروحي تترافعي عنها في المحكمه انهارده

نجلاء بتململ: اسما.. سيبيني ابوس ايدك شويه انا لسه نايمه من ساعتين بس.. كنت راجع علي القضيه

اسما:حبيبتي معلش الساعه داخله علي 1.. وانتي قولتي القضيه معادها الساعه 2 ويدوب تفطري وتمشي بسرعه

نجلاء وهي تنهض وبتنهيده:اووف.. اهو صحيت حلو كده؟

اسما وهي تقبل خدها: شاطره ياقمر.. يلا قومي كده ارفعي راسنا وعرفي كل الناس انك اشطر محاميه في الدنيا