معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٥ ✨

البارت الخامس

مر اسبوع علي ابطالنا بدون جديد وبدأت شهد عملها في المركز وكونت صداقه مع ايليف وايضا بدأت ملك عملها وتعرفت علي ايلين واصبحوا اصدقاء

وجهز ادهم مكان عمله كدكتور باحد الجامعات وكذلك عمر كطالب

وها قد اتي موعد اول يوم في السنه الاخيره من الدراسه

ارتدت ملك ملابسها والمكونه من تيشيرت ابيض بنصف كم وبنطال جينز من النوع البوي فريند وحقيبه بلون البنطال وكوتش ابيض وتركت لشعرها العنان

وخرجت من غرفتها

رعد: صباح الدراسه

ملك: اسكت الله يخليك انا مش ناقصه دي الاجازه عدت زي الهوا

قمر: خدي اشربي اللبن ده قبل ماتمشي

ملك: اشرب ايه لامؤخذه

قمر: بنت اتلمي واشربي اللبن يلا

ملك بغيظ؛: ماما الله يخليكي مابحبش كلمه بنت دي بتعصبني

قمر:بنت انا قولت ايه اشربي يلا

تأفأفت ملك وتركت امها وذهبت لوالدها ومدت لها يدها فنظر لها فهد باستغراب ثم مد يده وصافحها

ملك بضحك: لا حضرتك انا مش بسلم عليك انا بقولك شخلل جيبك

فهد: ااه وانا اللي قولت غريبه عليكي ماشي ياختي

واخرج من جيبه نقود واعطاها لها

ملك: هطير انا بقي عشان الحق الكليه

قمر: مش هتشربي اللبن بردوا

ملك: لبن ايه ياماما هو انا رايحه اولي ابتدائي

قمر: احسن بردوا اشربه انا

رعد: تحبي اوصلك

ملك: لا يارعود هروح مع البنات سواا

نظر لها رعد بغضب

ملك بانتباه: قصدي. رودي.. قصدي كهربا كهربا.. يلا سلام

وغادرت ملك المنزل

*******
فيلا الشافعي

خرجت مريم من غرفتها وهي ترتدي تيشيرت ازرق نصف كوم وسروال جينز يتناسب مع قصر قامتها وكوتش اسود وتركت لشعرها الفحمي العنان لينساب لأخر ظهرها فكان شكلها اكثر من رائع

ذهبت لوالدها واخذت منه النقود واثناء خروجها من المنزل

هنا وهي تسير خلفها وتمسك في يديها عبوه: مريم مريم استني

التفتت مريم لها: نعم ياماما

هنا وهي تعطيها العبوه:خدي دي ساندوتشات خليها معاكي

مريم:ودي اعمل بيها ايه

هنا:هتعملي بيها ايه يعني هتكليها

مريم بضحك:والله بتحسسيني اني في كيجي وان