معشوقتي مجنونه رسمي❤😜..(الروايه الاولي من سلسله "أنا وانتي والعشق❤")

بارت ٢٨

البارت الثامن وعشرون

(انا متأسفه جدا علي التأخير بس النت عملها معايا غير ان التليفون كان بايظ اصلا فانا اسفه)

🌺🌺🌺🌺🌺🌺🌺🌺

في المشفي

  اسندت د.ملك رأسها علي المكتب بتعب وارهاق من تلك العمليه الطويله المتعبه وهي تشعر بالدوار الشديد بعد ان تبرعت بالدم لعاصم

فسمعت صوت طرق علي الباب فأذنت بصوت واهن للطارق بالدخول

فانفتح الباب  وظهر من خلفه اسلام

اسلام:ممكن ادخل

د.ملك وتسند ظهرها للخلف وشعور بالدوار يزداد:اتفضل

جلس اسلام امامها ووضع الحقائب التي كانت بيده علي المكتب فأردف

د. ملك بستغراب:ايه ده

اسلام وهو يفتح الحقائب:ده اكل

د.ملك بستغراب:اكل؟

اسلام:ايوا

د.ملك:وجايبه ليه؟

اسلام:بصي دكتور مالك قالنا انك اتبرعتي لجدو بالدم وقال كمان انه خد منك كميه كبيره وده ممكن يأثر عليكي فعشان كده قولت اجيبلك غدا عشان تعوضي بيه الدم اللي اتاخد منك

د.ملك:لا شكرا مانا شربت عصير

اسلام:لو سمحتي..دي حاجه قليله جدا قصاد اللي عملتيه..انا فعلا مش عارف اشكرك ازاي..بجد شكرا..مش عارف لولاكي كان ممكن جدو يحصله ايه

د.ملك بخفوت:الحمدلله عدت علي خير

اسلام:الحمدلله..ياريت بقي تتغدي عشان تعوضي الدم اللي راح منك

د.ملك ببتسامه:ملوش لزوم كل ده

اسلام:معلش..دي حاجه بسيطه اعبر بيها عن شكري ليكي

د.ملك بضحكه بسيطه:العفو ياسيدي

اسلام وهو يقوم من علي الكرسي:اسيبك انا بقي..وشكرا مره تانيه

د.ملك:العفو ده واجبي

خرج اسلام من المكتب
وبعده دلفت ايلين وبيديها عصائر

ايلين وهي تعطي لد.ملك العصائر:خدي اشربي عصير عشان تعوضي الدم اللي اتاخد منك

د.ملك وهي تفتح الطعام الذي احضره اسلام:عصير ايه يامعفنه انا هتغدي

ايلين:ايه ده مين جابه

د.ملك:اسلام.

ايلين:مين اسلام

د.ملك:حفيد المريض اللي كنا بنعمله العمليه

ايلين:اه..طب وهو جاب الاكل ليه

د.ملك وهي تتناول الدجاج:بيقول لما عرف اني اتبرعت بالدم لجده جابلي غدا كانوع من الشكر وبصراحه انا جعانه موت