مساء الخير او صباح الخير
حسب ماتشوفوها بقي
اولاً كده.. وحشتووووووني اوووي اوووي ❤
ثانياً بقي.. انا كنت جايه اتكلم معاكوا في حاجه
طبعا انا سايبه لينك الصراحه في الاكونت بتاعي
ولما دخلت من شويه عشان اشوف المسدچات اللي جيالي
لقيت مسدچ من واحده مجهوله انا معرفهاش لانه مش بيبن هويه الكاتب
بتقولي ان الروايه طويله علي الفاضي واحداثها كتير وايامها قليله وكده
وفعلا وبدون مبالغه هي عندها حق 100%
وانا ذات نفسي عارفه حاجه زي دي
وبحاول والله علي قد ماقدر اني اسرع الاحداث شويه واجريها
بس في نفس الوقت في احداث جانبيه مينفعش متكونش موجوده
وغير كده انتوا شايفين الشخصيات كتيره ازاي..
وده بيحتاج اني اتكلم عن كل الشخصيات ويبقي كل واحد ليه حدث خاص بحكايته.. وده سبب من الاسباب
وبردوا غلطه انا غلطتها اني عملت شخصيات كتير بالطريقه دي
بس انتوا بردوا اعذروني
انا اول مره اكتب
يمكن كتابتي مش مظبوطه او معجبتش ناس كتير
وفيها غلطات كتير
بس انا عايزاكوا تعملوا زي مالبنت دي عملت كده
تشوفوا ايه الشيء اللي مش لطيف او مش محبوب وتقولولي عليه عشان احسنه واظبطه
لأني لسه مبتدأه
ومعنديش خبره كبيره اوي في المجال ده
بس علي قد مابقدر بحاول اعمل حاجه كويسه تعجبكوا
وانا متضايقتش من كلام البنت دي خااالص.. بالعكس انا تقبلت كلامها جدا وفرحت انها بتنصحني عشان اكون احسن واقدم حاجه افضل..وزي ماقولت انا بقبل النقد عادي لأنه مش عيب
ومفيش حاجه كامله..كل حاجه وفيها عيوب..
وانا جايه هنا بشكرها قدامكوا كلكوا.. هي اكيد عارفه نفسها..لاني زي ماقولت ماعرفهاش.. فانا عايزه اقولك شكرا ياقمر علي نصيحتك وكلامك ده
وانا ان شاء الله اذا كان ليا نصيب اكمل في الروايه دي.. هحاول علي قد ماقدر اعمل بنصيحتك وهظبط كل حاجه ان شاء الله
وبخصوص كلمه لو كان ليا نصيب
فانا بصراحه بفكر اعتزل.. والقرار ده مش دلوقتي.. او مش عشان زعلت من الكلام اللي البنت قالته.. لا خالص بالعكس.. ده مالوش علاقه بده
وانا بفكر في موضوع الاعتزال ده من زمان بصراحه
لأن حاسه ان الروايه مش عاجبه حد ومش عشان التفاعل والله لاء.. عشان انا حاسه كده.. وتقريباً احساسي ده صح
وانا قولت الكلام ده قبل كده وكنت ناويه اعتزل بس في ناس رفضت فكره الاعتزال وبناءاً عليهم.. انا كملت في الرواية.. وراجعه تاني بقول اهو اني بفكر في الاعتزال وبشكل جدي.
فانتوا شوفوا حابين ايه وعاوزين ايه.. اللي مش حابب الروايه وشايفها تضيع وقت.. يبقي اوقفها او امسحها.. وانا مش هزعل لو حد قالي حاجه زي كده
وياريت لو حد شايف عيب في الروايه يقولي عليه عشان اصلحه
بختصار كل واحد يقول رأيه قي الروايه لأني بناءاً علي رأيكوا انا هاخد قراري النهائي
وارحع واشكر البنوته الجميله اللي بعتتلي❤
وشكرا علي وقتكوا ياقمراتي❤
أنت تقرأ
معشوقتي مجنونه رسمي❤😜..(الروايه الاولي من سلسله "أنا وانتي والعشق❤")
Romanceاردفت بصدمه وهي تري امامها تلك الجثه الغارقه في دمائها وهو يقف بجانبها وفي يده مسدسه ويديه ملطخه بدمائها لتردف بصدمه: قتلتها؟.. قتلتها ليه؟ فأردف هو بسرعه: لا والله صدقيتي انا مقتلتهاش والله العظيم ماقتلتها انا خرجت لقيتها كده نظرت لها بصدمه ثم صر...
