" So in Love ''
အခန်း ( ၂၅ )
" ကျေးဇူးပြု၍ ခဏအစစ်ဆေးခံပါ ''
စစ်အောင်ဦးတစ်ယောက် ဂိုဏ်းကကိစ္စနှင့် နေရာတစ်ခုကို ပစ္စည်းသွားပို့လေတော့သည်။ ခါတိုင်းဒီလမ်းကသွားနေကျဆိုပေမဲ့ ဒီနေ့မှ ဘယ်လိုဖြစ်တာလဲ မသိပေ။ လမ်းကြောရှင်းသည်ဟု သတင်းရထားသောကြောင့် ဒီနေ့ဒီအချိန်သူထွက်လာခဲ့ခြင်းပါ။ အခုတော့ ပြဿနာက စတက်လေပြီး။ ပစ္စည်းကလဲ ကားထဲမှာပါနေလေတော့သည် သေချာရှာဖွေပါက တွေ့နိုင်သွားလေသည်။ ဘယ်လိုလုပ်ရပါ့မလဲ....
" ဒီကညီလေး ခဏကားအောက်ကိုဆင်းပေးပါ ''
" ဟုတ်ဆရာတို့ ''
" ညီ့နာမည် ''
" စစ်အောင်ဦး ''
" မှတ်ပုံတင်လေး ခဏထုတ်ပြလို့ရမလား ကားမောင်းလိုင်စင်ရောပေါ့ ''
" ဟုတ်ရပါတယ်ဗျ ''
" ကျွန်တော်တို့က သတင်းပေးချက်အရ တာဝန်အရ စစ်ဆေးတာပါ ကျွန်တော်တို့ကို နားလည်ပေးပါ ''
" ဟုတ်ကဲ့ပါဆရာ ''
" ကဲ ကားထဲသေချာရှာကြည့်ကြ ''
အရာခံဗိုလ်ကားကို စစ်ဆေးရန် အမိန့်ပေးလိုက်လေတော့သည်။ စစ်ဆေးမယ့်ရဲတွေက ငါးယောက်ခန့်ရှိနေလေတော့သည်။
" သွားပါပြီးကွာ '' သူ့စိတ်ထဲပြောနေလေတော့သည်။ ထိုအချိန်တွင် ဘယ်ကမှန်းမသိသော ဆိုင်ကယ်တစ်စီးက သူ့ပုံစံအတိုင်း ဝတ်စားဆင်ယင်ကာ မျက်မှန်အနက်တပ်၍ သူ့ဘေးကားနားကနေ ဖြတ်လေတော့သည်။ စစ်အောင်ဦးက ကားဘေးရဲ့ ဘေးမှာ ရပ်နေလေတော့ မျက်စဖြင့် အမြန်လိုက်ခဲ့နော်ဟု အချက်ပြသွားလေတော့သည်။
" ဟိုဆိုင်ကယ်သမားကို သွားစစ် ''
ပြောလို့ပင်မဆုံးသေးပေ ထိုဆိုင်ကယ်သမားသည် အစစ်ဆေးမခံလိုသောကြောင့် မောင်းပြေးလေတော့သည်။ ထိုအခါမှာ ရဲတွေက ထိုဆိုင်ကယ်သမားအား မသင်္ကာဖြစ်ပြီး ထိုဆိုင်ကယ်အနောက်သို့ လိုက်ကြလေတော့သည်။
" ညီလေး သွားလို့ရပြီး ''
" ကျေးဇူးပါဆရာ ''
BẠN ĐANG ĐỌC
''အချစ်ဆိုသည်မှာ " ( Completed )
Lãng mạnဂိုဏ်းစတားဆန်ဆန် လူငယ်အချစ်ဇာတ်လမ်းလေးတစ်ပုဒ်ပါ ခွန်းစစ်လင်းဆိုသော အနေတည်သော၊ တည်တံ့ပြီး ကြည့်ကောင်းကောင်းသောကောင်လေးတစ်ယောက်နှင့် ထိုင်းမြန်မာကပြားကောင်လေးဖြစ်တဲ့ စစ်အောင်ဦးတို့ရဲ့ အဓိကဇာတ်အိမ်တည်ထားသော ဇာတ်လမ်းလေးပါ။ တစ်ယောက်ကိုတစ်ယောက် အနစ်နာခံခ...
