☁️☁️☁️☁️☁️☁️☁️☁️☁️☁️☁️☁️☁️☁️
ပြာလဲ့နေသော ကောင်းကင်ကြီးတွင်သဏ္ဍာန်မျိုးစုံ အဖြူရောင်တိမ်စိုင်တိမ်လိပ်များက တရွေ့ရွေ့သွားနေစဲ။
ရွှေမေတ္တာစံအိမ်ကြီးရဲ့ထည်ဝါခမ်းနားသည့်ဧည့်ခန်းကျယ်ကြီးတွင် အမျိုးအမည်စုံလင်လှသည့်အဖြူရောင်ပန်းများဖြင့်အလှဆင်ထားတာကြောင့်လေထုထဲတွင် ပန်းများရဲ့မွှေးရနံ့များက သင်းလို့နေသည်။
ထို့အပြင်အောင်သပြေပန်းများနှင့်အတူ ရွှေဖလားခွက်ထဲတွင်ရှိနေသည့်နံ့သာနီ၊နံ့သာဖြူရည်များ၏ မွှေးရနံ့များကလဲထုံသင်းနေပေသည်။
ထိုဧည့်ခန်းကြီးရဲ့အလည်တွင် အဖြူရောင် ခေါင်းပေါင်းစကိုဦးခေါင်းအထက်တွင်စနစ်တကျပေါင်းထား၍နံ့သာရောင်သိုရင်းအကျီရင်ဖုံးတိုက်ပုံကိုငွေအဆင်းရှိသည့်လွန်းတရာချိတ်တောင်ရှည်ပုဆိုးဖြင့်ဆင်တူတွဲဖက်၀တ်ဆင်ထားသည့် မျိုးတူယောက်ျားသားနှစ်ယောက်မှာလည်းယှဉ်တွဲထိုင်နေလျှက်ရှိသည်။
ထိုယောက်ျားသားနှစ်ယောက်၏မျက်၀န်းအကြည့်များမှာတည်ငြိမ်နေသော်လည်း လွန်စွာတောက်ပလျှက်ရှိနေ၍မျက်နှာပေါ်ရှိအပြုံးရိပ်များက စိတ်နှလုံးအတွင်း၌ လွန်စွာ ၀မ်းမြောက်နေသည့်သဘောကိုဆောင်ကျဉ်းလေသည့်နှယ်။
မလှမ်းမကမ်းနေရာတွင်ထိုအမျိုးသားနှစ်ဦးတို့၏ သက်ဆိုင်ရာမိသားစု၀င်များနှင့်ခင်မင်ရင်းနှီးကြသည့်မိတ်ဆွေသူငယ်ချင်းများစွာလည်းရှိနေကြသည်။
ထိုဧည့်ခန်းကြီးတွင်ရှိနေကြသည့် လူအများရဲ့မျက်၀န်းများတွင် အံ့သြခြင်းတဖုံ၊၀မ်းမြောက်ခြင်းအကြည့်များလဲရှိနေသလို တစ်စုံတရာအဓိပ္ပါယ်ပါ၀င်နေသည့် အကြည့် အချို့လည်းရှိနေပြန်သည်။
ဦးဆွေမိုးမောင်မောင်တစ်ယောက်နှစ်နှစ်ကာကာရွှင်ပြုံးနေသူသားဖြစ်သူရဲ့မျက်နှာပေါ်ကအသွင်အပြင်ကိုကြည့်နေလျှက်သူ့ပေါင်ပေါ်တွင်နှစ်နှစ်ချိုက်ချိုက်အိပ်မောကျနေသည့် မြေးဖြစ်သူရဲ့တင်ပါးလေးကို လက်ဖြင့်အသာ အယာပုတ်ပေးနေသည်။
YOU ARE READING
("လင်းပိုင်လေး"ရဲ့ကောင်းကင်ပြာ) "Completed" U&Z
RomanceAdam မင်းရောငါရောက ပန်းသီးတလုံးကြောင့် သစ္စာတရားကိုမျက်ကွယ်ပြုခဲ့တဲ့အထဲမှာမပါပါဘူးကွာ RING-S စာရေးသူ၏စိတ်ကူးပုံဖော်မှုတစ်ခုသာဖြစ်ပါသည်။ Adam မင္းေရာငါေရာက ပန္းသီးတလုံးေၾကာင့္ သစၥာတရားကိုမ်က္ကြယ္ျပဳခဲ့အထဲမွာမပါပါဘူးကြာ RING-S
