[ 🍭 UNI 🍭 ]
" ဝါး. . . . . ဒါအကို့အိမ်လား အရမ်းအရမ်းချစ်ဖို့ကောင်းတာပဲ့ တစ်သက်လုံးတောင်နေချင်သွားတယ် "
အိမ်ရှေ့ရောက်လို့ ခြံတံခါးသော့ဖွင့်နေတုန်း ဘေးကနေ အိမ်ရဲ့ခြံတံခါးကိုကိုင်ပြီးတဝါးဝါးအော်နေတဲ့ကောင်ကို ပိတ်ရိုက်ချင်စိတ်ကိုမနည်းထိန်းထားရသည်။
တစ်လမ်းလုံး သူပေါက်ပေါက်ဖောက်သမျှ နားထောင်လာခဲ့ရလို့ နားလေးကိုတောင်သနားလာမိသည်။ ညကျနားဆေးခန်း သွားရတော့မယ်ထင်ပါရဲ့။
" မင်း ပြန်လို့မရသေးဘူးလား ဟမ် "
ဘေးကအကောင်ကိုလှည့်ပြီးမေးလိုက်တော့ သူ့ကိုသနားစရာ ကလေးမသာရုပ်လေးနဲ့ ပြန်ကြည့်လာပြီး
" ခိုခို ကလည်း အိမ်ကိုတောင်ရောက်နေပြီကို ကျွန်တော်က ခနလေးလောက်ကြည့်ပြီးတာနဲ့ပြန်မှာပါ"
" ကျစ် "
" လာပါ ပင်ပန်းနေရောပေါ့ အိမ်ထဲဝင်ပါဦး "
" မင်းအိမ်လားငါ့အိမ်လား "
" ကိုကို့အိမ်လည်းကျွန်တော်အိမ်ပေါ့ လာလာ မြန်မြန်ဝင်ရအောင် "
ကိုယ့်အိမ်ကို သူ့အိမ်လို့ထင်နေတာလားမသိ
" လွှတ်စမ်း ငါ့လက်ကို "
" ဟီးဟီး ဆောရီး "
ကောင်းထက်ဆက်မပြောတော့ပဲ့ အိမ်ထဲဝင်လာလိုက်တော့သည်။ အချိန်တန်ပြန်သွားလိမ့်မည်။
🍀🍀🍀🍀🍀🍀🍀🍀🍀🍀
" မား တို့ ဘာတွေအလုပ်ရှုပ်နေတာလဲဟင် "
တစ်အိမ်လုံးကလူတွေအကုန်လုံးက ဟိုသွားလိုက်ဒီသွားလိုက် ဟိုလုပ်လိုက်ဒီလုပ်လိုက် ဖုန်းဆက်လိုက်ဖုန်းချလိုက်နဲ့ တစ်အိမ်လုံးအလုပ်ရှုပ်နေတဲ့အချိန် သူတစ်ယောက်တည်းအားယားနေသလို ဖြစ်နေတာမို့လို့ နေမထိထိုင်မသာဖြစ်လာရကာ ဖုန်းတဆက်ဆက်နဲ့ဟိုမှာလိုက်ဒီမှာလိုက် ဘာတွေလျှောက်မှာနေမှန်းမသိတဲ့ မေမေ့ကိုပြေးဆွဲပြီးမေးလိုက်ရသည်။
" အာ သားလေး ဒီမှာဘာလုပ်နေတာလဲ "
" သား ဒီမှာထိုင်နေတာကြာပြီ မား ဒါနဲ့ တစ်အိမ်လုံးဘာတွေအလုပ်ရှုပ်နေတာလဲဟင် "
