Krist အခန်းထဲရောက်သည်နှင့် တံခါးကိုစောင့်ပိတ်လိုက်သည်။
အရမ်းကိုဒေါသထွက်လွန်းတာကြောင့် လက်ထဲမှာကိုင်ထားသည့် ဖုန်းကို နံရံဘက်ပြစ်ပေါက်လိုက်သည်။
အားပြင်းသည်ကြောင့် ဘက်ထရီတခြား ဖုန်းတခြားဖြစ်ပြီး ပျက်စီးသွားပေမည့် krist ဂရုမစိုက်အား။
စိတ်ထဲ တမြေ့မြေ့တောက်လောင်နေသည့် ဒေါသမီးကိုသာ အတက်နိုင်ဆုံးငြိမ်အေးအောင် လုပ်နေရသည်။
ဘာကြောင့်များ Suchinကသူ့ရှေ့ကိုပေါ်လာရသနည်း။
Kristတွေးလေ ဒေါသထွက်လေဖြစ်ရာ အတွေးတွေက အတိတ်တစ်ခုဆီသို့။
Krist အသက်၁နှစ်၊ singto အသက်၄နှစ် လောက်ကတည်းက သူတို့နှစ်ယောက်စတွေ့ခဲ့ကြသည်။
ပုခက်ထဲက အသားဖွေးဖွေးနှင့်ဖြူဖြူတုတ်တုတ် ကလေးပိစိလေးကို singtoတွေ့တွေ့ချင်းအသဲယားခဲ့ရသည်။
ဘာကြောင့်များဒီလောက်တောင် ချစ်စရာကောင်းရတာလဲ။
Singtoရဲ့အမေက ကလေးထပ်မမွေးနိုင်တော့တာကြောင့် singtoကတစ်ဦးတည်းသော သားလေးဖြစ်ပြီး အငယ်လေးအရမ်းလိုချင်ရှာသည်။
ထို့ကြောင့် ဘေးအိမ်က ကလေးပုစိလေးကိုတွေ့လိုက်တော့ singtoခင်ဗျာ ပုခက်နားကကို မခွာနိုင်။
ကလေးလေးကို ပုခက်ထဲကတစ်ယောက်ယောက်ချီသွားရင်လည်း ချီသွားတဲ့လူရဲ့နောက်ကိုသာ တကောက်ကောက်လိုက်နေသည်။
မိဘချင်းကလည်း ရင်းနှီးကြတော့ singtoအကြိုက်ပင် တစ်နေကုန်တစ်နေခမ်း ကလေးနားသာကပ်နေပြီး ညအိပ်မှသာပြန်လာသည်။
တခါတလေဆို ညတောင်ပြန်မအိပ်ပေ။
တဖြေးဖြေးနှင့် kristလည်း ကျောင်းတက်သည့်အရွယ်ရောက်လာခဲ့ပြီ။
Singtoက kristအပေါ်အရမ်းအနစ်နာခံပြီး တခါတလေ kristစိတ်ဆိုးပြီးဂျီကျသည့် အချိန်များတွင်လည်း singtoတစ်ယောက်သာ စိတ်ရှည်လက်ရှည်ရအောင်ချော့သည်။
Kristက မိသားစုနှစ်စုလုံး၏ အချစ်တော်လေးဖြစ်တာကြောင့် ဆိုးပေလေးဖြစ်နေသည်။
"Kit...ဟိုဘက်အိမ် လူအသစ်တွေပြောင်းလာတယ်ထင်တယ်"
Krist ဘောလုံးကန်ရင်း လှမ်းကြည့်တော့ ပစ္စည်းတွေအိမ်ထဲသယ်နေသည့် လူတွေတွေ့တာကြောင့် Pကို ခေါင်းငြိမ့်ပြလိုက်ပြီး ဘောလုံးဆက်ကန်နေသည်။
