ရင်ခွင်ထဲသို့ တိုးဝင်ပြီး အိပ်မောကျနေသည့် kristကိုကြည့်ပြီး singtoစိတ်မကောင်းဖြစ်ရသည်။
သူအရမ်းတစ်ဖက်သတ်ဆန်ပြီး kristကိုဖွင့်ပြောခဲ့လို့ ယခုလိုအခြေအနေတွေ ဖြစ်လာရတာမလား။
သူက ထိန်းထားခဲ့ရင် kristလည်း စိတ်မညစ်ရသလို၊ စိတ်ပင်ပန်းမှာလည်း မဟုတ်။
မှန်ပြတင်းပေါက်ကို လိုက်ကာနှင့် သေချာမပိတ်ထားတာကြောင့်
လိုက်ကာလွတ်နေသည့်နေရာကနေ မနက်ခင်းနေရောင်ခြည်က kristမျက်နှာပေါ် ကျရောက်လာတာကြောင့်
singto အိပ်ယာပေါ်ကနေ အသာလေးထပြီး လိုက်ကာကို သေချာသွားပိတ်လိုက်သည်။
မနက်၆နာရီခွဲပဲ ရှိသေးပေမည့် singto အိမ်ပြန်ဖို့ ဆုံးဖြတ်လိုက်သည်။
ရိုက်ကူးက နေ့လည်လောက်ကျမှ စမှာမလို့ singto kristကိုမနှိုးတော့ဘဲ ဖုန်းထဲမှာနှိုးစက် ပေးထားခဲ့လိုက်သည်။
သူလုပ်စရာရှိသေးသည် kristသူ့ကို ယုံအောင် လုပ်ရမည့်တာဝန် သူ့မှာအပြည့်ရှိသည်။
ထို့ကြောင့် singto အိမ်ရောက်တာနှင့် ဖုန်းထုတ်ပြီး မနေ့တုန်းက ပျံ့သွားသည့် ပုံကို Instagram တင်ပြီး အောက်မှာ စာတစ်ကြောင်းရေးလိုက်သည်။
'စိတ်ညစ်နေတဲ့ အချိန်မှာ နှစ်သိမ့်ပေးတဲ့အတွက် ကျေးဇူးတင်ပါတယ် Krist။
Kristက ကိုယ့်အတွက် လိမ္မာတဲ့ညီလေး တစ်ယောက်ပါ"
လို့ရေးပြီး Kristကိုပါ mentionခေါ်လိုက်သည်။
Singtoလည်း စာလေးတင်ပြီးတာနှင့် စိတ်ပေါ့ပါးသွားသည်။
ဒီလောက်ဆို အခြေအနေတွေငြိမ်သွားပြီး သူတို့နှစ်ယောက်ကို မိတ်ဆွေညီအကိုလို့ပဲ ထင်သွားကြမှာပါ။
ဒီနေ့သူလုပ်ရမည့် အလုပ်လည်းရှိတာကြောင့် ပစ္စည်းတွေသေချာစစ်ထည့် ရေချိုးပြီးတာနှင့် အလုပ်သို့ထွက်လာခဲ့သည်။
__________________________
Krist နှိုးစက်မြည်သံကြောင့် နိုးလာတော့ ၉နာရီထိုးပြီ။
ဘေးမှာတော့ Pကရှိမနေတော့ဘဲ အဲ့ဒီအစား အေးစက်စက်မွေ့ယာသာ ရှိနေခဲ့သည်။
Krist မနေ့ညကသူ၏ လုပ်ရပ်ကိုပြန်စဥ်းစား
မိပြီး ကိုယ့်ကိုယ်ကိုယ် စိတ်ပျက်သွားသည်။
Pစိတ်မကောင်းဖြစ်သွားလားလို့ တွေးမိပြန်တော့ အသက်ရှုပ်ကျပ်သလို တောင်ဖြစ်သွားရသည်။
