Unicode
ဒုန်း ဒုန်း
"Krist!!! Krist!!!"
Krist အရမ်းကိုအိပ်မောကျနေတဲ့ အချိန် တံခါးထုသံကြောင့် နိုးလာရသည်။
နာရီကြည့်လိုက်တော့ မနက်၈နာရီသာ ရှိသေးသည်။
နေ့လည်လောက်မှ ရိုက်ကူးရေးရှိတာမလို့ မနက်ခင်းပိုင်းကိုအိပ်ရေး ဝအောင်အိပ်ချင်သည့်အတွက် ဖုန်းတောင်စက်ပိတ်ထားသည်ကို ဘယ်သူကများ လာနိုးရသနည်း။
Krist မျက်လုံးကိုမနည်းဖွင့်ပြီး တံခါးသွားဖွင့်လိုက်တော့ အဆက်မပြတ်တံခါးကိုထုနေသည့် တရားခံက P'jane။
"Krist TVမြန်မြန်ဖွင့်ပြီး သတင်းကြည့်လိုက်။"
"Pရာ သတင်းကြည့်မှာများ ကိုယ်အိမ်မှာကိုယ်ကြည့်ပါလား။ အိပ်နေတဲ့သူကိုအတင်းနှိုးပြီး ဘာတွေလုပ်ခိုင်းနေမှန်းမသိဘူး"
"Krist ခဏ အခန်းထဲမသွားနဲ့အုန်း ဒီမှာထိုင်ပြီးကြည့်အုန်း"
P'janeက အခန်းထဲသွားဖို့လုပ်နေတဲ့ kristကိုဆွဲခေါ်ပြီး ဆိုဖာပေါ်ထိုင်ခိုင်းလျက် TVဖွင့်လိုက်သည်။
TVမှာလာနေသည့်သတင်းက မင်းသားKrist Perawat မှသတင်းထောက်တစ်ဦးကို ကိုယ်ထိလက်ရောက်ပြုမူခြင်းဆိုသည့် ခေါင်းစဥ်ကြီးတပ်ကာ ဒဏ်ရာရနေသည့်သူကို မေးမြန်းထားသည့် videoဖိုင်လွှင့်နေသည်။
"P...P'jane အဲ့ဒါဘာလဲ ကျွန်တော်ဘာမှမလုပ်ဘူးနော်P"
"krist မနေ့တုန်းက အပြင်သွားလား"
Krist မဖြေဘဲခေါင်းကြီးငုံ့ချလိုက်သည်။
ဒီတလော Krist ဓာတ်ပုံရိုက်၊ဇာတ်ကားရိုက်နဲ့ ပင်ပန်းနေလို့ခဏလောက်အနားယူသည့်သဘောဖြင့် P'janeမသိအောင် အပြင်ခိုးထွက်မိသည်။
ယခုP'janeမေးလာတော့ သူဘယ်လိုပြန်ဖြေရမည်နည်း။
ခေါင်းကြီးငုံကာပြန်မဖြေတဲ့ Kristကြောင့် P'janeသက်ပြင်းအသာချပြီး TVပိတ်ကာ Kristဘေးနားသွားထိုင်လိုက်သည်။
"Krist ခေါင်းမော့ပြီး Pမေးတာသေချာဖြေ မနေ့တုန်းကအပြင်သွားခဲ့လား"
"ဟုတ်သွားခဲ့တယ် P ကျောင်းကသူငယ်ချင်းတွေကလူစုံနေလို့ဆိုပြီး လှမ်းခေါ်တာနဲ့သွားလိုက်တာ"
"အရက်ရောသောက်ခဲ့လား"
"မသောက်ဘူး P Kristတကယ်မသောက်ဘူး။"
