Krist နိုးလာတော့ညနေ ၄နာရီတောင်ထိုးပြီ။
ချက်ချင်းဖုန်းကိုယူပြီး ဖွင့်ကြည့်တော့ ထူးခြားမှုတစုံတရာမှမရှိ။
အိပ်ယာပေါ် ဖုန်းပြစ်ချလိုက်ပြီး စိတ်ရှုပ်မှုကြောင့် ခေါင်းကိုခပ်ကြမ်းကြမ်း ကုတ်လိုက်မိသည်။
ဘယ်လိုတောင် နေနိုင်ရက်တာလဲ။
ထိုင်နေပေမည့် စိတ်ကပိုရှုပ်ထွေးလာတာကြောင့် krist ရေချိုးဖို့ စဥ်းစားလိုက်သည်။
နည်းနည်းလေး စိတ်ညစ်ညူးနေတာတွေ ပြေသွားလျှင်ကို မဆိုးဘူး။
Krist ရေချိူးရင်း စဥ်းစားနေမိသည်။
အရင်တုန်းက Pဖုန်းမဆက်၊ စာမပို့လျှင် ဘာမှမဖြစ်ပေမည့် ဒီနေ့တွေ့လိုက်သည့် မြင်ကွင်းကြောင့် ဒေါသတွေထွက်ပြီး စိတ်ရှုပ်နေရသည်။
Krist နည်းနည်းအေးလာမှ ရေချိုးတာကြာနေပြီဆိုတာ သတိရသည်။
ရေချိုးတာအမြန်လက်စသတ်ပြီး အင်္ကျီလဲပြီးတာနှင့် အောက်ထပ်ကိုသွားလိုက်သည်။
"ထပြီပေါ့ Marခုဏက သားအခန်းထဲဝင်ကြည့်သေးတယ် "
"ဟုတ် Mar သားအိပ်ပျော်သွားတာ။ ဗိုက်ဆာပြီ ထမင်းစားလို့ရပြီလား"
"Marတို့နဲ့ အတူတူစားမယ်လေ"
"ဟုတ်"
Marကိုကြည့်ပြီး krist နည်းနည်းတော့စိတ်အေးသွားသည်။
ကြည့်ရသည်မှာ Marလည်း Parလိုစောင့်ကြည့်ပေးမည်ထင်သည်။
ဘာပဲဖြစ်ဖြစ် ယခုလိုလေးကို krist ကျေနပ်မိသည်။
______________________
Singto အိမ်ပြန်ရောက်တော့ ည၁၁နာရီရှိပြီ။
တစ်ကိုယ်လုံး ညောင်းကိုက်ပြီး လှုပ်တောင် မလှုပ်ချင်ဖြစ်နေသည်။
တော်တော်လည်း ပင်ပန်းနေပြီမလို့ ရေချိုးပြီးတာနှင့် တန်းအိပ်ဖို့ စဥ်းစားလိုက်သည်။
အိပ်ခန်းထဲရောက်တော့ ကုတင်ပေါ်မှာ kristအစားပြောင်ရှင်းနေသည်ကိုသာ တွေ့လိုက်ရသည်။
Singto မျက်မှောင်ကြုတ်သွားပြီး ရေချိုးခန်းဘက် kristရှိမလား သွားကြည့်တော့ ရှိမနေ။
ဒီအချိန်ဆို kristက အိပ်နေရမှာမဟုတ်ဘူးလား။
ယခုကျ ဘယ်ရောက်နေတာလဲ။
Singto kristဆီဖုန်းခေါ်တော့ စက်ပိတ်ထားသည်။
စိတ်ပူလာတာကြောင့် kristဆီ ဖုန်းခေါ်လို့မရတာနှင့် P'janeဆီဖုန်းခေါ်လိုက်သည်။
