Krist အပြင်သာထွက်လာရသည် ဘယ်သွားလို့သွားရမှန်းမသိ။
တကယ်ဆို သူအခန်းထဲမှာပဲနေပြီး ခွေနေချင်တာ။
ဒါပေမယ့် Pနှင့်တစ်ခန်းထဲအတူတူနေတာဆိုတော့ အခန်းထဲနေပြီး ခွေလို့မရ။
ထို့ကြောင့် Kristအပြင်သို့ထွက်လာခဲ့သည်။
Krist ဦးတည်ချက်မရှိ ခြေဦးတည့်ရာလျှောက်သွားနေမိသည်။
Kristလျှောက်သွားရင်း ညစျေးဘက်ရောက်တော့ Pနှင့်အတူတူသွားခဲ့တာကို သတိရပြီးစိတ်တိုမိပြန်သည်။
အမြဲတမ်းPအကြောင်းတွေကြီးပဲ တွေးနေမိလို့ တခါတလေ ကိုယ့်ကိုယ်ကိုမုန်းမိသည်။
တဖြည်းဖြည်းနှင့်အမှောင်ရိပ်ကကြီးစိုးလာပြီး အအေးဓာတ်လည်းပိုလာသည်။
အနွေးထည်မပါလာတာကြောင့် အနွေးထည်ဝယ်ဖို့အတွက် ပိုက်ဆံအိတ်ဖွင့်ကြည့်တော့ ငွေသားကမပါ၊ ဘဏ်ကဒ်သာပါတာကြောင့် kristစိတ်ပျက်မိသွားသည်။
အနွေးထည်လေးတစ်ထည်လောက်နှင့်တော့ krist ကဒ်နှင့်မရှင်းချင်။
ဆိုင်ရှင်ကိုအားနာမိသည်။
ပိုက်ဆံတွေကလည်း မနက်ကပစ္စည်းတွေဝယ်တော့ ကုန်သွားသည်။
Krist အခက်တွေ့နေတာကြောင့် အနွေးထည်မဝယ်တော့ဘဲ ထိုင်ခုံပေါ်မှာသာ သွားထိုင်နေလိုက်သည်။
ဟိုတယ်ကိုတော့ ဘယ်နည်းနဲ့မှkristမပြန်ချင်။
Suchinရှိနေတော့ ပိုပြီးတော့တောင် မပြန်ချင်ဘူး။
Singto သူ့ကိုရှောင်ဖယ်ကာထွက်သွားသည့် kristကြောင့်စိတ်မကောင်းဖြစ်ရသည်။
အတိတ်တုန်းကဖြစ်ခဲ့သည့် အဖြစ်အပျက်တွေကို မမေ့နိုင်သေးဘူးထင်သည်။
ထို့ကြောင့် kristကသူ့ကိုမသိချင်ယောင်ဆောင်ပြီး အတိတ်မှာမရှိခဲ့သည့် လူတစ်ယောက်လို သဘောထားနေသည်။
ဒါတွေကို singtoအပြစ်မမြင် သူ့အမှားကြောင့်သာ သူ့အမှားတွေကြောင့် ဖြူစင်သည့်kristရဲ့စိတ်ထဲမှာ အမုန်းတရားတွေဝင်သွားတာ။
Singto သက်ပြင်းချလိုက်ပြီး ကုတင်ပေါ်ထိုင်လိုက်သည်။
Kristတစ်ယောက်ထဲနေချင်မည်ဆိုတာ သိတာကြောင့် မလိုက်သွားဖြစ်ပါ။
Singtoသက်ပြင်းခပ်လေးလေးချပြီး တစ်ဖက်ကုတင်ပေါ်ကြည့်တော့ အနွေးထည်တွေ့လိုက်တာကြောင့် စိတ်ပူမိသည်။
ဒီကလေး အနွေးထည်မဝတ်ဘဲ ထွက်သွားပြန်ပြီ။
