2008.ဒေါင်...... ဒေါင်....... ဒေါင်.....
ကျောင်းဆင်းခေါင်းလောင်းသံကြားတာနဲ့ အတန်းတိုင်းအတန်းတိုင်းဆီက ကျောင်းသားများသည် ပျားအုံက ပျားတွေလို အုံခဲစွာ ထွက်လာကြသည်။
အဲဒီနှစ်က ထွဋ်ဦးသာ ဆယ်တန်း။
" ကိုကို...... "
" ကိုထွဋ်..... "
ထမင်းချိုင့်ကိုယ်စီဖြင့် မေဖူးသာတို့ အကိုဖြစ်သူစာသင်ခန်းရှေ့သွားစောင့်နေကြသည်။ သူတို့အခန်းက ဆရာမထွက်သွားပေမယ့် သင်ပုန်းပေါ်က စာတွေကူးခိုင်းခဲ့တာမို့ တစ်ခန်းလုံး အသဲအသန်ပြီးအောင် ကူးနေကြသည်။
" လာပြီ..... ခဏလေး "
စာအုပ်တွေ ကမန်းကတမ်းသိမ်းကာ ထမင်းချိုင့်ဆွဲလို့ ကလေးတွေ အုပ်စုနား အပြေးထွက်ခဲ့သည်။ ထို့နောက်..... သူတို့ နေ့လည်စာစားနေကျ ကျောင်းဆောင်ဟောင်းနားက ကွပ်ပစ်ဆီသို့....
ထမင်းချိုင့်တွေ ဖွင့်ပြီးကျရင်ဖြင့် ဟိုချိုင့်ထဲက ဟင်း ဒီချိုင့်ရောက်.... ဒီချိုင့်က ဟင်း ဟိုချိုင့်ရောက်နဲ့ လက်တွေရှုပ်ထွေးသွားကြပြီးနောက် အတူတူ ထမင်းစားကြသည်။ ဒါက နေ့တိုင်းဖြစ်နေကြ....
" ကိုကို..... ကြက်သား ထပ်ထည့်ပေးအုံး "
" မိုမို နင်က လွန်လာပြီနော်..... လူတိုင်းအကုန်တူတူ စားနေကြတာကို နင်က "
ဘိုဘိုကအော်တော့ ဇွဲမာန်က ဟန့်သည်။
" မင်းကလည်းကွာ ကလေးကို..... "
" ကလေးဆိုပြီး လူတကာထက် ပိုစားလို့ဖြစ်ပါ့မလား.... "
ဒီညီကိုက ဒီလို အမြဲသတ်နေကြ။
ထွဋ်ဦးသာက သူ့ဟင်းထဲက တစ်တုံးကို မိုမို့ထဲထည့်ပေးရုံမက ဖဲ့ပေးလိုက်သည်။ ဒီနှစ်မှ သူငယ်တန်းစတက်တဲ့ ကလေးဆိုတော့... အကြီးဆုံးသူ့မှာသာ တာဝန်ရှိတော့သည်။" တစ်ခါစားရင်.... ဒီလို သေးသေးလေးတစ်ဖက်ပဲ ထည့်စား။ အဲ့ဆို ဟင်းမလောက်တာ မဖြစ်တော့ဘူး.... ကြားလား မိုမို...."
" ဟုတ်.... "
ကလေးတွေဆိုတာ သင်ရလွယ်ကူပါတယ်။ သင်ပုံသင်နည်းပဲ နည်းနည်း လိုအပ်တာ.....
![](https://img.wattpad.com/cover/271732983-288-k360214.jpg)
YOU ARE READING
ချစ်ခြင်းမေတ္တာနဲ့ ရက်တဲ့ကြိုးမို့
Teen FictionZawGyi code below. Neighbours became lovers. မိသားစုနှစ်ခု။ ကလေး ၅ယောက်။ အတူတူ ကစားကြဖူးတယ်။ အတူတူစားဖူးကြတယ်။ အတူတူအိပ်ဖူးကြတယ်။ အရာအားလုံးကို အတူတူမျှဝေသုံးစွဲခဲ့ဖူးတယ်။ ဒီကလေးငါးယောက်ကို ဘယ်သူမှ မခွဲနိုင်ဘူးလို့ ထင်ခဲ့ကြပေမယ့် အချိန်ကတော့ တတ်နို...