2016 December.
" ဝက်သားမကြိုက်ဘူးဆိုပြီး..... နင်စားတာ ဝက်တစ်ကောင်လုံးစာရှိတော့မယ်... လူက သေးသေးလေးကို စားသမျှ ဘယ်ရောက်ကုန်တာလဲ မသိဘူး "
" ဝက်သားမကြိုက်ဘူးပြောတာလေ..... ဝက်သားဒုတ်ထိုးမစားဘူးပြောလို့လား။ နောက်ပြီး ငါ ဝက်သားချက်မစားတာ အဆီတွေများလို့ဟာကို..... အသားပဲဆို စားတာပဲကို "
ဘိုဘိုက မေဖူးစားထားသမျှ ဒုတ်ချောင်းတွေကို ရေတွက်ရင်း မေဖူးကို မော့ကြည့်သည်။
" နင်အကြိုက်က.... တကယ့်ကို ထူးဆန်းတာပဲ.... "
" နားငြီးတယ်..... နင့်ကိုလည်း မရှင်းခိုင်းပါဘူးနော်။ ငါ့ဘာသာ ရှင်းမှာပါ.... "
" ငါပိုက်ဆံရှင်းရမှာမို့ ပြောနေတာမဟုတ်ဘူ.... ပြီးကျ နင်ပဲ ဗိုက်အောင့်မှာစိုးလို့ ပြောနေတာ "
" အခုမှ သုံးထောင်ဖိုးလောက်ရှိသေးတာကို.... "
" ငါးထောင်ဖိုးပြည့်တော့မှာ.... "
" အဲ့လောက်ရှိသေးလို့လား..... "
" နင် ရေကြည့်ပါလား..... ပြီးရင် မေမေကြည်နဲ့ ကိုထွဋ်က သူတို့အဖိုးတန်လေးကို ဂရုမစိုက်ရကောင်းလားလို့ ငါ့ဆူနေအုံးမယ် "
" အန်တီ.... ဟင်းရည်..... "
စကားပြောနေရင်းက ရုတ်တရက် ဈေးသည်အန်တီကြီးဆီကို ဟင်းရည်ထတောင်းတော့ ဘိုဘို အူကြောင်ကြောင် ဖြစ်သွားရသည်။ မေဖူးဟာဆိုလေ.....
" မောင်နှတွေထင်တယ်.... အိမ်က အငယ်နှစ်ကောင်လည်း အဲ့ဒီလိုပဲ စကားနိုင်လုလုနေလို့ ထိန်းနေရတာ.... "
မေဖူးက အဒေါ်ကြီးကို မော့ကြည့်ကာ....
" အဖူးတို့က ရုပ်တူကြတယ်ပေါ့..... ဟုတ်လား။ အန်တီ ဘယ်သူက အကြီးလို့ ထင်လဲ.... "
အဒေါ်ကြီးက မေဖူးနဲ့ ဘိုဘို့ကို တစ်လှည့်စီကြည့်ပြီးမှ....
" သူက အကြီးမလား။ အမွှာလား..... အရွယ်က သိပ်မကွာသလိုပဲ "
မေဖူးက အံကြိတ်ကာ ရယ်ပြရင်း သူ့ကို ပြောင်ပြသည်။
" ဟဲဟဲ.... အဖူးက ကြီးတာ.... "
" ဟုတ်လား..... မထင်ရဘူးတော်။ သမီးကို အငယ်ထင်နေတာ.... "
YOU ARE READING
ချစ်ခြင်းမေတ္တာနဲ့ ရက်တဲ့ကြိုးမို့
Teen FictionZawGyi code below. Neighbours became lovers. မိသားစုနှစ်ခု။ ကလေး ၅ယောက်။ အတူတူ ကစားကြဖူးတယ်။ အတူတူစားဖူးကြတယ်။ အတူတူအိပ်ဖူးကြတယ်။ အရာအားလုံးကို အတူတူမျှဝေသုံးစွဲခဲ့ဖူးတယ်။ ဒီကလေးငါးယောက်ကို ဘယ်သူမှ မခွဲနိုင်ဘူးလို့ ထင်ခဲ့ကြပေမယ့် အချိန်ကတော့ တတ်နို...