" ဒါက..... ဘယ်သူကြီးလဲ.... "
ဟေသာက တစ်ယောက်ထဲ ခြောက်ခြားစွာ ရွတ်ဆိုနေမိသည်။ ဒီနေ့က တနင်္ဂနွေနေ့။ မေဖူးသူငယ်ချင်း ဝေဝေကလည်း ဂျပန်ကို ထွက်သွားပြီ။ စောနန္ဒာကလည်း တစ်ပတ်လောက် သူ့အမျိုးတွေဆီ သွားနေမှာတဲ့။ ဒီတစ်ပတ် ပိတ်ရက်ကတော့ မေဖူးအိမ်မှာ စကားတွေပြောမယ် ရုပ်ရှင်တွေကြည့်မယ် ခေါက်ဆွဲ ပြုတ်စားမယ်ဆိုပြီး အစောကြီးသူ့အဆောင်ကနေ ထလာခဲ့ပြီး မေဖူးအိမ်ထဲကို ကိုယ့်ဘာသာပဲ သော့ဖွင့်ပြီးဝင်ခဲ့သည်။ မနိုးသေးတာသိတာမို့ သူမအခန်းထဲကို ဝင်ခဲ့တော့မှ.... အိပ်ယာပေါ်မှာ မေဖူးအပြင် ကောင်လေးတစ်ယာက်ပါ ရှိနေတာကို မြင်ခဲ့ရသည်။ ဒီတစ်ပတ်ထဲမှာ နှစ်နှစ်ခြိုက်ခြိုက် မအိပ်ခဲ့တဲ့ မေဖူးက ထိုကောင်လေး လက်မောင်းကို ခေါင်းအုံးလျက် ကွေးကွေးကလေး အိပ်ပျော်နေပါသည်။ ကောင်လေးကလည်း မေဖူးကို တယုတယထွေးပွေ့ထားပြီး အိပ်ပျော်နေဆဲ ဖြစ်ပါသည်။
" သူ့ကို.... မြင်ဖူးနေသလိုပဲ..... "
ဟောသာက ပြောပြီးမှ မေဖူးကို နှိုးဖို့ သတိရတော့သည်။ ဘယ်သူပဲ ဖြစ်ဖြစ်.... မေဖူးအကြောင်း သူမသိရသလောက်က ရည်းစားတကယ်မရှိပါဘူးလို့ ပြောထားတာမို့....
" မေဖူး.... မေဖူး.... "
ကမူးရှူးထိုး ဆွဲနှိုးမလို့ကို ကောင်လေးက နိုးလာပြီး မေဖူးနားကလေးကို အသာပိတ်ကာ....
ရှုး.....
ဟေသာ ရပ်လိုက်ရသည်။
" မေဖူးသာ.... အိပ်ပျော်နေတာကို.... ထားလိုက်ပါ "
မေဖူးသာ..... တဲ့။ ဘယ်သူမှ သူမကို မခေါ်ကြတဲ့နာမည်။
" ရှင်က ဘယ်သူလဲ.... မေဖူးနဲ့ ဘာလို့တူတူအိပ်နေတာလဲ.... "
ကောင်လေးက အိပ်ယာကထလိုက်ပြီး မေဖူးကို စောင်ခြုံပေးနေသည်။ မြတ်မြတ်နိုးနိုး ကြည့်နေတာကို ဘေးက လှမ်းကြည့်နေသည့် ဟေသာ မြင်နိုင်ပါသည်။
" မြင်နေရတာတောင် မသိဘူးလား.... "
သူလှည့်ကြည့်တော့မှ ဟေသာက တစ်ခုခုကို သတိရသွားကာ ပါးစပ်ကို လက်နဲ့အုပ်လိုက်မိသည်။
YOU ARE READING
ချစ်ခြင်းမေတ္တာနဲ့ ရက်တဲ့ကြိုးမို့
Teen FictionZawGyi code below. Neighbours became lovers. မိသားစုနှစ်ခု။ ကလေး ၅ယောက်။ အတူတူ ကစားကြဖူးတယ်။ အတူတူစားဖူးကြတယ်။ အတူတူအိပ်ဖူးကြတယ်။ အရာအားလုံးကို အတူတူမျှဝေသုံးစွဲခဲ့ဖူးတယ်။ ဒီကလေးငါးယောက်ကို ဘယ်သူမှ မခွဲနိုင်ဘူးလို့ ထင်ခဲ့ကြပေမယ့် အချိန်ကတော့ တတ်နို...
