" စုစု.... အချစ်နဲ့ ဘဝက ဘယ်ဟာက ပိုအရေးကြီးတာလဲဟင်..... "
" အဲ့နှစ်ခုကို ယှဥ်လိုက်ရင် ပိုပြီးကာကွယ်ချင်တဲ့ဟာက ပိုအရေးကြီးတာပေါ့.... "
" ယှဥ်ပြီး ရွေးချယ်ရတော့မယ်ဆိုရင်.... ပိုကာကွယ်ချင်တဲ့အရာကိုပဲ ရွေးမှာပေါ့နော် "
" ဒါပေါ့..... ဆုံးရှုံးလို့မဖြစ်တာကိုပဲ ကာကွယ်ရမှာပေါ့။ အချစ်နဲ့ ဘဝက ရောထွေးလို့မရဘူး.... ဒီလိုပဲ အချစ်က တစ်ခြားအရာတွေနဲ့လည်း ရောထွေးပစ်လို့မရဘူး။ ဒီလိုမတူညီတာတွေနှစ်ခုကို ယှဥ်ပြီး ရွေးချယ်ရတဲ့အခြေနေမှာ အချစ်ကို မရွေးချယ်မိခဲ့လို့ တကယ်မချစ်ခဲ့ဘူးလို့လည်း ပြောလို့တော့မရပါဘူး။ ချစ်တဲ့စိတ်က ချစ်တဲ့စိတ်သီးသန့်ကလေးဖြစ်ပြီး ကိုယ်ရွေးချယ်ခဲ့တဲ့အရာကတော့ ဆုံးရှုံးလို့မဖြစ်တဲ့အရာမို့ပေါ့။ ကိုယ်ကာကွယ်ချင်မိတဲ့ အရာမို့ပေါ့.... "
" စုစုကရော.... ဘာကိုကာကွယ်ခဲ့တာလည်းဟင်.... "
" အေးချမ်းတိတ်ဆိတ်တဲ့ဘဝ...."
မေဖူး သူမအဖြကို သဘောကျစွာ တစ်ယောက်ထဲ ပြုံးနေမိခဲ့သည်။ အဖြေထဲမှာ နောက်ထပ်မေးစရာမလိုတဲ့ အဖြေတစ်ခုလည်း ပါနေပြီးမဟုတ်လား။
" ဟို.... စုစုက အချစ်နဲ့ ယှဥ်ပြီး ရွေးချယ်ခဲ့တာမဟုတ်ဘူးနော်.... စုစု သူ့ကိုလေ.... "
" သိပါတယ်..... အဖူးက စုစုကို နားလည်တာမလို့ ရှင်းမပြလည်းရတယ်.... "
မေဖူးက အဒေါ်လေးရဲ့လက်ချောင်းသွယ်သွယ်လေးတွေကို ငေးရင်း ရယ်နေခဲ့ပါသည်။ ဘာကိုပဲရွေးချယ် ရွေးချယ်.... ကိုယ်ရွေးချယ်ခဲ့တဲ့အရာကို ဆက်ပြီး ကာကွယ်ထားနိုင်ပါစေ စုစုရေ။
###########
2018 September.
အရာအားလုံးက မြန်မြန်ဆန်ဆန်ကြီး ဖြစ်ပျက်သွားခဲ့တာပါ။ မေဖူးက အဲ့ဒါတွေကို လိုက်မီဖို့ ကြိုးစားရင်း.... အသားကျဖို့ ကြိုးစားရင်း ခြေကုန်လက်ပမ်းကျနေပြီ။
" ဒီကိစ္စကြောင့်မဟုတ်ပါဘူး..... စုစုက အစထဲက အဲ့ဒီကိုသွားချင်လို့ မနှစ်ထဲက ပြောင်းရွှေ့ခွင့်လျောက်ထားတာပါ " တဲ့။ ဘယ်လိုပဲဖြစ်ဖြစ် အဲ့ဒီဝေးလံခေါင်သီတဲ့အရပ်ကို တွေဝေခြင်းမရှိ ထွက်သွားခဲ့တာကတော့ ပြီးခဲ့တဲ့ ကိစ္စတွေကြောင့်ဆိုတာ အသိသာကြီးပါ။ ထွေးစုသာက ဟားခါးကို ကျောင်းပြောင်းသွားခဲ့ပါသည်။
YOU ARE READING
ချစ်ခြင်းမေတ္တာနဲ့ ရက်တဲ့ကြိုးမို့
Teen FictionZawGyi code below. Neighbours became lovers. မိသားစုနှစ်ခု။ ကလေး ၅ယောက်။ အတူတူ ကစားကြဖူးတယ်။ အတူတူစားဖူးကြတယ်။ အတူတူအိပ်ဖူးကြတယ်။ အရာအားလုံးကို အတူတူမျှဝေသုံးစွဲခဲ့ဖူးတယ်။ ဒီကလေးငါးယောက်ကို ဘယ်သူမှ မခွဲနိုင်ဘူးလို့ ထင်ခဲ့ကြပေမယ့် အချိန်ကတော့ တတ်နို...
