" လှလိုက်တာ.... သတို့သမီးက အဖြူရောင် ဝတ်စုံလေးနဲ့ တကယ်လိုက်တာ "
" ဟုတ်ပ..... "
" လှတယ်နော်.... မိုမို.... "
" အင်း..... ဟုတ်ပ.... လှလိုက်တာ...... "
ဘာမှ ပြင်ဆင်ခြယ်သထားခြင်းမရှိသေးပဲ ချုပ်ပြီးသွားတဲ့ သတို့သမီးဝတ်စုံကို အစမ်းဝတ်ကြည့်နေသည့် အမျိုးသမီးလေးကို မိုမို အားကျရခြင်းများစွာနဲ့ ငေးကြည့်နေခဲ့မိသည်။ အဲ့ဒီအင်္ကျီကို ဝတ်ရမယ့်သူက သူမ ဖြစ်ချင်ခဲ့တာကို....
" ကြိုက်ရဲ့လား.... သမီး။ မေကြည်က အသက်ကြီးပါပြီအေ.... အခုခေတ် ဒီဇိုင်းတွေ ဘာတွေ မထွင်တတ်ပါဘူး.... အထွဋ်ကို ပြောပါတယ်။ မြို့ထဲက ဒီဇိုင်နာဆီ ဝတ်စုံအပ်ဆိုတာကို.... သူက..... "
" ရတယ်.... မေကြည်။ သမီးကြိုက်တယ်.... နောက်ပြီး မေကြည်ချုပ်တတ်နေတာပဲမို့.... ကိုယ့်ယောက္ခမချုပ်ပေးတဲ့ ဝတ်စုံနဲ့ မင်္ဂလာဆောင်ရတာ ဘယ်ေလာက်မိုက်လဲဆိုပြီး ကို့ကို သမီးပြောလိုက်လို့.... "
" ကြိုက်တယ်ဆို ဝမ်းသာပါတယ်တော်.... "
မေကြည်သာက ချွေးမလေးကို ကြည့်ကာ ပြုံးလို့နေပါသည်။
" အကြည်တို့ကတော့ ချွေးမအလိမ္မာလေး ရထားတာပဲ.... "
ဝတ်စုံအစမ်းဝတ်ကြည့်တာကို လာကြည့်သည့် ဝါဝါကလည်း သဘောကျကာ ပြောတော့ ထွဋ်ဦးသာက ရယ်လျက်....
" ကျနော်တော်တယ်မလား.... မေမေဝါ... လှလည်းလှ.... လိမ်လည်း လိမ္မာတဲ့ ကောင်မလေးကို ရအောင်ရှာနိုင်ခဲ့တာ.... "
လိမ္မာတဲ့ ကောင်မလေး။
" တော်ပါ့တော်..... နင်တအားရှုပ်လို့.... မိန်းမ ကောင်းကောင်းမွန်မွန်ရပါ့မလားလို့ ငါတို့က စိတ်ပူနေခဲ့တာ.... "
" ဟာဗျာ..... မေမေဝါက ကျနော့်ကို မိန်းမအထောင်းခံရအောင် လုပ်နေပြီ.... ကျနော် ငယ်ငယ်ကပဲ ရှုပ်တာပါ။ ပုံပုံနဲ့ ကြိုက်ကတည်းက နောက်ထပ် မရှုပ်တော့ပါဘူး.... "
မေကြည်က ချွေးမကို လှမ်းကြည့်လိုက်ပြီး....
" ဟုတ်လား... သမီး။ ဒီကောင် အနိုင်ကျင့်တာ ငြိမ်ခံမနေနဲ့နော်.... ပြောမရရင် မေကြည်တို့ကို လာတိုင်..... "
YOU ARE READING
ချစ်ခြင်းမေတ္တာနဲ့ ရက်တဲ့ကြိုးမို့
Teen FictionZawGyi code below. Neighbours became lovers. မိသားစုနှစ်ခု။ ကလေး ၅ယောက်။ အတူတူ ကစားကြဖူးတယ်။ အတူတူစားဖူးကြတယ်။ အတူတူအိပ်ဖူးကြတယ်။ အရာအားလုံးကို အတူတူမျှဝေသုံးစွဲခဲ့ဖူးတယ်။ ဒီကလေးငါးယောက်ကို ဘယ်သူမှ မခွဲနိုင်ဘူးလို့ ထင်ခဲ့ကြပေမယ့် အချိန်ကတော့ တတ်နို...
