" လမ်းဘေးမှာ.... ကြီးကို "
" နင့်အိမ်သွားမယ်ဆိုတော့လည်း နင်မှ ငါ့ကို မခေါ်တာ.... "
" အစောရှိတယ်လေဟာ.... အဲ့ဒါကြောင့် ငါ အိမ်ကျမှ စားမယ်ဆိုတော့လည်း နင်က ယူမသွားခိုင်းဘူးလေ "
" နင့်ဖို့ ဝယ်လာတာကို.... နင်နဲ့အတူတူ စားချင်လို့ဝယ်လာတာကို..... ဘာလို့ သူများတွေနဲ့စားခိုင်းမှာလဲ.... နောက်ပြီး မစောန္ဒာက အစားကြီးတယ်။ နင်စားစေချင်လို့ ဝယ်လာတာတွေ.... သူချည်းပဲ စားပစ်မှာ "
စူပုတ်ပြီး ပြောနေတဲ့ကောင်လေးကို ကြည့်ပြီး မေဖူး ရယ်ရပါသည်။ ဒီကောင်လေးက ဘယ်လိုပဲ လူကြီးယောင်ဆောင်နေနေ.... ကလေးဆန်နေတာလေးတွေက အခုထိ မပျောက်နိုင်သေးပါ။
" မရယ်နဲ့..... အဲ့ဒီမိန်းကလေးတွေကို အမြင်ကပ်နေပြီ.... နင့်အိမ်ကို သူတို့အပိုင်စီးထားကြတာ။ မပြန်သေးဘူးလား.... အဲ့ဒီတစ်ယောက်.... "
" အင်း..... သူ့အိမ်က ပြန်ခေါ်နေပြီလို့တော့ ပြောနေတာပဲ။ ဒါပေမယ့် သူက ပြန်ချင်ပုံမပေါ်ဘူး...."
မေဖူးက ပြောရင်းနဲ့ စက္ကူဘူးထဲက ကြက်ကြော်တစ်တုံးကို လှမ်းယူလိုက်သည်။ သူတို့နှစ်ယောက်က သူမတို့လမ်းထိပ်အုတ်ခုံမှာ ထိုင်နေကြခြင်း ဖြစ်ပါသည်။ ဆရာဝန်က အစာမာစားလို့ရပြီဆိုကတည်းက မေဖူးက တစ်မျိုးပြီး တစ်မျိုးစားချင်နေတာမို့ ဘိုဘိုက ကြက်ကြော်နဲ့ အာလူးကြော်တွေဝယ်လာကာ ညကြီးမိုးချုပ် ရောက်လာသည်။ အစောကို အားနာတာမို့ မေဖူး ဘိုဘို့ကို အိမ်ထဲမခေါ်တော့ပဲ လမ်းထိပ်က အုတ်ခုံမှာတင် တွေ့ဖြစ်ကြသည်။ စားစရာတွေ အိမ်ကျမှ စားမယ်ဆိုတာကိုမရပဲ သူနဲ့အတူတူစားရမယ်လုပ်နေတာမို့ လမ်းဘေးမီးတိုင်အောက်မှာပဲ နှစ်ယောက်သားထိုင်ကာ ဝယ်လာတဲ့မုန့်တွေကို စားဖြစ်ကြပါသည်။
" အိမ်လခတောင်းလိုက်.... သူလာနေတာ ၁လကျော်လောက်ရှိပြီမလား..... အိမ်လခတောင်းလိုက်ရင် ပြန်သွားလိမ့်မယ် "
" နင်..... အစောကို တော်တော် စေတနာထားနော်။ ကျောင်းတုန်းကဆို နင့်ဘက်ကနေ ကူပြောပေးခဲ့တာ အစောပဲရှိတယ်.... ဘယ်သူမှ နင့်ကို သဘောမကျဘူး.... အမြင်ကပ်လို့တဲ့ ငါ့သူငယ်ချင်းတွေက "
YOU ARE READING
ချစ်ခြင်းမေတ္တာနဲ့ ရက်တဲ့ကြိုးမို့
Teen FictionZawGyi code below. Neighbours became lovers. မိသားစုနှစ်ခု။ ကလေး ၅ယောက်။ အတူတူ ကစားကြဖူးတယ်။ အတူတူစားဖူးကြတယ်။ အတူတူအိပ်ဖူးကြတယ်။ အရာအားလုံးကို အတူတူမျှဝေသုံးစွဲခဲ့ဖူးတယ်။ ဒီကလေးငါးယောက်ကို ဘယ်သူမှ မခွဲနိုင်ဘူးလို့ ထင်ခဲ့ကြပေမယ့် အချိန်ကတော့ တတ်နို...
