#مشاعر ﺍﻟﺠﺰﺀ ﺍﻷﻭﻝ 🍃
للكاتبة GomanFared
ﻣﻘﻌﻤﺰ ﻓﺎﺗﺢ ﺍﻟﻼﺏ ﻉ ﻣﻮﻗﻊ ﺇﺧﺒﺎﺭﻱ ﻳﺸﻮﻑ ﻓﻲ ﺍﻷﺧﺒﺎﺭ ﺑﺈﺳﺘﻴﺎﺀ ﺧﺶ ﻋﻠﻴﻪ ﺯﻣﻴﻠﻪ ﻭﺻﺪﻳﻘﻪ ﻓﻨﻔﺲ ﺍﻟﻮﻗﺖ ﻣﻬﻨﺪ ..
ﻣﻬﻨﺪ : ﻭﺍﺿﺢ ﻣﻦ ﻭﺟﻬﻚ ﺗﻘﺮﺍ ﻓﻲ ﺍﻟﺨﺒﺮ ﺍﻟﻠﻲ ﺍﻟﺪﻧﻴﺎ ﻣﻨﻘﻠﺒﻪ ﺑﻴﻪ ..
ﻋﻼﺀ : ﺍﻟﻮﺿﻊ ﻣﺎﻳﻨﺴﻜﺘﺶ ﻋﻠﻴﻪ ... ﻋﻴﻨﻲ ﻋﻴﻨﻚ ﺍﻟﻌﺼﺎﺑﻪ ﻫﺎﺩﻱ ﺗﺘﺤﺪﺍ ﻓﻲ ﺍﻟﺪﻭﻟﻪ ..
ﻣﻬﻨﺪ : ﺍﻷﻣﻦ ﻣﺶ ﻗﻮﻱ ﻛﻔﺎﻳﻪ ﺑﺶ ﻳﻠﻘﺎﻫﻢ ﻭﻳﻘﺪﻣﻬﻢ ﻟﻠﻌﺪﺍﻟﻪ ..
ﻋﻼﺀ : ﻻ ﻳﺎﻣﻬﻨﺪ ﻫﺎﺩﻡ ﻓﻲ ﻇﻬﺮﻗﻮﻱ ﻭﺭﺍﻫﻢ ...
ﻣﻬﻨﺪ : ﻭﺍﺭﺩ ﺟﺪﺍ ..
ﻋﻼﺀ : ﻣﺶ ﻭﺍﺭﺩ ﺃﻛﻴﺪ .. ﺑﺲ ﺗﻌﺮﻑ ﺷﻦ ﺃﻛﺜﺮ ﺷﻲ ﻗﺎﻫﺮﻧﻲ .. ﺍﻥ ﺍﻟﻠﻲ ﻗﺎﻋﺪ ﻳﺤﻮﻝ ﻣﻦ ﺍﻟﻀﺤﺎﻳﺎ ﻓﺄﻋﻀﺎﺋﻬﻢ ﻃﺒﻴﺐ ﺯﻱ ﺯﻳﻚ ﺣﻂ ﻳﺪﻩ ﻉ ﺍﻟﻤﺼﺤﻒ ﻭﺃﻗﺴﻢ ... ﻣﻌﻘﻮﻝ ﻟﻬﺎﻟﺪﺭﺟﻪ ﺍﻟﻄﻤﻊ ﻳﻌﻤﻲ ﺍﻟﻮﺍﺣﺪ ﻳﺨﻠﻴﻪ ﻳﻘﻴﻢ ﻳﺪﻩ ﻣﻦ ﺭﺑﻲ ﻭﻳﻨﺰﻉ ﻣﻦ ﻗﻠﺒﻪ ﺍﻟﺮﺣﻤﻪ؟ !
ﻣﻬﻨﺪ ﺍﺑﺘﺴﻢ ﺑﺘﻬﻜﻢ : ﻗﻮﻝ ﺍﻃﺒﺎﺀ ﻣﺶ ﻃﺒﻴﺐ .. ﺗﻲ ﻛﻞ ﺷﻬﺮ ﺿﺤﻴﻪ ﺷﻜﻞ ﻓﻲ ﺃﻣﺎﻛﻦ ﻣﺨﺘﻠﻔﻪ ﻣﻦ ﺍﻟﺒﻼﺩ ﺷﺮﻕ ﻏﺮﺏ ﺟﻨﻮﺏ ﻭﺳﻂ .... ﻭﺍﻟﻮﺿﻊ ﺍﻟﺤﺎﻟﻲ ﻭﺍﺗﺴﺎﻉ ﺍﻟﻔﺠﻮﺓ ﺑﻴﻦ ﻣﺴﺘﻮﻳﺎﺕ ﻧﺎﺱ ﻣﺨﻠﻴﻪ ﺍﻟﻜﻞ ﻳﺠﺮﻱ ﻭﺭﺍ ﺍﻟﻔﻠﻮﺱ ﺑﺶ ﻳﻮﺻﻞ ﻟﻤﺴﺘﻮﻯ ﺍﻟﻨﺎﺱ ﺍﻟﻤﺘﺮﻓﻪ ..
ﻋﻼﺀ ﻫﺰ ﺭﺍﺳﻪ ﺑﺈﻳﺠﺎﺏ : ﺻﺪﻗﺖ ... ﺍﻟﻔﺴﺎﺩ ﻭﺍﻟﺨﻨﺒﻪ ﺧﻠﺖ ﻓﻲ ﺩﻭﻟﻪ ﺑﻴﻦ ﺍﻷﻏﻨﻴﺎﺀ ﺍﻟﻔﻘﺮﺍﺀ .. ﻧﺎﺱ ﻣﺴﺘﻮﺍﻫﻢ ﺍﻟﻤﻌﻴﺸﻲ ﻳﻮﻟﻲ ﻓﻮﻕ ﺍﻟﺮﻳﺢ ﺧﻼﻝ ﻭﻗﺖ ﻗﻴﺎﺳﻲ ﻭﺍﻟﻨﺎﺱ ﺑﺪﻭﺍ ﻳﺸﻮﻓﻮﺍ ﻓﺄﺭﻭﺍﺣﻬﻢ ﻉ ﺑﻌﺾ ﺑﺎﻟﻠﻲ ﻋﻨﺪﻫﻢ ﻉ ﻏﻴﺮﻫﻢ .. ﻭﻏﻴﺮﻫﻢ ﻳﺒﻲ ﻳﺠﺎﺭﻳﻬﻢ ﻭﻳﻮﻟﻲ ﺯﻳﻬﻢ ﻟﻬﺬﺍ ﺑﺪﻭﺍ ﻳﻠﺠﺌﻮﺍ ﻟﻜﻞ ﻃﺮﻕ ﺍﻟﻜﺴﺐ ﻏﻴﺮ ﺍﻟﻤﺸﺮﻭﻉ ﻭﺭﻏﺒﺘﻬﻢ ﺗﻘﻮﺩﻫﻢ ﻭﻣﺶ ﻣﺪﺍﻳﺮﻳﻦ ﺍﻋﺘﺒﺎﺭ ﻷﻱ ﺷﻲ ...
ﻣﻬﻨﺪ : ﺭﺑﻚ ﻳﺼﻠﺢ ﺍﻟﺤﺎﻝ ..
ﻋﻼﺀ : ﺭﺑﻲ ﻣﺶ ﺣﻴﺼﻠﺢ ﺷﻲ ﻛﺎﻥ ﺣﻨﻲ ﻣﺎﺑﺪﻳﻨﺎﺵ ﻧﺼﻠﺤﻮﺍ ﻣﻦ ﺃﻧﻔﺴﻨﺎ ..
ﻣﻬﻨﺪ ﺗﻨﻬﺪ : ﺻﺢ ..
ﻧﻐﻤﺔ ﺭﺳﺎﻟﺔ ﺗﻠﻴﻔﻮﻥ 📲
ﺗﻠﻴﻔﻮﻥ ﻋﻼﺀ ﻗﺎﻣﻪ ﻭﻓﺘﺢ ﺍﻟﺮﺳﺎﻟﻪ ﻭﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﺣﻠﻮﺓ ❤
ﺍﺑﺘﺴﻢ ﻣﻬﻨﺪ : ﺍﻟﻜﺒﻴﺪﺓ ..
ﻋﻼﺀ ﺣﻂ ﺍﻟﺘﻠﻴﻔﻮﻥ ﻭﺷﺒﺤﻠﻪ ﺑﺈﺑﺘﺴﺎﻣﻪ : ﻳﺎﺣﺒﻚ ﻟﻠﻘﺼﻘﺼﻪ ..
ﻣﻬﻨﺪ : ﻫﻬﻬﻬﻬﻬﻬﻬﻬﻬﻪ .. ﺑﺎﻫﻲ ﻗﻮﻟﻠﻨﺎ ﺃﻣﺘﻰ ﻧﻔﺮﺣﻮﺍ ﺑﻴﻜﻢ ..
ﻋﻼﺀ ﺍﺑﺘﺴﻢ : ﺑﻌﺪ ﺍﻗﻞ ﻣﻦ ﺷﻬﺮ ﺇﻥ ﺷﺎﺀ ﺍﻟﻠﻪ ❤
ﻣﻬﻨﺪ : ﺭﺑﻲ ﻳﺘﻤﻢ ﻉ ﺧﻴﺮ ...
ﻋﻼﺀ : ﺁﺍﺍﻣﻴﻦ 💓
ﻣﻬﻨﺪ ﻧﺎﺽ : ﻫﻲ ﻣﺎﻻ ﻧﺨﻠﻴﻚ ... ﻧﺘﻼﻗﻮﺍ ..
ﻋﻼﺀ : ﺗﻤﺎﻡ .. ﺗﻮﺟﻪ ﻣﻬﻨﺪ ﻟﻠﺒﺎﺏ ﻭﻃﻠﻊ ..
ﻭﻋﻼﺀ ﻧﺎﺽ ﺣﻮﻝ ﺍﻟﻴﻮﻧﻴﻔﻮﺭﻡ ... ﺳﺎﻭﺍ ﺭﻭﺣﻪ ﻭﻧﺎﺽ ﺧﺪﻱ ﻧﻈﺮﺍﺗﻪ ﻭﻣﻔﺎﺗﻴﺤﻪ ﻭﺗﻠﻴﻔﻮﻧﻪ ﻭﻃﻠﻊ ...
****
ﺷﻦ ﺭﺍﻳﻚ ..
ﻧﻮﺭﺍﻥ : ﺗﻤﺎﻡ .. ﺑﺲ ﺿﻴﻘﻴﻪ ﻣﻦ ﻫﻨﺎ ﺷﻮﻳﻪ .. ﻫﻲ ﺭﻗﻴﻘﺔ ﻻﺣﻈﺘﻬﺎ ﻏﻴﺮ ﻛﺎﻧﺖ ﻻﺑﺲ ﻭﺍﺳﻊ ..
: ﺗﻤﺎﻡ ... ﻭﻣﺸﺖ ﺗﻜﻤﻞ ﻓﺸﻐﻠﻬﺎ ... ﺍﻧﻔﺘﺢ ﺑﺎﺏ ﺍﻟﻤﺸﻐﻞ ﻭﺧﺸﺖ ﺑﻨﺖ ﺧﺎﻟﺘﻬﺎ ...
ﻣﻼﻙ : ﻣﺮﺣﺒﺎ ﻳﺎﻧﺎﻧﻲ ..
ﻧﻮﺭﺍﻥ ﻧﺎﺿﺖ ﺑﺈﺑﺘﺴﺎﻣﻪ : ﺍﻫﻼ ﻟﻴﻜﻲ ... ﺳﻠﻤﻮﺍ ﻉ ﺑﻌﺾ ..
ﻗﻌﻤﺰﻭﺍ ﺍﻟﺰﻭﺯ ..
ﻣﻼﻙ : ﺷﺨﺒﺎﺭﻙ ﻣﻦ ﺍﻣﺲ ﻟﻠﻴﻮﻡ ..
ﻧﻮﺭﺍﻥ ﺑﻀﺤﻜﻪ : ﻛﻴﻒ ﻣﺎﺧﻠﻴﺘﻴﻨﻲ ... ﺍﻧﺘﻲ ﺷﺨﺒﺎﺭ ﺍﻟﺠﺎﻣﻌﻪ ﺍﻟﻴﻮﻡ ..
ﻣﻼﻙ : ﻣﺰﺍﻁ ... ﻭﻛﺴﺎﺩ ...
ﻧﻮﺭﺍﻥ ﺑﻀﺤﻜﻪ : ﺍﺟﺎﺑﺘﻚ ﺍﻟﻤﻌﺘﺎﺩﻩ ...
ﻣﻼﻙ ﺑﻀﺤﻜﻪ : ﻫﺎﻩ ﻣﺸﻐﻮﻟﻪ ﻭﺍﺟﺪ ﻭﻻ ﻻ ..
ﻧﻮﺭﺍﻥ : ﻻﻻﻋﺎﺩﻱ ..
ﻣﻼﻙ : ﺑﺎﻫﻲ ﺻﺒﻲ ﻣﻌﺎﻱ ﻧﻌﺪﻭﺍ ﻧﺘﻐﺪﻭﺍ ﻓﻤﻜﺎﻥ ﺳﻤﺢ ..
ﻧﻮﺭﺍﻥ : ﺗﻤﺎﻡ .. ﺧﻞ ﻧﻘﻮﻟﻬﺎ ﻟﻌﻤﻲ ﻗﺒﻞ ..
ﻣﻼﻙ : ﺑﺎﻩ ..
ﻧﺎﺿﺖ ﻧﻮﺭﺍﻥ ﺍﺗﺼﻠﺖ ﺑﻌﻤﻬﺎ ﺍﺳﺘﺄﺫﻧﺖ ﻣﻨﻪ ﻭﻭﺍﻓﻖ ﺻﻜﺮﺕ ﻣﻨﻪ .. ﻭﺟﺖ ﻟﻤﻼﻙ ...
ﻧﻮﺭﺍﻥ : ﻫﻴﺎ ﺻﺒﻲ ..
ﻣﻼﻙ ﻧﺎﺿﺖ ...
ﻧﻮﺭﺍﻥ : ﺻﻔﺎﺀ ..
ﺻﻔﺎﺀ : ﻧﻌﻢ ...
ﻧﻮﺭﺍﻥ : ﻋﻴﻨﻚ ﻉ ﺍﻟﺸﻐﻞ ﻋﺎﺑﻴﻪ ﻋﻠﻴﻚ ..
ﺻﻔﺎﺀ : ﺍﻃﻤﻨﻲ ..
ﻧﻮﺭﺍﻥ : ﻫﻲ ﺭﺑﻲ ﻳﻌﺎﻭﻧﻜﻢ ... ﺍﻟﺴﻼﻡ ﻋﻠﻴﻜﻢ ..
ﻛﻠﻬﻢ ﺭﺩﻭﺍ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ...
ﻃﻠﻌﻮﺍ ﺍﻟﺰﻭﺯ ﻭﺭﻛﺒﺖ ﻣﻼﻙ ﻣﻊ ﻧﻮﺭﺍﻥ ﻓﻲ ﺳﻴﺎﺭﺗﻬﺎ ﻭﺗﺤﺮﻛﺖ ﻧﻮﺭﺍﻥ ...
***
ﺷﻔﺘﻲ ..
: ﺣﻠﻮ ﻫﻠﺒﻪ .. ﺍﻟﻠﻲ ﺷﻜﺮﻭﻙ ﻣﺎﺑﺎﻟﻐﻮﺵ ..
ﻛﻨﺎﻧﻪ ﺑﺈﺑﺘﺴﺎﻣﻪ : ﻣﺸﻜﻮﺭﻳﻦ ﺍﻧﺘﻲ ﻭﻫﻤﺎ ... ﻓﻀﻴﻠﻪ ...
ﻓﻀﻴﻠﻪ : ﻧﻌﻢ ..
ﻛﻨﺎﻧﻪ : ﺗﻌﺎﻟﻲ ﺩﻳﺮﻱ ﻟﻤﺪﺍﻡ ﻫﺎﻟﻪ ﺷﻌﺮﻫﺎ
ﻓﻀﻴﻠﻪ : ﺣﺎﺿﺮ ...
ﺭﻥ ﺗﻠﻴﻔﻮﻥ ﻛﻨﺎﻧﻪ ﺑﻨﻐﻤﺔ ﺭﺳﺎﻟﻪ ﻓﺘﺤﺘﻬﺎ ﻭﺷﺎﻓﺘﻬﺎ ﻭﺍﻹﺑﺘﺴﺎﻣﻪ ﺃﺷﺮﻗﺖ ﻉ ﻭﺟﻬﻬﺎ ... ﺑﻌﺪﻳﻦ ﺍﻟﺘﻔﺘﺖ .. ﺻﻮﻓﻴﺎﺍﺍ ..
ﺻﻮﻓﻴﺎ : ﻧﻌﻢ ..
ﻛﻨﺎﻧﻪ : ﺍﻟﻤﻜﺎﻥ ﻓﻲ ﺃﻣﺎﻧﺘﻚ ﺳﺎﻋﺘﻴﻦ ﻣﻦ ﺯﻣﺎﻥ ...
ﺻﻮﻓﻴﺎ ﺍﺑﺘﺴﻤﺖ : ﻛﻮﻧﻲ ﻫﺎﻧﻴﻪ ..
ﺍﺑﺘﺴﻤﺖ ﻛﻨﺎﻧﻪ ﻭﺧﺪﺕ ﺷﻨﻄﺘﻬﺎ : ﺑﺎﻱ .. ﻭﺗﻮﺟﻬﺖ ﻟﻠﺒﺎﺏ ﻭﺻﻠﺖ ﻓﻴﻪ ﻓﺘﺤﺎﺗﻪ ﻭﻃﻠﻌﺖ .. ﺗﻮﺟﻬﺖ ﻟﻠﺒﺎﺏ ﺍﻟﺒﺮﺍﻧﻲ ﺍﻟﻠﻲ ﻛﺎﻥ ﻣﺮﺩﻭﺩ ﻓﺘﺤﺎﺗﻪ ﻭﻃﻠﻌﺖ ﻭﻗﻔﺖ ﻓﻲ ﺍﻟﺒﺎﺏ ﺗﺸﺒﺤﻠﻪ ﺑﺈﺑﺘﺴﺎﻣﻪ ﻭﻫﻮ ﻣﺘﻜﻲ ﻉ ﺳﻴﺎﺭﺗﻪ ﻣﻦ ﺑﻌﻴﺪ ﻭﻳﺸﺒﺤﻠﻬﺎ ﺑﺈﺑﺘﺴﺎﻣﻪ ..
ﻛﻨﺎﻧﻪ ﺗﻨﻬﺪﺕ : ﻗﻠﺒﻲ ﺃﻧﻲ ..❤
ﻭﻣﺸﺘﻠﻪ ﻃﻮﻝ ﻭﻫﻮ ﻭﻗﻒ ﻉ ﺣﻴﻠﻪ ﻭﺣﻂ ﺍﻳﺪﻳﻪ ﻓﻲ ﺟﻴﻮﺑﻪ ﻳﺮﺍﺟﻲ ﻓﻴﻬﺎ ﺗﻮﺻﻞ ﻓﻴﻪ ..
ﻛﻨﺎﻧﻪ : ﺷﻦ ﺟﻮ ..
ﻋﻼﺀ : ﺑﻴﻚ ﺍﺣﻠﻮ ❤..
ﻛﻨﺎﻧﻪ : ﻫﻬﻬﻬﻬﻪ ...
ﻋﻼﺀ : ﺍﺍﺍﺍﻩ ﻣﻦ ﻫﺎﻟﻀﺤﻜﻪ ﺍﻟﻠﻲ ﺳﺎﻟﺒﻪ ﻗﻠﺒﻲ ﻣﻨﻲ ..
ﻛﻨﺎﻧﻪ : ﺍﻧﺖ ﻛﻠﻚ ﻉ ﺑﻌﻀﻚ ﺳﺎﻟﺐ ﻣﻨﻲ ﻋﻘﻠﻲ ﻭﻗﻠﺒﻲ ﻭﺭﻭﺣﻲ ❤
ﻋﻼﺀ : ﺍﺭﻛﺒﻲ ﺍﺭﻛﺒﻲ ﻏﻴﺮ ﻣﺎﻧﺘﻬﻮﺭ ﻓﻲ ﺍﻟﺸﺎﺭﻉ ..
ﻛﻨﺎﻧﻪ : ﻫﻬﻬﻬﻬﻬﻪ .. ﻭﻣﺸﺖ ﺭﻛﺒﺖ ﻭﻫﻮ ﺭﻛﺐ ﻭﺗﺤﺮﻙ ﺑﺎﻟﺴﻴﺎﺭﺓ .. ﻓﺘﺢ ﺍﻏﻨﻴﻪ ﻟﻜﺎﻇﻢ ﺍﻟﺴﺎﻫﺮ " ﻛﻞ ﻣﺎﺗﻜﺒﺮ ﺗﺤﻼ " ﻭﻳﻐﻨﻲ ﻣﻌﺎﻫﺎ ﻭﺷﺎﺩ ﻳﺪ ﻛﻨﺎﻧﻪ ﻃﻮﻝ ﺍﻟﻄﺮﻳﻖ ﻭﻫﻲ ﻗﺮﻳﺐ ﺍﻃﻴﺮ ﻣﻦ ﺍﻟﺴﻌﺎﺩﻩ ...
ﺗﻨﺴﻰ ﻓﻲ ﻛﻞ ﺷﻲ ﻣﻌﺎﻩ ﻫﻮ ﺳﻌﺎﺩﺗﻬﺎ ﻭﻣﺼﺪﺭ ﻓﺮﺣﺘﻬﺎ ﻗﺮﺑﻪ ﺑﺲ ﻛﻔﻴﻞ ﻳﺨﻠﻴﻬﺎ ﺃﺳﻌﺪ ﻣﻦ ﺧﻠﻖ ﺭﺑﻲ ❤...
ﻭﺻﻠﻮﺍ ﻓﻲ ﻣﻄﻌﻢ ﻉ ﺍﻟﺒﺤﺮ ﻭﻗﻌﻤﺰﻭﺍ ﻉ ﻃﺎﻭﻟﻪ ﺑﺮﺍ .. ﺍﻟﺰﻭﺯ ﻳﺤﺒﻮﺍ ﺍﻟﺒﺤﺮ ﻫﻠﺒﻪ ﻣﻦ ﻟﻤﺎ ﻛﺎﻧﻮﺍ ﺻﻐﺎﺭ .. ﺷﺘﻲ ﻭﻻﺻﻴﻒ ..
ﻭﻫﻤﺎ ﺗﻮﺍ ﻓﻲ ﺑﺪﺍﻳﺔ ﻓﺼﻞ ﺍﻟﺼﻴﻒ ..
***
ﻣﺎﺩﺍﻣﻚ ﻣﺎﺗﺒﻴﺶ ﻋﻠﻴﺶ ﻣﺎﺗﻘﻮﻟﻴﺶ ﻟﻌﻤﻚ ..
ﻧﻮﺭﺍﻥ : ﺗﺤﺸﻤﺖ ﻭﻗﺖ ﻟﺸﻴﺒﻮ ﻳﻘﻮﻟﻪ .. ﺣﻴﻪ ﻭﺣﻴﻪ ﻗﻌﺪ ﻳﺮﻛﺐ ﻭﻳﻨﺰﻝ ﻭﻣﺴﻜﻴﻦ ﺷﻴﺒﻮ ﺣﺼﻞ ﻫﺰﺍﻳﺐ ﻓﺠﺮﺗﻲ ...
ﻣﻼﻙ : ﺑﺎﻩ ﻭﻛﻴﻒ ﺑﺪﻳﺮﻱ ..
ﻧﻮﺭﺍﻥ : ﺗﻌﺮﻓﻲ ﺷﻴﺒﻮ ﺍﻧﺘﻲ ﻛﻴﻒ ﺗﻨﺒﺎﻝ ﻭﺑﺎﻟﻬﻮﻥ ﻓﻲ ﺍﻟﻘﺮﺍﻳﻪ ﻭﺩﺍﻳﺮﻫﺎ ﺳﺒﻠﻪ ﻟﺒﺎﺗﻪ ﻧﻜﻤﻞ ﻗﺮﺍﻳﻪ ﻧﻄﻠﻌﻮﺍ ﺍﻟﻔﺮﺡ .. ﻭﻣﺎﺯﺍﻝ ﺳﻨﺘﻴﻦ ﻉ ﺍﻟﺘﺨﺮﺝ ﻣﻦ ﺗﻮﺍ ﻟﻬﺬﺍﻙ ﺍﻟﻮﻗﺖ ﻳﺤﻠﻬﺎ ﺭﺑﻚ ...
ﻣﻼﻙ : ﻣﺴﺘﻐﺮﺑﻪ ﻓﻴﻚ .. ﻳﻌﻨﻲ ﻭﻟﺪ ﻋﻤﻚ ﺳﻤﺢ ﺑﻜﻞ ﻛﻴﻒ ﻣﺎﻛﺒﺪﺗﻴﺶ ﻓﻴﻪ؟ !
ﻧﻮﺭﺍﻥ : ﺍﻫﺎ ﻫﻮ ﻋﺎﺟﺒﻨﻲ .. ﻭﻧﺤﺒﻪ ﺑﺲ ﻛﻴﻒ ﺧﻮﻳﺎ ﺗﺮﺑﻴﻨﺎ ﻣﻊ ﺑﻌﻀﻨﺎ ﻣﺎﺣﺴﻴﺘﺶ ﺗﺠﺎﻫﻪ ﺑﻤﺸﺎﻋﺮ ﺍﻟﺤﺐ ﻫﺬﻳﻚ .. ﻭﻏﻴﺮ ﻫﻜﻲ ﺍﻧﻲ ﻣﻨﻌﺖ ﻧﻔﺴﻲ .. ﻣﺶ ﻏﺎﺑﻴﻪ ﻓﺤﺎﻟﺘﻲ ﻳﺎﻣﻼﻙ ﺷﻦ ﺫﻧﺒﻪ ﻫﻮ ﻳﺎﺧﺪ ﺣﺎﻟﻬﺎ ﻛﻴﻒ ﺣﺎﻟﻲ ﺍﺟﺒﺎﺭﻱ ﻋﻨﻪ ﻣﺶ ﺑﺈﺧﺘﻴﺎﺭﻩ ..
ﻣﻼﻙ : ﻣﺎﺗﺰﻋﻠﻴﺶ ﻣﻨﻲ ﻓﻜﺮﺕ ﻓﻴﻬﺎ ﺍﻟﻠﻲ ﺯﻳﻚ ﺻﻌﺐ ﻋﻠﻴﻬﻢ ﺍﻟﺠﻮﺍﺯ ﻭﻣﺶ ﺣﺘﺮﺗﺎﺣﻮﺍ ﻣﻊ ﺑﻌﻀﻜﻢ ..
ﻧﻮﺭﺍﻥ ﺍﺿﺎﻳﻘﺖ ﻣﻦ ﻛﻼﻡ ﻣﻼﻙ ﺑﺲ ﺍﻇﺎﻫﺮﺕ ﺑﺎﻟﻌﻜﺲ ﺍﺑﺘﺴﻤﺖ : ﻳﻠﻼ ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ... ﻗﻮﻟﻴﻠﻲ ﺷﻦ ﺗﺒﻲ ﺗﺎﻛﻠﻲ ..
***
ﻭﺭﺍﺗﻪ ﻣﺸﻮﻳﺔ ..
ﻋﻼﺀ : ﺗﻤﺎﻡ ﻭﺣﺘﻰ ﺍﻧﻲ ﺣﻨﻄﻠﺐ ﺯﻳﻚ ..
ﻧﺎﺩﻯ ﻋﻼﺀ ﻉ ﺍﻟﻘﺮﺳﻮﻥ ﻭﺟﺎﻩ ﻭﻗﺎﻟﻪ ﻉ ﺍﻟﻄﻠﺐ ﻭﻗﻌﺪﻭﺍ ﻳﻬﺪﺭﺯﻭﺍ ..
ﻋﻼﺀ : ﺷﻨﻮ ﻗﻠﺒﻲ ﻛﻤﻠﺘﻲ ؟
ﻛﻨﺎﻧﻪ : ﻣﺎﺯﺍﻝ ﺗﺠﻬﻴﺰﺍﺕ ﺍﻟﻘﺎﻋﻪ ﺑﺲ .. ﺣﺘﻰ ﺍﻟﻔﻴﻠﻮ ﻭﺻﻴﺖ ﻋﻠﻴﻪ ..
ﻋﻼﺀ ﺍﺑﺘﺴﻢ : ﻧﻘﺪﺭ ﻧﺸﻮﻓﻪ؟
ﻛﻨﺎﻧﻪ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻭﻗﺎﻟﺖ ﺑﻀﺤﻜﻪ : ﺗﺲ ﺗﺲ ﺗﺲ ... ﻳﻮﻡ ﺍﻟﺤﻔﻠﻪ ﺑﺲ ﻣﺴﻤﻮﺣﻠﻚ ﺗﺸﻮﻓﻪ ..
ﻋﻼﺀ ﺑﻀﺤﻜﻪ : ﻣﺎﻟﻴﺎ ﺇﻻ ﺍﻟﺼﺒﺮ .. ﻭﺍﻟﺼﺒﺮ ﺍﺧﺮﺗﻪ ﺣﻠﻮﺓ ﻭﻏﻤﺰﻟﻬﺎ .
ﻛﻨﺎﻧﻪ ﻭﺟﻬﻬﺎ ﺇﺣﻤﺮ : ﻋﻼﺍﺍﺍﺍﺀ ..
ﻋﻼﺀ : ﻫﻬﻬﻬﻬﻬﻬﻬﻬﻬﻬﻪ ..
ﻛﻨﺎﻧﻪ ﺗﻀﺤﻚ ﺑﺨﺠﻞ ﺧﺪﺕ ﺗﻠﻴﻔﻮﻧﻬﺎ ﻭﺣﻄﺖ ﻉ ﺍﻟﺼﻮﺭ ﻭﻣﺪﺗﻬﻮﻟﻪ : ﺷﻮﻑ ﺣﻴﺎﺗﻲ .. ﺍﻱ ﺷﻜﻞ ﻛﻮﺷﻪ ﻧﺨﺘﺎﺭ ﺍﺣﺘﺮﺕ ﻛﻠﻬﻢ ﺣﻠﻮﺍﺕ ..
ﺧﺪﻱ ﻋﻼﺀ ﺍﻟﺘﻠﻴﻔﻮﻥ ﻭﻗﻌﺪﻳﺸﻮﻑ ﻓﻴﻬﻢ .. ﻭﻫﻲ ﻗﻌﺪﺕ ﺗﺸﻮﻓﻠﻪ .. ﻫﻲ ﻻﻫﻲ ﻣﺤﺘﺎﺭﺓ ﻭﻻﺷﻲ ﻫﻲ ﺗﺒﻲ ﺗﺘﻤﻼ ﻣﻨﻪ ﻟﻤﺎ ﻣﺮﻛﺰ ﻓﻲ ﺣﺎﺟﻪ ﺗﺘﻘﺪﺭ ﺗﺘﺄﻣﻠﻪ ﺑﺮﺍﺣﺘﻬﺎ ﺑﺪﻭﻥ ﺇﺣﺮﺍﺝ .. ﺍﻛﺜﺮ ﺣﺮﻛﻪ ﺗﺤﺐ ﺍﺩﻳﺮﻫﺎ ﻭﻫﻮ ﻛﺎﻥ ﺯﺍﺑﻄﻬﺎ ﺑﺲ ﺩﺍﻳﺮ ﺭﻭﺣﻪ ﻣﺶ ﻣﺮﻛﺰ ﺑﺶ ﻣﺎﻳﺤﺮﺟﻬﺎﺵ ...❤
ﺷﻮﻳﻪ ﻭﻗﺎﻝ : ﻫﺎﺩﻱ .. ﻭﻣﺪﻟﻬﺎ ﺍﻟﺘﻠﻴﻔﻮﻥ ...
ﻛﻨﺎﻧﻪ ﺧﺪﺕ ﺍﻟﺘﻠﻴﻔﻮﻥ ﻭﺑﺈﺑﺘﺴﺎﻣﻪ : ﺗﻮﻗﻌﺖ ﺗﺨﺘﺎﺭ ﻫﺎﺩﻱ ﺫﻭﻗﻚ ﺩﻳﻤﺎ ﺣﻠﻮ ..
ﻋﻼﺀ ﺑﺈﺑﺘﺴﺎﻣﻪ : ﻟﻮ ﻣﺎﻛﺎﻧﺶ ﺣﻠﻮ ﻣﺎﻛﻨﺘﺶ ﺣﺒﻴﺘﻚ ..
ﻛﻨﺎﻧﻪ ﻗﺎﻣﺖ ﻋﻴﻮﻧﻬﺎ ﻓﻴﻪ ﻭﻫﻲ ﻣﺒﺘﺴﻤﻪ ﺑﺨﺠﻞ : ﻧﺤﺒﻚ ..❤
ﻋﻼﺀ ﺑﻨﻈﺮﺓ ﺣﺐ : ﻧﻤﻮﺕ ﻓﻲ ﺍﻣﻚ ﻭﺑﻮﻙ ﺍﻟﻠﻲ ﺟﺎﺑﻮﻙ ﺍﻧﻲ ❤
ﻛﻨﺎﻧﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ....
****
ﻭﺍﻗﻒ ﻓﻲ ﺣﺪﻳﻘﺔ ﺍﻟﻔﻴﻼ ﻳﻮﺟﻪ ﻓﻲ ﺍﻟﺤﺮﺍﺳﺎﺕ ﺍﻟﻠﻲ ﺗﺤﺖ ﻳﺪﻩ ﻉ ﺃﻣﺎﻛﻦ ﺗﻮﺍﺟﺪﻫﻢ .. ﻭﺯﻋﻬﻢ ... ﻭﻭﻗﻒ ﻓﻲ ﻣﻜﺎﻧﻪ ﺷﻮﻳﻪ ﻭﺭﻥ ﺗﻠﻴﻔﻮﻧﻪ .. ﻭﻛﺎﻥ ﺍﻟﻤﺘﺼﻞ ﺍﻟﺮﺍﺟﻞ ﺍﻟﻠﻲ ﻳﺨﺪﻡ ﻋﻨﺪﻩ ...
ﺍﻛﺮﻡ : ﻧﻌﻢ ..
ﺭﺿﻮﺍﻥ : ﺍﻛﺮﻡ ﻧﺒﻴﻚ ﺗﻌﺪﻱ ﻣﻊ ﺍﻟﺴﻮﺍﻕ ﺗﺠﻴﺐ ﺍﻟﻤﺪﺍﻡ ﻣﻦ ﺍﻟﻤﻄﺎﺭ ..
ﺍﻛﺮﻡ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ : ﺗﻮﺍ؟
ﺭﺿﻮﺍﻥ : ﺍﻳﻪ ﺗﻮﺍ ﻳﺎﺃﻛﺮﻡ ﺑﺴﺮﻋﻪ ﻗﺮﻳﺐ ﺗﻮﺻﻞ ..
ﺍﻛﺮﻡ : ﺗﻢ ... ﺻﻜﺮ ﻋﻠﻴﻪ ﺭﺿﻮﺍﻥ .. ﻭﻫﻮ ﻃﻮﻝ ﺗﻮﺟﻪ ﻟﻠﺴﻮﺍﻕ ﻭﻗﺎﻟﻪ ﻳﺠﻲ ﻣﻌﺎﻩ .. ﺭﻛﺒﻮﺍ ﺍﻟﺴﻴﺎﺭﺓ ﻭﻣﺸﻮﺍ ﻟﻠﻤﻄﺎﺭ ...
***
ﺑﻨﺮﻭﺡ ﻣﻌﺎﻙ ﻧﺎﻧﻲ ...
ﻧﻮﺭﺍﻥ : ﺍﺣﺴﻦ ﺣﺎﺟﻪ .. ﻧﻜﺴﺪﻭﺍ ﻣﻊ ﺑﻌﻀﻨﺎ ..
ﻣﻼﻙ : ﻣﺮﺍﺕ ﻋﻤﻚ ﻣﺰﺍﻝ ﻣﺶ ﻣﺮﻭﺣﻪ ..
ﻧﻮﺭﺍﻥ : ﻳﺎﻟﻴﻮﻡ ﻳﺎﺑﻜﺮﺍ ... ﺧﻼﺹ ﺣﻔﻼﺗﻬﺎ ﺗﻤﻦ ..
ﻣﻼﻙ : ﺷﻔﺘﻬﺎ ﺍﻣﺲ ﻓﻲ ﺍﻟﺒﺮﻧﺎﻣﺞ ﺣﻔﻠﺘﻬﺎ ﺍﻟﻨﺎﺱ ﻓﻞ ...
ﻧﻮﺭﺍﻥ : ﺍﻫﺎ ﺻﻮﺗﻬﺎ ﺣﻠﻮ ﻭﺍﺟﺪ ﻭﺍﻏﺎﻧﻴﻬﺎ ﺣﻠﻮﺓ ﻭﻗﺮﻳﺒﻪ ﻟﻠﻘﻠﺐ ﻭﻋﻨﺪﻫﺎ ﺍﺣﺴﺎﺱ .. ﻣﺎﺗﺴﺘﻐﺮﺑﻴﺶ ﻧﺠﺎﺣﻬﺎ ..
ﻣﻼﻙ : ﺍﻫﺎ ... ﻳﻼ ﻫﻴﺎ ﺷﻐﻠﻲ ﺍﻟﺴﻴﺎﺭﺓ ..
ﻧﻮﺭﺍﻥ : ﺍﻭﻛﻲ ... ﻭﻟﻌﺖ ﺍﻟﺴﻴﺎﺭﺓ ﻭﺗﻮﺟﻬﻮﺍ ﻟﻠﺤﻮﺵ ...
***
ﻓﻲ ﺍﻟﻤﻄﺎﺭ ..
ﻣﺎﺷﻴﻪ ﻭﻭﺭﺍﻫﺎ ﻭﺣﺪﻩ ﺗﺠﺮ ﻓﺸﻨﻄﺔ ﺳﻔﺮ ..
ﺍﻟﻨﺎﺱ ﺟﻮﻫﺎ ﻳﺼﻮﺭﻭﺍ ﻣﻌﺎﻫﺎ ﻭﻫﻮ ﺷﺎﻓﻬﺎ ﺍﺑﺘﺴﻢ ﺑﺘﻬﻜﻢ ﻭﻣﺸﻲ ﻭﻗﻌﺪ ﻳﺒﻌﺪ ﻓﻲ ﺍﻟﻨﺎﺱ ﻭﻳﻄﻠﻊ ﻓﻴﻬﺎ .. ﻭﻫﻲ ﻛﺎﻧﺖ ﺗﺒﺘﺴﻢ ﻟﻠﻨﺎﺱ ﻣﺠﺎﻣﻠﻪ ... ﻭﺻﻠﻬﺎ ﻟﻠﺴﻴﺎﺭﺓ ﺭﻛﺒﻬﺎ ﻭﺻﻜﺮ ﺍﻟﺒﺎﺏ ﻭﺍﻟﻨﺎﺱ ﻓﻲ ﺟﺮﺗﻬﻢ ﻫﻮ ﺭﻛﺐ ﻭﺭﻛﺐ ﺍﻟﺴﻮﺍﻕ ﺍﻟﺸﻨﻄﻪ ﻓﻲ ﺍﻟﻜﻮﻓﻨﻲ .. ﻭﺭﻛﺒﺖ ﺟﻨﺒﻬﺎ ﺍﻟﻮﺻﻴﻔﻪ ﺍﻟﻠﻲ ﺩﻳﻤﺎ ﻣﻌﺎﻫﺎ .. ﻭﺗﺤﺮﻛﻮﺍ ﺑﺎﻟﺴﻴﺎﺭﻩ ..
ﺍﻟﺴﻮﺍﻕ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻣﺪﺍﻡ ..
ﺭﻳﻬﺎﻡ : ﺍﻟﻠﻪ ﻳﺴﻠﻤﻚ ﻳﺎﺗﻮﻓﻴﻖ .. ﻓﻴﻚ ﺍﻟﺨﻴﺮ ..
ﺍﻛﺮﻡ ﺗﺠﺎﻫﻠﻬﺎ ﺗﻤﺎﻣﺎ .. ﻭﻫﻲ ﻗﻠﺒﻬﺎ ﻣﻮﺟﻮﻉ ﻣﻦ ﻗﺴﻮﺗﻪ ﻭﺗﺠﺎﻫﻠﻪ ﺍﻟﻤﺴﺘﻤﺮ ﻟﻴﻬﺎ ...
ﻫﻤﺎ ﻳﺤﺒﻮﺍ ﺑﻌﺾ ﻭﻛﻞ ﻭﺍﺣﺪ ﻣﻨﻬﻢ ﻋﺎﺭﻑ ﻣﺸﺎﻋﺮ ﺍﻟﺘﺎﻧﻲ ﺑﺲ ﻣﺎﺍﻋﺘﺮﻓﻮﺵ ﻟﺒﻌﺾ ...
ﻛﺎﻥ ﺍﻛﺮﻡ ﻣﺤﺘﻔﻆ ﺑﻤﺸﺎﻋﺮﻩ ﻭﻣﺎﻗﺪﺭﺵ ﻳﺼﺮﺡ ﺑﻴﻬﺎ ﻹﻧﻪ ﻛﺎﻥ ﻳﺒﻲ ﻛﻞ ﺷﻲ ﺑﻴﻨﻪ ﻭﺑﻴﻨﻬﺎ ﻳﺘﻢ ﻉ ﺃﺻﻮﻟﻪ .. ﻛﺎﻥ ﻳﺒﻲ ﻳﺒﻨﻲ ﻧﻔﺴﻪ ﻭﺑﻌﺪﻳﻦ ﻳﻮﻟﻴﻠﻬﺎ ﻭﻳﻌﺘﺮﻓﻠﻬﺎ ﻭﻳﺨﻄﺒﻬﺎ ﻭﻳﺘﺰﻭﺟﻮﺍ .. ﻭﻫﻲ ﻛﺘﻤﺖ ﻣﺸﺎﻋﺮﻫﺎ ﻟﻨﻔﺲ ﺍﻟﺴﺒﺐ ﻣﺎﻛﺎﻧﺘﺶ ﺗﺒﻲ ﺗﻄﻠﻊ ﻋﻠﻴﻬﺎ ﻭﻻﻋﻠﻴﻪ ﺩﻭﺓ ﻓﻲ ﺍﻟﻤﻴﺘﻢ ﻭﻗﺘﻬﺎ ....
ﺑﺲ ﺑﻌﺪ ﻣﺎﺭﺟﻌﻮﺍ ﺗﻼﻗﻮﺍ ﻣﻦ ﺟﺪﻳﺪ ﻛﺎﻧﺖ ﻣﺮﺕ ﺳﻨﻴﻦ ﻭﺻﺎﺭﺕ ﻫﻠﺒﻪ ﺣﺎﺟﺎﺕ ﻏﻴﺮﺕ ﺧﻄﻂ ﺃﻛﺮﻡ ﻭﻫﻲ ﻏﻴﺮﺕ ﺧﻄﻄﻬﺎ ... ﺗﻌﺎﻣﻠﻮﺍ ﻣﻊ ﺑﻌﻀﻬﻢ ﺯﻱ ﺍﻷﺻﺪﻗﺎﺀ ﻭﺍﻟﺨﻮﺕ .. ﻭﻗﺘﻬﺎ ﻛﻴﻒ ﺗﺨﺮﺟﺖ ﻣﻦ ﺍﻟﻜﻠﻴﻪ ﻭﺣﻜﺘﻠﻪ ﻉ ﻇﺮﻭﻓﻬﺎ ﻭﺣﻜﻲ ﻟﻠﺮﺍﺟﻞ ﺍﻟﻠﻲ ﻳﺨﺪﻡ ﻋﻨﺪﻩ ﻭﻓﻌﻼ ﺧﺪﻣﻬﺎ ﺳﻜﺮﺗﻴﺮﺓ .. ﻭﺑﻌﺪ ﻛﻢ ﺷﻬﺮ ﻃﻠﻊ ﺧﺒﺮ ﺻﺎﺩﻡ ﻣﻦ ﺭﺿﻮﺍﻥ ﻟﻠﺠﻤﻴﻊ ﻭﻫﻮ ﺭﻏﺒﺘﻪ ﻓﻲ ﺍﻟﺰﻭﺍﺝ ﻣﻦ ﺟﺪﻳﺪ ﻭﻣﻨﻬﺎ ﻫﻲ ﺗﺤﺪﻳﺪﺍ ... ﺍﻛﺮﻡ ﺫﺑﺤﻪ ﺍﻟﺨﺒﺮ .. ﺣﺲ ﺑﺎﻟﻐﺪﺭ ﻭﺍﻟﺨﻮﻧﻪ ... ﻭﻣﻨﻬﺎ ﺗﻌﺎﻣﻠﻪ ﻣﻌﺎﻫﺎ ﺗﻐﻴﺮ ﺗﻤﺎﻣﺎ ﻭﻻﺭﺳﻤﻲ ﻭﺳﻄﺤﻲ ﺗﻤﺎﻣﺎ ...
ﻭﻫﻲ ﻇﺮﻭﻓﻬﺎ ﺍﺟﺒﺮﺗﻬﺎ ﺗﻮﺍﻓﻖ ﻉ ﻃﻠﺐ ﺭﺿﻮﺍﻥ ﻷﻧﻬﺎ ﻋﺎﺭﻓﻪ ﻟﻮ ﺭﻓﻀﺖ ﺣﺘﺨﺴﺮ ﻭﻇﻴﻔﺘﻬﺎ ... ﻭﺍﻓﻘﺖ ﻭﺗﺰﻭﺟﺖ ﻭﺭﺿﻮﺍﻥ ﺍﻟﻠﻲ ﺳﻤﻌﻬﺎ ﺗﻐﻨﻲ ﻫﻠﺒﻪ ﻭﺣﺐ ﺻﻮﺗﻬﺎ ﺣﺐ ﻳﺪﻋﻤﻬﺎ ﻭﻳﻄﻠﻌﻬﺎ ﻭﻫﻲ ﻓﺮﺣﺖ .. ﻭﺩﻋﻤﻪ ﺍﻟﻜﺒﻴﺮ ﻟﻴﻬﺎ ﻭﺻﻠﻬﺎ ﻟﻤﻮﺍﺻﻴﻞ ﻣﺎﻛﺎﻧﺘﺶ ﺗﺤﻠﻢ ﺑﻴﻬﺎ .. ﺑﺲ ﺑﺮﻏﻢ ﺣﺐ ﻭﺩﻻﻝ ﺭﺿﻮﺍﻥ ﻟﻴﻬﺎ .. ﻣﺎﻗﺪﺭﺗﺶ ﺗﺤﺒﻪ ... ﻭﻻﻗﺪﺭﺕ ﺗﺤﻮﻝ ﺍﻛﺮﻡ ﻣﻦ ﻗﻠﺒﻬﺎ ﻭﺧﺼﻮﺻﺎ ﺇﻧﻪ ﻗﺪﺍﻣﻬﺎ ﻟﻴﻞ ﻭﻧﻬﺎﺭ ...💔
***
ﻗﻠﺒﻲ ﻓﻮﺗﻴﻬﺎ ﺍﻟﺨﺪﻣﻪ ﻭﺗﻌﺎﻟﻲ ﻣﻌﺎﻱ ﻟﺤﻮﺵ ﺍﻟﻌﻴﻠﻪ ..
ﻛﻨﺎﻧﻪ : ﻳﺎﺭﻳﺖ ﺣﻴﺎﺗﻲ ﺑﺲ ﺍﻟﻴﻮﻡ ﻋﻨﺪﻱ ﻋﺮﻭﺳﻪ ﻭﺍﻛﻴﺪ ﺗﺴﺘﻨﻰ ﻓﻴﺎﺗﻮﺍ
ﻋﻼﺀ ﺍﺑﺘﺴﻢ : ﺑﺎﻫﻲ ﻋﻤﺮﻱ .. ﻟﻮﻛﻤﻠﺘﻲ ﺑﻜﺮﻱ ﺗﻌﺎﻟﻲ ﻏﺎﺩﻱ ﺍﻧﻲ ﺑﻨﻘﻌﺪﻝ ...9
ﻛﻨﺎﻧﻪ : ﺍﻛﻴﺪ ﺣﻨﻴﻨﻪ ﺣﺎﻛﻤﻪ ﻋﻠﻴﻚ ﺍﻟﻴﻮﻡ ﺗﺴﻴﺐ ﺧﺪﻣﺘﻚ ﻭﺗﻘﻌﺪ ﻣﻌﺎﻫﺎ ..
ﺿﺤﻚ ﻋﻼﺀ ﻭﻫﺰ ﺭﺍﺳﻪ ﺑﺈﻳﺠﺎﺏ : ﻫﺎﻩ ﺷﻦ ﻗﻠﺘﻲ ..
ﻛﻨﺎﻧﻪ : ﺧﻼﺹ ﺣﻨﻤﺸﻲ ﺑﻌﺪ ﻧﻜﻤﻞ ﻟﻜﻦ ﻋﺎﺩ ﻣﺎﺩﻳﺮﻳﻠﺶ ﺯﻱ ﺍﻟﻤﺮﺓ ﺍﻟﻠﻲ ﻓﺎﺗﺖ ﺍﺗﺼﻠﻮﺍ ﺑﻴﻚ ﻣﻦ ﺍﻟﺨﺪﻣﻪ ﻣﺸﻴﺖ ﺗﺠﺮﻱ ﻭﻧﺴﻴﺘﻨﻲ .. ﻭﻗﻌﺪ ﻭﺟﻬﻲ ﻓﻮﺟﻪ ﻣﺮﺕ ﻋﻤﻚ ﺧﻠﻴﻔﻪ ...
ﻋﻼﺀ : ﻫﻬﻬﻬﻬﻬﻬﻬﻬﻬﻪ ... ﻻﻻ ﻗﻠﺘﻠﻬﻢ ﻣﺎﻳﺪﻭﺭﻧﻴﺶ ﺍﻟﻴﻮﻡ ﻭﻳﺸﺪ ﻣﻜﺎﻧﻲ ﺩﻛﺘﻮﺭ ﺗﺎﻧﻲ ..
ﻛﻨﺎﻧﻪ ﺑﺈﺑﺘﺴﺎﻣﻪ : ﻳﻌﻨﻲ ﻭﻋﺪ ..
ﻋﻼﺀ : ﻭﻋﺪ ..
ﻛﻨﺎﻧﻪ : ﻣﺶ ﺣﺘﻨﺴﺎﻧﻲ؟ !
ﻋﻼﺀ : ﻧﻨﺴﻰ ﻋﻤﺮﻱ .. ﻭﻧﻨﺴﻰ ﺇﺳﻤﻲ ﻭﻻﻧﻨﺴﺎﻙ ❤ ﺷﺪ ﻳﺪﻫﺎ ﻭﺑﺎﺳﻬﺎ ... ﺍﺣﻤﻤﻢ .. ﻫﻲ ﺧﻠﻴﻨﻲ ﻣﺮﻛﺰ ﻓﻲ ﺍﻟﻄﺮﻳﻖ
ﻛﻨﺎﻧﻪ ﺿﺤﻜﺖ ﻭﺳﻜﺘﺖ ﻭﻗﻌﺪﻭﺍ ﺷﺎﺩﻳﻦ ﺍﻳﺪﻳﻦ ﺑﻌﺾ ﺑﻘﻮﺓ ❤
***
ﻭﺻﻠﻮﺍ ...
ﻓﺘﺤﻠﻬﺎ ﺍﻟﺴﻮﺍﻕ ﻧﺰﻟﺖ ﻟﻘﺖ ﺭﺍﺟﻠﻬﺎ ﻓﻲ ﺍﺳﺘﻘﺒﺎﻟﻬﺎ ﺣﻀﻨﺎﺗﻪ ﻭﻫﻮ ﺣﻀﻨﻬﺎ ...
ﻭﺍﻛﺮﻡ ﺷﺎﺩ ﻉ ﻗﺒﻀﺔ ﺍﻳﺪﻩ ﻭﻟﺤﺴﻦ ﺣﻈﻪ ﻻﺑﺲ ﻧﻈﺎﺭﺍﺕ ﺳﻮﺩ ﺍﺧﻔﻮﺍ ﺍﻟﻐﻴﺮﻩ ﺍﻟﻠﻲ ﺗﺸﻊ ﻣﻦ ﻋﻴﻮﻧﻪ ...
ﺭﺿﻮﺍﻥ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺣﺒﻴﺒﺘﻲ ..
ﺭﻳﻬﺎﻡ ﺑﺂﺑﺘﺴﺎﻣﻪ : ﺍﻟﻠﻪ ﻳﺴﻠﻤﻚ ﺣﺒﻴﺒﻲ ... ﻭﺑﺎﺳﺎﺗﻪ ﻣﻦ ﺧﺪﻩ ..
ﺃﻛﺮﻡ ﺑﻐﻀﺐ : ﺍﺳﺘﺎﺍﺫ ..
ﺍﻧﺘﻔﻀﻮﺍ ﺍﻟﺰﻭﺯ ..
ﺭﺿﻮﺍﻥ : ﻛﻨﻚ؟ !!
ﺍﻛﺮﻡ : ﺍﺣﻤﻢ .. ﺧﺸﻮﺍ ﺩﺍﺧﻞ ﺍﻓﻀﻞ ..
ﺭﺿﻮﺍﻥ ﺑﻀﺤﻜﻪ : ﺑﺎﻫﻲ ﻗﺘﻬﺎ ﺑﻬﺪﻭﺀ ﻳﺎﺭﺍﺟﻞ ﻓﺠﻌﺘﻨﺎ ..
ﺍﻛﺮﻡ ﺑﻤﻼﻣﺢ ﺟﺎﻣﺪﻩ : ﺃﺳﻒ ..
ﺭﺿﻮﺍﻥ : ﻫﻴﺎ ﺣﺒﻴﺒﺘﻲ .. ﺧﺪﺍﻫﺎ ﻣﻦ ﻳﺪﻫﺎ ﻭﺧﺸﻮﺍ ﺭﻳﻬﺎﻡ ﻭﻫﻲ ﻣﺎﺷﻴﻪ ﺍﻟﺘﻔﺘﺖ ﻷﻛﺮﻡ ﺍﺑﺘﺴﻤﺖ ﺑﺈﺳﺘﻔﺰﺍﺭ ﻭﺣﺎﺟﺒﻬﺎ ﻣﺮﻓﻮﻉ ﻭﺗﻠﻔﺘﺖ ﺍﻟﻘﺪﺍﻡ ..
ﻭﻫﻮ ﻣﻂ ﺷﻮﺍﺭﺑﻪ ﺑﺈﺯﺩﺭﺍﺀ .. ﻭﺧﺶ ﻭﻣﺸﻲ ﻭﻗﻒ ﻓﻤﻜﺎﻧﻪ ..
***
ﺧﺶ ...
ﻓﺘﺤﺖ ﺍﻟﺒﺎﺏ ﻭﺧﺸﺖ ﻭﻫﻲ ﻣﻌﺼﺒﻪ ..
ﺳﻼﻑ : ﻣﻤﻜﻦ ﻧﻌﺮﻑ ﻋﻼﺵ ﺍﻟﻤﻘﺎﻝ ﺍﻟﻠﻲ ﻛﺘﺒﺘﻪ ﻣﺎﻧﺰﻟﺶ ..
ﺭﺋﻴﺲ ﺍﻟﺘﺤﺮﻳﺮ : ﻹﻧﻪ ﻗﻄﺎﻑ ﻓﺎﺭﻍ ﻭﺩﻭﺓ ﺯﺍﻳﺪﻩ ..
ﺳﻼﻑ ﺿﺤﻜﺖ ﺑﺼﺪﻣﻪ : ﺍﻟﻜﻼﻡ ﻋﻦ ﺗﺠﺎﺭﺓ ﺍﻷﻋﻀﺎﺀ ﻭﺟﺮﺍﺋﻢ ﺍﻟﺨﻄﻒ ﻣﻦ ﺍﻟﻤﺴﺘﺸﻔﻴﺎﺕ ﻭﻣﻦ ﺍﻛﺜﺮ ﻣﻦ ﻣﻜﺎﻥ ﺑﺶ ﻳﻘﺘﻠﻮﻫﻢ ﻭﻳﺎﺧﺪﻭﺍ ﺍﻋﻀﺎﺋﻬﻢ .. ﻫﻀﺎ ﻗﻄﺎﻑ ﻓﺎﺭﻍ ! ؟؟
ﺭﺋﻴﺲ ﺍﻟﺘﺤﺮﻳﺮ ﺑﺤﺪﻩ : ﺍﻳﻪ .. ﻗﻄﺎﻑ ﻓﺎﺭﻍ ﻹﻧﻪ ﺑﻼ ﺣﺠﺞ ﺑﻼﺍﺩﻟﻪ ﺑﻼ ﻣﻌﻠﻮﻣﺎﺕ ﻣﻌﺮﻭﻓﺔ ﺍﻟﻤﺼﺪﺭ .. ﻟﻮ ﻧﺸﺮﺗﻪ ﺣﻨﺠﻴﺐ ﻟﺮﻭﺣﻲ ﻭﺟﻊ ﺭﺍﺱ ﻭﻧﻀﺮ ﺍﻟﻤﻜﺎﻥ ﺍﻟﻠﻲ ﻧﺨﺪﻡ ﻓﻴﻪ ..
ﺳﻼﻑ ﺷﺒﺤﺘﻠﻪ ﻫﻠﺒﻪ ﺑﻌﺪﻳﻦ ﻗﺎﻟﺖ؛ ﻋﻨﺪﻙ ﻣﻌﺎﻱ ﻣﺸﻜﻠﻪ ..
ﺷﺒﺤﻠﻬﺎ ﻭﻫﻮ ﻣﻀﻴﻖ ﻋﻴﻮﻧﻪ : ﻧﻌﻢ ؟ !! ﻋﻼﺵ ﻣﻦ ﺇﻧﺘﻲ !! ؟
ﺳﻼﻑ ﺍﺑﺘﺴﻤﺖ ﺑﺘﻬﻜﻢ : ﻋﻨﺪﻙ ﺣﻖ .. ﺻﺤﻔﻴﻪ ﻣﻐﻤﻮﺭﺓ ﻭﺍﻧﺘﻢ ﻣﺼﺮﻳﻦ ﺗﺨﻠﻮﻫﺎ ﻣﻐﻤﻮﺭﺓ ... ﺣﻮﻟﺖ ﺍﻟﺒﻄﺎﻗﻪ ﻣﻦ ﻉ ﺑﻠﻮﺯﺗﻬﺎ ﻭﻟﻮﺣﺘﻬﺎ ﻉ ﻣﻜﺘﺒﻪ ... ﺍﻗﻌﺪﻭﺍ ﻓﻴﻬﺎ ...
ﻫﻮ ﺿﺤﻚ ﻭﻗﺎﻝ : ﺍﺣﺴﻦ ﻣﺎﺩﺭﺗﻲ ..
ﻃﻠﻌﺖ ﻣﻦ ﺣﺪﺍﻩ ﻭﻫﻲ ﻣﻌﺼﺒﻪ ﻭﻣﺸﺖ ﻟﻤﻜﺘﺒﻬﺎ ﻭﺧﺪﺕ ﺣﺎﺟﺎﺗﻬﺎ ﻭﻣﺸﺖ ..
: ﻋﺮﻓﺘﻬﻢ ﺣﻴﻠﺰﻭﻫﺎ ...
: ﻫﻲ ﺍﻟﻠﻲ ﺳﻴﺒﺖ ﻣﺘﺄﻛﺪ .. ﺳﻼﻑ ﺻﺤﻔﻴﻪ ﻃﻤﻮﺣﻪ ﺑﺲ ﻣﺎﺯﺍﻝ ﻣﺎﻟﻘﺘﺶ ﻣﻜﺎﻧﻬﺎ ..
ﻃﻠﻌﺖ ﺑﺮﺍ ﻭﻣﻌﺎﻫﺎ ﺁﻟﺔ ﺍﻟﺘﺼﻮﻳﺮ ﻭﺍﻟﺸﻨﻄﻪ ﻭﻗﻌﻤﺰﺕ ﻉ ﺭﺧﺎﻣﻪ ﻗﺮﻳﺒﻪ ﻣﻦ ﻣﻘﺮ ﺍﻟﺼﺤﻴﻔﻪ ...
ﺣﻄﺖ ﺣﺎﺟﺎﺗﻬﺎ ﺟﻨﺒﻬﺎ ﻭﻣﺸﺖ ﺑﺈﻳﺪﻳﻬﺎ ﻉ ﺷﻌﺮﻫﺎ ﻭﺧﺮﺍﺗﻪ ﻟﺘﺎﻟﻲ ﻭﺗﻔﻜﺮ ﺷﻦ ﺑﺪﻳﺮ ...
ﺟﺎﻫﺎ ﻭﺍﺣﺪ : ﻋﺮﻓﺘﻚ ﻣﺶ ﺣﻄﻮﻟﻲ ..
ﺳﻼﻑ : ﺍﻛﻴﺪ ﻳﺎﺣﺴﻴﻦ ﻣﺶ ﺣﻨﻄﻮﻝ ﻓﻲ ﻣﻜﺎﻥ ﻣﺶ ﻻﻗﻴﻪ ﻓﻴﻪ ﺍﺣﺘﺮﺍﻡ ﻭﻻﺗﻘﺪﻳﺮ ..
ﺣﺴﻴﻦ ﻗﻌﻤﺰ ﺣﺪﺍﻫﺎ : ﻧﻨﺼﺤﻚ .. ﺍﺧﺪﻣﻲ ﺑﺮﻭﺣﻚ .. ﻛﻮﻧﻲ ﺻﺤﻔﻴﻪ ﻣﺴﺘﻘﻠﻪ ..
ﺷﺒﺤﺘﻠﻪ : ﺻﺤﻔﻴﻪ ﻣﻐﻤﻮﺭﺓ ﻛﻴﻒ ﺗﻮﻟﻲ ﻣﺴﺘﻘﻠﻪ ..
ﺣﺴﻴﻦ ﺑﻀﺤﻜﻪ : ﺍﺑﺪﻱ ﻣﻦ ﺣﻴﺚ ﺍﻧﺘﻬﻰ ﺍﻵﺧﺮﻭﻥ ..
ﺳﻼﻑ ﺑﻀﺤﻜﻪ : ﻓﺎﻳﻖ ﻭﺭﺍﻳﻖ ﻳﺎﺣﺴﻴﻦ ..
ﺣﺴﻴﻦ ﺍﺑﺘﺴﻢ : ﻭﺍﻟﻠﻪ ﻧﺘﻜﻠﻢ ﺑﺠﺪﻳﻪ ..
ﺳﻼﻑ : ﻛﻴﻒ ﺑﺲ ﻳﺎﺣﺴﻴﻦ ﻛﻴﻒ ..
ﺣﺴﻴﻦ ﺷﺒﺤﻠﻬﺎ ﻫﻠﺒﻪ ﻭﺍﺑﺘﺴﻢ ..
ﺳﻼﻑ ﺑﻀﺤﻜﻪ : ﻛﻨﻚ ﺗﺒﺤﺖ ﻓﻴﺎ ﻫﻚ ﻛﻴﻒ ﺍﻟﻬﺒﻞ ..
ﺣﺴﻴﻦ : ﻫﻬﻬﻬﻬﻬﻬﻪ ... ﺍﻟﻬﺒﻞ ﻫﺬﺍ ﺣﻴﻘﻮﻟﻚ ﻛﻴﻒ ..
ﺳﻼﻑ ﺑﺈﺑﺘﺴﺎﻣﻪ : ﺳﻤﻌﻨﻲ ﻳﺎﺳﻴﺪﻱ ..
***
ﻭﺻﻞ ﻟﺤﻮﺵ ﺟﺪﻩ ﺧﺶ ﺑﺎﻟﺴﻴﺎﺭﺓ ﺑﻌﺪ ﺍﻧﻔﺘﺢ ﺍﻟﺒﺎﺏ ﺩﺭﺳﻬﺎ ﻭﻧﺰﻝ ... ﻗﻌﺪ ﻳﺘﻔﺮﺝ ﻉ ﺍﻟﺠﻨﺎﻥ ﻭﻫﻮ ﻣﺒﺘﺴﻢ ﻭﺭﻛﺐ ﺍﻟﺪﺭﻭﺝ ﻃﻠﻊ ﺍﻟﻤﻔﺘﺎﺡ ﻭﻓﺘﺢ ﺍﻟﺒﺎﺏ ﻭﺧﺶ ..
ﻋﻼﺀ : ﻋﺮﺭﺏ ﺍﻟﺤﻮﻭﻭﺵ ...
ﺩﺍﺧﻞ ..
ﺣﻨﺎﻩ ﻧﻌﻴﻤﻪ ﺑﻔﺮﺣﻪ : ﻋﻠﻴﻮﻩ ﺍﻟﻐﺎﻟﻲ ..
ﺑﺮﺍ ..
ﺍﻟﺸﻐﺎﻟﻪ ﺣﻤﻴﺪﻩ : ﻳﺎﻭﺍﻟﻠﻪ ﻧﻬﺎﺭ ﻣﺒﺎﺭﻙ .. ﺍﻫﻼ ﺑﺎﻟﺪﻛﺘﻮﺭ ﺍﻟﻐﺎﻟﻲ ..
ﻋﻼﺀ ﺑﻀﺤﻜﻪ : ﺑﺎﺭﻙ ﺍﻟﻠﻪ ﻓﻴﻚ ﺧﺎﻟﺘﻲ ﺣﻤﻴﺪﻩ .. ﻛﻴﻒ ﺣﺎﻟﻚ ..
ﺣﻤﻴﺪﻩ : ﺍﻟﺤﻤﺪ ﻟﻠﻪ ﻭﻟﻴﺪﻱ ﺍﻧﺖ ﻛﻴﻒ ﺣﺎﻟﻚ ...
ﻋﻼﺀ : ﺍﻟﺤﻤﺪ ﻟﻠﻪ .. ﻣﻦ ﻓﻲ ﺩﺍﺧﻞ ﻏﻴﺮ ﺣﻨﺎﻱ ..
ﺣﻤﻴﺪﻩ : ﻫﻴﺎ ﺑﺲ .. ﺟﺪﻙ ﻣﺸﻲ ﻟﻠﺠﺎﻣﻊ ﻳﺮﺍﺟﻲ ﻓﻲ ﺍﻟﻌﺼﺮ ..
ﻋﻼﺀ : ﺗﻤﺎﻡ ... ﻣﺸﻲ ﻣﺘﻮﺟﻪ ﻟﻠﺼﺎﻟﻪ ﻟﻘﻲ ﺣﻨﺎﻩ ﻓﻴﻬﺎ " ﺣﻨﺎﻩ ﻣﻘﻌﺪﻩ .."
ﻧﻌﻴﻤﻪ ﻓﺎﺗﺤﻪ ﺍﻳﺪﻳﻬﺎ : ﺗﻌﺎﻟﻰ ﻳﺎﻏﺎﻟﻲ ﺗﻌﺎﻟﻰ ..
ﻫﻮ ﺍﺑﺘﺴﻢ ﻭﻗﺪﻡ ﻭﺣﻀﻨﻬﺎ ...
ﻧﻌﻴﻤﻪ : ﻳﺎﻣﻌﻔﻦ ﺍﺳﺒﻮﻋﻴﻦ ﻻﺗﺠﻲ ﻻﺗﻘﻮﻝ ﻧﺸﻮﻑ ﺣﻨﺎﻱ .
ﺑﻌﺪ ﻋﻼﺀ ﻭﻗﺎﻝ ﺑﻀﺤﻜﻪ : ﺍﻧﺸﻐﺎﻻﺕ ﻳﺎﺣﻨﺎﻱ ﻭﺍﻧﺘﻲ ﻋﺎﺭﻓﻪ ..
ﻧﻌﻴﻤﻪ : ﻣﺎﺗﻨﺸﻐﻠﺶ ﻋﻠﻴﺎ ﺍﻧﻲ ﻳﺎﻣﻌﻔﻦ ..
ﻋﻼﺀ : ﻫﻬﻬﻬﻬﻬﻬﻬﻬﻬﻪ .. ﺣﺎﺍﺍﺍﺿﺮ ..
ﻧﻌﻴﻤﻪ : ﻋﻘﺎﺏ ﻟﻴﻚ ﺧﻮﺩ ﺭﺍﺩﻳﻮ ﻣﻦ ﻭﺭﺍﻙ ﻭﺻﻠﺤﻪ ﻟﻴﻪ ﻳﻮﻣﻴﻦ ﻣﺎﻳﺨﺪﻣﺶ ..
ﻋﻼﺀ ﺑﻀﺤﻜﻪ : ﺗﻢ ﻳﺎﺣﺒﻲ ﺗﻢ ...
ﻧﻌﻴﻤﻪ ﺗﻀﺤﻚ ..
ﻧﺎﺽ ﺧﺪﻱ ﺍﻟﺮﺍﺩﻳﻮ ﻭﻣﺸﻲ ﺧﺪﻱ ﺣﺎﺟﺎﺕ ﺍﻟﺘﺼﻠﻴﺢ .. ﻗﺎﻡ ﻛﻤﺎﻡ ﺳﻮﺭﻳﺘﻪ ﻭﺑﺪﻱ ﻳﺼﻠﺢ .. ﻭﻫﻲ ﺗﺸﻮﻓﻠﻪ ﻭﻣﺒﺘﺴﻤﻪ ... ﺍﻛﺜﺮ ﺣﻔﻴﺪ ﻣﻦ ﺍﺣﻔﺎﺩﻫﺎ ﺗﺤﺒﻪ ﻭﻣﺘﻌﻠﻘﻪ ﺑﻴﻪ ﻫﻠﺒﻪ ... ﺍﻭﻝ ﺣﻔﻴﺪ ﻟﻴﻬﺎ ...
ﻭﻟﺪﻫﺎ ﺍﻟﻜﺒﻴﺮ ﻣﻦ ﺭﺍﺟﻠﻬﺎ ﺍﻷﻭﻝ ﺑﻮ ﻛﻨﺎﻧﻪ ﻋﻄﻞ ﻫﻠﺒﻪ ﻉ ﻣﺎﺟﺎﺏ ﺻﻐﺎﺭ ﻛﺎﻥ ﻳﻌﺎﻟﺞ ﻫﻮ ﻭﻣﺮﺗﻪ ...
ﺍﻡ ﻋﻼﺀ ﺟﺎﺑﺖ ﻋﻼﺀ .. ﺑﻌﺪﻫﺎ ﺏ 4 ﺳﻨﻴﻦ ﺍﻡ ﻛﻨﺎﻧﻪ ﺟﺎﺑﺖ ﻛﻨﺎﻧﻪ ... ﻭﻣﻌﺎﺵ ﻗﺪﺭﺕ ﺗﺠﻴﺐ ﺑﻌﺪﻫﺎ ...
ﻋﻼﺀ ﺍﻭﻝ ﺣﻔﻴﺪ ﻭﺃﻭﻝ ﻓﺮﺣﻪ ﻭﻉ ﻭﺟﻬﻪ ﺍﻧﻔﺘﺤﺖ ﻓﻲ ﻭﺟﻪ ﺑﻮ ﻋﻼﺀ ﻭﺟﺪﻩ ﻓﻲ ﺍﻟﺨﺪﻣﻪ ﻭﻛﺒﺮﺕ ﺍﻟﺨﺪﻣﻪ ﻣﺘﺎﻋﻬﻢ ﻫﻠﺒﻪ .. ﻭﺩﻳﻤﺎ ﻳﺴﺘﺒﺸﺮﻭﺍ ﺑﻴﻪ ﺧﻴﺮ .. ﺟﺪﻩ ﻣﺎﻳﻨﺎﺩﻱ ﻓﻴﻪ ﻛﺎﻥ ﻳﺎﻭﺟﻪ ﺍﻟﺨﻴﺮ ...
ﻋﻼﺀ : ﺣﻨﺎﻱ ﺧﻼﺹ ﺑﺎﺩ ﻫﺬﺍ .. ﺷﻮﻓﻲ ﻏﻴﺮﻩ ..
ﻧﻌﻴﻤﻪ : ﺍﺑﺪﺍﺍﺍﺍﺍ .. ﻫﺬﺍ ﺟﺎﺑﻪ ﻟﻴﺎ ﺟﺪﻙ ﺯﻣﺎﻥ ﻣﻦ ﺑﻼﺩ ﺍﻻﺟﺎﻧﺐ ﻣﺶ ﺣﻨﻠﻘﻰ ﺯﻳﻪ ﺑﺎﻟﺰﺑﻂ ﺗﻮﺍ ..
ﻋﻼﺀ ﺑﻀﺤﻜﻪ : ﻣﺎﺑﻌﺪﻩ ﺟﺪﻱ ...
ﻧﻌﻴﻤﻪ : ﺍﻟﻬﻰ ﺑﺎﻟﻠﻲ ﻓﻴﺪﻙ ﻭﺍﺳﻜﺖ ..
ﻋﻼﺀ : ﻫﻬﻬﻬﻬﻬﻬﻬﻪ ﺳﻜﺘﻨﺎ ﻫﺎﻩ ... ﻭﺳﻜﺮ ﻓﻤﻪ ﺑﺸﺪﻩ .. ﻭﺣﻨﺎﻩ ﺗﺸﺒﺤﻠﻪ ﻉ ﺟﻨﺐ ﻭﺷﺎﺩﻩ ﺿﺤﻜﺘﻬﺎ ...
***
ﺧﺸﺖ ﺑﺴﻴﺎﺭﺗﻬﺎ ﻭﺑﻌﺪﻫﺎ ﺧﺶ ﻭﻟﺪ ﻋﻤﻬﺎ ﺑﺴﻴﺎﺭﺗﻪ ..
ﻧﺰﻟﺖ ﻫﻲ ﻭﻣﻼﻙ ...
ﻧﻮﺭﺍﻥ : ﺷﻴﺒﻮ ..
ﺷﻬﺎﺏ : ﻧﺎﻧﻲ .. ﺷﻨﺠﻮ ..
ﻧﻮﺭﺍﻥ : ﺗﻤﺎﻡ ... ﺷﻨﺠﻮﻙ ﺍﻧﺖ ..
ﺷﻬﺎﺏ : ﻣﺎﺷﻴﻪ ..
ﻣﻼﻙ ﺑﺈﺑﺘﺴﺎﻣﻪ : ﺷﻦ ﺟﻮﻙ ﺷﻬﺎﺏ ..
ﺷﻬﺎﺏ ﺍﺑﺘﺴﻢ : ﺗﻤﺎﻡ ﻭﺍﻧﺘﻲ ..
ﻣﻼﻙ : ﻛﻮﻳﺲ ..
ﺧﺸﻮﺍ ﺍﻟﺘﻼﺛﻪ ..
ﺷﻬﺎﺏ : ﺷﻨﺠﻮ ﻳﺎﻧﻤﺮ ..
ﺍﻛﺮﻡ ﺍﺑﺘﺴﻢ ﻧﺺ ﺍﺑﺘﺴﺎﻣﻪ : ﻣﻴﻪ ﻣﻴﻪ ..
ﻧﻮﺭﺍﻥ : ﻗﻮﻝ ﺍﺑﻮ ﺍﻟﻬﻮﻝ ﺣﺘﻰ ﺍﻹﺑﺘﺴﺎﻣﻪ ﻃﻠﻌﺖ ﻣﻨﻪ ﺑﺎﻟﻐﺼﺐ ﺗﻘﻮﻝ ﺧﺎﻳﻒ ﻉ ﻭﺟﻬﻪ ﻳﻨﺸﺮﻙ ..
ﺍﻛﺮﻡ ﻟﻒ ﻭﺟﻬﻪ ﻟﺠﻬﻪ ﺍﻟﺘﺎﻧﻴﻪ ﺷﻮﻳﻪ ﺿﺤﻚ ﺑﻌﺪﻳﻦ ﺷﺎﻓﻠﻬﺎ : ﻋﺪﻭﺍ ﺧﺸﻮﺍ ﺗﺮﺑﺤﻮﺍ ...
ﺷﻬﺎﺏ : ﻫﻬﻬﻬﻬﻬﻬﻪ ...
ﺧﺸﻮﺍ ﻭﻧﻮﺭﺍﻥ .. ﻭﻗﻔﺖ ﻭﻗﺎﻟﺖ ﺍﻛﺮﻡ ...
ﺍﻛﺮﻡ ﺷﺒﺤﻠﻬﺎ : ﻧﻌﻢ ..
ﻧﻮﺭﺍﻥ : ﻗﺎﻟﻚ ﻣﺮﺓ ﻓﻮﺍﺣﺪ ﻋﺪﺍ ﻟﻤﺤﻞ ﻓﻮﻝ ﻟﻘﻲ ﺍﻟﻤﺤﻞ ﻣﻘﻔﻮﻝ
ﺍﻛﺮﻡ : ﻗﺪﻳﻤﻪ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻦ .. ﺑﺎﻫﻲ ﺧﻮﺩ ﻫﺬﻱ ﻗﺎﻟﻚ ﻣﺮﺓ ﻓﻲ ﻭﺍﺣﺪ ﻋﺪﺍ ﻟﻤﺤﻞ ﺳﺠﻖ ﻟﻘﻲ ﺍﻟﻤﺤﻞ ﻣﻐﻠﻖ ".. ﻧﻄﻘﺘﻬﺎ ﺑﻨﻔﺲ ﻃﺮﻳﻘﺔ ﻧﻄﻖ ﺳﺠﻖ .."
ﺍﻛﺮﻡ : ﻫﻬﻬﻬﻪ .. ﻋﺪﻱ ﺧﺸﻲ ﻋﺪﻱ ..
ﻧﻮﺭﺍﻥ ﺑﻀﺤﻜﻪ : ﺍﻟﻤﻬﻢ ﺿﺤﻜﺖ ﻭﺗﻤﺖ ﺍﻟﻤﻬﻤﻪ ﺑﻨﺠﺎﺡ .. ﻭﺧﺸﺖ ..
ﻭﺃﻛﺮﻡ ﻗﻌﺪ ﻳﻀﺤﻚ ﻭﻳﻬﺰ ﻓﺮﺍﺳﻪ ﺍﻳﻤﻴﻦ ﻭﻳﺴﺎﺭ .. ﺷﻮﻳﻪ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﻗﻌﺪ ﻳﺸﻮﻑ ﻟﺤﺮﺍﺳﺎﺗﻪ .. ﻭﺭﺟﻊ ﻣﻼﻣﺤﻪ ﻭﺟﻬﻪ ﺯﻱ ﻣﻜﺎﻧﺖ ...
***
ﻓﻲ ﺍﻟﻠﻴﻞ ...
ﺷﻨﻮ ﻋﻼﺀ ﺃﻣﻚ ﻣﺎﺯﺍﻝ ﻣﺶ ﻣﺮﻭﺣﻪ ..
ﻋﻼﺀ : ﻣﺎﺯﺍﻝ ﺍﺳﺒﻮﻉ ..
ﺳﻨﺎﺀ ﻣﺮﺕ ﻋﻤﻪ : ﺍﻫﺎ .. ﺗﻮﺻﻞ ﺳﺎﻟﻤﻪ ..
ﻋﻼﺀ : ﺗﺴﻠﻤﻲ .. ﺷﻦ ﺣﺎﻝ ﻓﺮﻳﺎﻝ ﻭﺭﺍﺟﻠﻬﺎ ..
ﺳﻨﺎﺀ : ﻛﻮﻳﺴﻪ ﻗﺎﻟﺖ ﺍﻧﻬﺎ ﺗﺮﻭﺡ ﻉ ﻋﺮﺳﻜﻢ ﺍﻧﺖ ﻭﻛﻨﺎﻧﻪ ..
ﻋﻼﺀ ﺍﺑﺘﺴﻢ : ﺇﻥ ﺷﺎﺀ ﺍﻟﻠﻪ ..
ﻧﻌﻴﻤﻪ ﺑﺤﺪﺍﻫﻢ ﺗﺸﻐﻞ ﻓﻲ ﺍﻟﺮﺍﺩﻳﻮ : ﻳﻌﻄﻴﻚ ﺍﻟﺼﺤﻪ ﺍﻳﺪﻳﻚ ﻓﻲ ﺍﻟﺠﻨﻪ ...
ﻋﻼﺀ ﺑﺈﺑﺘﺴﺎﻣﻪ : ﺗﺴﻠﻤﻲ ﻳﺎﺣﻨﺎﻱ ..
ﺳﻨﺎﺀ ﻛﺎﻧﺖ ﺗﺸﺒﺤﻠﻪ ﻣﻦ ﻓﻮﻕ ﻟﻠﻮﻃﺎ ..
ﻉ ﺧﺸﻪ ﻣﻨﻴﺮ ﻭﻟﺪﻫﺎ ..
ﻣﻨﻴﺮ : ﺍﻟﺴﻼﻡ ﻋﻠﻴﻜﻢ ...
ﻛﻠﻬﻢ ﺭﺩﻭﺍ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﻣﻨﻴﺮ ﺑﺘﻬﻜﻢ : ﺍﻟﺪﻛﺘﻮﺭ ﻫﻨﻲ .. ﻛﺒﻴﻴﻴﺮﺓ ..
ﻋﻼﺀ ﺑﺈﺑﺘﺴﺎﻣﻪ : ﻛﻴﻒ ﺣﺎﻟﻚ ﻣﻨﻴﺮ ..
ﻣﻨﻴﺮ ﻗﻌﻤﺰ ﻭﺣﻂ ﺭﺟﻞ ﻉ ﺭﺟﻞ : ﺍﻟﺤﻤﺪ ﻟﻠﻪ ﻭﺍﻧﺖ ..
ﻋﻼﺀ : ﺑﺨﻴﺮ ﻭﺍﻟﺤﻤﺪ ﻟﻠﻪ ..
ﺷﻮﻳﻪ ﻭﺧﺸﻮﺍ ﺟﺪﻩ ﻭﻋﻤﻪ ﺑﻮ ﻣﻨﻴﺮ ..
" ﻋﻤﻪ ﺑﻮﻩ ﻣﻨﻴﺮ ﻳﺴﻜﻦ ﻓﺤﻮﺵ ﺍﻟﻌﻴﻠﻪ .."
ﺍﻟﺠﺪ ﺍﺑﺮﺍﻫﻴﻢ : ﺍﻭﻭﻭ ﻭﺟﻪ ﺍﻟﺨﻴﺮ
ﻧﺎﺽ ﻋﻼﺀ ﺑﺎﺱ ﺭﺍﺳﻪ ﺟﺪﻩ ﻭﺍﻳﺪﻳﻪ : ﻛﻴﻒ ﺣﺎﻟﻚ ﺟﺪﻱ ..
ﺍﺑﺮﺍﻫﻴﻢ : ﺍﻟﺤﻤﺪ ﻟﻠﻪ ﻳﺎﻭﻟﺪﻱ ﺍﻟﺤﻤﺪ ﻟﻠﻪ ..
ﻋﻤﻪ ﺧﻠﻴﻔﻪ : ﻛﻴﻒ ﺣﺎﻟﻚ ﻳﺎﺩﻛﺘﻮﺭ ..
ﺳﻠﻢ ﻋﻼﺀ ﻉ ﻋﻤﻪ : ﺍﻟﺤﻤﺪ ﻟﻠﻪ .. ﻭﺍﻧﺖ ﻳﺎﻋﻤﻲ ..
ﻗﻌﻤﺰﻭﺍ ...
ﺧﻠﻴﻔﻪ : ﺍﻟﺤﻤﺪ ﻟﻠﻪ .. ﺗﻮﺍ ﻛﻨﺖ ﺣﺪﺍ ﺑﻮﻙ ﻗﺘﻠﻪ ﻳﺠﻲ ﻟﻜﻦ ﻗﺎﻝ ﻋﻨﺪﻩ ﻣﺸﻮﺍﺭ ﺗﺎﻧﻲ ..
ﻋﻼﺀ : ﺍﻳﻪ ﺍﻟﺨﺪﻣﻪ ﻭﺍﺧﺪﻩ ﻭﻗﺘﻪ ﻛﻠﻪ ﺍﻷﻳﺎﻡ ﺍﻷﺧﻴﺮﻩ ...
ﻧﻌﻴﻤﻪ : ﻳﻬﻠﻜﻮﺍ ﻓﺮﻭﺍﺣﻬﻢ ﺑﻬﺎﻟﺨﺪﻣﻪ .. ﻟﻴﻞ ﻭﻧﻬﺎﺭ ...
ﺍﺑﺮﺍﻫﻴﻢ : ﻣﻦ ﺻﻐﺮﻩ ﻭﺍﺧﺪ ﻋﻠﻴﻬﺎ ﻫﻮﻭﺧﻠﻴﻔﻪ ﺍﻟﺮﺍﺣﻪ ﺗﻌﺐ ﻟﻴﻬﻢ .
ﺧﻠﻴﻔﻪ : ﺻﺪﻗﺖ ﻳﺎﺑﻮﻱ ...
ﺷﻮﻳﻪ ﻭﺧﺸﺖ ﻛﻨﺎﻧﻪ ..
ﻣﻨﻴﺮ ﻣﺎﺕ ﻋﻠﻴﻬﺎ ﻟﻤﺎ ﺷﺎﻓﻬﺎ ... ﻛﻞ ﻣﺎﻟﻬﺎ ﺗﺰﻳﺪ ﺣﻼﻭﺓ ..😍
ﻫﻲ ﺍﻭﻝ ﻣﻦ ﺟﻲ ﻋﻴﻮﻧﻬﺎ ﻓﻌﻴﻮﻧﻪ ﺣﺒﻴﺐ ﻗﻠﺒﻬﺎ ﺍﻟﻠﻲ ﺍﺑﺘﺴﻢ ﻟﻤﺎ ﺷﺎﻓﻬﺎ ﻭﻫﻲ ﺍﺑﺘﺴﻤﺖ ﺑﻔﺮﺡ ﻷﻧﻬﺎ ﻟﻘﺎﺗﻪ ...
ﺧﺸﺖ ﺳﻠﻤﺖ ﻉ ﺣﻨﺎﻫﺎ .. ﻭﺑﻌﺪﻳﻦ ﺳﻠﻤﺖ ﻉ ﺍﻟﺤﺎﺝ ﺃﺑﺮﺍﻫﻴﻢ ﺍﻟﻠﻲ ﻛﺎﻧﺖ ﺣﺎﺳﺒﺎﺗﻪ ﺯﻱ ﺟﺪﻫﺎ ﻭﻫﻮ ﺣﺎﺳﺒﻬﺎ ﻭﺣﺪﻩ ﻣﻦ ﺍﺣﻔﺎﺩﻩ .. ﺑﻌﺪﻳﻦ ﺳﻠﻤﺖ ﻉ ﻋﻤﻬﺎ ﻭﻉ ﻣﺮﺕ ﻋﻤﻬﺎ ﻭﻉ ﻣﻨﻴﺮ ﺑﺮﻭﺱ ﺻﻮﺍﺑﻌﻬﺎ ﻛﺎﻧﺖ ﺗﻜﺮﻩ ﻧﻈﺮﺍﺗﻪ ﻟﻴﻬﺎ ﺍﻟﻠﻲ ﻋﻼﺀ ﻣﺎﺭﻛﺰﺵ ﻋﻠﻴﻬﺎ ﻗﺒﻞ ﻫﻜﻲ ﺑﻜﻞ ..
ﻗﻌﻤﺰﺕ ﺣﺪﺍ ﺣﻨﺎﻫﺎ ..
ﻧﻌﻴﻤﻪ ﺗﻤﺴﺢ ﻉ ﺷﻌﺮﻫﺎ : ﺭﺑﻲ ﻳﺤﻔﻈﻚ ﻏﺰﺍﻟﺘﻲ ...
ﻛﻨﺎﻧﻪ ﺍﺑﺘﺴﻤﺖ ﺑﺨﺠﻞ : ﺗﺴﻠﻤﻲ ﺣﻨﺎﻱ ..
ﺳﻨﺎﺀ : ﺷﻨﻮ ﻭﺗﻴﺘﻲ ﺭﻭﺣﻚ ﺧﻼﺹ ..
ﻛﻨﺎﻧﻪ ﺑﺈﺑﺘﺴﺎﻣﻪ ﺧﺠﻮﻟﻪ : ﺍﻳﻪ ..
ﺍﺑﺮﺍﻫﻴﻢ : ﺭﺑﻲ ﻳﺘﻤﻢ ﻉ ﺧﻴﺮ ..
ﺧﻠﻴﻔﻪ : ﻗﺎﻟﻲ ﺑﻮﻙ ﺑﺘﻤﺸﻲ ﻟﻠﺸﺮﻕ ﻗﺒﻞ ﺍﻟﻌﺮﺱ ﺑﺄﺳﺒﻮﻋﻴﻦ ..
ﻋﻼﺀ : ﺍﻳﻪ ﻓﻲ ﻣﺆﺗﻤﺮ ﻃﺒﻲ ﻏﺎﺩﻱ 3... ﺃﻳﺎﻡ ..
ﻧﻌﻴﻤﻪ : ﺗﻤﺸﻲ ﻭﺗﺠﻲ ﺳﺎﻟﻢ ﻭﻧﻔﺮﺣﻮﺍ ﺑﻴﻜﻢ ﺍﻧﺖ ﻭﻫﺎﻟﻐﺰﻳﻠﻪ ..
ﻋﻼﺀ ﺷﺒﺢ ﻟﻜﻨﺎﻧﻪ ﻭﻫﻮ ﻣﺒﺘﺴﻢ : ﺇﻥ ﺷﺎﺀ ﺍﻟﻠﻪ ..
ﻛﻨﺎﻧﻪ ﺗﺸﻮﻓﻠﻪ ﺑﺤﺐ ﻭﻫﻲ ﺗﺒﺘﺴﻢ ..
ﻭﻣﻨﻴﺮ ﻳﺸﺒﺤﻠﻬﻢ ﻭﺍﻟﻐﻴﺮﺓ ﻭﺍﻟﺤﺴﺪ ﻳﺎﻛﻠﻮﺍ ﻓﻴﻪ ﻭﻳﻘﻮﻝ ﻓﻲ ﻧﻔﺴﻪ ..." ﻣﺶ ﺣﺘﻠﺤﻘﻮﺍ ﺗﻔﺮﺣﻮﺍ ﺑﻴﻬﻢ ﻳﺎﺣﻨﺎﻱ .. ﺣﺘﻨﺼﺒﻮﺍ ﺧﻴﻤﺔ ﻋﺰﺍﻩ ﺑﺪﺍﻝ ﻓﺮﺣﻪ ..." ﻭﺃﺑﺘﺴﻢ ﺑﺨﺒﺚ ..
.... ﻳﺘﺒﻊ .
