#مشاعر
ﺍﻟﺠﺰﺀ ﺍﻟﺘﺎﺳﻊ ﻋﺸﺮ 💖💔
للكاتبة GomanFared
ﻣﺴﺘﺸﻔﻰ ..
ﺯﺣﻤﻪ ... ﻓﻮﺿﻰ ... ﺻﻮﺕ ﺑﻜﻲ ...
" ﺗﻲ ﻭﻳﻴﻴﻴﻨﻜﻢ ﻭﻳﻴﻴﻴﻦ "..
ﺍﻟﺪﻛﺎﺗﺮﺓ ﺟﻮ ﻳﺠﺮﻭ ..
ﻭﺍﺣﺪ ﻣﻨﻬﻢ : ﻳﺎﺃﺥ ﻣﺶ ﻫﻚ ﻟﻮﺳﻤﺤﺖ ﺍﻟﻮﺿﻊ ﻣﺶ ﻧﺎﻗﺺ ..
ﺍﻛﺮﻡ ﺷﺒﺢ ﻟﻠﺪﻛﺘﻮﺭ ﺑﻨﻈﺮﺓ ﺗﺨﻮﻑ ﻗﺪﻣﻠﻪ . ﺑﻴﻀﺮﺑﻪ ﻟﻜﻦ ﺟﻲ ﺑﻴﻨﺎﺗﻬﻢ ﻛﻤﺎﻝ ...
ﻛﻤﺎﻝ ﺑﻌﺼﺒﻴﻪ : ﺍﻛﺮﻡ .. ﺷﺪ ﺣﻴﻠﻚ .. ﻣﺶ ﻫﻜﻲ ..
ﺍﻛﺮﻡ : ﺗﻲ ﻳﺎﺭﺍﺟﻞ .. ﺍﻟﺮﺍﺟﻞ ﻳﻤﻮﺕ ﺟﻮﺍ ... ﻣﺴﺘﻮﻋﺐ ﺍﻧﻀﺮﺏ ﻭﺍﻧﺎ ﻣﺼﺒﻲ ﻗﺪﺍﻣﻚ ﻓﻲ ﺍﻟﻮﻗﺖ ﺍﻟﻤﻔﺮﻭﺽ ﻓﻴﻪ ﻧﺤﺎﻣﻲ ﻋﻠﻴﻪ
ﻛﻤﺎﻝ : ﺍﻟﺬﻧﺐ ﻣﺶ ﺫﻧﺒﻚ
ﺍﻟﺪﻛﺘﻮﺭ : ﻟﻮ ﺳﻤﺤﺘﻮﺍ ﺍﻟﻨﻘﺎﺵ ﻫﻀﺎ ﻣﺶ ﻣﻜﺎﻧﻪ ﺍﻃﻠﻌﻮﺍ ﺑﺮﺍ ..
ﺍﻛﺮﻡ ﻗﺪﻣﻠﻪ ﻣﺮﺓ ﺗﺎﻧﻴﻪ ﻛﻤﺎﻝ ﻫﺎﻟﻤﺮﺓ ﺷﺪﻩ ﺑﻘﻮﻩ ﻭﺩﻓﻪ ..
ﻛﻤﺎﻝ : ﺍﻃﻠﻊ .. ﺍﻃﻠﻠﻠﻊ ..
ﺍﻛﺮﻡ .. ﺕ ....
ﻛﻤﺎﻝ : ﺍﺳﺴﺴﻜﺖ ... ﺧﻼﺹ .. ﻭﻃﻠﻌﻪ ﺑﺮﺍ ﻭﺍﻛﺮﻡ ﻧﺎﺭ ﻭﺍﻟﻌﻪ ..
ﻭﺳﺎﺭﻩ ﻛﺎﻧﺖ ﺗﺸﻮﻓﻠﻬﻢ ﻣﻦ ﺑﻌﻴﺪ .. ﺗﻨﻬﺪﺕ ﺑﺄﻟﻢ ﻭﻣﺸﺖ ﻃﻮﻝ ﻭﻳﻦ ﻣﺎﻓﻲ ﻧﻮﺭﺍﻥ ﻳﻠﻲ ﻫﺒﻂ ﺳﻜﺮﻫﺎ ﺑﻌﺪ ﺷﺎﻓﺖ ﺍﻟﻠﻲ ﺻﺎﺭ ﻭﻗﺎﻋﺪﻳﻦ ﻳﺴﻌﻔﻮﺍ ﻓﻴﻬﺎ ..
ﺧﺸﺖ ﺳﺎﺭﺓ : ﺷﻦ ﺻﺎﺭ ..
ﺍﻟﺪﻛﺘﻮﺭﺓ : ﻣﻊ ﺍﻻﺳﻒ ﺳﻜﺮﻫﺎ ﻓﻲ ﺍﻷﺭﺑﻌﻴﻨﺎﺕ ..
ﺳﺎﺭﺓ ﺑﺄﻟﻢ : ﻳﺎﺍﺍﺭﺑﻲ ﺭﺣﻤﺘﻚ ..
....
ﻣﺶ ﻗﺎﺩﺭ ﻧﺴﺘﻮﻋﺐ ﺍﻟﺮﺍﺟﻞ ﻳﻨﺼﺎﺏ ﻭﺍﻧﺎ ﻣﺶ ﻣﻌﺎﻩ ..
ﻛﻤﺎﻝ : ﻫﻮ ﺍﻟﻠﻲ ﻛﺎﻥ ﻳﺘﻤﺸﻰ ﻣﻊ ﺯﻭﺟﺘﻪ ﺑﺮﻭﺣﻬﻢ .. ﻫﻮ ﺍﻟﻠﻲ ﻗﺎﻟﻚ ﻧﺒﻮﺍ ﻧﻘﻌﺪﻭﺍ ﺑﺮﻭﺣﻨﺎ .. ﻣﺎﻟﻜﺶ ﺫﻧﺐ ﺍﻓﻬﻢ ..
ﺍﻛﺮﻡ ﻏﻤﺾ ﻋﻴﻮﻧﻪ ﺑﺸﺪﻩ ﻭﻣﺴﺢ ﺑﻴﺪﻩ ﻉ ﻭﺟﻬﻪ : ﺑﺎﻫﻲ ... ﻋﺪﻱ .. ﺧﺶ ﺟﻮﺍ ﺷﻮﻑ ﺷﻦ ﺻﺎﺭ ..
ﻛﻤﺎﻝ : ﺗﻤﺎﻡ .. ﺍﻧﺖ ﻫﺪﻱ ﻭﺑﻌﺪﻳﻦ ﺧﺶ ..
ﻛﻤﺎﻝ ﻟﻒ ﻭﻣﺸﻲ ... ﻭﺍﻛﺮﻡ ﻗﺎﻋﺪ . ﻳﻔﻜﺮ ﻣﻦ ﺍﻟﻠﻲ ﺩﺍﺭﻫﺎ ﻓﻲ ﺍﻟﻤﺮﺗﻴﻦ ﻟﻤﺎ ﺍﻧﺼﺎﺏ ﻫﻮ ﻭﺗﻮﺍ ﻟﻤﺎ ﺍﻧﻀﺮﺏ ﺭﺿﻮﺍﻥ ..
...
ﻛﻤﺎﻝ ﺧﺶ ﺩﺍﺧﻞ ﻭﻣﺸﻲ ﻭﻳﻦ ﻣﺎﻓﻲ ﺭﺿﻮﺍﻥ ﻗﺎﺑﻞ ﺍﻟﺪﻛﺘﻮﺭ ﺍﻟﻠﻲ ﻛﺎﻥ ﻋﻨﺪﻩ ..
ﻛﻤﺎﻝ : ﺷﻦ ﺻﺎﻳﺮ ﻓﻴﻪ ﺑﺎﻟﺰﺑﻂ ..
ﺍﻟﺪﻛﺘﻮﺭ : ﺍﻟﻠﻲ ﺻﻮﺏ ﻋﻠﻴﻪ ﻛﺎﻥ ﻗﺎﺻﺪ ﻳﺠﻴﺒﻬﺎ ﻓﻲ ﺍﻟﻤﻜﺎﻥ ﺍﻟﺤﺴﺎﺱ ﺍﻟﻠﻲ ﺟﺖ ﻓﻴﻪ .. ﺍﺳﻔﻞ ﺍﻟﻈﻬﺮ .. ﺍﻟﺮﺻﺎﺻﻪ ﻟﻮ ﺷﻠﻨﺎﻫﺎ ﻣﻊ ﺍﻻﺳﻒ ﺍﺣﺘﻤﺎﻝ ﺍﻧﻬﺎ ﺍﺿﺮ ﺍﻟﺤﺒﻞ ﺍﻟﺸﻮﻛﻲ ﻛﺒﻴﺮ .. ﻭﻫﻀﺎ ﻣﺎﻳﻌﻨﻴﺶ ﺇﻻ ﺷﻲ ﻭﺍﺣﺪ .. ﺍﻟﺸﻠﻞ ﺍﻟﺮﺑﺎﻋﻲ ..
ﻛﻤﺎﻝ ﺍﻧﺼﺪﻡ ...
ﺍﻟﺪﻛﺘﻮﺭ : ﻟﻶﻥ ﻣﺎﺻﺮﻓﻨﺎﺵ ﻗﺎﻋﺪﻳﻦ ﻧﺸﻮﻓﻮﺍ ﻓﺤﺎﻟﺘﻪ ﻣﻤﻜﻦ ﻧﺘﻔﺎﺩﻭﺍ ﻫﺎﻟﻨﺘﻴﺠﻪ ..
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺼﺪﻭﻡ ...
ﺍﻟﺪﻛﺘﻮﺭ ﻣﺸﻲ ﺑﺴﺮﻋﻪ ... ﻛﻤﺎﻝ ﻗﻌﺪ ﻭﺍﻗﻒ ﻟﻠﺤﻈﺎﺕ ﺑﻌﺪﻳﻦ ﻣﺸﻲ ﻭﻳﻦ ﻣﺎﻓﻲ ﻧﻮﺭﺍﻥ ...
ﻭﺻﻞ ﻟﻠﻤﻤﺮ ﺍﻟﻠﻲ ﻓﻴﻪ ﻏﺮﻓﺘﻬﺎ ﻟﻘﻲ ﺳﺎﺭﻩ ﻭﻣﻌﺎﻫﺎ ﻧﺒﻮﻳﻪ ..
ﻛﻤﺎﻝ : ﺷﻦ ﺻﺎﺭ ..
ﺳﺎﺭﻩ : ﺍﻟﺤﻤﺪ ﻟﻠﻪ ﻣﺎﺧﺸﺘﺶ ﻏﻴﺒﻮﺑﻪ ﺍﺳﻌﻔﻮﻫﺎ ...
ﻛﻤﺎﻝ ﺗﻨﻬﺪ ﺑﻀﻴﻖ ..
ﻧﺒﻮﻳﻪ ﺑﺒﻜﻲ : ﺍﻳﻪ ﺍﻟﻠﻲ ﺟﺮﺍ ﻣﻊ ﺍﻟﺒﻴﻪ ﻭﺍﻟﻬﺎﻧﻢ ..
ﻛﻤﺎﻝ : ﻣﻊ ﺍﻻﺳﻒ ﺍﻟﺪﻡ ﺍﻟﻠﻲ ﻛﺎﻥ ﻧﺎﺯﻝ ﻣﻦ ﺭﻳﻬﺎﻡ ﺳﺒﺒﻪ ﺍﻹﺟﻬﺎﺽ .. ﺍﻣﺎ ﺭﺿﻮﺍﻥ ... ﺗﺤﺖ ﺭﺣﻤﺔ ﺭﺑﻪ ..
ﺳﺎﺭﺓ ﺗﺄﺳﻔﺖ ﻉ ﺭﻳﻬﺎﻡ ﺑﺲ ...
ﻧﺒﻮﻳﻪ : ﻻﺣﻮﻝ ﺍﻟﻠﻪ ﻳﺎﺭﺏ ﻭﻗﻌﺪﺕ ﺗﺒﻜﻲ ..
ﺳﺎﺭﻩ : ﺷﻬﺎﺏ ﻭﻳﻦ ..
ﻛﻤﺎﻝ : ﻭﺍﻧﻲ ﺧﺎﺵ ﻟﻘﻴﺘﻪ ﻣﻘﻌﻤﺰ ﺑﺮﺍ ﻣﺼﺪﻭﻡ ..
ﺳﺎﺭﺓ ﺑﺘﻔﻜﻴﺮ : ﺍﻟﻠﻲ ﺩﺍﺭﻫﺎ ﻫﺎﻟﻤﺮﺓ ﻫﻮ ﻧﻔﺴﻪ ﺍﻟﻠﻲ ﺩﺍﺭﻫﺎ ﺍﻟﻤﺮﺓ ﺍﻟﻠﻲ ﻓﺎﺗﺖ ..
ﻛﻤﺎﻝ ﻻﺣﻈﻬﺎ ﻛﻴﻒ ﺗﺘﻜﻠﻢ ﺑﺲ ﻣﺎﺑﺎﺵ ﻳﺪﻗﻖ : ﻣﻤﻜﻦ .. ﺍﻟﺒﺎﻳﻦ ﻋﻨﺪﻩ ﺍﻋﺪﺍﺀ ..
ﺳﺎﺭﺓ ﺍﺑﺘﺴﻤﺖ ﺑﺘﻬﻜﻢ : ﺍﻛﻴﺪ ..
ﻛﻤﺎﻝ ﺷﺒﺤﻠﻬﺎ ﻭﻫﻮ ﻣﻀﻴﻖ ﻋﻴﻮﻧﻪ ...
ﺳﺎﺭﺓ ﺭﻛﺰﺕ ﻉ ﺭﻭﺣﻬﺎ ﻟﻔﺖ ﻭﻣﺸﺖ ﻭﻗﻔﺖ ﺣﺪﺍ ﻧﺒﻮﻳﻪ ..
***
ﺟﺎﺗﻪ ﻓﻤﻜﺎﻧﻬﺎ ﺑﺎﻟﻀﺒﻂ ..
ﺍﻟﻤﻌﺪﺍﻧﻲ ﻓﺘﺢ ﺩﺭﺝ ﺍﻟﺴﻴﺎﺭﻩ ﻭﻃﻠﻊ ﻣﻨﻬﺎ ﻇﺮﻑ ﻣﻌﺒﻲ ﻭﻣﺪﻫﻮﻟﻪ ..
: ﺍﻱ ﺧﺪﻣﻪ ﺗﺎﻧﻴﻪ ﺍﻧﺎ ﺣﺎﺿﺮ ﺭﻥ ﻋﻠﻴﺎ ﺑﺲ ..
ﺍﻟﻤﻌﺪﺍﻧﻲ : ﺍﻧﺰﻝ ...
ﻧﺰﻝ ﺍﻟﺮﺍﺟﻞ ﺍﻟﻠﻲ ﻛﺎﻥ ﻣﻌﺎﻩ ... ﻭﻫﻮﺷﻐﻞ ﺍﻟﺴﻴﺎﺭﺓ ﻭﻣﺸﻲ ..
***
ﺑﻌﺪ ﺳﺎﻋﻪ ..
ﻛﻤﺎﻝ ﻭﺍﻗﻒ ﻭﻣﻌﺎﻩ ﺍﻛﺮﻡ ﻳﺴﺘﻨﻮﺍ ﻓﻲ ﺍﻟﺪﻛﺎﺗﺮﺓ ..
ﻣﻦ ﺍﺧﺮ ﺍﻟﻤﻤﺮ ﺟﺎﻳﻪ ﻧﻮﺭﺍﻥ ﺩﻣﻮﻋﻬﺎ ﺳﻴﻞ ﻭﻣﻌﺎﻫﺎ ﺳﺎﺭﺓ ﺷﺎﺩﺗﻬﺎ ﻭﻭﺭﺍﻫﻢ ﻧﺒﻮﻳﻪ ﺍﻟﻠﻲ ﺗﺒﻜﻲ ﻭﺧﻼﺹ
ﻭﺻﻠﻮﺍ ﻓﻴﻬﻢ ..
ﻧﻮﺭﺍﻥ ﺑﺒﻜﻲ : ﺷﻦ ﺻﺎﺭ ﻓﻌﻤﻲ ..
ﻛﻤﺎﻝ : ﺳﺎﺭﺓ !!!
ﺳﺎﺭﺓ ﻫﺰﺕ ﻛﺘﺎﻓﻬﺎ ﻭﻣﻄﺖ ﺷﻮﺍﺭﺑﻬﺎ ﺑﻴﺄﺱ ..
ﻧﻮﺭﺍﻥ ﺑﻌﺼﺒﻴﻪ : ﻣﺎﺗﺪﻭﻳﺶ ﻣﻌﺎﻫﺎ ﺍﺩﻭﻱ ﻣﻌﺎﻳﺎ .. ﻣﺶ ﺣﻴﻜﻮﻥ ﻋﻤﻲ ﻓﻲ ﺣﺎﻟﻪ ﻛﻴﻒ ﻫﺬﻱ ﻭﺗﺒﻴﻨﻲ ﻧﺮﺗﺎﺡ ..
ﺍﻛﺮﻡ : ﻧﻮﺭﺍﻥ ﻫﺪﻱ .. ﺍﻥ ﺷﺎﺀ ﺍﻟﻠﻪ ﺧﻴﺮ ..
ﻛﻤﺎﻝ : ﺯﻱ ﻣﺎﻗﺎﻟﻚ ... ﺍﻫﺪﻱ ..
ﻧﻮﺭﺍﻥ ﻣﺸﺖ ﻭﻗﻔﺖ ﻉ ﺍﻟﺤﻴﻂ ﻭﺗﺒﻜﻲ ﺑﺎﻟﻌﺒﺮﺓ ..
ﻛﻤﺎﻝ ﻣﻮﺟﻮﻉ ﻋﻠﻴﻬﺎ ﻫﻠﺒﻪ ﻭﻣﺶ ﻣﺘﺤﻤﻞ ﺣﺎﻟﻬﺎ ..
ﺳﺎﺭﺓ ﺣﻀﻨﺘﻬﺎ : ﺍﺷﺸﺶ .. ﻳﺎﻗﻠﺒﻲ ﺧﻴﺮﺇﻥ ﺷﺎﺀ ﺍﻟﻠﻪ .. ﺧﻴﺮ ..
ﻃﻠﻊ ﺍﻟﺪﻛﺘﻮﺭ ﻭﻭﺭﺍﻩ ﺯﻭﺯ ﺗﺎﻧﻴﻴﻦ ..
ﺍﻟﺪﻛﺘﻮﺭ : ﻣﻊ ﺍﻷﺳﻒ ﻣﻀﻄﺮﻳﻦ ﻧﺸﻴﻠﻮﻫﺎ ﻟﻪ
ﺳﺎﺭﻩ : ﻟﻴﺶ ﻣﻊ ﺍﻷﺳﻒ ..
ﻛﻤﺎﻝ ﺷﺒﺢ ﻟﻨﻮﺭﺍﻥ ..
ﺍﻛﺮﻡ : ﻟﻮ ﺷﺎﻟﻮﻫﺎ ﺍﺣﺘﻤﺎﻝ ﻛﺒﻴﺮ ﻳﻨﻀﺮ ﺍﻟﺤﺒﻞ ﺍﻟﺸﻮﻛﻲ ..
ﻭ .... ﻳﻨﺸﻞ ..
ﻧﻮﺭﺍﻥ ﺧﺒﻄﺒﺖ ﺑﺈﻳﺪﻳﻬﺎ ﻉ ﺧﺪﻭﺩﻫﺎ : ﻧﺎ ﻋﻠﻴﺎ ... ﻧﺎﻋﻠﻴﺎ ﻋﻤﻲ .. ﻧﺎﻋﻠﻴﺎ .. ﺷﺒﺤﺖ ﻟﻜﻤﺎﻝ .. ﺟﺎﺗﻪ ﺗﺠﺮﻱ ﺷﺪﺕ ﻳﺪﻩ .. ﺍﺭﺟﻮﻙ ... ﺩﻳﺮ ﺣﺎﺟﻪ ﺍﻟﻠﻪ ﻳﺮﺑﺤﻚ ... ﺍﻟﻠﻪ ﻳﺮﺑﺤﻚ ﻳﺎﻛﻤﺎﻝ
ﺳﺎﺭﺓ ﻧﺰﻟﻮﺍ ﺩﻣﻮﻋﻬﺎ ﺟﺘﻬﺎ ﺗﺒﻲ ﺗﺸﺪﻫﺎ : ﺧﻼﺹ ﻧﻮﺭﺍﻥ ..
ﻧﻮﺭﺍﻥ : ﻻﺍﺍﺍ .. ﻣﺶ ﺧﻼﺹ .. ﻫﻀﺎ ﺑﺎﺗﻲ .. ﺍﻓﻬﻤﻮﺍ ﺑﺎﺗﻲ ﻣﺶ ﺑﺲ ﻋﻤﻲ .. ﻫﻀﺎ ﺑﺎﺗﻲ ... ﻇﻬﺮﻱ ﺳﻨﺪﻱ ﺍﻟﻜﺒﻴﺮ ﻣﺘﺎﻋﻲ .. ﺍﻓﻬﻤﻮﺍ ﻣﺎﻧﺒﻴﺶ ﻧﻨﺤﺮﻡ ﻣﻦ ﺑﺎﺗﻲ ﺍﻻﻭﻝ ﻭﻧﻨﻘﻬﺮ ﻉ ﺑﺎﺗﻲ ﺍﻟﺘﺎﻧﻲ ... ﺣﺮﺍﺍﺍﻡ ﻭﺍﻟﻠﻪ ﺣﺮﺍﻡ
ﻛﻤﺎﻝ ﺩﻣﻌﺘﻪ ﻓﻲ ﻣﺤﺠﺮ ﻋﻴﻨﻪ ﺷﺒﺢ ﻟﻠﺪﻛﺘﻮﺭ : ﺧﻠﻮﻧﻲ ﻧﺨﺶ ﻧﺪﻳﺮﻫﺎ ..
ﺍﻟﺪﻛﺘﻮﺭ ﺗﻔﺎﺟﺄ : ﻛﻴﻒ؟؟ .
ﻧﻮﺭﺍﻥ ﺟﺖ ﻟﻜﻤﺎﻝ ﺷﺪﺕ ﻳﺪﻩ : ﺩﻛﺘﻮﺭ ﺟﺮﺍﺡ ﻭﺍﺣﺴﻦ ﺩﻛﺘﻮﺭ ﺷﻔﺘﻪ ﻓﻲ ﺣﻴﺎﺗﻲ .. ﺩﺧﻠﻮﻩ ﺍﻟﻠﻪ ﻳﺮﺑﺤﻜﻢ ..
ﺍﻟﺪﻛﺘﻮﺭ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺼﺪﻭﻡ : ﺗﻌﺎﻝ ..
ﻛﻤﺎﻝ ﺷﺒﺢ ﻟﻨﻮﺍﺭﻥ : ﻭﺭﺣﻤﺔ ﺍﻟﻠﻲ ﺟﺎﺑﻮﻙ ﺣﻨﺪﻳﺮ ﻛﻞ ﺍﻟﻠﻲ ﻧﻘﺪﺭ ﻋﻠﻴﻪ ﻉ ﺧﺎﻃﺮﻙ ﻭﺧﺎﻃﺮﻫﻢ ... ﻣﺸﻲ ﻭﻧﻮﺭﺍﻥ ﻣﺎﺭﻛﺰﺗﺶ ﻫﻠﺒﻪ ﻉ ﻛﻼﻣﻪ ..
ﻋﻜﺲ ﺳﺎﺭﺓ ﺍﻟﻠﻲ ﺭﻛﺰﺕ .. ﻭﺗﻔﻜﺮ ﻓﺎﻟﻠﻲ ﻗﺎﻟﻪ ..
ﺷﻮﻳﻪ ﻭﻛﻤﺎﻝ ﺗﺠﻬﺰ ﻟﻠﻌﻤﻠﻴﻪ ﻭﺧﺶ ..
ﻛﺎﻥ ﺭﺿﻮﺍﻥ ﺭﺍﻗﺪ ﻉ ﻇﻬﺮﻩ ﻭﻭﺿﻌﻪ ﻣﺰﺭﻱ .. ﻛﻤﺎﻝ ﻳﺸﻮﻓﻠﻪ .. ﻭﻳﺘﻔﻜﺮ ﻓﻲ ﺍﻟﻜﻼﻡ ﺍﻟﻠﻲ ﻗﺮﺍﻩ ﻓﻲ ﻣﺬﻛﺮﺍﺕ ﺍﻡ ﻧﻮﺭﺍﻥ .. ﻟﻜﻦ ﺩﻣﻮﻉ ﻧﻮﺭﺍﻥ ﻭﺣﺎﻟﺘﻬﺎ ﺧﻠﻮﻩ ﻳﻨﺴﻰ ﻟﻠﺤﻈﻪ ﺍﻟﻠﻲ ﻋﺮﻓﻪ ﻋﻨﻪ .. ﻭﺑﺪﻱ ﺍﻟﻌﻤﻠﻴﻪ ﻭﻫﻮ ﻣﺴﺘﻌﻴﻦ ﺑﺎﻟﻠﻪ .. ﻭﻓﻲ ﺩﺍﺧﻠﻪ ﻳﺮﺩﺩ ﻓﻲ ﺃﻡ ﺍﻟﻜﺘﺎﺏ .. ﺍﻟﻔﺎﺗﺤﻪ ..
ﻓﻲ ﻫﺎﻟﻠﺤﻈﻪ ...
ﺭﺿﻮﺍﻥ ﺍﻟﻠﻲ ﻛﺎﻥ ﻣﻨﻮﻡ ﺑﺎﻟﺒﻨﺞ .. ﻋﺎﻟﻢ ﺍﻷﺣﻼﻡ .. ﺟﺎﺑﻠﻪ ﺣﻠﻢ ﻷﻭﻝ ﻣﺮﺓ ﻳﺸﻮﻓﻪ ..
...🌠
ﻛﺎﻥ ﺭﺍﻗﺪ ﻧﻔﺲ ﺍﻟﺮﻗﺪﺓ ﺑﺲ ﻛﺎﻥ ﻻﺑﺲ ﻟﺒﺴﻪ ﺍﻟﻠﻲ ﺍﻧﺼﺎﺏ ﺑﻴﻪ ﻓﺘﺢ ﻋﻴﻮﻧﻪ ﺷﺎﻑ ﺍﻟﻤﻜﺎﻥ ﻛﺎﻥ ﺍﺑﻴﺾ ﻛﻠﻪ ﻭﺍﺣﻴﺎﻧﺎ ﻳﺒﺎﻥ ﻭﻛﺄﻧﻪ ﺑﻴﻦ ﺍﻟﺴﺤﺎﺏ ..
ﻭﻫﻮ ﻳﺸﻮﻑ ﻓﻲ ﺍﻟﻤﻜﺎﻥ ﻟﻤﺢ ﺣﺪ ﻭﺍﻗﻒ ﻣﺎﻛﺎﻧﺶ ﺑﺎﻳﻦ ﻛﻮﻳﺲ ...
ﻗﻌﺪ ﻳﺸﻮﻓﻠﻪ ﺑﺪﻱ ﻳﻮﺿﺢ ..
ﻭﻛﺄﻧﻪ ﺧﻮﻩ ﺳﻔﻴﺎﻥ ﻻﺑﺲ ﺳﻮﺭﻳﺔ ﻋﺮﺑﻴﻪ ﺭﺻﺎﺻﻴﻪ ﻭﻓﻲ ﺑﻘﻌﺔ ﺩﻡ ﻓﻲ ﻧﺺ ﺻﺪﺭﻩ ... ﻭﻓﻲ ﺣﻀﻨﻪ ﻛﺎﻥ ﻓﻲ ﻃﻔﻞ ﻣﺘﻠﺤﻒ ﺑﺒﻄﺎﻧﻴﻪ ﺯﺭﻗﺎ ..
ﺭﺿﻮﺍﻥ ﻟﻤﺎ ﺷﺎﻓﻬﻢ ﻧﺎﺽ ﻗﻌﻤﺰ ﻭﻛﺎﻥ ﻳﺮﺟﻒ ﻣﻦ ﺧﻮﻓﻪ ..
ﻛﺎﻧﺖ ﺍﻹﺑﺘﺴﺎﻣﻪ ﻉ ﻭﺟﻪ ﺳﻔﻴﺎﻥ ﻭﻛﺎﻥ ﻳﻘﺮﺏ ﻣﻨﻪ ..
ﻭﻫﻮ ﻳﻮﺧﺮ ﺑﺎﺍﻟﺰﺣﻒ ﻟﻠﺨﻠﻒ ..
ﻛﺎﻧﺖ ﻋﻴﻦ ﺭﺿﻮﺍﻥ ﻉ ﺍﻟﻄﻔﻞ .. ﻛﺎﻥ ﺭﺿﻮﺍﻥ ﻳﺒﻲ ﻳﺘﻜﻠﻢ ﻣﺶ ﻗﺎﺩﺭ ﻭﺧﻮﻩ ﻛﺎﻥ ﻳﻘﺮﺏ ﺍﻛﺜﺮ ﻭﺍﻛﺜﺮ ﻟﻌﻨﺪ ﻣﺎﻭﺻﻞ ﻓﻴﻪ ..
ﺭﺿﻮﺍﻥ ﻛﺎﻥ ﺧﺎﻳﻒ ﻫﻠﺒﻪ ..
ﻓﺠﺎﺓ ..
ﻓﻲ ﻭﻣﻴﺾ ﺿﻲ ... ﺟﻲ ﻉ ﺳﻔﻴﺎﻥ ... ﻓﻲ ﻣﻜﺎﻥ ﺍﻟﻄﻔﻞ ﻭﻻ ﻓﻲ ﺳﻴﻒ ﻓﻴﺪﻩ ... ﺭﺿﻮﺍﻥ ﻳﺮﺟﻒ .. ﻭﺳﻔﻴﺎﻥ ﻳﺸﺒﺤﻠﻪ ﺑﻨﻔﺲ ﺍﻹﺑﺘﺴﺎﻣﻪ .. ﺷﺪ ﺍﻟﺴﻴﻒ ﺑﺈﻳﺪﻳﻪ ﺍﻟﺰﻭﺯ ﻭﺭﻓﻌﻪ ﻓﻮﻕ ﻭﻧﺰﻝ ﺑﻴﻪ ﻉ ﺭﺍﺱ ﺭﺿﻮﺍﻥ ..
ﺭﺿﻮﺍﻥ ﻃﺎﺡ ﻭﻫﻮ ﺣﺎﻁ ﺍﻳﺪﻩ ﻉ ﺭﺍﺳﻪ .. ﻟﻜﻨﻪ ﻣﺎﺯﺍﻝ ﻋﺎﻳﺶ .. ﻧﺎﺽ ﻭﺷﺒﺢ ﻟﻠﻤﻜﺎﻥ ﻣﻦ ﺟﺪﻳﺪ ﻣﺎﻟﻘﺎﺵ ﺧﻮﻩ .. ﺳﻤﻊ ﺻﻮﺕ ﺍﻟﺒﺤﺮ ﻳﺘﺤﺮﻙ ﻣﻮﺟﻪ ﺑﻬﻴﺠﺎﻥ ﺑﺲ ﻣﺎﺷﺎﻓﺎﺵ ﻭﺑﻌﺪﻳﻦ ﺣﻮﻝ ﻳﺪﻩ ﻣﻦ ﻉ ﺭﺍﺳﻪ ﻭﺷﺎﻓﻬﺎ ﻟﻘﻲ ﺩﻡ ﻟﻮﻧﻪ ﺃﺳﻮﺩ .. ﻗﻌﺪ ﻳﻌﻴﻂ ﺑﻬﻴﺴﺘﺮﻳﺎ ..
" ﺱ .. ﻓﻴﺎ .. ﻥ "
💭 ﻓﺎﻕ ﻓﻲ ﻧﺺ ﺍﻟﻌﻤﻠﻴﻪ
ﻛﻤﺎﻝ ﺳﻤﻌﻪ ﺷﻦ ﻗﺎﻝ ..
ﺍﻟﻤﻤﺮﺿﻪ ﺑﺼﺪﻣﻪ : ﺍﻟﻤﺼﺎﺏ ﻓﺎﻕ ..
ﺍﻟﺪﻛﺘﻮﺭ ﺗﺎﻧﻲ : ﻛﻴﻒ؟؟ !!
ﻛﻤﺎﻝ ﺿﺒﻂ ﻧﻔﺴﻪ : ﺍﻫﺪﺍ ﻳﺎﺩﻛﺘﻮﺭ .. ﻭﻗﻌﺪ ﻳﻮﺟﻪ ﻓﻴﻬﻢ ﺷﻦ ﻳﺪﻳﺮﻭﺍ .. ﺍﺩﺍﺭﻛﻮﺍ ﺍﻟﻤﻮﻗﻒ ﻭﻛﻤﻞ ﻛﻤﺎﻝ ﺷﻐﻠﻪ ..
ﺑﺮﺍ ..
ﻧﻮﺭﺍﻥ ﻛﺎﻧﺖ ﻣﻘﻌﻤﺰﻩ ﺗﺒﻜﻲ ﻭﺗﻮﻣﻲ ... ﻭﺳﺎﺭﻩ ﺗﺸﺒﺤﻠﻬﺎ ﻭﺧﻼﺹ ..
ﺍﻛﺮﻡ ﻛﺎﻥ ﻉ ﺍﻋﺼﺎﺑﻪ .. ﻭﺷﻬﺎﺏ ﻭﺍﻗﻒ ﻭﻫﻮ ﻣﺘﺄﻟﻢ ﻫﻠﺒﻪ ﻉ ﻭﺿﻊ ﺑﻮﻩ ..
ﺑﻌﺪ ﺗﻼﺕ ﺳﺎﻋﺎﺕ ﺑﺎﻟﺰﺑﻂ ...
ﻃﻠﻊ ﻛﻤﺎﻝ ...
ﺷﺒﺢ ﻟﻨﻮﺭﺍﻥ ﺍﻟﻠﻲ ﻛﺎﻧﺖ ﺗﺸﻮﻓﻠﻪ ﺑﺄﻣﻞ ..
ﻛﻤﺎﻝ ﺍﺑﺘﺴﻢ ...
ﻧﻮﺭﺍﻥ ﻓﻬﻤﺖ ﻭﺗﻨﻬﺪﺕ ﺗﻨﻬﻴﺪﻩ ﻣﻦ ﻭﺳﻂ ﻗﻠﺒﻬﺎ ...
🍁🍁🍁
ﺍﻟﺪﻛﺘﻮﺭ : ﺣﻀﺮﺗﻚ ﺧﺮﻳﺞ ﻫﻨﺎ ﻭﻻﺑﺮﺍ ..
ﻛﻤﺎﻝ ﻣﺎﻋﻨﺪﺍﺵ ﺍﺟﺎﺑﻪ ﻉ ﺍﻟﺴﺆﺍﻝ .. ﺍﺳﻌﻔﻪ ﺍﻛﺮﻡ ..
ﺍﻛﺮﻡ : ﺑﺮﺍ ....
ﺍﻟﺪﻛﺘﻮﺭ : ﻭﺍﺿﺢ ... ﻣﻦ ﻭﻳﻦ ﺑﺎﻟﻀﺒﻂ ..
ﺍﻛﺮﻡ ﻳﺒﻲ ﻳﻔﺘﻚ ﻣﻦ ﺍﻟﺪﻛﺘﻮﺭ ﻃﻠﻊ ﺣﺎﺟﻪ ﺧﻄﺮﺕ ﻉ ﺑﺎﻟﻪ : ﺍﻣﺮﻳﻜﺎ ..
ﻛﻤﺎﻝ ﻟﻤﺎ ﺳﻤﻊ ﺍﻟﻜﻠﻤﻪ ... ﺣﺲ ﺑﺪﻭﺧﻪ ﻣﻔﺎﺟﺌﻪ ﻭﻛﺄﻧﻪ ﺿﺮﺏ ﺭﺍﺳﻪ ﺍﻟﻀﻲ .. ﺷﺪ ﻉ ﻗﺒﻀﺔ ﺍﻳﺪﻩ ﺑﺎﻟﻘﻮﺓ ﻭﻏﻤﺾ ﻋﻴﻮﻧﻪ ..
ﺍﻟﺪﻛﺘﻮﺭ ﺑﺈﺳﺘﻐﺮﺍﺏ : ﻛﻨﻚ ﺩﻛﺘﻮﺭ ..
ﺍﻛﺮﻡ ﺷﺒﺤﻠﻪ : ﻛﻤﺎﻝ ...
ﻛﻤﺎﻝ ﻓﺘﺢ ﻋﻴﻮﻧﻪ .. ﻭﻗﻌﺪ ﻳﺸﻮﻓﻠﻬﻢ ﻭﻗﺎﻝ : ﺍﻳﻪ ﻣﺘﺨﺮﺝ ﻣﻦ ﺍﻣﺮﻳﻜﺎ ﺟﺎﻣﻌﻪ ...***** ﻓﻲ ﻭﻻﻳﻪ ****
ﺍﻛﺮﻡ ﻗﻌﺪ ﻳﺸﺒﺤﻠﻪ ﺑﺼﺪﻣﻪ ...
ﺍﻟﺪﻛﺘﻮﺭ : ﻣﺎﻧﺴﺘﻐﺮﺑﺶ ﺷﻄﺎﺭﺗﻚ ... ﻉ ﺍﻟﻌﻤﻮﻡ ﻓﺮﺻﻪ ﺳﻌﻴﺪﻩ ﻭﺍﻟﺤﻤﺪ ﻟﻠﻪ ﻉ ﺳﻼﻣﺔ ﺍﻟﺴﻴﺪ ﺭﺿﻮﺍﻥ ... ﻭﻣﺸﻲ
ﺍﻛﺮﻡ : ﺷﻦ ﻗﺖ ﺗﻮﺍ ..
ﻛﻤﺎﻝ ﺑﻀﺤﻜﻪ : ﻟﻤﺎ ﺍﻧﺖ ﻃﻠﻌﺖ ﻛﺬﺑﺔ ﺧﺮﻳﺞ ﺃﻣﺮﻳﻜﺎ .. ﺟﺎﻧﻲ ﺷﻲ ﻣﻦ ﺍﻟﺬﺍﻛﺮﺓ ﻳﺜﺒﺖ ﺍﻥ ﺍﻟﻠﻲ ﻗﻠﺘﻪ ﻣﺶ ﻛﺬﺏ ..
ﺍﻛﺮﻡ ﺿﺤﻚ ﺑﺼﺪﻣﻪ : ﺑﺎﻩ ﻣﺎﺍﺫﻛﺮﺗﺶ ﺍﺳﻤﻚ؟؟
ﻛﻤﺎﻝ ﺗﻨﻬﺪ ﺑﺄﻟﻢ : ﻣﻊ ﺍﻷﺳﻒ ﻻ ..
ﺍﻛﺮﻡ : ﻣﺶ ﻣﺸﻜﻠﻪ ﺍﻟﻤﻬﻢ ﺍﻧﻚ ﻗﺎﻋﺪ ﺗﺬﻛﺮ ﻭﻟﻮ ﺷﻲ ﺑﺴﻴﻂ ..
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ..
***
ﺍﻧﺘﻲ ﻛﻮﻳﺴﻪ ..
ﺭﻳﻬﺎﻡ ﺑﺘﻌﺐ : ﺭ .. ﺿﻮﺍ .. ﻥ ..
ﺳﺎﺭﻩ : ﻃﻠﻊ ﻣﻦ ﺍﻟﺨﻄﺮ ﺍﻃﻤﻨﻲ ..
ﺭﻳﻬﺎﻡ ﺣﻄﺖ ﻳﺪﻫﺎ ﻉ ﺑﻄﻨﻬﺎ ...
ﻧﻮﺭﺍﻥ ﺩﻣﻌﺘﻬﺎ ﻧﺰﻟﺖ .. ﺳﺎﺭﺓ ﺗﺄﺳﻔﺖ ﻫﻠﺒﻪ ﻟﺤﺎﻟﻬﺎ ..
ﺭﻳﻬﺎﻡ ﺍﺑﺘﺴﻤﺖ ﺑﺄﻟﻢ : ﺥ .. ﺳﺮﺗﻪ ..
ﺳﻜﺘﻮﺍ ﻭﻣﺎﺭﺩﻭﺵ ..
ﺭﻳﻬﺎﻡ ﻧﺰﻟﺖ ﻣﻦ ﻋﻴﻨﻬﺎ ﺩﺍﻣﻌﻪ : ﻣﻤﻜﻦ ﺗﻄﻠﻌﻮﺍ ﺑﻨﺮﻗﺪ ..
ﺳﺎﺭﻩ ﻓﻬﻤﺖ ﻋﻠﻴﻬﺎ .. ﺧﺪﺕ ﻧﻮﺭﺍﻥ ﻭﻃﻠﻌﻮﺍ ﻣﻦ ﺣﺪﺍﻫﺎ ..
ﻭﻫﻨﻲ ﺭﻳﻬﺎﻡ ﺑﺪﺕ ﺗﺒﻜﻲ .... ﻛﺎﻧﺖ ﻋﻨﺪﻫﺎ ﺭﻏﺒﻪ ﺷﺪﻳﺪﻩ ﺍﻧﻬﺎ ﺗﻜﻮﻥ ﺍﻡ ﻭﺗﺠﻴﺐ ﻃﻔﻞ ﺗﻌﻄﻴﻪ ﺍﻟﻠﻲ ﻋﺎﺷﺖ ﻋﻤﺮ ﻓﺎﻗﺪﺍﺗﻪ " ﺣﻨﺎﻥ ﺍﻷﻡ ﻭﺣﺒﻬﺎ .."💔
ﻧﻮﺭﺍﻥ ﺑﻨﺒﺮﺓ ﺑﺎﻛﻴﻪ : ﺗﻘﻄﻊ ﺍﻟﻘﻠﺐ ..
ﺳﺎﺭﻩ : ﺭﺑﻲ ﻳﻜﻮﻥ ﻣﻌﺎﻫﺎ ﻭﻳﻌﻮﺿﻬﺎ ..
ﻧﻮﺭﺍﻥ : ﻳﺎﺭﺏ ..
ﺗﻘﺎﺑﻠﻮﺍ ﻫﻤﺎ ﻭﺍﻛﺮﻡ ﻭﻛﻤﺎﻝ ..
ﺍﻛﺮﻡ : ﺷﻦ ﺣﺎﻟﻬﺎ ..
ﻧﻮﺭﺍﻥ : ﻣﺴﻜﻴﻨﻪ ﺳﻴﺒﻨﺎﻫﺎ ﺗﺒﻜﻲ ..
ﺍﻛﺮﻡ : ﺭﺑﻲ ﻳﻠﻄﻒ ﺑﻴﻬﺎ ..
ﺳﺎﺭﺓ ﻛﺎﻧﺖ ﺗﺸﺒﺤﻠﻪ .. ﻫﻮ ﺷﺒﺤﻠﻬﺎ ﻭﺍﺳﺘﻐﺮﺏ ﻧﻈﺮﺗﻬﺎ ..
ﻛﻤﺎﻝ : ﺭﺑﻲ ﻳﻌﻮﺿﻬﺎ ... ﺍﻧﺘﻲ ﺷﻦ ﺣﺎﻟﻚ ﺗﻮﺍ ..
ﻧﻮﺭﺍﻥ ﺍﺑﺘﺴﻤﺖ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﻛﻮﻳﺴﻪ ..
ﻛﻤﺎﻝ ﺍﺑﺘﺴﻢ ﻭﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ .. ﺿﺤﻜﺖ ﺑﺨﺠﻞ ...
ﺳﺎﺭﺓ ﺍﺑﺘﺴﻤﺖ : ﺍﻛﺮﻡ ﻣﻤﻜﻦ ﺷﻮﻳﻪ ..
ﺍﻛﺮﻡ ﺗﻔﺎﺟﺄ : o..k ﻭﻣﺸﺎﻟﻬﺎ ﻭﺑﻌﺪﻭﺍ ﺍﻟﺰﻭﺯ ..
ﻛﻤﺎﻝ : ﻣﺎﻛﻨﺘﺶ ﻧﺤﺴﺎﺑﻚ ﺗﺤﺒﻲ ﻋﻤﻚ ﻟﻬﺎﻟﺤﺪ ..
ﻧﻮﺭﺍﻥ : ﺍﻛﻴﺪ ﻧﺤﺒﻪ ﻭﺍﺟﺪ ﻗﺘﻠﻚ ﻗﺒﻞ ﻧﺸﻮﻑ ﻓﻴﻪ ﺑﺎﺗﻲ ..
ﻛﻤﺎﻝ ﺍﺑﺘﺴﻢ ﺑﺄﻟﻢ ...
ﻧﻮﺭﺍﻥ : ﺍﻟﻠﻲ ﺩﺭﺗﻪ ﺍﻟﻴﻮﻡ ﺣﺎﺟﻪ ﻛﺒﻴﺮﺓ ﻭﺍﺟﺪ ﺑﺎﻟﻨﺴﺒﻪ ﻟﻴﺎ ... ﻋﻤﺮﻱ ﻣﺎﺣﻨﻨﺴﺎﻫﺎ ..
ﻛﻤﺎﻝ ﺍﺑﺘﺴﻢ ﻭﻗﻌﺪ ﺳﺎﻛﺖ ﻭﻳﺸﻮﻓﻠﻬﺎ ..
ﻧﻮﺭﺍﻥ : ﻛﻨﻚ؟ ..
ﻛﻤﺎﻝ : ﻉ ﺧﺎﻃﺮﻙ ﺑﺲ ..
ﻧﻮﺭﺍﻥ ﺧﺪﻭﺩﻫﺎ ﺣﻤﺮﻭﺍ : ﻳﺴﻠﻢ ﺧﺎﻃﺮﻙ ..
ﻛﻤﺎﻝ : ﺍﺣﻤﻢ .. ﺍﻧﻲ ﻣﻦ ﺭﺍﻳﻲ ﺗﺮﻭﺣﻮﺍ ﺑﺶ ﺗﺮﺗﺎﺣﻮﺍ ﻣﺎﻟﻬﺎﺵ ﻟﺰﻭﻡ ﻗﻌﺪﺗﻜﻢ ﺑﻌﺪ ﺍﻃﻤﻨﺘﻮﺍ ﻋﻠﻴﻬﻢ ..
ﻧﻮﺭﺍﻥ ﺗﻨﻬﺪﺕ : ﻣﻌﺎﻙ ﺣﻖ ...
ﺍﻛﺮﻡ : ﻭﺑﻌﺪﻳﻦ ..
ﺳﺎﺭﻩ ﻭﻫﻲ ﺗﺸﺒﺢ ﻟﻨﻮﺭﺍﻥ ﻭﻛﻤﺎﻝ : ﺑﻌﺪﻳﻦ ﺷﻦ ..
ﺍﻛﺮﻡ : ﺟﺒﺘﻨﻲ ﻫﻨﺎ ﻟﻴﺶ ..
ﺷﺒﺤﺘﻠﻪ : ﺍﻩ ... ﺍﻳﻪ .. ﻣﻦ ﺗﺘﻮﻗﻊ ﻳﻜﻮﻥ ﻭﺭﺍ ﺍﻟﻠﻲ ﺻﺎﺭ ..
ﺍﻛﺮﻡ : ﻟﻮ ﻧﻌﺮﻑ ﻛﻨﺖ ﻣﺼﺒﻲ ﺣﺪﺍﻙ ﻫﻨﺎ؟ !!
ﺳﺎﺭﻩ : ﻟﻴﺶ ﻟﻮ ﺗﻌﺮﻑ ﺷﻦ ﻛﻨﺖ ﺣﺪﻳﺮ؟؟
ﺍﻛﺮﻡ : ﻣﺎﻳﺨﺼﻜﺶ ..
ﺳﺎﺭﺓ : ﺍﻛﺮﻡ ..
ﺍﻛﺮﻡ : ﻫﻲ ﺗﺤﺮﻛﻲ ﻗﺪﺍﻣﻲ ..
ﺳﺎﺭﺓ ﺗﻤﺸﻲ : ﺍﻛﺮﻡ .. ﺍﺭﺟﻮﻙ ﻣﺎﺗﻮﺳﺨﺶ ﺍﻳﺪﻳﻚ ..
ﺍﻛﺮﻡ : ﻣﺎﺗﺸﻐﻠﻴﺶ ﺑﺎﻟﻚ ..
ﻫﻲ ﺗﻨﻬﺪﺕ ﻭﺳﻜﺘﺖ ﻭﻫﻮ ﺷﺒﺤﻠﻬﺎ ﻉ ﺟﻨﺐ ﻭﺍﺑﺘﺴﻢ ...
ﻛﻤﺎﻝ : ﺳﺎﺭﺓ ﺭﻭﺣﻲ ﺍﻧﺘﻲ ﻭﻧﻮﺭﺍﻥ ..
ﺍﻛﺮﻡ : ﺍﻫﺎ .. ﺭﻭﺣﻦ .. ﺷﻬﺎﺏ ﺗﺤﺖ ﺗﻮ ﻳﻮﺻﻠﻜﻦ ﻭﻳﺮﺩ
ﻛﻤﺎﻝ ﺍﺫﻛﺮ ﺍﻟﻠﻲ ﺳﻤﻌﻪ ﻣﻦ ﺍﻛﺮﻡ ﻗﺒﻞ ﺍﻟﺤﺎﺩﺛﻪ ﻭﺍﺿﺎﻳﻖ ﻫﻠﺒﻪ ..
ﻧﻮﺭﺍﻥ : ﻫﻴﺎ ﺳﺎﺭﺓ ..
ﺳﺎﺭﺓ : ﻳﻼﺍ ..
ﻣﺸﻮﺍ ﻫﻤﺎ ﺍﻟﺰﻭﺯ ... ﻭﻫﻤﺎ ﻳﺸﺒﺤﻮﻟﻬﻢ ... ﻟﻴﻦ ﺍﺧﺘﻔﻮﺍ ..
ﻛﻤﺎﻝ : ﺍﻟﺸﺮﻃﻪ ﺟﺎﻳﻪ ﺑﻌﺪ ﺷﻮﻳﻪ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ..
ﻃﻮﻝ ﺍﻟﻄﺮﻳﻖ ﻛﺎﻥ ﺍﻟﺼﻤﺖ ﺳﺎﺋﺪ ... ﻣﺎﻋﻨﺪﻫﻤﺶ ﺣﻴﻞ ﻟﻸﺧﺪ ﻭﺍﻟﺮﺩ ﻭﺍﻟﻨﻘﺎﺵ ...
ﻭﺻﻠﻬﻢ ﺷﻬﺎﺏ ﻭﻭﻻ ﻟﻠﻤﺴﺘﺸﻔﻰ ..
ﻧﻮﺭﺍﻥ ﺍﻭﻝ ﻣﺎﺧﺸﺖ ﺣﺴﺖ ﺑﻀﻴﻖ ﺷﺪﻳﺪ .. ﺭﻛﺒﺖ ﺍﻟﺪﺭﻭﺝ ﺷﺎﻓﺖ ﺻﻮﺭﺓ ﻋﻤﻬﺎ ﺍﻟﻤﻌﻠﻘﻪ ﻓﻲ ﺍﻟﺼﺎﻟﻪ ﺍﺑﺘﺴﻤﺖ ﺑﺄﻟﻢ ... ﺑﻌﺪﻳﻦ ﺗﻮﺟﻬﺖ ﻟﺪﺍﺭﻫﺎ ﺧﺸﺖ ﺟﺖ ﻋﻴﻨﻬﺎ ﻉ ﺻﻮﺭﺓ ﺑﻮﻫﺎ ﻗﺪﻣﺖ ﻭﻣﺸﺘﻠﻬﺎ ﻗﻌﺪﺕ ﺗﺸﺒﺤﻠﻬﺎ ﻫﻠﺒﻪ ﺑﻌﺪﻳﻦ ﺧﺪﺗﻬﺎ ... ﻭﻗﻌﺪﺕ ﻣﺮﻛﺰﺓ ﻉ ﻣﻼﻣﺢ ﺑﻮﻫﺎ ﻭﻗﺎﻟﺖ ﺑﺄﻟﻢ : ﻧﺪﻓﻊ ﻋﻤﺮﻱ ﺑﺶ ﻧﺤﻘﻚ ﻟﻠﺤﻈﻪ ﻭﻧﺤﻀﻨﻚ .. ﻧﺰﻟﻮﺍ ﺩﻣﻮﻋﻬﺎ ﻭﺣﻀﻨﺖ ﺍﻟﺼﻮﺭﺓ ﻭﻗﻌﺪﺕ ﺗﺒﻜﻲ ﺑﺤﺮﻗﻪ
ﺍﻣﺎ ﻋﻨﺪ ﺳﺎﺭﺓ ﻓﻬﺪﺭﺯﺕ ﻉ ﻧﺒﻮﻳﻪ ﻭﺧﺒﺮﺗﻬﺎ ﺑﺎﻟﻠﻲ ﺻﺎﺭ .. ﻭﺗﻮﺟﻬﺖ ﻟﺸﻘﺘﻬﺎ ... ﺑﺪﻟﺖ ﻭﻗﻌﻤﺰﺕ ﺗﻔﻜﺮ ﻓﻲ ﺍﻟﻠﻲ ﺻﺎﺭ ﻭﺗﺤﻠﻞ ﻓﻲ ﺍﻷﺣﺪﺍﺕ ﻭﺷﻮﻳﻪ ﺟﺎﻫﺎ ﺍﻟﻨﻮﻡ ﻭﺭﻗﺪﺕ ..
🍁🍁🍁
ﺟﺖ ﺍﻟﺸﺮﻃﻪ ﻭﺣﻘﻘﺖ ﻓﻲ ﺍﻟﺤﺎﺩﺛﻪ ﺑﻌﺪ ﻣﺎﺣﻘﻘﻮﺍ ﻣﻊ ﺍﻟﻤﺴﺆﻭﻟﻴﻦ ﻋﻦ ﺍﻟﻤﻨﺘﺠﻊ ﻭﺍﻟﻨﺎﺱ ﺍﻟﻠﻲ ﺷﻬﺪﺕ ﺍﻟﻠﻲ ﺻﺎﺭ ..
ﻋﺒﺪﺍﻟﻠﻪ ﺍﻟﻌﺒﻴﺪﻱ ﺍﻟﻀﺎﺑﻂ : ﺍﻟﻠﻲ ﺻﺎﺭ ﺍﻥ ﺍﻟﺮﺻﺎﺻﻪ ﺟﺖ ﻣﻦ ﻣﻜﺎﻥ ﺑﻌﻴﺪ ﺷﻮﻱ ﻭﺍﻟﻨﺎﺱ ﻣﺎﺣﻘﺘﺶ ﺍﻟﻠﻲ ﺿﺮﺑﻬﺎ ..
ﺍﻛﺮﻡ : ﻧﻔﺲ ﺍﻟﻜﻼﻡ ﺳﻤﻌﺘﻪ ..
ﻋﺒﺪﺍﻟﻠﻪ : ﺍﻟﺴﻴﺪ ﺭﺿﻮﺍﻥ ﻋﻨﺪﻩ ﻋﺪﺍﻭﺍﺕ؟ ..
ﺍﻛﺮﻡ : ﻉ ﺣﺴﺐ ﻋﻠﻤﻲ ... ﻻ ..
ﻋﺒﺪﺍﻟﻠﻪ : ﻫﺬﻱ ﺗﺎﻧﻲ ﺣﺎﺩﺛﻪ ﺻﺎﺭﺕ ﻭﺍﻷﻭﻟﻰ ﻛﻨﺖ ﺍﻧﺖ ﺿﺤﻴﺘﻬﺎ ..
ﺍﻛﺮﻡ : ﻣﺎﻛﻨﺘﺶ ﺿﺤﻴﻪ ... ﺍﺩﻳﺖ ﻋﻤﻠﻲ ﻭﺑﺲ ...
ﻛﻤﺎﻝ ﻛﺎﻥ ﻭﺍﻗﻒ ﺑﻌﻴﺪ ﻭﻳﺸﻮﻓﻠﻬﻢ ... ﺷﺒﺢ ﻟﻠﺠﻬﻪ ﺍﻟﺘﺎﻧﻴﻪ ﻣﻦ ﺍﻟﻤﻤﺮ ﻟﻘﻲ ﻭﺍﺣﺪ ﺿﺨﻢ ﺍﻟﺠﺴﺪ ﻻﺑﺲ ﺑﺪﻟﻪ ﺳﻮﺩﺍ ﻋﻠﻴﻬﺎ ﺑﺎﻟﻄﻮ ﺍﺳﻮﺩ ﻓﻴﺪ ﻭﺣﺪﻩ ﺑﺲ ﻗﻔﺎﺯ ﺟﻠﺪ ﺍﺳﻮﺩ .. ﻣﻼﻣﺢ ﻭﺟﻬﻪ ﻛﺎﻧﺖ ﺗﺨﻮﻑ ﺑﻌﺾ ﺍﻟﺸﻲ .. ﻭﻳﺒﺎﻥ ﻋﻤﺮﻩ ﻓﻲ ﺍﺧﺮ ﺍﻷﺭﺑﻌﻴﻨﺎﺕ ﻭﻭﺭﺍﻩ ﺯﻭﺯ ﻃﻮﺍﻝ ﻋﺮﺍﺽ ..
ﻓﺎﺕ ﻣﻦ ﺣﺪﺍ ﻛﻤﺎﻝ ﺷﺒﺤﻠﻪ ﺑﻨﻈﺮﻩ ﺳﺮﻳﻌﻪ ﻭﺷﺒﺢ ﺍﻟﻘﺪﺍﻡ ﻭﻭﺻﻞ ﻓﻲ ﺍﻛﺮﻡ ﻭﺍﻟﻀﺎﺑﻂ ..
ﻗﻌﺪ ﻳﺘﻜﻠﻢ ﺷﻮﻳﻪ ﺑﻌﺪﻳﻦ ﻧﺎﺽ ﺍﻛﺮﻡ ﻭﺧﻼﻩ ﻳﻘﻌﻤﺰ ﻣﻜﺎﻧﻪ ﻭﻗﻌﺪ ﻳﺪﻭﻱ ﻣﻊ ﺍﻟﻀﺎﺑﻂ ﻭﺍﻛﺮﻡ ﺍﻧﺴﺤﺐ ﻭﺟﻲ ﻟﻜﻤﺎﻝ ..
ﻛﻤﺎﻝ : ﻣﻨﻮ ﻫﺎﺩﺍ؟
ﺍﻛﺮﻡ : ﻫﺎﻣﺎﻥ ..
ﻛﻤﺎﻝ ﺷﺒﺢ ﻷﻛﺮﻡ ..
ﺍﻛﺮﻡ ﻛﻤﻞ : ﺍﻭ ﻫﺎﺭﻭﻥ ﻋﻄﻴﻪ ﺫﺭﺍﻉ ﺭﺿﻮﺍﻥ ﺍﻟﻴﻤﻴﻦ ..
ﻛﻤﺎﻝ ﺍﻧﺼﺪﻡ .. ﻭﺍﺫﻛﺮ ﻛﻼﻡ ﻗﺮﺍﻩ ﺑﺨﺼﻮﺻﻪ ﻣﻦ ﻣﺬﻛﺮﺍﺕ ﺃﻡ ﻧﻮﺭﺍﻥ ...
>>
( ﻫﺎﺭﻭﻥ ﻋﻄﻴﻪ ﺃﻭ ﺯﻱ ﻣﺎﻫﻮ ﻣﻌﺮﻭﻑ ﻓﻲ ﺍﻟﺴﻮﻕ ﻫﺎﻣﺎﻥ .. ﻫﻚ ﻗﺎﻟﻲ ﻋﻨﻪ ﺳﻔﻴﺎﻥ .. ﻛﺎﻥ ﺫﺭﺍﻋﻪ ﺍﻟﻴﻤﻴﻦ ﻭﺳﻔﻴﺎﻥ ﻛﺎﻥ ﻭﺍﺛﻖ ﻓﻴﻪ ﻭﺍﺟﺪ .. ﺷﻔﺘﻪ ﻣﺮﺓ ﻭﺣﺪﻩ ﺑﺲ .. ﻭﻛﺎﻧﺖ ﻫﺎﻟﻤﺮﺓ ﻛﻔﻴﻠﻪ ﺍﻧﻬﺎ ﺗﻌﻄﻴﻨﻲ ﻋﻨﻪ ﺍﻧﻄﺒﺎﻉ ﻣﺶ ﻛﻮﻳﺲ .. ﻣﺎﺃﺭﺗﺤﺘﻼﺵ ﺑﺘﺎﺗﺎ ... ﻭﻟﻤﺎ ﺯﺩﺕ ﺳﺄﻟﺖ ﺳﻔﻴﺎﻥ ﻋﻨﻪ .. ﺑﺶ ﻳﺨﻠﺺ ﻣﻦ ﺇﻟﺤﺎﺣﻲ .. ﻗﺎﻟﻲ ﺍﻧﻪ ﻛﺎﻥ ﻣﺤﺒﻮﺱ ﻓﻲ ﻗﻀﻴﻪ ﺳﺮﻗﻪ .. ﻭﺳﻔﻴﺎﻥ ﺳﺎﻋﺪﻩ ﻭﻭﻗﻒ ﻣﻌﺎﻩ ﻹﻧﻪ ﻳﻌﺮﻑ ﺑﺎﺗﻪ ... ﻭﺷﻐﻠﻪ ﻣﻌﺎﻩ ﺑﺶ ﻣﻌﺶ ﻳﺮﺗﻜﺐ ﺍﻋﻤﺎﻝ ﻏﻴﺮ ﻗﺎﻧﻮﻧﻴﻪ <<(...
ﻛﻤﺎﻝ " ﻫﺎﺩﺍ ﻛﺎﻥ ﺩﺭﺍﻉ ﺑﻮﻧﻮﺭﺍﻥ ﺍﻟﻴﻤﻴﻦ ﻭﺗﻮﺍ ﺫﺭﺍﻉ ﺭﺿﻮﺍﻥ . ﺍﻟﻴﻤﻴﻦ .."!!!
ﺗﻠﻔﺘﻠﻪ ﻭﻗﻌﺪ ﻳﺸﺒﺤﻠﻪ ﻫﻠﺒﻪ ..
ﻫﺎﻣﺎﻥ ﻛﻤﻞ ﻛﻼﻡ ﻣﻊ ﺍﻟﻀﺎﺑﻂ ﻭﻧﺎﺽ .. ﺗﻠﻔﺖ ﻻﻛﺮﻡ ﺑﺲ ﻋﻴﻨﻪ ﺟﺖ ﻓﻌﻴﻦ ﻛﻤﺎﻝ ﻛﻤﺎﻝ ﻏﻴﺮ ﻋﻴﻮﻧﻪ ..
ﻫﺎﻣﺎﻥ ﺍﺷﺮ ﻷﻛﺮﻡ ﻳﺠﻴﻪ ﻭﻫﻮ ﻳﺸﺒﺢ ﻟﻜﻤﺎﻝ ...
ﻫﺎﻣﺎﻥ : ﺍﻱ ﺣﺎﺟﻪ ﺗﺼﻴﺮ ﺑﻠﻐﻨﻲ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ..
ﻫﺎﻣﺎﻥ : ﻫﻀﺎ ﺍﻟﺪﻛﺘﻮﺭ ﺍﺍﻟﻲ ﻓﺎﻗﺪ ﺫﺍﻛﺮﺗﻪ ..
ﺍﻛﺮﻡ ﺷﺒﺢ ﻟﻜﻤﺎﻝ : ﺍﻫﺎ .. ﻫﻮ ﺍﻟﻠﻲ ﺩﺍﺭ ﺍﻟﻌﻤﻠﻴﻪ ..
ﻫﺎﻣﺎﻥ ﻫﺰ ﺭﺍﺳﻪ ﺑﺈﻳﺠﺎﺏ : ﺍﻫﺎ ... ﺗﻤﺎﻡ ... ﻛﻴﻒ ﻣﺎﻓﻬﻤﺘﻚ ..
ﺍﻛﺮﻡ : ﺗﻤﺎﻡ ..
ﻫﺎﻣﺎﻥ ﻣﺸﻲ ﻭﻓﺎﺕ ﻣﻦ ﺣﺪﺍ ﻛﻤﺎﻝ ﻭﻗﺎﻝ : ﺍﻟﺴﻼﻡ ﻋﻠﻴﻜﻢ ..
ﻛﻤﺎﻝ ﻭﻫﻮ ﻳﺸﺒﺤﻠﻪ ﺑﺤﺪﻩ : ﻭﻋﻠﻴﻜﻢ ﺍﻟﺴﻼﻡ .. ﻭﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﺍﺧﺘﻔﻮﺍ ﻫﺎﻣﺎﻥ ﻭﺭﺟﺎﻟﻪ ..
🍁 ﻓﺎﺕ ﺑﺎﻗﻲ ﺍﻟﻴﻮﻡ ﻋﺎﺩﻱ ﻟﻌﻨﺪ ﺍﻟﻠﻴﻞ ﺍﻟﻤﻄﺮ ﺧﺎﻟﻔﺖ ﺍﻟﺘﻮﻗﻌﺎﺕ ﻭﺻﺒﺖ ﻫﺪﻳﻜﺎ ﺍﻟﻠﻴﻠﻪ ﺑﻘﻮﺓ ...
ﻧﻮﺭﺍﻥ ﻛﺎﻧﺖ ﺭﺍﻗﺪﻩ ﻓﻲ ﺳﺮﻳﺮﻫﺎ ﻭﺗﺴﻤﻊ ﻓﻴﻬﺎ ﻛﺎﻧﺖ ﻣﺨﻨﻮﻗﻪ .. ﺧﺪﺕ ﺗﻠﻴﻔﻮﻧﻬﺎ ﻭﺣﻄﺖ ﻉ ﺭﻗﻤﻪ ﻭﺍﺗﺼﻠﺖ .. ﻧﺎﺩﻯ ﻣﺮﺗﻴﻦ ﺭﺩ ..
ﻧﻮﺭﺍﻥ ﺑﺼﻮﺕ ﺗﻌﺒﺎﻥ : ﺁﺍﺍﻟﻮ ..
ﻛﻤﺎﻝ ﺧﺎﻑ : ﺧﻴﺮﻙ ﺻﺒﻴﺤﻪ؟ !!
ﻧﻮﺭﺍﻥ ﺍﺑﺘﺴﻤﺖ : ﺷﻲ ... ﻋﺎﺩﻱ .. ﻛﻨﺖ ﺭﺍﻗﺪﻩ ..
ﻛﻤﺎﻝ : ﻣﺘﺄﻛﺪﻩ؟ !!
ﻧﻮﺭﺍﻥ : ﻭﺍﻟﻠﻪ ..
ﻛﻤﺎﻝ : ﺍﻃﻤﻨﻲ ﻋﻤﻚ ﻛﻮﻳﺲ ..
ﻧﻮﺭﺍﻥ : ﻋﺎﺭﻓﻪ ... ﺑﺲ ﺣﺎﺳﻪ ﺭﻭﺣﻲ ﻣﺨﻨﻮﻗﻪ ﻗﻠﺖ ﻧﺮﻥ ﻋﻠﻴﻚ .. ﻟﻮ ﻛﻨﺖ ﻓﺎﺿﻲ ﻃﺒﻌﺎ ..
ﻛﻤﺎﻝ ﺍﺑﺘﺴﻢ : ﻛﺎﻥ ﻣﺶ ﻓﺎﺿﻲ ﻧﻔﻀﺎﻟﻚ ..
ﻧﻮﺭﺍﻥ ﻏﻤﻀﺖ ﻋﻴﻮﻧﻬﺎ ﻭﺳﻜﺘﺖ ..
ﻛﻤﺎﻝ : ﺁﻟﻮ .. ﺻﺒﺢ ..
ﻧﻮﺭﺍﻥ ﻓﺘﺤﺖ ﻋﻴﻮﻧﻬﺎ : ﺍﻟﻴﻮﻡ ﺣﺴﻴﺖ ﺭﻭﺣﻲ ﻭﻛﺄﻧﻲ ﻛﻨﺖ ﺣﻨﻔﻘﺪ ﺑﺎﺗﻲ ﻣﻦ ﺟﺪﻳﺪ .. ﻣﺶ ﻋﺎﺭﻓﻪ ﻟﻴﺶ ﺣﺴﻴﺖ ﺭﻭﺣﻲ ﺗﻮﺣﺸﺘﻪ ﻭﺍﺟﺪ ﻭﺍﺟﺪ ... ﻣﻼﻣﺤﻪ ﻳﺎﺭﻳﺖ ﺣﻘﻴﺘﻬﻦ ﻉ ﺍﻟﻄﺒﻴﻌﻪ ﻳﺎﺭﻳﺘﻨﻲ ﻛﺒﺮﺕ ﺑﻴﻦ ﺍﻳﺪﻳﻪ .. ﻳﺎﺭﻳﺘﻨﻲ ﺍﺩﻟﻠﺖ ﻋﻠﻴﻪ ﻭﻟﻴﺖ ﺩﻟﻌﻮﺗﻪ .. ﻭﻗﺘﻠﻪ ﺑﺎﺗﻲ .. ﻭﻻﺑﺎﺑﺎ ﺍﻟﻤﻬﻢ ﻧﻘﻮﻟﻬﺎ ﻭﻧﺤﺴﻬﺎ ﻣﻌﺎﻩ ﻫﻮ ... ﺍﺍﺍﺍﻩ ﻳﺎﻛﻤﺎﻝ ﻟﻮ ﻳﺨﻴﺮﻭﻧﻲ ﺑﻴﻦ ﻋﻤﺮﻱ ﻭﻟﺤﻈﻪ ﻣﻌﺎﻩ ﻧﺤﻀﻨﻪ ﻓﻴﻬﺎ ﻭﻧﻘﻮﻟﻪ ﺑﺎﺑﺎ .. ﺑﺎﺗﻲ ... ﻭﺍﻟﻠﻪ ﻛﻨﺖ ﺍﺧﺘﺮﺕ ﻫﺎﻟﻠﺤﻈﻪ ..
ﺧﻴﻴﻴﻴﻴﻴﻲ ﻗﺪﻳﺶ ﻣﺮﺓ ﻃﻌﻤﺔ ﺍﻟﻔﺮﺍﻕ .. ﻓﺮﺍﻕ ﺍﻏﻠﻰ ﺍﺗﻨﻴﻦ ﻓﻲ . ﻫﺎﻟﺪﻧﻴﺎ ﺑﺎﺗﻲ ﻭﺍﻣﻲ ... ﻗﻌﺪﺕ ﺗﺮﺷﻒ ... ﻛﻤﺎﻝ ﺍﻧﺎ ﺗﻌﺒﺎﻧﻪ ﻭﺍﺟﺪ ﺑﺎﻟﺤﻴﻞ ﻳﺎﻛﻤﺎﻝ ... ﻭﺻﻜﺮﺕ ﻋﻠﻴﻪ ﻭﺣﻄﺖ ﺍﻳﺪﻫﺎ ﻉ ﻓﻤﻬﺎ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ ...
ﻭﺣﻮﺍﻟﻴﻬﺎ .. ﺍﻟﻜﺎﻣﺪﻳﻨﺎ ﺍﻟﻠﻲ ﻉ ﻳﻤﻴﻨﻬﺎ ﺻﻮﺭﺓ ﺍﻣﻬﺎ ﻭﻉ ﻳﺴﺎﺭﻫﺎ ﺑﻮﻫﺎ .. ﻣﺎﻗﻌﺪﺵ ﻣﻨﻬﻢ ﺇﻻ ﺍﻟﺼﻮﺭ .. ﻣﺎﺭﺗﺶ ﻣﻨﻬﻢ ﺇﻻ ﺍﻟﺼﻮﺭ .. ﻟﻤﺎ ﻣﺎﺗﻮﺍ ﻛﺎﻥ ﻋﻤﺮﻫﺎ 3 ﺳﻨﻴﻦ ... ﻣﺎﺣﺴﺖ ﺑﺸﻲ ﻣﻦ ﺣﻨﺎﻧﻬﻢ ﻋﻄﻔﻬﻢ ﺣﺒﻬﻢ ﺭﻋﺎﻳﺘﻬﻢ ﺩﻻﻟﻬﻢ ..
ﺑﺲ ﻣﻊ ﻫﺬﺍ ﺟﺖ ﻋﺒﺎﺭﺓ ﻋﻦ ﻛﺘﻠﻪ ﻣﻦ ﺍﻟﺤﻨﺎﻥ ﻭﺍﻟﻄﻴﺒﻪ ﻭﺍﻟﺤﺐ ..
ﺗﻌﻄﻲ ﻭﻋﻤﺮﻫﺎ ﻣﺎﻓﻜﺮﺕ ﺗﺎﺧﺪ ..
ﺍﻛﺒﺮ ﻛﺬﺍﺏ ﺍﻟﻠﻲ ﻗﺎﻝ ..
" ﻓﺎﻗﺪ ﺍﻟﺸﻲ ﻻﻳﻌﻄﻴﻪ ..." ﺑﻞ ﻳﻌﻄﻴﻪ ﺑﻘﻮﺓ ...
ﺍﻟﻤﻄﺮ ﻭﻗﻔﺖ ﻭﺩﻣﻮﻋﻬﺎ ﻣﺎﺯﺍﻟﺖ ﺗﻨﺰﻝ ...
ﻓﺠﺎﺓ ﺳﻤﻌﺖ ...
" ﺑﺲ .. ﺑﺴﺒﺴﺒﺲ .. ﺑﺲ .."
ﻧﺎﺿﺖ ﻭﻫﻲ ﻣﺴﺘﻐﺮﺑﻪ ... ﻗﺮﺑﺖ ﻣﻦ ﺍﻟﺮﻭﺷﻦ ﻭﻓﺘﺤﺎﺗﻪ ﻟﻘﺎﺗﻪ ﻭﺍﻗﻒ ﻗﺪﺍﻣﻬﺎ ﻓﻲ ﺍﻟﺮﻭﺷﻦ ﻣﺘﺎﻋﻪ ..
ﻛﻤﺎﻝ ﺍﺑﺘﺴﻢ : ﻃﻞ ﺍﻟﺼﺒﺢ ﻓﻲ ﻋﺰ ﺍﻟﻠﻴﻞ ...
ﻧﻮﺭﺍﻥ ﺿﺤﻜﺖ ...
ﻛﻤﺎﻝ : ﺣﻠﻮﺓ ﺍﻟﻀﺤﻜﻪ ﺍﻟﻠﻲ ﻣﻦ ﺑﻴﻦ ﺍﻟﺪﻣﻮﻉ ... ﻭﻛﺎﻧﻬﺎ ﺗﻘﻮﻝ ﻓﻲ ﻛﻞ ﺷﺪﺓ ﻓﻴﻪ ﺭﺣﻤﻪ .. ﻭﻓﻜﻞ ﺣﺰﻥ ﻣﺪﺳﻮﺳﻪ ﻓﺮﺣﻪ ..
ﻧﻮﺭﺍﻥ : ﻣﻨﻴﻦ ﺗﺠﻴﺐ ﻓﻬﺎﻟﻜﻼﻡ ﺑﺲ ..
ﻛﻤﺎﻝ ﺍﺷﺮ ﻉ ﻗﻠﺒﻪ ﻭﻗﺎﻝ ﺑﺎﻟﺸﺮﻗﺎﻭﻱ : ﻣﻦ ﻫﻨﺎ ..
ﻧﻮﺭﺍﻥ ﺍﺑﺘﺴﻤﺖ ..
ﻛﻤﺎﻝ : ﺻﺒﺢ ... ﺣﻴﺠﻴﻚ ﻳﻮﻡ ﻭﺗﺠﺘﻤﻌﻲ ﺑﻴﻬﻢ ﻳﻮﻡ ﻣﺎﻻﺵ ﺍﺧﺮ ﻟﻘﺎﺀ ﻣﺎﻻﺵ ﻧﻬﺎﻳﻪ .. ﻣﺎﻓﻴﺸﻲ ﻓﺮﺍﻕ ﻧﻬﺎﺋﻲ ... ﺍﺻﺒﺮﻱ ﻭﺍﺳﺘﻨﻲ ﺯﻱ ﻣﺎﻫﻤﺎ ﻗﺎﻋﺪﻳﻦ ﻳﺴﺘﻨﻮﺍ ... ﻛﻞ ﺷﻲ ﺗﻤﻨﻴﺘﻲ ﺗﻌﻴﺸﻴﻪ ﻣﻌﺎﻫﻢ ﺣﺘﻌﺸﻴﻪ ﻓﻴﻮﻡ ﻭﺍﺣﻠﻰ ﻣﻤﺎﺗﻤﻨﻴﺘﻲ ﻭﺗﻮﻗﻌﺘﻲ ..
ﻧﻮﺭﺍﻥ : ﻳﺎﺍﺍﺍﺍﺭﺏ .. ﺷﺒﺤﺘﻠﻪ .. ﻭﻳﺠﻤﻌﻚ ﺣﺘﻰ ﺍﻧﺖ ﺑﻨﺎﺳﻚ ﻭﻫﻠﻚ .... ﻭ ... ﺧﻄﻴﺒﺘﻚ ..
ﻛﻤﺎﻝ ﻟﻤﺎ ﻗﺎﻟﺖ ﺧﻄﻴﺒﺘﻚ .. ﻣﺎﺣﺲ ﺑﺸﻲ ﺑﺶ ﺍﺫﻛﺮ ﺣﻜﺎﻳﺔ ﺍﻟﺤﺠﺮ ﻳﺒﻲ ﻳﺴﺄﻟﻬﺎ ﻋﻠﻴﻬﺎ ﺑﺲ ﺷﺎﻳﻒ ﺍﻟﻮﻗﺖ ﻣﺶ ﻣﻨﺎﺳﺐ ...
ﻧﻮﺭﺍﻥ ﻋﻄﺴﺖ : ﺍﻟﺤﻤﺪ ﻟﻠﻪ
ﻛﻤﺎﻝ : ﻳﺮﺣﻤﻜﻢ ﺍﻟﻠﻪ ..
ﻧﻮﺭﺍﻥ : ﻫﺪﺍﻛﻢ ﻭﺍﺻﻠﺢ ﺑﺎﻟﻜﻢ ..
ﻛﻤﺎﻝ : ﺧﻼﺹ ﺧﺸﻲ ..
ﻧﻮﺭﺍﻥ ﻗﻌﺪﺕ ﺗﺸﻮﻓﻠﻪ ..
ﻛﻤﺎﻝ ﺑﺄﺑﺘﺴﺎﻣﻪ : ﺧﻴﺮﻙ ..
ﻧﻮﺭﺍﻥ : ﺍﺣﻤﻢ .. ﻣﺎﻧﺒﻴﺶ ﻧﺨﺶ ..
ﻛﻤﺎﻝ ﺿﺤﻚ : ﺻﻘﻊ ..
ﻧﻮﺭﺍﻥ : ﻧﻠﺒﺲ ﺍﻟﺒﺎﻟﻄﻮ ..
ﻛﻤﺎﻝ ﺷﺒﺤﻠﻬﺎ ﻫﻠﺒﻪ ﺑﻌﺪﻳﻦ ﺍﺑﺘﺴﻢ : ﺗﻤﺎﻡ ...
ﻧﻮﺭﺍﻥ ﺿﺤﻜﺖ ﻭﻣﺸﺖ ﺧﺪﺕ ﺑﺎﻟﻄﻮﺍ ﺗﻘﻴﻞ ﻭﻟﺒﺴﺎﺗﻪ ﻭﺟﺖ ﻭﻗﻔﺖ ﻉ ﺍﻟﺮﻭﺷﻦ ﻭﻫﻲ ﻣﺮﺑﻌﻪ ﺍﻳﺪﻳﻬﺎ .. ﻟﻘﺎﺗﻪ ﻻﺑﺲ ﻛﺒﻮﻁ ﻭﺣﻂ ﺑﺮﻧﻮﺳﻪ ﻉ ﺭﺍﺳﻪ ﻭﺍﻳﺪﻳﻪ ﻓﺠﻴﻮﺑﻪ ..
ﺿﺤﻜﻮﺍ ﺍﻟﺰﻭﺯ ..
ﺑﻌﺪﻳﻦ . ﻗﻌﺪﻭﺍ ﻳﻬﺪﺭﺯﻭﺍ ﻭﻳﻀﺤﻜﻮﺍ ﻣﺮﺓ ﻣﺮﺓ ..
ﻭﻻﻣﺪﺍﻳﺮﻳﻦ ﺍﻋﺘﺒﺎﺭ .. ﻻﻟﺴﻜﻮﻥ ﺍﻟﻠﻴﻞ ... ﻭﻻ ﻟﺮﻳﺤﻪ ﺍﻟﻤﺼﻘﻌﻪ ...
ﺩﻑﺀ ﺍﻟﻠﺤﻈﻪ ﺍﻟﻠﻲ ﻫﻤﺎ ﻓﻴﻬﺎ ﻓﺎﺻﻠﻬﻢ ﻋﻦ ﺍﻟﻌﺎﻟﻢ ..
ﻭﺳﺎﺭﺓ ﻛﺎﻧﺖ ﺗﺴﻤﻊ ﻓﻴﻬﻢ ﻭﻣﺒﺘﺴﻤﻪ .. ﻧﺎﺿﺖ ﻣﻦ ﺣﺪﺍ ﺍﻟﺮﻭﺷﻦ ﻭﻗﺪﻣﺖ ﺟﻬﺔ ﺍﻟﺼﻮﺭ ﺍﻟﻠﻲ ﻣﻌﻠﻘﺘﻬﻢ ﻭﻭﻗﻔﺖ ﻗﺪﺍﻡ ﺻﻮﺭﺓ ﺍﻛﺮﻡ ..
ﺳﻼﻑ : ﺭﺑﻲ ﻳﺒﻌﺪﻙ ﻋﻨﻬﻢ ... ﻭﻳﻘﺮﺑﻚ ﻟﻴﺎ 💓
... ﻳﺘﺒﻊ
