#مشاعر
ﺍﻟﺠﺰﺀ ﺍﻟﺜﺎﻣﻦ ﻋﺸﺮ 💖
للكاتبة GomanFared
ﻭﺻﻠﻮﺍ ﻟﻠﻤﻜﺎﻥ ﻭﺧﺸﻮﺍ ﻟﻠﻤﺴﺮﺡ ﻭﻣﺸﻮﺍ ﻃﻮﻝ ﻟﻸﻣﺎﻛﻦ ﺍﻟﻤﺤﺠﻮﺯﺓ ﻟﻴﻬﻢ ... ﻛﺎﻧﻮﺍ ﻛﺎﻟﺘﺎﻟﻲ ...
ﻣﻦ ﺍﻟﻴﻤﻴﻦ ﻟﻠﻴﺴﺎﺭ ..
ﺷﻬﺎﺏ .. ﻛﻤﺎﻝ .. ﺭﺿﻮﺍﻥ .. ﻧﻮﺭﺍﻥ .. ﺳﺎﺭﻩ .. ﻧﺒﻮﻳﻪ ..
ﺍﻣﺎ ﺍﻛﺮﻡ ﻛﺎﻥ ﻭﺍﻗﻒ ﺣﺪﺍ ﺍﻟﺴﺘﻴﺞ ﻣﻦ ﺩﺍﺧﻞ .. ﺑﺶ ﻟﻤﺎ ﺗﺮﻛﺐ ﻟﻠﻤﺴﺮﺡ ﻭﺗﻄﻠﻊ ﻣﻨﻪ ﻫﻮ ﻳﻜﻮﻥ ﻣﻌﺎﻫﺎ ..
ﻃﺒﻌﺎ ﻫﻲ ﻛﺎﻧﻮﺍ ﻳﺠﻬﺰﻭﺍ ﻓﻴﻬﺎ ﺑﺘﺸﻴﻚ ﺑﺴﻴﻂ ﻉ ﻣﻜﻴﺎﺟﻬﺎ ﻭﻫﻴﺌﻴﺘﻬﺎ ..
ﺷﻮﻳﻪ ﺧﺸﺖ ﻭﻛﺎﻥ ﺟﺎﻳﺒﻬﺎ ﺍﻟﻤﺴﺆﻭﻝ ﻋﻠﺤﻔﻞ ﺷﺪﻫﺎ ﻣﻦ ﻳﺪ ﻭﻟﻤﺎ ﺟﺖ ﺑﺘﺮﻛﺐ ﺷﺪﻫﺎ ﺍﻛﺮﻡ ﻣﻦ ﻳﺪﻫﺎ ﺍﻟﺘﺎﻧﻴﻪ .. ﻭﻫﺎﻟﻠﺤﻈﻪ ﺑﺎﻟﻨﺴﺒﻪ ﻟﻴﻬﺎ ﺑﻜﻞ ﺷﻲ .. ﺣﺘﻰ ﻟﻮ ﻛﺎﻧﺖ ﻣﻦ ﻃﺮﻓﻬﺎ ﻫﻲ ﺑﺲ ... ﺧﺸﺖ ﻟﻠﺴﺘﻴﺞ ﻭﺍﻟﻔﺮﻗﻪ ﻭﺭﺍﻫﺎ .. ﻭﺍﻟﻨﺎﺱ ﺗﺼﻔﻖ ﺑﺤﺮﺍﺭﺓ ﻭﻳﺼﻔﺮﻭﺍ .. ﻭﻫﻲ ﺗﺤﻴﻲ ﻓﻴﻬﻢ ..
ﺷﻮﻳﻪ ﻭﺑﺪﺕ ﺍﻟﻔﺮﻗﻪ ﺗﻌﺰﻑ ﻷﻭﻝ ﺃﻏﻨﻴﻪ ... ﻭﻫﻲ ﺑﺪﺕ ﺍﻟﻐﻨﺎﺀ ..
ﺍﻟﻜﻞ ﻛﺎﻥ ﻣﻨﺴﺠﻢ ﻣﻌﺎﻫﺎ .. ﺣﺘﻰ ﺳﺎﺭﻩ ﺍﻟﻠﻲ ﺗﺘﺤﺴﺲ ﻣﻨﻬﺎ ﻭﺍﻟﺴﺒﺐ ﻣﻌﺮﻭﻑ ..
ﺍﻛﺮﻡ ﻛﺎﻥ ﻳﺴﻤﻊ ﻓﻲ ﺻﻮﺗﻬﺎ ... ﻭﻋﻴﻮﻧﻪ ﻟﻮﻃﺎ ﺻﻮﺗﻬﺎ ﺣﻠﻮ ﻳﺤﺒﻪ ﺑﺲ ﻣﺸﺎﻋﺮﻩ ﺍﺗﺠﺎﻫﻬﺎ ﻣﺎﺗﺖ ﺗﻤﺎﻣﺎ ... ﻣﻌﺎﺵ ﻳﺤﺲ ﺑﺄﻱ ﺷﻲ ..
ﻉ ﻋﻜﺴﻬﺎ ﺍﻟﻠﻲ ﻣﺸﺎﻋﺮﻫﺎ ﻛﻞ ﻳﻮﻡ ﺗﺘﺤﺮﻛﻠﻪ ﺑﺸﻜﻞ ﺍﻗﻮﻯ ﻣﻦ ﺍﻟﻠﻲ ﻗﺒﻠﻪ ﻭﺍﻏﻠﺐ ﺍﻏﺎﻧﻴﻬﺎ ﻟﻴﻪ ﻫﻮ ﻭﻛﺎﻧﺖ ﺗﻐﻨﻲ ﻓﻴﻬﺎ ﻣﻦ ﻭﺳﻂ ﻗﻠﺒﻬﺎ ..
ﺍﻏﺎﻧﻴﻬﺎ ﻧﻮﻋﻬﻢ ﻫﺎﺩﻱ ﺣﺰﻳﻦ ﻭﺗﺘﻜﻠﻢ ﻋﻦ ﺍﻟﺸﻮﻕ ﻭﺍﻟﻔﺮﺍﻕ .. ﻭﻧﻮﺭﺍﻥ ﺗﺴﻤﻌﻠﻬﺎ ﺑﻌﻴﻮﻥ ﻣﻌﺒﻴﻪ ﺩﻣﻮﻉ .. ﻗﺒﻞ ﺍﻏﺎﻧﻴﻬﺎ ﺗﺘﺎﺛﺮ ﻣﻌﺎﻫﻢ ﺑﺲ ﻋﺎﺩﻱ ﻳﻌﻨﻲ ... ﺯﻳﻬﺎ ﺯﻱ ﺍﻱ ﺣﺪ ﺗﺄﺛﺮ ﻓﻴﻪ ﺍﻷﻏﺎﻧﻲ ﺍﻟﻠﻲ ﻣﻦ ﻫﺎﻟﻨﻮﻉ ..
ﺑﺲ ﺗﻮﺍ ﻏﻴﺮ .. ﻗﻠﺒﻬﺎ ﻛﺎﻥ ﻳﻨﻘﺒﺾ ﻭﺗﺤﺲ ﺍﻥ ﺍﻷﻏﺎﻧﻲ ﺣﺘﺤﻜﻲ ﻋﻦ ﺣﺎﻟﻬﺎ ﻳﻮﻡ ﻣﻦ ﺍﻷﻳﺎﻡ ﻭﺣﺘﺤﺲ ﻣﻌﺎﻧﻴﻬﺎ .. ﻛﺎﻧﺖ ﺗﺸﺒﺢ ﻟﺮﻳﻬﺎﻡ ﺑﺲ ..
ﻧﺘﺨﻄﻮﺍ ﺭﺿﻮﺍﻥ ﻭﻧﻤﺸﻮﻟﻪ ... ﻛﻤﺎﻝ ..💓
ﻫﺎﻟﻤﺮﺓ ﺍﺑﺪﺍ ﻣﺎﻛﺎﻧﺶ ﻣﺸﺪﻭﺩ ﻟﻸﻏﺎﻧﻲ ﻭﻟﻠﺤﻔﻠﻪ ﺑﻜﺒﺮﻫﺎ ... ﻛﺎﻥ ﻣﺸﺪﻭﺩ ﻟﺸﻲ ﺗﺎﻧﻲ .. ﺗﻠﻘﺎﺋﻴﺎ ﻛﺎﻥ ﻳﺸﺒﺢ ﺟﻨﺒﻪ ﻭﻳﺴﺮﻗﻠﻬﺎ ﻓﻲ ﺍﻟﻨﻈﺮ .. ﺍﻧﺸﺪﻟﻬﺎ .. ﻛﺎﻥ ﻓﻲ ﺷﻌﻮﺭ ﻣﺨﺘﻠﻒ ﺗﻤﺎﻣﺎ ﺗﺠﺎﻫﻬﺎ ... ﻫﻮ ﺷﺎﻑ ﺟﻤﺎﻟﻬﺎ ﺍﻟﺪﺍﺧﻠﻲ ﻭﺍﻧﺠﺪﺑﻠﻪ ﻫﻠﺒﻪ .. ﺑﺲ ﺗﻮﺍ ﻗﺎﻋﺪ ﻳﺸﻮﻑ ﻓﻲ ﺍﻟﺠﻤﺎﻝ ﺍﻟﺨﺎﺭﺟﻲ .. ﺍﻟﻠﻲ ﻛﻤﻠﻬﺎ ﻓﻌﻴﻮﻧﻪ ..
ﻫﻲ ﻣﺎﻛﺎﻧﺘﺶ ﺣﺎﺳﻪ ﻭﻻﻣﺮﻛﺰﺓ ﻧﻬﺎﺋﻲ .. ﻣﺴﻜﻴﻨﻪ ﻣﻦ ﻭﻳﻦ ﺑﻴﺨﻄﺮ ﻉ ﺑﺎﻟﻬﺎ ﺍﻧﻬﺎ ﻋﺠﺒﺎﺗﻪ ﻟﻬﺎﻟﺤﺪ .. ﺍﻟﻠﻲ ﻳﺨﻠﻴﻪ ﺭﻏﻢ ﻋﻨﻪ ﻳﺸﻮﻓﻠﻬﺎ ﻭﻣﺶ ﻣﻬﺘﻢ ﺑﺘﺎﺗﺎ ﻟﻌﻤﻬﺎ ﺍﻟﻠﻲ ﻣﻘﻌﻤﺰ ﺑﻴﻨﺎﺗﻬﻢ ..
ﺍﺳﺎﺳﺎ ﻋﻤﻬﺎ ﻫﺎﻳﻢ ﻓﻲ ﻣﺮﺗﻪ ﻣﺶ ﻓﺎﺿﻠﻴﻬﻢ ..😁
***
ﻓﻲ ﺍﺣﺪ ﺍﻟﺪﻭﻝ ﺍﻷﻭﺭﻭﺑﻴﻪ ...
ﻣﻘﻌﻤﺰﻳﻦ ﻓﻲ ﻣﻄﻌﻢ ..
ﻣﻨﻴﺮ ﺑﺄﺑﺘﺴﺎﻣﻪ : ﺣﺘﻰ ﺍﻧﻲ ﻧﻔﻀﻞ ﻫﻜﻲ ..
ﻛﻨﺎﻧﻪ : ﻋﻼﺵ ﺍﻧﺖ ﻧﺎﻭﻱ ﺗﻘﻌﺪ؟ !
ﻣﻨﻴﺮ ﺍﺭﺗﺒﻚ ﻣﻦ ﺳﺆﺍﻟﻬﺎ : ﻳﻌﻨﻲ ﺣﺘﻘﻌﺪﻭﺍ ﺑﺮﻭﺣﻜﻢ ﻫﻨﻲ ﻧﺴﺎﻭﻳﻦ ﺑﺮﻭﺣﻬﻢ ..
ﻛﻨﺎﻧﻪ : ﻣﺎﻓﻴﺶ ﻣﺸﻜﻠﻪ ﻓﻠﻮﺳﻨﺎ ﻭﻋﻨﺪﻧﺎ ﻭﻣﻜﺎﻥ ﺳﻜﻦ ﻭﺩﺑﺮﺗﻪ .. ﻭﺍﻟﺸﻐﻞ ﻭﻣﻮﺟﻮﺩ .. ﻣﺎﻓﻴﺶ ﻋﻠﻴﻨﺎ ﺧﻮﻑ .. ﺑﻼﺩ ﺁﻣﻨﻪ ﺗﻤﺎﻣﺎ ﻭﺍﻟﻘﺎﻧﻮﻥ ﻓﻴﻬﺎ ﻓﻮﻕ ﻛﻞ ﺷﻲ ... ﺍﻃﻤﻦ ..
ﻣﻨﻴﺮ ﺍﺿﺎﻳﻖ ﻉ ﺍﻵﺧﺮ ﺑﺮﻏﻢ ﻛﻞ ﺍﻟﻠﻲ ﺩﺍﺭﻩ ﻉ ﺧﺎﻃﺮﻫﺎ ﻣﺎﻗﺪﺭﺵ ﻳﻘﺮﺏ ﻣﻦ ﻗﻠﺒﻬﺎ ﻭﻟﻮ ﺧﻄﻮﺓ ﻭﺣﺪﻩ .. ﺣﺘﻰ ﻛﻼﻣﻬﺎ ﻣﻌﺎﻩ ﺟﺪﻱ ﻭﺑﻨﺒﺮﺓ ﺣﺎﺩﺓ ﺑﻌﺾ ﺍﻟﺸﻲ ..
ﻛﻨﺎﻧﻪ : ﺍﻧﺖ ﻛﻔﻴﺖ ﻭﻭﻓﻴﺖ ﻣﻌﺮﻭﻓﻚ ﻣﺴﺘﺤﻴﻞ ﻧﻨﺴﺎﻩ ﺑﺲ ﺗﻮﺍ ﺧﻼﺹ ﺍﺭﺟﻊ ﻟﻌﻴﻠﺘﻚ ﻭﻣﺼﺎﻟﺤﻚ ﺳﺎﺩ ﻣﺎﻏﺒﺖ ﻋﻨﻬﻢ ..
ﻣﻨﻴﺮ ﺍﺑﺘﺴﻢ ﺑﻀﻴﻖ : ﺍﺣﻤﻢ ... ﺗﻤﺎﻡ .. ﻛﺎﻥ ﺍﻧﺘﻲ ﺗﺒﻲ ﻫﻜﻲ ﺑﺎﻫﻲ ﻟﻜﻦ ﺣﻨﻘﻌﺪ ﻧﺰﻭﺭﻛﻢ ﺑﻴﻦ ﻓﺘﺮﻩ ﻭﺍﻟﺘﺎﻧﻴﻪ ..
ﻛﻨﺎﻧﻪ ﺍﺑﺘﺴﻤﺖ ﻣﺠﺎﻣﻠﻪ : ﻣﺮﺣﺒﺘﻴﻦ ﺑﻴﻚ ...
****
ﺑﻌﺪ ﺳﺎﻋﺘﻴﻦ ﺑﺎﻟﺰﺑﻂ ..
ﺗﻤﺖ ﺍﻟﺤﻔﻠﻪ ...
ﻣﺸﺖ ﺑﺘﻄﻠﻊ ﻣﻦ ﺍﻟﺴﺘﻴﺞ ﺷﺪ ﻳﺪﻫﺎ ﻭﻧﺰﻟﻬﺎ .. ﺷﺒﺤﺘﻠﻪ .
ﺭﻳﻬﺎﻡ : ﺷﻦ ﺭﺍﻳﻚ ..
ﺍﻛﺮﻡ : ﺣﻠﻮ ..
ﺭﻳﻬﺎﻡ ﺍﺑﺘﺴﻤﺖ : ﻣﺎﻳﻬﻤﻨﻴﺶ ﺑﻌﺪ ﺭﺍﻳﻚ ﻭﻻ ﺭﺃﻱ ..
ﺍﻛﺮﻡ ﺗﻨﻬﺪ ﺑﻀﻴﻖ : ﻫﻴﺎ ﻫﻲ ... ﻣﺸﻲ ﻫﻮ ﻭﻳﺎﻫﺎ ﻭﻫﺠﻤﺖ ﻋﻠﻴﻬﺎ ﺍﻟﺼﺤﺎﻓﻪ ﻭﺍﻟﻘﻨﻮﺍﺕ ﻭﺍﻟﻠﻘﺎﺀﺍﺕ ﻭﻫﻲ ﻳﺪﻭﺏ ﺗﻜﻠﻤﺖ ﻣﻊ ﻗﻨﺎﻩ ﻭﺑﻌﺪﻫﺎ ﻃﻠﻌﻬﺎ ﺃﻛﺮﻡ ..
ﻭﻫﻤﺎ ﺑﺮﺍ ..
ﻧﻮﺭﺍﻥ : ﺗﺠﻨﻨﻦ ..
ﺳﺎﺭﻩ : ﺍﻫﺎ ﺍﻏﺎﻧﻴﻬﺎ ﺣﻠﻮﺍﺕ ﻭﺍﺣﺴﺎﺳﻬﺎ ﻋﺎﺍﻟﻲ ..
ﺷﻬﺎﺏ : ﻫﻴﺎ ﻳﺎﺳﻤﺤﺎﺕ ..
" ﻧﻮﺭﺍﻥ ﺑﺘﺮﻭﺡ ﻣﻌﺎﻱ .."
ﺍﻟﺘﻔﺘﻮﻟﻪ ﺑﺼﺪﻣﻪ ...
ﺷﻬﺎﺏ ﺷﺒﺢ ﻟﻨﻮﺭﺍﻥ : ﺷﻦ ﻧﺎﻧﻲ ..
ﻧﻮﺭﺍﻥ ﺗﺸﺒﺢ ﻟﻜﻤﺎﻝ ﻭﻗﻠﺒﻬﺎ ﺑﻴﻄﻠﻊ ﻣﻦ ﺻﺪﺭﻫﺎ 💓 ﻭﻭﺟﻬﻬﺎ ﺍﺣﻤﺮ : ﺑﺎﻫﻲ ..
ﻛﻤﺎﻝ ﺍﺑﺘﺴﻢ : ﺗﻌﺎﻟﻲ ..
ﺳﺎﺭﺓ ﺍﺑﺘﺴﻤﺖ ﻭﻧﺨﺼﺖ ﻧﺒﻮﻳﻪ ﺍﻟﻠﻲ ﻛﺎﻧﺖ ﺗﻀﺤﻚ ..
ﺧﻼﻫﺎ ﺗﻤﺸﻲ ﻗﺪﺍﻣﻪ ﻭﻫﻮ ﻭﺭﺍﻫﺎ ﻓﺘﺤﻠﻬﺎ ﺍﻟﺒﺎﺏ ..
ﻫﻲ ﻛﺎﻧﺖ ﻣﻠﺨﺒﻄﻪ ﻉ ﺍﻵﺧﺮ ﻭﻭﺟﻬﺎ ﻧﺎﺍﺍﺍﺭ ﻣﻦ ﺍﻟﺨﺠﻞ .. ﺭﻛﺒﺖ ..
ﻭﻛﺎﻥ ﻗﻔﻄﺎﻧﻬﺎ ﻃﺎﻟﻊ ﻣﻦ ﺍﻟﺴﻴﺎﺭﺓ ﻃﺒﺲ ﺩﺧﻠﻪ ﻭﻫﻲ ﺗﺸﻮﻓﻠﻪ ﻭﻣﻴﺘﻪ ﻋﻠﻴﻪ ﻣﻮﺕ ﻭﻉ ﺣﺮﻛﺎﺗﻪ 💓
ﻗﺎﻡ ﺭﺍﺳﻪ ﺟﻮﺍ ﻋﻴﻮﻧﻪ ﻓﻌﻴﻮﻧﻬﺎ ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ..
ﻛﻤﺎﻝ " ﺷﻦ ﺻﺎﺭﻟﻲ ﻧﺒﻲ ﻧﻔﻬﻢ ﺧﻴﺮﻧﻲ ﻫﻜﻲ ﻓﺎﻗﺪ ﺍﻟﺴﻴﻄﺮﻩ ﻉ ﺭﻭﺣﻲ .."💓
💙 ﻧﻮﺭﺍﻥ ..
ﺍﻧﺎ ﺣﺴﻴﺘﻪ ﻛﻠﻪ ﺣﻠﻢ ﻭﺣﻨﻮﻋﻰ ﻣﻨﻪ ﻓﻲ ﺃﻱ ﻟﺤﻈﻪ ﻭﺍﻥ ﻣﺎﺯﻟﻨﺎ ﻣﺎﺟﻴﻨﺎ ﻫﻨﺎ ﻭﻣﺎﺯﻟﻨﺎ ﻣﺎﺣﻀﺮﻧﺎ ﺣﻔﻠﻪ ﻭﻻﺻﺎﺭ ﻓﻴﻬﺎ ﻫﻀﺎ ﻛﻠﻪ ..
ﻛﻤﺎﻝ ﺗﻨﺤﻨﺢ .. ﻭﺳﻜﺮ ﺍﻟﺒﺎﺏ
ﻭﻣﺸﻲ ﺭﻛﺐ .. ﻭﺳﻜﺮ ﺍﻟﺒﺎﺏ ...
ﻛﻤﺎﻝ : ﺍﺣﻤﻢ .. ﺣﺒﻴﺖ ﻧﺪﺭﺩﺵ ﻣﻌﺎﻙ ﻓﻲ ﺍﻟﻄﺮﻳﻖ ﺧﻴﺮ ﻣﺎﻧﻜﻤﻠﻬﺎ ﺑﺮﻭﺣﻲ ..
ﻧﻮﺭﺍﻥ ﺍﺑﺘﺴﻤﺖ : ﺣﻠﻮﺓ ﺍﻟﺤﻔﻠﻪ ..
ﻛﻤﺎﻝ ﺷﺒﺤﻠﻬﺎ ﻭﺍﺑﺘﺴﻢ : ﺣﻠﻮﺓ ... ﺣﻠﻮﺓ ﻫﻠﺒﻪ ..
💙 ﻧﻮﺭﺍﻥ ..
ﻣﺎﻧﻲ ﻋﺎﺭﻓﻪ ﻛﻴﻒ ﺣﺴﻴﺖ ﺍﻟﻜﻼﻡ ﺍﻧﺎ ﺍﻟﻤﻘﺼﻮﺩﺓ ﺑﻴﻪ .. ﺑﺲ ﻗﺖ ﻓﺒﺎﻟﻲ ﺯﻱ ﺍﻟﻌﺎﺩﻩ ﻭﻫﻢ ﻭﻫﻢ .. ﺗﻬﻴﺆﺍﺕ ..
ﻧﻮﺭﺍﻥ : ﺍﻳﻪ ﺻﺢ .. ﻭﺍﻟﺘﻔﺘﺖ ﺍﻟﻘﺪﺍﻡ ..
ﻫﻮ ﺍﺑﺘﺴﻢ ﺍﺑﺘﺴﺎﻣﻪ ﻟﻴﻬﺎ ﻣﻌﻨﻰ ﻭﺷﺒﺢ ﺍﻟﻘﺪﺍﻡ ﻭﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ﻭﺭﺍﻫﻢ ..
ﻃﻮﻝ ﺍﻟﻄﺮﻳﻖ ﻛﺎﻧﻮﺍ ﻳﻬﺪﺭﺯﻭﺍ ﻭﻓﺘﺤﻮﺍ ﻣﻮﺍﺿﻴﻊ ﻣﻦ ﻫﻨﻲ ﻭﻫﻨﻲ ﻭﻣﺮﺓ ﻣﺮﺓ ﻳﻀﺤﻜﻮﺍ ..
ﻟﻴﻦ ﻭﺻﻠﻮﺍ ﻟﻠﻔﻨﺪﻕ ..
ﻧﺰﻟﻮﺍ ﻣﻦ ﺳﻴﺎﺭﺍﺗﻬﻢ .. ﻭﺧﺸﻮﺍ ﺩﺍﺧﻞ ..
ﻗﻌﺪﻭﺍ ﻳﻬﻨﻮﺍ ﻓﻲ ﺭﻳﻬﺎﻡ ﻉ ﺣﻔﻠﺘﻬﺎ ﻭﻫﻲ ﺷﻜﺮﺗﻬﻢ ..
ﺭﺿﻮﺍﻥ : ﻭﻃﺒﻌﺎ ﺑﻤﺎ ﺇﻥ ﺍﻷﺟﻮﺍﺀ ﻣﺎﻓﻴﻬﺎﺵ ﻣﻄﺮ ﺍﻷﻳﺎﻡ ﺍﻟﺠﺎﻳﻪ .. ﻗﺮﺭﺕ ﻧﻌﺪﻭﺍ ﻟﻤﻨﺘﺠﻊ ﺑﻜﺮﺍ ﺍﻟﺼﺒﺢ ﻓﻲ ﺷﺤﺎﺕ ..
ﻛﻠﻬﻢ ﻋﺠﺒﺘﻬﻢ ﺍﻟﻔﻜﺮﻩ ..
ﺭﻳﻬﺎﻡ ﺑﻀﺤﻜﻪ : ﺍﺣﻠﻰ ﻗﺮﺍﺭ ..
ﺭﺿﻮﺍﻥ ﺑﻀﺤﻜﻪ : ﺑﺲ ﻫﺎ . ﺍﻟﺠﻮ ﺻﻘﻊ .. ﻳﻌﻨﻲ ﻧﻄﻠﻌﻮﺍ ﻣﻦ ﻫﻨﺎ ﺗﻌﺪﻭﺍ ﺗﺎﺧﺪﻭﺍ ﺩﺑﺶ ﻗﺒﻞ ..
ﺭﻳﻬﺎﻡ : ﻧﺠﻚ ﻟﻴﺎ ..
ﺿﺤﻜﻮﺍ .. ﻭﻫﻮ ﺿﺤﻚ ﺑﺈﺣﺮﺍﺝ ﻣﺎﻋﺪﺍ ﺍﻛﺮﻡ ﻣﻼﻣﺢ ﻭﺟﻬﻪ ﺟﺎﺩﻩ ﺯﻱ ﻣﺎﻫﻲ ﻣﺎﺗﻐﻴﺮﺗﺶ ﺷﺒﺤﺘﻠﻪ ﺳﺎﺭﻩ ﻭﻛﺎﻧﺖ ﻣﺮﻛﺰﺓ ﻣﻌﺎﻩ ..
ﻫﻮ ﻛﺎﻥ ﻋﺎﺩﻱ ﻗﻠﻴﻞ ﺍﻟﻨﺎﺩﺭ ﻳﻀﺤﻚ ﻭﺍﻟﺠﻮ ﻫﺬﺍ ﻳﺸﻮﻑ ﻓﻴﻪ ﻣﻴﺎﻋﻪ ﻭﻣﺎ ﻳﺤﺒﺎﺵ ﻭﻣﺎﻓﻴﺶ ﺃﻱ ﺳﺒﺐ ﺗﺎﻧﻲ ﺯﻱ ﻣﺎﺳﺎﺭﺓ ﻛﺎﻧﺖ ﺣﺎﻃﻪ ﻓﺒﺎﻟﻬﺎ ...
ﺭﻛﺒﻮﺍ ﺑﻌﺪﻫﺎ ﻛﻠﻬﻢ .. ﻭﻛﻤﺎﻝ ﻛﺎﻥ ﻭﺭﺍ ﻧﻮﺭﺍﻥ ﻭﻳﺸﻮﻓﻠﻬﺎ ﻛﻴﻒ ﺗﻬﺪﺭﺯ ﻭﺗﻀﺤﻚ .. ﻭﻫﻮ ﻳﺸﻮﻓﻠﻬﺎ ﻭﺑﺲ .. ﻣﺶ ﻗﺎﺩﺭ ﻳﻤﻨﻊ ﻧﻔﺴﻪ ...
ﻛﻞ ﻣﻨﻬﻢ ﻣﺸﻲ ﻟﻐﺮﻓﺘﻪ ﻫﻮ ﻗﻌﺪ ﻭﺍﻗﻒ ﻳﺸﻮﻓﻠﻬﺎ ﻭ ﺳﺎﺭﺓ ﺑﺪﻭﻥ ﻣﺎﻳﺮﻛﺰ ﺷﺒﺤﺎﺗﻪ ﻭﻓﻜﺮﺕ ﺗﺘﺸﻴﻄﻦ ﺷﻮﻳﻪ 😁
ﺳﺎﺭﺓ ﺑﺪﻫﺸﻪ ﻣﺼﻄﻨﻌﻪ : ﻧﻮﺭﺍﻥ ﺑﺤﺘﻲ ﻭﺭﺍﻙ ..
ﻧﻮﺭﺍﻥ ﺗﻔﺎﺟﺌﺖ ﻭﺍﻟﺘﻔﺘﺖ ﻃﻮﻝ .. ﺷﺒﺤﺎﺗﻪ ... ﻫﻮ ﺍﺭﺗﺒﻚ ..
ﻣﻦ ﺑﻌﻴﺪ ﻛﺎﻥ ﻭﺍﻗﻒ ﺍﺷﺮﻟﻬﺎ ..🖐 ﻭﻫﻲ ﺭﺩﺗﻬﺎ ﺑﺈﺑﺘﺴﺎﻣﻪ ﺧﺠﻮﻟﻪ ﺗﻮﺟﻪ ﻟﻐﺮﻓﺘﻪ ... ﻭﻫﻲ ﺍﻟﺘﻔﺘﺖ ﻟﺴﺎﺭﺓ ..
ﺳﺎﺭﻩ : ﻛﺎﻥ ﻭﺍﻗﻒ ﻳﺒﺤﺖ ﻓﻴﻚ ...
ﻧﻮﺭﺍﻥ ﻭﺟﻬﻬﺎ ﺍﺣﻤﺮ ﻭﻣﺎﺣﺒﺘﺶ ﺗﺘﻜﻠﻢ ﺍﻛﺜﺮ ﻭﻻﺗﺴﺘﻔﺴﺮ ﻭﻻﺗﺴﺄﻝ .. ﻷﻧﻬﺎ ﻣﻤﻜﻦ ﺗﻘﻮﺩﻫﺎ ﻷﺟﻮﺑﻪ ﺗﺨﻠﻴﻬﺎ ﺗﻄﻴﺮ ﻓﻲ ﺍﻟﺴﻤﻲ ﻣﻦ ﺍﻟﻔﺮﺣﻪ .. ﻫﻲ ﻣﺎﺗﺒﻴﺶ ﺍﻃﻴﺮ ﺧﻮﻓﺎ ﻣﻦ ﻳﻮﻡ ﻳﺠﻴﻬﺎ ﻭﺍﻃﻴﺢ ﻟﺴﺎﺑﻊ ﺍﺭﺽ ﻭﻭﻗﺘﻬﺎ ﺍﻟﻄﻴﺤﻪ ﺑﺎﻟﻤﻮﺕ ..
ﺳﺎﺭﺓ ﻭﻛﺄﻧﻬﺎ ﻓﻬﻤﺖ ﺑﺮﻏﻢ ﺍﻧﻬﺎ ﻟﻶﻥ ﻣﺎﺗﻌﺮﻓﺶ ﺣﻘﻴﻘﺔ ﻛﻤﺎﻝ .. ﺇﻻ ﺍﻧﻬﺎ ﻓﻜﺮﺕ ﻓﻴﻬﺎ ﻣﻦ ﻧﺎﺣﻴﻪ ﻣﺮﺽ ﻧﻮﺭﺍﻥ ..
ﺧﺸﻮﺍ ﻏﻴﺮﻭﺍ ﻫﺪﺭﺯﻭﺍ ﺷﻮﻳﻪ ﻭﺭﻗﺪﻭﺍ ...
***
ﺯﻱ ﻋﺎﺩﺗﻚ ﻳﺎﻋﻤﺮﻱ ﻗﻤﻤﻤﻤﺮ 💓
ﻛﻨﺎﻧﻪ ﺑﺈﺑﺘﺴﺎﻣﻪ ﺧﺠﻮﻟﻪ : ﻳﻌﻨﻲ ﻋﺠﺒﺘﻚ ..
ﻋﻼﺀ : ﺷﻦ ﺗﻘﻮﻟﻲ ﺍﻧﺘﻲ ﻣﻦ ﻳﻮﻣﻚ ﻋﺎﺟﺒﺘﻴﻨﻲ .. ﻓﻲ ﻛﻞ ﺣﺎﻻﺗﻚ ﺣﻠﻮﺓ .. ﻋﺴﻞ ﺣﻴﺎﺗﻲ ﺍﻧﺘﻲ 😍
ﻛﻨﺎﻧﻪ : ﻭﺍﻟﻠﻪ ﺍﻧﺖ ﺍﻟﻠﻲ ﺍﺣﻠﻰ ﺣﺎﺟﻪ ﻓﺤﻴﺎﺓ ﻛﻨﺎﻧﻪ .. ﺍﻧﺖ ﺣﻴﺎﺓ ﻛﻨﺎﻧﻪ ﻛﻠﻬﺎ ..
ﻋﻼﺀ ﺷﺪ ﻳﺪﻫﺎ : ﺗﻌﺎﻟﻲ ﺣﺘﻰ ﺣﻨﻲ ﻧﺪﻳﺮﻭﻫﺎ ﺍﻟﻴﻮﻡ ﻭﻧﺘﺰﻭﺟﻮﺍ ﻣﻊ ﻋﻼ ﻭﻣﺤﻤﺪ ..
ﻛﻨﺎﻧﻪ ﺑﺨﺠﻞ ﺷﺪﻳﺪ : ﻋﻼﺍﺍﺍﺍﺀ ..
ﻋﻼﺀ : ﻫﻬﻬﻬﻬﻬﻬﻬﻪ .. ﺭﻭﺡ ﻋﻼﺀ .. ﺑﺎﻫﻲ ﻓﻜﻴﻨﺎ ﺗﻮﺍ ﻣﻦ ﺍﻟﺸﻴﻄﺎﻥ ﻭﺍﻧﺘﻬﺎﺯﻩ ﻟﻠﻔﺮﺹ ﻭﺑﺮﻱ ﻧﺎﺩﻳﻠﻲ ﻋﺰﻭﺯﺗﻚ ..
ﻛﻨﺎﻧﻪ ﺑﻀﺤﻜﻪ : ﻣﻦ ﻋﻴﻮﻧﻲ ..
ﻋﻼﺀ ﻗﺮﺻﻬﺎ ﻣﻦ ﺧﺪﻫﺎ : ﻳﺴﻠﻤﻮﻟﻲ ﺍﻟﻌﻮﻳﻨﺎﺕ ﺍﻟﺨﻀﺮ ﺍﻟﻠﻲ ﻫﺒﻠﻮﻧﻲ .. ﻃﻠﻘﻬﺎ .. ﺗﺤﺮﻛﻲ ﻳﺎﺑﻨﺖ ﺑﺴﺮﻋﻪ ...
ﻣﺸﺖ ﻛﻨﺎﻧﻪ ﺗﺠﺮﻱ ﻭﺗﻀﺤﻚ ﻭﻗﻠﺒﻬﺎ ﻃﺎﻳﺮ ﺑﻴﻪ ﻭﻫﺎﻳﻢ ﻓﻴﻪ ... ﻭﻋﺸﻘﻬﺎ ﻟﻴﻪ ﻣﺎﻻﺵ ﺣﺪ ﻭﻻﻧﻬﺎﻳﻪ ..
ﺍﻟﻮﻗﺖ ﺍﻟﺤﺎﺿﺮ ..
ﻛﺎﻧﺖ ﻣﻘﻌﻤﺰﻩ ﻉ ﺍﻟﺮﻭﺷﻦ ﺍﻟﻤﻄﻞ ﻉ ﺍﻟﺒﺤﺮ ﻭﺗﺸﺒﺤﻠﻪ ﻭﺩﻣﻮﻋﻬﺎ ﺗﻨﺰﻝ ﻭﻫﻲ ﺗﻐﻨﻲ ..
🎶 ﺑﻌﺪ ﻋﻠﻰ ﺑﺎﻟﻲ ..
ﻳﺎﻗﻤﺮ ﺍﻟﺤﻠﻮﻳﻦ
ﻳﺎﺯﻫﺮ ﺍﻟﺘﺸﺮﻳﻦ
ﻳﺎﺫﻫﺒﻲ ﺍﻟﻐﺎﻟﻲ ..
ﺑﻌﺪﻙ ﻉ ﺑﺎﻟﻲ ﻳﺎﺣﻠﻮ ﻳﺎﻣﻐﺮﻭﺭ ..
ﻳﺎﺣﺐﺀ ﻭﻣﻨﺘﻮﺭ ﻉ ﺳﻄﺤﻲ ﺍﻟﻌﺎﻟﻲ ...
🍁🍁🍁🍁
ﻓﻲ ﻏﺮﻓﺘﻪ ﻫﻮ ﻭﺃﻛﺮﻡ ﻓﻲ ﺍﻟﻔﻨﺪﻕ ..
ﻛﺎﻥ ﺭﺍﻗﺪ ﻉ ﺍﻟﺴﺮﻳﺮ ﺣﺎﻁ ﺍﻟﺴﻤﺎﻋﺎﺕ ﻓﻲ ﻭﺫﻧﻪ ﻭﻳﻐﻨﻲ ﻣﻊ ﺍﻷﻏﻨﻴﻪ ﺍﻟﻠﻲ ﻳﺴﻤﻊ ﻓﻴﻬﺎ ..
🎶 ﻧﺤﻨﺎ ﻭﺍﻟﻘﻤﺮ ﺟﻴﺮﺍﻥ ..
ﺑﻴﺘﻮﺍ ﺧﻠﻒ ﺗﻼﻟﻨﺎ ..
ﺑﻴﻄﻠﻊ ﻣﻦ ﻗﺒﺎﻟﻨﺎ ﺑﻴﺴﻤﻊ ﺍﻷﻟﺤﺎﻥ ..
ﻋﺎﺭﻑ ﻣﻮﺍﻋﻴﺪﻧﺎ ﻭﺗﺎﺭﻙ ﺑﻘﺮﻣﻴﺪﻧﺎ ﺍﺟﻤﻞ ﺍﻷﻟﻮﺍﻥ ...
ﺍﻛﺮﻡ ﻛﺎﻥ ﺭﺍﻗﺪ ﻭﻋﺎﻃﻴﻪ ﺑﺎﻟﻈﻬﺮ ﻭﻳﺴﻤﻊ ﻓﻴﻪ .. ﻭﻣﺒﺘﺴﻢ ﻧﺺ ﺍﺑﺘﺴﺎﻣﻪ ﻭﻫﻮ ﻳﻔﻜﺮ ﻓﺠﺎﺭﺗﻪ ﺣﺘﻰ ﻫﻮ ... ﺍﻟﺒﻨﺖ ﺍﻟﻠﻲ ﺷﻘﻠﺒﺖ ﺣﺎﻟﻪ ﺗﻤﺎﻣﺎ ﻣﻦ ﺟﻤﻴﻊ ﺍﻟﻨﻮﺍﺣﻲ ﻋﻴﺸﺎﺗﻪ ﻣﺸﺎﻋﺮ ﻏﻴﻴﻴﺮ .. ﻣﺸﺎﻋﺮ ﻣﺎﺣﺴﻬﺎﺵ ﻣﻊ ﺭﻳﻬﺎﻡ .. ﻣﺸﺎﻋﺮ ﺧﻼﺗﻪ ﻳﺸﻚ ﺍﻥ ﺍﻟﻠﻲ ﻛﺎﻥ ﻳﺤﺴﻪ ﺍﺗﺠﺎﻩ ﺭﻳﻬﺎﻡ ﺣﺐ ﺃﺻﻼ .. ﻹﻧﻪ ﺍﻟﻠﻲ ﻳﺤﺴﻪ ﺍﺗﺠﺎﻩ ﺳﺎﺭﺓ ﺍﻭ ﺳﻼﻑ ﻣﺨﺘﻠﻒ ﺗﻤﺎﻣﺎ ..
ﻛﻤﺎﻝ ﻣﻦ ﻛﺘﺮ ﻣﺎﻧﺴﺠﻢ ﻣﻊ ﺍﻷﻏﻨﻴﻪ ﻧﺴﻲ ﺭﻭﺣﻪ ﻭﻗﻌﺪ ﻳﻐﻨﻲ ﺑﺼﻮﺕ ﻋﺎﻟﻲ ﻭﺍﻟﻠﻲ ﺣﺎﻁ ﺍﻟﺴﻤﺎﻋﺎﺕ ﻓﻲ ﻭﺫﻧﻪ ﻳﺤﺴﺎﺏ ﺭﻭﺣﻪ ﺍﻟﻔﻨﺎﻥ ﺍﻟﻠﻲ ﻳﻐﻨﻲ ﻭﻣﺎﻳﺤﺴﺶ ﺍﻧﻪ ﺻﻮﺗﻪ ﻗﻤﻪ ﺍﻟﺘﻠﻮﺙ ﺍﻟﺴﻤﻌﻲ ..
ﺍﻛﺮﻡ ﻣﻌﺶ ﺗﺤﻤﻞ ﻧﺎﺽ ﻭﻣﺸﺎﻟﻪ ﺣﻮﻝ ﺍﻟﺴﻤﺎﻋﺎﺕ ﻣﻦ ﻭﺫﺍﻧﻪ ..
ﻛﻤﺎﻝ ﺑﻀﺤﻜﻪ : ﺧﻴﺮﻙ ..
ﺍﻛﺮﻡ : ﺧﻴﺮﻙ؟؟ !! ﻳﺎﺭﺍﺟﻞ ﺟﺘﻨﻲ ﺍﻟﺸﻘﻴﻘﻪ ﻣﻦ ﺻﻮﺗﻚ .. ﻭﺑﻌﺪﻳﻦ . ﻧﺒﻮﺍ ﻧﺮﻗﺪﻭﺍ .. ﺍﺭﻗﺪ ﺣﺘﻰ ﺍﻧﺖ ﻭﺭﺍﻧﺎ ﻧﻬﺎﺭ ﻃﻮﻳﻞ ..
ﻛﻤﺎﻝ : ﻫﻬﻬﻬﻬﻬﻬﻬﻬﻪ .. ﺍﻭﻛﻲ ﺧﻼﺹ .. ﺣﻂ ﺍﻟﺘﻠﻴﻔﻮﻥ ﺑﺎﻟﺴﻤﺎﻋﺎﺕ ﻉ ﺍﻟﻜﺎﻣﺪﻳﻨﻮ .. ﻫﻜﻲ ﻛﻮﻳﺲ ..
ﺍﻛﺮﻡ : ﻣﻴﻪ ﺍﻟﻤﻴﻪ .. ﻭﻭﻻ ﻟﻔﺮﺍﺷﻪ ﻭﺍﻧﻄﺮﺡ ﻋﻠﻴﻪ ﻭﺭﻗﺪ ..
ﻭﻛﻤﺎﻝ ﻗﻌﺪ ﻳﻀﺤﻚ .. ﺑﻌﺪﻳﻦ ﺗﻨﻬﺪ ﻭﻏﻤﺾ ﻋﻴﻮﻧﻪ .. ﺟﺖ ﺑﻴﻦ ﻋﻴﻮﻧﻪ "... ﺍﻟﺼﺒﺢ .."💓 ﺍﺑﺘﺴﻢ ﻭﻓﺘﺢ ﻋﻴﻮﻧﻪ .. ﺑﻌﺪﻳﻦ ﺧﺪﻱ ﺍﻟﻤﺨﺪﻩ ﻭﺭﻗﺪ ﻉ ﺟﻨﺒﻪ ﻭﺣﻄﻬﺎ ﻉ ﺭﺍﺳﻪ ﺑﺶ ﻳﻬﺮﺏ ﻭﻳﺮﻗﺪ ﻓﻲ ﻧﻔﺲ ﺍﻟﻮﻗﺖ ..
ﺗﺎﻧﻲ ﻳﻮﻡ ..
ﻛﻠﻬﻢ ﻃﻠﻌﻮﺍ ..
ﺷﺮﻭﺍ ﺣﻮﺍﻳﺞ ﻟﺮﺣﻠﺔ ﺣﺪﻭﻡ ﺗﻼﺗﻪ ﺍﻳﺎﻡ ﻓﻲ ﺍﻟﺸﺘﻲ .. ﺑﺲ ﻣﻊ ﺻﻔﺎﺀ ﺳﻤﺎﻩ .. ﺣﻴﺴﺘﻤﺘﻌﻮﺍ ﺍﻛﻴﺪ ﻓﻲ ﺍﺟﻤﻞ ﺍﻣﺎﻛﻦ ﻟﻴﺒﻴﺎ ﺍﻟﺴﻤﺤﻪ ..
ﺗﺴﻘﺪﻭﺍ ﺑﻌﺪﻫﺎ ﻟﻠﻤﻨﺘﺠﻊ .. ﺍﻟﻠﻲ ﻛﺎﻥ ﻓﻲ ﻣﻜﺎﻥ ﻛﻠﻪ ﺧﻀﺎﺭ ﺍﻟﻤﻄﺮ ﺍﻟﻠﻲ ﺻﺒﺖ ﺍﻷﻳﺎﻡ ﺍﻟﻠﻲ ﻓﺎﺗﻮﺍ ﻛﺎﻧﺖ ﻧﺘﻴﺠﺘﻬﺎ ﻫﺎﻟﻤﻨﻈﺮ ﺍﻟﻠﻲ ﻳﺸﺒﻪ ﺍﻟﺠﻨﺔ ﻭﻟﻮ ﺑﺸﻲ ﺟﺪﺍ ﺟﺪﺍ ﺟﺪﺍ ﺑﺴﻴﻂ ..💓
ﺗﻔﺮﻗﻮﺍ ﺍﻟﺒﻨﺎﺕ ﻟﺤﺎﻝ ﻭﺍﻟﺸﺒﺎﺏ ﻟﺤﺎﻝ ..😂😁
ﻣﺎﻋﺪﺍ ﺭﻳﻬﺎﻡ ﺍﻟﻠﻲ ﺭﺿﻮﺍﻥ ﻻﺻﻖ ﻓﻴﻬﺎ ﻭﻣﺎﻳﺒﻴﺶ ﻳﺨﻠﻴﻬﺎ ..
ﺳﺎﺭﺓ : ﺍﻟﻤﻜﺎﻥ ﺳﻤﺢ ﻭﺍﺟﺪ ﺣﺮﺍﻡ ﺍﻟﻮﺍﺣﺪ ﻳﻘﻌﺪ ﺟﻮﺍ ..
ﻧﻮﺭﺍﻥ : ﻭﺍﻟﻠﻪ ﺣﺘﻰ ﺍﻧﺎ ﻧﻘﻮﻝ ﻫﻚ ..
ﺳﺎﺭﺓ ﻧﺎﺿﺖ : ﺑﺎﻩ ﻫﻴﺎ ﺻﺒﻦ ..
ﻧﺒﻮﻳﻪ : ﻻ ﺍﻧﺎ ﻳﺎﺑﻨﺘﻲ ﺍﻧﺎ ﺣﻨﺎﻡ ...
ﺳﺎﺭﺓ ﺑﻀﺤﻜﻪ : ﻧﺎﻣﻲ ﻳﺎﺣﻨﻪ .. ﺷﺒﺤﺖ ﻟﻨﻮﺭﺍﻥ .. ﻫﻴﺎ ﻧﺎﻧﻲ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻫﻴﺎ .. ﻭﻧﺎﺿﺖ
ﺳﺎﺭﺓ ﺷﺒﺤﺖ ﻟﻨﺒﻮﻳﻪ : ﻓﺘﻨﺎﻛﻲ ﺑﻌﺎﻓﻴﻪ ﻳﺎﻭﻟﻴﻪ .. ﻭﺧﺪﺕ ﻧﻮﺭﺍﻥ ﺍﻟﻠﻲ ﻛﺎﻧﺖ ﺗﻀﺤﻚ ﻣﻦ ﻳﺪﻫﺎ ﻭﻃﻠﻌﻮﺍ ﻭﻧﺒﻮﻳﻪ ﺿﺤﻜﺖ ﻭﻫﻲ ﺗﺤﺮﻙ ﻓﻲ ﺭﺍﺳﻬﺎ ﻳﻤﻴﻦ ﻭﻳﺴﺎﺭ ..
ﻃﻠﻌﻮﺍ ﺍﻟﺰﻭﺯ ﻗﻌﺪﻭﺍ ﻳﺘﻔﺮﺟﻮﺍ ..
ﺳﺎﺭﺓ : ﺟﻴﺘﻲ ﻫﻨﺎ ﻗﺒﻞ ..
ﻧﻮﺭﺍﻥ : ﺍﻫﺎ ﻣﻦ ﻗﺪﻳﻢ ﻭﺍﺟﺪ ﻣﻦ 4 ﺳﻨﻴﻦ ﻣﻤﻜﻦ ... ﺑﺲ ﺗﻮﺍ ﻣﺘﻐﻴﺮ ﻭﺍﺟﺪ ﺍﻟﻤﻜﺎﻥ ..
ﺳﺎﺭﺓ : ﺍﻧﺎ ﺃﻭﻝ ﻣﺮﺓ ..
ﻃﻠﻌﻮﺍ ﻫﻤﺎ ﺍﻟﺰﻭﺯ ﺑﺮﺍ ..
ﺍﻛﺮﻡ ﻛﺎﻥ ﻭﺍﻗﻒ ﻉ ﺟﻤﺎﻋﺘﻪ ﻭﺷﺎﻓﻬﻢ .. ﺟﺎﻫﻢ ...
ﺍﻛﺮﻡ ﻣﺪ ﻳﺪﻩ ﻗﺪﺍﻣﻬﻢ : ﻭﻳﻦ ﺍﻧﺘﻲ ﻭﻫﻴﺎ .. ﻟﻠﻮﺭﺍ ﺩﺭ ﻫﻴﺎ ..
ﺳﺎﺭﺓ ﺿﻴﻘﺖ ﻋﻴﻮﻧﻬﺎ : ﺷﻦ ﻧﺤﻨﺎ ﻓﻲ ﻣﻌﺴﻜﺮ .. ﺗﺮﺍ ﺣﻞ ..
ﻧﻮﺭﺍﻥ : ﺧﻼﺹ ﺧﻠﻴﻨﺎ ﻧﺮﺩﻭﺍ ..
ﺳﺎﺭﺓ : ﻛﻨﻚ ﺧﻔﺘﻲ ﻣﻨﻪ ﻫﻚ ﺍﻧﺎ ﻣﺎﺧﻔﺘﺶ ﺍﻧﺘﻲ ﺗﺨﺎﻓﻲ ..
ﺍﻛﺮﻡ : ﺑﻼ ﻃﻮﻟﺔ ﻟﺴﺎﻥ ﺍﺳﻤﻌﻲ ﺍﻟﻜﻼﻡ ﻭﺗﺤﺮﻛﻲ ﺩﺍﺧﻞ ..
ﺳﺎﺭﺓ : ﻭﺍﻟﻠﻪ ﻣﺎﻧﻲ ﺧﺸﺘﻬﺎ .. ﻣﺸﺖ ﻭﺧﻠﺘﻬﻢ ..
ﺍﻛﺮﻡ ﺑﻌﺼﺒﻴﻪ : ﻧﺠﻴﺒﻬﺎ ﻣﻦ ﻣﺤﺮﻣﺘﻬﺎ ﺗﻮﺍ ﻭﻻﻛﻴﻒ .
ﻧﻮﺭﺍﻥ ﺷﺎﺩﻩ ﺿﺤﻜﺘﻬﺎ : ﺧﻠﻴﻨﺎ ﻧﺘﻤﺸﻮﺍ ﺷﻮﻱ ﻭﺍﺑﻌﺖ ﻭﺭﺍﻧﺎ ﺣﺪ ﺑﺶ ﺗﻄﻤﻦ ..
ﺍﻛﺮﻡ ﺧﺪﻱ ﻧﻔﺲ ﻋﻤﻴﻖ ﻭﻗﺎﻝ : ﻋﺸﺎﻧﻚ ﺑﺲ ..
ﻧﻮﺭﺍﻥ ﺑﺄﺑﺘﺴﺎﻣﻪ : ﻛﺒﺮ ﺷﺎﻧﻚ .. ﻭﻣﺸﺖ ﻟﺤﻘﺘﻬﺎ ..
ﺍﻣﺎ ﻫﻮ ﻣﺎﺑﻌﺖ ﺣﺪ ﻣﺸﻲ ﻭﺭﺍﻫﻢ ..
🌺🌺🌺
ﻋﻨﺪﻛﻤﺎﻝ ..
ﻣﺎﻛﺎﻧﺶ ﻳﺒﻲ ﻳﻘﻌﺪ ﺩﺍﺧﻞ ﻭﻻﺟﺎﻳﻪ ﻧﻮﻡ .. ﺧﺪﻱ ﻧﻈﺮﺍﺗﻪ ﻭﺗﻠﻴﻔﻮﻧﻪ ﻭﻃﻠﻊ ..
ﻃﻠﻊ ﺑﺮﺍ ... ﻭﻗﻌﺪ ﻳﺪﻫﻮﺭ ﻭﻳﺸﻮﻑ ﻓﻲ ﺍﻟﻤﻜﺎﻥ ﻋﺠﺒﻪ ﻫﻠﺒﻪ ... ﻛﻤﻞ ﺗﻤﺸﺎﻳﺘﻪ ﺑﺮﺍ ﺍﻟﻤﻨﺘﺠﻊ ..
ﻋﻨﺪ ﺍﻟﺒﻨﺎﺕ ..
ﺳﺎﺭﺓ : ﻧﺤﺐ ﺍﻟﻄﺒﻴﻌﻪ ﻭﺍﺟﺪ .. ﺗﺤﺴﻲ ﻛﻞ ﺷﻲ ﺻﺎﻓﻲ ﻭﺣﻘﻴﻘﻲ ﻓﻴﻬﺎ ..
ﻧﻮﺭﺍﻥ : ﺗﻌﺎﺑﻴﺮﻙ ﻋﻤﻴﻘﻪ ..
ﺳﺎﺭﺓ ﺷﺒﺤﺘﻠﻬﺎ ﻭﺿﺤﻜﺖ : ﺍﻫﺎ ﺍﻧﺎ ﻧﺨﺪﻡ ﻋﺎﻣﻠﻪ .. ﺑﺲ ﻣﺘﻌﻠﻤﻪ ..
ﻧﻮﺭﺍﻥ : ﺷﻦ ﺷﻬﺎﺩﺗﻚ ..
ﺳﺎﺭﺓ ﺍﺿﻄﺮﺕ ﺗﻜﺬﺏ : ﻗﺮﻳﺖ ﺳﻨﺘﻴﻦ ﻓﻲ ﻛﻠﻴﺔ ﺍﻷﻗﺘﺼﺎﺩ ﻭﻭﻗﻔﺖ ﻋﺸﺎﻥ ﺍﻟﻈﺮﻭﻑ ..
ﻧﻮﺭﺍﻥ ﺍﺑﺘﺴﻤﺖ : ﺍﻧﺎ ﺧﺪﻳﺖ ﺍﻟﺜﺎﻧﻮﻳﻪ ﻭﻭﻗﻔﺖ ﻷﻧﻲ ﻣﺎﻧﺤﺒﺶ ﺍﻟﻘﺮﺍﻳﻪ .. ﻛﺎﻧﺖ ﻋﻨﺪﻱ ﻣﻮﻫﺒﻪ ﺣﺒﻴﺖ ﻧﻄﻮﺭﻫﺎ ﺧﺸﻴﺖ ﻗﺮﻳﺖ ﻓﻴﻬﺎ .. ﻭﻧﺠﺤﺖ ﻭﻛﻤﻠﺖ ﻓﻲ ﺗﻄﻮﻳﺮﻫﺎ ﺑﺎﻟﺨﺪﻣﻪ ﺍﻟﻠﻲ ﻧﺨﺪﻡ ﻓﻴﻬﺎ ﺣﺎﻟﻴﺎ ..
ﺳﺎﺭﺓ : ﺗﻌﺎﻟﻲ ﻗﻤﻌﺰﻱ .. ﻗﻌﻤﺰﻭﺍ ﻉ ﺷﺠﺮﺓ ﻃﺎﻳﺤﻪ .. ﻭﺣﻮﺍﻟﻴﻬﻢ ﺍﻟﺨﻀﺎﺭ ﻭﺍﻟﺸﺠﺮ ﻭﺍﻟﻤﻨﺎﻇﺮ ﺍﻟﺤﻠﻮﺓ ...
ﺳﺎﺭﺓ : ﻓﺴﺘﺎﻧﻚ ﺍﻣﺲ ﻣﻦ ﺗﺼﻤﻴﻤﻚ ..
ﻧﻮﺭﺍﻥ : ﻻ ﻣﻦ ﺗﺼﻤﻴﻢ ﺑﻨﺖ ﺗﺨﺪﻡ ﻣﻌﺎﻳﺎ ..
ﺳﺎﺭﺓ : ﺣﻠﻮ ﻭﺍﺟﺪ ﻭﻛﺎﻥ ﺧﺎﻳﻞ ﻋﻠﻴﻚ ﻭﺍﺟﺪ ..
ﻧﻮﺭﺍﻥ ﺍﺑﺘﺴﻤﺖ ﺑﺨﺠﻞ : ﺗﺴﻠﻤﻲ ﻳﺎﺭﺏ ..
ﺍﻛﺮﻡ ﻛﺎﻥ ﻭﺍﻗﻒ ﻣﻦ ﺑﻌﻴﺪ ﻳﺸﻮﻓﻠﻬﻢ ﻭﻣﺒﺘﺴﻢ ﻧﺺ ﺍﺑﺘﺴﺎﻣﻪ ﻭﻋﻨﺪﻩ ﻓﻀﻮﻝ ﺷﺪﻳﺪ ﻳﻌﺮﻑ ﻓﻲ ﺷﻨﻮ ﻳﺤﻜﻮﺍ ..
ﺍﻧﺤﻄﺖ ﻳﺪ ﻉ ﻛﺘﻔﻪ ﺗﻠﻔﺖ : ﺣﺘﻰ ﺍﻧﺖ ..
ﻛﻤﺎﻝ ﻭﻗﻒ ﺟﻨﺒﻪ ﻭﻗﺎﻝ ﺑﻀﺤﻜﻪ : ﺣﺘﻰ ﺍﻧﻲ ﺷﻨﻮ ..
ﺍﻛﺮﻡ : ﻛﻴﻒ ﻫﺬﻳﻨﺎ ﻣﺎﺑﻴﺘﺶ ﺗﻘﻌﺪ ﺩﺍﺧﻞ ..
ﻛﻤﺎﻝ ﺷﺒﺤﻠﻬﻢ : ﺍﻳﻪ ...
ﺳﺎﺭﺓ : ﻧﻮﺭﺍﻥ ...
ﻧﻮﺭﺍﻥ : ﻧﻌﻢ ..
ﺳﺎﺭﺓ : ﻋﻠﻴﺶ ﺗﻬﺮﺑﻲ ﻣﻦ ﻣﺸﺎﻋﺮﻙ ..
ﻧﻮﺭﺍﻥ ﺻﺪﻣﻬﺎ ﺍﻟﺴﺆﺍﻝ ﻣﺎﻗﺪﺭﺗﺶ ﺗﺮﺩ ..
ﺳﺎﺭﺓ ﺷﺒﺤﺘﻠﻬﺎ : ﺍﻟﻬﺮﻭﺏ ﻣﻦ ﺍﻟﻤﺸﺎﻋﺮ ﻳﻌﺬﺏ ﻭﺍﺟﺪ .. ﻹﻧﻚ ﻣﻬﻤﺎ ﻫﺮﺑﺘﻲ ﺣﺘﺮﺩﻱ ﻭﺗﻘﻌﺪﻭﺍ ﻛﻴﻒ ﺍﻟﻠﻲ ﻳﺠﺮﻭﺍ ﻭﺭﺍ ﺑﻌﻀﻬﻢ ﻓﻲ ﺩﺍﻳﺮﺓ ﻣﺴﻜﺮﺓ ..
ﻧﻮﺭﺍﻥ ﻋﻴﻮﻧﻬﺎ ﺗﻌﺒﻮﺍ : ﻣﻮﺍﺟﻬﺘﻬﻦ ﺍﺻﻌﺐ ﺑﻮﺍﺟﺪ ﻳﺎﺳﺎﺭﺓ ..
ﺳﺎﺭﻩ : ﻟﻴﺶ ﺑﺎﻩ ..
ﻧﻮﺭﺍﻥ ﺗﻨﻬﺪﺕ ﺑﺤﺮﻗﻪ : ﺍﻫﺎ .. ﻧﺤﺒﻪ ... ﻧﺤﺒﻪ ﻭﺍﺟﺪ .. ﻻ ﻧﻤﻮﺕ ﻋﻠﻴﻪ .. ﻧﻌﺸﻘﻪ ... ﻧﺰﻟﻮﺍ ﺩﻣﻮﻋﻬﺎ .. ﺑﺲ ﻣﺴﺘﺤﻴﻞ ﻧﻄﻮﻟﻪ ﻣﻬﻤﺎ ﺩﺭﺕ .. ﺍﻧﺎ ﻭﻳﻦ ﻭﻫﻮ ﻭﻳﻦ .. ﺳﺒﺤﺎﻥ ﻣﻦ ﻭﻫﺒﻪ ﺯﻳﻦ ﺍﻟﻤﻨﻈﺮ ﻭﺍﻟﻤﺨﺒﺮ .. ﻭﻛﺎﻣﻞ ﻭﺍﻟﻜﻤﺎﻝ ﻟﻠﻪ .. ﺍﻣﺎ ﺍﻧﺎ .. ﻗﻌﺪﺕ ﺗﻤﺴﺢ ﻓﻲ ﺩﻣﻮﻋﻬﺎ ﺍﻟﻠﻲ ﻳﻨﺰﻟﻮﺍ ﺯﻱ ﺍﻟﺴﻴﻞ .. ﻭﻣﻌﺎﺵ ﻗﺪﺭﺕ ﺗﺘﻜﻠﻢ ..
ﺳﺎﺭﻩ : ﺍﻧﺘﻲ ﺑﻨﺖ ﻃﻴﺒﻪ ﺳﻤﺤﻪ ﻭﺍﺍﺍﺍﺟﺪ ﻣﻦ ﺩﺍﺧﻞ .. ﻭﺳﻤﺤﻪ ﻭﺍﺍﺍﺟﺪ ﻣﻦ ﺑﺮﺍ .. ﺍﺫﻭﺑﻲ ﻓﻲ ﺍﻟﻘﻠﺐ ﻳﺎﻧﻮﺭﺍﻥ .. ﺑﺮﻳﺌﻪ ﻭﻗﻠﺒﻚ ﻧﻈﻴﻒ ..
ﻋﻨﺪﻙ . ﺣﺎﺟﺎﺕ ﻭﺍﺟﺪﻩ ﺣﻠﻮﺓ ﻭﺍﺟﺪﻩ ...
ﻧﻮﺭﺍﻥ ﺿﺤﻜﺖ ﺑﺄﻟﻢ ﻣﻦ ﺑﻴﻦ ﺩﻣﻮﻋﻬﺎ : ﻣﺸﻜﻮﺭﺓ ﻳﺎﻗﻠﺒﻲ .. ﺑﺲ ﺍﻟﺤﺎﺟﺎﺕ ﻫﺬﻳﻨﺎ ﻣﺎﻳﺪﻳﺮﻳﻦ ﺷﻲ .. ﺍﻫﺎ ﻧﻜﺴﺐ ﺍﺣﺘﺮﺍﻣﻪ ﻭﻣﻌﺰﺗﻪ ﻟﻜﻦ ﻗﻠﺒﻪ ﻫﺬﻱ ﺣﺎﺟﻪ ﺻﻌﺒﺒﺒﺒﻪ ... ﻻ .. ﻣﺴﺘﺤﻴﻠﻪ ...
ﺳﺎﺭﺓ ﺗﻨﻬﺪﺕ ﻭ ﺷﺒﺤﺖ ﻉ ﺟﻨﺒﻬﺎ ﻭﺍﺑﺘﺴﻤﺖ : ﺑﺎﻫﻲ ﺑﺤﺘﻲ ﻳﻤﻴﻨﻚ ..
ﻧﻮﺭﺍﻥ ﻣﺴﺤﺖ ﺩﻣﻮﻋﻬﺎ ﻭﺷﺒﺤﺖ ﻭﻳﻦ ﻣﺎﻗﺎﻟﺘﻠﻬﺎ .. ﻟﻘﺎﺗﻪ ﻭﺍﻗﻒ ﻳﺸﺒﺤﻠﻬﺎ ﻟﻤﺎ ﺷﺒﺤﺘﻠﻪ ﺣﻮﻝ ﻧﻈﺮﺍﺗﻪ ﻭﺍﺑﺘﺴﻤﻠﻬﺎ ﻫﻲ ﺭﺩﺗﻬﺎﻟﻪ .. ﻭﻟﻔﺖ ﻭﺟﻬﻬﺎ ﻟﺴﺎﺭﺓ .. ﻣﺎﻳﻌﻨﻲ ﺷﻲ ﻳﺎﺳﺎﺭﺓ ..
ﺳﺎﺭﺓ ﺍﺑﺘﺴﻤﺖ : ﻣﺶ ﺣﻨﺎﻗﺸﻚ ﺑﺲ ﺣﻨﺨﻠﻴﻬﺎ ﻟﻠﻮﻗﺖ ﻳﺜﺒﺘﻬﺎ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﺑﻌﺪﻳﻦ ﺿﺤﻜﺖ : ﻭﺍﻧﺖ ﻳﺎﺣﻨﻪ .. ﻣﺎﺗﺤﻘﻴﺶ ..
ﺳﺎﺭﺓ ﻭﺟﻬﻬﺎ ﻭﻻ ﺍﺣﻤﺮ : ﻓﺸﻦ ..
ﻧﻮﺭﺍﻥ ﺑﻀﺤﻜﻪ : ﻓﻲ ﺍﻟﻨﻤﺮ ﺍﻟﻤﻘﻨﻊ ..
ﺳﺎﺭﻩ ﺿﺤﻜﺖ ﻭﺷﺒﺤﺘﻠﻪ ﻟﻘﺎﺗﻪ ﻳﺸﻮﻓﻠﻬﺎ ﺑﻘﺮﻧﺔ ﺣﻮﺍﺟﺐ : ﻧﻮﺭﺍﻥ ..
ﻋﻨﺪﻙ ﺟﻬﺪ ﻟﻠﺠﺮﻱ ..
ﻧﻮﺭﺍﻥ ﺑﻀﺤﻜﻪ : ﺳﺎﺍﺍﺍﺍﺭﺓ ..
ﺳﺎﺭﺓ : ﻏﻴﺮ ﻭﺍﻟﻨﺒﻲ ﻫﻴﺎ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻪ ..
ﺳﺎﺭﺓ : ﺷﻦ ﻫﻴﺎ .
ﻧﻮﺭﺍﻥ ﺷﺒﺤﺘﻠﻬﺎ ﻭﻗﺎﻟﺖ ﺑﺤﻤﺎﺱ : ﻉ ﺑﺮﻛﺔ ﺍﻟﻠﻪ ..
ﺳﺎﺭﺓ : ﺑﻨﺼﺒﻮﺍ ﺗﻮﺍ ﻋﺎﺩﻱ .. ﻧﻌﺪ ﻟﺘﻼﺗﻪ .. ﺑﻌﺪ ﻣﺎﻧﻘﻮﻝ ﺗﻼﺗﻪ ﺍﻧﻄﻠﻘﻲ ..
ﻧﻮﺭﺍﻥ ﺑﻀﺤﻜﻪ ..Ok:
ﻧﺎﺿﻮﺍ ﻭﻗﻔﻮﺍ ﺍﻟﺰﻭﺯ ﻋﺎﺩﻱ ..
ﺍﻛﺮﻡ ﺭﻛﺰ ﻣﻌﺎﻫﻢ .. ﻭﻛﻤﺎﻝ ﻳﺸﻮﻓﻠﻬﻢ ..
ﺳﺎﺭﺓ ﺩﺍﻳﺮﻩ ﺭﻭﺣﻬﺎ ﺗﻨﻔﺾ ﻓﻲ ﺣﻮﺍﻳﺠﻬﺎ : ...3.....2....1
ﻭﻃﻮﻝ ﺍﻧﻄﻠﻘﻮﺍ ﺍﻟﺰﻭﺯ ..
ﺍﻛﺮﻡ ﺑﺼﺪﻣﻪ : ﺍﻟﻤﻜﻠﻮﺑﻪ ﻫﺬﻱ .. ﻭﻃﻠﻊ ﻳﺠﺮﻱ ..
ﻛﻤﺎﻝ ﺿﺤﻚ ﺷﺒﺢ ﻟﻠﻤﻜﺎﻥ ﻛﻮﻳﺲ ﻭﻣﺸﻲ ﻳﺠﺮﻱ ﻣﻦ ﺟﻬﺔ ﺗﺎﻧﻴﻪ ..
ﺍﻛﺮﻡ ﻳﺠﺮﻱ : ﻳﺎﺍﺍﺍﺑﻠﻮﺓ ﻳﺎﻧﻜﺒﻪ ﻭﻗﻔﻲ ..
ﺳﺎﺭﻩ ﻭﻫﻲ ﺗﺠﺮﻱ ﻭﺗﻀﺤﻚ : ﻫﻬﻬﻬﻬﻬﻬﻬﻬﻬﻬﻬﻬﻪ .... ﻻﺍﺍﺍﺍﺍﺍﺍﺍﺍﺍ .
ﻧﻮﺭﺍﻥ ﻣﻦ ﻛﺜﺮ ﺍﻟﻀﺤﻚ ﻣﺶ ﻗﺎﺩﺭﺓ ﺗﺠﺮﻱ ﻛﻮﻳﺲ ..
ﺳﺎﺭﻩ ﻓﺎﺗﺖ ﺑﻌﻴﺪ ﻭﺍﻛﺮﻡ ﻭﺭﺍﻫﺎ ...
ﻭﻧﻮﺭﺍﻥ ﺗﺠﺮﻱ ﺗﺒﻲ ﺗﺸﻮﻑ ﺷﻦ ﺑﻴﺼﻴﺮ ...
" ﺗﻌﺒﺘﻲ ."
ﺷﺒﺤﺖ ﺟﻨﺒﻬﺎ ﻟﻘﺎﺗﻪ ﻳﺠﺮﻱ ﺑﺤﺪﺍﻫﺎ .
ﻧﻮﺭﺍﻥ ﺑﻀﺤﻜﻪ : ﻣﻨﻴﻦ .. ﻃﻠﻌﺖ ..
ﻛﻤﺎﻝ : ﻫﻬﻬﻬﻬﻬﻬﻬﻪ ..
ﻧﻮﺭﺍﻥ . ﺑﻀﺤﻜﻪ : ﻧﺒﻲ ﻧﻠﺤﻖ .. ﻋﻠﻴﻬﻢ ... ﻧﺸﻮﻑ ﺷﻦ ..
ﻳﺪﻳﺮ ﻓﻴﻬﺎ ﻟﻤﺎ ... ﻳﻤﺴﻜﻬﺎ
ﻛﻤﺎﻝ ﺷﺪ ﻳﺪﻫﺎ : ﻫﻴﺎ ... ﻫﻲ ﻗﻠﺒﻬﺎ ﺧﻼﺹ 💓💓💓💓💓
ﻭﻗﻌﺪﻭﺍ ﻳﺠﺮﻭﺍ ﺍﻟﺰﻭﺯ ..
ﻋﻨﺪ ﺍﻛﺮﻡ ﻭﺳﺎﺭﻩ ..
ﺍﻛﺮﻡ : ﻛﻴﻒ .. ﺍﻟﻔﻬﺪ .... ﻋﻼ ﺻﻮﺗﻪ ... ﻭﻗﻔﻲ ﺍﻟﻠﻪ .. ﻳﺪﻫﺸﻚ ..
ﺳﺎﺭﺓ . ﺗﺠﺮﻱ : ﻫﻬﻬﻬﻬﻬﻬﻬﻬﻬﻪ ... ﻛﻢ .. ﻋﻤﺮﻙ ﺑﺎﻟﻠﻪ ..
ﺍﻛﺮﻡ : ﻳﺎﺍﺍﺍﺍﺿﺒﻌﻌﻌﻌﻌﻪ ... ﺗﻮ ﺗﺤﺼﻠﻲ ...
ﺳﺎﺭﻩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﻗﺎﺑﻠﺖ ﻋﺮﻑ ﻃﺎﻳﺢ ﻧﻘﺰﺕ ﻣﻦ ﻓﻮﻗﻪ ..
ﺍﻛﺮﻡ ﺍﻧﺼﺪﻡ ... ﻭﻟﺤﻖ ﺣﺘﻰ ﻫﻮ ﻧﻘﺰ ..
ﻛﻤﺎﻝ : ﻫﻬﻬﻬﻬﻬﻬﻬﻬﻬﻪ ﺟﺒﺎﺭﺓ ..
ﻧﻮﺭﺍﻥ : ﺍﻫﺎ ﻭﺷﻜﻠﻬﺎ ﺭﻳﺎﺿﻴﻪ ..
ﻛﻤﺎﻝ : ﺗﻌﺒﺘﻲ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺎﻟﻨﻔﻲ .. ﻭﻛﻤﻠﻮﺍ ﻭﺭﺍﻫﻢ ...
ﺳﺎﺭﺓ ﻭﻫﻲ ﺗﺠﺮﻱ ﻭﺻﻠﺖ ﻓﻲ ﺷﺠﺮﻛﺒﻴﺮ ﺟﻨﺐ ﺑﻌﻀﻬﺎ ﻣﻌﺎﺵ ﻗﺪﺭﺕ ﺗﻜﻤﻞ ...
ﺳﺎﺭﺓ : ﻻﺍﺍﺍﺍﺍﺍ ﻳﺎﺭﺑﻲ ... ﻣﺶ ﻗﺎﺩﺭﺓ ﺗﺸﺪ ﻓﺮﻳﻨﻮ .. ﻣﻨﺪﻓﻌﻪ ﺣﺮﻛﺘﻬﺎ ..
ﺍﻛﺮﻡ ﺧﺎﻑ ﻋﻠﻴﻬﺎ ﺗﻨﺨﺒﻂ ﻓﻲ ﺍﻟﺸﺠﺮ ﺍﻟﻠﻲ ﻗﺪﺍﻣﻬﺎ .. ﻗﻮﻯ ﺳﺮﻋﺘﻪ ﻷﻗﺼﻰ ﺣﺪ ﻋﻨﺪﻩ ... ﻟﺤﻖ ﻋﻠﻴﻬﺎ .. ﺷﺪﻫﺎ ﻣﻦ ﻣﺮﺍﻓﻘﻬﺎ ﺑﻌﺪﻳﻦ ﺿﻤﻬﺎ ﺑﺶ ﺗﻮﻗﻒ ...
ﻛﻤﺎﻝ ﻭﻧﻮﺭﺍﻥ ﻟﺤﻘﻮﺍ ﻋﻠﻴﻬﻢ ﻭﻗﻔﻮﺍ ﻟﻤﺎ ﺷﺎﻓﻮﺍ ﻭﺿﻌﻬﻢ ..
ﺳﺎﺭﻩ ﻗﻠﺒﻬﺎ 💓💓💓💓💓💓
ﻭﺍﻛﺮﻡ ..💣💓💣💓💣💓💣💓💣💓...
ﺍﻟﻠﻪ ﻏﺎﻟﺐ ﻫﻜﻲ ﺩﻗﺎﺕ ﻗﻠﺒﻪ ...🤣😂😁
ﺷﻮﻳﻪ ﻭﺍﻛﺮﻡ ﺍﺳﺘﺎﻗﺾ ﻟﻨﻔﺴﻪ ﻭﻃﻠﻘﻬﺎ ..
ﺍﻛﺮﻡ ﺑﻌﺼﺒﻴﻪ : ﻣﻜﻠﻮﺑﻪ ﺍﻧﺘﻲ ﻣﻜﻠﻮﺑﻪ ..
ﺳﺎﺭﺓ : ﻛﻴﻔﻚ
ﺍﻛﺮﻡ ﺑﺼﻮﺕ ﻋﺎﻟﻲ : ﻧﺪﻭﻱ ﺟﺪ ﺍﻧﺎ .. ﻃﺎﻟﻘﻪ ﺭﺟﻠﻴﻚ ﻭﺗﺠﺮﻱ ﻓﻲ ﻣﻜﺎﻥ ﺧﺎﻟﻲ ﻛﻴﻒ ﻫﻀﺎ؟ ! ﺑﺘﺠﺮﻱ ﻭﺣﺪﻙ ﺍﺟﺮﻱ ﻟﻜﻦ ﺗﺎﺧﺪﻱ ﻧﻮﺭﺍﻥ ﻣﻌﺎﻙ ﻟﻴﺶ ... ﻧﺴﻴﺘﻲ ﻭﺿﻌﻬﺎ ..
ﻛﻤﺎﻝ ﺍﻧﺼﺪﻡ ﻓﻜﻠﻤﺘﻪ .. ﻫﻲ ﻃﻮﻝ ﺷﺒﺤﺖ ﻟﻨﻮﺭﺍﻥ .. ﺍﻟﻠﻲ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﺍﺑﺘﺴﻤﺖ ..
ﻧﻮﺭﺍﻥ : ﻛﻨﻪ ﻭﺿﻌﻲ ﻳﺎﺍﻛﺮﻡ ﺭﻩ ﺳﻜﺮ ﻣﺶ ﻗﻠﺐ ﻋﺎﺩﻱ ﻛﺎﻥ ﺟﺮﻳﺖ ﺷﻮﻳﻪ ﻣﺎﻳﺼﻴﺮﻟﻲ ﺷﻲ ... ﻫﺎﻩ ﻗﺪﺍﻣﻚ ﻗﺎﻋﺪﻩ ﻣﺼﺒﻴﻪ ..
ﺍﻛﺮﻡ ﺗﺄﺳﻒ ﻫﻠﺒﻪ ﻉ ﺍﻟﻠﻲ ﻗﺎﻟﻪ .. ﻭﻟﺤﻈﺘﻬﺎ ﺗﻤﻨﻰ ﻟﻮ ﻳﻀﺮﺏ ﺳﺎﺭﻩ ﻷﻥ ﻫﻲ ﺍﻟﻠﻲ ﻃﻠﻌﺎﺗﻪ ﻣﻦ ﻃﻮﺭﻩ ..
ﻧﻮﺭﺍﻥ : ﻫﻲ ﺣﺒﺖ ﺗﻀﺤﻚ ﻣﻌﺎﻙ ﺑﺲ .. ﻭﺍﻧﺎ ﻣﻌﺎﻫﺎ ... ﻋﻤﻮﻣﺎ ﺍﺳﻔﻪ .. ﻟﻔﺖ ﻭﻣﺸﺖ ..
ﻛﻤﺎﻝ : ﺭﺑﻲ ﻳﻬﺪﻳﻚ .. ﻭﻣﺸﻲ ﻭﺭﺍﻫﺎ ..
ﺳﺎﺭﺓ ﺿﺮﺑﺎﺗﻪ ﻉ ﻳﺪﻩ : ﻫﻚ ﻛﻮﻳﺲ ..
ﺍﻛﺮﻡ : ﻛﻠﻪ ﻣﻦ ﺯﻭﻣﺘﻚ ..
🍁🍁🍁
ﻧﻮﺭﺍﻥ ﺍﻟﻠﻲ ﻭﺟﻌﻬﺎ ﻣﻦ ﺍﻟﻤﻮﻗﻒ ﻛﻠﻪ ﻭﺟﻮﺩ ﻛﻤﺎﻝ ﻓﻴﻪ .. ﺗﺤﺲ ﺑﺎﻟﻨﻘﺺ ﺍﻛﺜﺮ ﻗﺪﺍﻣﻪ ﻛﻞ ﻣﺎﻳﺠﻴﺒﻮﺍ ﺳﻴﺮﺓ ﻣﺮﺿﻬﺎ ..
ﻛﻤﺎﻝ : ﺻﺒﻴﺤﻪ ... ﺍﻭﻗﻔﻲ ﻟﻮﺳﻤﺤﺘﻲ ..
ﻧﻮﺭﺍﻥ ﻭﻗﻔﺖ ﻭﺗﻨﻬﺪﺕ ﻭﺭﺳﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ .. ﺟﻲ ﻗﺪﺍﻣﻬﺎ ..
ﻛﻤﺎﻝ : ﻣﺬﻛﺮﺓ ﺷﻦ ﻗﺘﻠﻚ ﻗﺒﻞ ..
ﻧﻮﺭﺍﻥ ﺑﺄﺑﺘﺴﺎﻣﻪ : ﻣﺮﺿﻲ ﺧﻼﻫﻢ ﻳﺤﺒﻮﻧﻲ ﺑﺰﻳﺎﺩﻩ ..
ﻛﻤﺎﻝ ﺑﺈﺑﺘﺴﺎﻣﻪ : ﻫﺎﻙ ﻣﺬﻛﺮﺓ ﻛﻮﻳﺲ ...
ﻧﻮﺭﺍﻥ ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ : ﺍﻧﺎ ﻳﺎﻛﻤﺎﻝ ﻣﺎﻧﺒﻴﺶ ﻣﺮﺿﻲ ﻳﻜﻮﻥ ﻧﻘﻄﺔ ﺿﻌﻒ .. ﻭﻻ ﻧﺤﺐ ﻧﺤﻖ ﻧﻈﺮﺓ ﺷﻔﻘﺔ ﻓﻲ ﻋﻴﻦ ﺣﺪ ﻟﻴﺎ ... ﺷﺒﺤﺘﻠﻪ .. ﺯﻣﺎﻥ ﻟﻤﺎ ﻛﻨﺖ ﻧﻘﺮﺍ ﻓﻲ ﺍﻟﻤﺪﺭﺳﻪ ﻓﺼﻒ ﺗﺎﻧﻲ ﺍﻋﺪﺍﺩﻱ ﺗﺤﺪﻳﺪﺍ ﻧﻘﻠﺖ ﻟﻤﺪﺭﺳﻪ ﺍﺧﺮﻯ ﻭﻣﺎﻗﻠﺘﺶ ﻟﺤﺪ ﻓﻴﻬﺎ ﺍﻧﻲ ﻣﺮﻳﻀﻪ ﺳﻜﺮ .. ﻟﻌﻨﺪ ﻣﺮﺓ ﺍﻧﺎ ﻭﺑﻨﺎﺕ ﺍﻟﻔﺼﻞ ﺩﺭﻧﺎ ﺷﻄﺎﻧﻪ ﻭﻗﻠﺒﻨﺎ ﺍﻟﻔﺼﻞ ﻓﻲ ﺣﺼﺔ ﻓﺎﺿﻴﻪ ﺩﺭﺑﻴﻚ ﻭﻏﻨﺎ ﻭﺭﻗﻴﺺ .. ﺿﺤﻜﺖ ﻭﻫﻮ ﺿﺤﻚ .. ﻭﺍﻧﺎ ﺍﻟﻠﻲ ﻛﻨﺖ ﻧﻐﻨﻲ ﻭﻧﻬﻴﺞ ﻓﻴﻬﻦ .. ﺍﻟﻤﻬﻢ ﺟﺘﻨﺎ ﺍﺑﻠﻪ ﺳﻜﻴﻨﻪ ﺍﻟﻠﻪ ﻳﺬﻛﺮﻫﺎ ﺑﺎﻟﺨﻴﺮ .. ﻃﻠﻌﺘﻨﺎ ﻛﻠﻨﺎ ﻉ ﺍﻟﺤﻴﻂ ﻭﺟﺎﺑﺖ ﺍﺑﻠﻪ ﺍﺳﻤﻬﺎ ﺭﺑﻴﻌﻪ ﻫﺬﻱ ﻛﺎﻧﺖ ﺧﺒﻄﺖ ﺍﻟﻌﺼﺎ ﻣﺘﺎﻋﻬﺎ ﺗﺨﻠﻴﻚ ﺗﺘﻮﺟﻊ ﺷﻬﺮ ﻗﺪﺍﻡ .. ﺿﺮﺑﺘﻨﺎ .. ﻧﺤﻖ ﻓﻲ ﺍﻟﺒﻨﺎﺕ ﻛﻴﻒ ﻳﺒﻜﻦ ﻭﻳﺘﺄﻟﻤﻦ ﺧﻔﺖ ﻭﺍﺟﺪ ... ﻟﻌﻨﺪ ﻭﺻﻠﺖ ﻓﻴﺎ ﻣﺪﻳﺖ ﺿﺮﺑﺘﻲ ﺧﺒﻄﻪ ﺣﺴﻴﺖ ﺍﻟﻤﻮﺕ ﺟﺘﻨﻲ .. ﺗﺤﻤﻠﺖ ﻟﻌﻨﺪ ﺿﺮﺑﺘﻨﻲ ﺍﻟﺘﺎﻧﻴﻪ ﻭﻛﺎﻧﺖ ﺍﻗﻮﻯ ﺗﺤﻤﻠﺖ ﺑﺲ ﺣﺴﻴﺖ ﺟﺴﻤﻲ ﺑﺪﺍ ﻳﻔﺸﻞ .. ﺿﺮﺑﺘﻨﻲ ﺍﻟﺜﺎﻟﺘﻪ ... ﻭﻛﻴﻒ ﺟﺖ ﺑﺘﻀﺮﺑﻨﻲ ﺍﻟﺮﺍﺑﻌﻪ .. ﻓﻘﺪﺕ ﺍﻟﻮﻋﻲ ...
ﺑﻠﻌﺖ ﺭﻳﻘﻬﺎ ﻭﺍﻟﺪﻣﻮﻉ ﻓﻌﻴﻮﻧﻬﺎ ﺷﺪﺗﻬﻢ ﺑﺈﺑﺘﺴﺎﻣﻪ ﻛﺎﻟﻌﺎﺩﻩ : ﻣﺬﻛﺮﺓ ﻭﻗﺘﻬﺎ ﻋﻤﻲ ﺭﺿﻮﺍﻥ ﻗﻠﺐ ﻋﻠﻴﻬﻢ ﺍﻟﻤﺪﺭﺳﻪ .. ﻫﻤﺎ ﻗﺎﻟﻮﻟﻪ ﻣﺎﻛﺎﻧﺶ ﻋﻨﺪﻧﺎ ﻋﻠﻢ ﺑﻤﺮﺿﻬﺎ ﻭﻣﻦ ﻳﻮﻣﻬﺎ ﺍﻟﻤﺪﺭﺳﻪ ﻛﻠﻬﺎ ﻋﺮﻓﺖ ... ﺑﻌﺪﻫﺎ ..
ﻭﻳﻦ ﻣﺎﺗﺠﻲ ﺍﺑﻠﻪ ﺟﺪﻳﺪﻩ ﻣﺎﺗﻌﺮﻓﺶ ﺗﻀﺮﺑﻨﺎ ﻷﻱ ﺳﺒﺐ ... ﻳﻘﻮﻟﻮﻟﻬﺎ ﺍﻟﺒﻨﺎﺕ ﺑﺼﻮﺕ ﻭﺍﺣﺪ ﻋﻨﺪﻫﺎ ﺳﻜﺮ ﻋﻨﺪﻫﺎ ﺳﻜﺮ .. ﻭﻟﻤﺎ ﻧﻨﺰﻝ ﻟﺤﺼﺔ ﺍﻟﺮﻳﺎﺿﻪ ﻧﻨﺤﺮﻡ ﻣﻦ ﺣﺎﺟﺎﺕ ﻭﺍﺟﺪﻩ ﻭﺍﻷﺑﻠﻪ ﺗﻘﻮﻝ ﺍﻧﺘﻲ ﻣﺎﺗﺤﻤﻠﻴﺶ ..
ﻛﺮﻫﺖ ﻣﺮﺿﻲ ﻭﺍﺟﺪ ﻛﺮﻫﺖ ﻧﻔﺴﻲ .. ﻛﺮﻫﺖ ﻛﻠﻤﺔ ﺣﺮﻣﺎﻥ ﺍﻟﻠﻲ ﺭﺍﻓﻘﺘﻨﻲ ﻓﻲ ﺣﺎﺟﺎﺕ ﻭﺍﺟﺪﻩ ... ﺗﻤﻨﻴﺖ ﻟﻮ ﻧﻨﻀﺮﺏ ﻛﻴﻒ ﺍﻟﺒﻨﺎﺕ ﻋﺎﺩﻱ ﻧﺎﻛﻞ ﺍﻟﻠﻲ ﻧﺒﻴﻬﺎ ﻋﺎﺩﻱ ﻛﻴﻔﻲ ﻛﻴﻔﻬﻢ ﺑﺪﻭﻥ ﻣﺎﻳﻜﻮﻥ ﻓﻲ ﺗﻤﻴﻴﺰ ﻫﺬﻱ ﻣﺶ ﻟﻠﺴﻜﺮﻳﻴﻦ ﻣﺎﺗﺎﺧﺪﻳﺶ ﻣﻨﻬﺎ .
ﺩﻣﻮﻋﻬﺎ ﻛﺎﻧﻮﺍ ﻳﻨﺰﻟﻮﺍ .. ﻭﻗﻠﺒﻪ ﻫﻮ ﻳﻨﻔﻄﺮ ...💔
ﻧﻮﺭﺍﻥ ﻣﺴﺤﺖ ﺩﻣﻮﻋﻬﺎ : ﻣﺎﻧﺤﺒﺶ ﻧﺴﺘﻌﻄﻒ ﺣﺪ ﻭﻭﻻﻣﺮﺓ ﺍﺳﺘﻐﻠﻴﺖ ﻣﺮﺿﻲ .. ﺑﺶ ﻣﺎﻧﺤﺴﺶ ﺑﺎﻟﻀﻌﻒ ﻛﻨﺖ ﻧﺒﻲ ﻧﻜﻮﻥ ﻗﻮﻳﻪ ﻉ ﻗﺪ ﻣﺎﻧﻘﺪﺭ ... ﺩﻣﻮﻋﻬﺎ ﻧﺰﻟﻮﺍ ...
ﻫﻮ ﻗﻌﺪ ﻳﻤﺴﺢ ﻓﻴﻬﻢ .. ﻫﻲ ﺣﺴﺖ ﺑﺸﻌﻮﺭ ﺣﻠﻮﻭﻭﻭ ..💓 ﻭﻗﺎﻣﺖ ﻋﻴﻮﻧﻬﺎ ﻓﻌﻴﻮﻧﻪ ..
ﻛﻤﺎﻝ : ﺑﺠﺪﻳﺎﺕ ... ﺍﻧﻲ ﻣﻌﺠﺐ ﺑﻴﻚ ﻫﻠﺒﻪ ...
💙 ﻧﻮﺭﺍﻥ ..
ﻻ ﻣﻌﻠﻴﺶ ﻓﻲ ﻫﺎﻟﻤﻮﺍﻗﻒ ﻻﺯﻡ ﻳﺬﻛﺮ ﻓﻴﻬﺎ ﺍﻥ ﻋﻨﺪﻱ ﺳﻜﺮ ... ﻗﺼﺪﻱ ﻧﺎ ﻣﻌﺶ ﻓﻬﻤﺖ ﺷﻲ ﻣﻦ ﺷﻲ .. ﺧﻼﺹ ﺭﺍﺣﺖ ﻣﻨﻲ ﺍﻟﺨﺮﻳﻄﻪ ﻭﺿﻌﺖ ﺗﻤﺎﻣﺎ . ﺭﺣﺖ ﻓﻴﻬﺎ ..
ﻛﻤﺎﻝ : ﺍﻧﺘﻲ ﻓﻴﻚ ﻓﻲ ﺣﺎﺟﺎﺕ ﻏﻴﺮﻙ ﻣﺎﻳﻤﻠﻜﻬﺎﺵ ﻭﻫﻠﺒﻪ ﻧﺎﺱ ﻣﺤﺮﻭﻣﻪ ﻣﻨﻬﺎ .. ﻭﺍﻭﻟﻬﻢ ﻗﻠﺒﻚ ﻗﻠﺒﻚ ﺍﻟﻄﻴﺐ ﻳﺎﻧﻮﺭﺍﻥ ﺍﻟﺼﺎﻓﻲ .. ﺍﻟﻠﻲ ﻟﻤﺎ ﺭﺑﻚ ﻳﺸﺒﺤﻠﻪ ﻳﻠﻘﺎﻩ ﻧﻈﻴﻒ ﻭﺻﺎﻓﻲ ﻳﻘﺮﺑﻚ ﻟﻴﻪ ﻭﻳﺤﺒﻚ ... ﻣﺮﺿﻚ ﻧﻌﻤﻪ .. ﻭﻳﺎﺣﻈﻚ ﺑﻴﻪ ﻣﻊ ﻛﻞ ﺷﻲ ﺗﺘﺄﻟﻤﻲ ﻣﻨﻪ ﺑﺴﺒﺒﻪ ﻧﻔﺴﻲ ﻭﻻﺟﺴﺪﻱ ﻳﺰﻳﺪ ﺍﺟﺮﻙ ﻭﺗﻐﻔﺮ ﺫﻧﻮﺑﻚ .. ﻉ ﻋﻜﺴﻨﺎ ... ﺻﺒﺢ ... ﻣﺮﺿﻚ ﺧﻠﻴﻪ ﻧﻘﻄﻪ ﻗﻮﺓ ﻟﻴﻚ ﻭﺣﺎﺟﻪ ﺣﻠﻮﺓ ﺯﻳﺎﺩﻩ ﻉ ﺍﻟﺤﺎﺟﺎﺕ ﺍﻟﻠﻲ ﻋﻨﺪﻙ ..
ﻧﻮﺭﺍﻥ ﺑﻀﺤﻜﻪ ﺧﺠﻮﻟﻪ : ﺑﺸﻮﻳﺶ ﻟﻮﺳﻤﺤﺖ ﺍﻧﺖ ﺷﺎﺏ ﻗﺎﻋﺪ ﺗﻘﻮﻝ ﻓﻲ ﻛﻼﻡ ﺣﻠﻮ ﻟﺒﻨﺖ ..
ﻛﻤﺎﻝ : ﻫﻬﻬﻬﻬﻬﻬﻬﻬﻪ ... ﺍﺳﻒ .. ﺑﺲ ﻛﻼﻡ ﻓﻘﻠﺒﻲ ﻭﻗﻠﺘﻪ ﻭﺍﻧﻲ ﻣﺎﻧﻌﺮﻓﺶ ﻧﺪﺱ ﺍﻟﻜﻼﻡ ﺍﻟﺤﻠﻮ ...
ﻧﻮﺭﺍﻥ ﺍﺑﺘﺴﻤﺖ : ﻉ ﺍﻟﻌﻤﻮﻡ ﻣﺸﻜﻮﺭ ..
ﻛﻤﺎﻝ ﺍﺑﺘﺴﻢ : ﺍﻟﻌﻔﻮ ...💖
ﺷﻮﻳﻪ ﻭﺭﻥ ﺗﻠﻴﻔﻮﻧﻪ .. ﺭﺩ ..
ﻛﻤﺎﻝ : ﺍﻳﻮﻩ ....... ﺗﻤﺎﻡ ...... ﺟﺎﻳﻴﻦ .. ﺻﻜﺮ .. ﺷﺒﺤﻠﻬﺎ ... ﻫﺬﺍ ﺍﻛﺮﻡ ﻗﺎﻝ ﺗﻌﺎﻟﻮﺍ ﻟﻠﻐﺪﻱ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻫﻴﺎ ..
ﻛﻤﺎﻝ ﺍﺑﺘﺴﻢ ﻭﻣﺸﻮﺍ ﻣﻊ ﺑﻌﺾ ﻭﻛﻤﻠﻮﺍ ﻫﺪﺭﺯﺓ ﻭﻫﻤﺎ ﻣﺎﺷﻴﻴﻦ 💓💓
ﻗﻌﻤﺰﻭﺍ ﻉ ﻃﺎﻭﻟﻪ ﻛﺒﻴﺮﺓ ﻭﻫﻤﺎ ﻳﺘﻐﺪﻭﺍ ...
ﻻﺣﻈﺖ ﻧﻮﺭﺍﻥ ﻉ ﻛﻤﺎﻝ ﺍﻧﻪ ﻣﺎﻳﺎﻛﻠﺶ ﻓﻲ ﺍﻟﺪﺟﺎﺝ ... ﻭﻛﺎﻥ ﻣﻜﺘﻔﻲ ﺑﺎﻟﺮﺯ ﻭﺳﺘﻴﻚ ﺍﻟﻠﺤﻢ ﻷﻥ ﺑﺎﻗﻲ ﺍﻷﺻﻨﺎﻑ ﺩﺟﺎﺝ ﻭﻫﻲ ﺗﺤﺒﻪ ﻫﻠﺒﻪ .. ﺍﺑﺘﺴﻤﺖ .. ﻭﻫﻲ ﺗﺮﺍﻗﺐ ﻓﻴﻪ ..
ﺳﺎﺭﺓ : ﻭﺍﻟﻠﻪ ﺍﻳﻜﺎﻟﻚ ﺧﻴﺮ ﻣﻦ ﺍﻳﻜﺎﻟﻬﻢ ..
ﻧﺒﻮﻳﻪ : ﺍﻩ ﻭﺍﻟﻠﻪ ..
ﺳﺎﺭﺓ ﺿﺤﻜﺖ ﺑﻜﺘﻤﺎﻥ ..
ﺭﺿﻮﺍﻥ ﻭﺭﻳﻬﺎﻡ ﻛﺎﻧﻮﺍ ﺑﺮﻭﺣﻬﻢ ﻃﺒﻌﺎ ...
ﻭﺭﻳﻬﺎﻡ ﻃﻮﻝ ﺍﻟﻮﻗﺖ ﺗﺨﺘﻠﺲ ﻓﻲ ﺍﻟﻨﻈﺮ ﻷﻛﺮﻡ ...
ﺷﻬﺎﺏ : ﻧﺎﻧﻲ ..
ﻧﻮﺭﺍﻥ : ﻧﻌﻢ ...
ﺷﻬﺎﺏ : ﺗﺒﻴﻬﺎ ﺍﻟﻜﻔﺘﻪ ..
ﻧﻮﺭﺍﻥ : ﻫﻬﻬﻬﻬﻬﻪ .. ﻻ .. ﻣﺪﺕ ﺍﻟﺼﻮﻧﻴﻪ .. ﺧﻮﺩﻫﺎ ..
ﺷﻬﺎﺏ ﺿﺤﻚ : ﻣﺎﺗﺤﺮﻣﺶ .. ﺧﺪﻱ ﺍﻟﻜﺘﻔﻪ ﻭﺣﻄﻬﺎ ﻓﻲ ﺻﻮﻧﻴﻪ ﻭﻣﺪﻟﻬﺎ ﺻﻮﻧﻴﺘﻬﺎ ..
ﻭﻛﻤﺎﻝ ﻳﺸﻮﻓﻠﻬﻢ ﻛﺎﻥ ﻳﺎﻛﻞ ﻭﻗﻒ ﻣﻀﻎ ﻟﻤﺎ ﻗﻌﺪ ﻳﺸﻮﻑ ﻟﻠﻘﻄﻪ ..
ﺳﺎﺭﺓ ﺭﻛﺰﺕ ﻣﻌﺎﻩ .. ﺑﻌﺪﻳﻦ ﺷﺒﺤﺖ ﻟﺼﻮﻧﻴﺘﻬﺎ ﻭﻗﻌﺪﺕ ﺗﺎﻛﻞ ﻭﻫﻲ ﻣﺒﺘﺴﻤﻪ ...
ﺭﺿﻮﺍﻥ ﻛﺎﻥ ﻳﺎﻛﻞ ﻭﻋﻴﻨﻪ ﻟﻤﺤﺖ ﺣﺪ ﻏﺮﻳﺐ ﻫﻮ ﺍﻟﻤﻜﺎﻥ ﻓﻴﻪ ﻫﻠﺒﻪ ﻏﺮﺑﺎﺀ ﺑﺲ ﻫﺬﺍ ﺑﺰﺍﻳﺪ ..
ﺭﻳﻬﺎﻡ ﻻﺣﻈﺖ : ﻛﻨﻚ ﺣﺒﻴﺒﻲ ..
ﺭﺿﻮﺍﻥ ﺷﺒﺤﻠﻬﺎ ﻭﺍﺑﺘﺴﻢ ﻣﺠﺎﻣﻠﻪ : ﻣﺎﻓﺶ ﺷﻲ ﺗﻐﺪﻱ ﺣﺒﻴﺒﻲ ...
ﻣﻄﺖ ﺷﻮﺭﺍﺑﻬﺎ ﺑﺈﺳﺘﻐﺮﺍﺏ ﻭﻛﻤﻠﺖ ﻣﺎﻛﻠﻪ ..
ﺑﻌﺪ ﺗﻐﺪﻭﺍ ﻛﻠﻬﻢ ﺗﻮﺟﻬﻮﺍ ﻟﻐﺮﻓﻬﻢ ... ﻭﺳﺎﺭﻩ ﻭﻧﻮﺭﺍﻥ ﻭﻛﻤﺎﻝ ﻏﻄﻮﺍ ﻓﻲ ﻧﻮﻡ ﻋﻤﻴﻖ .. ﻣﺎﻋﺪﺍ ﺍﻛﺮﻡ ﺍﻟﻠﻲ ﻻﺯﻡ ﻋﻴﻮﻧﻪ ﻳﻘﻌﺪﻭﺍ ﻣﻔﺘﻮﺣﺎﺕ ﻟﻴﻞ ﻧﻬﺎﺭ ...
***
ﺭﻳﻬﺎﻡ : ﺣﺒﻴﺒﻲ .. ﺗﺒﻲ ﻋﻴﻞ ﻭﻻﺑﻨﺖ ..
ﺭﺿﻮﺍﻥ ﻭﻫﻮ ﺣﺎﺿﻨﻬﺎ : ﻋﺎﺩﻱ ﺣﺒﻴﺒﻲ ﻣﺎﺗﻔﺮﻗﺶ ﺍﻟﻤﻬﻢ ﻣﻨﻚ ..
ﺭﻳﻬﺎﻡ : ﺗﻮﻗﻌﺘﻚ ﺗﻘﻮﻝ ﻋﻴﻞ ..
ﺭﺿﻮﺍﻥ : ﻫﻬﻬﻬﻬﻪ ﺍﻟﻌﻴﻞ ﻭﻋﻨﺪﻱ .. ﻣﻤﻜﻦ ﺗﻜﻮﻥ ﺭﻏﺒﺘﻲ ﻓﺒﻨﻮﺗﻪ ﺳﻤﺤﻪ ﻛﻴﻔﻚ ..
ﺭﻳﻬﺎﻡ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ﺍﻟﻤﻬﻢ ﻳﺠﻲ ﺳﻠﻴﻢ ﻣﻌﺎﻓﻰ ﻭﺑﺲ ..
ﺭﺿﻮﺍﻥ ﺧﻄﻢ ﻗﺪﺍﻣﻪ ﻭﻣﻴﺾ ﻣﻦ ﺍﻟﻤﺎﺿﻲ ..
>> ﻣﺴﺘﺸﻔﻰ ... ﻏﺮﻓﺔ ﺍﻟﺤﻀﺎﻧﻪ .. ﻃﻔﻞ ﺭﺿﻴﻊ ﻻﺑﺲ ﻟﺒﺴﻪ ﻟﻮﻧﻬﺎ ﺍﺯﺭﻕ ﻭﺷﻜﻠﻪ ﺣﻠﻮ ﻫﻠﺒﻪ .... ﺧﻮﻩ ﺳﻔﻴﺎﻥ <<
ﺣﻂ ﺍﻳﺪﻩ ﻉ ﻋﻴﻮﻧﻪ ﻭﻗﻌﺪ ﻳﺤﻚ ﻓﻴﻬﻢ ﺑﻌﻨﻒ ..
ﺭﻳﻬﺎﻡ ﺣﺴﺖ ﺑﻴﻪ ﺑﻌﺪﺕ :. ﻛﻨﻚ ﺭﺿﻮﺍﻥ ...
ﺭﺿﻮﺍﻥ ﺯﻓﺮ ﺑﻘﻮﺓ : ﺷﻲ ﺣﺒﻴﺒﻲ
ﻧﺤﺲ ﻓﺮﻭﺣﻲ ﺗﺎﻋﺐ ﻧﺒﻲ ﻧﺮﻗﺪ ﺳﺎﻋﺔ ﺯﻣﺎﻥ ...
ﺭﻳﻬﺎﻡ : ﺗﻤﺎﻡ ﻳﺎﻗﻠﺒﻲ ﺍﺭﻗﺪ .. ﺣﺘﻰ ﻧﺎ ﻧﻴﺘﻲ ﻓﻲ ﺍﻟﻨﻮﻡ ..
ﺭﻗﺪﻭﺍ ﻫﻤﺎ ﺍﻟﺰﻭﺯ ... ﺑﺲ ﺭﺿﻮﺍﻥ ﻛﺎﻥ ﻳﺤﺎﻭﻝ ﻳﻨﺴﻰ ﺍﻟﺬﻛﺮﻯ ﺍﻟﺴﻮﺩﺍ ﺍﻟﻠﻲ ﻳﺎﻣﺎ ﺃﺭﻗﺎﺗﻪ ﻭﺣﺮﻣﺎﺗﻪ ﻣﻦ ﺍﻟﻨﻮﻡ ...
***
: ﺟﺎﻱ ﻣﻊ ﻋﻴﻠﺘﻪ ..
: ﻻ ﺍﻧﺎ ﻫﺎﻟﻤﺮﺓ ﻧﺒﻴﻬﺎ ﻓﻴﻪ ﻫﻮ ﻧﺒﻴﻜﻢ ﺗﺼﻴﺒﻮﻩ ﻓﻤﻜﺎﻥ ﻣﺎﺗﺨﻠﻴﺶ ﻳﻤﻮﺕ ﻭﻻ ﻳﺮﺩ ﻟﻠﺤﻴﺎﺓ ﻛﻴﻒ ﻗﺒﻞ ...
: ﺗﻢ ﻳﺎﻛﺒﻴﺮ ..
: ﻣﺶ ﺍﻟﻤﻌﺪﺍﻧﻲ ﺍﻟﻠﻲ ﺗﻌﻔﺴﻮﺍ ﻉ ﻃﺮﻓﻪ ﻭﻳﺨﺎﻑ ﻭﻳﻔﻮﺗﻪ ﻳﺎﺭﺿﻮﺍﻥ ﺍﻟﻜﻠﺐ ..
***
ﻓﻲ ﺍﻟﻠﻴﻞ ..
ﺳﺎﺭﺓ ﻣﻊ ﻧﺒﻮﻳﻪ ...
ﻭﻛﻤﺎﻝ ﻃﺒﻌﺎ ﻣﻊ ﺍﻛﺮﻡ .. ﻭﻋﻴﻮﻧﻪ ﻉ ﻧﻮﺭﺍﻥ ﻭﺷﻬﺎﺏ ﺍﻟﻠﻲ ﻣﻘﻌﻤﺰﻳﻦ ﻣﻊ ﺑﻌﺾ ﺑﺮﻭﺣﻬﻢ ..
ﻧﻮﺭﺍﻥ : ﻫﺎﻩ ﺍﺣﻜﻲ ﻣﺎﻋﻨﺪﻙ ﻭﻳﻦ ﺗﻬﺮﺏ ..
ﺷﻬﺎﺏ ﺍﺑﺘﺴﻢ : ﺣﻨﺤﻜﻲ ﺑﺲ ﻗﺒﻠﻬﺎ ﻧﻮﺭﺍﻥ ﻧﺘﻤﻨﻰ ﺍﻧﻚ ﻣﺎﺗﺎﺧﺪﻳﺶ ﻣﻨﻲ ﻣﻮﻗﻒ ﺍﺭﺟﻮﻙ ..
ﻧﻮﺭﺍﻥ ﻓﺎﻫﻤﻪ ﺷﻦ ﻳﺒﻲ ﻳﻘﻮﻝ : ﺍﺣﻜﻲ ﻭﺍﻧﺖ ﻣﻄﻤﻦ ..
ﺷﻬﺎﺏ ﺗﻨﻬﺪ : ﻧﻮﺭﺍﻥ ﺍﻧﺎ ﺍﺳﻒ ﻣﻤﻜﻦ ﻧﻜﻮﻥ ﺟﺎﺭﺣﻚ ﻗﺒﻞ ﺑﻄﺮﻳﻘﻪ ﺍﻭ ﺑﺄﺧﺮﻯ ﻭﻏﻠﻄﺘﺖ ﻓﻴﻚ ﺑﺪﻭﻥ ﻗﺼﺪ ﺗﻌﺮﻓﻲ ﻣﻌﺰﺗﻚ ﻋﻨﺪﻱ .. ﻣﺎﻧﺒﻴﺶ ﻧﻘﻮﻝ ﺍﻧﻚ ﻛﻴﻒ ﺍﺧﺘﻲ ﺍﻧﺘﻲ ﺍﺧﺘﻲ ﻳﺎﻧﻮﺭﺍﻥ ..
ﻧﻮﺭﺍﻥ ﺍﺑﺘﺴﻤﺖ : ﻭﺍﻧﺖ ﻭﺍﻟﻠﻪ ﺧﻮﻳﺎ ﻳﺎﺷﻬﺎﺏ ..
ﺷﻬﺎﺏ ﺷﺒﺤﻠﻬﺎ ﻭﺍﺑﺘﺴﻢ : ﻧﻮﺭﺍﻥ ﻧﺒﻴﻚ ﺗﺴﺎﻋﺪﻳﻨﻲ ..
ﻧﻮﺭﺍﻥ : ﻓﺸﻨﻮ ..
ﺷﻬﺎﺏ : ﺍﺣﻤﻢ .. ﺍﻧﺎ ... ﻣﺶ ﻋﺎﺭﻑ ﻛﻴﻒ .. ﺑﺲ ﺣﺒﻴﺖ ..
ﻧﻮﺭﺍﻥ ﺿﺤﻜﺖ : ﻣﻼﻙ ..
ﺷﻬﺎﺏ ﺍﻧﺼﺪﻡ : ﻗﺼﺪﻙ ﻛﻨﺘﻲ ﺗﻌﺮﻓﻴﻪ ..
ﻧﻮﺭﺍﻥ : ﺍﻫﺎ ﻭﺩﺭﺕ ﺍﻟﺤﻮﻟﻪ ..
ﺷﻬﺎﺏ : ﻫﻬﻬﻬﻬﻬﻬﻬﻬﻪ ... ﻉ ﺍﻟﻌﻤﻮﻡ ﻣﺎﻧﻘﺼﺪﻫﺎﺵ ﻫﻲ ..
ﻧﻮﺭﺍﻥ ﺑﺈﺳﺘﻐﺮﺍﺏ : ﻛﻴﻒ؟؟ !!
ﺷﻬﺎﺏ : ﺻﺢ ﻳﻌﻨﻲ ﻛﻨﺎ ﻓﻌﻼﻗﻪ ﺑﺲ ﻛﺎﻧﺖ ﺟﻮ ﺑﺎﻟﻨﺴﺒﻪ ﻟﻴﺎ .. ﺯﻱ ﻣﺎﺃﻧﺎ ﻛﻨﺖ ﻟﻬﺎ ﻣﺼﺮﻑ ﻣﺘﻨﻘﻞ ..
ﻧﻮﺭﺍﻥ ﺗﺤﺸﻤﺖ ﻭﺳﻜﺘﺖ ..
ﺷﻬﺎﺏ : ﻣﺎﺗﺤﺸﻤﻴﺶ ﻓﺮﻕ ﺑﻴﻨﻚ ﻭﺑﻴﻨﻬﺎ ﻛﻴﻒ ﻫﺬﻱ ﺑﻨﺖ ﺧﺎﻟﺘﻚ ﻣﺶ ﻋﺎﺭﻑ ..
ﻧﻮﺭﺍﻥ ﺑﻀﺤﻜﻪ : ﺧﻠﻴﻨﺎ ﻣﻨﻬﺎ ﺗﻮﺍ ... ﺑﺎﻫﻲ ﻗﻮﻟﻲ ﻣﻦ ﻫﻲ ﺍﻟﻠﻲ ﺟﺎﺑﺖ ﺭﺍﺳﻚ ..
ﺷﻬﺎﺏ : ﺗﻌﺮﻓﻴﻬﺎ ..
ﻧﻮﺭﺍﻥ ﺑﺈﺳﺘﻐﺮﺍﺏ : ﻧﻌﺮﻓﻬﺎ !!!
ﺷﻬﺎﺏ : ﺍﻫﺎ ﻭﻛﻮﻳﺲ ﺍﺧﺮﻯ ... ﻟﻴﺎ ﻣﻦ ﺣﻮﺍﻟﻲ ﺷﻬﺮﻳﻦ ﻭﺍﻧﺎ ﻧﺠﺮﻱ ﻭﺭﺍﻫﺎ ﻟﻜﻦ ﻫﻲ ﻣﺼﻜﺮﻩ ﻋﻠﻴﺎ ﺍﻟﻄﺮﻳﻖ ﺣﺘﻰ ﺗﺒﺤﻴﺖ ﻓﻴﺎ ﻣﺎﺗﺒﺤﺖ ﻭﺍﻧﺎ ﻭﺍﻟﻠﻪ ﻣﻦ ﻛﺘﺮ ﻣﺎﻧﻤﺸﻲ ﻭﺭﺍﻫﺎ ﻭﻧﺮﺍﻗﺐ ﻓﻴﻬﺎ ﺣﺒﻴﺘﻬﺎ ﻭﺍﺟﺪ ﻳﺎﻧﻮﺭﺍﻥ .. ﻫﻴﺎ ﺳﻤﺤﻪ ﻭﺍﺟﺪ ﻭﻣﺤﺘﺮﻣﻪ ﻭﺍﺟﺪ ..
ﻧﻮﺭﺍﻥ ﻣﺪﺕ ﻳﺪﻫﺎ ...✋: ﺍﺭﺟﻰ ﺍﺭﺟﻰ ... ﻧﻌﺮﻓﻬﺎ ﻛﻮﻳﺲ ﻭﺳﻤﺤﻪ ﻭﺍﺟﺪ ﻭﻣﺤﺘﺮﻣﻪ ﻭﺍﺟﺪ ... ﺷﺒﺤﺘﻠﻪ .. ﺍﻟﻠﻲ ﻓﺒﺎﻟﻲ ﺻﺎﺡ ..
ﺷﻬﺎﺏ : ﻫﻬﻬﻬﻬﻬﻬﻪ ..
ﻧﻮﺭﺍﻥ : ﻗﻮﻝ ﺍﺳﻤﻬﺎ ..
ﺷﻬﺎﺏ ﺍﺑﺘﺴﻢ ﻭﻭﻃﺎ ﺭﺍﺳﻪ ﻟﻮﻃﺎ : ﺻﻔﺎﺀ ..
ﻧﻮﺭﺍﻥ ﺣﻄﺖ ﺍﻳﺪﻫﺎ ﻉ ﻓﻬﻤﺎ ﺑﺸﻬﻘﻪ ﻭﻧﺎﺿﺖ ﻭﻗﻔﺖ ﻓﻲ ﻧﻔﺲ ﺍﻟﻮﻗﺖ .
ﻛﻠﻬﻢ ﺷﺒﺤﻮﻟﻬﺎ ...
ﻛﻤﺎﻝ ﻋﺼﺐ ﺑﺠﺪﻳﻪ ﻫﺎﻟﻤﺮﺓ ﺣﻂ ﻳﺪ ﻓﻲ ﺟﻴﺒﻪ ﻭﺍﻟﺘﺎﻧﻴﻪ ﻭﺧﺮ ﺑﻴﻬﺎ ﺷﻌﺮﻩ ﻟﻠﻮﺭﺍ ﺑﻌﻨﻒ ..
ﻭﺍﻛﺮﻡ ﻗﻌﺪ ﻣﺮﻛﺰ ﻣﻌﺎﻫﻢ ﻭﻫﻮ ﻣﺴﺘﻐﺮﺏ ..
ﺷﻬﺎﺏ ﻧﺎﺽ ﻭﻫﻮ ﻳﻀﺤﻚ : ﻓﻀﺤﺘﻴﻨﻲ ..
ﻧﻮﺭﺍﻥ : ﻫﻬﻬﻬﻬﻬﻬﻬﻪ ... ﺑﺎﻩ ﻟﺤﻈﻪ ﻫﻴﺎ ﺗﻌﺮﻑ ﺑﻌﻼﻗﺘﻚ ﻣﻊ ﻣﻼﻙ ..
ﺷﻬﺎﺏ ﻣﻂ ﺷﻮﺍﺭﺑﻪ ﺑﺄﺳﻒ : ﺍﻫﺎ .. ﻻﺣﻈﺖ ..
ﻧﻮﺭﺍﻥ " ﻟﻬﺎﻟﺴﺒﺐ ﺣﺴﻴﺘﻬﺎ ﻛﺎﺭﻫﺘﻬﺎ ﻭﺍﺟﺪ .."
ﺷﻬﺎﺏ : ﻭﻣﻤﻜﻦ ﺣﺘﻰ ﺣﻜﺎﻳﺔ ﺍﻟﺤﺠﺮ ..
ﻧﻮﺭﺍﻥ : ﺗﻌﺮﻑ ﻧﺤﻨﺎ ﻻﺯﻡ ﻧﺪﻳﺮﻭﺍ ﺣﻞ ﻓﺤﻜﺎﻳﻪ ﺍﻟﺤﺠﺮ ﻫﺬﻱ ..
ﺷﻬﺎﺏ : ﻭﺍﻧﺎ ﻣﻌﺎﻙ ..
ﻧﻮﺭﺍﻥ : ﻫﺎﻟﻤﺮﺓ ﺣﻨﺤﻜﻲ ﻣﻌﺎﻩ ﺧﻼﺹ .. ﺧﻞ ﻧﺮﺩﻭﺍ ﻣﻦ ﻫﻨﺎ ﻳﺼﻴﺮ ﺧﻴﺮ ﺑﻌﺪﻫﺎ ..
ﺷﻬﺎﺏ : ﺗﻤﺎﻡ ..
ﻧﻮﺭﺍﻥ ﺿﺮﺑﺎﺗﻪ ﻉ ﺫﺭﺍﻋﻪ : ﺻﻔﺎﺀ ﻳﺎﻗﺮﺩ ..
ﺷﻬﺎﺏ : ﻫﻬﻬﻬﻬﻬﻬﻬﻪ
ﻛﻤﺎﻝ : ﺍﺣﻤﻢ .. ﻓﻲ ﺑﻴﻨﺎﺗﻬﻢ ﺷﻲ ..
ﺍﻛﺮﻡ ﻭﻫﻮ ﻳﺸﻮﻓﻠﻬﻢ : ﺣﺎﺟﺮﻫﺎ ..
ﻛﻤﺎﻝ ﺿﻴﻖ ﻋﻴﻮﻧﻪ ﺑﺘﺴﺎﺅﻝ : ﺣﺎﺟﺮﻫﺎ؟ !!
ﺍﻛﺮﻡ ﺷﺒﺤﻠﻪ : ﺍﻫﺎ .. ﻳﻌﻨﻲ ... ﻣﺤﺠﻮﺯﺓ ﻟﻪ ... ﻳﻌﻨﻲ ﻣﻦ ﻭﻫﻲ ﺻﻐﻴﺮﻩ ﺧﺎﻃﺒﻬﺎ ...
ﻛﻤﺎﻝ ﺍﻧﺼﺪﻡ : ﻛﻴﻒ؟ ! ﻗﺼﺪﻙ .. ﻣﺨﻄﻮﺑﻪ ﻫﻲ ..
ﺍﻛﺮﻡ ﺭﻛﺰ ﻉ ﺭﺩﺓ ﻓﻌﻠﻪ : ﺍﻫﺎ ..!!
ﻓﺠﺄﺓ ..
ﺳﻤﻌﻮﺍ ﺻﻮﺕ ﺍﻃﻼﻕ .. ﻧﺎﺭ ..
ﻛﻠﻬﻢ ﺟﻤﺪﻭﺍ ﻭﺷﺒﺤﻮﺍ ﻟﺒﻌﺾ .. ﻭﻳﺴﻤﻌﻮﺍ ﻓﻲ ﺍﺻﻮﺍﺕ ﻋﻴﺎﻁ ﻭﻧﺎﺱ ..
ﺃﻛﺮﻡ ﻭﻛﻤﺎﻝ ﻃﻮﻝ ﻃﺎﺭﻭﺍ ﺟﺮﻱ ...
... ﻳﺘﺒﻊ .
