مشاعر

الحلقة الرابعة والثلاثون

#مشاعر
ﺍﻟﺠﺰﺀ ﺍﻟﺮﺍﺑﻊ ﻭﺍﻟﺜﻼﺛﻴﻦ 🍃
للكاتبة GomanFared
ﺍﻟﺴﺎﻋﻪ 10 ﻟﻴﻼ ...
ﻳﻮﻣﻬﺎ ﺳﻼﻑ ﺭﻭﺣﺖ ﻟﺸﻘﺘﻬﺎ ﺑﻌﺪ ﻛﻤﻠﺖ ﻃﻮﻝ .. ﻭﻛﺎﻧﺖ ﺍﺩﻳﺮ ﻓﻲ ﺑﺤﺚ ﻉ ﺍﻟﻨﺖ ﻋﻦ ﺑﻌﺾ ﺍﻷﺷﺨﺎﺹ ﺍﻟﻤﻘﺮﺑﻴﻦ ﻣﻦ ﺭﺿﻮﺍﻥ ﻭﻣﻦ ﺑﻴﻨﻬﻢ ﺃﻃﺒﺎﺀ ﻣﺸﻬﻮﺭﻳﻦ .. ﻭﺭﻛﺰﺕ ﺍﻧﻪ ﻓﻲ ﻣﻨﻬﻢ ﺍﻏﺘﻨﻲ ﻫﻠﺒﻪ ﻓﻲ ﻓﺘﺮﻩ ﻗﺼﻴﺮﺓ .. ﻳﻌﻨﻲ ﺍﻟﻠﻲ ﻋﻨﺪﻫﻢ ﻣﻘﺎﺭﻧﻪ ﺑﻌﻤﺮﻫﻢ ﺍﻟﻤﻬﻨﻲ ﻓﻮﻕ ﺍﻟﻤﻌﻘﻮﻝ ...
ﻭﻗﻔﺖ ﻟﻤﺎ ﻃﻖ ﺑﺎﺏ ﺷﻘﺘﻬﺎ ﺧﺪﺕ ﻭﺷﺎﺡ ﻭﻟﺒﺴﺎﺗﻪ ﻭﺻﻜﺮﺕ ﺑﺎﺏ ﺩﺍﺭﻫﺎ ... ﻭﺗﻮﺟﻬﺖ ﻟﺒﺎﺏ ﺍﻟﺸﻘﻪ ﻭﻗﺎﻟﺖ : ﻣﻦ؟
" ﻛﻤﺎﻝ ..."
ﺳﺎﺭﻩ ﺍﺳﺘﻐﺮﺑﺖ ﺍﻭﻝ ﻣﺮﺓ ﻳﺪﻳﺮﻫﺎ ﺑﺲ ﻓﺘﺤﺘﻠﻪ ..
ﻛﻤﺎﻝ ﺑﺈﺑﺘﺴﺎﻣﻪ : ﻣﺴﺎﺀ ﺍﻟﺨﻴﺮ ..
ﺳﺎﺭﺓ ﺑﻨﻔﺲ ﺍﻹﺑﺘﺴﺎﻣﻪ : ﻣﺴﺎﺀ ﺍﻟﻨﻮﺭ ..
ﻛﻤﺎﻝ : ﺍﺣﻤﻢ .. ﻣﻌﻠﻴﺸﻲ ﺳﺎﺭﻩ ﺗﻨﺰﻟﻲ ﻟﻠﺠﻨﺎﻥ ﺷﻮﻳﻪ ﻧﺒﻲ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ ...
ﺳﺎﺭﺓ ﺑﺮﻏﻢ ﺍﺳﺘﻐﺮﺍﺑﻬﺎ ﺇﻻ ﺍﻧﻬﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺑﺎﻫﻲ ..
ﻛﻤﺎﻝ : ﻧﺴﺘﻨﻰ ﻓﻴﻚ .. ﺍﺑﺘﺴﻢ .. ﻟﻒ ﻭﻧﺰﻝ ..
ﺳﺎﺭﻩ ﺻﻜﺮﺕ ﺍﻟﺒﺎﺏ ﻭﻫﻲ ﺗﻔﻜﺮ ﺯﻋﻤﻪ ﻓﺸﻦ ﻳﺒﻴﻬﺎ ﻛﻤﺎﻝ؟ !!
ﻟﺒﺴﺖ ﻋﺒﺎﻳﻪ ﻭﺳﺎﻭﺕ ﺍﻟﻮﺷﺎﺡ ﻭﻧﺰﻟﺖ ...
ﻛﻤﺎﻝ ﻛﺎﻥ ﻣﻘﻌﻤﺰ ﻭﻣﺮﺑﻊ ﺍﻳﺪﻳﻪ ﻭﻳﻔﻜﺮ ... ﻟﻌﻨﺪ ﻭﺻﻠﺖ ﻓﻴﻪ ﺳﺎﺭﻩ ..
ﺳﺎﺭﻩ : ﻣﺮﺣﺒﺎ ..
ﻛﻤﺎﻝ ﺑﻀﺤﻜﻪ : ﺍﻫﻼ ...
ﻗﻌﻤﺰﺕ ﺳﺎﺭﻩ : ﺧﻴﺮ ﺇﻥ ﺷﺎﺀ ﺍﻟﻠﻪ ..
ﻛﻤﺎﻝ ﺑﻀﺤﻜﻪ : ﺇﻥ ﺷﺎﺀ ﺍﻟﻠﻪ ﺧﻴﺮ ...
ﺳﺎﺭﻩ ﺷﺒﺤﺘﻠﻪ ﺑﺈﺳﺘﻐﺮﺍﺏ ..
ﻛﻤﺎﻝ ﺍﺗﻜﺎ ﺑﻤﺮﺍﻓﻘﻪ ﻉ ﺭﻛﺎﺑﻪ ﻭﺷﺒﻚ ﺍﻳﺪﻳﻪ ﻓﺒﻌﺾ : ﺳﺎﺭﺓ .. ﺑﺈﺧﺘﺼﺎﺭ ... ﺍﻧﺘﻲ ﻣﻦ ﺗﻜﻮﻧﻲ؟
ﺳﺎﺭﻩ ﺍﻧﺼﺪﻣﺖ ﻓﻲ ﺍﻟﺴﺆﺍﻝ ﻭﻗﻌﺪﺕ ﺳﺎﻛﺘﻪ
ﻛﻤﺎﻝ : ﺍﻧﺘﻲ ﻻﻧﻚ ﻋﺎﻣﻠﻪ ... ﻭﻻﻇﺮﻭﻓﻚ ﺻﻌﺒﻪ .. ﻭﻻ ﻣﻘﻄﻮﻋﻪ ﻣﻦ ﺷﺠﺮﻩ ... ﻭﻣﻤﻜﻦ ﺣﺘﻰ ﺍﺳﻤﻚ ﻣﺎﻳﻜﻮﻧﺶ ﻫﻮ ﻧﻔﺴﻪ ..
ﺳﺎﺭﻩ ﺗﺴﻤﻊ ﻭﻭﻻﻛﻠﻤﻪ ...
ﻛﻤﺎﻝ ﻭﺧﺮ ﻭﺳﺎﻭﺍ ﺗﻘﻌﻤﻴﺰﺗﻪ : ﺻﺪﻓﻪ ﻣﺮﻩ ﺷﻔﺘﻚ ﻣﻊ ﺍﻛﺮﻡ ﻭﻛﻨﺘﻲ ﺑﻬﻴﺌﺔ ﺗﺎﻧﻴﻪ ﺗﻤﺎﻣﺎ .. ﻭﺃﻭﻝ ﺍﻣﺲ ﻣﺶ ﺻﺪﻓﻪ ﻗﺼﺪﺍ ﻃﻠﻌﺖ ﻭﺭﺍﻙ ﻟﻤﺎ ﻃﻠﻌﺘﻲ ﻣﻦ ﻫﻨﻲ ﻓﻲ ﻋﺰ ﺍﻟﻠﻴﻞ ... ﻭﺳﻤﻌﺖ ﺍﻟﺤﺪﻳﺚ ﺍﻟﻠﻲ ﺩﺍﺭ ﺑﻴﻨﻚ ﻭﺑﻴﻦ ﺍﻛﺮﻡ ﻭﻓﻬﻤﺖ ﺍﻥ ﻫﻮ ﻋﻨﺪﻩ ﻋﻠﻢ ﺑﻬﻮﻳﺘﻚ ﺍﻟﺤﻘﻴﻘﻴﻪ .. ﺻﺢ ﺗﺼﺮﻓﻲ ﻏﻠﻂ .. ﺑﺲ ﻛﻨﺖ ﻣﺠﺒﺮ ﻹﻧﻲ ﺷﻜﻴﺖ ﻓﻴﻚ ...
ﺳﺎﺭﻩ : ﻫﻬﻬﻬﻬﻬﻬﻪ ... ﻣﺎﻓﺶ ﺳﺮ ﻳﻘﻌﺪ ﺳﺮ ﻻﺯﻡ ﻳﺠﻴﻪ ﻳﻮﻡ ﻳﻄﻠﻊ ﻭﻳﺒﺎﻥ ..
ﻛﻤﺎﻝ ﺍﺑﺘﺴﻢ ...
ﺳﺎﺭﺓ ﺷﺒﺤﺘﻠﻪ : ﺍﻫﺎ ... ﺍﻧﺎ ﻣﺶ ﺍﻟﻠﻲ ﺗﻌﺮﻓﻮﻫﺎ ... ﺍﻧﺎ ﺻﺤﻔﻴﻪ .. ﺟﺎﻳﻪ ﻫﻨﺎ ﻟﺘﺤﻘﻴﻖ ﺻﺤﻔﻲ .. ﻭﻣﺴﺘﻘﻠﻪ ﻃﺒﻌﺎ ﻣﺶ ﺗﺎﺑﻌﺎ ﻟﻤﺆﺳﺴﻪ ...
ﻛﻤﺎﻝ : ﺗﻌﺮﻓﻲ ﻣﻦ ﻫﻮ ﺭﺿﻮﺍﻥ؟
ﺳﺎﺭﻩ : ﺍﻟﺒﺎﻳﻦ ﺣﺘﻰ ﺍﻧﺖ ﻋﺎﺭﻓﻪ ..
ﻛﻤﺎﻝ : ﻋﺎﺭﻑ ﻋﻨﻪ ﺍﻟﻠﻲ ﻣﺎﻳﻌﺮﻓﻪ ﺣﺪ ...
ﺳﺎﺭﻩ ﺷﺒﺤﺘﻠﻪ ﺑﺈﺳﺘﻐﺮﺍﺏ ﺷﺪﻳﺪ : ﻛﻴﻒ؟؟؟
ﻛﻤﺎﻝ : ﺳﺎﺭﻩ .. ﻗﺒﻞ ﻟﻨﻘﻮﻝ ﺍﻱ ﺷﻲ ﻧﺒﻴﻚ ﺗﻌﻄﻴﻨﻲ ﻭﻋﺪ ..
ﺳﺎﺭﺓ : ﻣﺶ ﺣﻨﺤﻜﻲ ﻟﺤﺪ ..
ﻛﻤﺎﻝ : ﺍﻛﺮﻡ ﺗﺤﺪﻳﺪﺍ ﻣﻔﺮﻭﺽ ﻣﺎﻳﻌﺮﻑ ﺷﻲ .. ﺑﺼﺮﺍﺣﻪ ﻣﺎﻋﻨﺪﻳﺶ ﻓﻴﻪ ﺛﻘﻪ ﻣﻦ ﻫﺎﻟﻨﺎﺣﻴﻪ ..
ﺳﺎﺭﻩ : ﻋﻨﺪﻙ ﺣﻖ ... ﺣﺘﻰ ﺍﻧﺎ ﻧﺨﺎﻑ ﻣﻨﻪ ﺍﺣﻴﺎﻧﺎ ﻷﻧﻪ ﻏﺎﻣﺾ ﻭﺍﺟﺪ ..
ﻛﻤﺎﻝ : ﺗﻤﺎﻡ .. ﻧﺒﻴﻚ ﺗﺴﻤﻌﻴﻨﻲ ﻛﻮﻳﺲ .. ﺍﻟﻠﻲ ﺑﻨﻘﻮﻟﻪ ﻣﺶ ﺳﺎﻫﻞ ..
ﺳﺎﺭﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
***
ﻭﺷﻦ ﻳﻌﻨﻲ ﺗﺮﺍﺟﻲ ﻟﻴﻦ ﺗﻠﺰﻙ ﺑﺎﻟﻌﺼﺎ ...
ﻣﻨﻴﺮ : ﺍﻣﻲ ﻳﺎﺍﻣﻲ ﻣﻠﻲ ﺑﺎﻟﻠﻪ ﻋﻠﻴﻚ ..
ﺳﻨﺎﺀ : ﻳﺎﻭﻟﺪﻱ ﻳﺎﺳﺮﻙ ﻫﺒﺎﻝ ﺍﻟﺒﻨﺖ ﻣﺎﺗﺒﻴﻜﺶ ﺧﻼﺹ ... ﻛﻞ ﺷﻲ ﺑﺎﻟﺴﻴﻒ ﺇﻻ ﺣﺒﻨﻲ ﻳﺎﺑﻨﺎﺩﻡ ..
ﻣﻨﻴﺮ ﺑﻐﻀﺐ : ﻻ ﺑﺎﻟﺴﻴﻒ ... ﻭﻏﺼﺐ ﻋﻨﻬﺎ ﻭﻋﻦ ﻛﻞ ﻣﻦ ﻳﻘﻮﻝ ﻻ .. ﺍﻧﻲ ﺣﻨﺎﺧﺪﻫﺎ ﺣﻨﺎﺧﺪﻫﺎ ...
ﺑﻮﻩ ﻛﺎﻥ ﻓﻲ ﺩﺍﺭﻩ ﻭﺟﺎﻫﻢ : ﺧﻴﺮ ﺑﻼﻙ ﺗﻌﻴﻂ ...
ﻣﻨﻴﺮ ﻃﻠﻊ ﻣﻦ ﺣﺪﺍﻩ ﺑﺪﻭﻥ ﺭﺩ .. ﻭﺧﻠﻴﻔﻪ ﻣﻌﺎﻩ ﺑﻌﻴﻮﻧﻪ ﺑﻌﺪﻳﻦ ﺷﺒﺢ ﻟﻤﺮﺗﻪ : ﺧﻴﺮ ﺩﻋﻮﺗﻪ ﻭﻟﺪﻙ؟ !!
ﺳﻨﺎﺀ ﺩﺍﺭﺕ ﺣﺮﻛﻪ ﺑﺈﻳﺪﻫﺎ ﺟﻨﺐ ﺭﺍﺳﻬﺎ : ﻫﺒﻞ ﺧﻼﺹ ...
ﺧﻠﻴﻔﻪ : ﻣﻮﺍﻝ ﺑﻨﺖ ﻣﻨﺼﻮﺭ ...
ﺳﻨﺎﺀ : ﻭﻫﻮ ﻓﻴﻪ ﻏﻴﺮﻩ ...
ﺧﻠﻴﻔﻪ : ﻻﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ﺿﻨﻮﺓ ﺍﻟﻌﺎﺯﺓ ﻭﺍﻟﻘﻬﺮﺓ ... ﻣﺸﻲ ﻣﻦ ﺣﺪﺍﻫﺎ . ﻭﻫﻮ ﻣﺎﺷﻲ ﻟﺪﺍﺭﻩ ﺧﻄﻢ ﺣﺪﺍ ﺩﺍﺭ ﺑﻨﺘﻪ ﻓﺮﻳﺎﻝ ..
ﺍﻟﻠﻲ ﻛﺎﻧﺖ ﺷﺎﺩﻩ ﺗﻠﻴﻔﻮﻧﻬﺎ ﻭﺗﻀﺮﺏ ﻉ ﺭﻗﻢ ﻣﻌﻴﻦ .... ﺣﻄﺖ ﺍﻟﺘﻠﻴﻔﻮﻥ ﻉ ﻭﺫﻧﻬﺎ ﻭﺑﺪﻱ ﻳﻨﺎﺩﻱ ... ﺍﻧﻔﺘﺢ ﺍﻟﺨﻂ ..
ﻓﺮﻳﺎﻝ : ﺁﻟﻮ ..
ﻛﻨﺎﻧﻪ : ﺁﻳﻮﻩ
ﻓﺮﻳﺎﻝ : ﻛﻨﺎﻧﻪ
ﻛﻨﺎﻧﻪ : ﻛﺄﻧﻪ ﺻﻮﺕ ﻓﺮﻳﺎﻝ ﺑﻨﺖ ﻋﻤﻲ ..
ﻓﺮﻳﺎﻝ ﺍﺑﺘﺴﻤﺖ : ﺍﻳﻪ ﺍﻧﻲ ﻓﺮﻳﺎﻝ ﺑﻨﺖ ﻋﻤﻚ ..
ﻛﻨﺎﻧﻪ ﺑﺈﺳﺘﻐﺮﺍﺏ : ﻋﺎﺵ ﻣﻦ ﺳﻤﻊ ﺻﻮﺗﻚ ..
ﻓﺮﻳﺎﻝ ﺑﻀﺤﻜﻪ : ﻛﻴﻒ ﺣﺎﻟﻚ ﻭﺣﺎﻝ ﻋﻤﺘﻲ ﻓﺮﻳﺤﻪ ..
ﻛﻨﺎﻧﻪ : ﺍﻟﺤﻤﺪ ﻟﻠﻪ ﻓﻲ ﺧﻴﺮ ﻭﻧﻌﻤﻪ ﻣﻦ ﻓﻀﻠﻪ ...
ﻓﺮﻳﺎﻝ ﺍﺑﺘﺴﻤﺖ : ﻛﻨﺎﻧﻪ ﻻﻧﺒﻲ ﻧﺴﻤﻊ ﻟﻮﻡ ﻭﻻﻋﺘﺐ .. ﻭﻻﺍﻧﻲ ﻣﺘﺼﻠﻪ ﺑﻴﻚ ﻏﻼ ﻭﻣﻌﺰﺓ ..
ﻛﻨﺎﻧﻪ : ﺗﻌﺠﺒﻨﻲ ﺻﺮﺍﺣﺘﻚ ..
ﻓﺮﻳﺎﻝ ﺑﻀﺤﻜﻪ : ﺗﺴﻠﻤﻲ ... ﺑﺲ ﻓﺸﻲ ﺍﻫﻢ ﺧﻼﻧﻲ ﻧﻜﻠﻤﻚ ﻛﻨﺎﻧﻪ ... ﻧﺒﻲ ﻧﺤﺬﺭﻙ ﻭﻧﻔﺘﺢ ﻋﻴﻮﻧﻚ ﻉ ﺷﻲ ﻣﻬﻢ ..
ﻛﻨﺎﻧﻪ ﺍﺳﺘﻐﺮﺑﺖ ﻭﺧﺎﻓﺖ : ﺷﻦ ﺗﺒﻲ ﺗﻘﻮﻟﻲ ...
***
ﻛﻴﻒ ﻗﺼﺪﻙ ﺍﻥ ﺧﻮ ﻧﻮﺭﺍﻥ ﻣﺎﺯﺍﻝ ﺣﻲ؟؟
ﻛﻤﺎﻝ : ﺍﻳﻪ ﻫﺬﺍ ﺍﻟﻠﻲ ﻣﻜﺘﻮﺏ ﻓﻲ ﻣﺬﻛﺮﺍﺕ ﺍﻣﻬﺎ ...
ﺳﺎﺭﻩ : ﺑﺲ ﺍﺣﺘﻤﺎﻟﻴﻪ ﺍﻥ ﻳﻜﻮﻥ ﻣﻮﺟﻮﺩ ﺑﻌﻴﺪﻩ .. ﻳﻌﻨﻲ ﻓﻲ ﺍﻟﻤﺮﺝ ﺩﺍﺭ ﺍﻳﺘﺎﻡ .. ﻣﻦ ﺳﻨﻴﻦ ﻃﻮﻳﻠﻪ .. ﻛﻴﻒ ﺣﻨﻠﻘﻮﻩ ﺍﻭ ﻧﻠﻘﻮﺍ ﺍﻱ ﺣﺎﺟﻪ ﻋﻨﻪ .. ﻫﻀﺎ ﻏﻴﺮ ﺍﻧﻪ ﻻﻋﻨﺪﻧﺎ ﻻﺍﺳﻢ ﻻﺷﻲ ﻳﻤﻴﺰﻩ .. ﺣﺘﻰ ﺍﺳﻤﺎﺀ ﺍﻟﻨﺎﺱ ﺍﻟﻠﻲ ﺫﻛﺮﺗﻬﻢ ﻣﺎﻳﻜﻔﻴﺶ ... ﻓﻲ ﺍﻟﻒ ﻭﺍﺣﺪ ﺍﺳﻤﻪ ﻓﺮﺝ ...
ﻛﻤﺎﻝ : ﻫﻮ ﻓﻲ ﺷﻲ ﻣﻤﻴﺰ ... ﺍﺳﻤﻪ ..
ﺳﺎﺭﻩ : ﺷﻦ ﺍﺳﻤﻪ ..
ﻛﻤﺎﻝ : ﻣﺎﻧﻌﺮﻓﺎﺵ ﺑﺎﻟﺰﺑﻂ .. ﺑﺲ ﺍﻣﻪ ﺫﻛﺮﺕ ﺍﻥ ﺍﻟﻤﺮﺍﻩ ﺍﻟﻠﻲ ﺧﺒﺮﺗﻬﺎ ﻉ ﺣﻘﻴﻘﺔ ﻣﻮﺕ ﻭﻟﺪﻫﺎ ... ﻗﺎﻟﺘﻠﻬﺎ ﺍﻥ ﻟﻤﺎ ﺟﺎﺑﻪ ﺭﺍﺟﻞ ﺑﻨﺘﻬﺎ ﻟﻠﺤﻮﺵ ﻛﺎﻥ ﻣﻌﻠﻖ ﻓﺮﻗﺒﺘﻪ ﺳﻠﺴﻠﻪ ... ﻣﻜﺘﻮﺏ ﻋﻠﻴﻬﺎ ﺍﺳﻤﻪ ﻭﻹﻥ ﺍﻟﻤﺮﺍﻩ ﻣﺎﺗﻌﺮﻓﺶ ﺗﻘﺮﺍ ﻣﺎﺯﺑﻄﺘﺶ ﺍﻹﺳﻢ .. ﻗﺎﻟﺖ ﺣﺘﻰ ﺍﻥ ﺑﻨﺘﻬﺎ ﻭﺭﺍﺟﻞ ﺑﻨﺘﻬﺎ ﻟﻤﺎ ﺣﻄﻮﺍﺍﻟﻮﻟﺪ ﻓﻲ ﺩﺍﺭ ﺍﻷﻳﺘﺎﻡ .. ﻟﺒﺴﻮﻩ ﺍﻟﺴﻠﺴﻠﻪ ﻫﺎﺩﻱ .. ﻭﻫﻲ ﺷﻲ ﻣﻤﻴﺰ ﺍﻛﻴﺪ ﺍﻟﻤﺴﺆﻭﻟﻴﻦ ﻋﻦ ﺍﻟﺪﺍﺭ ﻳﻌﺮﻓﻮﻩ ..
ﺳﺎﺭﻩ ﻗﻌﺪﺕ ﺗﻔﻜﺮ ﺑﻌﺪﻳﻦ ﻗﺎﻟﺖ : ﺑﺲ ﺑﺮﺿﻮ ﺍﻟﺤﻜﺎﻳﻪ ﻣﺎﺯﺍﻟﺖ ﺻﻌﺒﻪ ..
ﻛﻤﺎﻝ : ﻻ .. ﺍﻟﻮﻟﺪ ﻋﻨﺪﻩ ﺷﻲ ﺗﺎﻧﻲ ﻳﻤﻴﺰﻩ ..
ﺳﺎﺭﻩ ﺿﻴﻘﺖ ﻋﻴﻮﻧﻬﺎ ﺑﺘﺴﺎﺅﻝ ..
ﻛﻤﺎﻝ : ﺯﻱ ﻣﺎﻗﺘﻠﻚ ﺍﻧﻪ ﺩﺍﺭ ﻋﻤﻠﻴﻪ ﻭﻫﻮ ﻃﻔﻞ ﺭﺿﻴﻊ .. ﻭﺍﻟﻌﻤﻠﻴﻪ ﺍﺛﺮﻫﺎ ﻳﻘﻌﺪ ﻣﻮﺟﻮﺩ ...
ﺳﺎﺭﻩ : ﺍﻣﻤﻤﻢ ... ﻧﻘﻮﻟﻚ ﺍﻧﺎ ﻋﻨﺪﻱ ﺍﻗﺎﺭﺏ ﻓﻲ ﺍﻟﻤﺮﺝ ﺗﻮ ﻧﺤﻜﻲ ﻣﻌﺎﻫﻢ ﻭﻧﻄﻠﺐ ﻣﺴﺎﻋﺪﺗﻬﻢ ...
ﻛﻤﺎﻝ : ﺍﺧﺮ ﺣﺎﺟﻪ ... ﻗﺎﻟﺖ ﺍﻣﻪ ﺍﻥ ﺑﻮﻩ ﺍﻟﻠﻲ ﻫﻮ ﺳﻔﻴﺎﻥ ﻧﺎﻗﺶ ﺍﺳﻢ ﻭﻟﺪﻩ ﻉ ﺍﻟﺒﻴﺎﻧﻮ ﺍﻟﻠﻲ ﻟﻮ ﺗﺬﻛﺮﻳﻪ ﺭﻳﻬﺎﻡ ﺗﺪﺭﺏ ﻋﻠﻴﻪ ... ﻟﻤﺎ ﺗﻐﻨﻲ ..
ﺳﺎﺭﻩ : ﺑﺎﻫﻲ ﺧﻼﺹ ﻧﺪﻭﺭﻩ ﻭﻧﻌﺮﻓﻮﺍ ﺍﻹﺳﻢ ..
ﻛﻤﺎﻝ ﺑﻀﺤﻜﻪ : ﺍﻣﻪ ﺩﻭﺭﺕ ﻭﻣﺎﻟﻘﺖ ﺷﻲ .. ﺣﺘﻰ ﺍﻧﻲ ﻣﺬﻛﺮ ﻣﺮﻩ ﻗﻌﺪ ﻧﻤﻨﻘﻞ ﻓﻴﻪ ﺑﺲ ﻣﺎﻟﻘﻴﺖ ﺷﻲ ﺍﺧﻄﻰ ﺍﺳﻢ ﺳﻔﻴﺎﻥ ﺑﺨﻂ ﺭﻗﻴﻖ ﺑﺎﻹﻧﺠﻠﻴﺰﻱ ﻉ ﻭﺣﺪﻩ ﻣﻦ ﺟﻨﺎﺏ ﺍﻟﺒﻴﺎﻧﻮ ..
ﺳﺎﺭﻩ : ﻛﻴﻒ ﻳﻌﻨﻲ ﻣﺴﺤﻪ ﺍﺑﻠﻴﺲ ﺍﻻﺑﺎﻟﺴﻪ ..
ﻛﻤﺎﻝ ﺑﻀﺤﻜﻪ : ﻣﺎﻛﺎﻥ ﺍﻭﻟﻰ ﻳﻤﺴﺢ ﺍﺳﻢ ﺧﻮﻩ ﻣﺎﺩﺍﻣﻪ ﻣﺪﻋﻲ ﺍﻥ ﺍﻟﺒﻴﺎﻧﻮ ﻣﻠﻜﻪ ﻫﻮ ...
ﺳﺎﺭﺓ : ﻣﺎﻳﻌﺮﻓﺶ ﺍﻧﺠﻠﻴﺰﻱ؟ !!
ﻛﻤﺎﻝ : ﺗﺲ ﻳﻌﺮﻑ .. ﺑﺲ ﺍﻹﺳﻢ ﻣﻜﺘﻮﺏ ﺑﻠﻮﻥ ﺫﻫﺒﻲ ﺯﻱ ﺍﻟﺨﻂ ﺍﻟﻠﻲ ﺍﻟﻤﺮﺳﻮﻡ ﺣﻮﺍﻟﻴﻪ ﻭﺑﺨﻂ ﺻﻌﺐ ﻳﻨﻘﺮﺍ .. ﻳﻌﻨﻲ ﺍﻟﻠﻲ ﻳﺸﻮﻓﻪ ﻳﺘﻬﻴﺄﻟﻪ ﺍﻧﻪ ﻣﻦ ﺿﻤﻦ ﺻﻨﺎﻋﺔ ﺍﻟﺒﻴﺎﻧﻮ ﻭﺗﺼﻤﻴﻤﻪ ...
ﺳﺎﺭﻩ : ﺑﺎﻫﻲ ﺍﻧﺖ ﻋﻨﺪﻙ ﻋﻠﻢ ﺍﻟﻔﻴﻼ ﻓﻲ ﺍﻷﺳﺎﺱ ﻓﻴﻼ ﺳﻔﻴﺎﻥ؟
ﻛﻤﺎﻝ ﺑﻀﺤﻜﻪ : ﻭﺍﻟﻠﻲ ﺍﻧﻲ ﻭﺍﻧﺘﻲ ﻗﺎﻋﺪﻳﻦ ﻓﻴﻬﺎ ﻓﻴﻼ ﺭﺿﻮﺍﻥ ..
ﺳﺎﺭﻩ : ﺍﺣﻠﻒ ؟؟؟
ﻛﻤﺎﻝ ﺑﻀﺤﻜﻪ : ﻭﺍﻟﻠﻪ ...
ﺳﺎﺭﺓ : ﻫﻀﺎ ﻣﺮﻳﺾ ؟ !!
ﻛﻤﺎﻝ : ﺑﺄﺧﺒﺚ ﻣﺮﺽ ﺍﻟﺤﺴﺪ ... ﺍﻟﻠﻲ ﺧﻼ ﻗﺎﺑﻴﻞ ﻳﻘﺘﻞ ﻫﺎﺑﻴﻞ .. ﻭﺧﻮﺕ ﻳﻮﺳﻒ ﻳﻠﻮﺣﻮﻩ ﻓﻲ ﺍﻟﺒﻴﺮ ...
ﺳﺎﺭﻩ : ﺻﺪﻗﺖ .. ﺑﺲ ﺗﻌﺮﻑ ﻭﺍﻟﻠﻪ ﻣﺎﻭﺍﺟﻊ ﻗﻠﺒﻲ ﻓﻲ ﺍﻟﻘﺼﺔ ﻫﺬﻱ ﻛﻠﻬﺎ ﻏﻴﺮ ﻧﻮﺭﺍﻥ ..
ﻛﻤﺎﻝ ﺗﻨﻬﺪ ﻣﻦ ﻭﺳﻂ ﻗﻠﺒﻲ : ﺣﺘﻰ ﺃﻧﻲ ... ﻟﻬﺎﻟﺴﺒﺐ ﻧﺒﻲ ﻧﻠﻘﻰ ﺧﻮﻫﺎ ﺑﺄﻱ ﺷﻜﻞ ﺑﺶ ﻳﻜﻮﻥ ﻣﻌﺎﻫﺎ ﻭﻳﺤﻤﻴﻬﺎ ﻭﻳﺎﺧﺪ ﺣﻘﻪ ﻭﺣﻘﻬﺎ ﻭﺣﻖ ﺃﻫﻠﻪ ..
ﺳﺎﺭﻩ : ﺷﻦ ﺩﺭﺍﻙ ﻣﺎﻳﻜﻮﻧﺶ ﺧﻮﻫﺎ ﺍﻧﻴﻞ ﻣﻦ ﻋﻤﻬﺎ ..
ﻛﻤﺎﻝ : ﻣﺴﺘﺤﻴﻞ ﻭﻟﺪ ﺭﺍﺟﻞ ﺯﻱ ﺳﻔﻴﺎﻥ ﻭﻣﺮﺍﺓ ﺯﻱ ﺍﻟﺸﻴﻤﺎﺀ ﻳﻜﻮﻥ ﻫﻜﻲ ..
ﺳﺎﺭﺓ : ﻣﺮﺍﺕ ﺍﻟﺴﺮ ﻳﺠﺒﺪ ﻓﻴﻪ ..
ﻛﻤﺎﻝ : ﺳﺎﺭﻩ ... ﺧﻠﻴﻨﺎ ﻧﺘﻔﺎﺋﻠﻮﺍ ﺧﻴﺮ ﺑﺎﻟﻠﻪ ﻋﻠﻴﻚ ..
ﺳﺎﺭﻩ ﺑﻀﺤﻜﻪ : ﻳﺎﺍﺍﺭﺏ ﺧﻴﺮ ... ﺧﻼﺹ ﺍﻧﺎ ﺑﻜﺮﺍ ﻧﺤﻜﻲ ﻣﻊ ﺧﺎﻟﻲ ﺍﻟﻠﻲ ﻋﺎﻳﺶ ﻓﻲ ﺍﻟﻤﺮﺝ ﻭﻧﻘﻮﻟﻪ ..
ﻛﻤﺎﻝ : ﺗﻤﺎﻡ ... ﻧﺎﺽ .. ﻫﻴﺎ ﻧﻮﺿﻲ ﺍﺭﻛﺒﻲ ...
ﺳﺎﺭﻩ ﻧﺎﺿﺖ : ﺷﻦ ﺑﻴﺮﻗﺪﻧﻲ ﺗﻮ ..
ﻛﻤﺎﻝ : ﻫﻬﻬﻬﻬﻬﻬﻬﻪ ...
ﺧﺸﻮﺍ ﺍﻟﺰﻭﺯ ﻭﻛﺎﻧﻮﺍ ﻳﺘﻨﺎﻗﺸﻮﺍ ﻟﻴﻦ ﻛﻞ ﻭﺍﺣﺪ ﻓﻴﻬﻢ ﻣﺸﻲ ﻟﺸﻘﺘﻪ .. ﻭﻣﺎﺯﺍﻟﻮﺍ ﻳﻔﻜﺮﻭﺍ ﻭﻳﺤﻠﻠﻮﺍ ...
***
ﻛﻨﺎﻧﻪ ﺑﺼﺪﻣﻪ : ﻛﻼﻣﻚ ﺧﻄﻴﺮ ﻳﺎﻓﺮﻳﺎﻝ ..
ﻓﺮﻳﺎﻝ : ﻋﺎﺭﻓﻪ ﻳﺎﻛﻨﺎﻧﻪ ... ﺍﻧﻲ ﻧﺒﻴﻚ ﺍﻧﺘﻲ ﺍﻟﻠﻲ ﺗﻌﺮﻓﻲ ﺍﺫﺍ ﻛﺎﻥ ﻓﻌﻼ ﺍﻟﻠﻲ ﻓﺒﺎﻟﻲ ﺻﺢ ﺍﻭ ﻏﻠﻂ ...
ﻓﺼﻞ ﺍﻟﺨﻂ ..
ﻛﻨﺎﻧﻪ : ﺍﻟﻮ .. ﻓﺮﻳﺎﻝ ... ﺍﻟﻮ ... ﻛﻨﺎﻧﻪ ﺑﻌﺪﺕ ﺍﻟﺘﻠﻴﻔﻮﻥ ﻭﻗﻌﺪﺕ ﺗﻔﻜﺮ ﻓﻲ ﻛﻼﻣﻬﺎ ﻭﻛﺎﻧﺖ ﻣﺼﺪﻭﻣﻪ
ﺍﻣﺎ ﻓﺮﻳﺎﻝ ﺗﻢ ﺭﺻﻴﺪﻫﺎ ﺑﺲ ﺣﺴﺖ ﺑﺮﺍﺣﻪ ﺍﻧﻬﺎ ﻭﺻﻠﺖ ﺍﻟﻠﻲ ﺗﺒﻲ ﺗﻮﺻﻠﻪ ﻟﻜﻨﺎﻧﻪ ...
***
🍃🍃🍃
ﻭﺗﻤﺮ ﺍﻷﻳﺎﻡ ..
ﺍﻟﺮﺑﻴﻊ ﻗﺎﻋﺪ ﻣﺤﺎﻓﻆ ﻉ ﻫﺪﻭﺋﻪ ﻭﻟﻄﺎﻓﺔ ﺟﻮﻩ ..
ﻭﺍﻟﻜﻞ ﻋﺎﻳﺶ ﺣﻴﺎﺗﻪ ﺑﻨﻔﺲ ﺍﻟﻨﻈﺎﻡ ﻣﺎﺗﻐﻴﺮ ﺷﻲ ﻭﻻ ﺻﺎﺭ ﺟﺪﻳﺪ ..
ﻓﻲ ﻳﻮﻡ ..
ﺭﻥ ﺗﻠﻴﻔﻮﻥ ﺳﺎﺭﻩ ﻣﺸﺖ ﻉ ﺗﺮﻛﻴﻨﻪ ﻭﺭﺩﺕ ..
ﺳﺎﺭﺓ : ﻣﺮﺣﺒﺎ ﺧﺎﻟﻲ ﺧﻤﻴﺲ ... ﺍﻟﺤﻤﺪ ﻟﻠﻪ ﻳﺎﻏﺎﻟﻲ ﺍﻧﺖ ﻛﻴﻒ ﺣﺎﻟﻚ ﻭﺣﺎﻝ ﺍﻟﻜﻞ ... ﺍﻟﺤﻤﺪ ﻟﻠﻪ ..... ﺍﻫﺎ ..... ﺍﻳﻪ ......... ﺗﻤﺎﻡ ....... ﺑﺎﻩ ....... ﻭﺷﻦ ﻗﺎﻟﻮﺍ ................................................... ﺑﺎﻟﻀﺒﻂ ﺍﻣﺘﻰ؟ ....................
ﺍﻫﺎ .............. ﺗﻤﺎﻡ ........ ﻻ ﺣﺎﺟﻪ ﻟﻴﻬﺎ ﻋﻼﻗﺔ ﺑﺎﻟﻌﻤﻞ ﻛﻴﻒ ﻣﺎﺧﺒﺮﺗﻚ ....... ﺳﺎﻣﺤﻨﻲ ﺗﻌﺒﺘﻚ ﻣﻌﺎﻳﺎ ... ﺭﺑﻲ ﻳﻄﻮﻝ ﻓﻌﻤﺮﻙ .. ﺳﻠﻤﻠﻲ ﻉ ﻛﻞ .... ﺳﻼﻣﺘﻚ ... ﺑﺎﻟﺴﻼﻣﻪ ... ﺻﻜﺮﺕ ...
ﻗﻌﺪﺕ ﺗﺸﺒﺢ ﻟﻠﺘﻠﻴﻔﻮﻥ ﺷﻮﻳﻪ ... ﺑﻌﺪﻳﻦ ﻭﻟﺖ ﻣﺮﺓ ﺗﺎﻧﻴﻪ ﻟﻠﻤﻄﺒﺦ ...
***
ﻓﻲ ﺍﻟﻤﺴﺘﺸﻔﻰ ...
ﻛﻤﺎﻝ : ﻛﻴﻒ ﻫﻜﻲ ﺍﻟﺪﻛﺘﻮﺭﺓ ﺯﺑﻴﺪﻩ ﻗﺎﻟﺖ ﺍﻥ ﺣﺎﻟﺔ ﺍﻟﺒﻨﺖ ﻛﻮﻳﺴﻪ ﻭﺍﻧﻬﺎ ﻛﺎﻧﺖ ﺣﺘﻜﺘﺒﻠﻬﺎ ﺧﺮﻭﺝ ﺍﻟﻴﻮﻡ ... ﺗﺪﻫﻮﺭ ﺻﺤﺘﻬﺎ ﺑﻴﻦ ﻟﻴﻠﺔ ﻭﺿﺤﺎﻫﺎ ﻭﺗﻤﻮﺕ ﻣﺮﺓ ﻭﺣﺪﻩ !!
ﻛﻠﻬﻢ ﻭﺍﻗﻔﻴﻦ ﻳﺸﺒﺤﻮﻟﻪ ﻭﺳﺎﻛﺘﻴﻦ ...
ﻛﻤﺎﻝ ﻗﻌﺪ ﻳﺸﺒﺤﻠﻬﻢ ﺑﻌﺪﻳﻦ ﺷﺒﺢ ﻟﺸﺮﻑ ﺍﻟﺪﻳﻦ ﺍﻟﻠﻲ ﻛﺎﻥ ﻳﺒﺎﻥ ﻣﺘﻮﺗﺮ ﻭﻳﻬﺰ ﺑﺮﺟﻠﻪ ...
ﻏﻴﺮ ﻋﻴﻮﻧﻪ ﺑﻌﺪﻳﻦ ﻗﺎﻝ : ﻣﻦ ﺍﻟﻴﻮﻡ ﻭﻏﺎﺩﻱ ﺍﻟﻤﺴﺆﻭﻝ ﻋﻦ ﻗﺴﻢ ﺍﻟﺠﺮﺍﺣﻪ ﺍﻟﺪﻛﺘﻮﺭ ﺷﺮﻑ ﺍﻟﺪﻳﻦ ..
ﺷﺮﻑ ﺍﻟﺪﻳﻦ ﻗﺎﻡ ﺭﺍﺳﻪ ﻭﺷﺒﺤﻠﻪ ﺑﺮﻓﻌﺔ ﺣﻮﺍﺟﺐ ...
ﻛﻤﺎﻝ : ﺣﻨﺴﻠﻤﻪ ﻫﺎﻟﻤﺴﺆﻭﻟﻴﻪ ﻭﺍﻧﻲ ﻭﺍﺛﻖ ﺍﻧﻪ ﻗﺪﻫﺎ ...
ﺷﺮﻑ ﺷﺒﺢ ﻟﺰﻣﻼﺋﻪ ﺑﻌﺪﻳﻦ ﺷﺒﺢ ﻟﻜﻤﺎﻝ ﺍﺑﺘﺴﻢ ﺑﺈﻧﺪﻫﺎﺵ : ﺇﻥ ﺷﺎﺀ ﺍﻟﻠﻪ ﻧﻜﻮﻥ ﻋﻨﺪ ﺣﺴﻦ ﻇﻨﻚ ...
ﻛﻤﺎﻝ ﺍﺑﺘﺴﻢ ﻧﺺ ﺍﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ ... ﻭﺗﻮﺍ ﻛﻠﻜﻢ ﺗﻘﺪﺭﻭﺍ ﺗﺘﻔﻀﻠﻮﺍ ...
ﻃﻠﻌﻮﺍ ﺍﻟﻤﻮﺟﻮﺩﻳﻦ ﻭﻛﻤﺎﻝ ﻛﺎﻥ ﻳﺘﺒﻊ ﻓﻲ ﺷﺮﻑ ﺑﻌﻴﻮﻧﻪ ﻟﻴﻦ ﻃﻠﻊ ﺗﻠﻔﺖ ﺷﺮﻑ ﻛﻤﺎﻝ ﻏﻴﺮ ﻋﻴﻮﻧﻪ ﻭﺩﺍﺭ ﺭﻭﺣﻪ ﻻﻫﻲ ﺑﻤﻠﻒ ﻗﺪﺍﻣﻪ ..
ﺷﺮﻑ ﺻﻜﺮ ﺍﻟﺒﺎﺏ .. ﻭﻛﻤﺎﻝ ﺷﺒﺢ ﻟﻠﺒﺎﺏ ﻭﻫﻮ ﻳﻔﻜﺮ ...
***
ﻭﺍﻟﻠﻪ ﺣﻖ ﺟﻮ ﺯﺭﺍﺩﻱ ...
ﺳﻨﺪﺱ : ﺍﻫﺎ ﻭﺑﻜﺮﺍ ﺧﻤﻴﺲ ... ﺧﻤﻴﺲ ﻭﺟﻤﻌﻪ ﻭﺳﺒﺖ ..
ﻧﻮﺭﺍﻥ ﺍﺑﺘﺴﻤﺖ ﻭﻫﻲ ﺗﻔﻜﺮ ..
ﺳﻨﺪﺱ : ﻫﻴﻴﻴﻪ ﻭﻳﻦ ﺳﺎﻓﺮﺗﻲ ..
ﻧﻮﺭﺍﻥ ﺷﺒﺤﺘﻠﻬﺎ : ﻧﻔﻜﺮ ﻓﻲ ﻛﻼﻣﻚ ... ﻧﻔﻜﺮ ﻧﻘﻠﺪﻭﻛﻢ ...
ﺳﻨﺪﺱ : ﻫﻬﻬﻬﻬﻬﻬﻬﻬﻪ .. ﻗﻠﺪﻭﺍ ﻳﺎﺣﻨﻪ .. ﺍﻟﻮﺍﺣﺪ ﻳﻐﻴﺮ ﺟﻮﻩ ... ﻓﻲ ﺃﻣﺎﻛﻦ ﺳﻤﺤﻪ ..
ﻧﻮﺭﺍﻥ ﺑﻀﺤﻜﻪ : ﺍﻫﺎ ..
ﺳﻨﺪﺱ : ﻫﻲ ﻣﺎﻻ ﺑﺴﻼﻣﺘﻚ ﺗﻮ ..
ﻧﻮﺭﺍﻥ ﺳﻠﻤﺖ ﻋﻠﻴﻬﺎ ﺑﺎﻟﺨﺪ : ﻧﺸﻮﻓﻚ ﻉ ﺧﻴﺮ ... ﻣﺸﺖ ﻧﻮﺭﺍﻥ ﻟﺴﻴﺎﺭﺗﻬﺎ ﻭﺳﻨﺪﺱ ﻟﺴﻴﺎﺭﺗﻬﺎ ﻭﻛﻞ ﻭﺣﺪﻩ ﺭﻛﺒﺖ ﻭﺗﺤﺮﻛﻮﺍ ...
ﻃﻮﻝ ﺍﻟﻄﺮﻳﻖ ﻧﻮﺭﺍﻥ ﻛﺎﻧﺖ ﺗﺴﻤﻊ ﻓﻲ ﻛﺎﻇﻢ ﻭﻫﺎﻳﻤﻪ ... ﻭﺗﻐﻨﻲ ﻣﻌﺎﻩ ﺑﻌﺪ ﻣﺎﺣﻔﻈﺖ ﺍﻏﻠﺐ ﺍﻏﺎﻧﻴﻪ ...
ﺍﻟﻠﻲ ﻳﺤﺐ ... ﻭﻣﺠﺮﺏ ﺍﻟﺤﺐ ﻳﺬﻛﺮ ﻳﺎﻣﺎ ﺣﺐ ﺣﺎﺟﺎﺕ ﻋﻤﺮﻩ ﻣﺎﻓﻜﺮ ﺍﻥ ﻳﺠﻴﻪ ﻳﻮﻡ ﻭﻳﺤﺒﻬﺎ .. ﻹﻥ ﺍﻟﻤﺤﺒﻮﺏ ﻳﺤﺒﻬﺎ ..💖
ﻭﺻﻠﺖ ﻟﻠﻔﻴﻼ .. ﺧﺸﺖ ﺑﺎﻟﺴﻴﺎﺭﺓ ..
ﻧﺰﻟﺖ ﺧﺸﺖ ﻟﻠﻔﻴﻼ ... ﻗﺎﺑﻠﺘﻬﺎ ﺳﺎﺭﻩ ..
ﻧﻮﺭﺍﻥ : ﻣﺮﺣﺒﺎ ﺳﻮﺳﻮ ..
ﺳﺎﺭﺓ ﺍﺑﺘﺴﻤﺖ : ﻳﺎﻫﻼ ﺑﺴﺖ ﺍﻟﺒﻨﺎﺕ ... ﺧﺎﻟﺘﻚ ﺟﻮﺍ ..
ﻧﻮﺭﺍﻥ ﺗﻼﺷﺖ ﺍﺑﺘﺴﺎﻣﺘﻬﺎ : ﻭﺣﺪﻫﺎ؟
ﺳﺎﺭﺓ : ﺍﻫﺎ .. ﺟﻮﺍ ﻣﻊ ﻋﻤﻚ ﻭﻣﺮﺍﺗﻪ .. ﻳﺮﺟﻮ ﻓﻴﻚ ...
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻣﺸﺖ ﺳﺎﺭﻩ ... ﻭﻧﻮﺭﺍﻥ ﺣﻄﺖ ﺷﻨﻄﺘﻬﺎ ﻉ ﻃﺎﻭﻟﻪ ﻣﻘﺎﺑﻠﺘﻬﺎ ﻭﺧﺪﺕ ﻧﻔﺲ ﻋﻤﻴﻖ ... ﻭﻣﺸﺖ ﻟﻠﺼﺎﻟﻪ ..
ﺧﺸﺖ : ﺍﻟﺴﻼﻡ ﻋﻠﻴﻜﻢ ...
ﺯﻛﻴﻪ ﺍﻟﺘﻔﺘﺖ ﻭﺷﺎﻓﺘﻬﺎ ﻭﺟﺮﺗﻬﺎ ﺑﺎﻛﻴﻪ ﻫﻠﺒﻪ ... ﻧﻮﺭﺍﻥ ﻗﻠﺒﻬﺎ ﻭﺟﻌﻬﺎ ﻋﻠﻴﻬﺎ ﻫﻠﺒﻪ ...
ﺯﻛﻴﻪ ﻧﺎﺿﺖ ﺗﺠﺮﻱ ... ﺷﺪﺕ ﺍﻳﺪﻳﻦ ﻧﻮﺭﺍﻥ ﺑﺘﺒﻮﺳﻬﻢ .. ﻧﻮﺭﺍﻥ ﺟﺒﺪﺕ ﺍﻳﺪﻳﻬﺎ ﻭﻭﺧﺮﺕ ..
ﻧﻮﺭﺍﻥ ﺩﻣﻮﻋﻬﺎ ﻧﺰﻟﻮﺍ : ﺧﺎﻟﺘﻲ ﻛﻨﻚ ..
ﺯﻛﻴﻪ ﺑﺒﻜﻲ : ﺑﺎﻟﻠﻪ ﻋﻠﻴﻚ ﻳﺎﺑﻨﺘﻲ ﺳﺎﻣﺤﻲ ﻣﻼﻙ ﻭﺳﺎﻣﺤﻴﻨﺎ ﻭﺍﻟﻠﻪ ﻣﻌﻴﺸﺘﻨﺎ ﺳﻮﺩ ... ﻣﺎﻧﻜﺴﺎﺑﻮ ﺍﻟﻘﺮﺵ .. ﻭﺍﻟﺒﻨﺖ ﻣﺴﺘﻘﺒﻠﻬﺎ ﺍﺩﻣﺮ ...
ﻧﻮﺭﺍﻥ ﺷﺒﺤﺖ ﻟﻌﻤﻬﺎ ﺍﻟﻠﻲ ﻣﻘﻌﻤﺰ ﻭﺣﺎﻁ ﺭﺟﻞ ﻉ ﺭﺟﻞ ﻭﻳﺸﺒﺤﻠﻬﺎ : ﻋﻤﻮ !!
ﺭﺿﻮﺍﻥ : ﻳﺎﻣﺎ ﻋﺪﻳﺖ ﻳﺎﺑﻨﺘﻲ .. ﻭﻧﺎﺱ ﻛﻴﻒ ﻫﺬﻱ ﻟﻤﺎ
ﺗﻌﺪﻳﻠﻬﻢ ﻳﺤﺴﺎﺑﻮﻙ ﻋﻄﻴﺘﻬﻢ ﺍﻟﻀﻲ ﺍﻷﺧﻀﺮ ﻭﻳﺘﻤﺎﺩﻭﺍ ...
ﺑﺮﺍ ...
ﻛﻤﺎﻝ ﻛﻴﻒ ﺧﺶ ﻟﻠﻔﻴﻼ ﻟﻘﻲ ﺳﺎﺭﻩ ﻣﻘﻌﻤﺰﺓ : ﺍﻟﺴﻼﻡ ﻋﻠﻴﻜﻢ .
ﺳﺎﺭﺓ ﻭﻗﻔﺖ : ﻭﻋﻠﻴﻜﻢ ﺍﻟﺴﻼﻡ ..
ﻛﻤﺎﻝ : ﺧﻴﺮﻙ ﻣﻘﻌﻤﺰﺓ ﻫﻜﻲ؟ !
ﺳﺎﺭﺓ : ﺧﺎﻟﺔ ﻧﻮﺭﺍﻥ ﺟﻮﺍ .. ﺟﺎﻳﻪ ﺑﺎﻛﻴﻪ ﻭﺍﺟﺪ ﻭﻣﻨﻈﺮﻫﺎ ﻳﻘﻄﻊ ﺍﻟﻘﻠﺐ ..
ﻛﻤﺎﻝ : ﻭﻳﻦ ﻫﻤﺎ ..
ﺳﺎﺭﺓ : ﻓﻲ ﺍﻟﺼﺎﻟﻪ ..
ﻛﻤﺎﻝ ﻣﺸﻲ ﻟﻠﺼﺎﻟﻪ ..
ﺳﺎﺭﺓ ﺑﻀﺤﻜﻪ : ﻋﻨﺪ ﺍﻟﻠﻪ ﻣﻦ ﺑﺎﻗﻲ ﺍﻟﻌﻴﻠﻪ ﻳﺨﺶ ﺍﻣﺘﻰ ﻣﺎﻳﺒﻲ ﻭﻛﻴﻒ ﻣﺎﻳﺒﻲ ..
ﻧﻮﺭﺍﻥ : ﻋﻤﻲ ﺍﻟﻠﻪ ﻳﺮﺑﺤﻚ ﺍﻧﺎ ﻧﺴﻴﺖ ﺍﻟﻠﻲ ﺻﺎﺭ ﻭﻭﻛﻠﺖ ﺍﻟﻠﻪ ﺧﻼﺹ ..
ﺭﺿﻮﺍﻥ ﺷﺒﺢ ﻟﺮﻳﻬﺎﻡ ﺍﻟﻠﻲ ﺍﺑﺘﺴﻤﺖ ﻭﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ ..
ﺭﺿﻮﺍﻥ ﺭﺟﻊ ﺷﺒﺢ ﻟﻨﻮﺭﺍﻥ : ﺷﻮﺭﻙ ..
ﺯﻛﻴﻪ ﺷﺒﺤﺘﻠﻬﺎ ﻭﺭﺟﻌﺖ ﻣﻦ ﺟﺪﻳﺪ ﺷﺪﺕ ﺍﻳﺪﻳﻬﺎ ﺑﺘﺒﻮﺳﻬﻢ ﻧﻮﺭﺍﻥ ﺟﺒﺪﺕ ﺍﻳﺪﻳﻬﺎ ﻭﺣﻄﺘﻬﻢ ﻉ ﺭﺍﺱ ﺧﺎﻟﺘﻬﺎ ﻭﺑﺎﺳﺘﻪ ﻭﻫﻲ ﺗﺒﻜﻲ : ﺍﻧﺘﻲ ﻣﻦ ﺭﻳﺤﺔ ﺍﻣﻲ ﻳﺎﺧﺎﻟﺘﻲ .. ﻣﺎﻧﺮﺿﺎﻟﻚ ﺍﻹﻫﺎﻧﻪ ﻭﺍﻟﺬﻝ ... ﺍﻟﻠﻪ ﻳﺴﺎﻣﺤﻜﻢ ﻭﺍﻧﺎ ﻭﺍﻟﻠﻪ ﺳﺎﻣﺤﺖ .... ﺑﺲ ﻳﺎﺧﺎﻟﺘﻲ .. ﻣﻼﻙ ﻧﺒﻴﻬﺎ ﺗﺒﻌﺪ ﻋﻨﻲ ﻭﺗﻨﺴﻰ ﺍﻥ ﻋﻨﺪﻫﺎ ﺑﻨﺖ ﺧﺎﻟﻪ ..
ﺯﻛﻴﻪ ﻭﻫﻲ ﺗﺮﺷﻒ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻣﺎﺗﻨﻼﻣﻲ ..
ﻧﻮﺭﺍﻥ ﺷﺒﺤﺖ ﻟﻌﻤﻬﺎ : ﻋﻤﻲ ..
ﺭﺿﻮﺍﻥ : ﺣﺎﺿﺮ ...
ﻧﻮﺭﺍﻥ ﺍﺑﺘﺴﻤﺖ ...
ﺯﻛﻴﻪ : ﺍﻟﻠﻪ ﻳﻄﻮﻝ ﻋﻤﺮﻙ .. ﻓﺎﻟﻨﻬﺎﻳﻪ ﺍﻧﺖ ﻭﻟﺪ . ﺳﻴﺪﻱ ﻭﺍﻧﺎ ﺑﻨﺖ ﺳﻴﺪﻙ ..
ﺭﺿﻮﺍﻥ ﺍﺑﺘﺴﻢ ﻣﻦ ﻓﻮﻕ ﻧﻔﺴﻪ ...
ﺯﻛﻴﻪ : ﻫﻲ ﻣﺎﻻ ﺍﻧﺎ ﺑﻨﻌﺪﻱ ..
ﻧﻮﺭﺍﻥ : ﺧﻠﻴﻚ ﺗﻌﺸﻲ ﻣﻌﺎﻧﺎ ..
ﺯﻛﻴﻪ : ﻓﻲ ﺍﻻﻓﺮﺍﺡ ﺇﻥ ﺷﺎﺀ ﺍﻟﻠﻪ ... ﺭﺑﻲ ﻳﺤﻔﻈﻚ ﻳﺎﺑﻨﺘﻲ .. ﻫﻲ ﺑﺴﻼﻣﺘﻜﻢ ...
ﻧﻮﺭﺍﻥ : ﺑﺮﺍﺣﺘﻚ .. ﻟﻔﻮﺍ ﺑﻴﻄﻠﻌﻮﺍ ﻟﻘﻮﺍ ﻛﻤﺎﻝ ﻭﺍﻗﻒ ﻳﺸﻮﻓﻠﻬﻢ ..
ﻧﻮﺭﺍﻥ ﺍﺑﺘﺴﻤﺖ .. ﻫﻮ ﻳﺸﺒﺤﻠﻬﺎ ﺑﻨﻈﺮﺍﺕ ﻫﺎﻳﻤﻪ ﺍﺑﺘﺴﻢ ...
ﺧﺪﺕ ﺧﺎﻟﺘﻬﺎ ﻭﻃﻠﻌﻮﺍ ﻣﻦ ﺣﺪﺍﻩ .. ﻭﻫﻮ ﻗﻌﺪ ﻣﻌﺎﻫﻢ ﺑﻌﻴﻮﻧﻪ ﻟﻴﻦ ﺍﺧﺘﻔﻮﺍ .. ﺗﻨﻬﺪ ... ﻭﺗﻠﻔﺖ ﻭﺧﺶ ﻟﻠﺼﺎﻟﻪ ..
ﺭﺿﻮﺍﻥ : ﺍﻫﻼ ﺑﺪﻛﺘﻮﺭﻧﺎ ..
ﻛﻤﺎﻝ ﺍﺑﺘﺴﻢ : ﺍﻫﻼ ﺑﻴﻚ ..
ﺭﺿﻮﺍﻥ : ﻗﻤﻌﺰ ...
ﻗﻌﻤﺰ ﻛﻤﺎﻝ .... ﻭﻗﻌﺪ ﻳﺸﺒﺢ ﻟﺮﺿﻮﺍﻥ ﻭﺭﻳﻬﺎﻡ ...
ﺭﺿﻮﺍﻥ : ﺍﺣﻤﻢ .. ﺣﺒﻴﺒﺘﻲ ﻋﺪﻱ ﺷﻮﻓﻴﻠﻨﺎ ﺍﻟﻌﺸﺎ ﺷﻦ ﺍﻟﻠﻴﻠﻪ ...
ﺭﻳﻬﺎﻡ ﺑﻀﺤﻜﻪ : ok ﻓﻬﻤﺖ .. ﺧﻮﺩﻭ ﺭﺍﺣﺘﻜﻢ ... ﻭﻧﺎﺿﺖ ﻣﺸﺖ ...
ﻗﻌﺪﻭﺍ ﻳﺸﺒﺤﻮﻟﻬﺎ ﻟﻴﻦ ﻃﻠﻌﺖ ..
ﻛﻤﺎﻝ : ﻣﺸﻴﺖ ﻓﺤﺼﺖ ﻟﻤﺎ ﺳﺎﻓﺮﺕ؟
ﺭﺿﻮﺍﻥ : ﻓﺤﺼﺖ؟ !
ﻛﻤﺎﻝ ﺑﻀﺤﻜﻪ : ﻋﻨﺪﻙ ﺣﻖ ﻻﺯﻡ ﺗﺘﺎﻛﺪ ﺑﺮﻭﺣﻚ ﻓﻲ ﺍﻛﺜﺮ ﻣﻦ ﻣﻜﺎﻥ ...
ﺭﺿﻮﺍﻥ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ : ﺍﻧﺖ ﺫﻛﻲ ﻭﺍﺟﺪ ..
ﻛﻤﺎﻝ : ﻻ ﻭﺍﻟﻠﻪ ﻣﺶ ﻗﺼﺔ ﺫﻛﺎﺀ ﻟﻜﻦ ﺍﻧﻲ ﺷﺒﻪ ﻋﺎﺭﻑ ﺷﺨﺼﻴﺔ ﺣﻀﺮﺗﻚ ﺗﺤﺐ ﺗﺘﺄﻛﺪ ﺑﻨﻔﺴﻚ ... ﻣﺎﻧﺴﻴﺘﺶ ﺇﺧﺘﺒﺎﺭﻙ ﻟﻴﺎ ...
ﺭﺿﻮﺍﻥ ﺑﻀﺤﻜﻪ : ﺻﺎﺡ .. ﺭﺍﺡ ﻋﻦ ﺑﺎﻟﻲ ..
ﻛﻤﺎﻝ : ﺗﻤﺎﻡ ﻭﺷﻦ ﺻﺎﺭ ...
ﺭﺿﻮﺍﻥ ﻣﻼﻣﺢ ﻭﺟﻬﻪ ﻋﺒﺴﺖ : ﻧﻔﺲ ﺍﻟﻜﻼﻡ ..
ﻛﻤﺎﻝ : ﻣﻊ ﺍﻷﺳﻒ ﺗﻤﻨﻴﺖ ﻟﻮ ﻧﻄﻠﻌﻮﺍ ﻏﺎﻟﻄﻴﻦ ﻓﺘﺸﺨﻴﺼﻨﺎ ..
ﺭﺿﻮﺍﻥ ﻫﺰ ﺭﺍﺳﻪ ﺑﺈﻳﺠﺎﺏ : ﻣﺶ ﻋﺎﺭﻑ ﻛﻴﻒ ﻧﺨﺒﺮ ﺭﻳﻬﺎﻡ؟
ﻛﻤﺎﻝ : ﺍﻣﻢ .. ﻣﻦ ﺭﺍﻳﻲ ﺍﻧﻚ ﺗﺨﺒﺮﻫﺎ .. ﻣﺪﺍﻡ ﺭﻳﻬﺎﻡ ﺯﻱ ﻣﺎﻧﺸﻮﻑ ﺍﻟﺒﺎﻳﻦ ﺍﻧﻬﺎ ﺗﺤﺒﻚ ﻫﻠﺒﻪ ...
ﺭﺿﻮﺍﻥ ﺷﺒﺤﻠﻪ ﻭﺗﻨﻬﺪ : ﻳﺼﻴﺮ ﺧﻴﺮ ..
ﻛﻤﺎﻝ : ﺇﻥ ﺷﺎﺀ ﺍﻟﻠﻪ ... ﻧﺎﺽ .. ﻫﻲ ﻣﺎﻻ ﺍﻧﻲ ﻧﺴﺘﺄﺫﻥ ..
ﺭﺿﻮﺍﻥ : ﺍﺫﻧﻚ ﻣﻌﺎﻙ ..
ﺍﺑﺘﺴﻢ ﻛﻤﺎﻝ ﻭﻣﺠﺮﺩ ﻣﺎﺃﻟﺘﻔﺖ ﻣﻼﻣﺢ ﻭﺟﻬﻪ ﺗﻐﻴﺮﺕ ﻟﻠﺤﺪﻩ ﻃﻠﻊ ﻣﻦ ﺍﻟﺼﺎﻟﻪ ﻭﻫﻮ ﻣﺨﻨﻮﻕ ﻣﻦ ﻣﻜﺎﻥ ﻓﻴﻪ ﺍﻧﻔﺎﺱ ﻣﺨﻠﻮﻕ ﻣﺠﺮﻡ ﻋﺪﻳﻢ ﺍﻟﻀﻤﻴﺮ ﻭﺍﻟﺮﺣﻤﻪ ..
ﻭﻫﻮ ﻃﺎﻟﻊ ﻣﻦ ﺍﻟﻔﻴﻼ ﺟﺖ ﻗﺪﺍﻣﻪ ﺑﺎﻟﺰﺑﻂ ...
ﻛﻤﺎﻝ ﻛﺎﻥ ﻃﻮﻳﻞ ﻭﻋﺮﻳﺾ .. ﻭﻫﻲ ﻗﺼﻴﺮﻭﻧﻪ ﺭﺍﺳﻬﺎ ﻳﻮﺻﻞ ﻓﻲ ﻧﻬﺎﻳﻪ ﺻﺪﺭﻩ .. ﻗﺮﻳﺐ ﺍﻧﺨﺒﻄﺘﺖ ﻓﻴﻪ ﻟﻤﺎ ﺟﺖ ﺧﺎﺷﻪ ..
ﻗﻌﺪﺕ ﺭﺍﻓﻌﻪ ﺭﺍﺳﻬﺎ ﻭﺗﺸﻮﻓﻠﻪ ﻭﻫﻮ ﻳﺸﻮﻓﻠﻬﺎ ﺑﻨﻈﺮﻩ ﻋﻴﻮﻥ ﺣﻠﻮﺓ ..
ﻧﻮﺭﺍﻥ ﻭﺟﻬﻬﺎ ﺍﺣﻤﺮ : ﺑﺘﻌﺪﻱ .
ﻛﻤﺎﻝ ﺑﺈﺑﺘﺴﺎﻣﻪ : ﺍﻳﻪ ..
ﻧﻮﺭﺍﻥ : ﺑﺎﻩ ﺑﻨﻘﻮﻟﻚ .. ﺑﻜﺮﺍ ﺍﻥ ﺷﺎﺀ ﺍﻟﻠﻪ ﺍﻟﺨﻤﻴﺲ .. ﺗﻘﺪﺭ ﺗﻌﻄﻲ ﻧﻔﺴﻚ ﺇﺟﺎﺯﺓ ..
ﻛﻤﺎﻝ ﺑﻀﺤﻜﻪ : ﻋﻼﺵ؟
ﻧﻮﺭﺍﻥ : ﺍﺣﻤﻢ .. ﺑﻜﺮﺍ ﺑﻨﻄﻠﻌﻮﺍ ﺯﺭﺩﺓ ﻟﻠﺠﺒﻞ ﻳﻌﻨﻲ ﻭﺍﻧﺖ .. ﻣﻌﺎﻧﺎ ..
ﻛﻤﺎﻝ ﻗﻌﺪ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﺑﻌﺪﻳﻦ ﻗﺎﻝ : ﻭﺍﻟﻠﻪ ﻏﺪﻭﺓ ﺗﺤﺪﻳﺪﺍ ... ﺷﺒﺤﻠﻬﺎ ..
ﻭﻧﻮﺭﺍﻥ ﺗﺸﺒﺤﻠﻪ ﺑﻠﻬﻔﻪ ﺗﺮﺍﺟﻲ ﻓﺮﺩﻩ ...
ﻛﻤﺎﻝ ﺍﺑﺘﺴﻢ : ﻣﺎﻋﻨﺪﻱ ﺷﻲ ...
ﻧﻮﺭﺍﻥ ﺿﺤﻜﺖ ﺑﻔﺮﺡ : ﻛﻮﻳﺲ .. ﻧﺤﻨﺎ ﺑﻨﺘﻤﻮﺍ ﻳﻮﻣﻴﻦ ﻭﻧﺺ .. ﻳﻌﻨﻲ ﺧﻤﻴﺲ ﻭﺟﻤﻌﻪ ﻭﻧﺮﺩﻭﺍ ﺍﻟﺴﺒﺖ ﺍﻟﻌﺸﻴﻪ ..
ﻛﻤﺎﻝ : ﺍﻧﻲ ﺣﻨﺮﻭﺡ ﺍﻟﺴﺒﺖ ﺍﻟﺼﺒﺢ ﻋﻨﺪﻱ ﻋﻤﻠﻴﻪ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻣﺎﻓﺶ ﻣﺸﻜﻠﻪ ...
ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﻭﺳﺎﻛﺘﻴﻦ .. ﻣﺎﻩ ﺩﻭﺭ ﻛﻼﻡ ﺍﻟﻌﻴﻮﻥ 💓
ﺍﻟﺰﻭﺯ ﻭﻛﺄﻧﻬﻢ ﺗﻔﺎﻋﻠﻮﺍ ﻣﻊ ﻛﻼﻡ ﻋﻴﻮﻧﻬﻢ ﻭﺣﺴﻮﺍ ﺑﻴﻪ ﺑﺪﺕ ﺍﻷﻧﻔﺎﺱ ﺗﺘﺴﺎﺭﻉ ﻣﻦ ﻗﻮﺓ ﺩﻗﺎﺕ ﺍﻟﻘﻠﺐ ...
ﻓﻲ ﻫﺎﻟﻠﺤﻈﻪ ...
ﺃ ... ﺩﻛﺘﻮﻭﻭﻭﻭﻭﺭ ...
ﺍﻧﺨﻠﻌﻮﺍ ﺍﻟﺰﻭﺯ ...
ﺍﻛﺮﻡ ﺭﻛﺐ ﻭﺟﻲ ﺣﺪﺍﻫﻢ : ﻭﻳﻨﻚ ﻳﺎﻃﻴﺮﻱ .. ﻣﻌﺶ ﻧﺤﻘﻮﺍ ﻓﻴﻚ ﻛﻴﻒ ﻗﺒﻞ ..
ﻛﻤﺎﻝ ﺍﺑﺘﺴﻢ ﺑﺮﺑﻜﻪ : ﺍﻫﻮﺍ ﻣﺸﻐﻮﻟﻴﺎﺕ ..
ﺍﻛﺮﻡ : ﺍﻫﺎ .. ﺭﺑﻲ ﻳﻌﺎﻭﻥ ...
ﻧﻮﺭﺍﻥ : ﺍﻛﺮﻡ ﺑﻜﺮﺍ ﻃﺎﻟﻌﻴﻦ ﺯﺭﺩﻩ ..
ﺍﻛﺮﻡ ﺷﺒﺤﻠﻬﻢ ﺍﻟﺰﻭﺯ؛ ﺍﻧﺘﻲ ﻭﻳﺎﻩ؟ !
ﻧﻮﺭﺍﻥ 😳🤤:
ﻛﻤﺎﻝ ﺑﻀﺤﻜﻪ؛ ﺧﻴﺮﻙ ﺍﻧﺖ ﺿﺎﺭﺑﺎﺗﻚ ﺍﻟﺸﻤﺲ ﻭﻻﺷﻨﻮ ... ﻗﺼﺪﻫﺎ ﺍﻟﻜﻞ ...
ﺍﻛﺮﻡ : ﺍﻫﺎ ... ﺍﻳﻪ .. ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ... ﺟﻮ ﺳﻤﺢ .. ﺟﻮ ﺯﺭﺍﺩﻱ ... ﻛﻮﻳﺲ ...
ﻧﻮﺭﺍﻥ : ﺑﺎﻫﻲ ﺧﻞ ﻧﺨﺶ ﻧﺨﺒﺮ ﺍﻟﺒﺎﻗﻲ .. ﺧﺸﺖ ﻭﻛﻤﺎﻝ ﻣﻌﺎﻫﺎ ﺑﻌﻴﻮﻧﻪ ..
ﺍﻛﺮﻡ ﻫﺒﻂ ﺑﻴﺪﻩ ﻉ ﻛﺘﻒ ﺍﻟﺮﺍﺟﻞ ﻗﺮﻳﺐ ﺟﺎﺑﻪ ﻟﻮﻃﺎ : ﺍﻳﻪ ﻳﺎﻃﻴﺮﻱ ﺷﻦ ﺧﺒﺎﺭﻙ ..
ﻛﻤﺎﻝ ﺿﻴﻖ ﻋﻴﻮﻧﻪ ﺑﻀﺤﻜﻪ : ﺑﻨﻌﺪﻱ ﻳﺎﻃﻴﺮﻱ .. ﻋﻨﺪﻱ ﻣﺎﻧﺪﻳﺮ ..
ﺍﻛﺮﻡ : ﻋﺪﻱ ﻣﺮﺑﻮﺣﻪ ..
ﻛﻤﺎﻝ ﺿﺤﻚ ﻭﻣﺸﻲ ...
ﻭﺍﻛﺮﻡ ﻳﺸﺒﺤﻠﻪ ﻭﻣﺒﺘﺴﻢ ﻉ ﺟﻨﺐ ...
***
ﺑﺠﺪﻳﺎﺕ ﺗﻌﺒﺖ ﺭﻭﺣﻚ ..
ﺍﻛﻤﻞ : ﺍﺭﺟﻮﻛﻲ ﺳﻴﺒﻲ ﺍﻟﺮﺳﻤﻴﺎﺕ ﻉ ﺟﻨﺐ ﻛﺪﺍ ...
ﻛﻨﺎﻧﻪ : ﻫﻬﻬﻬﻬﻬﻬﻪ ... ﻧﺤﺎﻭﻝ ..
ﺩﺭﺱ ﺑﻴﻬﺎ ﻗﺪﺍﻡ ﻋﻤﺎﺭﺗﻬﺎ ... ﻧﺰﻟﺖ ..
ﻛﻨﺎﻧﻪ ﺑﻌﺪ ﺻﻜﺮﺕ ﺍﻟﺒﺎﺏ ﻭﺷﺒﺤﺖ ﻟﻠﺮﻭﺷﻦ : ﺷﻜﺮﺍ ..
ﺍﻛﻤﻞ : ﺑﺮﺿﻮ ..
ﻛﻨﺎﻧﻪ ﺑﻀﺤﻜﻪ : ﺗﺒﻴﻠﻲ ﺑﺶ ﻧﺘﻌﻮﺩ ..
ﺍﻛﻤﻞ ﺑﻀﺤﻜﻪ : ﺑﺮﺍﺣﺘﻚ ﻳﺎﺳﺘﻲ ﺍﺧﺮﺗﻚ ﺣﺘﺘﻌﻮﺩﻱ ...
ﻛﻨﺎﻧﻪ ﻻﺣﻈﺖ ﻓﻌﻴﻮﻧﻪ ﻧﻈﺮﻩ ﺍﺧﺠﻠﺘﻬﺎ : ﺍﺣﻤﻤﻢ .. ﻣﺎﻧﻌﻄﻠﻜﺶ .. ﻣﻊ ﺍﻟﺴﻼﻣﻪ ..
ﺍﻛﻤﻞ ﺍﺑﺘﺴﻢ ﻭﺣﺮﻙ ﺭﺍﺳﻪ ﻳﺤﻲ ﻓﻴﻬﺎ .. ﻫﻲ ﻭﺧﺮﺕ ﻣﻦ ﻉ ﺍﻟﺴﻴﺎﺭﻩ ﻭﻫﻮ ﻣﺸﻲ ...
ﺍﻟﺘﻔﺘﺖ ﻭﺍﻧﺼﺪﻣﺖ ...
ﻣﻨﻴﺮ ﻛﺎﻥ ﻭﺍﻗﻒ ﻳﺸﻮﻑ ﻓﻴﻬﻢ ﺑﺮﻓﻌﺔ ﺣﺎﺟﺐ ...
ﻛﻨﺎﻧﻪ ﻏﻴﺮﺕ ﻣﻼﻣﺢ ﺍﻟﺼﺪﻣﻪ ﻟﻤﻼﻣﺢ ﺗﺎﻧﻴﻪ ﺭﺳﻤﺖ ﺍﻹﺑﺘﺴﺎﻣﻪ ﻉ ﻭﺟﻬﻬﺎ ﻗﺪﻣﺖ : ﻣﻨﻴﺮ .. ﺣﻤﺪ ﻟﻠﻪ ﻉ ﺍﻟﺴﻼﻣﻪ ..
ﻣﻨﻴﺮ ﺍﺑﺘﺴﻢ ﺑﺈﺳﺘﻐﺮﺍﺏ : ﺍﻟﻠﻪ ﻳﺴﻠﻤﻚ ..
ﻛﻨﺎﻧﻪ : ﺧﻴﺮﻙ ﻭﺍﻗﻒ ﻫﻨﻲ ﻣﺎﺭﻛﺒﺘﺶ ..
ﻣﻨﻴﺮ : ﺭﻛﺒﺖ ﻭﻗﺎﻟﺘﻠﻲ ﻣﺮﺕ ﻋﻤﻲ ﺍﻧﻚ ﻓﻲ ﺍﻟﺨﺪﻣﻪ ﻭﺗﻌﻄﻠﻲ ﺑﺎﻟﻌﺎﺩﻩ .. ﻗﻠﺖ ﻧﻄﻠﻊ ﻧﺘﻤﺸﻰ ﻟﻴﻦ ﺗﺮﻭﺣﻲ .. ﺻﺎﺩﻓﺖ ﻭﻟﻘﻴﺘﻚ ﻣﺮﻭﺣﻪ ﻣﻊ . .. ﻣﻨﻮ ﺍﻷﺥ؟ !
ﻛﻨﺎﻧﻪ ﺑﺈﺑﺘﺴﺎﻣﻪ : ﻣﺪﻳﺮﻱ ﻓﻲ ﺍﻟﺸﻐﻞ ﻣﺼﺮﻱ .. ﺗﻮ ﻧﻌﺮﻓﻚ ﻋﻠﻴﻪ .. ﺷﺪﺍﺗﻪ ﻣﻦ ﻣﺮﻓﻘﻪ .. ﻫﻲ ﺗﻌﺎﻟﻰ ﻧﺮﻛﺒﻮﺍ ﻭﻧﺤﻜﻴﻠﻚ ﻉ ﺷﻐﻠﻲ ﺍﻟﺠﺪﻳﺪ ..
ﻣﺸﻮﺍ ﻭﻣﻨﻴﺮ ﻣﺼﺪﻭﻡ ﻓﻲ ﺗﻐﻴﻴﺮﻫﺎ ﺍﻟﺠﺬﺭﻱ ﻣﺎﺑﺎﺵ ﻳﺴﺄﻝ ﻧﻔﺴﻪ ﻋﻼﺵ ﻭﻛﻴﻒ ... ﻃﺎﺭ ﻣﻦ ﺍﻟﻔﺮﺣﻪ ﻹﻧﻬﺎ ﺗﻌﺎﻣﻞ ﻓﻴﻪ ﻛﻮﻳﺲ ﻭﻣﺎﺻﺪﻕ ... ﻭﻧﺴﻲ ﻛﻞ ﺷﻲ ﺻﺎﺭ ﻗﺒﻞ ...
🍁🍁🌹🌹
ﻓﻲ ﺷﺮﻕ ﻟﻴﺒﻴﺎ ..
ﻛﺎﻧﻮﺍ ﻳﺘﺠﻬﺰﻭﺍ ﻟﻠﺰﺭﺩﺓ ﻭﻛﻠﻬﻢ ﻣﺘﺸﻮﻗﻴﻦ ﻟﻴﻬﺎ ... ﻭﻳﺮﺍﺟﻮ ﺍﻣﺘﻰ ﻳﺼﺒﺢ ﺍﻟﺼﺒﺢ ..
ﻭﺻﺒﺢ ﺍﻟﺼﺒﺢ 🌄
ﻭﻛﻠﻬﻢ ﻛﺎﻧﻮﺍ ﻓﺎﻳﻘﻴﻦ ﻭﻣﺘﺤﻤﺴﻴﻦ ...
ﻓﻲ ﺣﺪﻳﻘﺔ ﺍﻟﻔﻴﻼ ..
ﺭﺿﻮﺍﻥ ﻃﻠﻊ ﻭﻣﻌﺎﻩ ﺭﻳﻬﺎﻡ ...
ﺭﺿﻮﺍﻥ : ﻧﻮﺭﺍﻥ ﺍﺭﻛﺒﻲ ﻣﻊ ﺷﻬﺎﺏ ..
ﻧﻮﺭﺍﻥ ﺷﺒﺤﺖ ﻟﺸﻬﺎﺏ ..
ﺷﻬﺎﺏ ﺍﺑﺘﺴﻢ ﻭﻫﺰ ﺭﺍﺳﻪ ﻳﻤﻴﻦ ﻭﺍﻳﺴﺎﺭ : ﺗﻌﺎﻟﻲ ﻧﺎﻧﻲ
ﻣﺸﺖ ﻧﻮﺭﺍﻥ ﻭﺭﻛﺒﺖ ﻣﻌﺎﻩ ..
ﺭﺿﻮﺍﻥ ﻭﻫﻮ ﻣﺎﺷﻲ ﺑﻴﺮﻛﺐ ﺍﻟﺴﻴﺎﺭﺓ ﻣﻊ ﺭﻳﻬﺎﻡ : ﻣﺶ ﻋﺎﺭﻑ ﻛﻴﻒ ﻳﻔﻜﺮ ﺍﻟﻌﻴﻞ ﻫﻀﺎ .. ﺗﻘﻮﻝ ﻣﺶ ﻣﺮﺍﺗﻪ ﺑﻜﻞ ..
ﺭﻳﻬﺎﻡ : ﻣﺤﻠﻬﻢ ﺣﺒﻴﺒﻲ ..
ﺭﺿﻮﺍﻥ ﺳﻜﺖ ﻭﻣﺶ ﻋﺎﺟﺒﻪ ..
ﻛﻤﺎﻝ ﻛﺎﻥ ﺟﺎﻱ ﻛﻴﻒ ﺧﺶ :. ﺻﺒﺎﺡ ﺍﻟﻨﻮﺭﺍﺕ ..
ﺍﻛﺮﻡ ﻭﺳﺎﺭﻩ ﻭﻧﺒﻮﻳﻪ : ﺻﺒﺎﺡ ﺍﻟﺨﻴﺮ ...
ﺍﻛﺮﻡ : ﻫﻲ ﻳﺎﺩﻛﺘﻮﺭ ﺍﺭﻛﺐ ...
ﻛﻤﺎﻝ ﻣﺸﻲ ﺭﻛﺐ ﺟﻨﺐ ﺍﻛﺮﻡ ﻟﻤﺎ ﻓﺘﺢ ﺑﺎﺏ ﺍﻟﺴﻴﺎﺭﻩ .. ﺷﺎﻑ ﺳﻴﺎﺭﺓ ﺭﺿﻮﺍﻥ ﻃﻠﻌﺖ ﻭﻭﺭﺍﻫﺎ ﺳﻴﺎﺭﺓ ﺷﻬﺎﺏ ﻭﻣﻌﺎﻩ ﻧﻮﺭﺍﻥ ...
ﺍﺿﺎﺍﺍﺍﺍﺍﺍﺍﻳﻖ ﻉ ﺍﻵﺍﺍﺍﺍﺍﺍﺍﺍﺧﺮ ... ﺭﻛﺐ ﻭﻭﺟﻬﻪ ﻣﻘﻠﻮﺏ ...
ﺍﻛﺮﻡ : ﻣﺎﻧﺴﻴﺘﻦ ﺷﻲ ..
ﺳﺎﺭﻩ : ﻻ ...
ﺍﻛﺮﻡ : ﻣﺶ ﻓﻨﺺ ﺍﻟﻄﺮﻳﻖ ﺗﺨﻄﺮ ﻋﻠﻴﻜﻦ 16 ﺣﺎﺟﻪ ..
ﻧﺒﻮﻳﻪ ﺑﻀﺤﻜﻪ : ﻻ ﻳﺎﺑﻨﻲ ﻛﻞ ﺍﻟﻠﻲ ﻋﺎﻳﺰﻳﻨﻪ ﻣﻌﺎﻧﺎ ...
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ﺷﻐﻞ ﺍﻟﺴﻴﺎﺭﻩ ﻭﺗﺤﺮﻙ ﺷﺒﺢ ﻟﻜﻤﺎﻝ ﻟﻘﺎﻩ ﻣﺶ ﻉ ﺑﻌﻀﻪ ﺷﺒﺢ ﺍﻟﻘﺪﺍﻡ ﻭﻣﺎﺣﺒﺶ ﻳﺪﻗﻖ ...
ﻓﻲ ﺍﻟﻄﺮﻳﻖ ....
ﺳﻴﺎﺭﺓ ﺷﻬﺎﺏ ...
ﻛﺎﻥ ﻓﺎﺗﺢ ﺍﻏﺎﻧﻲ ﻭﺟﻮ ﻣﻠﻴﺢ ﻭﻳﻐﻨﻲ ﻫﻮ ﻭﻧﻮﺭﺍﻥ ﻭﻳﺼﻔﻘﻮﺍ ....
ﻓﺎﺗﺖ ﻣﻦ ﺣﺪﺍﻫﻢ ﺳﻴﺎﺭﺓ ﺭﺿﻮﺍﻥ ﺷﺎﻓﻮﻫﻢ ﺭﻳﻬﺎﻡ ﻭﺭﺿﻮﺍﻥ ﺿﺤﻜﻮﺍ ..
ﺭﻳﻬﺎﻡ ﺑﻀﺤﻜﻪ : ﺷﻦ ﺭﺍﻳﻚ ..
ﺭﺿﻮﺍﻥ ﻗﻌﺪ ﻳﻀﺤﻚ ﻭﺧﻼﺹ ...
ﺟﻮﺍ ﻗﺪﺍﻣﻬﻢ ...
ﺟﺖ ﺃﻏﻨﻴﺔ ﻭﻳﺎﻩ ﻣﺘﺎﻉ ﻋﻤﺮﻭ ﺩﻳﺎﺏ ..
ﻧﻮﺭﺍﻥ : ﻋﻠﻴﻬﺎ ﻭﺭﺍﺱ ﺷﻴﺒﻮ ...
ﺷﻬﺎﺏ ﺑﻀﺤﻜﻪ : ﺑﺎﻫﻲ .. ﻋﻼﻫﺎ ﺍﻛﺜﺮ ﻟﻴﻦ ﺍﻟﺴﻴﺎﺭﺓ ﺗﻬﺰ ...
ﻭﺭﺍﻫﻢ ﺳﻴﺎﺭﺓ ﺍﻛﺮﻡ ..
ﺳﺎﺭﻩ ﺗﺸﺒﺢ ﻓﻴﻬﻢ : ﺷﻬﺎﺏ ﻭﻧﻮﺭﺍﻥ ﻗﺎﻟﺒﻴﻨﻬﺎ ..
ﺍﻛﺮﻡ : ﺩﻳﻤﺎ ﻭﻳﻦ ﻳﺘﻼﻗﻮﺍ ﻳﺨﻄﺮ ﻋﻠﻴﻬﻢ ﺍﻟﻬﺒﺎﻝ ﻛﻠﻪ ..
ﺳﺎﺭﻩ : ﺣﻠﻠﻨﺎ ﺍﻟﻤﺴﺠﻞ ﺣﺘﻰ ﺍﻧﺖ ﺍﻟﻬﻢ ﺗﻘﻮﻝ ﺑﻨﻌﺪﻭﺍ ﺍﻟﻌﺰﺍ ...
ﺍﻛﺮﻡ : ﻏﻤﻲ ﻓﻤﻚ ﺑﻼ ﻗﻄﺎﻑ ﻓﺎﺭﻍ ...
ﺳﺎﺭﻩ ﺍﺗﻜﻨﻄﺖ ﻭﺳﻜﺘﺖ ..
ﻧﺒﻮﻳﻪ ﺷﺎﺩﻩ ﺿﺤﻜﺘﻬﺎ ... ﻭﻛﻤﺎﻝ ﻣﺶ ﻣﻌﺎﻫﻢ ﺑﻜﻞ ﻣﻊ ﺍﻟﻠﻲ ﻗﺪﺍﻣﻬﻢ ﻭﻗﺎﻋﺪ ﻳﻨﺤﺮﻕ ﺑﺎﻟﻐﻴﺮﻩ ﺣﺮﻕ ...🔥
ﺷﻮﻳﻪ ﻭﺷﻬﺎﺏ ﻓﺘﺢ ﺃﻏﻨﻴﻪ ﻟﻔﺮﻗﻪ ﺷﺮﻗﺎﻭﻳﻪ .. ﻭﺷﺎﺷﻮ ﻫﻮ ﻭﻳﺎﻫﺎ ﻣﺎﺣﺎﺳﺒﻴﻦ ﻟﺤﺪ ﺣﺴﺎﺏ ..
ﺧﻄﻢ ﺑﺤﺪﺍﻫﻢ ﺍﻛﺮﻡ ..
ﻧﻮﺭﺍﻥ ﺗﺼﻔﻖ : ﺣﻴﻴﻴﻪ ﻋﻠﻴﻪ ﻧﺴﻴﺘﻪ ﺣﻴﻴﻴﻪ ﻋﻠﻴﻪ ﻧﺴﻴﻴﺘﻪ .
ﺣﻴﻴﻴﻪ ﻋﻠﻴﻪ ﻧﺴﺴﻴﻴﺘﻪ .. ﻓﻲ ﺍﻷﺳﻮﺩ ﻳﻠﺒﺲ ﺧﻠﻴﺘﻪ
ﺷﻬﺎﺏ : ﻭﻭﻭﻭﻭﻭﻭﻭﻭﻭﻭﻭﻩ ... ﺣﻴﻪ ﻋﻠﻴﻪ ..
ﻭﻳﺼﻔﻘﻮﺍ ﻭﻳﻀﺤﻜﻮﺍ ..
ﻭﺳﺎﺭﻩ ﺗﺸﻮﻓﻠﻬﻢ ﻭﺗﺼﻔﻖ ﻣﻌﺎﻫﻢ
ﺍﻛﺮﻡ : ﻳﺎﻫﻮﻭﻭﻭﻭ ﺍﻧﺖ ﻭﻳﺎﻫﺎ ...
ﻭﺍﻟﻠﻪ ﻣﺎﻳﺴﻤﻌﻮﺍ ﻓﻲ ﺣﺎﺟﻪ ..
ﻛﻠﻜﺴﻠﻬﻢ ...
ﺍﻟﺰﻭﺯ ﺷﺒﺤﻮﻟﻪ ..
ﺍﻛﺮﻡ : ﻧﻘﺺ ﺍﻟﻌﺎﺯﻱ ...
ﻣﺎﻳﺴﻤﻌﻮﺵ ﻓﻴﻪ ﻗﺎﻋﺪﻳﻦ ﻳﺼﻔﻘﻮﺍ ﻭﺷﺎﻳﺸﻴﻦ ﻣﻊ ﺍﻟﻤﻮﺳﻴﻘﻰ ..
ﺍﻛﺮﻡ ﻳﻜﻠﻜﺲ ﻭﻳﺄﺷﺮﻫﻢ ﺑﻴﺪﻩ ﻳﻮﻃﻮﺍ ﺍﻟﺼﻮﺕ ...
ﻫﻤﺎ ﺍﻟﺰﻭﺯ ... ﻳﺼﻔﻘﻮﺍ ﻭﻣﻄﻨﺸﻴﻦ ....
ﻟﻴﻦ ﺑﺪﻱ ﻣﻘﻄﻊ .. ﻗﻌﺪﻭﺍ ﻳﻐﻨﻮﺍ ﻣﻌﺎﻩ ﺍﻟﺰﻭﺯ ...
ﻧﻮﺭﺍﻥ ﻭﺷﻬﺎﺏ ﻳﺸﺒﺤﻮﺍ ﻷﻛﺮﻡ : ﻳﺎﻋﻴﻨﻲ ... ﻉ ﺑﺎﻻﻟﻮ ﻫﻀﺎ ﻭﻳﻦ ﺍﻟﺠﻮ ... ﺣﻠﻮﻭﻭﻭﻭ ...
ﺷﻬﺎﺏ ﻋﻔﺲ ﻉ ﻓﺮﺍﻣﻞ ﻭﻃﺎﺭ ﻳﺠﺮﻱ ﻭﻫﻲ ﺗﻀﺤﻚ ﻭﺗﻌﻴﻂ ﺑﺼﻮﺕ ﻋﺎﻟﻲ ...
ﻛﻤﺎﻝ ﻣﺘﻜﻲ ﺑﻤﺮﻓﻘﻪ ﻉ ﺍﻟﺮﻭﺷﻦ ﻭﺣﺎﻁ ﻳﺪﻩ ﻉ ﻓﻤﻪ ﺑﺤﻴﺚ ﺍﻧﻪ ﺳﺒﺎﺑﺘﻪ ﻉ ﺷﻮﺍﺭﺑﻪ ﻭﺍﺑﻬﺎﻣﻪ ﺗﺤﺖ ﺫﻗﻨﻪ " ﺗﺨﻴﻠﺘﻮﻫﺎ .."😁 ﻭﻛﺎﻥ ﻳﺸﺒﺢ ﻟﺴﻴﺎﺭﺗﻬﻢ ﺑﺤﺪﻩ ...
ﺳﺎﺭﻩ : ﻳﺎﺑﺨﺘﻬﻢ ... ﻟﻤﺎ ﺑﻨﺮﺩﻭﺍ ﺑﻨﺮﻛﺐ ﻣﻌﺎﻫﻢ ﺍﻛﺮﻡ ﺷﺒﺤﻠﻬﺎ ﻣﻦ ﺍﻟﻤﺮﺍﻳﻪ ﺑﺘﻔﻨﻴﺼﻪ ﺧﺎﻓﺖ ... ﺷﺒﺤﺖ ﻟﻠﺮﻭﺷﻦ ...
ﺍﻟﻤﻬﻢ ...
ﺑﻌﺪ ﻃﻮﻝ ﻃﺮﻳﻖ ﻭﺻﻠﻮﺍ ...
ﻟﺤﻮﺍﺯﺓ ﻏﺎﺩﻱ ﻓﻴﻬﺎ ﻣﻨﺼﻮﺑﻪ ﺧﻴﻤﻪ ... ﻭﻣﺠﻬﺰﻳﻦ ﺷﻮﺍﻳﻪ ﻛﺒﻴﺮﻩ
ﻭﺍﻟﺠﻮ ﻛﺎﻥ ﺣﻠﻮ ﺑﺎﻟﻤﺮﺓ ﻭﻣﻌﺘﺪﻝ ..
ﻧﺰﻟﻮﺍ ﻣﻦ ﺍﻟﺴﻴﺎﺭﺍﺕ ... ﺣﻄﻮﺍ ﺑﻀﺎﻋﺘﻬﻢ ﻓﻲ ﺍﻟﺤﻮﺵ ﺍﻟﻠﻲ ﻓﻲ ﺍﻟﺤﻮﺍﺯﺓ ...
ﻭﻃﻠﻌﻮﺍ ﻟﻠﺨﻴﻤﻪ ...
ﻛﻤﺎﻝ ﺷﺒﺢ ﻟﻠﺸﻮﺍﻳﻪ : ﺍﻟﺸﻮﺍ ﻋﻠﻴﺎ ﻳﺎﻋﻴﻠﻪ ...
ﺍﻛﺮﻡ : ﺍﺣﺴﻦ ﺣﺎﺟﻪ ..
ﺷﻬﺎﺏ ﻗﻌﺪ ﻳﻀﺤﻚ : ﻗﺒﻞ ﻋﺎﻟﻖ ﻓﻴﻪ ﺍﻛﺮﻡ ...
ﻛﻤﺎﻝ ﺍﺑﺘﺴﻢ ﻣﺠﺎﻣﻠﻪ ﺑﺪﻭﻥ ﻣﺎﻳﺸﻮﻓﻠﻪ ..
ﺩﺍﺧﻞ ...
ﻧﺒﻮﻳﻪ : ﻭﺍﺩﻱ ﺍﻟﻠﺤﻤﻪ ﻭﺍﻟﻔﺮﺍﺥ ﻣﺘﺒﻠﻪ ﻭﺟﺎﻫﺰﻩ ..
ﺧﻮﺩﻱ ﻳﺎﺳﺎﺭﺓ ...
ﺳﺎﺭﻩ ﺧﺪﺕ ﻣﻨﻬﺎ ﻭﻃﻠﻌﺖ ﺑﺮﺍ .. ﻭﻧﻮﺭﺍﻥ ﻭﺭﻳﻬﺎﻡ ﻭﺍﻗﻔﻴﻦ ... ﻉ ﺍﻟﺴﻼﻳﻂ ...
ﻭﻳﻦ ﻃﻠﻌﺖ ﺳﺎﺭﻩ ﻟﻘﺖ ﺍﻛﺮﻡ ﻭﺍﻗﻒ ﻉ ﺭﺿﻮﺍﻥ ﻭﺷﻬﺎﺏ ﻳﺤﻜﻲ ﻉ ﺍﻟﺘﻠﻴﻔﻮﻥ ... ﻭﻛﻤﺎﻝ ﻭﺍﻗﻒ ﻉ ﺍﻟﺸﻮﺍﻳﻪ .. ﺟﺎﺗﻪ ﺑﺴﺮﻋﻪ ...
ﺣﻄﺖ ﺣﺪﺍﻩ ﺍﻟﻠﺤﻢ ..
ﺳﺎﺭﻩ : ﻗﺘﻠﻚ ... ﻛﻠﻤﻨﻲ ﺧﺎﻟﻲ ...
ﻛﻤﺎﻝ ﺩﺍﻳﺮ ﺭﻭﺣﻪ ﻻﻫﻲ : ﺍﻳﻪ ..
ﺳﺎﺭﻩ : ﻗﺎﻟﻲ ﻓﻲ ﻭﺍﺣﺪ ﺳﻤﺎﻩ ﻓﺮﺝ ﺍﻟﺤﺎﺳﻲ ﻭﻣﺮﺍﺗﻪ ﺍﻣﻴﻨﻪ ﺿﻮ ... ﻛﺎﻥ ﺳﺎﻛﻨﻴﻦ ﻓﻲ ...*****
ﻭﻛﺎﻥ ﻋﻨﺪﻫﻢ ﻋﻴﻞ ﻭﺑﻌﺪﻫﺎ ﻧﻘﻠﻮﺍ ﻟﻠﺒﻴﻀﺎ ... ﺳﺎﻛﻦ ﻗﺪﻳﻢ ﻓﻲ ﺍﻟﻤﻨﻄﻘﻪ ﻗﺎﻝ ﺍﻧﻬﻢ ﻟﻤﺎ ﻧﻘﻠﻮ ﺍﻟﻌﻮﻳﻞ ﻣﻜﺎﻧﺶ ﻣﻌﺎﻫﻢ ...
ﻛﻤﺎﻝ : ﻛﻴﻒ؟
ﺳﺎﺭﻩ : ﺟﺎﻳﺘﻚ ﻓﻲ ﺍﻟﻜﻼﻡ ... ﻗﺎﻟﻮﺍ ﺍﻭﻝ ﻣﺎﺟﻮ ﺍﻟﻤﺮﺝ ﻗﺎﻟﻮﺍ ﺍﻥ ﺍﻟﻮﻟﺪ ﻳﻘﺮﺑﻠﻬﻢ ﻣﺶ ﻭﻟﺪﻫﻢ ﻭﺍﻧﻪ ﻋﻨﺪﻫﻢ ﻟﻔﺘﺮﻩ ﻟﻌﻨﺪ ﻣﺎﻳﺮﺩﻭﺍ ﺑﺎﺗﻪ ﻭﺍﻣﻪ ﻣﻦ ﺳﻔﺮ ﻋﻼﺝ ... ﻗﺎﻟﻮﺍ ﻗﻌﺪ ﺣﻮﺍﻟﻲ ﺍﻟﻌﺎﻡ ﻣﻌﺎﻫﻢ ﻭﺑﻌﺪﻫﺎ ﻉ ﺣﺴﺐ ﻛﻼﻣﻬﻢ ﺭﺩﻭﻩ ﻟﻬﻠﻪ ...
ﻛﻤﺎﻝ : ﻭﻫﻤﺎ ﻓﻲ ﺍﻟﺤﻘﻴﻘﻪ ﺭﻓﻌﻮﻩ ﺍﻟﻤﻴﺘﻢ ...
ﺳﺎﺭﻩ ﺩﺍﻳﺮﻩ ﺭﻭﺣﻬﺎ ﻣﻨﺸﻐﻠﻪ ﺑﺎﻟﻠﺤﻢ : ﺍﻫﺎ ... ﺳﺄﻝ ﻋﻦ ﺩﻭﺭ ﺍﻷﻳﺘﺎﻡ ... ﻗﺎﻟﻮﺍ ﻓﻲ ﻭﺣﺪﻩ ﻓﺴﻨﺔ **** ﺍﻧﺤﺮﻗﺖ ﺑﺲ ﻣﺎﺃﻧﻀﺮ ﺣﺪ ﻧﻘﻠﻮﺍ ﺍﻟﻠﻲ ﻓﻴﻬﺎ ﻛﻠﻬﻢ ﻟﺒﻨﻐﺎﺯﻱ ﻭﻗﻌﺪ ﻣﺎﺳﻜﻢ ﻧﻔﺲ ﺍﻟﻤﺴﺆﻭﻝ ﺍﻟﻠﻲ ﻛﺎﻥ ﻣﺎﺳﻜﻬﻢ ﻓﻲ ﺍﻟﻤﺮﺝ ..
ﻛﻤﺎﻝ ﻗﻌﺪ ﻳﻔﻜﺮ : ﻟﻮ ﺑﻨﺤﺴﺒﻮﻫﺎ .... ﺍﻣﻤﻢ .. ﻣﻌﻨﺎﻫﺎ ﻋﻤﺮﻩ 4 ﺳﻨﻴﻦ ﻭﻗﺘﻬﺎ ...
ﺳﺎﺭﻩ : ﻣﻤﻜﻦ ..
ﻛﻤﺎﻝ : ﺑﺎﻫﻲ ﻣﺎﻗﺎﻟﻜﺶ ﺍﺳﻢ ﺍﻟﺪﺍﺭ ﻭﻻﺍﺳﻢ ﻭﻻ ﺍﺳﻢ ﺍﻟﻤﺴﺆﻭﻝ ﻋﻨﻬﺎ ..
ﺳﺎﺭﻩ : ﻻ ...
ﻛﻤﺎﻝ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ : ﻣﺎﺍﺳﺘﻔﺪﻧﺎ ﺷﻲ ﻏﻴﺮ ﻣﻌﻠﻮﻣﻪ ﻭﺣﺪﻩ ﺍﺳﻤﺎﺀ ﻓﺮﺝ ﻭﺍﻣﻴﻨﻪ ﺍﻟﻜﺎﻣﻠﻪ ﻭﺍﻧﻬﻢ ﺳﻜﻨﻮﺍ ﻓﻲ ﺍﻟﺒﻴﻀﺎ ...
ﺳﺎﺭﻩ : ﺍﻟﺤﻜﺎﻳﻪ ﻣﺶ ﺳﺎﻫﻠﻪ ﻳﺎﻛﻤﺎﻝ ..
ﻛﻤﺎﻝ ﺍﺑﺘﺴﻢ : ﻋﻨﺪﻙ ﺣﻖ ... ﺗﻤﺎﻡ ﺗﻮﺍ ﺑﺮﻱ ﻹﻥ ﺍﻛﺮﻡ ﺷﻮﻳﻪ ﺗﺎﻧﻴﻪ ﻭﺑﻴﺠﻲ ﻳﻌﺰﻗﻨﻲ ﻓﻲ ﺍﻟﺸﻮﺍﻳﻪ ﻉ ﻗﻮﻟﺘﻜﻢ ...
ﺳﺎﺭﻩ ﺍﻟﺘﻔﺘﺖ ﺷﺎﻓﺘﻠﻪ ﻭﻗﺎﻟﺖ ﺑﻀﺤﻜﻪ : ﺧﻼﺹ ﺣﻨﻔﻜﻚ ﻣﻦ ﺷﺮﻩ ... ﻭﻣﺸﺖ ﻣﻦ ﺣﺪﺍﻩ ...
ﺟﺎﻩ ﺍﻛﺮﻡ : ﺷﻦ ﻛﻨﺘﻮﺍ ﺗﺤﻜﻮﺍ ..
ﻛﻤﺎﻝ : ﻛﺎﻧﺖ ﺗﻮﺻﻲ ﻓﻴﺎ ﻉ ﺍﻟﻠﺤﻢ ..
ﺍﻛﺮﻡ : ﺗﻮﺻﻲ ﻓﻴﻚ ﻋﻠﻴﻪ ﻛﻴﻒ ﻳﻌﻨﻲ ؟؟ !! ﺍﺷﻮﻳﻪ ﺑﺤﻨﻴﻪ ﻭﻋﻴﻨﻚ ﻣﻨﻪ ..
ﻛﻤﺎﻝ ﺑﻀﺤﻜﻪ : ﺣﺎﺟﻪ ﺯﻱ ﻫﻜﻲ .. ﻭﺑﻌﺪﻳﻦ ﺍﻧﺖ ﺧﻴﺮﻙ ﺭﺍﻗﻴﺘﻠﻚ ؟
ﺍﻛﺮﻡ ﺷﺒﺤﻠﻪ ﺑﻌﺪﻳﻦ ﻳﺸﺒﺢ ﻟﻠﺸﻮﺍﻳﻪ ﻭﺧﺪﻱ ﺣﺪﻳﺪﻩ ﻭﻗﻌﺪ ﻳﺤﺮﻙ ..
ﻭﻛﻤﺎﻝ ﻣﺒﺘﺴﻢ ﺑﻜﺘﻤﺎﻥ ...
🌹 ﺍﻧﺴﺠﻤﻮﺍ ﻣﻊ ﺍﻟﻤﻜﺎﻥ ﻭﺍﻟﺠﻮ ...
ﺭﺿﻮﺍﻥ ﺧﺪﻱ ﺭﻳﻬﺎﻡ ﻭﻣﺸﻮﺍ ﺑﺮﻭﺣﻬﻢ ...
ﻭﻧﻮﺭﺍﻥ ﻗﻌﺪﺕ ﻻﻫﻴﻪ ﻣﻊ ﺳﺎﺭﺓ ﻭﻧﺒﻮﻳﻪ .. ﻳﻮﺗﻮﺍ ﻟﻠﻐﺪﻱ
ﻭﺍﻛﺮﻡ ﻭﺍﻗﻒ ﻓﻮﻕ ﺭﺍﺱ ﻛﻤﺎﻝ ﻭﺩﻳﺮ ﻣﺎﺩﻳﺮ ﻭﻫﺎﺕ ﻧﺬﻭﻕ ﻟﻴﻦ ﺭﻗﺖ ﻟﻜﻤﺎﻝ ﻣﻨﻪ ﻓﺼﻞ ﻋﻠﻴﻪ ﻭﺷﻬﺎﺏ ﻣﻴﺖ ﻋﻠﻴﻬﻢ ﺑﺎﻟﻀﺤﻚ .. ﺍﻛﺮﻡ ﻗﻌﻤﺰ ﺣﺪﺍﻩ ﻭﻳﻀﺤﻚ ﻭﻣﻌﺎﺵ ﻛﻠﻤﻪ ..
ﺗﻐﺪﻭﺍ ﻭﺑﺤﺒﺤﻮﺍ ... ﻭﺧﺸﻮﺍ ﺍﺗﻜﻮﺍ ﺷﻮﻳﻪ ﻣﻦ ﺗﻌﺐ ﺍﻟﻄﺮﻳﻖ ...
ﻓﻲ ﺍﻟﻠﻴﻞ ...
ﺭﻳﻬﺎﻡ ﻭﺭﺿﻮﺍﻥ ﻣﻘﻌﻤﺰﻳﻦ ﺗﺤﺖ ﺷﺠﺮﻩ ...
ﺭﺿﻮﺍﻥ ﻭﻫﻮ ﺣﺎﺿﻦ ﺭﻳﻬﺎﻡ : ﻳﻌﻨﻲ ﻣﺎﻋﻨﺪﻛﺶ ﻣﺸﻜﻠﻪ ..
ﺭﻳﻬﺎﻡ ﻭﺩﻣﻮﻋﻬﺎ ﻓﻌﻴﻮﻧﻬﺎ : ﺍﻟﻤﻬﻢ ﻋﻨﺪﻱ ﻧﻜﻮﻥ ﻣﻌﺎﻙ ﻭﺑﺲ ...
ﺭﺿﻮﺍﻥ ﺣﻀﻨﻬﺎ ﺑﻘﻮﺓ ﻭﻫﻮ ﻣﻐﻤﺾ ﻋﻴﻮﻧﻪ ﻭﻗﺎﻝ : ﻧﺤﺒﻚ ﻣﻮﺕ
ﺭﻳﻬﺎﻡ : ﻭﺍﻧﺎ ﻧﻤﻮﺕ ﻓﻴﻚ ... ﻭﻧﺰﻟﺖ ﻣﻦ ﻋﻴﻨﻬﺎ ﺩﻣﻌﻪ ..
****
ﺑﻴﻦ ﻧﻮﺭﺍﻥ ﻭﺷﻬﺎﺏ ...
ﻧﻮﺭﺍﻥ ﺑﻀﺤﻜﻪ : ﺣﻘﻴﻘﻪ .. ﺻﺮﺍﺣﻪ .. ﺍﻋﺘﺮﺍﻑ ..
ﺷﻬﺎﺏ ﺿﺤﻚ : ﺍﻋﺘﺮﺍﻑ ..
ﻧﻮﺭﺍﻥ : ﺑﺎﻩ ﺍﻋﺘﺮﻑ .
ﺷﻬﺎﺏ : ﺑﺲ ﻫﺎ ﺳﺮ ﻣﺎﻧﺒﻲ ﺣﺪ ﻳﻌﻠﻢ ﺑﻴﻪ ﻏﻴﺮﻧﺎ ﻭﺑﺎﻟﺬﺍﺕ ﺑﺎﺗﻲ ...
ﺷﺒﺤﻮﺍ ﻟﺒﻌﺾ ...
ﻧﻮﺭﺍﻥ : ﺳﺮﻙ ﺑﺒﻴﺮ ...
ﺷﻬﺎﺏ ﺷﺒﺤﻠﻬﻢ ﻭﻗﺎﻝ : ﺍﻧﺎ ﻣﺘﺨﺮﺝ ﻣﻦ ﺍﻟﺴﻨﻪ ﺍﻟﻠﻲ ﻓﺎﺗﺖ ..
ﺍﻛﺮﻡ ﺍﻧﺼﺪﻡ .. ﻭﻧﻮﺭﺍﻥ ﺷﻬﻘﺖ ...
ﻛﻤﺎﻝ : ﻣﻌﻘﻮﻟﻪ ﺑﻮﻙ ﻣﺎﻋﻨﺪﺍﺵ ﻋﻠﻢ ..
ﺷﻬﺎﺏ ﺍﺑﺘﺴﻢ : ﺍﻫﺎ ... ﻫﻮ ﺻﺢ ﺑﺎﺗﻲ ﻣﺶ ﺳﺎﻫﻞ ﺑﺲ ﻣﺎﺗﻨﺴﺎﺵ ﺍﻧﺎ ﻭﻟﺪﻩ ...
ﻛﻤﺎﻝ ﻭﺳﺎﺭﻩ ﺷﺒﺤﻮﺍ ﻟﺒﻌﺾ ...
ﻧﻮﺭﺍﻥ : ﺑﺎﻫﻲ ﻳﺎﺳﻴﺪﻱ ﻣﺒﺮﻭﻙ ﻋﻠﻴﻚ ... ﺣﺮﺍﻡ ﻭﺍﻟﻠﻪ ﺗﻌﺪﻱ ﻫﻚ ﺑﺪﻭﻥ ﺣﻔﻠﺔ ...
ﺷﻬﺎﺏ ﺍﺑﺘﺴﻢ : ﻧﺪﻳﺮﻭﻫﺎ ﺇﻥ ﺷﺎﺀ ﺍﻟﻠﻪ ﻓﻮﻗﺘﻬﺎ ...
ﺳﺎﺭﻩ ﻧﺎﺿﺖ : ﺗﻤﺎﻡ .. ﻫﻲ ﺧﻞ ﻧﺒﺮﻣﻬﺎ ﻣﻦ ﺟﺪﻳﺪ ..
ﻟﻔﺘﻬﺎ ... ﺟﺖ ﺑﻴﻦ ﻧﻮﺭﺍﻥ ﻭﺍﻛﺮﻡ .. ﻭﻣﺮﺓ ﺗﺎﻧﻴﻪ ﻧﻮﺭﺍﻥ ﺗﺴﺄﻝ ...
ﻧﻮﺭﺍﻥ ﺑﻀﺤﻜﻪ : ﺣﻈﻲ ﺍﻟﻴﻮﻡ ...
ﺍﻛﺮﻡ : ﻣﻦ ﺣﻈﻲ ﺍﻥ ﺟﺖ ﻓﻴﻜﻲ .. ﺍﻛﻴﺪ ﺍﺳﺄﻟﺘﻚ ﻛﻴﻮﺗﻪ ﻛﻴﻔﻚ ..
ﺿﺤﻜﻮﺍ ..
ﻧﻮﺭﺍﻥ ﺑﻀﺤﻜﻪ : ﻣﺎﻳﻐﺮﻛﺶ ﺍﻟﻤﻨﻈﺮ ﻳﺎﺃﺑﻮﺍﻟﻬﻮﻝ ...
ﺍﻛﺮﻡ ﺿﺤﻚ : ﺗﻤﺎﻡ ﻭﺭﻳﻨﺎ ﺣﻘﻴﻘﺘﻚ ..
ﻧﻮﺭﺍﻥ : ﻫﻬﻬﻬﻬﻬﻪ ... ﺗﻤﺎﻡ ﺷﻦ ﺗﺨﺘﺎﺭ ﺻﺮﺍﺣﻪ ﺣﻘﻴﻘﻪ ﺍﻋﺘﺮﺍﻑ ...
ﺍﻛﺮﻡ : ﺻﺮﺍﺣﻪ ..
ﻧﻮﺭﺍﻥ : ﻓﻲ ﺍﻟﻤﻴﺘﻢ ﺳﻤﻮﻙ؟
ﺍﻛﺮﻡ ﺍﺑﺘﺴﻢ ...
ﻧﻮﺭﺍﻥ : ﺍﺳﻔﻪ ﻟﻮ ﺳﺆﺍﻟﻲ ﺿﺎﻳﻘﻚ ..
ﻛﻤﺎﻝ ﻗﻌﺪ ﻳﺸﺒﺤﻠﻬﺎ ﺑﻨﻈﺮﺓ ﻛﻠﻬﺎ ﺣﺐ ...
ﺍﻛﺮﻡ ﺑﻀﺤﻜﻪ : ﻣﺎﻟﻜﺶ ﻏﻴﺮ ﻭﺟﻪ ﻭﺍﺣﺪ ﺑﺲ ﻳﺎﻧﻮﺭﺍﻥ .. ﻋﻤﻮﻣﺎ ﺳﺆﺍﻟﻚ ﻧﻘﺪﺭ ﻧﺠﺎﻭﺏ ﻋﻠﻴﻪ ﺑﻜﻞ ﺻﺮﺍﺣﻪ ...
ﺍﻧﺎ ﺟﻴﺖ ﻟﻠﻤﻴﺘﻢ ﺑﺈﺳﻤﻲ ﻫﻀﺎ ... ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﺧﻠﻮﻫﺎ ﻣﻌﺎﻳﺎ ﺍﻟﻨﺎﺱ ﺍﻟﻠﻲ ﻋﺰﻗﻮﻧﻲ ﻓﻴﻪ ...
ﺷﻬﺎﺏ : ﻟﻶﻥ ﺗﻤﻨﻴﺖ ﻟﻮ ﺩﻭﺭﺕ ﻋﻠﻴﻬﻢ ﻋﺮﻓﺘﻬﻢ ﻭﻋﺮﻓﺖ ﻧﻔﺴﻚ ...
ﺍﻛﺮﻡ ﺗﻨﻬﺪ : ﻹﻧﻲ ﺍﺧﺘﺮﺕ ﺍﻟﺼﺮﺍﺣﻪ ﺣﻨﻜﻮﻥ ﺻﺮﻳﺢ ... ﺩﻭﺭﺕ ﻋﻠﻴﻬﻢ ﻭﻳﻦ ﻣﺎﻛﺎﻧﻮﺍ ﺳﺎﻛﻨﻴﻦ ... ﻭﻭﻳﻦ ﻣﺎﻧﻘﻠﻮﺍ ﺍﺧﺮﻯ ... ﺑﺲ ﻣﺶ ﻋﺎﺭﻑ ﺍﺫﺍ ﻛﺎﻥ ﻣﻦ ﻗﻞ ﺣﻈﻲ ﻭﻻﻗﻮﺗﻪ .. ﻣﺎﺗﻮﺍ ﺍﻵﺗﻨﻴﻦ ..
ﻧﻮﺭﺍﻥ : ﺑﺎﺗﻚ ﻭﺃﻣﻚ ..
ﺍﻛﺮﻡ : ﻻ ﻣﺎﻛﺎﻧﻮﺵ ﺑﺎﺗﻲ ﻭﺍﻣﻲ ﺍﻟﻠﻲ ﻋﺮﻓﺘﻪ ﺍﻧﻪ ﻳﻘﺮﺑﻠﻲ ﻭﺑﺲ ﻣﻦ ﺃﻱ ﻃﺮﻑ ... ﺷﻦ ﻫﻲ ﺻﻠﺔ ﺍﻟﻘﺮﺍﺑﻪ؟ ﻣﺶ ﻋﺎﺭﻑ ..
ﺣﺘﻰ ﺍﻥ ﺳﺄﻟﺖ ﺍﻟﻤﺴﺆﻭﻝ ﻋﻨﻲ ﺳﺎﻋﺘﻬﺎ .. ﺷﺒﺢ ﻟﻜﻤﺎﻝ .. ﺍﻧﺖ ﻋﺎﺭﻓﻪ .. ﻗﺎﻟﻲ ﺍﻧﻪ ﻣﺎﻋﻄﺎﺵ ﻋﻨﻲ ﺍﻱ ﻣﻌﻠﻮﻣﻪ ... ﻋﺰﻗﻨﻲ ﻭﻋﺪﺍ ﻭﻛﺄﻧﻪ ﻳﺒﻲ ﻳﻬﺮﺏ ...
ﺳﺎﺭﻩ : ﻳﻬﺮﺏ؟ !!
ﺍﻛﺮﻡ : ﺍﻫﺎ ﻫﻚ ﻗﺎﻝ ﻋﻤﻲ ﻣﺨﺘﺎﺭ ...
ﻛﻤﺎﻝ : ﻇﺮﻭﻓﻪ ﻣﻤﻜﻦ ﻛﺎﻧﺖ ﺻﻌﺒﻪ ﻫﻠﺒﻪ ﻭﻣﺶ ﻣﺘﺤﻤﻞ ﺍﻟﻠﻲ ﺩﺍﺭﻩ ﻓﻴﻚ ..
ﺍﻛﺮﻡ : ﻓﻜﺮﺕ ﻓﻴﻬﺎ .. ﺣﺎﻭﻟﺖ ﻧﺪﻳﺮ ﻫﺎﻟﻌﺬﺭ ﺑﺶ ﻳﺤﻦ ﻗﻠﺒﻲ ﻋﻠﻴﻬﻢ ﺑﺲ ﻣﺎﻛﺎﻧﺶ ﺑﺎﻟﻨﺴﺒﻪ ﻟﻴﺎ ﻋﺬﺭ ﻣﻘﻨﻊ ..
ﺷﻬﺎﺏ : ﺑﺎﻫﻲ ﺩﺍﻣﻨﻚ ﻋﺪﻳﺖ ﻟﻠﻤﻜﺎﻥ ﺍﻟﻠﻲ ﻛﺎﻧﻮﺍ ﻓﻴﻪ ﻳﻌﻨﻲ ﺗﻌﺮﻑ ﺍﻧﺖ ﻣﻦ ﻭﻳﻦ ..
ﺍﻛﺮﻡ : ﻫﻤﺎ ﻣﻦ ﺑﻨﻐﺎﺯﻱ ﻓﻲ ﺍﻷﺻﻞ ﺑﺲ ﻣﻦ ﺳﻜﺎﻥ ﺍﻟﻤﺮﺝ ...
ﺳﺎﺭﺓ ﻓﻨﺼﺖ ...
ﺷﻬﺎﺏ : ﺍﻟﻤﺮﺝ ... ﺑﺎﻩ ﻭﻳﻦ ﻧﻘﻠﻮﺍ ﺑﻌﺪﻫﺎ ...
ﺍﻛﺮﻡ : ﻟﻠﺒﻴﻀﺎ ...
ﺳﺎﺭﻩ ﺷﺒﺤﺖ ﻟﻜﻤﺎﻝ ... ﺍﻟﻠﻲ ﻛﺎﻥ ﻳﺸﺒﺢ ﻷﻛﺮﻡ ﺑﺼﺪﻣﻪ ..
ﻛﻤﺎﻝ : ﺍﻙ ... ﺍﻛﺮﻡ ... ﻣﺎﺧﻠﻮﺍ ﺍﻱ ﺷﻲ ﻣﻌﺎﻙ ﺫﻛﺮﻯ ﻣﻨﻬﻢ ﺣﺎﺟﻪ ﺯﻱ ﻫﻜﻲ؟
ﺍﻛﺮﻡ ﺑﻀﺤﻜﻪ : ﻣﺘﺤﺴﻤﻴﻦ ﻭﺍﺟﺪ ﻭﻓﻀﻮﻟﻜﻢ ﺧﻼﻛﻢ ﺗﺠﺮﻭﻧﻲ ﺑﺴﺆﺍﻝ ﻭﺭﺍ ﺳﺆﺍﻝ ..
ﻧﻮﺭﺍﻥ ﺑﻀﺤﻜﻪ : ﺑﺼﺮﺍﺣﻪ ﻗﺼﺘﻚ ﻣﻤﻴﺰﺓ ...
ﺍﻛﺮﻡ : ﻻ ﻣﻤﻴﺰﺓ ﻭﻻ ﻏﻴﺮﻩ .. ﻓﻲ ﻏﻴﺮﻱ ﻗﺼﺼﻬﻢ ﻣﺎﺗﺼﺪﻗﻴﻬﺎﺵ ﻣﻦ ﻏﺮﺍﺑﺘﻬﺎ ...
ﻛﻤﺎﻝ ﺷﺒﺢ ﻟﺴﺎﺭﺓ ...
ﺳﺎﺭﺓ ﺷﺒﺤﺘﻠﻪ ﺑﻌﺪﻳﻦ ﺷﺒﺤﺖ ﻷﻛﺮﻡ : ﺍﺣﻤﻢ .. ﺟﺎﻭﺏ ﻉ ﺳﺆﺍﻝ ﻛﻤﺎﻝ ﺧﺎﻃﺮﻱ ﻧﻌﺮﻑ ...
ﺍﻛﺮﻡ ﺷﺒﺤﻠﻬﺎ ﻭﺍﺑﺘﺴﻢ ﺑﺮﻓﻌﺔ ﺣﺎﺟﺐ ﺗﻨﻬﺪ ﻭﻗﺎﻝ : ﺑﺶ ﻧﺮﻳﺢ ﻋﻘﻮﻟﻜﻢ .. ﻭﻧﺮﺿﻲ ﻓﻀﻮﻟﻜﻢ ﻭﻧﺮﺗﺎﺡ ﻭﻫﻀﺎ ﺍﺧﺮ ﺳﺆﺍﻝ ﺣﻨﺠﺎﻭﺏ ﻋﻠﻴﻪ ... ﺷﺒﺢ ﻟﻜﻤﺎﻝ ... ﺳﻠﺴﺎﻝ ﻓﻀﻪ ﻣﻜﺘﻮﺏ ﻋﻠﻴﻪ ﺍﺳﻤﻲ ... ﻭﻣﻨﻘﻮﺵ ﻭﺭﺍﻩ ﺗﺎﺭﻳﺦ ﻣﻴﻼﺩﻱ ...
ﻛﻤﺎﻝ ﻭﺳﺎﺭﺓ ﺍﻧﺼﻌﻘﻮﺍ .... ﺍﻟﺰﻭﺯ ﻣﻦ ﻗﻮﺓ ﺍﻟﻠﻲ ﺳﻤﻌﻮﻩ ﺍﻧﻔﺎﺳﻬﻢ ﺑﺪﺕ ﻣﺘﺴﺎﺭﻋﻪ ﻭﺻﺪﻭﺭﻫﻢ ﺗﻌﻠﻰ ﻭﺗﻬﺒﻂ ﺑﺸﻜﻞ ﻣﻠﺤﻮﻅ ...
" ﻣﺎﺯﻟﺘﻮﺍ ﻣﺎﺭﻗﺪﺗﻮﺍ .."
ﺷﺒﺤﻮﺍ ﺳﺎﺭﺓ ﻭﻛﻤﺎﻝ ﻟﺮﺿﻮﺍﻥ ﻃﻮﻝ ...
ﺭﺿﻮﺍﻥ ﺍﺑﺘﺴﻢ : ﺍﻟﺴﺎﻋﻪ ...1
ﺭﻳﻬﺎﻡ : ﺧﻼﺹ ﺧﺸﻮﺍ ﺟﻮﺍ ﺍﻟﺠﻮ ﻣﺼﻘﻊ ...
ﺍﻛﺮﻡ ﻧﺎﺽ : ﺻﺎﺡ .. ﺍﻧﺎ ﻧﻌﺴﺖ ...
ﺭﺿﻮﺍﻥ : ﺗﻌﺎﻝ ﺷﻮﻳﻪ ... ﻣﺸﻲ ﺭﺿﻮﺍﻥ ﻭﻟﺤﻘﻪ ﺍﻛﺮﻡ ...
ﻭﺳﺎﺭﻩ ﻭﻛﻤﺎﻝ ﻳﺸﻮﻓﻮﻟﻬﻢ ... ﺍﻟﻠﻲ ﻋﺮﻓﻮﻩ ﺗﻮﺍ ﺷﻲ ﺍﻗﺮﺏ ﻟﻠﺨﻴﺎﻝ ﻣﻦ ﺍﻟﻮﺍﻗﻊ ... ﻣﺎﻳﺘﺼﺪﻗﺶ ... ﺳﺒﺤﺎﻧﻪ ... ﻳﺪﻭﺭﻭﺍ ﻋﻠﻴﻪ ﻭﻫﻮ ﺑﻴﻨﺎﺗﻬﻢ ..
ﺍﻟﺸﺨﺺ ﺍﻟﻠﻲ ﺧﺎﻑ ﻣﻨﻪ ﺭﺿﻮﺍﻥ ﻭﻣﺘﺮﺩﺩﺵ ﻓﺈﺗﺨﺎﺩﻗﺮﺍﺭ ﻗﺘﻠﻪ ﻭﻫﻮ ﻃﻔﻞ ﺭﺿﻴﻊ .. ﻭﺍﻗﻒ ﻣﻌﺎﻩ ﺗﻮﺍ ... ﻳﺤﻤﻲ ﻓﻴﻪ .. ﻋﺎﻳﺶ ﻋﻨﺪﻩ
ﻳﺨﺪﻡ ﻋﻨﺪﻩ .. ﺣﺎﺭﺱ .... ﺣﺎﺭﺱ ﻉ ﻣﺼﻠﺤﺔ ﺭﺿﻮﺍﻥ ﻭﺭﻭﺣﻪ ﻭﻛﻞ ﻣﺎﻳﻤﻠﻚ ... ﺍﻟﻠﻲ ﺍﺳﺎﺳﺎ ﺍﻏﻠﺒﻪ ﻣﻠﻜﻪ ... ﻋﺎﻳﺶ ﻓﻲ ﻣﻠﺤﻖ ﻓﻲ ﻓﻴﻼ ﻛﺒﻴﺮﻩ .... ﻫﻲ ﻣﻦ ﺍﻻﺻﻞ ﻟﻴﻪ ....
ﻣﺘﺼﻮﺭﻳﻦ ﺍﻟﻮﺿﻊ ...
ﻳﻌﻨﻲ ﻣﻬﻤﺎ ﻭﺻﻔﺖ ﻭﺗﻜﻠﻤﺖ ﺍﻛﻴﺪ ﺍﻧﺘﻢ ﺗﺨﺎﻳﻠﺘﻮﺍ ﻭﺣﺴﻴﺘﻮﺍ ﻣﺎﺍﺑﻠﻎ ﻣﻦ ﺍﻟﻮﺻﻒ ....
ﺳﺒﺤﺎﻥ ﻣﻦ ﺳﻴﺮ ﺍﻻﺣﺪﺍﺙ .. ﻭﺣﺮﻙ ﺍﻷﻗﺪﺍﺭ .. ﻭﺩﺑﺮ ﺍﻟﺘﺪﺑﻴﺮ ... ﺑﺶ ﻳﺼﻴﺮ ﻫﺬﺍ ﻛﻠﻪ .. ﺑﺶ ﻳﺜﺒﺖ ﻟﻜﻞ ﻣﻦ ﻳﻜﺬﺏ ﻭﻳﺨﺪﻉ ﻭﻳﻈﻠﻢ ... ﻭﻳﺎﻛﻞ ﺣﻖ ﻏﻴﺮﻩ .. ﺍﻥ ﺭﺑﻲ ﻛﺎﺷﻔﻪ ﻛﺎﺷﻔﻪ .. ﻭﺍﻥ ﺍﻟﺤﻖ ﺍﻟﻠﻲ ﻛﻼﻩ ﻇﻠﻢ ﻭﺑﺎﻃﻞ ﺣﻴﺮﺟﻊ ﺑﻄﺮﻳﻘﻪ ﻣﻜﺎﻧﺘﺶ ﻣﻤﻜﻦ ﺗﺨﻄﺮ ﻉ ﺑﺎﻝ ﺍﻟﻈﺎﻟﻢ ﻟﻠﺤﻈﻪ .. ﻭﻣﺎﺯﺍﻝ ﻟﻠﻪ ﺗﺪﺍﺑﻴﺮ ﺧﻔﻴﻪ ﻓﻲ ﺣﻴﺎﺓ ﻫﺎﻟﻌﺎﺋﻠﻪ ...
ﺭﺿﻮﺍﻥ ﺧﺶ ﻭﻟﺤﻘﺎﺗﻪ ﺭﻳﻬﺎﻡ ﺍﻟﻠﻲ ﺧﻄﻢ ﺟﻨﺒﻬﺎ ﺍﻛﺮﻡ ﻭﻫﻮ ﻣﺎﺷﻲ ﻭﺷﺒﺤﺘﻠﻪ ﺑﺄﻟﻢ ..
ﺍﻛﺮﻡ : ﻫﻴﺎ ﻳﺎﺷﺒﺎﺏ ﻣﺎﻧﻌﺮﻓﺶ ﻭﺍﺣﺪ ﻳﺨﺶ ﺩﺍﺭ ﺑﻌﺪ ﻧﺤﻂ ﺭﺍﺳﻲ ﻭﻧﺮﻗﺪ ..
ﺷﻬﺎﺏ ﺑﻀﺤﻜﻪ : ﻫﻴﺎ ...
ﻛﻤﺎﻝ ﺣﻂ ﺍﻳﺪﻳﻪ ﻉ ﺭﻛﺎﺑﻪ ﻭﻧﺎﺽ ... ﻭﻣﻦ ﻫﻮﻝ ﺍﻟﺼﺪﻣﻪ ﻣﺶ ﻋﺎﺭﻑ ﻳﻔﻜﺮ ﺍﺻﻼ ...
ﻧﻮﺭﺍﻥ ﻧﺎﺿﺖ : ﻫﻴﺎ ﺳﺎﺭﻩ ... ﺻﺒﻲ ...
ﺳﺎﺭﻩ ﻛﺎﻧﺖ ﻣﻊ ﺍﻛﺮﻡ ﺑﻌﻴﻮﻧﻬﺎ ﺍﻟﺸﺎﺧﺼﺔ ﺍﻟﺒﺼﺮ ... ﻭﻣﺶ ﺣﺎﺳﻪ ﺑﺸﻲ ﺣﻮﺍﻟﻴﻬﺎ ...
ﻧﻮﺭﺍﻥ : ﺳﺎﺍﺍﺍﺭﻩ ...
ﺳﺎﺭﺓ ﺳﻤﻌﺖ ﺻﻮﺕ ﻧﻮﺭﺍﻥ ﻭﺷﺒﺤﺘﻠﻬﺎ ...
ﻧﻮﺭﺍﻥ : ﺻﺒﻲ ﻫﻴﺎ ...
ﺳﺎﺭﻩ ﻧﺎﺿﺖ ﺑﺎﻟﺴﻴﻒ ﻭﻫﻲ ﺯﻱ ﺍﻟﻤﻀﺮﻭﺑﻪ ﻉ ﺭﺍﺳﻬﺎ ﺗﻤﺸﻲ ﻣﻊ ﻧﻮﺭﺍﻥ ﻭﻣﺶ ﻋﺎﺭﻓﻪ ﻛﻴﻒ ﺗﻤﺸﻲ ﺍﺻﻼ ... ﺷﺒﺤﺖ ﻟﻨﻮﺭﺍﻥ ﻭﻗﻌﺪﺕ ﺗﺘﺄﻣﻞ ﻓﻴﻬﺎ .. ﺑﻌﺪﻳﻦ ﺍﺑﺘﺴﻤﺖ ﺑﻌﻴﻮﻥ ﻣﻠﻴﺎﻧﻪ ﺩﻣﻮﻉ ﻭﻗﺎﻟﺖ : ﻧﻮﺭﺍﻥ ..
ﻧﻮﺭﺍﻥ ﺷﺒﺠﺘﻠﻬﺎ : ﺍﻫﺎ ..
ﺳﺎﺭﻩ ﺑﺈﺑﺘﺴﺎﻣﻪ : ﺍﻧﺘﻲ ﺍﻧﺴﺎﻧﻪ ﻣﺤﻈﻮﻇﻪ ﻭﺍﺟﺪ
ﻧﻮﺭﺍﻥ ﺑﻀﺤﻜﻪ : ﻣﻦ ﺍﻱ ﻧﺎﺣﻴﻪ ..
ﺳﺎﺭﻩ : ﻣﻦ ﻧﻮﺍﺣﻲ ﻭﺍﺟﺪﻩ ..
ﻧﻮﺭﺍﻥ ﺿﺤﻜﺖ ﻭﺷﺪﺗﻬﺎ ﻣﻦ ﻳﺪﻫﺎ : ﺧﺸﻲ ﺟﻮﺍ ﺧﺸﻲ ﻭﺍﺿﺢ ﺍﻧﻚ ﺭﻗﺪﺗﻲ ﻭﺍﻧﺘﻲ ﺣﺎﻟﻪ ﻋﻴﻮﻧﻚ ...
ﺧﺸﺖ ﺳﺎﺭﻩ ﻭﻫﻲ ﻣﺒﺘﺴﻤﻪ ...
ﻟﻴﻠﺘﻬﺎ ﻻﻛﻤﺎﻝ ﺭﻗﺪ ﻭﻻ ﺳﺎﺭﻩ ﺭﻗﺪﺕ ... ﻭﻫﻤﺎ ﻳﻔﻜﺮﻭﺍ .. ﻭﻣﺶ ﻣﺴﺘﻮﻋﺒﻴﻦ ..
🍃 ﺣﺘﻰ ﺍﻟﻴﻮﻡ ﺍﻟﻠﻲ ﺑﻌﺪﻩ ﻣﺎﻛﺎﻧﻮﺵ ﻓﻲ ﺍﻟﻤﻮﺩ ﺑﻜﻞ ... ﻣﺸﻲ ﺍﻟﻴﻮﻡ ﻭﻫﻤﺎ ﻣﺎﺳﻜﻴﻦ ﺍﻧﻔﺴﻬﻢ ﺑﺎﻟﺴﻴﻒ ﻋﻦ ﺍﻱ ﺗﺼﺮﻑ ﻣﻨﻬﻢ ﻣﻤﻜﻦ ﻳﺜﻴﺮ ﺍﻟﺸﻚ ...
ﻟﻌﻨﺪ ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﻛﻤﺎﻝ ﺭﻭﺡ ﻗﺒﻠﻬﻢ ﻭﻣﺸﻲ ﻟﻠﻤﺴﺘﺸﻔﻰ ﻋﻨﺪﻩ ﻋﻤﻠﻴﻪ ﻓﻲ ﺍﻟﻨﻬﺎﺭ ...
ﺩﺍﺭﻫﺎ ﻭﺣﺎﻭﻝ ﻉ ﻗﺪ ﻣﺎﻳﻘﺪﺭ ﻳﺮﻛﺰ ﻓﻴﻬﺎ ﻭﺗﻤﺖ ﺑﻨﺠﺎﺡ ..
ﻭﻣﻨﻬﺎ ﻃﻮﻝ ﻟﻐﺮﻓﻪ ﻣﺨﺘﺎﺭ ﺳﻠﻢ ﻋﻠﻴﻪ ﻭﺳﺄﻝ ﻋﻦ ﺣﺎﻟﻪ ﻭﺳﺄﻟﻪ ﻛﻢ ﺳﺆﺍﻝ .. ﻭﺍﻫﻤﻬﻢ ﺷﻦ ﺍﺳﻢ ﺍﻟﺮﺍﺟﻞ ﺍﻟﻠﻲ ﺟﺎﺏ ﺍﻛﺮﻡ
ﻣﺨﺘﺎﺭ : ﻣﺬﻛﺮﻩ ﻟﻌﻨﺪ ﺗﻮ ... ﻓﺮﺝ ﺍﻟﺤﺎﺳﻲ ...
ﻛﻤﺎﻝ ﺷﺒﺤﻠﻪ ﺑﺮﻓﻌﺔ ﺣﻮﺍﺟﺐ ﻭﻫﻮ ﻣﺶ ﻣﺴﺘﻮﻋﺐ ...
ﺳﺄﻟﻪ ﺳﻠﻤﻪ ﻓﻲ ﺍﻟﻤﺮﺝ ﻭﻻ ﺑﻨﻐﺎﺯﻱ ..
ﻣﺨﺘﺎﺭ : ﻓﻲ ﺍﻟﺪﺍﺭ ﺍﻟﻠﻲ ﻛﺎﻧﺖ ﻓﻲ ﺍﻟﻤﺮﺝ ﻗﺒﻞ ﺗﻨﺤﺮﻕ ﻋﻤﺮﻩ ﻋﺎﻣﻴﻦ ﺳﺎﻋﺘﻬﺎ .. ﻭﻣﺎﻛﺎﻧﺶ ﻣﻌﺎﻩ ﻏﻴﺮ ﻃﺸﺔ ﺩﺑﺶ .. ﻭﺳﻠﺴﻠﻪ ﻣﻌﻠﻘﻪ ﻓﺮﻗﺒﺘﻪ ﻋﻠﻴﻬﺎ ﺍﺳﻤﻪ ﻭﺗﺎﺭﻳﺦ ﻣﻴﻼﺩﻩ .. ﻛﻨﺖ ﺣﺮﻳﺺ ﻋﻠﻴﻪ ﻭﺍﺟﺪ ﻭﺧﻔﺖ ﻋﻠﻴﻪ ﻟﻴﺴﺮﻗﻮﻫﺎ ﻣﻨﻪ ﻭﻹﻧﻪ ﺧﺶ ﻗﻠﺒﻲ ﻣﻦ ﺍﻭﻝ ﻣﺎﺷﻔﺘﻪ ﻗﻌﺪ ﺩﻳﻤﺎ ﻣﻌﺎﻳﺎ .. ﺍﻧﺎ ﺍﻟﻠﻲ ﺭﺑﻴﺖ ﺍﻛﺮﻡ ...
🍁 ﻛﻤﺎﻝ ﻃﻠﻊ ﻣﻦ ﺍﻟﻤﺴﺘﺸﻔﻰ ﻭﺗﻮﺟﻪ ﻟﻠﻔﻴﻼ ... ﻣﺸﻲ ﻟﺸﻘﺘﻪ ..
ﺩﻭﺵ .. ﺻﻠﻰ .. ﻟﺒﺲ .. ﻭﻃﻠﻊ ﻣﻦ ﺷﻘﺘﻪ ﻣﺘﻮﺟﻪ ﻟﻔﻴﻼ ﺍﻟﻠﻲ ﺟﻨﺒﻬﻢ ... ﺧﺶ ﻣﺎﻟﻘﻲ ﺣﺪ ... ﺻﺪﻓﺖ ﺳﺎﺭﻩ ﻃﺎﻟﻌﻪ ﻣﻦ ﺍﻟﻤﻄﺒﺦ ﺍﺷﺮﻟﻬﺎ ﺟﺎﺗﻪ ...
ﻛﻤﺎﻝ : ﺳﺎﺭﻩ ... ﻗﻌﺪ ﺷﻲ ﻭﺍﺣﺪ ﺑﺲ ...
ﺳﺎﺭﺓ : ﺍﻟﺒﻴﺎﻧﻮ ...
ﻛﻤﺎﻝ : ﻻﺯﻡ ﻧﺨﺶ ﺩﺍﺧﻞ ﺑﺄﻱ ﺷﻜﻞ ...
ﺳﺎﺭﻩ ﺷﺒﺤﺖ ﺣﻮﺍﻟﻴﻬﺎ : ﻣﺎﻓﻲ ﺣﺪ ﻫﻨﺎ ﺍﺧﻄﺎ ﺭﻳﻬﺎﻡ ﻧﻮﺭﺍﻥ ﺭﺍﻗﺪﺍﺕ .. ﻭﺭﺿﻮﺍﻥ ﻃﻠﻊ ﻣﻌﺎﻩ ﺍﻛﺮﻡ ... ﺑﻌﺪ ﻭﺻﻠﻨﺎ ...
ﻛﻤﺎﻝ : ﻛﻮﻳﺲ ... ﺍﻧﻲ ﺑﻨﺨﺶ ﻭﺍﻧﺘﻲ ﺷﻮﻓﻲ ﺍﻟﻮﺿﻊ ﺭﻧﻲ ﻋﻠﻴﺎ ﻟﻮ ﺟﻲ ﺣﺪ ..
ﺳﺎﺭﻩ : ﺣﺎﺿﺮ ...
ﺧﺶ ﻛﻤﺎﻝ ﺩﺍﺧﻞ ﻭﺳﺎﺭﻩ ﺗﺸﻮﻓﻠﻪ ﻭﻛﻠﻬﺎ ﺧﻮﻑ ﻭﺗﺮﻗﺐ ..
ﺗﻮﺟﻪ ﻟﻐﺮﻓﺔ ﺍﻟﺒﻴﺎﻧﻮ ﻗﻌﺪ ﻳﺪﻭﺭ ﻓﻴﻪ ﺑﺎﻟﺤﺎﺟﻪ ﻣﻦ ﺟﻤﻴﻊ ﺍﻟﻨﻮﺍﺣﻲ
ﺣﺘﻰ ﺍﻧﻪ ﺩﻭﺭ ﺗﺤﺘﻪ ﻣﺎﻓﻲ ﺷﻲ ..
ﻛﻤﺎﻝ : ﻣﺴﺘﺤﻴﻞ ﻳﻜﻮﻥ ﻳﺒﺼﺮ ﻋﻠﻴﻬﺎ ...
ﻗﻌﺪ ﻳﺪﻭﺭ ﺣﻮﺍﻟﻴﻦ ﺍﻟﺒﻴﺎﻧﻮ ﺑﺒﻂﺀ ﻭﻳﺸﻮﻑ ﻟﻌﻨﺪ ﻣﺎﺟﺖ ﻋﻴﻨﻪ ﻉ ﺍﻟﻜﻠﻤﻪ ﺍﻟﻴﺎﺑﺎﻧﻴﻪ .. ﻗﻌﺪ ﻳﺸﺒﺤﻠﻬﺎ ﻭﻫﻮ ﻣﻀﻴﻖ ﻋﻴﻮﻧﻪ ﻟﺤﻈﺎﺕ ﻭﻫﻮ ﻳﻔﻜﺮ ...
‏( ﻫﻮ ﻳﺤﺐ ﻳﻜﻮﻥ ﻛﻞ ﺷﻲ ﻣﻤﻴﺰ ﻭﻣﺸﻮﻕ ﻓﻲ ﺣﻴﺎﺗﻪ ‏)
ﺗﺬﻛﺮﻩ ﻟﻬﺎﻟﺠﻤﻠﻪ ﺍﻟﻠﻲ ﻗﺮﺍﻫﺎ ﻓﻲ ﻣﺬﻛﺮﺍﺕ ﺍﻟﺸﻴﻤﺎﺀ ...
ﺧﻼﻩ ﻳﻮﺻﻞ ﻟﻨﺘﻴﺠﻪ ﺍﻥ ﻫﺎﻟﻜﻠﻤﻪ ﻣﺎﻟﻴﻬﺎﺵ ﻋﻼﻗﻪ ﺑﺼﻨﺎﻋﺔ ﺍﻟﺒﻴﺎﻧﻮ .. ﺍﻟﺒﻴﺎﻧﻮ ﺍﻭﺭﻭﺑﻲ ﺍﻟﺼﻨﻊ ...
ﻃﻮﻝ ﻗﺪﻡ ﻭﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ﺻﻮﺭ ﺍﻟﻜﻠﻤﻪ ... ﺑﻌﺪ ﻛﻤﻞ .. ﺭﻥ ﺗﻠﻴﻔﻮﻧﻪ ﻭﻛﺎﻧﺖ ﺳﺎﺭﻩ ﺳﻤﻊ ﺍﻟﺒﺎﺏ ﺍﻟﺮﺋﻴﺴﻲ ﺍﻧﻔﺘﺢ
ﻧﺎﺽ ... ﻗﻌﺪ ﻳﺘﺴﺤﺐ ... ﻃﻠﻊ ﻣﻦ ﺑﺎﺏ ﺍﻟﻤﺮﺵ ﺍﻟﺴﺤﺎﺏ ... ﻭﺳﻜﺮﻩ ﺑﺎﻟﺸﻮﻳﻪ .. ﻗﺪﻡ ﻳﻤﺸﻲ ﻟﻴﻦ ﺍﺩﺭﻕ ﻭﺭﺍ ﺍﻟﺤﻴﻂ ﻭﺑﻴﻦ ﺭﺍﺳﻪ ﻭﻗﻌﺪ ﻳﺸﻮﻑ ..
ﺭﺿﻮﺍﻥ ﺑﻌﺪ ﻧﺰﻝ ﻣﻦ ﺍﻟﺴﻴﺎﺭﺓ ﻛﻠﻢ ﺍﻛﺮﻡ ﺷﻮﻳﻪ ﻭﺧﺶ ﺩﺍﺧﻞ ... ﻭﺍﻛﺮﻡ ﻭﻗﻒ ﻑ ﻣﻜﺎﻧﻪ ...
ﺳﺎﺭﻩ ﺍﺩﺭﻗﺖ ﻋﻨﻪ ﻭﺑﻌﺘﺖ ﺭﺳﺎﻟﻪ ﻟﻜﻤﺎﻝ ...
ﻭﻃﺒﻌﺎ ﻛﻤﺎﻝ ﻛﺎﻥ ﺩﺍﻳﺮ ﺗﻠﻴﻔﻮﻧﻪ ﻫﺰﺍﺯ ... ﻓﺘﺢ ﺍﻟﺮﺳﺎﻟﻪ ..
‏( ﺷﻦ ﺻﺎﺭ ﻣﻌﺎﻙ ‏)
ﺑﻌﺘﻠﻬﺎ ‏( ﻃﻠﻌﺖ ‏) ...
ﺳﺎﺭﻩ ﺷﺎﻓﺖ ﺍﻟﺮﺳﺎﻟﻪ ﻭﻗﺎﻟﺖ ﻓﻨﻔﺴﻬﺎ " ﺍﻫﻢ ﺷﻲ ﺗﻜﻮﻥ ﻃﻠﻌﺖ ﺑﻨﺘﻴﺠﻪ "
ﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ...
ﻭﺧﺶ ﻉ ﺍﻟﻐﻮﻏﻞ ﻭﺑﺪﻱ ﻳﺒﺤﺚ ﻋﻦ ﺍﻟﺤﺮﻭﻑ ﺍﻟﻴﺎﺑﺎﻧﻴﻪ ..
ﻭﺷﻦ ﻳﻘﺎﺑﻞ ﻛﻞ ﺣﺮﻑ ﺑﺎﻟﻌﺮﺑﻲ ...
ﺧﺪﻱ ﻛﻞ ﺣﺮﻑ ﺑﺮﻭﺣﻪ ... ﻭﻗﻌﺪ ﻳﺪﻗﻖ ﻛﻮﻳﺲ ...
ﺑﻌﺪ ﺑﺤﺚ ﻭﺗﺪﻗﻴﻖ ﻣﻜﺎﻧﺶ ﺳﺎﻫﻞ ﺩﺍﻡ ﻋﺸﺮﺓ ﺩﻗﺎﻳﻖ ﻭﻛﻤﺎﻝ ﻛﺎﻥ ﻓﻴﻬﻢ ﻉ ﺍﻋﺼﺎﺑﻪ ...
ﻭﺻﻞ ﻟﻨﺘﻴﺠﻪ ﺍﻷﺧﻴﺮﻩ ...
ﻓﻌﻼ ﺍﻟﻠﻲ ﻛﺎﻥ ﻣﻜﺘﻮﺏ ﻉ ﺍﻟﺒﻴﺎﻧﻮ ﺑﺤﺮﻭﻑ ﻳﺎﺑﺎﻧﻴﻪ ... ﺇﺳﻢ ..
ﺃﻛﺮﻡ .....
ﻛﻤﺎﻝ ﻧﺎﺽ ﻉ ﺣﻴﻠﻪ ... ﻭﻓﻴﺪﻩ ﺗﻠﻴﻔﻮﻧﻪ ﻗﻌﺪ ﻳﻤﺸﻲ ﺑﺨﻄﻮﺍﺕ ﺑﻄﻴﺌﻪ ﻭﻫﻮ ﻣﺘﻌﺠﺐ ﻣﻦ ﻛﻞ ﺷﻲ ﺻﺎﺭ .. ﻣﻦ ﻛﻞ ﺍﻻﺣﺪﺍﺙ .. ﻣﻦ ﺍﻟﻨﺘﻴﺠﻪ ﺍﻟﻠﻲ ﻭﺻﻠﻠﻬﺎ ...
ﻣﻦ ﻭﺭﺍ ﻭﺣﺪﻩ ﻣﻦ ﺍﻟﺸﺠﺮ ﺍﻟﻤﻐﺮﻭﺳﻪ ﻗﻌﺪ ﻳﺸﺒﺢ ﻷﻛﺮﻡ ...
ﺍﻟﻠﻲ ﻗﺎﻋﺪ ﻳﻤﺎﺭﺱ ﻓﻲ ﻋﻤﻠﻪ ﻉ ﺍﻛﻤﻞ ﻭﺟﻬﻪ ﻭﻳﺨﺪﻡ ﺑﺈﺧﻼﺹ ﻭﺍﻟﺘﻔﺎﻧﻲ ﻓﻲ ﺍﻟﺮﺍﺟﻞ .. ﺍﻟﻠﻲ ﻛﺎﻥ ﺳﺒﺐ ﻓﻲ ﻓﺮﺍﻗﻪ ﻋﻦ ﺍﻫﻠﻪ ﻓﺘﺸﺮﻳﺪﻩ ﻭﻛﺎﻥ ﻧﺎﻭﻱ ﻗﺘﻠﻪ .. ﺍﻟﺮﺍﺟﻞ ﺍﻟﻠﻲ ﻗﺘﻞ ﺑﻮﻩ ﻭﺃﻣﻪ ... ﻭﺍﺳﺘﺤﻞ ﻛﻞ ﻣﺎﻳﻤﻠﻚ ﺑﻮﻩ ﻟﻨﻔﺴﻪ ... ﻭﻗﺎﻋﺪ ﻳﺨﺪﻉ ﻓﻲ ﺍﺧﺘﻪ ﺍﻟﻮﺣﻴﺪﻩ ﺍﻟﻤﻜﺴﻮﺭﺓ ﻭﻣﺘﺤﻜﻢ ﻓﻴﻬﺎ ﻭﺣﺎﻃﻬﺎ ﺗﺤﺖ ﻣﺨﺎﻟﺒﻪ ﻓﻲ ﺍﻱ ﻟﺤﻈﻪ ﻟﻮ ﻓﻜﺮﺕ ﺗﻄﻠﻊ ﺣﻴﻨﻘﺾ ﻋﻠﻴﻬﺎ ﻭﻳﻔﺮﻁ ﻓﺮﻭﺣﻬﺎ ﺯﻱ ﻣﺎﺩﺍﺭ ﻻﻫﻠﻬﺎ ...
ﺑﺎﻧﺖ ﺳﺎﺭﻩ ﺷﺒﺤﻬﺎ ﻛﻤﺎﻝ ﻣﻦ ﺑﻌﻴﺪ ﻭﻫﻲ ﺷﺒﺤﺎﺗﻪ ...
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ...
ﺳﺎﺭﻩ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ ﻭﺷﺒﺤﺖ ﻷﻛﺮﻡ ﻭﺩﻣﻮﻋﻬﺎ ﻧﺰﻟﻮﺍ ....
ﻛﻤﺎﻝ " ﻳﺎﺗﺮﻯ ﺍﻟﻮﻗﺖ ﺗﻮﺍ ﻣﻨﺎﺳﺐ ﺑﺶ ﺗﻌﺮﻑ ﻓﻴﻪ .. ﺍﻧﻚ ﺍﻛﺮﻡ ﺳﻔﻴﺎﻥ ﺍﻷﻛﺮﻡ ... ﻭﺭﻳﺚ ﺍﻟﻤﻠﻴﻮﻧﻴﺮ ﺳﻔﻴﺎﻥ ﺍﻷﻛﺮﻡ ... ﺻﺎﺣﺐ ﺍﻟﻤﻜﺎﻥ ﻟﻠﻲ ﺍﻧﺖ ﻭﺍﻗﻒ ﺣﺎﺭﺱ ﻉ ﺑﺎﺑﻪ .. ﻭﺗﺤﻤﻲ ﻓﺮﻭﺡ ﻋﺪﻭﻙ ﺍﻷﻛﺒﺮ؟ "!!
.... ﻳﺘﺒﻊ .