#مشاعر
ﺍﻟﺠﺰﺀ ﺍﻟﺜﺎﻧﻲ 🍃
للكاتبة GomanFared
ﻣﻘﻌﻤﺰﻳﻦ ﻛﻌﻴﻠﻪ ...
ﺍﻟﺒﻨﺖ ﻭﻋﻤﻬﺎ ﻭﻣﺮﺗﻪ ﻭﻭﻟﺪ ﻋﻤﻬﺎ ﻭﺑﻨﺖ ﺧﺎﻟﺘﻬﺎ ﺍﻟﻠﻲ ﻗﺮﺭﺕ ﺗﺒﺎﺕ ﻣﻌﺎﻫﻢ ...
ﻧﻮﺭﺍﻥ : ﺗﻌﺐ ﻭﺍﺟﺪ ﻟﻜﻦ ..
ﺭﻳﻬﺎﻡ : ﺍﻫﺎ .. ﺍﺭﻫﺎﻕ .. ﺳﻬﺮ .. ﺿﻐﻂ ﻧﻔﺴﻲ .. ﻭﺭﻏﻢ ﻫﺬﺍ ﻛﻠﻪ ﻻﺯﻡ ﺗﻄﻠﻌﻲ ﻗﺪﺍﻡ ﺍﻟﻨﺎﺱ ﻭﺍﻧﺘﻲ ﻣﺒﺘﺴﻤﻪ ﻭﺗﻀﺤﻜﻲ ﻭﺟﻮﻙ ﻓﻮﻕ ﺍﻟﺮﻳﺢ ..
ﺷﻬﺎﺏ : ﺍﻛﻴﺪ ﺧﺪﻣﺘﻜﻢ ﻣﺶ ﺳﺎﻫﻠﻪ ...
ﺭﺿﻮﺍﻥ ﺷﺪ ﻳﺪﻫﺎ : ﺣﺒﻴﺒﺘﻲ ﺭﺑﻲ ﻳﻌﺎﻭﻧﻚ ..
ﺷﻬﺎﺏ ﺑﻀﺤﻜﻪ ﻭﻫﻮ ﻳﺤﻚ ﻓﺨﺸﻤﻪ : ﻧﺤﻦ ﻫﻨﺎ ﻳﺎﺣﻮﻳﺞ ..
ﺿﺤﻜﻮﺍ ..
ﺭﺿﻮﺍﻥ ﺷﺒﺤﻠﻪ : ﺑﺪﺍﻝ ﻣﺎﻗﺎﻋﺪ ﺗﻨﻜﺖ ... ﺷﺪ ﺣﻴﻠﻚ ﻓﻘﺮﺍﻳﺘﻚ ﻭﺳﻘﺪ ﺭﻭﺣﻚ ﻭﺍﻃﻠﻊ ﺍﻟﻔﺮﺡ ﺃﻧﺖ ﻭﺑﻨﺖ ﻋﻤﻚ ..
ﺍﻟﻮﺟﻮﻩ ﺍﻧﻘﻠﺒﺖ ...
ﺷﻬﺎﺏ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﻀﺎﻳﻖ ﻫﻠﺒﻪ : ﺑﺎﻫﻲ ﺇﻥ ﺷﺎﺀ ﺍﻟﻠﻪ ..
ﺭﻳﻬﺎﻡ ﺗﺸﺒﺢ ﻟﻨﻮﺭﺍﻥ ﺍﻟﻠﻲ ﺑﺎﻥ ﻉ ﻭﺟﻬﻬﺎ ﺍﻟﻀﻴﻖ : ﺣﺒﻴﺒﻲ ﻣﺶ ﻗﺖ ﺑﻜﺮﺍ ﻋﻨﺪﻙ ﺍﺟﺘﻤﺎﻉ ﺿﺮﻭﺭﻱ ﺑﺪﺭﻱ ..
ﺭﺿﻮﺍﻥ : ﺃﻫﺎ .. ﻭﻧﺎﺽ .. ﺷﻦ ﺣﺒﻴﺒﺘﻲ ﻣﺎﺯﺍﻝ ﻣﺶ ﺭﺍﻗﺪﻩ ..
ﺭﻳﻬﺎﻡ ﺑﺈﺑﺘﺴﺎﻣﻪ ﻭﻫﻲ ﺗﻠﻌﺐ ﺑﺸﻌﺮﻫﺎ : ﺗﺴﺘﺲ ﻣﺎﺯﺍﻝ ﺧﺎﻃﺮﻱ ﻧﻬﺪﺭﺯ ..
ﺭﺿﻮﺍﻥ ﺍﺑﺘﺴﻢ : ﻫﺪﺭﺯﻱ ﻣﺎﻝ .. ﻫﻲ ﺗﺼﺒﺤﻮﺍ ﻉ ﺧﻴﺮ ..
ﻛﻠﻬﻢ : ﻭﺃﻧﺖ ﻣﻦ ﺃﻫﻠﻪ ...
ﺭﻳﻬﺎﻡ : ﺍﻳﻴﻴﻪ ﺍﺣﻜﻮﻟﻲ ﺷﻦ ﺩﺭﺗﻮﺍ ﻭﺍﻧﺎ ﻣﺶ ﻫﻨﺎ ..
ﻧﻮﺭﺍﻥ ﻭﻫﻲ ﻣﻀﺎﻳﻘﻪ ﺑﺲ ﺗﺒﺘﺴﻢ ﺑﺎﻟﺴﻴﻒ : ﻋﺎﺩﻱ .. ﻣﺎﻓﺶ ﺟﺪﻳﺪ ..
ﺭﻳﻬﺎﻡ ﺍﺑﺘﺴﻤﺖ : ﻭﺃﻧﺖ ﺷﻴﺒﻮ ...
ﺷﻬﺎﺏ ﺑﻀﻴﻖ ﻭﺍﺿﺢ : ﻣﺎﻓﻲ ﺷﻲ ..
ﻧﻮﺭﺍﻥ ﺷﺒﺤﺘﻠﻪ ﻭﻧﺎﺿﺖ : ﻫﻲ ﺑﻨﻌﺪﻱ ﻧﺮﻗﺪ ﻧﻌﺴﺖ ..
ﺭﻳﻬﺎﻡ : ﻣﺎﺯﺍﻝ ﺑﺪﺭﻱ ...
ﻧﻮﺭﺍﻥ : ﺍﻟﻨﻮﻡ ﻛﺒﺲ ﻋﻠﻴﺎ ..
ﺭﻳﻬﺎﻡ ﺍﺑﺘﺴﻤﺖ : ﺑﺎﻫﻲ ﻋﺪﻱ ﺍﺭﻗﺪﻱ .. ﺗﺼﺒﺤﻲ ﻉ ﺧﻴﺮ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻭﺍﻧﺘﻲ ﻣﻦ ﺃﻫﻠﻪ .. ﺷﻨﻮ ﻟﻴﻜﻲ ﻣﺶ ﺭﺍﻗﺪﻩ .
ﻣﻼﻙ : ﻻﻣﺎﺯﺍﻝ ﻧﺒﻲ ﻧﻜﺴﺪ ﻣﻌﺎﻫﻢ ..
ﻧﻮﺭﺍﻥ : ﺗﻤﺎﻡ .. ﺗﺼﺒﺤﻮﺍ ﻉ ﺧﻴﺮ .. ﻭﻣﺸﺖ .. ﻭﻫﻤﺎ ﺭﺩﻭﺍ ﻋﻠﻴﻬﺎ ...
🍃 ﻧﻮﺭﺍﻥ ..
ﺍﻧﺎ ﻻﻛﻨﺖ ﻧﺎﻋﺴﻪ ﻭﻻﻧﺒﻲ ﻧﺮﻗﺪ .. ﺍﻧﻲ ﻫﺮﺑﺖ ﻭﻧﺒﻲ ﻧﺴﻤﻌﻬﻢ ﺷﻦ ﻳﻘﻮﻟﻮﺍ ﻣﻦ ﻭﺭﺍﻳﺎ .. ﻋﺎﺩﻩ ﻣﺶ ﻛﻮﻳﺴﻪ ﻋﺎﺭﻓﻪ ﺑﺲ ﻣﺶ ﻗﺎﺩﺭﻩ ﻧﺨﻠﻴﻬﺎ .. ﻧﻈﺮﺓ ﺍﻟﻠﻲ ﺣﻮﺍﻟﻴﺎ ﻓﻴﺎ ﺍﻛﺜﺮ ﺷﻲ ﻳﻬﻤﻨﻲ ﻧﻌﺮﻓﻪ ..
ﻭﻓﻌﻼ ﻭﻗﻔﺖ ﻭﺭﺍ ﺍﻟﺤﻴﻂ ﻭﻗﻌﺪﺕ ﻧﺴﻤﻊ ...
ﺭﻳﻬﺎﻡ : ﺷﻬﺎﺏ ﻛﻨﻚ ..
ﺷﻬﺎﺏ : ﺗﺴﺄﻟﻲ ﻓﻴﺎ ﻛﻨﻲ .. ﻟﻌﻨﺪ ﻣﺘﻰ .. ﺍﻟﻤﻮﺿﻮﻉ ﻫﻀﺎ ﻧﺒﻴﻪ ﻳﻨﺘﻬﻲ ﻭﻳﻨﺴﺎﻩ ..
ﺭﻳﻬﺎﻡ : ﻫﻮ ﺧﺎﻳﻒ ﻋﻠﻴﻬﺎ ﻭﻣﺎﻳﺒﻴﻬﺎﺵ ﺗﻄﻠﻊ ﺑﺮﺍ .. ﻭﺑﻌﺪﻳﻦ ﺷﻬﺎﺏ ﺧﻴﺮﻙ ﻣﺎﺗﺤﺎﻭﻟﺶ ﺗﺸﻮﻑ ﻟﻠﻤﻮﺿﻮﻉ ﺑﻨﻈﺮﺓ ﺃﺧﺮﻯ ﻧﻮﺭﺍﻥ ﺑﻨﺖ ﻣﺎﻓﻴﺶ ﻣﻨﻬﺎ ..
ﺷﻬﺎﺏ : ﺃﻫﺎ .. ﺑﻨﺖ ﻛﻮﻳﺴﻪ ﻭﻃﻴﺒﻪ ﻭﻣﺎﻓﻴﺶ ﻛﻴﻔﻬﺎ .. ﻟﻜﻦ ﻣﺎﺗﺼﻠﺤﺶ ﺑﻴﺎ ﻭﻻﺍﻧﺎ ﻧﺼﻠﺢ ﺑﻴﻬﺎ ...
ﺭﻳﻬﺎﻡ : ﻋﻠﻴﺶ ﺑﺎﻫﻲ ﻋﺸﺎﻥ ﻣﺮﻳﻀﻪ ..
ﺷﻬﺎﺏ : ﻣﺶ ﺑﺲ ﻋﺸﺎﻥ ﻫﻚ ...
ﻣﻼﻙ : ﻭﻫﻮ ﻣﺮﺿﻬﺎ ﺳﺎﻫﻞ ﻫﻀﺎ ﺳﻜﺮ ..
ﺭﻳﻬﺎﻡ ﺷﺒﺤﺘﻠﻬﺎ ﺑﺮﻓﻌﺔ ﺣﺎﺟﺐ ..
ﻣﻼﻙ ﺑﺮﺑﻜﻪ؛ ﺍﻧﺎ ﻗﺼﺪﻱ ﺍﻥ ﺣﻴﺘﻌﺒﻮﺍ ﻣﻊ ﺑﻌﻀﻬﻢ ﻣﻦ ﺃﻭﻟﻬﺎ ﺧﻴﺮ ..
🍃 ﻣﺎﻗﺪﺭﺗﺶ ﻧﺴﻤﻊ ﺍﻛﺜﺮ ﺭﻛﺒﺖ ﺑﺴﺮﻋﻪ ﻭﺩﻣﻮﻋﻲ ﻳﺼﺒﻦ ..
ﺧﺸﻴﺖ ﻟﺪﺍﺭﻱ ﻭﺳﻜﺮﺗﻬﺎ ﻋﻠﻴﺎ .. ﻣﺶ ﺍﻭﻝ ﻣﺮﺓ .. ﺍﻧﺎ ﻋﺎﺭﻓﻪ ﻛﻞ ﺍﻟﻠﻲ ﺣﻮﺍﻟﻴﺎ ﺷﻦ ﻳﺒﻮﺍ ﻣﻨﻲ .. ﺍﻭﻟﻬﻢ ﻋﻤﻲ ﺍﻫﺎ ﻋﺎﺭﻓﻪ ﺍﻛﺜﺮ ﻫﻤﻪ ﺍﻟﺮﺯﻕ ﺍﻟﻠﻲ ﺧﻼﻩ ﺑﺎﺗﻲ ﻟﻴﺎ ﻋﺎﺭﻓﻪ ﺍﻥ ﺣﺒﻪ ﻟﻴﺎ ﻣﺶ ﺻﺎﻓﻲ .. ﻋﺎﺭﻓﻪ ﺍﻥ ﺍﻟﻠﻲ ﺣﻮﺍﻟﻴﺎ ﻳﻨﻈﺮﻭﻟﻲ ﻉ ﺇﻧﻲ ﻧﺎﻗﺼﻪ ﻭﻓﻲ ﺍﻟﻠﻲ ﻳﻨﻈﺮﻭﻟﻲ ﺑﺸﻔﻘﻪ .. ﻋﺎﺭﻓﻪ ﻋﺎﺭﻓﻪ ﻛﻞ ﺷﻲ ﻣﺶ ﻋﺒﻴﻄﻪ ﻭﻻﺳﺎﺫﺟﻪ
ﺑﺲ ﻋﺎﺩﻱ ﺭﺍﺿﻴﻪ ﻭﻋﺎﻳﺸﻪ ﻣﺸﺎﻋﺮ ﻛﺎﺫﺑﻪ ﺍﻥ ﻋﻤﻲ ﻳﺤﺒﻨﻲ ﻛﻴﻒ ﺑﻨﺘﻪ ﻭﻣﻬﺘﻢ ﺑﻴﺎ ﻋﺸﺎﻧﻲ ﺃﻣﺎﻧﺔ ﺧﻮﻩ .. ﻭﺍﻥ ﺷﻬﺎﺏ ﻣﺎﻋﻨﺪﺍﺵ ﻣﺎﻧﻊ ﺍﻥ ﻳﺮﺗﺒﻂ ﺑﻴﺎ ﺑﺲ ﻫﻮ ﻳﺸﻮﻑ ﻓﻴﺎ ﻛﻴﻒ ﺍﺧﺘﻪ .. ﻭﻋﺎﺭﻓﻪ ﺍﻥ ﻣﻼﻙ ﺗﺸﻮﻑ ﻓﻴﺎ ﻧﺎﻗﺼﻪ ﻭﺗﻘﺼﺪ ﺩﻳﻤﺎ ﺗﺤﺴﺴﻨﻲ ﺑﺎﻟﻨﻘﺺ ﺑﺲ ﻋﺎﻳﺸﻪ ﻣﻌﺎﻫﺎ ﻣﺸﺎﻋﺮ ﻛﺎﺫﺑﻪ ﻉ ﺍﻧﻬﺎ ﺻﺪﻳﻘﺘﻲ ﻭﻛﻴﻒ ﺍﺧﺘﻲ
ﺍﻧﺎ ﺭﺍﺿﻴﻪ ﺍﻟﻤﻬﻢ ﻧﻌﻴﺶ ﻭﺳﻂ ﻋﻴﻠﻪ ﻭﻧﺎﺱ ﻭﻣﺎﻧﻘﻌﺪﺵ ﺑﺮﻭﺣﻲ .. ﻣﺶ ﺣﻴﻨﻔﻌﻨﻲ ﺍﻟﻔﻠﻮﺱ .. ﻟﻮ ﺧﺴﺮﺕ ﻋﻤﻲ ﻭﻋﻴﻠﺘﻪ .. ﺣﻨﻘﻌﺪ ﻭﺣﻴﺪﻩ ﻭﻣﻤﻜﻦ ﻧﻤﻮﺕ ﻭﺣﻴﺪﻩ ﻭﻣﺎﺣﺪ ﻳﻌﻠﻢ ﺑﻴﺎ .. ﺑﺲ ﻳﺸﻬﺪ ﻋﻠﻴﺎ ﺭﺑﻲ ﺍﻧﻲ ﻧﺤﺒﻬﻢ ﻛﻠﻬﻢ ﻭﻣﺎﻗﺪﺭﺗﺶ ﻧﻜﺮﻫﻢ ﻉ ﻗﺪ ﻣﺎﺳﻤﻌﺖ ﻭﺭﻳﺖ ﻷﻥ ﻗﻠﺒﻲ ﻣﺎﻗﺪﺭﺵ ﻳﻜﺮﻩ .. ﻭﻳﻤﻜﻦ ﻫﻀﺎ ﻋﻴﺐ ﻓﻴﺎ ﻣﺶ ﻣﻴﺰﺓ ...
ﺍﻧﺎ ﻣﺆﻣﻨﻪ ﺍﻧﻲ ﺭﺑﻲ ﺍﺑﺘﻼﻧﻲ ﻹﻧﻬﺎ ﻳﺤﺒﻨﻲ ﻭﻣﺎﺩﺍﻡ ﺭﺑﻲ ﻳﺤﺒﻨﻲ ﻣﺎﻧﺒﻲ ﻧﺪﻭﺭ ﺣﺐ ﺣﺪ ﻣﻦ ﺍﻟﺒﺸﺮ .. ﺑﺲ ﺍﻫﻢ ﺷﻲ ﻧﻌﻴﺶ ﻭﺳﻄﻬﻢ ﻭﻣﻌﺎﻫﻢ ﻭﻣﺎﻧﻘﻌﺪﺵ ﻭﺣﻴﺪﻩ 💔
***
ﺗﻮﺍ ﺍﻧﺖ ﻣﺶ ﻗﻠﺘﻠﻲ ﺍﻥ ﻓﻲ ﺩﻛﺘﻮﺭ ﺗﺎﻧﻲ ﻣﺎﺳﻚ ﻓﻤﻜﺎﻧﻚ
ﻋﻼﺀ : ﻫﻤﺎ ﻃﻠﺒﻮﻧﻲ ﺑﺎﻹﺳﻢ ﻳﺎﻗﻠﺒﻲ ﻣﺎﻧﻘﺪﺭﺵ ﻧﻘﻮﻝ ﻻ ﻫﺬﺍ ﻭﺍﺟﺐ ..
ﻛﻨﺎﻧﻪ ﺍﺑﺘﺴﻤﺖ : ﺭﺑﻲ ﻣﺎﻳﺤﺮﻣﻨﻲ ﻣﻨﻪ ﻫﺎﻟﻤﺨﻠﺺ ﺍﻟﻤﺘﻔﺎﻧﻲ ﻓﻲ ﻋﻤﻠﻪ ..
ﻋﻼﺀ ﺷﺪ ﻳﺪﻫﺎ ﻭﺑﺎﺳﻬﺎ : ﻭﻣﺎﻳﺤﺮﻣﻨﻲ ﻣﻨﻚ ﻳﺎﻋﺴﻞ ﺣﻴﺎﺗﻲ ..
ﻛﻨﺎﻧﻪ : ﻫﻬﻬﻬﻬﻬﻬﻬﻬﻬﻬﻪ ...
ﻭﺻﻠﻬﺎ ﻗﺪﺍﻡ ﻋﻤﺎﺭﺗﻬﻢ .. ﻧﺰﻟﻮﺍ ... ﺧﺪﻱ ﻳﺪﻫﺎ ﻭﻣﺸﻲ ﻣﻌﺎﻫﺎ ﻭﺧﺸﻮﺍ ﻟﻤﺪﺧﻞ ﺍﻟﻌﻤﺎﺭﺓ ...
ﻋﻼﺀ : ﻫﻴﺎ ﺣﺒﻴﺒﺘﻲ ﺍﺭﻛﺒﻲ ..
ﻛﻨﺎﻧﻪ : ﻟﻤﺎ ﺗﻮﺻﻞ ﻟﻠﻤﺴﺘﺸﻔﻰ ﻛﻠﻤﻨﻲ ﻭﻟﻤﺎ ﺗﺠﻲ ﻣﺮﻭﺡ ﻣﻨﻬﺎ ﻛﻠﻤﻨﻲ ﻭﻟﻤﺎ ﺗﻮﺻﻞ ﻟﻠﺤﻮﺵ ﻛﻠﻤﻨﻲ ..
ﻋﻼﺀ ﺑﻀﺤﻜﻪ : ﻣﻦ ﻋﻴﻮﻧﻲ .. ﻏﻴﺮ ﺍﺭﻛﺒﻲ ﻫﻴﺎ ﻋﻄﻠﺖ ..
ﻛﻨﺎﻧﻪ ﺍﺑﺘﺴﻤﺖ : ﺗﺼﺒﺢ ﻉ ﺧﻴﺮ ﻳﺎﻋﻤﺮﻱ ﺍﻧﺖ ..
ﻋﻼﺀﺍﺑﺘﺴﻢ : ﻭﺇﻧﺘﻲ ﻣﻦ ﺍﻫﻠﻲ ﻳﺎﻗﻠﺒﻲ ﺍﻧﺘﻲ ❤
ﺭﻛﺒﺖ ﻛﻨﺎﻧﻪ .. ﺍﻃﻤﻦ ﻋﻠﻴﻬﺎ ﻋﻼﺀ ﻭﻃﻠﻊ ﻭﺭﻛﺐ ﺍﻟﺴﻴﺎﺭﺓ ﻭﻃﻮﻝ ﻟﻠﻤﺴﺘﺸﻔﻰ ...
***
ﺧﺸﺖ ﻟﺪﺍﺭ ﻧﻮﻣﻬﺎ ﻟﻘﺖ ﺭﺍﺟﻠﻬﺎ ﺭﺍﻗﺪ ﺑﻌﻤﻖ ...
ﻗﺪﻣﺖ ﻭﻭﻗﻔﺖ ﻭﻗﻌﺪﺕ ﺗﺸﻮﻓﻠﻪ ﺍﺑﺘﺴﻤﺖ ﺑﻌﺪﻳﻦ ﻣﺸﺖ ﻟﻠﺮﻭﺷﻦ ﻭﻭﻗﻔﺖ ﺣﻮﻟﺖ ﺍﻟﺴﺘﺎﺭ ﻭﻗﻌﺪﺕ ﺗﺸﻮﻑ ﻟﻘﺎﺗﻪ ﻭﺍﻗﻒ ﻭﻳﻤﺎﺭﺱ ﻓﻲ ﻋﻤﻠﻪ ﺗﺘﺄﻣﻞ ﻓﻴﻪ ﻭﺍﺫﻛﺮﺕ ﺍﻟﻴﻮﻡ ﻛﻴﻒ ﻣﺎﻗﺪﺭﺵ ﻳﺨﻔﻲ ﻏﻴﺮﺗﻪ ﻋﻠﻴﻬﺎ ... ﺭﺟﻌﺖ ﺑﺬﺍﻛﺮﺗﻬﺎ ﺳﻨﻴﻦ ﻟﺘﺎﻟﻲ ...
ﻓﻼﺵ ﺑﺎﻙ ..
ﺭﻳﻬﺎﻡ : ﻫﺎﻙ ﻳﻮﺳﻒ ..
ﻳﻮﺳﻒ ﺧﺪﻱ ﻣﻨﻬﺎ ﺍﻟﺘﻔﺎﺣﻪ : ﺷﻜﺮﺍ ...
" ﺭﻳﻬﺎﺍﺍﻡ .."
ﺍﻧﻔﺰﻋﻮﺍ ﺍﻟﺰﻭﺯ ..
ﺭﻳﻬﺎﻡ : ﻛﻨﻚ؟ ..
ﺍﻛﺮﻡ ﺑﻐﻀﺐ : ﺷﻦ ﺟﺎﺑﻚ ﻫﻨﺎ ﺟﻬﺔ ﺍﻟﻌﻴﺎﻝ ﻛﺎﻥ ﺗﺤﻘﻚ ﺃﺑﻠﻪ ﻋﺰﻳﺰﺓ ﺷﻦ ﻳﺼﻴﺮ ﻓﻴﻚ ﺑﻌﺪﻫﺎ؟
ﻳﻮﺳﻒ : ﻫﻴﺎ ﻋﺮﻓﺖ ﺍﻥ ﻧﻴﺘﻲ ﻓﻲ ﺍﻟﺘﻔﺎﺡ ﺍﻟﻠﻲ ﺟﺎﺑﺘﻪ ﻟﻬﻢ ﺍﺑﻠﻪ ﻣﻔﻴﺪﻩ ﺩﺳﺘﻠﻲ ﻭﺣﺪﻩ ..
ﺍﻛﺮﻡ : ﻳﺎﻋﻴﻨﻲ ؟ !
ﺭﻳﻬﺎﻡ : ﺍﻛﺮﻡ ﻙ ...
ﺍﻛﺮﻡ : ﻋﺪﻱ ﻣﻦ ﻫﻨﺎ ﻓﻴﺴﻊ .. ﻋﺪﻱ ...
ﺍﻇﺎﻫﺮﺕ ﺍﻧﻬﺎ ﺯﻋﻼﻧﻪ ﻣﻨﻪ ﻭﻣﺸﺖ ﺗﺠﺮﻱ ﺑﺲ ﻣﻦ ﺩﺍﺧﻠﻬﺎ ﻛﺎﻧﺖ ﻓﺮﺣﺎﻧﻪ ﻭﻫﻲ ﺑﻨﺖ 12 ﺳﻨﻪ ﻛﺎﻧﺖ ﻓﺎﻫﻤﻪ ﺍﻟﺤﺮﻛﺎﺕ ﻫﺎﺩﻱ ﻛﻮﻳﺲ ...
ﺍﻟﻮﻗﺖ ﺍﻟﺤﺎﺿﺮ ..
ﻧﺰﻟﺖ ﻣﻦ ﻋﻴﻨﻬﺎ ﺩﻣﻌﻪ ﻭﻗﺎﻟﺖ ﻓﻨﻔﺴﻬﺎ " ﻋﻤﺮﻱ ﻣﺎﻧﺤﺐ ﺣﺪ ﻏﻴﺮﻙ ..."
ﺳﻜﺮﺕ ﺍﻟﺴﺘﺎﺭ ﻭﻣﺸﺖ ﺧﺸﺖ ﺳﺮﻳﺮﻫﺎ ﻭﺭﻗﺪﺕ ..
***
ﻣﻘﻌﻤﺰﺓ ﻉ ﺳﺮﻳﺮﻫﺎ ﻭﻣﺮﺑﻌﻪ ﺭﺟﻠﻴﻬﺎ ﻭﺣﺎﻃﻪ ﻳﺪﻫﺎ ﺗﺤﺖ ﺫﻗﻨﻬﺎ ﻭﺗﻔﻜﺮ ﻓﻲ ﻛﻼﻡ ﺯﻣﻴﻠﻬﺎ .. ﺍﻟﻤﻌﻠﻮﻣﺎﺕ ﺍﻟﻠﻲ ﻗﺎﻟﻬﺎ ﺧﻄﻴﺮﺓ ..
ﻓﻼﺵ ﺑﺎﻙ
ﺣﺴﻴﻦ : ﺩﺭﺕ ﺗﺤﻘﻴﻖ ﺻﺤﻔﻲ ﺑﺲ ﺑﺼﺮﺍﺣﻪ ﺍﻧﺎ ﻣﺶ ﻗﺪ ﺍﻟﻤﻮﺿﻮﻉ .. ﺍﻧﻲ ﻋﻄﻴﺘﻚ ﺍﻟﻤﻌﻠﻮﻣﺎﺕ ﻭﻟﻜﻲ ﺣﺮﻳﺔ ﺍﻷﺧﺘﻴﺎﺭ ..
ﺳﻼﻑ : ﻛﻼﻡ ﺧﻄﻴﺮ ﻭﺍﺟﺪ ﺍﻟﻠﻲ ﺩﻭﻳﺘﻪ ﺗﻮﺍ ﻳﺎﺣﺴﻴﻦ ..
ﺣﺴﻴﻦ : ﺗﻮ ﻧﻌﻄﻴﻚ ﻣﺎﻳﺜﺒﺖ ﺑﻌﺾ ﺷﻜﻮﻛﻲ ﺍﻟﻠﻲ ﺧﻠﺘﻨﻲ ﻧﺠﺮﻱ ﻫﺎﻟﺘﺤﻘﻴﻖ .. ﺍﻧﺎ ﻧﻌﻄﻴﻚ ﻓﺮﺻﺔ ﺳﺒﻖ ﺻﺤﻔﻲ ﻣﻬﻢ ﻟﻮ ﻛﻨﺘﻲ ﺣﺎﺳﻪ ﺭﻭﺣﻚ ﺗﻘﺪﺭﻱ ﻛﻤﻠﻲ ...
ﺳﻼﻑ ﺷﺒﺤﺖ ﺍﻟﻘﺪﺍﻡ ﻭﻗﻌﺪﺕ ﺗﻔﻜﺮ ..
ﺍﻟﻮﻗﺖ ﺍﻟﺤﺎﺿﺮ ..
ﺳﻼﻑ : ﺍﻟﺤﻜﺎﻳﻪ ﻣﺴﺘﺎﻫﻠﻪ ﺗﻐﺎﻣﺮﻱ ﻳﺎﺳﻼﻑ .. ﺍﻧﺘﻲ ﺍﻟﻘﻀﻴﻪ ﻫﺬﻱ ﺷﺎﻏﻼﺗﻚ ﻟﻜﻲ ﻓﻮﻕ ﺍﻟﺴﻨﻪ .. ﻭﺟﺎﺗﻚ ﺍﻟﻔﺮﺻﻪ ﻉ ﺭﺟﻠﻴﻬﺎ ﺑﺶ ﺍﻃﻠﻌﻲ ﺍﻟﺤﻘﻴﻘﻪ ﻭﺗﺴﻠﻤﻲ ﺍﻟﻤﺠﺮﻣﻴﻦ ﻟﻠﻌﺪﺍﻟﻪ .. ﻫﻬﻬﻬﻪ ... ﺣﺴﻴﺖ ﺭﻭﺣﻲ ﺑﻄﻠﻪ ... ﻫﻬﻬﻬﻪ ... ﺳﻼﻑ ﺳﻼﻑ ﺧﻮﺩﻱ ﺍﻟﻤﻮﺿﻮﻉ ﺑﺠﺪﻳﻪ ﻣﺮﺍﺕ ﺗﻌﺪﻱ ﻓﻴﻬﺎ ... ﺗﻨﻬﺪﺕ ... ﺍﻭﻓﻔﻔﻔﻔﻒ ... ﻭﺷﻔﺸﻔﺖ ﺷﻌﺮﻫﺎ ﻭﺭﻗﺪﺕ ﻭﻗﺎﻋﺪﻩ ﺗﻔﻜﺮ ...
***
ﺗﺎﻧﻲ ﻳﻮﻡ ..
ﻣﺎﻟﻴﻬﺎﺵ ﻫﻠﺒﻪ ﻓﺎﻳﻘﻪ ﻓﺎﺗﺤﻪ ﻋﻴﻮﻧﻬﺎ ﺭﻥ ﺗﻠﻴﻔﻮﻧﻬﺎ .. ﺷﺎﻓﺖ ﺍﻟﺸﺎﺷﻪ ﻟﻘﺎﺗﻪ ﻫﻮ ❤ ﻳﺘﺼﻞ ﻓﻴﺪﻳﻮ ﻳﺤﺐ ﻳﺸﻮﻓﻬﺎ ﻭﻫﻲ ﻛﻴﻒ ﻓﺎﻳﻘﻪ ﻣﻦ ﺍﻟﻨﻮﻡ ..
ﻓﺘﺤﺖ ﺍﻟﻤﻜﺎﻟﻤﻪ ..
ﻛﻨﺎﻧﻪ : ﺻﺒﺎﺣﻮ ﺣﻴﺎﺗﻲ ..
ﻋﻼﺀ ﻓﻲ ﺍﻟﻤﺴﺘﺸﻔﻰ ﻓﺤﺠﺮﺗﻪ : ﻳﺎﺻﺒﺎﺡ ﺍﻟﻌﺴﻞ ..
ﻛﻨﺎﻧﻪ ﻗﻌﻤﺰﺕ ﻉ ﺣﻴﻠﻬﺎ : ﻋﻼﺀ ﻗﺼﺪﻙ ﻗﺎﻋﺪ ﻣﻦ ﺍﻣﺲ ..
ﻋﻼﺀ ﺣﻚ ﺭﺍﺳﻪ ﻣﻦ ﺍﻟﺨﻠﻒ : ﻛﺎﻥ ﻓﻲ ﻋﻤﻠﻴﺘﻴﻦ ﻣﺎﻗﺪﺭﺗﺶ ﻧﺮﻭﺡ ..
ﻛﻨﺎﻧﻪ : ﻣﺎﺭﻗﺪﺗﺶ ﺑﻜﻞ ﻣﻌﻨﺎﻫﺎ ... ﻣﺶ ﻣﻌﻘﻮﻝ ﻳﺎﻋﻼﺀ ﻫﻜﻲ ﺻﺤﺘﻚ ﺍﻫﻢ ..
ﻋﻼﺀ ﺑﺈﺑﺘﺴﺎﻣﻪ : ﺻﺤﺘﻲ ﻋﺎﻝ ﺍﻟﻌﺎﻝ ﻭﺍﻟﻨﺎﺱ ﺍﻟﻠﻲ ﺣﺎﻃﻪ ﻓﻴﺎ ﺍﻷﻣﻞ ﺑﻌﺪ ﺭﺑﻲ ﺍﻧﻲ ﻧﻨﻘﺪ ﺍﺭﻭﺍﺣﻬﻢ ﻫﻤﺎ ﺍﻷﻫﻢ ..
ﻛﻨﺎﻧﻪ ﺍﺑﺘﺴﻤﺖ : ﺷﻦ ﺑﻨﻘﻮﻟﻚ ﻣﺎﻋﻨﺪﻱ ﻣﺎﻧﻘﻮﻝ ... ﻟﻜﻦ ﺍﻛﻴﺪ ﺑﺘﺮﻭﺡ ﺗﻮﺍ ..
ﻋﻼﺀ : ﺍﻳﻪ ﺷﻮﻳﻪ ﺗﺎﻧﻴﻪ ... ﻃﻖ ﺍﻟﺒﺎﺏ ﻋﻨﺪﻩ .. ﺗﻔﻀﻞ ...
ﺧﺸﺖ ﺩﻛﺘﻮﺭﺓ : ﺩﻛﺘﻮﺭ ﻧﺤﺴﺎﺑﻚ ﺭﻭﺣﺖ ..
ﻋﻼﺀ : ﺷﻮﻳﻪ ﻭﻣﺮﻭﺡ ..
ﺍﻟﺪﻛﺘﻮﺭﺓ : ﺑﺎﻫﻲ ﻛﻮﻳﺲ ﺍﻟﻠﻲ ﻟﻘﻴﺘﻚ .. ﺣﺴﺒﺘﻚ ﻓﻲ ﺍﻟﻔﻄﻮﺭ ..
ﻋﻼﺀ ﺑﺄﺑﺘﺴﺎﻣﻪ : ﻏﻴﺮ ﻋﻼﺵ ﻣﺘﻌﺒﻪ ﺭﻭﺣﻚ ﺑﺲ ..
ﺍﻟﺪﻛﺘﻮﺭﺓ : ﺯﻱ ﻣﺎﺃﻧﺖ ﺍﻣﺲ ﻋﺸﻴﺘﻨﺎ ﺑﻴﺘﺰﺍ ..
ﻋﻼﺀ ﺑﻀﺤﻜﻪ : ﺻﺤﺘﻴﻦ ..
ﺍﻟﺪﻛﺘﻮﺭﺓ ﺑﺈﺑﺘﺴﺎﻣﻪ : ﺗﺴﻠﻢ .. ﺗﻔﻀﻞ ..
ﻋﻼﺀ : ﺻﺤﻴﺘﻲ ..
ﺍﻟﺪﻛﺘﻮﺭﺓ : ﺳﻠﻤﻚ ﻭﻃﻠﻌﺖ ..
ﻫﻮ ﺭﺟﻊ ﻣﻦ ﺟﺪﻳﺪ ﻟﻠﻤﻜﺎﻟﻤﻪ ﻟﻘﻲ ﻛﻨﺎﻧﻪ ﺗﺸﺒﺤﻠﻪ ﺑﺮﻓﻌﺔ ﺣﺎﺟﺐ ﻭﻭﺍﺿﺢ ﺍﻧﻬﺎ ﻣﻌﺼﺒﻪ ..
ﻋﻼﺀ ﺍﺑﺘﺴﻢ ﺑﺮﺑﻜﻪ : ﺷﻦ ﻛﻨﺎ ﻧﻘﻮﻟﻮﺍ ﺣﺒﻴﺒﻲ ..
ﻛﻨﺎﻧﻪ : ﻣﺎﺷﺎﺀ ﺍﻟﻠﻪ ﺳﻬﺮﺍﻧﻴﻦ ﻣﻊ ﺑﻌﺾ ﻭﻣﻌﻴﺸﻬﻢ ﺑﻴﺘﺰﺍ !!!
ﻋﻼﺀ : ﻭﺍﻟﻠﻪ ﻳﺎﺣﺒﻲ ﺑﻌﺪ ﺗﻌﺐ ﺍﻣﺲ ﻗﻌﻤﺰﻧﺎ ﻫﺪﺭﺯﻧﺎ ﺷﻮﻳﻪ .. ﺟﻌﻨﺎ .. ﻫﻜﻲ ﻳﻌﻨﻲ ﺟﺒﺖ ﺣﺎﺟﻪ ﻛﻠﻴﻨﺎﻫﺎ ﻭﻣﺨﺘﻠﻄﻪ ﺍﻟﺤﻜﺎﻳﻪ ﻳﻌﻨﻲ ﺃﻃﺒﺎﺀ ﻭﻃﺒﻴﺒﺎﺕ ..
ﻛﻨﺎﻧﻪ : ﺍﻣﻤﻢ .... ﻛﻮﻳﺲ ﺍﻓﻄﺮ ﺑﺮﻳﻮﺵ ﻃﺒﻴﺒﺎﺗﻚ ... ﺑﺎﻱ ﻭﺻﻜﺮﺕ ﻋﻠﻴﻪ ﻭﻧﺎﺭ ﺍﻟﻐﻴﺮﺓ ﻭﺍﻟﻌﻪ ﻓﻴﻬﺎ ... ﻭﻧﺎﺿﺖ ﻣﻦ ﺳﺮﻳﺮﻫﺎ ﻭﺧﺸﺖ ﻟﻠﺤﻤﺎﻡ ..
ﺍﻣﺎ ﻫﻮ ﺻﻜﺮ ﻭﻗﻌﺪ ﻳﻀﺤﻚ ﻭﻗﺎﻝ ﻓﻨﻔﺴﻪ " ﺗﻮ ﻧﻌﺮﻑ ﻛﻴﻒ ﻧﺮﺿﻴﻬﺎ " .. ﻭﻗﻌﺪ ﻳﺎﻛﻞ ﻓﻲ ﺍﻟﺒﺮﻳﻮﺵ ..😂
***
ﻧﺎﺯﻟﻪ ﻣﻦ ﺍﻟﺪﺭﻭﺝ ﻟﻘﺘﻬﻢ ﻣﻘﻌﻤﺰﻳﻦ ﻳﻔﻄﺮﻭﺍ ﻓﺎﺗﺖ ﻣﻦ ﺣﺪﺍﻫﻢ ﺑﺪﻭﻥ ﻣﺎﺗﺼﺒﺢ ﻭﻫﻤﺎ ﺃﺳﺘﻐﺮﺑﻮﺍ ﻣﺸﺖ ﻟﻠﻜﻮﺟﻴﻨﻪ ..
ﻧﺒﻮﻳﻪ : ﺳﺖ ﻫﺎﻧﻢ ﻳﺎﺻﺒﺎﺡ ﺍﻟﺨﻴﺮ ﻳﺎﺻﺒﺎﺡ ﺍﻟﻨﻮﺭ ..
ﻧﻮﺭﺍﻥ ﺑﻀﻴﻖ : ﺻﺒﺎﺣﻚ ﺧﻴﺮ .. ﺧﺪﺕ ﺷﻴﺸﺔ ﺍﻟﻤﻴﻪ ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻣﺘﻮﺟﻬﻪ ﻟﺒﺎﺏ ﺍﻟﺤﻮﺵ .. ﻭﻃﻠﻌﺖ ..
ﺭﺿﻮﺍﻥ : ﻛﻨﻬﺎ ﺍﻟﺒﻨﺖ ..
ﺭﻳﻬﺎﻡ ﺑﺈﺳﺘﻐﺮﺍﺏ : ﻣﺴﺘﻐﺮﺑﻪ ﺣﺘﻰ ﻧﺎ ﺍﻭﻝ ﻣﺮﺓ ﺩﻳﺮ ﻫﻚ ..
ﻣﻼﻙ : ﻭﺍﺿﺢ ﺍﻥ ﺳﻜﺮﻫﺎ ﺭﺍﻗﻲ ﻟﻤﺎ ﻭﻋﺖ ﺍﻟﺼﺒﺢ ﻭﺟﻬﻬﺎ ﺷﺎﺣﺐ ﻭﻋﻴﻮﻧﻬﺎ ﻣﺤﻠﻘﺎﺕ ﻭﺷﻴﺶ ﺍﻟﻤﻴﻪ ﺣﺪﺍﻫﺎ ﻋﺮﻡ .. ﻭﺣﺸﺎﻛﻢ ﻣﺎﺑﻄﻠﺘﺶ ﻣﺸﻲ ﻭﺟﻲ ﻉ ﺍﻟﺤﻤﺎﻡ ..
ﺭﺿﻮﺍﻥ : ﻓﻲ ﺣﺪ ﺯﻋﻠﻬﺎ ..
ﺭﻳﻬﺎﻡ : ﻻﺃﺑﺪﺍ .. ﺍﻣﺒﺎﺭﺡ ﺻﺒﺖ ﻣﻦ ﺣﺪﺍﻧﺎ ﺑﻌﺪﻙ ﺩﻏﺮﻱ ..
ﺭﺿﻮﺍﻥ : ﺷﻬﺎﺏ ﺑﻌﺪﻳﻦ ﻋﺪﻳﻠﻬﺎ ﺍﻟﻤﺸﻐﻞ ﺍﺭﻓﻌﻬﺎ ﻟﻤﻜﺎﻥ ﻏﻴﺮﻟﻬﺎ ﺟﻮﻫﺎ ..
ﺷﻬﺎﺏ ﺑﻀﻴﻖ ﻧﺎﺽ : ﺗﻤﺎﻡ ... ﻣﺎﺷﻲ ﺍﻟﺠﺎﻣﻌﻪ ..
ﻣﻼﻙ ﻟﻤﺖ ﺣﺎﺟﺘﻬﺎ : ﻣﻤﻜﻦ ﺗﻮﺻﻠﻨﻲ ﻉ ﻃﺮﻳﻘﻚ ..
ﺭﻳﻬﺎﻡ ﺗﺸﻮﻓﻠﻬﺎ ﻣﻦ ﻓﻮﻕ ﻟﻠﻮﻃﺎ ..
ﺷﻬﺎﺏ ﺍﺑﺘﺴﻢ : ﻣﺎﻓﺶ ﻣﺸﻜﻠﻪ ﺗﻌﺎﻟﻲ ..
ﻣﻼﻙ ﺍﺑﺘﺴﻤﺖ : ﻳﻼﺍ ﺑﺎﻱ ..
ﻭﻃﻠﻌﺖ ﺗﺠﺮﻱ ﻣﻊ ﺷﻬﺎﺏ ..
ﺭﻳﻬﺎﻡ : ﺍﻟﺒﻨﺖ ﻫﺬﻱ ﻣﺎﻧﺰﺗﻠﻴﺶ ﻣﻦ ﺯﻭﺭ ..
ﺭﺿﻮﺍﻥ ﺑﻀﺤﻜﻪ : ﻋﻠﻴﺶ ..
ﺭﻳﻬﺎﻡ : ﻣﺶ ﻣﺮﻳﺤﻪ ..
ﺭﺿﻮﺍﻥ : ﻣﺎﻋﻠﻴﻨﺎ ﻣﻨﻬﺎ ﻫﻲ ﻗﺮﻳﺒﺔ ﻧﻮﺭﺍﻥ ﻣﻦ ﺍﻣﻬﺎ ﻣﺎﻧﻘﺪﺭﺵ ﻧﻤﻨﻌﻬﺎ ﻣﻦ ﺍﻟﺠﻴﻪ ..
ﺭﻳﻬﺎﻡ : ﻭﻻﺍﻧﺎ ﻧﺒﻴﻚ ﺗﻤﻨﻌﻬﺎ ..
ﺭﺿﻮﺍﻥ ﺷﺪ ﻳﺪﻫﺎ ﻭﺑﺎﺳﻬﺎ : ﺧﻠﻴﻨﺎ ﻣﻨﻬﻢ ﺗﻮﺍ ﻭﺍﻟﻴﻮﻡ ﻧﺒﻴﻚ ﺗﻔﻀﻴﻠﻲ ﻧﻔﺴﻚ ﺍﻟﻴﻮﻡ ﻛﻠﻪ ﻣﻌﺎﻳﺎ ..
ﺍﺑﺘﺴﻤﺖ ﺭﻳﻬﺎﻡ : ...OK
***
ﻧﺒﻲ ﻳﻨﺘﻬﻲ ﻣﻮﺿﻮﻋﻪ ﻓﻲ ﺗﺎﻟﺖ ﻳﻮﻡ ﻣﻦ ﻗﻌﺪﺗﻪ ﻏﺎﺩﻱ ..
: ﻭﻋﻼﺵ ﻣﺶ ﻣﻦ ﺍﻷﻭﻝ ..
ﻣﻨﻴﺮ : ﻧﺒﻲ ﻛﻞ ﺷﻲ ﻳﻤﺸﻲ ﻃﺒﻴﻌﻲ ﻭﻫﺎﺩﻱ ﻭﺍﻟﺤﺎﺩﺛﻪ ﺗﺒﺎﻥ ﻗﻀﺎﺀ ﻭﻗﺪﺭ ..
: ﻓﻲ ﺍﻟﺤﺎﻟﺘﻴﻦ ﺣﺘﺒﺎﻥ ﻫﻜﻲ ...
ﻣﻨﻴﺮ : ﺳﺎﻳﺮﻧﻲ ﻳﺎﺳﻴﺪﻱ ﻭﺩﻳﺮ ﺯﻱ ﻣﺎﻗﺘﻠﻚ ﻭﺑﻌﺪﻳﻦ ﺍﻧﺖ ﺗﺎﺧﺪ ﻓﻔﻠﻮﺱ ﻣﺎﺩﻳﺮﺵ ﻓﺸﻲ ﺑﺠﻤﻴﻠﻚ ..
: ﺧﻼﺹ ﻳﺎﺳﻴﺪﻱ ﻣﺎﺗﻌﺼﺒﺶ ... ﺗﻤﺎﻡ ﺯﻱ ﻣﺎﺗﺒﻲ ..
ﻣﻨﻴﺮ : ﺍﻳﻮﻩ ﺧﻠﻴﻚ ﻫﻜﻲ ﺍﺳﻤﻊ ﺍﻟﻜﻼﻡ ﻭﻣﺎﺗﻨﺎﻗﺸﺶ ..
***
ﻭﺍﻗﻔﻪ ﺗﺨﺪﻡ ﻉ ﻗﻔﻄﺎﻥ ﻭﺣﺪﻩ ﻣﻦ ﺍﻟﺰﺑﻮﻧﺎﺕ ﻭﻗﺎﻋﺪ ﻣﺰﺍﺟﻬﺎ ﻣﺘﻌﻜﺮ .. ﻣﺶ ﻷﻭﻝ ﻣﺮﺓ ﺗﺴﻤﻊ ﻫﺎﻟﻜﻼﻡ ﺑﺲ ﻓﻲ ﻛﻞ ﻣﺮﺓ ﺗﺴﻤﻊ ﻛﻼﻡ ﻣﻦ ﻫﺎﻟﻨﻮﻉ ﻫﻜﻲ ﻳﺼﻴﺮ ﻓﻴﻬﺎ ..
ﻧﻮﺭﺍﻥ ﺷﻦ ﺭﺍﻳﻚ ﺍﻧﺪﻳﺮ ﺗﻄﺮﻳﺰﺓ ﻫﺬﻱ ﻉ ﺍﻟﻔﺴﺘﺎﻥ ..
ﻧﻮﺭﺍﻥ ﺷﺒﺤﺘﻠﻬﺎ ﻭﺍﺑﺘﺴﻤﺖ : ﺣﻠﻮﺓ ﻳﺎﺩﺍﻟﻴﺎ ﺩﻳﺮﻫﺎ ...
ﺩﺍﻟﻴﺎ ﻓﺮﺣﺖ ﻭﻣﺸﺖ ﺗﻨﻔﺬ ﻓﻲ ﺍﻟﻠﻲ ﺍﻗﺘﺮﺣﺎﺗﻪ .. ﻭﻧﻮﺭﺍﻥ ﺗﻨﻬﺪﺕ ﻭﻛﻤﻠﺖ ﺧﺪﻣﺘﻬﺎ ..
ﺍﻧﻔﺘﺢ ﺑﺎﺏ ﺍﻟﻤﺸﻐﻞ ...
ﺻﺒﺎﺡ ﺍﻟﺨﻴﺮ ..
ﺍﻟﺘﻔﺘﺖ ﻧﻮﺭﺍﻥ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺨﻴﺮﺍﺕ ﻳﺎﺳﻨﺪﺱ ..
ﺳﻨﺪﺱ : ﻭﻳﻨﻚ ﻭﻳﻨﻚ ﺗﻮﺣﺸﻨﺎﻙ ﻳﺎﺑﻨﺘﻲ ..
ﺣﻀﻨﻮﺍ ﺑﻌﻀﻬﻢ : ﻭﺃﻧﺎ ﺍﻛﺜﺮ ﺑﺲ ﺍﻧﺸﻐﻠﺖ ﺷﻮﻳﻪ ﺍﻟﻔﺘﺮﺓ ﺍﻟﻠﻲ ﻓﺎﺗﺖ ﻗﻤﻌﺰﻱ ...
ﻗﻌﻤﺰﺕ ﺳﻨﺪﺱ ﻭﻫﻲ ﺗﻮﺯﻉ ﻓﻨﻈﺮﻫﺎ ﻉ ﺍﻟﻤﻜﺎﻥ : ﺍﻫﺎ ﻻﻗﻮﺓ ﺇﻻﺑﺎﻟﻠﻪ ﺑﺎﻳﻦ ﺍﻟﺨﺪﻣﻪ ﻭﺍﺟﺪﻩ ..
ﻧﻮﺭﺍﻥ : ﺍﻟﺤﻤﺪ ﻟﻠﻪ ... ﻛﻴﻒ ﺣﺎﻟﻚ ﻭﺣﺎﻝ ﺍﻟﺒﻨﺎﺕ ﺍﻟﻠﻲ ﻓﻲ ﺍﻟﻤﺴﺘﺸﻔﻰ ﻛﻠﻬﻦ ..
ﺳﻨﺪﺱ : ﻓﻘﺪﻧﻚ ﻳﺎﺑﻨﺘﻲ ﻣﻌﺶ ﺗﺒﻲ ﺗﺠﻴﻨﺎ ... ﻗﻠﻨﺎ ﺑﺪﺕ ﺗﺸﻮﻑ ﻓﺮﻭﺣﻬﺎ ﻋﻠﻴﻨﺎ ﺻﺎﺣﺒﺔ ﺍﻟﻤﺴﺘﺸﻔﻰ ﻋﺎﺩ ﺗﺠﻲ ﺍﻣﺘﻰ ﻣﺎﺗﺒﻲ ﻭﺗﻐﻴﺐ ﺍﻣﺘﻰ ﻣﺎﺗﺒﻲ ..
ﻧﻮﺭﺍﻥ ﺑﻀﺤﻜﻪ : ﺍﻫﺎ .. ﻛﻴﻒ ﻋﺎﺩ ...
ﺳﻨﺪﺱ : ﻫﻬﻬﻬﻬﻬﻬﻬﻪ ﺣﻘﻚ ﻳﺎﺣﻨﻪ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻻﻭﺍﻟﻠﻪ ﻣﺶ ﻫﻚ ﺑﺲ ﺑﺠﺪﻳﺎﺕ ﺍﻟﻤﺸﻐﻞ ﺧﺬﺍ ﻛﻞ ﻭﻗﺘﻲ .. ﺑﺲ ﻛﺎﻥ ﺻﺒﺮﺗﻦ ﺭﺍﻛﻦ ﺣﺠﻴﺘﻦ ﺍﻟﻠﻴﻠﻪ ﻛﻨﺖ ﺟﺎﻳﻪ ..
ﺳﻨﺪﺱ ﺑﻀﺤﻜﻪ : ﺍﻫﺎﺍﺍ ... ﻭﺍﺧﻴﺮﺍ .. ﺍﺳﻤﻌﻲ ﻣﻦ ﺗﻮﺍ ﺑﻨﺒﺰ ﻳﺒﺮﺓ ﻓﻲ ﺍﻟﺪﻛﺘﻮﺭ ﺑﻮﻓﺎ ...
ﻧﻮﺭﺍﻥ :: ﻫﻬﻬﻬﻬﻬﻬﻬﻬﻬﻪ ﺭﺍﺳﻜﻦ ﻭﺭﺍﺳﻪ ﺍﻧﺘﻦ ﻟﻴﻦ ﺗﻬﺠﺠﻨﻪ ﻣﻦ ﺍﻟﻤﺴﺘﺸﻔﻰ ..
ﺳﻨﺪﺱ ﺑﺠﺪﻳﻪ : ﺑﺼﺮﺍﺣﻪ ﺍﻧﺎ ﺑﻌﻮﻳﻨﺎﺗﻲ ﻫﺎﻟﻤﺮﺓ ﺭﻳﺘﻪ ﻳﺒﻴﻊ ﻓﻲ ﺍﻷﻭﺩﻳﻪ ﻟﻠﻤﺮﺿﻰ ﻭﻳﻌﺪﻱ ﻓﻲ ﺗﺮﻛﻴﻨﻪ ﻓﻲ ﺍﻟﺪﻭﺭ ﺍﻷﻭﻝ ﻭﻳﺒﻴﻊ ﻓﻴﻬﺎ ﻟﻬﻢ ﻭﻟﻤﺎ ﺳﺄﻟﺖ ﺍﻛﺜﺮ ﻋﺮﻓﺖ ﺍﻧﻪ ﻭﻳﻦ ﻳﺠﻮﺍ ﺍﻟﻨﺎﺱ ﻟﻠﺼﻴﺪﻟﻴﻪ .. ﺍﻟﻠﻲ ﻳﺨﺪﻡ ﻓﻴﻬﺎ ﻳﻘﻮﻟﻠﻬﻢ ﻣﺎﻋﻨﺪﻧﺎﺵ ..
ﻧﻮﺭﺍﻥ ﺑﺮﻳﺒﻪ : ﻣﻌﻨﺎﻫﺎ ﻣﻊ ﺑﻌﻀﻬﻢ ﻓﻲ ﺍﻟﺤﻜﺎﻳﻪ ..
ﺳﻨﺪﺱ : ﻫﻀﺎ ﺍﻟﻠﻲ ﻋﺮﻓﺘﻪ ﺃﻣﺲ ..
ﻧﻮﺭﺍﻥ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ﻭﺧﻼﺹ ... ﺗﻮ ﻧﺼﺮﻑ ﻣﻌﺎﻫﻢ ﺍﻟﻠﻴﻠﻪ ... ﻫﻤﺎ ﻭﺍﻟﻤﺪﻳﺮ ﺍﻟﻠﻲ ﺭﺍﻗﺪ ﻉ ﻭﺫﺍﻧﻪ ﻭﻣﺶ ﺑﻌﻴﺪﻩ ﻳﻄﻠﻊ ﻣﻌﺎﻫﻢ ﻓﻲ ﺍﻟﻘﺼﻪ ..
ﺳﻨﺪﺱ : ﻻ ﻫﻮ ﻣﺎﺩﺧﻠﻬﺶ ... ﺑﺲ ﺻﺢ ﺭﺍﻗﺪ ﻉ ﻭﺫﺍﻧﻪ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺄﻳﺠﺎﺏ ..
ﺳﻨﺪﺱ : ﺍﻳﻪ ﺧﺒﺮﻳﻨﻲ ﺷﻦ ﺣﺎﻟﻚ ﻭﺷﻦ ﺩﺍﻳﺮﺓ ..
ﻧﻮﺭﺍﻥ ﺍﺑﺘﺴﻤﺖ ﺑﺄﻟﻢ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ... ﻣﺎﻓﺶ ﺟﺪﻳﺪ ..
***
ﺍﻟﺴﺎﻋﻪ 12 ﻗﺒﻞ ﺍﻟﻈﻬﺮ
ﺍﺳﻔﻪ ﺟﺪﺍ .. ﺑﺲ ﺍﻟﻴﻮﻡ ﺍﻧﻲ ﻣﺶ ﻓﻲ ﺍﻟﻤﻮﺩ ..
ﺍﻟﺰﺑﻮﻧﻪ : ﻋﺎﺩﻱ ﻭﻻﻳﻬﻤﻚ ﻛﻤﻠﻲ ﻉ ﻣﻬﻠﻚ ﻣﺎﺯﺍﻝ ﺍﻟﻮﻗﺖ ..
ﺍﺑﺘﺴﻤﺖ ﻛﻨﺎﻧﻪ : ﻣﺸﻜﻮﺭﺓ .. ﻭﻗﻌﺪﺕ ﺗﻜﻤﻞ ﻓﺸﻐﻠﻬﺎ ..
ﺍﻧﻔﺘﺢ ﺍﻟﺒﺎﺏ ﻭﺟﺖ ﻭﺣﺪﻩ ﻣﻦ ﺍﻟﻌﺎﻣﻼﺕ ﻭﻓﻴﺪﻫﺎ ﺑﺎﻗﻪ ﻭﺭﺩ ﻛﺒﻴﺮﺓ ...
: ﺍﺳﺘﺎﺫﺓ ﻛﻨﺎﻧﻪ ..
ﺍﻟﺘﻔﺘﺖ ﻛﻨﺎﻧﻪ ﻭﻟﻤﺎ ﺷﺎﻓﺖ ﺍﻟﻮﺭﺩ ﺗﻔﺎﺟﺌﺖ ﻭﺍﺑﺘﺴﻤﺖ ﺧﺪﺍﺗﻪ ﻣﻦ ﺍﻟﻌﺎﻣﻠﻪ ﻭﻟﻘﺖ ﻓﻴﻪ ﻛﺮﺕ ﻗﺮﺍﺗﻪ
( ﺇﻟﻰ ﻣﻦ ﺗﻬﻠﻚ ﻧﻔﺴﻬﺎ ﺑﺎﻟﻐﻴﺮﺓ ﻋﺒﺜﺎ .. ﻭﻫﻲ ﺗﻌﻠﻢ ﺃﻧﻲ ﻻﺃﺭﻯ ﻏﻴﺮﻫﺎ ﻣﻦ ﺍﻟﻨﺴﺎﺀ (❤
ﺿﺤﻜﺖ ﻛﻨﺎﻧﻪ ﻭﺷﺒﺤﺖ ﻟﻠﻌﺎﻣﻠﻪ : ﻣﻦ ﻋﻄﺎﻫﻮﻟﻚ ..
: ﺍﻟﺪﻛﺘﻮﺭ ... ﻭﻗﺎﻋﺪ ﺑﺮﺍ ..
ﻛﻨﺎﻧﻪ ﺍﻟﺘﻔﺘﺖ ﻟﻠﺰﺑﻮﻧﻪ : ﻟﺤﻈﻪ ﺑﺲ ..
ﺍﻟﺰﺑﻮﻧﻪ ﻭﻫﻲ ﻣﺒﺘﺴﻤﻪ : ﺧﻮﺩﻱ ﺭﺍﺣﺘﻚ ..
ﻣﺸﺖ ﻛﻨﺎﻧﻪ ﺑﺎﻟﻮﺭﺩ ﻭﻃﻠﻌﺖ ﺑﺮﺍ ﻓﺘﺤﺖ ﺍﻟﺒﺎﺏ ﺍﻟﺒﺮﺍﻧﻲ ﻟﻘﺎﺗﻪ ﻭﺍﻗﻒ ﻣﻦ ﺑﻌﻴﺪ ﻳﺸﻮﻓﻠﻬﺎ ﻭﻳﻀﺤﻚ ..
ﻛﻨﺎﻧﻪ : ﺁﺍﺍﺍﻩ ﻳﺎﻧﻲ ﻭﺧﻼﺹ ❤
ﻗﺪﻣﻠﻬﺎ ﻭﻫﻲ ﺗﺸﻮﻑ ﻓﻴﻪ ﻛﻴﻒ ﻳﻘﺺ ﻓﻲ ﺍﻟﻄﺮﻳﻖ ﻭﺟﺎﻱ ﺟﻴﻬﺘﻬﺎ ﻭﺻﻞ ﻓﻴﻬﺎ ...
ﻫﻲ ﺗﺸﺒﺢ ﻟﻠﻮﺭﺩ ﻭﻫﻮ ﻳﺸﻮﻓﻠﻬﺎ ...
ﻋﻼﺀ : ﻭﺍﻟﻠﻪ ﻣﺎﻗﺪﺭﺕ ﻧﺮﻗﺪ ﻏﻤﻀﻪ ﻣﺎﻫﺎﻧﺶ ﻋﻠﻴﺎ ﻧﺮﻗﺪ ﻭﺍﻧﺘﻲ ﺯﻋﻼﻧﻪ ..
ﻛﻨﺎﻧﻪ : ﻗﻮﻟﻲ ﺑﺎﻫﻲ ﻛﻠﻴﺖ ﺍﻟﺒﺮﻳﻮﺵ ...
ﻋﻼﺀ ﺭﻓﻊ ﻧﻈﺎﺭﺍﺗﻪ ﻉ ﺭﺍﺳﻪ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﺑﻌﺪﻳﻦ ﻟﺒﺴﻬﻢ ﻭﻗﺎﻝ : ﺍﻟﺸﻤﺲ ﻗﻮﻳﻪ ﺍﻟﻴﻮﻡ ..
ﻛﻨﺎﻧﻪ ﻋﺼﺒﺖ : ﻣﻌﻨﺎﻫﺎ ﻛﻠﻴﺘﻪ .. ﻟﻮﺣﺖ ﻋﻠﻴﻪ ﺍﻟﻮﺭﺩ ﻭﺧﺸﺖ .. ﻭﻫﻮ ﻣﻴﺖ ﺑﺎﻟﻀﺤﻚ ...
ﻋﻼﺀ ﺑﻀﺤﻜﻪ : ﺑﺎﻩ ﺷﻦ ﺍﻟﺤﻞ ﺗﻮﺍ 😅
****
ﺍﻫﺎ .. ﺷﻦ ﺭﺍﻳﻜﻦ ﻳﺎﺑﻨﺎﺕ ..
ﺍﻟﻌﺎﻣﻼﺕ : ﻳﻬﺒﻞ .. ﺳﻤﺢ ... ﺣﻠﻮ ﻭﺍﺟﺪ ...
ﻧﻮﺭﺍﻥ : ﺑﺠﺪ ﻭﻻﺗﺠﺎﻣﻠﻦ ﻓﻴﺎ ..
ﺻﻔﺎﺀ : ﻣﺎﻋﻨﺪﻧﺎ ﻋﻠﻴﺶ ﻧﺠﺎﻣﻠﻮﻙ .. ﺗﻮ ﺗﺠﻲ ﺍﻟﺰﺑﻮﻧﻪ ﻭﺗﺤﻘﻲ ﺭﺩﺓ ﻓﻌﻠﻬﺎ ﺑﻌﻴﻮﻧﻚ ..
ﻧﻮﺭﺍﻥ ﺍﺑﺘﺴﻤﺖ ﺑﻔﺮﺡ ﻭﻫﻲ ﺗﺸﻮﻑ ﻟﻠﻘﻔﻄﺎﻥ : ﻳﺎﺭﺏ ﻳﻌﺠﺒﻬﺎ ﻛﻴﻒ ﻣﺎﻋﺠﺒﻜﻦ ..
ﺩﺍﻟﻴﺎ : ﻭﺃﻛﺜﺮ ﺻﺪﻗﻴﻨﻲ ..
ﺍﻧﻔﺘﺢ ﺑﺎﺏ ﺍﻟﻤﺸﻐﻞ ﻭﺧﺸﺖ ﻣﻼﻙ ...
ﻣﻼﻙ : ﻫﺎﺍﺍﺍﻟﻮ .. ﻧﺎﻧﻲ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺍﻫﻼ ﻟﻴﻜﻲ ..
ﻣﻼﻙ ﺷﺒﺤﺖ ﻟﻠﻘﻔﻄﺎﻥ ...
ﻧﻮﺭﺍﻥ : ﺷﻦ ﺭﺍﻳﻚ ..
ﻣﻼﻙ ﻗﻌﺪﺕ ﺗﺘﻔﺤﺺ ﻓﻴﻪ : ﺍﻫﺎ ﻛﻮﻳﺲ ..
ﻧﻮﺭﺍﻥ : ﻣﺶ ﺣﻠﻮ ﻳﻌﻨﻲ ؟ ..
ﻣﻼﻙ : ﻻﻋﺎﺩﻱ ﻳﻌﻨﻲ .. ﺍﻫﺎ ﺣﻠﻮ ﺣﻠﻮ ..
ﻧﻮﺭﺍﻥ : ﻗﻮﻟﻲ ﺭﺍﻳﻚ ﺑﺼﺮﺍﺣﻪ ..
ﻣﻼﻙ : ﺑﺼﺮﺍﺣﻪ ﺗﺼﺎﻣﻴﻤﻚ ﻭﺷﻐﻠﻚ ﻛﻴﻒ ﺑﻌﻀﻪ ﺣﺎﻭﻟﻲ ﺗﺠﺪﺩﻱ ..
ﺻﻔﺎﺀ ﺑﺤﺪﻩ : ﺍﻟﺰﺑﻮﻧﻪ ﻃﻠﺒﺖ ﺍﻟﺘﺼﻤﻴﻢ ﻫﻀﺎ ..
ﻣﻼﻙ ﺷﺒﺤﺘﻠﻬﺎ ﺑﺮﻓﻌﺔ ﺣﺎﺟﺐ : ﺑﺲ ﺃﻏﻠﺐ ﺍﻟﻔﺴﺎﺗﻴﻦ ﻫﻨﺎ ﻧﻔﺲ ﺍﻟﺸﻜﻞ ﻭﻣﻮﺩﻳﻞ ..
ﻧﻮﺭﺍﻥ ﻗﻌﺪﺕ ﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﻘﻔﺎﻃﻴﻦ ﻭﺣﺴﺖ ﺍﻥ ﻛﻼﻡ ﻣﻼﻙ ﺻﺢ ..
ﻧﻮﺭﺍﻥ : ﻋﻨﺪﻙ ﺣﻖ .. ﺗﻮ ﻧﺤﺎﻭﻝ ﻧﻐﻴﺮ ..
ﻣﻼﻙ : ﺍﻧﺎ ﻣﺎﻧﺒﻴﺶ ﻧﻀﺤﻚ ﻋﻠﻴﻚ ﻧﻘﻮﻟﻚ ﺍﻟﺼﺮﺍﺣﻪ ﻭﻫﻀﺎ ﺍﻟﻠﻲ ﻳﻨﻔﻌﻚ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻓﺎﻫﻤﻪ ﻋﻠﻴﻪ ..
ﺭﺟﻌﻮﺍ ﻟﺒﻨﺎﺕ ﻟﺨﺪﻣﺘﻬﻢ ..
ﺩﺍﻟﻴﺎ : ﺍﻟﻤﺨﻠﻮﻓﻪ ﻫﺬﻱ ﻣﺎﻧﺤﺒﻬﺎ ..
ﺭﻗﻴﻪ : ﺣﺘﻰ ﺍﻧﺎ ...
ﻣﻼﻙ : ﻛﻨﻚ ﺍﻟﻴﻮﻡ ﺟﻮﻙ ﻣﺶ ﺣﻠﻮ ..
ﻧﻮﺭﺍﻥ : ﻻﻏﻴﺮ ﻣﺶ ﻋﺎﺭﻓﻪ ﻛﻴﻒ ﻭﻋﻴﺖ ﺍﻟﻴﻮﻡ ﻭﺟﻮﻱ ﻣﻠﺨﺒﻂ ..
ﻣﻼﻙ : ﺳﻜﺮﻙ ﺭﻗﺎ؟
ﻧﻮﺭﺍﻥ ﺷﺒﺤﺘﻠﻬﺎ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻣﻼﻙ : ﺍﺳﻤﻌﻴﻨﻲ ﻣﺎﺗﻌﺪﻟﻴﺶ ﻉ ﺭﺩﺓ ﻓﻌﻞ ﺷﻬﺎﺏ ﺍﻟﺒﺎﺭﺡ ﻫﻮ ﻣﺎﻳﺴﺘﺎﻫﻠﻜﺶ .. ﺍﻧﺘﻲ ﺍﺷﺠﻌﻲ ﻭﻋﺪﻱ ﺍﻓﺘﺤﻲ ﺍﻟﻤﻮﺿﻮﻉ ﻣﻊ ﻋﻤﻚ ﻭﻫﻮ ﻣﺴﺘﺤﻴﻞ ﻳﻀﺎﻳﻘﻚ ﺑﺎﻟﻜﻼﻡ ..
ﻧﻮﺭﺍﻥ ﺗﻨﻬﺪﺕ ﻭﻫﻲ ﺗﺸﺒﺢ ﻟﻠﻘﻔﻄﺎﻥ : ﺇﻥ ﺷﺎﺀ ﺍﻟﻠﻪ ..
ﺍﻧﻔﺘﺢ ﺑﺎﺏ ﺍﻟﻤﺸﻐﻞ ﻭﺧﺶ ﺷﻬﺎﺏ ..
ﻧﻮﺭﺍﻥ ﺑﻀﺤﻜﻪ : ﺷﻴﺒﻮ
ﺷﻬﺎﺏ ﺑﺈﺑﺘﺴﺎﻣﻪ : ﻣﺮﺣﺒﺎ ..
ﺍﻟﻌﺎﻣﻼﺕ 😍😍😍😍:
ﻧﻮﺭﺍﻥ : ﻏﺮﻳﺒﻪ ﺃﻭﻝ ﻣﺮﺓ ﺍﺩﻳﺮﻫﺎ ...
ﺷﻬﺎﺏ ﺑﻀﺤﻜﻪ : ﺟﻌﺎﻥ ﻭﺧﻄﺮ ﻉ ﺑﺎﻟﻲ ﻧﺎﺧﺪ ﺑﻨﺖ ﻋﻤﻲ ﻭﻧﻌﺪﻱ ﻧﺘﻐﺪﺍ ﺍﻧﺎ ﻭﻳﺎﻫﺎ ﺷﻦ ﺭﺍﻳﻚ ..
ﻧﻮﺭﺍﻥ 🍃
ﻣﺘﺄﻛﺪﻩ ﺇﻥ ﻋﻤﻲ ﻫﻮ ﺍﻟﻠﻲ ﻗﺎﻟﻪ .. ﺑﺲ ﺷﻬﺎﺏ ﻳﻌﺰﻧﻲ ﺑﺠﺪ ﻭﻣﺎﻛﺬﺑﺶ ﻋﻠﻴﺎ ﻭﻛﺎﻥ ﺻﺮﻳﺢ ﻣﻦ ﺍﻷﻭﻝ ...
ﻧﻮﺭﺍﻥ ﺍﺑﺘﺴﻤﺖ : ﻭﺍﻧﺎ ﻗﺒﻠﺖ ..
ﺷﻬﺎﺏ ﺑﺈﺑﺘﺴﺎﻣﻪ : Exellant
ﻣﻼﻙ : ﺍﺣﻤﻤﻢ .. ﻭﺍﻧﺎ ﻛﻴﻒ ﻳﺼﻴﺮ ﻓﻴﺎ ..
ﻧﻮﺭﺍﻥ ﺑﻀﺤﻜﻪ : ﺍﻛﻴﺪ ﺣﺘﻌﺪﻱ ﻣﻌﺎﻧﺎ ... ﺷﻮﻳﻪ ﺑﺲ ﺍﺭﺟﻮﻧﻲ .. ﻭﻣﺸﺖ ..
ﻣﻼﻙ ﺗﺸﺒﺢ ﻟﺸﻬﺎﺏ ﻭﻫﻮ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﻟﻴﻦ ﺟﺖ ﻋﻴﻨﻪ ﻓﻌﻴﻨﻬﺎ ﻏﻤﺰﻟﻬﺎ ﻭﻫﻲ ﺍﺑﺘﺴﻤﺖ ...
ﻧﻮﺭﺍﻥ ﺟﺘﻬﻢ : ﻭﺍﺗﻴﻪ ...
ﺷﻬﺎﺏ : ﻫﻴﺎ ..
ﻧﻮﺭﺍﻥ : ﺻﻔﺎﺍﺍﺀ ..
ﺻﻔﺎﺀ ﺑﺈﺑﺘﺴﺎﻣﻪ : ﻣﺎﺗﻮﺻﻴﺶ ﺣﺮﻳﺺ ..
ﺍﺑﺘﺴﻤﺖ ﻧﻮﺭﺍﻥ : ﻧﺠﻚ ﻟﻴﺎ .. ﻭﻃﻠﻌﺖ ﻭﺭﺍ ﺷﻬﺎﺏ ﻭﻣﻼﻙ ...
***
ﻓﻲ ﺍﻟﺴﻴﺎﺭﺓ ..
ﻫﺎﺩﻱ ﺃﺧﺮ ﻣﺮﺓ ...
ﻋﻼﺀ ﺑﻀﺤﻜﻪ : ﻭﻛﺎﻥ ﻋﺎﻭﺩﺗﻬﺎ ﻣﺮﺓ ﺗﺎﻧﻴﻪ ﺷﻦ ﺑﺪﻳﺮﻱ ﺗﺄﺟﻠﻲ ﺍﻟﻌﺮﺱ ..
ﻛﻨﺎﻧﻪ ﺷﺒﺤﺘﻠﻪ ﻧﺺ ﻋﻴﻦ : ﻣﺎﺗﺘﺴﻬﻮﻛﺶ ﻧﺪﻳﺮﻫﺎ ﻋﺎﺩﻱ ..
ﻋﻼﺀ : ﻭﺍﻟﻠﻪ ﻣﺎﺗﻘﺪﺭﻱ ..
ﻛﻨﺎﻧﻪ ﺑﺘﺤﺪﻱ : ﻧﻘﺪﺭ ﻭﻧﻘﺪﺭ ..
ﻋﻼﺀ : ﻫﻬﻬﻬﻬﻬﻬﻬﻪ ... ﻉ ﺍﻟﻠﻲ ﻳﺨﻠﻴﻚ ﺍﺩﻳﺮﻳﻬﺎ
ﻛﻨﺎﻧﻪ ﺍﺑﺘﺴﻤﺖ ﺑﺨﺠﻞ ﻭﺷﺒﺤﺖ ﻟﻠﺮﻭﺷﻦ ..
ﺃﺫﻥ ﺍﻟﻈﻬﺮ ...
ﻗﺮﺏ ﻋﻼﺀ ﺣﺪﺍ ﺍﻟﺠﺎﻣﻊ ﻭﺩﺭﺱ ..
ﻋﻼﺀ : ﻫﻴﺎ ﺣﺒﻲ ﺍﻧﺰﻟﻲ ..
ﻛﻨﺎﻧﻪ ﺗﻠﺨﺒﻄﺘﺖ : ﺍﺣﻤﻢ .. ﻧﺴﻴﺖ ﺍﻟﻤﻼﻳﻪ ﻓﻲ ﺍﻟﻤﺤﻞ ..
ﻋﻼﺀ : ﻓﻲ ﻓﺎﻟﺠﺎﻣﻊ ﺩﺍﺧﻞ ...
ﻛﻨﺎﻧﻪ ﻭﻭﺟﻬﻬﺎ ﻃﻤﺎﻃﻢ : ﻣﺎﻧﺤﺒﺶ ﻧﺼﻠﻲ ﺑﻤﻼﻳﻪ ﻏﻴﺮ ﻣﻼﻳﺘﻲ ..
ﻋﻼﺀ : ﻭﻳﺮﻳﺢ ﻋﻠﻴﻚ ﺍﻟﻮﻗﺖ ﻋﺎﺩﻱ ..
ﻛﻨﺎﻧﻪ ﺑﺘﻤﻮﺕ ﻣﻦ ﺍﻹﺣﺮﺍﺝ : ﺧﻼﺹ ﻋﻼﺀ ﺍﻧﺰﻝ ﺻﻠﻲ .. ﺗﻮ ﻧﻘﻀﻴﻬﺎ ..
ﻋﻼﺀ ﻓﻬﻢ ﺍﺑﺘﺴﻢ ﻭﻧﺰﻝ ...
ﻭﻛﻨﺎﻧﻪ : ﻭﺍﺍﺍﻙ ﻋﻠﻴﺎ ﺍﺳﺘﻴﻌﺎﺑﻪ ﻣﺎﻳﻮﻟﻴﺶ ﺑﻄﻲﺀ ﺇﻻ ﻓﻬﺎﻟﻤﻮﺍﻗﻒ 😳
***
ﻳﺨﺘﻠﺲ ﻓﻲ ﺍﻟﻨﻈﺮ ﻟﻴﻬﻢ ﻭﻫﻤﺎ ﻣﻘﻌﻤﺰﻳﻦ ﺑﻌﻴﺪ ﻋﻨﻪ .. ﻳﺸﺒﺢ ﻓﻴﻪ ﻛﻴﻒ ﺷﺎﺩﻟﻬﺎ ﻳﺪﻫﺎ ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ﻭﻫﻮ ﻭﺍﻟﻌﻪ ﻓﻴﻪ ﺍﻟﻨﺎﺭ ..
ﻟﻴﻪ ﺳﻨﺘﻴﻦ ﻭﻫﻮ ﻋﺎﻳﺶ ﻫﺎﻟﻌﺬﺍﺏ ﻭﻳﺮﺍﺟﻲ ﺍﻣﺘﻰ ﻳﺨﻠﺺ ﻣﻨﻪ ﺍﻣﺘﻰ ﻳﻄﻠﻊ ﻫﺎﻟﺤﺐ ﻣﻦ ﻗﻠﺒﻪ ﺍﻟﻠﻲ ﻋﺬﺑﻪ ﺳﻨﻴﻦ ﻭﺳﻨﻴﻦ ..
ﺍﻣﺎ ﻫﻲ ﻓﻜﺎﻧﺖ ﺗﻀﺤﻚ ﻭﺗﺠﺎﻣﻞ ﻓﻲ ﺭﺍﺟﻠﻬﺎ ﻭﺣﺎﺳﻪ ﺑﻨﻈﺮﺍﺕ ﺣﺒﻴﺒﻬﺎ ﻟﻴﻬﺎ ...
ﻣﺶ ﻫﺎﻳﻦ ﻋﻠﻴﻬﺎ ﻋﺬﺍﺑﻪ .. ﺑﺲ ﺣﺘﻰ ﻫﻲ ﻗﺎﻋﺪﻩ ﺗﺘﻌﺬﺏ .. ﻣﺶ ﺑﻴﺪﻫﺎ ﺍﻟﻠﻲ ﺻﺎﺭ .. ﺑﺲ ﺍﻟﻘﺪﺭ .. ﺍﻟﻈﺮﻭﻑ .. ﻭﻣﻤﻜﻦ ﺍﻟﻨﺼﻴﺐ ﺗﺤﻜﻤﻮﺍ ﻓﻜﻞ ﺷﻲ ..
ﺭﻳﻬﺎﻡ : ﺣﺒﻴﺒﻲ ﻣﺶ ﻻﺯﻡ ﻳﻘﻌﺪ ﻣﻌﺎﻧﺎ ﺍﻛﺮﻡ ﻓﻲ ﻧﻔﺲ ﺍﻟﻤﻜﺎﻥ ..
ﺭﺿﻮﺍﻥ : ﻻﺿﺮﻭﺭﻱ ﻳﻘﻌﺪ ﻣﺎﻧﺴﺘﻐﻨﺎﺵ ﻋﻨﻪ ﻳﺎﺭﻳﻬﺎﻡ ﻭﺍﻧﺘﻲ ﺗﻌﺮﻓﻲ ..
ﺭﻳﻬﺎﻡ : ﺑﺼﺮﺍﺣﻪ ﺍﻧﺎ ﻣﺤﺮﺟﺔ ﺷﻮﻳﻪ ﻣﻦ ﻗﻌﺪﺗﻨﺎ ﻫﻚ ﻣﺼﺎﺩﺭﻩ ..
ﺭﺿﻮﺍﻥ : ﻣﺎﻓﺶ ﻣﺸﻜﻠﻪ ﺗﻮ ﻧﻘﻮﻟﻪ ﻳﻐﻴﺮ ﻣﻜﺎﻧﻪ .. ﺧﺪﻱ ﺗﻠﻴﻔﻮﻧﻪ ﻭﻛﻠﻤﻪ .. ﺍﻳﻮﺍﺍﺍﻩ .. ﺍﻛﺮﻡ ....... ﻏﻴﺮ ﻣﻜﺎﻧﻚ ...... ﺍﻫﺎ ........ ﺗﻤﺎﻡ ﺗﻤﺎﻡ .... ﻭﺻﻜﺮ ..
ﺷﻮﻳﻪ ﻭﺷﺎﻓﺖ ﺍﻛﺮﻡ ﻧﺎﺽ ﻭﻣﺸﻲ ﻛﻠﻢ ﺍﻟﻘﺮﺳﻮﻥ ﻭﻋﻄﺎﻩ ﻃﺎﻭﻟﻪ ﻭﺭﺍﻫﺎ ﻫﻲ ﺑﺶ ﻣﺎﺗﺸﻮﻓﺎﺵ ﻭﻗﻌﻤﺰ ...
ﻭﻫﻲ ﺣﺴﺖ ﺑﺸﻮﻳﻪ ﺭﺍﺣﻪ ﻭﻛﺄﻧﻬﺎ ﺗﺤﺮﺭﺕ ﻣﻦ ﻧﻈﺮﺍﺗﻪ ﺍﻟﻠﻲ ﺗﻮﺟﻊ ﻓﻴﻬﺎ ..
ﻭﻫﻮ ﻳﺪﻋﻲ ﻓﻨﻔﺴﻪ ﻟﺮﺑﻲ ﺍﻧﻪ ﻳﻄﻠﻊ ﻫﺎﻟﺤﺐ ﻣﻦ ﻗﻠﺒﻪ ﻭﻳﺨﻠﺼﻪ ﻣﻨﻪ ...
***
ﺑﻌﺪ ﻛﻢ ﻳﻮﻡ 🍃
ﻣﺎﺷﻴﻪ ﻭﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﻤﻜﺎﻥ ﻭﺗﺴﻤﻊ ﻓﻲ ﻛﻼﻡ ﺍﻟﻤﺴﺆﻭﻝ ﻋﻨﻪ ...
ﺍﺻﻮﺍﺕ ﺍﻵﻻﺕ ﻣﺨﻠﻴﻪ ﻟﻤﻜﺎﻥ ﻳﻌﺞ ﺑﺎﻟﺘﻠﻮﺙ ﺍﻟﺴﻤﻌﻲ ..
ﻛﺎﻧﺖ ﻻﺑﺴﻪ ﻋﺒﺎﻳﻪ ﻭﻭﺷﺎﺡ ... ﻭﺗﺘﻔﺤﺺ ﻓﻲ ﺍﻟﻤﻜﺎﻥ ..
ﺍﻟﻤﺴﺆﻭﻝ : ﻛﻞ ﻭﺍﺣﺪ ﻫﻨﺎ ﻳﺨﺪﻡ ﻓﻲ ﻣﻜﺎﻧﻪ ... ﻣﺎﻓﺶ ﺗﺴﻴﺐ ﻭﻟﻘﻨﻲ ﻭﺩﻕ ﺣﻨﻚ ﻓﻬﻤﺘﻲ ..
ﺳﻼﻑ : ﺍﻫﺎ .. ﻓﻬﻤﺖ ﻋﻠﻴﺶ ﺗﻌﻴﻂ ﻧﺴﻤﻊ ﺍﻧﺎ ﻣﺶ ﻃﺮﺷﻪ ..
ﺍﻟﻤﺴﺆﻭﻝ : ﻟﺴﺎﻧﻚ ﻗﺼﺮﻳﻪ ..
ﺳﻼﻑ : ﺑﺎﻩ ﺑﺎﻩ .. ﻭﺭﻳﻨﻲ ﻭﻳﻦ ﻣﻜﺎﻥ ﺷﻐﻠﻲ ﻭﺭﻳﺤﻨﺎ ..
ﺍﻟﻤﺴﺆﻭﻝ ﻳﺸﺒﺤﻠﻬﺎ ﺑﺈﺯﺩﺭﺍﺀ ﻭﺭﻓﻌﻬﺎ ﻟﻮﺣﺪﻩ ...
ﺍﻟﻤﺴﺆﻭﻝ : ﻓﻮﺯﻳﻪ ﻫﺬﻱ ﻭﺣﺪﻩ ﺟﺪﻳﺪ ﺣﺘﻜﻮﻥ ﺗﺤﺖ ﻳﺪﻙ ﻭﺗﻌﻠﻴﻤﻬﺎ ﻛﻞ ﺷﻲ ..
ﻓﻮﺯﻳﻪ : ﺣﺎﺿﺮ ..
ﺍﻟﻤﺴﺆﻭﻝ : ﺗﺸﻜﻴﻠﻲ ﻣﻨﻚ ﻣﻜﺎﻧﻚ ﺍﻟﺸﺎﺭﻉ .. ﻭﻣﺸﻲ ﻭﺳﻼﻑ ﺗﺸﺒﺤﻠﻪ ﻣﻦ ﻓﻮﻕ ﻟﻠﻮﻃﺎ ..
ﺳﻼﻑ : ﻫﻀﺎ ﻛﻨﻪ .. ﺍﻟﻤﺼﻨﻊ ﻟﺒﺎﺗﻪ ﻭﺍﻧﺎ ﻣﺎﻧﻌﺮﻓﺶ ..
ﻓﻮﺯﻳﻪ ﺑﻀﺤﻜﻪ : ﻫﻮ ﻫﻚ ﻭﻫﺬﻱ ﻭﻇﻴﻔﺘﻪ .. ﻫﻲ ﺗﻌﺎﻟﻲ ﻣﻌﺎﻳﺎ ..
ﺳﻼﻑ ﻣﺸﺖ ﻣﻊ ﻓﻮﺯﻳﻪ ﺧﺸﺖ ﺑﻴﻬﺎ ﻟﻤﻜﺎﻥ ﻭﻋﻄﺘﻬﺎ ﺍﻟﺒﺎﻟﻄﻮ .. ﻭﺍﻟﻘﻼﻓﺰﺍﺕ ..
ﻓﻮﺯﻳﻪ : ﻫﺎﺩﻡ ﺍﻫﻢ ﺷﻲ ﻓﺸﻐﻠﻨﺎ ﻫﻨﺎ .. ﺯﻱ ﻣﺎﺗﺤﻘﻲ ﻗﺪﺍﻣﻚ ﻣﻌﻤﻞ ﻛﺮﻭﺳﺎﻥ " ﺑﺮﻳﻮﺵ " ﻳﻌﻨﻲ ﺍﻟﻨﻈﺎﻓﻪ ﺍﻫﻢ ﺷﻲ ..
ﺳﻼﻑ ﺧﺪﺕ ﺍﻟﺒﺎﻟﻄﻮ ﻭﺍﻟﻘﻼﻓﺰﺍﺕ : ﺗﻤﺎﻡ ..
ﻓﻮﺯﻳﻪ : ﺣﺘﻰ ﻟﻮ ﻛﻨﺘﻲ ﻣﺘﺤﺠﺒﻪ ﺍﻟﺒﺴﻲ ﻫﺬﻱ ".. ﻏﻄﺎ ﻟﻠﺮﺍﺱ .."
ﺧﺪﺍﺗﻪ ﺳﻼﻑ ..
ﻓﻮﺯﻳﻪ : ﺗﺒﻲ ﺗﻜﻤﻠﻲ ﻓﻬﺎﻟﻤﻜﺎﻥ ﺧﻠﻴﻚ ﻣﻨﻀﺒﻄﻪ ﻭﺍﻟﻬﻲ ﺑﺸﻐﻠﻚ ﻭﺑﺲ .. ﻫﻀﺎ ﻣﻌﻤﻞ ﺭﺿﻮﺍﻥ ***** ﻭﻛﻞ ﺷﻲ ﻻﺯﻡ ﻳﻤﺸﻲ ﺑﺎﻟﻘﻮﺍﻧﻴﻦ ..
ﺳﻼﻑ : ﺣﺎﺿﺮ ..
ﻓﻮﺯﻳﻪ : ﻛﻮﻳﺲ .. ﺍﻫﺎ ﻳﺎﺳﻤﺤﻪ ﻣﺎﻗﺘﻠﻴﺶ .. ﺷﻦ ﺍﺳﻤﻚ ..
ﺷﺒﺤﺘﻠﻬﺎ ﺳﻼﻑ ﺑﻀﺤﻜﻪ : ﺍﺳﻤﻲ ﺳﺎﺭﺭﺓ " ﻧﻄﻘﺘﻬﺎ ﺑﺎﻟﺸﺪﻩ ﻉ ﺍﻟﺮﺍﺀ "
ﻓﻮﺯﻳﻪ ﺑﻀﺤﻜﻪ : ﺑﺎﻫﻲ ﻳﺎﺳﺎﺭﺭﺭﺓ ... ﺍﻟﺒﺴﻲ ﺣﺎﺟﺎﺗﻚ ﻭﺗﻌﺎﻟﻲ ﻭﺭﺍﻳﺎ ...
ﺳﻼﻑ ﺑﻀﺤﻜﻪ : ﺣﺎﺍﺍﺍﺍﺍﺍﺿﺮ ...
.... ﻳﺘﺒﻊ
