#مشاعر
ﺍﻟﺠﺰﺀ ﺍﻟﺴﺎﺩﺱ ﻋﺸﺮ 💓💔
للكاتبة GomanFared
ﻓﻲ ﺍﻟﻤﺸﻐﻞ ..
ﻛﺎﻧﺖ ﻻﻫﻴﻪ ﺑﺘﻔﺼﻴﻞ ﻗﻔﻄﺎﻥ ﺟﺪﻳﺪ ﻟﺮﻳﻬﺎﻡ ﻉ ﺧﺎﻃﺮ ﺣﻔﻠﺘﻬﺎ .. ﺑﻨﺎﺕ ﺍﻟﻤﺸﻐﻞ ﻛﺎﻧﻮﺍ ﻗﺎﺭﻧﺎﺕ ﺍﻟﺮﻭﺱ ﻣﻊ ﺑﻌﺾ ﻳﺘﻮﺷﻮﺷﻮﺍ ﻭﻳﺸﺒﺤﻮﻟﻬﺎ ...
ﻧﺎﺿﺖ ﻭﻗﻔﺖ ﻗﻌﺪﻭﺍ ﻣﺮﻛﺰﺍﺕ ﻓﻴﻬﺎ ﻛﻮﻳﺲ ..
ﺍﻟﺘﻔﺘﺖ .. ﺩﺍﺭﻭ ﺍﺭﻭﺍﺣﻬﻢ ﻳﻬﺪﺭﺯﻭﺍ ﺷﺒﺤﺘﻠﻬﻢ ﺑﺈﺳﺘﻐﺮﺍﺏ ﺑﻌﺪﻳﻦ ﻛﻤﻠﺖ ﺷﻐﻠﻬﺎ ﻋﺎﺩﻱ ..
***
ﻓﻲ ﺍﻟﻤﺴﺘﺸﻔﻰ ..
ﻛﺎﻥ ﻳﻜﻤﻞ ﻓﺸﻐﻠﻪ ﻛﺎﻟﻌﺎﺩﻩ .. ﻭﻫﻮ ﻃﺎﻟﻊ ﻣﻦ ﻭﺣﺪﻩ ﻣﻦ ﺍﻟﺤﺠﺮ ﺗﻘﺎﺑﻞ ﻫﻮ ﻭﺩﻛﺘﻮﺭ ﺍﺳﻤﻪ ﺷﺮﻑ ﺍﻟﺪﻳﻦ ..
ﻛﻤﺎﻝ : ﺷﻨﻮ ﺩﻛﺘﻮﺭ ..
ﺷﺮﻑ ﺍﻟﺪﻳﻦ ﺑﺈﺳﺘﻴﺎﺀ : ﺍﻟﺒﻨﻴﻪ ﻣﺮﻳﻀﺔ ﺍﻟﻘﻠﺐ ﺗﻮﻓﺖ ﺍﻟﻴﻮﻡ ..
ﻛﻤﺎﻝ ﺑﺼﺪﻣﻪ : ﺇﻥ ﻟﻠﻪ ﻭﺇﻥ ﺇﻟﻴﻪ ﺭﺍﺟﻌﻮﻥ ...
ﺷﺮﻑ : ﺍﻧﺎ ﺍﻟﻠﻲ ﺩﺭﺕ ﻋﻤﻠﻴﺘﻬﺎ ..
ﻛﻤﺎﻝ : ﻭﻛﺎﻧﺖ ﻧﺎﺟﺤﻪ ..
ﺷﺮﻑ ﺑﻀﻴﻖ : ﺷﻦ ﺍﻟﻠﻲ ﺻﺎﺭ ﻣﺎﻓﻬﻤﺘﺶ ..
ﻛﻤﺎﻝ ﺣﻂ ﻳﺪﻩ ﻉ ﻛﺘﻒ ﺷﺮﻑ : ﻗﻀﺎﺀ ﺍﻟﻠﻪ ﻭﻗﺪﺭﻩ ﻭﻫﺎﺩﺍ ﻣﻜﺘﻮﺑﻬﺎ ﻣﺎﺗﺤﻤﻠﺶ ﺭﻭﺣﻚ ﺍﻟﻤﺴﺆﻭﻟﻴﻪ ﺍﻧﺖ ﺍﻟﻠﻲ ﻋﻠﻴﻚ ﺩﺭﺗﻪ ..
ﺷﺮﻑ ﻫﺰ ﺭﺍﺳﻪ ﺑﺈﻳﺠﺎﺏ : ﻧﺴﺘﺄﺫﻥ ..
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﺍﺧﺘﻔﻲ ﻣﻦ ﻗﺪﺍﻣﻪ ... ﻛﻤﻞ ﻃﺮﻳﻘﻪ ﻭﻫﻮ ﻳﻔﻜﺮ ﻓﻲ ﺣﺎﻟﺔ ﺍﻟﺒﻨﺖ ﺑﻌﺪ ﺍﻟﻌﻤﻠﻴﻪ ﻛﺎﻧﺖ ﻛﻮﻳﺴﻪ ﻛﻴﻒ ﻣﺎﺗﺖ !!. ﺑﻌﺪﻳﻦ ﻗﺎﻝ ﻓﻨﻔﺴﻪ ﻣﻘﺪﺭ ﻭﻣﻜﺘﻮﺏ ..
***
ﻓﻲ ﺍﺣﺪ ﺍﻟﺪﻭﻝ ﺍﻷﻭﺭﻭﺑﻴﻪ
ﺍﻟﺪﻛﺘﻮﺭ : ﻫﻨﺎﻙ ﺗﺤﺴﻦ ﻣﻠﺤﻮﻅ ﻓﻲ ﺣﺎﻟﺘﻬﺎ .. ﺇﻻ ﺍﻧﻬﺎ ﺇﻟﻰ ﺍﻵﻥ ﻟﻢ ﺗﺴﺘﻮﻋﺐ ﻣﻮﺕ ﺧﺎﻃﺒﻬﺎ .. ﻭﺗﻘﻮﻝ ﺑﺄﻧﻬﺎ ﺗﺸﻌﺮ ﺑﻮﺟﻮﺩﻩ ﻋﻠﻰ ﻗﻴﺪ ﺍﻟﺤﻴﺎﺓ ..
ﻣﻨﻴﺮ : ﻭﻣﺎﺫﺍ ﻳﻌﻨﻲ ﻫﺬﺍ؟ ..
ﺍﻟﺪﻛﺘﻮﺭ : ﺗﺤﺘﺎﺝ ﻣﻨﻜﻢ ﺇﻟﻰ ﺍﺣﺘﻮﺍﺋﻬﺎ ﻭﻋﺪﻡ ﺍﻟﻀﻐﻂ ﻋﻠﻴﻬﺎ ﻓﻲ ﻫﺬﺍ ﺍﻷﻣﺮ .. ﺩﻋﻮﻫﺎ ﺗﺴﺘﻮﻋﺐ ﻫﺬﻩ ﺍﻟﺼﺪﻣﻪ ﺍﻟﺘﻲ ﻛﺎﻧﺖ ﻗﻮﻳﺔ ﺟﺪﺍ ﻋﻠﻴﻬﺎ ﻛﻤﺎﻳﺒﺪﻭ ...
ﻣﻨﻴﺮ ﻗﻌﺪ ﻳﻔﻜﺮ " ﻳﻌﻨﻲ ﻟﻮ ﻫﻲ ﻣﺎﺯﺍﻝ ﻣﺶ ﻣﺴﺘﻮﻋﺒﻪ ﺍﻧﻪ ﻣﺎﺕ ﻟﺘﻮﺍ ﻳﺎﻣﻨﻴﺮ ﺗﺒﻴﻠﻚ ﺗﺼﺒﺮ ﻭﻗﺖ ﺍﻃﻮﻝ ﻭﺍﻃﻮﻝ ... ﺗﻨﻬﺪ .."
ﻣﻨﻴﺮ : ﺃﺷﻜﺮﻙ ﺩﻛﺘﺮ .. ﻋﻦ ﺍﺫﻧﻚ .. ﻟﻒ ﻭﻣﺸﻲ ﻭﻃﻠﻊ ﻣﻦ ﺍﻟﻌﻴﺎﺩﺓ ... ﻣﺘﻮﺟﻪ ﻟﻠﻤﻜﺎﻥ ﺍﻟﻠﻲ ﺳﺎﻛﻨﻴﻦ ﻓﻴﻪ ..
....
ﺳﻨﺎﺀ : ﻫﺎﺩﺍ ﺧﻮﻙ ﻳﺎﺣﻨﻪ ..
ﻓﺮﻳﺎﻝ : ﺗﻘﻮﻝ ﻣﺎﺻﺪﻕ ..
ﺳﻨﺎﺀ : ﻫﻮ ﻫﻜﻲ ﻓﻌﻼ .
ﻓﺮﻳﺎﻝ : ﻣﺴﻜﻴﻦ .. ﻳﺎﻗﻌﺎﺩﻩ ﻳﺤﻠﻢ ..
ﺳﻨﺎﺀ : ﻭﻋﻼﺵ ﻳﺎﻟﻼ ... ﺧﻮﻙ ﺷﻦ ﻧﺎﻗﺼﻪ ﻭﻣﺴﺘﻌﺪ ﻳﺼﺮﻑ ﺍﻛﺜﺮ ﻣﻦ ﺍﻟﻠﻲ ﺻﺮﻓﻪ ﻋﻠﻴﻬﺎ ﻭﻟﺪ ﺗﻬﺎﻧﻲ .
ﻓﺮﻳﺎﻝ ﺍﺑﺘﺴﻤﺖ ﺑﺘﻬﻜﻢ : ﻣﺸﻜﻠﺘﻚ ﻳﺎﻣﺎﻣﺎ ﺣﺎﻃﻪ ﻓﺒﺎﻟﻚ ﺍﻥ ﻛﻨﺎﻧﻪ ﻫﻤﻬﺎ ﺍﻟﻔﻠﻮﺱ .. ﻛﻨﺎﻧﻪ ﻳﺎﻣﺎﻣﺎ ﺗﺤﺐ ﻋﻼﺀ ﺑﺠﻨﻮﻥ .. ﺗﻨﻬﺪﺕ .. ﻭﺍﻟﻠﻲ ﻳﺤﺐ ﻋﻼﺀ ﻣﺴﺘﺤﻴﻞ ﻳﻨﺴﺎﻩ .. ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺳﻨﺎﺀ ﺑﺤﺪﻩ؛ ﻳﺎﺑﻨﺖ ﺍﺳﻤﻌﻲ ﺍﻟﻬﻲ ﺑﺮﺍﺟﻠﻚ ﻭﺣﻴﺎﺗﻚ ﺍﻟﺮﺍﺟﻞ ﺷﻜﻲ ﻣﻨﻚ ﻭﻣﻦ ﻣﻌﺎﻣﻠﺘﻚ ..
ﻓﺮﻳﺎﻝ : ﻟﻤﻦ ﺷﻜﻲ؟ !!!
ﺳﻨﺎﺀ : ﻛﻠﻤﻨﻲ ﺍﻧﻲ ... ﻭﻗﺎﻟﻲ ﺍﻟﻠﻲ ﺟﺎﻫﺎ ﺟﺎﻫﺎ .. ﻳﺤﺴﺎﺑﻚ ﺣﺎﻣﻞ ﻭﺗﺘﻮﺣﻤﻲ ﻟﻜﻦ ﺍﻧﺘﻲ ﻻﻙ ﺣﺎﻣﻞ ﻭﻻﺗﺘﻮﺣﻤﻲ ﺷﻦ ﻣﻌﻨﺎﻫﺎ ﺗﺼﺮﻓﺎﺗﻚ ﻣﻌﺎﻩ ..
ﻓﺮﻳﺎﻝ ﻣﻄﺖ ﺷﻮﺍﺭﺑﻬﺎ ﺑﺈﺳﺘﻴﺎﺀ : ﻳﻨﻮﺽ ﻳﺸﻜﻴﻠﻚ ﻣﺼﺢ ﻭﺟﻬﻪ ﻭﺧﻼﺹ ..
ﺳﻨﺎﺀ : ﻣﺎﻻ ﺷﻦ ﺑﻴﺪﻳﺮ ﻳﻄﻠﻘﻚ ﺧﻴﺮ .
ﻓﺮﻳﺎﻝ ﻧﺎﺿﺖ : ﻳﺎﺭﻳﺖ .. ﻭﻣﺸﺖ ﻟﺪﺍﺭﻫﺎ ..
ﺳﻨﺎﺀ ﺑﺼﺪﻣﻪ : ﻳﺎﺍﺍﺭﺑﻲ ﻫﺎﻟﺒﻨﺖ ﻫﺒﻠﺖ ﻭﺑﺘﻬﺒﻠﻨﻲ ﻓﺠﺮﺗﻬﺎ ...
***
ﺑﻌﺪ ﺍﻟﻌﺼﺮ ..
ﺭﻭﺣﺖ ﻧﻮﺭﺍﻥ ﻣﻦ ﺍﻟﻤﺸﻐﻞ .. ﻭﺍﻟﻤﻄﺮ ﺑﺎﺩﻳﻪ ﺗﺒﺸﺒﺶ .. ﺧﺸﺖ ﻃﻮﻝ .. ﻟﻘﺖ ﺷﻬﺎﺏ ﻣﻘﻌﻤﺰ ﻳﺒﺮﺑﺶ ﻓﺘﻠﻴﻔﻮﻧﻪ ..
ﻧﻮﺭﺍﻥ ﺑﻀﺤﻜﻪ : ﻏﺮﻳﺒﻪ ..
ﺷﻬﺎﺏ ﺷﺒﺤﻠﻬﺎ ﻭﺿﺤﻚ : ﺷﻦ ﺍﻟﻐﺮﻳﺐ ..
ﻧﻮﺭﺍﻥ : ﻗﺎﻋﺪ ﻓﻲ ﺍﻟﺤﻮﺵ ..
ﺷﻬﺎﺏ : ﻣﺎﻋﻨﺪﻳﺶ ﺭﻏﺒﻪ ﻧﻄﻠﻊ ..
ﻧﻮﺭﺍﻥ : ﻛﻨﻚ ﻣﺰﺍﺟﻚ ﻣﻠﺨﺒﻂ ..
ﺷﻬﺎﺏ : ﻣﺎﺗﺸﻐﻠﻴﺶ ﺑﺎﻟﻚ .. ﻧﺎﻧﻲ .
ﻧﻮﺭﺍﻥ : ﺷﻦ ..
ﺷﻬﺎﺏ : ﺗﻠﻌﺒﻲ ﺻﻮﻧﻲ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻬﻬﻪ ... ﻛﻢ ﻟﻴﺎ ﻋﻠﻴﻪ ..
ﺷﻬﺎﺏ ﺑﻀﺤﻜﻪ : ﺷﻦ ﺑﺎﻩ ..
ﻧﻮﺭﺍﻥ : ﺍﻣﻤﻢ .. ﺗﻤﺎﻡ ﺭﺑﻊ ﺳﺎﻋﻪ ﻭﻧﺠﻴﻚ ..
ﺷﻬﺎﺏ ﺑﺤﻤﺎﺱ : ﻧﺮﺟﻰ ﻓﻴﻚ ..
ﻧﻮﺭﺍﻥ ﺭﻛﺒﺖ ﻭﻫﻲ ﺗﻀﺤﻚ .. ﻭﻫﻮ ﻣﺸﻲ ﻟﻠﻜﻮﺟﻴﻨﻪ ﻭﺻﺎﻫﻢ ﻳﺪﻳﺮﻭﺍ ﺻﻔﺮﺓ ﻓﻴﻬﺎ ﺷﺒﺴﺎﺕ ﻭﻣﻜﺴﺮﺍﺕ ﺑﺶ ﻳﻜﺴﺪﻭﺍ ﻋﻠﻴﻬﻢ ..
ﺑﺮﺍ ..
ﻛﻴﻒ ﺭﻭﺡ ﺭﺿﻮﺍﻥ ...
ﻧﺰﻟﻮﺍ ﻣﻦ ﺍﻟﺴﻴﺎﺭﺓ ..
ﺭﺿﻮﺍﻥ : ﺍﻛﺮﻡ : ﺍﻟﻠﻴﻠﻪ ﻋﺪﻱ ﻣﻊ ﻫﺎﻣﺎﻥ ﻓﻲ ﺷﻐﻞ ﻣﻬﻢ ﻧﺒﻴﻚ ﺗﻜﻮﻥ ﻣﻌﺎﻩ ﻭﺗﺄﻣﻦ ﺍﻟﻤﻜﺎﻥ ..
ﺍﻛﺮﻡ : ﺗﻢ ...
ﺭﻛﺐ ﺭﺿﻮﺍﻥ ﻭﺧﺶ ﺩﺍﺧﻞ .. ﺍﻣﺎ ﺍﻛﺮﻡ ﺗﻮﺟﻪ ﺟﻬﺔ ﺍﻟﻜﻮﺟﻴﻨﻪ ﻣﻦ ﺑﺮﺍ ... ﻭﺻﻞ ﻓﻴﻬﺎ ..
ﺍﻛﺮﻡ : ﺩﻳﺮﻭﻟﻲ ﻣﺎﻧﺎﻛﻞ ..
ﻧﺒﻮﻳﻪ : ﺣﺎﺿﺮ ..
ﺳﺎﺭﺓ ﺑﻬﻤﺲ : ﺍﻧﺎ ﻣﺎﺩﺧﻠﻴﺶ ﻋﻨﺪﻱ ﻣﺎﺷﺎﻏﻠﻨﻲ ..
ﻧﺒﻮﻳﻪ : ﻗﺪ ﺍﻳﻪ ﺑﺘﺤﺒﻲ ﺍﻟﻤﺸﺎﻛﻞ ..
ﺳﺎﺭﺓ ﺷﻘﻠﺒﺖ ﻋﻴﻮﻧﻬﺎ ﻭﻛﻤﻠﺖ ﺗﺠﻬﻴﺰ ﺻﻔﺮﺓ ﻧﻮﺭﺍﻥ ﻭﺷﻬﺎﺏ ..
ﺍﻛﺮﻡ ﺧﺶ : ﺷﻦ ﺍﻟﻠﻲ ﺩﻳﺮﻱ ﻓﻴﻪ ؟ ..
ﻧﺒﻮﻳﻪ ﺑﻬﻤﺲ : ﺍﺳﺘﻠﻘﻲ .. ﻭﺿﺤﻜﺖ ..
ﺳﺎﺭﺓ ﻃﻨﺸﺖ ..
ﺍﻛﺮﻡ ﺑﺼﻮﺕ ﻋﺎﻟﻲ : ﻧﺪﻭﻱ ﻟﻤﻦ ﺍﻧﺎ ...
ﺳﺎﺭﺓ ﻭﻻﻉ ﺑﺎﻟﻬﺎ ..
ﺍﻛﺮﻡ ﺟﺒﺪ ﻛﺮﺳﻲ ﻭﻗﻌﻤﺰ : ﺗﻤﺎﻡ .. ﻛﻤﻠﻲ ﺍﻟﻠﻲ ﻓﻴﺪﻙ ﻗﺒﻞ ..
ﺍﺑﺘﺴﻤﺖ ﺑﻜﺘﻤﺎﻥ .. ﻭﻗﻌﺪﺕ ﺗﻤﺸﻲ ﻭﺗﺠﻲ ﻉ ﺍﻟﺤﺎﺟﺎﺕ ﻭﺗﺴﺘﻒ ﻭﺗﻮﺗﻲ ﻭﻫﻮ ﻣﻌﺎﻫﺎ ﺑﻌﻴﻮﻧﻪ ... ﻫﻲ ﺣﺴﺖ ﺍﻧﻪ ﻳﺸﺒﺤﻠﻬﺎ ..
ﺍﻣﺎ ﻫﻮ ﻣﺶ ﻗﺎﺩﺭ ﻳﻨﺴﻰ ﺍﻟﻠﻲ ﺷﺎﻓﻪ ﻣﻨﻬﺎ ﺍﻟﻴﻮﻡ ...
ﻛﻤﻠﺖ ﻭﺧﺪﺕ ﺍﻟﺼﻔﺮﺓ ﻭﻃﻠﻌﺖ ﻭﻫﻮ ﻳﺸﻮﻓﻠﻬﺎ ﺑﺈﻋﺠﺎﺏ ..
ﻧﺒﻮﻳﻪ ﺭﻛﺰﺕ ﻋﻠﻴﻪ .. ﺗﻘﺸﺮ ﻓﻲ ﺍﻟﺘﻔﺎﺡ ﻭﺗﺸﺒﺤﻠﻪ ﺑﻀﺤﻜﻪ ..
ﻫﻮ ﺗﻠﻔﺖ ﺷﺎﻓﻬﺎ ..
ﺍﻛﺮﻡ ﻫﺰ ﺭﺍﺳﻪ ﺑﻤﻌﻨﻰ ﺧﻴﺮﻙ ..
ﻫﻲ ﺿﺤﻜﺖ ﻭﻫﺰﺕ ﺭﺍﺳﻬﺎ ﺑﺎﻟﻨﻔﻲ ﺑﻤﻌﻨﻰ ﺷﻲ ﻭﻗﻌﺪﺕ ﺗﻜﻤﻞ ﻓﺸﻐﻠﻬﺎ ..
ﻓﻲ ﺍﻟﺼﺎﻟﻪ ..
ﺣﻄﺖ ﺍﻟﺼﻔﺮﺓ ﻭﻫﻲ ﺗﺸﻮﻑ ﻟﺸﻬﺎﺏ ﻭﻧﻮﺭﺍﻥ ﻛﻴﻒ ﺑﺎﺩﻳﻴﻦ ﻳﻠﻌﺒﻮﺍ ..
ﻧﻮﺭﺍﻥ : ﺻﺒﺮﻙ ﻋﻠﻴﺎ .. ﺭﺍﻧﻲ ﻧﺴﻴﺖ ﻓﻴﻬﺎ ﺣﺎﺟﺎﺕ ﻭﺍﺟﺪ .
ﺷﻬﺎﺏ ﺑﻀﺤﻜﻪ : ﻣﺶ ﻣﺸﻜﻠﻪ ﺗﻮ ﻧﺬﻛﺮﻙ ..
ﻭﺳﺎﺭﻩ ﻣﺘﺤﻤﺴﻪ ﻣﻌﺎﻫﻢ ﺗﺤﺒﻬﺎ ﺍﻟﻠﻌﺒﻪ ﻭﻧﺴﺖ ﺍﻟﻜﻮﺟﻴﻨﻪ ﻭﻣﺎﻳﺠﻲ ﻣﻨﻬﺎ ...
ﺑﺮﺍ ...
ﻛﻤﺎﻝ ﺟﺎﻫﻢ ... ﺭﻥ ﻉ ﺍﻛﺮﻡ ﻭﻃﻠﻌﻠﻪ ..
ﻗﻌﻤﺰﻭﺍ ﺍﻟﺰﻭﺯ ﻳﻬﺪﺭﺯﻭﺍ ...
ﻛﻤﺎﻝ : ﻳﻌﻨﻲ ﺍﻧﺖ ﻣﺎﻟﻜﺶ 5 ﺳﻨﻴﻦ ﻫﻨﻲ ..
ﺍﻛﺮﻡ : ﺍﺧﺮ ﺍﻟﺸﻬﺮ ﻫﻀﺎ ﻧﺴﻜﺮ 5 ﺳﻨﻴﻦ .. ﺍﻧﺖ ﻛﻨﻚ ﻫﺎﻟﻤﺪﺓ ﺍﺳﺌﻠﺘﻚ ﻏﺮﻳﺒﻪ ..
ﻛﻤﺎﻝ ﺑﻀﺤﻜﻪ : ﻋﻨﺪﻱ ﻓﻀﻮﻝ ﻧﻌﺮﻑ ﻫﻠﺒﻪ ﺣﺎﺟﺎﺕ ﻉ ﺍﻟﻨﺎﺱ ﺍﻟﻠﻲ ﻋﺎﻳﺶ ﻣﻌﺎﻫﻢ ..
ﺍﻛﺮﻡ ﺑﻀﺤﻜﻪ : ﺍﻟﻔﻀﻮﻝ ﻣﺶ ﻛﻮﻳﺲ ﺭﻩ ..
ﻛﻤﺎﻝ ﻓﻲ ﺣﺎﺟﺎﺕ ﺩﻭﻥ ﺣﺎﺟﺎﺕ ...
" ﻧﺎﺍﺍﻧﻲ ... ﻧﺎﺍﺍﺍﻧﻲ .. ﻫﻮﻭﻭﻫﻮﻭﻭ ... ﻧﺎﺍﺍﻧﻲ ﻧﺎﺍﺍﻧﻲ ﻫﻮﻭﻭ ﻫﻮﻭﻭ .."
ﻛﻤﺎﻝ ﺑﻀﺤﻜﻪ : ﺷﻨﻮ ﻫﺎﺩﺍ ..
ﺍﻛﺮﻡ : ﻳﺸﺠﻌﻮﺍ ﻓﻨﻮﺭﺍﻥ ...
ﻛﻤﺎﻝ : ﻉ ﺷﻨﻮ؟ !!
ﺍﻛﺮﻡ : ﺗﻠﻌﺐ ﻓﺼﻮﻧﻲ ﻣﻊ ﺷﻬﺎﺏ ..
ﻛﻤﺎﻝ ﺑﻀﺤﻜﻪ : ﻓﻴﻬﺎ ﻣﺸﻜﻠﻪ ﻟﻮ ﺧﺸﻴﺖ ﻭﺷﻔﺖ ..
ﺍﻛﺮﻡ ﺑﻀﺤﻜﻪ : ﻻ ﻳﺎﺳﻴﺪﻱ ﺗﻌﺎﻟﻰ ﻧﺨﺸﻮﺍ ﻣﻊ ﺑﻌﻀﻨﺎ ..
ﺿﺤﻚ ﻛﻤﺎﻝ ﻭﺧﺸﻮﺍ ﺍﻟﺰﻭﺯ ..
ﺭﻳﻬﺎﻡ : ﻫﻬﻬﻬﻬﻬﻪ ... ﺷﻬﺎﺏ ﺣﺮﺍﻡ ﻋﻠﻴﻚ ﺧﻠﻴﻬﺎ ﺗﻔﻮﺯ ..
ﺷﻬﺎﺏ ﺑﻀﺤﻜﻪ : ﻫﻲ ﻗﺎﻟﺖ ﺧﻠﻴﻬﺎ ﻣﻨﺎﻓﺴﻪ ﺣﻘﻴﻘﻴﻪ ..
ﻧﻮﺭﺍﻥ ﺑﺈﺳﺘﻴﺎﺀ : ﺍﻫﺎ .. ﺑﺲ ﻋﺎﺩ ﻣﺶ ﻫﻚ ﻧﺎﺳﻴﺘﻬﺎ ﺑﺎﻟﻤﺮﺓ ..
ﺳﺎﺭﺓ : ﻧﻘﻮﻟﻚ .. ﻭﻗﻔﻮﺍ ﻟﻌﺐ ﻭﺭﻳﻬﺎ ﺷﻦ ﺩﻳﺮ ﻭﺑﻌﺪﻫﺎ ﺍﺑﺪﻭﺍ ﻣﻦ ﺟﺪﻳﺪ ..
ﺭﻳﻬﺎﻡ ﺗﺸﺒﺤﻠﻬﺎ ﻣﻦ ﻓﻮﻕ ﻟﻠﻮﻃﺎ ..
ﺷﻬﺎﺏ : ..OK
ﻭﻗﻔﻮﺍ ..
ﺷﻬﺎﺏ ﺣﺎﻭﻁ ﻧﻮﺭﺍﻥ ﻭﻗﻌﺪ ﻳﻮﺭﻱ ﻓﻴﻬﺎ ﻛﻴﻒ ﺍﺩﻳﺮ .. ﺍﻟﻮﺿﻊ ﻋﻨﺪﻩ ﻋﺎﺩﻱ ﻭﻫﻲ ﻭﺍﺧﺪﻩ ﻋﻠﻴﻪ ﻣﺘﺮﺑﻴﻴﻦ ﻣﻊ ﺑﻌﺾ ..
ﻉ ﺧﺸﺔ ﺍﻛﺮﻡ ﻭﻛﻤﺎﻝ ..
ﻛﻤﺎﻝ ﻟﻤﺎ ﺷﺎﻑ ﺍﻟﻮﺿﻊ ... ﺣﺲ ﺑﻀﻴﻖ ﻣﻔﺎﺟﺊ ... ﻭﺣﺲ ﺭﻭﺣﻪ ﻓﻲ ﻋﺰ ﺍﻟﺼﻘﻊ ﻛﺄﻧﻪ ﺑﺪﻱ ﻳﺴﺨﻦ ... ﻗﻌﺪ ﻳﺸﻮﻓﻠﻬﻢ ﻛﻴﻒ ﻗﺮﺍﺏ ﻫﻠﺒﻪ ﻉ ﺑﻌﺾ .. ﻭﻫﻮ ﺷﺒﻪ ﺣﺎﺿﻨﻬﺎ .. ﺗﻠﻘﺎﺋﻴﺎ ﺣﻮﺍﺟﺒﻪ ﺍﻧﻘﺮﻧﻮﺍ .. ﺣﻂ ﺍﻳﺪﻳﻪ ﻓﻲ ﺟﻴﻮﺑﻪ .. ﻭﺗﻠﻘﺎﺋﻴﺎ ﻛﺬﻟﻚ ﺭﺟﻠﻪ ﻣﻦ ﻟﻮﻃﺎ ﻗﻌﺪﺕ ﺗﻬﺰ ..
ﺷﻬﺎﺏ ﺑﻌﺪ : ﻫﺎ ﺷﻦ ﺗﻮﺍ ...
ﻧﻮﺭﺍﻥ ﺑﻀﺤﻜﻪ : ﺧﻼﺹ ﻛﻮﻳﺲ ..
ﺷﻬﺎﺏ ﺧﺪ ﺯﻭﺯ ﺷﻴﺒﺴﺎﺕ .. ﻛﻠﻲ ﻭﺣﺪﻩ ﻭﻭﻛﻠﻬﺎ ﻭﺣﺪﻩ ..
ﻭﻛﻤﻠﻮﺍ ﻟﻌﺒﻮﺍ ..
ﻛﻤﺎﻝ " ﺧﻴﺮﻧﻲ ﺷﻦ ﺟﺎﻧﻲ .. ﻭﻟﺪ ﻋﻤﻬﺎ ﻭﺯﻱ ﺧﻮﻫﺎ ... ﺍﻳﻪ ﺑﺎﻫﻲ ﻭﺍﻧﺖ ﻣﺎﻟﻚ ﺯﻱ ﺧﻮﻫﺎ ﻭﻻ ﻻ "... ﻗﻌﺪ ﻳﻬﺰ ﻓﻲ ﺭﺍﺳﻪ ﺑﺎﻟﻨﻔﻲ .. ﻭﻛﺎﻧﻪ ﻳﺒﻲ ﻳﻨﻔﺾ ﻫﺎﻷﻓﻜﺎﺭ ﻣﻦ ﺭﺍﺳﻪ ..
" ﻫﻴﻴﻴﻴﻴﻴﻴﻴﻴﻴﻴﻴﻴﻴﻴﻲ .."
ﻧﺎﺿﺖ ﺗﻨﻘﺰ ﻣﻦ ﻓﺮﺣﺘﻬﺎ ... ﻭﺷﻬﺎﺏ ﻳﺸﻮﻓﻠﻬﺎ ﻭﻳﻀﺤﻚ ..
ﺳﺎﺭﻩ : ﺑﺮﻭﻭﻭﺍ ﻋﻠﻴﻚ ..
ﺍﻛﺮﻡ ﻗﺎﻡ ﺣﺎﺟﺒﻪ ﻭﻫﻮ ﻳﺸﻮﻓﻠﻬﺎ ﻭﻳﻀﺤﻚ ..
ﺭﻳﻬﺎﻡ ﺑﻀﺤﻜﻪ : ﺣﻲ ﻋﻠﻴﻚ ﺧﺸﺖ ﺑﻘﻮﺍ ﻟﻠﻤﻼﻋﺐ ..
ﻧﻮﺭﺍﻥ : ﻗﺘﻠﻚ ﻣﺎﻳﻄﻠﻌﻠﻜﺶ ﻣﻌﺎﻳﺎ ﻳﺎﻣﺎ ﻏﻠﺒﺘﻚ ﻓﻴﻬﺎ ...
ﺷﻬﺎﺏ ﻳﻀﺤﻚ ﺷﺪ ﻳﺪﻫﺎ : ﺑﺎﻩ ﻗﻤﻌﺰﻱ ﻫﻴﺎ ﻧﺸﻮﻓﻮﺍ ﻣﻦ ﻳﻀﺤﻚ ﻓﻲ ﺍﻵﺧﺮ ... ﻗﻌﻤﺰﺕ ﻭﻫﻲ ﻣﺘﺤﻤﺴﻪ ﺗﻜﻤﻞ .
" ﻃﺒﻌﺎ ﺍﻟﺼﺎﻟﻪ ﻛﺒﻴﺮﺓ .. ﻭﻛﻤﺎﻝ ﻭﺃﻛﺮﻡ ﻭﺍﻗﻔﻴﻦ ﺑﻌﺪ ﺷﻮﻱ ﻭﺭﺍﻫﻢ ..
ﻭﺍﻟﺒﺎﻗﻲ ﻋﺎﻃﻴﻴﻦ ﺑﺎﻟﻈﻬﺮ ﻣﺎﺷﺎﻓﻮﻫﻤﺶ .."
ﺷﻮﻳﻪ ﻭﺳﺠﻠﺖ ﺍﻟﺘﺎﻧﻲ ..
ﻧﻮﺭﺍﻥ ﻧﺎﺿﺖ ﺗﻨﻘﺰ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﺧﻼﺹ ﺍﺳﺘﺴﻠﻢ ﺗﻤﺘﻠﻚ ...
ﺷﻬﺎﺏ ﻳﻀﺤﻚ ﻭﺧﻼﺹ ..
ﺳﺎﺭﺓ ﺑﻀﺤﻜﻪ : ﻃﻠﻌﺖ ﺣﺮﻳﻔﻪ ..
ﺭﻳﻬﺎﻡ ﺗﻀﺤﻚ .. ﻭﺑﺲ ..
ﻗﻌﻤﺰﺕ . ﻣﻦ ﺟﺪﻳﺪ ...
ﻛﻤﻠﻮﺍ ﻟﻌﺐ ﻭﻛﺎﻥ ﺍﻟﺠﻮ ﺑﻴﻦ ﻧﻮﺭﺍﻥ ﻭﺷﻬﺎﺏ ﺣﻠﻮ ..
ﻛﻤﺎﻝ ﻣﺶ ﻭﺍﺧﺪ ﻋﻠﻴﻬﻢ ﻣﻊ ﺑﻌﺾ .. ﻃﻮﻝ ﻣﺎﻛﺎﻥ ﻭﺍﻗﻒ ﻳﺸﻮﻑ ﺑﺲ ﻣﺎﻋﻠﻘﺶ ﺑﻜﻠﻤﻪ ...
ﺑﻌﺪ ﺗﻢ ﺍﻟﺸﻮﻁ ..
ﻧﻮﺭﺍﻥ : ﻭﻭﻭﻭﻭﻭﻭﻭﻭﻭﻩ ...
ﺷﻬﺎﺏ ﺑﻤﺰﺡ : ﻣﺎﺗﻔﺮﺣﻴﺶ ﺍﻧﺎ ﺳﻤﺤﺘﻠﻚ ﺗﻔﻮﺯﻱ ..
ﻧﻮﺭﺍﻥ : ﻫﻬﻬﻬﻬﻬﻬﻬﻪ ... ﻧﻔﺲ ﺍﻟﻜﻠﻤﻪ ﻛﻨﺖ ﺗﻘﻮﻝ ﻓﻴﻬﺎ ﺯﻣﺎﻥ ..
ﺭﻳﻬﺎﻡ ﺑﻀﺤﻜﻪ : ﺍﻹﻋﺘﺮﺍﻑ ﺑﺎﻟﻬﺰﻳﻤﻪ ﻣﻦ ﺻﻔﺎﺕ ﺍﻟﻜﺒﺎﺭ ..
ﺷﻬﺎﺏ : ﻧﻌﺮﻓﻪ ﺍﻟﺨﻄﺄ ..
ﺭﻳﻬﺎﻡ : ﻫﻬﻬﻬﻬﻬﻪ .. ﺣﺘﻰ ﺍﻟﻬﺰﻳﻤﻪ ..
ﻧﻮﺭﺍﻥ ﻧﺎﺿﺖ : ﺑﻨﻌﺪﻱ ﺷﻮﻳﻪ ﻭﺟﺎﻳﻪ .. ﺣﻄﺖ ﺍﻳﺪﻳﻬﺎ ﻉ ﻛﺘﺎﻑ ﺷﻬﺎﺏ .. ﻭﺟﺎﻳﺘﻚ ﻧﻜﻤﻞ ﻋﻠﻴﻚ ... ﻭﻗﻔﺖ ﻭﻟﻔﺖ ﺑﺘﻤﺸﻲ ﺟﻤﺪﺕ ﻓﻲ ﻣﻜﺎﻧﻬﺎ ..
💙 ﻧﻮﺭﺍﻥ ...
ﺍﻧﺼﺪﻣﺖ ﺑﺲ ﺍﺳﺘﻐﺮﺑﺖ ﻓﻲ ﻧﻔﺲ ﺍﻟﻮﻗﺖ ﻣﻼﻣﺢ ﻭﺟﻬﻪ ﺍﻭﻝ ﻣﺮﺓ ﻧﺸﻮﻓﻬﻦ ﻫﻚ .. ﻛﻴﻒ ﺍﻟﻠﻲ ﻣﻌﺼﺐ .. ﺍﻭ ﻣﻀﺎﻳﻖ .. ﻭﻛﺎﻥ ﻳﺒﺤﺖ ﻓﻴﺎ ﺑﻨﻈﺮﺓ ﺣﺎﺩﻩ ...
ﺭﻳﻬﺎﻡ ﺗﻠﻔﺘﺖ ﺷﺎﻓﺘﻬﻢ ﺑﻌﺪﻫﺎ ﺳﺎﺭﺓ ﻭﺷﻬﺎﺏ ..
ﺭﻳﻬﺎﻡ : ﻛﻨﻜﻢ ﻣﺼﺒﻴﻴﻦ ﺑﻌﻴﺪ ﻗﺮﺑﻮﺍ ..
ﺍﻟﺰﻭﺯ ﻗﺪﻣﻮﺍ ﻣﻊ ﺑﻌﺾ ...
ﻧﻮﺭﺍﻥ ﻛﺎﻧﺖ ﻣﻀﻄﺮﺓ ﺗﻤﺸﻲ ﻟﻠﺤﻤﺎﻡ " ﺣﺎﺷﺎﻛﻢ :" ﻋﻦ ﺍﺫﻧﻜﻢ ...
ﻛﻤﺎﻝ ﺗﺒﻌﻬﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ..
ﺍﻛﺮﻡ : ﻋﻴﺐ ﻓﺤﻘﻚ ﻳﺎﺷﻬﺎﺏ ﺍﻟﻠﻲ ﺭﻳﺘﻪ ..
ﺷﻬﺎﺏ ﺑﻀﺤﻜﻪ : ﺗﺴﺎﻫﻠﺖ ﻣﻌﺎﻫﺎ ﺍﺳﺘﻨﻰ ﺍﻟﺸﻮﻁ ﺍﻟﺘﺎﻧﻲ ..
ﺍﻛﺮﻡ ﺑﻀﺤﻜﻪ : ﻧﺮﺟﻮﺍ ﻭﻧﺸﻮﻓﻮﺍ ﺷﻦ ﻳﻄﻠﻊ ﻣﻨﻚ ..
ﺳﺎﺭﺓ ﺟﺖ ﺑﺘﻤﺸﻲ ..
ﺭﻳﻬﺎﻡ : ﺧﻠﻴﻜﻲ ﻟﺤﻈﻪ ..
ﺳﺎﺭﻩ ﺷﺒﺤﺘﻠﻬﺎ ﺑﺄﺳﺘﻐﺮﺍﺏ ..
ﺭﻳﻬﺎﻡ : ﻃﺒﻌﺎ ﺍﻧﺎ ﻋﻨﺪﻱ ﺣﻔﻠﻪ ﻓﻄﺒﺮﻕ ﺍﺧﺮ ﺍﻟﺸﻬﺮ .. ﻭﺣﺠﺰﺕ ﻓﻴﻬﺎ ﻟﻠﻜﻞ ﺑﻤﺎ ﻓﻴﻬﻢ ﺍﻧﺖ ﻳﺎﻛﻤﺎﻝ .
ﻛﻤﺎﻝ ﺍﺑﺘﺴﻢ : ﺷﻜﺮﺍ .. ﻳﺸﺮﻓﻨﻲ ﻧﺤﻀﺮ ..
ﺍﺑﺘﺴﻤﺖ ﺭﻳﻬﺎﻡ : ﻣﺸﻜﻮﺭ ... ﻭﻃﺒﻌﺎ ﺍﻧﺖ ﺣﺎﺿﺮ ﺑﺪﻭﻥ ﻛﻼﻡ ..
ﺍﻛﺮﻡ ﺍﺑﺘﺴﻢ ﺑﺎﻟﺴﻴﻒ .. ﻭﺳﺎﺭﺓ ﺍﺿﺎﻳﻘﺖ ..
ﺭﻳﻬﺎﻡ : ﻭﻧﺒﻮﻳﻪ ... ﻭﺍﻧﺘﻲ ...
ﺳﺎﺭﺓ ﺷﺒﺤﺘﻠﻬﺎ ..
ﺭﻳﻬﺎﻡ : ﻧﻮﺭﺍﻥ ﻃﻠﺒﺖ ﻣﻨﻲ ﻧﺤﺠﺰﻟﻚ ...
ﺳﺎﺭﺓ ﺣﺴﺘﻬﺎ ﺗﺘﻜﻠﻢ ﺑﻄﺮﻳﻘﻪ ﻣﻬﻴﻨﻪ : ﻻﻣﺸﻜﻮﺭﺓ ﻣﺎﻋﻨﺪﻳﺶ ﺭﻏﺒﻪ ..
ﻛﻤﺎﻝ : ﻋﻼﺵ .. ﺍﻣﺸﻲ ﺳﺎﺭﺓ ﺗﻐﻴﺮﻱ ﺟﻮ .. ﺑﺘﻘﻌﺪﻱ ﺑﺮﻭﺣﻚ؟
ﺭﻳﻬﺎﻡ : ﺧﻠﻴﻬﺎ ﻉ ﺭﺍﺣﺘﻬﺎ ..
ﺳﺎﺭﺓ ﺍﺑﺘﺴﻤﺖ ﺑﺘﻬﻜﻢ : ﺍﻫﺎ ﺧﻠﻴﻨﻲ ﺑﺮﺍﺣﺘﻲ ..
ﺍﻛﺮﻡ : ﻏﺼﺐ ﻋﻨﻚ ﺗﻌﺪﻱ .. ﺗﻘﻌﺪﻱ ﻭﺣﺪﻙ ﻻ .. ﺍﺣﻠﻤﻲ ..
ﺭﻳﻬﺎﻡ ﺗﻨﺮﻓﺰﺕ
ﺳﺎﺭﻩ : ﺑﺘﺎﻛﻠﻨﻲ ﺍﻟﻐﻮﻟﻪ؟ !!
ﺍﻛﺮﻡ ﺑﻌﺼﺒﻴﻪ : ﻣﺎﺗﻜﺜﺮﻳﺶ ﺍﻟﻬﺮﺟﻪ .. ﺑﺘﻌﺪﻱ ﻳﻌﻨﻲ ﺑﺘﻌﺪﻱ .. ﻭﺃﻣﺎ ﻗﺴﻤﺎ ﺑﺮﺏ ﺍﻟﻜﻮﻥ ﻣﺎﻧﻲ ﻣﺘﺤﺮﻙ ﻣﻦ ﻫﻨﺎ .. ﻭﻟﻒ ﻭﻃﻠﻊ ﻭﺧﻼﻫﻢ ﻣﺼﺪﻭﻣﻴﻦ ...
ﻛﻤﺎﻝ ﺑﻀﺤﻜﻪ : ﺳﺎﺭﺓ .. ﺍﻟﺮﺍﺟﻞ ﺣﻠﻒ ..
ﺳﺎﺭﻩ ﺣﺴﺖ ﺑﺎﻷﺣﺮﺍﺝ . ﻭﻭﺟﻬﻬﺎ ﻭﻻ ﺍﺣﻤﺮ .. ﺍﻧﺴﺤﺒﺖ ﻃﻮﻝ ..
ﺷﻬﺎﺏ ﺑﻀﺤﻜﻪ : ﻻ ﻣﺴﺘﺤﻴﻞ .. ﺍﻛﺮﻡ ﻣﻜﺒﺪ ..!!!
ﺗﺠﻤﻌﻮﺍ ﺍﻟﺪﻣﻮﻉ ﻓﻌﻴﻮﻥ ﺭﻳﻬﺎﻡ ..
ﻛﻤﺎﻝ ﺷﺒﺤﻠﻪ ﺑﺤﺪﻩ ﻣﻊ ﺍﺑﺘﺴﺎﻣﺔ ﻣﺠﺎﻣﻠﻪ : ﻫﺎﺩﺍ ﺍﻟﺒﺎﻳﻦ ...
ﺭﻳﻬﺎﻡ : ﺍﺣﻤﻢ .. ﺍﻟﻤﻬﻢ ﺑﻠﻐﺘﻜﻢ ... ﻭﻣﺸﺖ ﻭﺧﻠﺘﻬﻢ ..
ﻉ ﺟﻴﺔ ﻧﻮﺭﺍﻥ ..
ﻧﻮﺭﺍﻥ : ﻭﻳﻦ ﻋﺪﻭﺍ ..
ﺷﻬﺎﺏ : ﺗﻔﺮﻗﻮﺍ ﺑﻔﻌﻞ ﻓﺎﻋﻞ .. ﻫﻬﻬﻬﻪ .. ﻳﻠﻼ ﻧﻜﻤﻠﻮﺍ ..
ﻛﻤﺎﻝ : ﻧﺴﺘﺄﺫﻥ .. ﻟﻒ ﻭﻣﺸﻲ ...
ﻧﻮﺭﺍﻥ ﻣﻌﺎﻫﺎ ﺑﻌﻴﻮﻧﻬﺎ : ﺷﻦ ﺻﺎﺭ ...
ﺷﻬﺎﺏ : ﺧﻠﻴﻚ ﻣﻨﻬﻢ ﻭﻫﻴﺎ ..
ﻧﻮﺭﺍﻥ ﺷﺒﺤﺘﻠﻪ ﻭﺍﺑﺘﺴﻤﺖ : ﻫﻴﺎ ..
ﻭﻛﻤﻠﻮﺍ ﻟﻌﺐ ﻭﺍﻟﻤﻄﺮ ﺑﺪﺕ ﺗﺼﺐ ..
ﻛﻤﺎﻝ ﻃﻠﻊ ﻣﻦ ﺍﻟﻔﻴﻼ ﻭﺗﻮﺟﻪ ﻟﻠﺤﻮﺵ .. ﺣﺲ ﺭﻭﺣﻪ ﻣﻠﺨﺒﻂ ﻫﻠﺒﻪ .. ﻭﺑﺮﻏﻢ ﺍﻟﺼﻘﻊ ﺣﺲ ﺭﻭﺣﻪ ﺳﺎﺧﻦ ... ﻗﻌﺪ ﻳﻤﺸﻲ ﺗﺤﺖ ﺍﻟﻤﻄﺮ ... ﺍﻧﺒﻞ ﻭﻣﺶ ﺣﺎﺱ ﺑﺮﻭﺣﻪ ﺍﻟﺸﻌﻮﺭ ﺍﻟﻠﻲ ﻫﻮ ﻓﻴﻪ ﻣﺎﻳﺒﻴﺶ ﻳﻔﺴﺮﻩ ﻭﻻ ﻳﻔﻜﺮ ﻓﻴﻪ ﺍﻛﺘﻔﻲ ﺍﻧﻪ ﻳﺤﺲ ﺑﻴﻪ ﻭﺧﻼﺹ ...
***
ﻓﻲ ﺍﻟﻠﻴﻞ ..
ﺭﻛﺐ ﺍﻛﺮﻡ ﺍﻟﺴﻴﺎﺭﺓ ﻭﻣﻌﺎﻩ ﺗﻼﺗﻪ ﻣﻦ ﺭﺟﺎﻟﻪ ﻭﻭﺭﺍﻩ ﺳﻴﺎﺭﺓ ﺗﺎﻧﻴﻪ ﻓﻴﻬﺎ 4 ﺗﺎﻧﻴﻴﻦ ..
ﺳﺎﺭﻩ ﺗﺸﺒﺢ ﻣﻦ ﻓﻮﻕ : ﺍﻟﺴﺎﻋﻪ ..12 ﻭﻳﻦ ﻣﺎﺷﻴﻴﻦ؟ ..!! ﻭﺭﺿﻮﺍﻥ ﻣﺶ ﻣﻌﺎﻫﻢ ... ﻣﻌﻘﻮﻟﻪ ﻳﺎﺍﻛﺮﻡ ﺗﻄﻠﻊ ﻣﻌﺎﻩ ﻓﻲ ﺍﻟﺒﻠﻲ ﺍﻟﻠﻲ ﻳﺪﻳﺮ ﻓﻴﻪ ...
ﺗﻨﻬﺪﺕ ﺑﻀﻴﻖ ..
ﻃﺒﻌﺎ ﻛﺎﻧﺖ ﺗﺼﻮﺭ ﻓﻴﻬﻢ ﺑﺎﻟﻜﺎﻣﻴﺮﺍ ...
ﻭﻣﺸﺖ ﻗﻌﻤﺰﺕ ﻉ ﺳﺮﻳﺮﻫﺎ ﻭﻫﻲ ﺗﻔﻜﺮ ..
***
( ﻣﺨﻨﻮﻗﻪ .. ﻣﻬﻤﻮﻣﻪ ... ﻭﺍﻟﻠﻪ ﺗﻤﻨﻴﺖ ﺍﻟﻤﻮﺕ ... ﻣﺎﻟﺤﻘﺘﺶ ﻧﻔﺮﺡ ﺑﻄﻔﻠﻲ ﺍﻟﻠﻲ ﺟﺎ ﻉ ﺍﻟﺪﻧﻴﺎ ﻟﻪ ﺍﺳﺒﻮﻉ .. ﺑﺲ ﻫﺎﻟﻄﻔﻞ ﻓﻲ ﺍﻟﻌﻨﺎﻳﻪ ﺍﻟﻤﺸﺪﺩﻩ .. ﻭﺍﻷﺟﻬﺰﺓ ﻋﺎﻟﻘﻪ ﻓﻴﻪ ... ﻃﻠﻊ ﻋﻨﺪﻩ ﺗﺸﻮﻩ ﻓﻲ ﺃﺣﺸﺎﺋﻪ ﺍﻟﻤﺮﺉ ﻻﺻﻖ ﻓﻲ ﺍﻟﻘﺼﺒﻪ ... ﻣﺴﻜﻮﻩ ﻣﻨﻲ .. ﻭﺑﻴﺪﻳﺮﻭﻟﻪ ﻋﻤﻠﻴﻪ ﺑﻌﺪ ﻳﻮﻣﻴﻦ ... ﻣﻘﻬﻮﺭﺓ ... ﻭﺍﻟﻘﻬﺮﺓ ﻓﻌﻴﻮﻥ ﺳﻔﻴﺎﻥ ﺷﻔﺘﻬﺎ ﺑﺲ ﻛﺎﻥ ﻳﺒﻴﻦ ﻓﺮﻭﺣﻪ ﻗﻮﻱ ﻗﺪﺍﻣﻲ ... ﻛﺎﻥ ﻳﺒﻲ ﻳﻘﻮﻳﻨﻲ ﺍﻧﺎ ... )
ﻻﺣﻆ ﻛﻤﺎﻝ ﺍﺛﺎﺭ ﺑﻠﻞ ﻗﺪﻳﻤﻪ ﻉ ﺍﻟﻮﺭﻗﻪ :. ﺗﻜﺘﺐ ﻭﺗﺒﻜﻲ ..
( ﻋﻤﻲ ﻭﻋﻤﺘﻲ ﺣﺎﻟﻬﻢ ﻣﺶ ﺍﺣﺴﻦ ﻣﻦ ﺣﺎﻟﻨﺎ ... ﻭﺭﺿﻮﺍﻥ ﺍﻟﻌﺮﻳﺲ ... ﻳﻮﻡ ﺯﻓﺘﻪ ﺟﺎﻧﻲ ﻃﻠﻖ ﺍﻟﻮﻻﺩﺓ ... ﻭﺍﺿﺢ ﻋﻠﻴﻪ ﺍﻧﻬﺎ ﻣﺶ ﻓﺎﺭﻗﻪ ﻣﻌﺎﻩ ﻭﺍﻟﻤﺴﻜﻴﻨﻪ ﺍﻟﻠﻲ ﺧﺪﺍﻫﺎ ﺣﺴﺖ ﻗﺪﻣﻬﺎ ﻧﺤﺲ ﻋﻠﻴﻨﺎ .. ﻗﺎﻟﺘﻬﺎ ﻟﻴﺎ ﻭﺟﻌﺘﻨﻲ ﻓﻮﻕ ﻭﺟﻌﻲ ﻭﻗﺘﻠﻬﺎ ﺧﻠﻲ ﻋﻨﻚ ﻛﻼﻡ ﺍﻟﺠﻬﻠﻪ .. ﻫﻀﺎ ﻗﻀﺎﺀ ﻭﻗﺪﺭ ... ﻫﻲ ﻣﻮﺟﻮﻋﻪ ﻉ ﻭﻟﺪﻱ ﺍﻛﺜﺮ ﻣﻦ ﻋﻤﻪ .. ﺍﻟﻠﻲ ﻋﻴﻮﻧﻪ ﻓﻀﺤﻨﻪ .. ﻛﻨﺖ ﻧﺒﺤﺖ ﻓﻴﻪ ﻭﻧﻘﻮﻝ ﻓﻨﻔﺴﻲ ﺍﻓﺮﺡ ﻳﺎﺭﺿﻮﺍﻥ ﺟﺎﺗﻚ ﻉ ﺍﻟﻄﺒﻄﺎﺏ ... ﺍﻧﺎ ﺗﻌﺒﺎﻧﻪ ﺑﺎﻟﺤﻴﻞ ﺑﺎﻟﺤﻴﻞ ... ﻋﻴﻠﻲ ﺍﻟﻠﻲ ﺗﻤﻴﺖ 9 ﺷﻬﻮﺭ ﻧﺮﺟﻰ ﻓﻲ ﺟﻴﺘﻪ .. ﺟﺎ .. ﻻﻗﺪﺭﺕ ﻧﻀﻤﻪ ﻭﻻﻧﺸﻤﻪ ﻭﻻﻧﺤﻖ ﺷﻲ ﻣﻦ ﻣﻼﻣﺤﻪ ﻧﺤﻖ ﻓﻴﻪ ﻣﻦ ﺑﻌﻴﺪ ﺩﻗﺎﻳﻖ ... ) ﻭﻗﻔﺖ ﻟﻌﻨﺪ ﻫﻨﻲ .
ﻛﻤﺎﻝ ﻛﺎﻥ ﻣﺘﺄﺛﺮ ﻫﻠﺒﻪ .. ﻗﻠﺐ ﺍﻟﺼﻔﺤﻪ ... ﻟﻘﻲ ﻣﻜﺘﻮﺏ ﻓﻴﻪ ﺁﻳﻪ ﺑﺨﻂ ﺣﻠﻮ ﻫﻠﺒﻪ ( ﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎ ﻭﻳﺠﻌﻞ ﺍﻟﻠﻪ ﻓﻴﻪ ﺧﻴﺮﺍ ﻛﺜﻴﺮﺍ ) ..
ﺍﻟﺼﻔﺤﻪ ﺍﻟﻠﻲ ﻣﻘﺎﺑﻠﺘﻬﺎ ﻣﻜﺘﻮﺏ ﻓﻴﻬﺎ ﺟﻤﻠﻪ ﻭﺣﺪﻩ ( ﺭﺩﻟﻲ ﺍﺑﻨﻲ ﻳﺎﺍﻟﻠﻪ ﻛﻤﺎ ﺭﺩﺩﺕ ﻣﻮﺳﻰ ﻷﻣﻪ .. ﻭﻳﻮﺳﻒ ﻟﻴﻌﻘﻮﺏ ... )
ﻛﻤﺎﻝ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ...
***
ﻛﺎﻥ ﻓﻲ ﺍﻟﺼﺎﻟﻪ ﻳﻤﺸﻲ ﻭﻳﺠﻲ ﻭﻳﺮﺍﺟﻲ ﻓﻲ ﺍﺗﺼﺎﻝ ﻣﻬﻢ ... ﺭﻥ ﺗﻠﻴﻔﻮﻧﻪ ﺭﺩ ..
ﺭﺿﻮﺍﻥ : ﻫﺎ ﻳﺎﻫﺎﻣﺎﻥ ..
ﻫﺎﻣﺎﻥ : ﻛﻠﻪ ﺗﻤﺎﻡ .. ﺑﺲ ﻧﺒﻲ ﻧﻔﻬﻢ .. ﻟﻌﻨﺪ ﺍﻣﺘﻰ ﺑﺘﻘﻌﺪ ﻣﻔﻬﻢ ﺍﻛﺮﻡ ﺍﻥ ﺍﻟﻠﻲ ﻳﺠﻲ ﻣﻊ ﺍﻟﻤﻴﻨﺎﺀ ﺍﻵﻻﺕ ﻟﻠﻤﺼﺎﻧﻊ .
ﺭﺿﻮﺍﻥ : ﻟﻌﻨﺪ ﻳﻜﺴﺐ ﺛﻘﺘﻲ ..
ﻫﺎﻣﺎﻥ : ﻫﻬﻬﻬﻪ .. ﻉ ﺑﺎﺍﻟﻚ ﻣﺎﺷﻴﻪ ﻋﻠﻴﻪ ... ﺍﻵﻻﺕ ﻣﺎﻳﻮﺻﻠﻦ ﻏﻴﺮ ﻓﻲ ﺍﻟﻠﻴﻞ .. ﺍﻛﺮﻡ ﻛﺎﻥ ﻫﻮ ﺑﻬﺎﻟﻐﺒﺎﺀ ﻫﻀﺎ ﻣﺎﻓﺶ ﺩﺍﻋﻲ ﺩﺧﻠﻪ ﻣﻌﺎﻧﺎ ..
ﺭﺿﻮﺍﻥ ﺍﺑﺘﺴﻢ : ﻫﻚ ﻭﻻﻫﻚ ﺭﻗﺒﺘﻪ ﻓﻴﺪﻱ ..
ﻫﺎﻣﺎﻥ : ﻣﺎﺳﻚ ﻋﻠﻴﻪ ﺷﻲ ..
ﺭﺿﻮﺍﻥ : ﺍﻫﺎ .. ﺻﻮﺕ ﻭﺻﻮﺭﻩ ..
ﻫﺎﻣﺎﻥ : ﻭﻣﺪﺭﻗﻬﺎ ﻋﻠﻴﺎ ﻳﺎﻗﻴﺼﺮ !!
ﺭﺿﻮﺍﻥ : ﻧﺸﻮﻓﻚ ﺑﻜﺮﺍ ﻭﻧﺪﻭﻳﻠﻚ ﺍﻛﺜﺮ ... ﻋﺪﻱ ﺗﻮﺍ .. ﻭﺻﻜﺮ ﻋﻠﻴﻪ ..
ﺭﺿﻮﺍﻥ ﺧﺪﻱ ﻧﻔﺲ ﻭﺗﻠﻔﺖ ..
ﺭﻳﻬﺎﻡ : ﺣﺒﻴﺒﻲ ﺵ ﺍﺩﻳﺮ ﻫﻨﺎ ..
ﺭﺿﻮﺍﻥ ﺿﺤﻚ ﺑﺮﺑﻜﻪ : ﻣﻦ ﺍﻣﺘﻰ ﺍﻧﺘﻲ ﻫﻨﺎ ..
ﺭﻳﻬﺎﻡ : ﺗﻮﺍ ﺑﺲ ﺟﻴﺖ ﻳﺎﻗﻠﺒﻲ .. ﺷﻦ ﺍﺩﻳﺮ ﻫﻨﺎ ﻭﻣﻜﺎﻟﻤﺎﺍﺕ ﺍﺧﺮ ﺍﻟﻠﻴﻞ .. ﻭﺍﺭﺗﺒﻜﺖ ﻟﻤﺎ ﺷﻔﺘﻨﻲ .. ﺭﺿﻮﺍﺍﺍﻥ !!!
ﺭﺿﻮﺍﻥ ﺿﺤﻚ ﻭﻗﺪﻣﻠﻬﺎ : ﻳﺎﻋﻤﺮﻱ ﺍﻧﺘﻲ ﻭﺣﻴﺎﺗﻚ ﺍﻟﻠﻲ ﻣﺎﻋﻨﺪﻱ ﺃﻏﻠﻰ ﻣﻨﻬﺎ ﻣﺎﻓﻲ ﻏﻴﺮﻙ ﻓﻘﻠﺒﻲ ..
ﺭﻳﻬﺎﻡ ﺑﺪﻟﻊ ؛ ﻭﺍﻧﺎ ﺑﻨﺼﺪﻗﻚ ﺗﻮﺍ .!!
ﺭﺿﻮﺍﻥ ﺷﺪﻫﺎ ﻣﻦ ﺧﺼﺮﻫﺎ : ﻳﺎﻫﺒﻠﻪ ﻭﺍﻟﻠﻪ ﻋﻴﻮﻧﻲ ﻣﺎﻳﺤﻘﻦ ﻓﻐﻴﺮﻙ .. ﺩﻓﺎﺗﻪ ﻭﻣﺸﺖ .. ﻭﻫﻮ ﺿﺤﻚ ﻭﻟﺤﻘﻬﺎ ...
***
" ﺑﺪﺃﺕ ﺗﻈﻬﺮ ﺑﻌﺾ ﺍﻟﻤﻼﻣﺢ ﻟﻠﻨﺼﻒ ﺍﻟﻤﻈﻠﻢ ﻣﻦ ﺍﻟﺤﻴﺎﺓ ﺍﻟﺬﻱ ﻳﻌﻴﺸﻪ ﺭﺟﻞ ﺍﻷﻋﻤﺎﻝ ﺍﻟﻤﺸﻬﻮﺭ ﺭﺿﻮﺍﻥ ..***** ﻓﻤﺎ ﻋﻠﻤﺘﻪ ﻋﻨﻪ ﻭﻣﺎﺗﻠﻘﻴﺖ ﻣﻦ ﻣﻌﻠﻮﻣﺎﺕ ﻣﻦ ﺗﺤﻘﻴﻖ ﺳﺎﺑﻖ ﻛﺎﻥ ﻗﺪ ﺑﺪﺃ ﺑﻪ ﺯﻣﻴﻞ ﻟﻲ ﻭﺃﻭﻛﻠﻨﻲ ﺑﺈﻛﻤﺎﻟﻪ .. ﺍﻥ ﺭﺿﻮﺍﻥ *** ﻣﺼﺪﺭ ﺛﺮﻭﺗﻪ .. ﻣﻦ ﺍﻋﻤﺎﻝ ﻏﻴﺮ ﻗﺎﻧﻮﻧﻴﻪ ﻛﺎﻥ ﻗﺪ ﺑﺪﺃ ﺑﻴﻬﺎ ﻣﻨﺬ 27 ﺳﻨﻪ ﻣﻀﺖ ..
ﺗﻀﻤﻨﺖ ﺍﻟﺘﻬﺮﻳﺐ .. ﻭﺗﺠﺎﺭﻩ ﺍﻵﺛﺎﺭ .. ﻭﻣﻦ ﺛﻢ ﺍﻟﺴﻼﺡ ... ﺇﻟﻰ ﺍﻥ ﻭﺻﻞ ﻓﻲ ﺍﻹﺗﺠﺎﺭ ﺑﺎﻷﻋﻀﺎﺀ ﺍﻟﺒﺸﺮﻳﻪ .. ﺍﻻﻣﺮ ﺍﻟﺬﻱ ﻟﻢ ﻳﺜﺒﺖ ﻋﻨﻪ ﺑﻌﺪ .. ﻏﻴﺮ ﺍﻥ ﻣﺎﺃﻧﺎ ﻭﺍﺛﻘﺔ ﺑﻪ ﺍﻥ ﻫﻨﺎﻙ ﻣﻨﻈﻤﺔ ﻛﺒﻴﺮﺓ ﺗﻌﻤﻞ ﻉ ﻧﻄﺎﻕ ﻭﺍﺳﻊ ﻓﻲ ﺍﻟﺒﻼﺩ ﻛﺎﻣﻠﻪ .. ﻫﻮ ﻣﻦ ﺃﺳﺴﻬﺎ ﻭﻣﻦ ﻳﺪﻳﺮﻫﺎ .."
ﻃﻠﻘﺖ ﺍﻟﺒﻴﺮﻭ .. ﻭﺗﺄﻓﻔﺖ ﻭﻭﺧﺮﺕ ﺷﻌﺮﻫﺎ ﺑﺄﻳﺪﻳﻬﺎ ﻟﻠﻮﺭﺍﺀ .. ﻭﺗﻔﻜﺮ ﻓﻲ ﺍﻛﺮﻡ ﻭﺑﺲ .. ﻣﺎﻳﺒﺎﻧﺶ ﻋﻠﻴﻪ ﺑﻜﻞ ﺍﻧﻪ ﺷﺨﺺ ﻣﺶ ﻧﻈﻴﻒ ..
ﻣﻌﻘﻮﻟﻪ ﻳﻜﻮﻥ ﻣﻤﺜﻞ ﻟﻬﺎﻟﺤﺪ ﻭﻳﺘﻘﻦ ﺍﻟﺘﻤﻮﻳﻪ ﺯﻱ ﺍﻟﺮﺍﺟﻞ ﺍﻟﻠﻲ ﻳﺨﺪﻡ ﻋﻨﺪﻩ .. ؟ !!
ﺳﻤﻌﺖ ﺻﻮﺕ ﺑﺎﺏ ﻳﻨﻔﺘﺢ ﻣﺸﺖ ﻃﻮﻝ ﻭﻗﻔﺖ ﻓﻲ ﺍﻟﺮﻭﺷﻦ ﺷﺎﻓﺖ ﺍﺍﻟﺴﻴﺎﺭﺗﻴﻦ ﻧﻔﺴﻬﻢ ﺧﺸﻮﺍ ﺷﺎﻓﺖ ﺍﻟﺴﺎﻋﻪ ﻟﻘﺘﻬﺎ 2 ﺃﻻ ﺭﺑﻊ ..
ﺷﺒﺤﺘﻬﻢ ﻛﻠﻬﻢ ﻧﺎﺯﻟﻴﻦ ﻣﻦ ﺍﻟﺴﻴﺎﺭﺓ .. ﻭﺧﺮﺕ ﺧﺪﺕ ﺍﻟﻜﺎﻣﻴﺮﺍ ﻭﺍﺩﺭﻗﺖ ﻭﺑﺪﺕ ﺗﺼﻮﺭ ﻓﻲ ﺍﻛﺮﻡ ﻭﺭﺿﻮﺍﻥ ﺍﻟﻠﻲ ﻃﻠﻌﻠﻪ ﻃﻮﻝ .. ﺗﻜﻠﻤﻮﺍ ﺷﻮﻳﻪ ﻭﻫﻲ ﺗﺎﺧﺪﻟﻬﻢ ﻓﻲ ﺍﻟﺼﻮﺭ .. ﻭﺑﻌﺪﻫﺎ ﺭﺿﻮﺍﻥ ﺧﺶ ﻭﺍﻛﺮﻡ ﺗﻮﺟﻪ ﻟﻠﻤﻠﺤﻖ ﺷﺒﺢ ﻟﺮﻭﺷﻨﻬﺎ ﻫﻲ ﺍﺩﺭﻗﺖ ... ﺷﺎﻓﺘﻠﻪ ﻣﻦ ﺟﺪﻳﺪ ﻟﻘﺎﺗﻪ ﺍﺧﺘﻔﻲ .. ﺗﻨﻬﺪﺕ ﺑﻀﻴﻖ ﻭﻣﺸﺖ ﻟﺴﺮﻳﺮﻫﺎ ...
***
( ﻣﺮﻥ 5 ﺍﻳﺎﻡ ﻉ ﺍﻟﻌﻤﻠﻴﻪ ﺍﻟﻠﻲ ﺍﺟﺮﻭﻫﺎ ﻟﻮﻟﺪﻱ ... ﺍﺻﺮﻳﺖ ﺍﻟﻴﻮﻡ ﻧﺸﻮﻓﻪ .. ﺑﺮﻏﻢ ﺍﻥ ﺳﻔﻴﺎﻥ ﻛﺎﻥ ﻣﻌﺎﺭﺽ ﻭﺍﺟﺪ .. ﺧﺎﻳﻒ ﻋﻠﻴﺎ ﻣﻦ ﺷﻮﻓﺘﻪ ﺑﻬﺎﻟﺤﺎﻟﻪ ... ﺷﻔﺘﻪ ﻭﻗﻠﺒﻲ ﺗﻘﻄﻊ ﻋﻠﻴﻪ .. ﻃﻔﻞ ﻣﺎﺗﻤﺶ ﺍﻟﺸﻬﺮ ... ﺗﻌﺮﺽ ﻟﻬﺎﻟﺸﻲ ﻛﻠﻪ .. ﻟﻤﺎ ﺟﺖ ﻋﻴﻨﻲ ﻉ ﺟﻨﺒﻪ ﺍﻟﻤﺨﻴﻂ ﻣﻦ ﺍﻟﻌﻤﻠﻴﻪ ... ﻋﻘﻠﻲ ﻣﻌﺎﺵ ﺣﻤﻞ .. ﺑﺪﻳﺖ ﻧﺒﻜﻲ ﺑﻬﻴﺴﺘﺮﻳﺎ ﺑﻌﺪﻫﺎ ﺗﻤﻴﺖ ﻧﺼﺮﺥ ﺑﺼﻮﺕ ﻋﺎﻟﻲ ﺳﻔﻴﺎﻥ ﺣﻀﻨﻲ ﺑﻘﻮﺓ ﻭﻃﻠﻌﻨﻲ ﻣﻦ ﺍﻟﻤﺴﺘﺸﻔﻰ ﻭﺭﺩ ﺑﻴﺎ ﻫﻨﺎ ﻭﺍﻧﺎ ﻣﺎﻭﻗﻔﺘﺶ ﺑﻜﺎ ﻭﺻﺮﺍﺥ .. ﻣﺎﺗﻮﻗﻌﺘﺶ ﻧﻨﻬﺎﺭ ﺑﻬﺎﻟﺸﻜﻞ ... ﺑﻜﻴﺖ ﻟﻌﻨﺪ ﺑﻄﻠﺖ ﻭﺭﻗﺪﺕ ... ﻭﻟﻤﺎ ﻓﻘﺖ ﻛﺎﻥ ﺳﻔﻴﺎﻥ ﻳﺎﻻﻳﺎ ﻳﻘﺮﺍ ﻋﻠﻴﺎ ﻟﻤﺎ ﺣﻘﻨﻲ ﻓﻘﺖ ﺣﻀﻨﻲ ﺣﻀﻦ ﻗﻮﻱ .. ﻭﻗﺎﻝ )
ﻓﻼﺵ ﺑﺎﻙ ..
ﺳﻔﻴﺎﻥ : ﺧﻠﻲ ﻋﻨﺪﻙ ﺛﻘﺔ ﺑﺎﻟﻠﻪ .. ﺣﻴﻨﺠﻴﻪ ﻟﻨﺎ ﺣﻨﻜﺒﺮﻭﻩ ﻭﻧﺤﻘﻮﻩ ﺭﺍﺟﻞ .. ﻳﺸﻴﻞ ﻋﻦ ﺑﺎﺗﻪ ﺍﻟﺤﻤﻞ .. ﻭﻳﻜﻮﻥ ﻷﻣﻪ ﺭﺍﺟﻠﻬﺎ ﺍﻟﺘﺎﻧﻲ .. ﺑﺲ ﻋﺎﺩ . ﻣﻦ ﺗﻮﺍ .. ﺩﻳﺮﻱ ﺑﺎﻟﻚ ﻳﺎﺧﺪ ﻣﻜﺎﻧﻲ ﺑﻌﺪﻳﻦ ﻣﺎﻳﺼﻴﺮﺵ ﻃﻴﺐ ..
( ﺿﺤﻜﺖ ﻣﻦ ﺑﻴﻦ ﺩﻣﻮﻋﻲ .. ﺑﻌﺪﻫﺎ ﺻﺒﺎ ﻭﺷﺎﻟﻨﻲ ﺑﻴﻦ ﺍﻳﺪﻳﻪ ﺍﻧﺎ ﻣﺤﺮﺟﻪ ﻭﺍﺟﺪ ﻭﻧﻀﺤﻚ .. ﻃﻠﻌﻨﻲ ﻣﻦ ﺍﻟﺪﺍﺭ ﻭﻋﺪﺍ ﺑﻴﺎ ﻟﺪﺍﺭ ﺍﻟﺒﻴﺎﻧﻮ ﻃﻮﻝ ﺍﻟﻮﻗﺖ ﻧﺪﻋﻲ ﻣﺎﻧﻘﺎﺑﻠﻮﺍ ﻋﻤﻲ ﻭﻻﻋﻤﺘﻲ ﻭﻧﺤﻨﺎ ﻧﺎﺯﻟﻴﻦ ﺗﺤﺖ .. ﻭﺻﻠﻨﺎ ... ﻭﻗﺘﻬﺎ ﻗﻌﻤﺰﻧﻲ ﻉ ﻛﺮﺍﻋﻪ ﻭﺑﺪﺍ ﻳﻌﺰﻑ ﺑﻴﺪﻩ ﺍﻟﻴﺴﺎﺭ ﺑﺲ .. ﻭﺿﺎﻣﻨﻲ ﺑﻴﺪﻩ ﺍﻟﻴﻤﻴﻦ ﻭﺍﻧﺎ ﺣﺎﻃﻪ ﺭﺍﺳﻲ ﻉ ﻛﺘﻔﻪ .. ﻋﺰﻓﻪ ﻛﺎﻥ ﺣﻠﻮ ﻭﻫﺎﺩﻱ .. ﻓﺠﺄﺓ ﻭﻗﻒ ﻭﺳﺄﻟﻨﻲ )
ﺳﻔﻴﺎﻥ : ﻣﺎﻓﺶ ﺍﺳﻢ ﻓﺒﺎﻟﻚ ﻟﻮﻟﺪﻧﺎ ..
ﺍﺑﺘﺴﻤﺖ ﺑﺄﻟﻢ : ﻛﺎﻥ ﻓﻲ ﻛﺬﺍ ﺳﻢ ..
ﺳﻔﻴﺎﻥ : ﻗﻮﻟﻴﻬﻦ ..
ﺍﻟﺸﻴﻤﺎﺀ : ﺫﻭ ﺍﻟﻔﻘﺎﺭ ... ﻗﺘﻴﺒﻪ .. ﺗﻤﻴﻢ .. ﻗﺘﺎﺩﻩ
ﺳﻔﻴﺎﻥ : ﻫﻬﻬﻬﻬﻬﻬﻬﻬﻬﻪ ﻫﺬﻳﻨﺎ ﻛﺘﺐ ﺍﻟﺘﺎﺭﻳﺦ ﺍﻟﻠﻲ ﺗﻘﺮﻱ ﻓﻴﻬﻦ ..
ﺍﻟﺸﻴﻤﺎﺀ ﺑﻀﺤﻜﻪ : ﺍﺳﻤﺎﺀ ﺣﻠﻮﺓ ﺑﺲ ﺗﻮﺍ ﻗﺮﺭﺕ ﺑﻌﺪ ﻳﻄﻠﻊ ﺑﺎﻟﺴﻼﺍﻣﻪ ﻳﺴﻤﻴﻪ ﻋﻤﻲ .. ﻉ ﻗﺪ ﻣﺎﺗﺄﺛﺮ ﻭﺍﺟﺪ ﻋﻠﻴﻪ ﺍﻭﻝ ﺣﻔﻴﺪ . ﻟﻪ ﻭﻛﺎﻥ ﻳﺮﺟﻰ ﻓﻴﻪ ﺍﻛﺜﺮ ﻣﻨﻲ ..
ﺳﻔﻴﺎﻥ ﺑﺎﺳﻬﺎ ﻣﻦ ﺧﺪﻫﺎ : ﺍﻟﻠﻲ ﺗﺒﻴﻬﺎ ﺗﺼﻴﺮ ..
( ﺣﻀﻨﺘﻪ ﻭﺍﻧﺎ ﻣﺶ ﻋﺎﺭﻓﻪ ﻟﻮﻻ ﻭﺟﻮﺩﻩ ﺟﻨﺒﻲ ﺷﻦ ﻛﺎﻥ ﺻﺎﺭ ﻓﻴﺎ .
ﻧﺤﺒﻪ .. ﻧﻌﺸﻘﻪ .. ﻭﻧﺘﻤﻨﻰ ﻣﻦ ﺭﺑﻲ ﺍﻟﻠﻲ ﺭﺯﻗﻨﻲ ﺑﻴﻪ ﻳﺠﻌﻠﻨﺎ ﺩﻳﻤﺎ ﻣﻊ ﺑﻌﻀﻨﺎ ﻓﻲ ﺣﻴﺎﺓﻭﻻﻣﻮﺕ )
ﺳﻔﻴﺎﻥ : ﺑﻼﺵ ﺩﻣﻮﻉ ﻳﺎﻋﻤﺮﻱ ﺧﻼﺹ .. ﺻﺪﻗﻴﻨﻲ ﻭﻟﺪﻧﺎ ﺣﻴﺮﺩﻟﻨﺎ ﻭﺣﻴﻘﻌﻤﺰ ﻫﻨﺎ ﻣﻜﺎﻧﻲ ﻭﻳﻌﺰﻑ ﻉ ﺍﻟﺒﻴﺎﻧﻮ ﻫﻀﺎ .. ﺭﻩ ﺍﻟﺒﻴﺎﻧﻮ ﻫﻀﺎ ﻏﺎﻟﻲ ﻭﺍﺟﺪ .. ﻭﺣﻴﻜﻮﻥ ﻟﻪ ﻫﻮ ..
( ﺿﺤﻜﺖ ﻉ ﻛﻼﻣﻪ ﻭﺍﻧﺎ ﻧﺘﺨﺎﻳﻞ ﻟﻮ ﻳﺼﻴﺮ ﻭﻛﻠﻲ ﺃﻣﻞ ﺍﻧﻪ ﻳﺼﻴﺮ ﻳﻮﻡ ﻣﻦ ﺍﻷﻳﺎﻡ .. ) ...
ﻛﻤﺎﻝ ﻣﺎﻛﺎﻧﺶ ﻗﺎﺩﺭ ﻳﺮﻗﺪ ﻛﺎﻥ ﻳﺒﻲ ﻳﻌﺮﻑ ﺷﻦ ﺑﻴﺼﻴﺮ ..
ﻗﻠﺐ ﺍﻟﺼﻔﺤﻪ ﻟﻘﻲ ﻣﻜﺘﻮﺏ ﻓﻴﻬﺎ ﺍﻗﻞ ﻣﻦ ﺳﻄﺮﻳﻦ ..
( ﺍﻟﻴﻮﻡ ﻭﻟﺪﻱ ﻳﺘﻢ 40 ﻳﻮﻡ 40.. ﻳﻮﻡ ﻭﻫﻮ ﻓﻲ ﺍﻟﻤﺴﺘﺸﻔﻰ ﺣﺘﻰ ﻣﻼﻣﺤﻪ ﻣﺎﺷﻔﻨﺎﻫﻦ .. ﻭﺍﺧﻴﺮﺍ ﺑﻜﺮﺍ ﺣﻴﻄﻠﻊ ﻭﻧﺸﻮﻓﻪ ﻭﻧﺘﻤﻼ ﻣﻨﻪ .. ﺣﺎﻟﻪ ﻭﻻ ﺍﺣﺴﻦ .. ﻭﺳﻔﻴﺎﻥ ﻗﺎﻟﻲ ﺍﻧﻪ ﻣﺠﻬﺰﻟﻲ ﻣﻔﺎﺟﺄﺕ ﻭﺍﺟﺪﻩ ﻟﻤﺎ ﻧﻌﺪﻭﺍ ﺑﻜﺮﺍ ﻣﻊ ﺑﻌﻀﻨﺎ ﺑﺶ ﻧﻄﻠﻌﻮﻩ ... ﻓﺮﺣﺎﻧﻪ ﻓﺮﺣﺎﻧﻪ ﻭﺍﺟﺪ )
ﺍﺑﺘﺴﻢ ﻛﻤﺎﻝ ﻛﺎﻥ ﻋﺎﻳﺶ ﻣﺸﺎﻋﺮﻫﺎ ﻭﻫﻮ ﻳﻘﺮﺍ ..
ﺍﻟﺼﻔﺤﻪ ﺍﻟﻤﻘﺎﺑﻠﻪ ﻛﺎﻧﺖ ﻓﺎﺿﻴﻪ .. ﻗﻠﺒﻬﺎ ﺍﻟﻠﻲ ﺑﻌﺪﻫﺎ ﻓﺎﺿﻴﻪ .. ﻭﺍﻟﻤﻘﺎﺑﻠﻪ ﺍﻷﺧﺮﻯ ﻓﺎﺿﻴﻪ .. ﺍﺳﺘﻐﺮﺏ ﻫﻠﺒﻪ ..
5 ﺻﻔﺤﺎﺕ ﻣﺶ ﻣﻜﺘﻮﺏ ﻓﻴﻬﻢ ﺷﻲ .. ﻟﻌﻨﺪ ﻭﺻﻞ ﻓﺼﻔﺤﻪ ..
ﺗﺎﺭﻳﺨﻬﺎ ﺑﻌﻴﺪ ﻫﻠﺒﻪ ﻋﻦ ﺃﺧﺮ ﻣﺮﺓ ﻛﺘﺒﺖ ﻓﻴﻬﺎ .. ﻭﺑﺪﻱ ﻳﻘﺮﺍ
( ﻣﺮﻥ 40 ﻳﻮﻡ ... ﻉ ﺍﻟﻤﻲ ﻉ ﻓﺎﺟﻌﺘﻲ ﻉ ﺣﺰﻧﻲ ﺍﻟﻜﺒﻴﺮ ﺍﻟﻠﻲ ﻣﺶ ﺣﻴﻜﻮﻥ ﻟﻪ ﻧﻬﺎﻳﻪ ﻟﻌﻨﺪ ﺍﺧﺮ ﻳﻮﻡ ﻓﻌﻤﺮﻱ ... ﻓﻘﺪﺕ ﺿﻨﺎﻱ .. ﺟﻨﻴﻨﻲ ..
ﻭﻟﺪﻱ ﺍﻟﻠﻲ ﺗﺄﻣﻠﺖ ﺍﻧﻪ ﻳﻨﺠﺎ ﺭﺍﺡ ﻣﻨﻲ .. ﻓﻲ ﺍﻟﻴﻮﻡ ﺍﻟﻠﻲ ﻋﺪﻳﺖ ﻓﻴﻪ ﺍﻧﺎ ﻭﺑﺎﺗﻪ ﻧﺠﻴﺒﻮﻩ .. ﻛﻨﺎ ﻣﺎﺷﻴﻦ ﻭﻛﻠﻨﺎ ﺷﻮﻕ ﻭﻟﻬﻔﻪ .. ﻭﻟﻤﺎ ﺧﺸﻴﻨﺎ ﺍﻟﻤﺴﺘﺸﻔﻰ ﻭﻣﺸﻴﻨﺎ ﻭﻳﻨﻤﺎﻛﺎﻧﻮﺍ ﻣﺮﻗﺪﻳﻨﻪ )
ﺍﻟﺪﻛﺘﻮﺭ ﻭﻉ ﻭﺟﻬﻪ ﻋﻼﻣﺎﺕ ﺍﻷﺳﻒ : ﺗﻮﻓﺎ ﺍﻣﺲ .. ﺍﻟﺒﻘﺎﺀ ﻟﻠﻪ ..
ﺳﻔﻴﺎﻥ ﺑﺼﺪﻣﻪ ﺷﺪﻳﺪﻩ ﺷﺪ ﺍﻟﺪﻛﺘﻮﺭ ﻣﻦ ﺍﻟﻴﻮﻧﻴﻔﻮﺭﻡ : ﺷﺘﻘﻮﻝ ﺍﻧﺖ ... ﺷﻦ ﺗﺨﺮﻑ ... ﻭﻗﻌﺪ ﻳﻬﺰ ﻓﻴﻪ ..
( ﺟﻮ ﻭﺣﺰﻭﻩ ﻋﻨﻪ ﻭﺍﻧﺎ ﺍﻟﻠﻲ ﻛﻨﺖ ﻣﺼﺒﻴﻪ ﺑﻌﻴﺪ ﻛﻨﺖ ﻧﻬﺰ ﺭﺍﺳﻲ ﺑﺎﻟﻨﻔﻲ .. ﻣﺸﻴﺖ ﻧﺠﺮﻱ ﻭﻧﺼﺮﺥ )
ﺍﻟﺸﻴﻤﺎﺀ ﺗﻌﻴﻂ : ﻭﻳﻴﻴﻴﻦ ﻭﻟﺪﻱ ... ﻭﻟﺪﻱ ﻭﻳﻴﻴﻴﻨﻪ ﻭﻟﺪﻱ .. ﻧﺒﻴﻪ ﺗﻮﺍ ﺟﻴﺒﻮﻩ ﻟﻴﺎﺍﺍﺍﺍ ....
( ﺭﺑﻲ ﻳﻐﻔﺮﻟﻲ ﻟﺤﻈﺘﻬﺎ ﻧﺴﻴﺖ ﻛﻞ ﺷﻲ .. ﻧﺪﺑﺖ ﺧﺒﺸﺖ ﻭﺟﻬﻲ .. ﺳﻔﻴﺎﻥ ﻗﻌﺪ ﻳﻤﺴﻚ ﻓﻴﺎ ﻭﻣﺎﻗﺪﺭﺵ ﻗﻌﺪﺕ ﺑﻼﻭﻋﻲ ﻧﻀﺮﺏ ﻓﻴﻪ ﺣﺘﻰ ﻫﻮ ﻟﻌﻨﺪ ﻓﻘﺪﺕ ﺍﻟﻮﻋﻲ ... )
ﺍﻟﺤﺮﻭﻑ ﻛﺎﻧﺖ ﺑﺎﻟﺴﻴﻒ ﺗﺒﺎﻥ ﻣﻦ ﺍﺛﺮ ﺍﻟﺪﻣﻮﻉ ﺍﻟﻠﻲ ﺑﻠﺖ ﺍﻟﻮﺭﻗﻪ .. ﻭﻣﻊ ﻫﺬﺍ ﻛﻤﺎﻝ ﻛﻤﻞ ﻗﺮﺍﻳﻪ ﻭﻫﻮ ﻣﺼﺪﻭﻡ ...
( ﻓﻘﺖ ﻓﻲ ﺩﺍﺭﻱ ﻛﻨﺖ ﻭﺣﺪﻱ .. ﺳﻤﻌﺖ ﺻﻴﺎﺡ ﻭﺩﻭﺷﻪ ﻭﻋﻤﻲ ﺻﻮﺗﻪ ﻋﺎﺍﻟﻲ .. ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻧﺰﻟﺖ ﻧﺠﺮﻱ ﻭﺍﻧﺎ ﻣﺎﺯﻟﺖ ﻣﺎﺃﺳﺘﻮﻋﺒﺖ ﻭﻗﻔﺖ ﻟﻤﺎ ﺷﻔﺖ ﻋﻤﻲ ﻳﺼﻴﺢ ﻭﻳﻘﻮﻝ ..
" ﺍﻟﻤﺴﺘﺸﻔﻰ ﺗﺼﻜﺮ ﺍﻟﻤﺴﺘﺸﻔﻰ ﺗﻨﻬﺪ ﺍﻟﻠﻲ ﻣﺎﺣﺎﻓﻈﻮﻟﻲ ﻉ ﺣﻔﻴﺪﻱ ﻫﺪﻭﻩ "..
( ﻛﺎﻥ ﺳﻔﻴﺎﻥ ﺑﺮﻏﻢ ﻣﺼﻴﺒﺘﻪ ﻳﻬﺪﻱ ﻓﺒﺎﺗﻪ ﻭﺑﺎﺗﻲ ﻭﺳﻴﺎﺩﻱ ﻣﻌﺎﻩ .. ﺷﻮﻳﻪ ﻭﻗﺎﻝ ﻭﺍﺣﺪ ﻣﻦ ﻋﻤﺎﻣﻲ .. ﺗﻌﺎﻟﻮﺍ ﺣﻘﻮﻩ ﺍﺧﺮ ﻣﺮﺓ ﻗﺒﻞ ﺍﻟﺪﻓﻴﻨﻪ .. ﺑﺪﻭﻥ ﻭﻋﻲ ﻣﻨﻲ ﺳﺒﻘﺘﻬﻢ ﻧﺠﺮﻱ ﻭﻫﻤﺎ ﻭﺭﺍﻳﺎ ... ﺗﻮﻗﻌﺖ ﻳﻜﻮﻥ ﻓﻲ ﺍﻟﻤﺮﺑﻮﻋﻪ .. ﻭﻗﻔﺖ ﻗﺪﺍﻣﻬﺎ .. ﻟﻘﻴﺖ ﻗﻄﻌﻪ ﻗﻤﺎﺵ ﺑﻴﻀﺎ ﻣﻠﻔﻮﻓﻪ ﻗﻌﺪﺕ ﻧﻤﺸﻲ ﻭﻛﺮﻋﻴﺎ ﺛﻘﺎﻝ ﻟﻌﻨﺪ ﻭﺻﻠﺖ ﻓﻴﻪ .. ﺑﺤﺘﺖ ﻓﻴﻪ ﻭﺟﻬﻪ ﺃﺯﺭﻕ .. ﻭﻓﻤﻪ ﺍﺑﻴﺾ ... ﺍﻧﺤﺮﻗﺖ ﺑﺎﻟﻨﺎﺭ ... ﺍﻧﺤﺮﻗﺖ .. ﻻﻗﺪﺭﺕ ﻧﻠﻤﻪ ﻻﻧﺒﻮﺳﻪ .. ﻭﺧﺮﺕ ﻟﻮﺭﺍ ﺧﻄﻮﺍﺕ ﻭﻛﻴﻒ ﻟﻔﻴﺖ ﺑﻨﻌﺪﻱ .. ﻣﻦ ﺑﻴﻦ ﻛﻞ ﺍﻟﻠﻲ ﻛﺎﻧﻮﺍ ﻣﺼﺒﻴﻴﻦ ﻋﻴﻨﻲ ﻣﺎﺣﻘﺖ ﻣﻨﻬﻢ ﻏﻴﺮ ﺷﺨﺺ ﻭﺍﺣﺪ )
ﺍﻟﺸﻴﻤﺎﺀ ﻣﺸﺖ ﺗﺠﺮﻱ ﻟﺮﺿﻮﺍﻥ ﻭﻗﻌﺪﺕ ﺗﻀﺮﺏ ﻓﻴﻪ : ﺍﻓﺮﺭﺭﺭﺡ .. ﺍﻓﺮﺭﺭﺭﺭﺡ ... ﻫﻤﻚ ﺍﻧﺰﺍﺍﺍﺍﺍﺍﺍﺡ ... ﻫﺎﺍﺍﺍﺍﻩ ...
( ﻫﻮ ﻛﺎﻥ ﻳﺒﺤﺖ ﻓﻴﺎ ﺑﺼﺪﻣﻪ ﻣﺎﻭﻋﻴﺘﺶ ﺑﺮﻭﺣﻲ ﺇﻻ ﻭﺳﻔﻴﺎﻥ ﺿﺎﻣﻨﻲ ﺑﻘﻮﺓ ﻭﻗﺎﻝ ﺑﺼﻮﺕ ﻋﺎﻟﻲ )
ﺳﻔﻴﺎﻥ : ﺍﻃﻠﻠﻠﻠﻠﻠﻌﻮﺍ ﺍﻃﻠﻠﻠﻠﻠﻠﻌﻮﺍ ..
( ﺿﻤﻨﻲ ﺑﻘﻮﺓ ﻭﺍﻧﺎ ﻧﺒﻜﻲ ﻭﻧﻌﻴﻂ ﺑﻌﺪﻫﺎ ﻃﺤﺖ ﻉ ﺭﻛﺎﺑﻲ ﻭﻫﻮ ﻃﺎﺡ ﻣﻌﺎﻳﺎ ... ﻭﻗﻌﺪ ﺿﺎﻣﻨﻲ ﻭﻳﻘﻮﻝ ﺑﻨﺒﺮﺓ ﺑﺎﻛﻴﻪ )
" ﻟﻠﻪ ﻣﺎﺃﻋﻄﻰ ﻭﻟﻠﻪ ﻣﺎﺃﺧﺬ ... ﻟﻠﻪ ﻣﺎﺃﻋﻄﻰ ﻭﻟﻠﻪ ﻣﺎﺃﺧﺬ .."
( ﺍﺭﺗﺨﻴﺖ ﻭﺿﻤﻴﺘﻪ ﺑﻘﻮﺓ ﻭﺍﻧﺎ ﻧﺒﻜﻲ ﺑﺎﻟﻌﺒﺮﻩ ) ﻭﻗﻔﺖ ﻛﺘﻴﺒﻪ ..
ﻛﻤﺎﻝ ﺻﻜﺮ ﺍﻟﻤﺬﻛﺮﺓ ﻭﺩﻣﻌﺘﻪ ﻧﺰﻟﺖ ﻣﻦ ﻋﻴﻨﻪ ... ﻣﺘﺄﺛﺮ ﻫﻠﺒﻪ ..
ﺷﺒﺢ ﺟﻬﺔ ﺭﻭﺷﻦ ﻧﻮﺭﺍﻥ ﻭﺧﻮﻓﻪ ﻋﻠﻴﻬﺎ ﺯﺍﺩ ... ﺍﻛﺜﺮ ﻭﺍﻛﺜﺮ ﻹﻧﻪ ﻣﺘﺄﻛﺪ ﺍﻥ ﻋﻤﻬﺎ ﻭﺭﺍ ﻣﻮﺕ ﺧﻮﻫﺎ ﺍﻟﻄﻔﻞ ﺍﻟﺮﺿﻴﻊ ... ﻋﻤﻬﺎ ﻋﺪﻳﻢ ﺍﻟﺮﺣﻤﻪ ﻭﺍﻹﻧﺴﺎﻧﻴﻪ .. ﻧﺎﺽ .. ﻭﻗﻒ ﻓﻲ ﺍﻟﺮﻭﺷﻦ ﻭﻫﻮ ﻳﻔﻜﺮ ... ﺍﻟﻤﻄﺮ ﺑﺪﺕ ﺗﺼﺐ ﻣﻦ ﺟﺪﻳﺪ ... ﻣﺎﺩﻭﺭﺵ .. ﺟﺒﺪ ﺍﻟﻜﺮﺳﻲ ﻭﻗﻌﺪ ﻣﻘﻌﻤﺰ ﺣﺪﺍ ﺍﻟﺮﻭﺷﻦ ...
****
ﺗﺎﻧﻲ ﻳﻮﻡ ...
ﺍﻟﻮﺍﺣﺪﻩ ﻇﻬﺮﺍ ...
ﻓﻴﻼ ﺭﺿﻮﺍﻥ ...
ﻛﺎﻧﺖ ﻓﺎﺿﻴﻪ .. ﻣﺎﻓﻴﻬﺎ ﺣﺪ ﻏﻴﺮ ﺍﻟﺨﺪﻡ ..
ﺳﺎﺭﻩ ﻛﺎﻧﺖ ﺗﺨﺪﻡ ﻛﻌﺎﺩﺗﻬﺎ ﻣﻊ ﻧﺒﻮﻳﻪ .. ﻭﺍﻟﺨﺪﺍﻣﺎﺕ ﺍﻻﺳﻴﻮﻳﺎﺕ ﻳﻀﻤﻮﺍ ﻓﻲ ﺍﻟﻔﻴﻼ ..
ﻓﻲ ﺍﻟﻔﻴﻼ ﺍﻟﻠﻲ ﺟﻨﺒﻬﻢ ..
ﺍﻧﻔﺘﺢ ﺑﺎﺏ ﺷﻘﺔ ﺳﺎﺭﺓ ... ﺧﺶ ﻭﺻﻜﺮ ﻭﺭﺍﻩ ﺍﻟﺒﺎﺏ ... ﻭﺣﻮﻝ ﺍﻟﻤﻔﺘﺎﺡ ... ﻛﻤﻞ ﺩﺍﺧﻞ ﻭﻫﻮ ﻳﺪﻭﺭ ﺑﻌﻴﻮﻧﻪ ﻓﻲ ﺍﻟﻤﻜﺎﻥ .. ﻓﺘﺢ ﺍﻟﺪﻳﺎﺭ ﻓﺎﺿﻴﺎﺕ .. ﻭﺻﻞ ﻓﻲ ﺩﺍﺭﻫﺎ ﻓﺘﺤﻬﺎ ﻭﺧﺶ ... ﻟﻘﺎﻫﺎ ﻓﻮﺿﻰ ..
ﺑﺲ ﻟﻔﺖ ﺍﻧﺘﺒﺎﻫﻪ ﺍﻟﻮﺭﺍﻕ ... ﺍﺍﻟﻜﺎﻣﻴﺮﺍ .. ﻭﺍﻟﺼﻮﺭ ﺍﻟﻤﻌﻠﻘﺎﺕ ﻉ ﺍﻟﺤﻴﻂ .. ﻛﺎﻧﺖ ﻟﻴﻪ ﻭﻟﺮﻳﻬﺎﻡ ﻭﺭﺿﻮﺍﻥ ... ﻭﺍﻟﻨﺎﺱ ﺍﻟﻠﻲ ﻛﺎﻧﺖ ﺗﺠﻴﻪ .. ﻗﻌﺪ ﻳﺸﺒﺢ ﺑﺼﺪﻣﻪ ..
ﻭﻫﻮ ﻳﺪﻭﺭ ﻭﻳﺪﻭﺭ ﻭﺻﻞ ﻓﻲ ﻃﺎﻭﻟﻪ ﻋﻠﻴﻬﺎ ﻭﺭﺍﻗﻲ ﻓﺎﺿﻴﺎﺕ ﻭﺑﻴﺮﻭﺍﺕ ﻓﻲ ﻣﻨﻬﻢ ﺍﻟﻠﻲ ﺗﻢ ... ﻗﺎﻡ ﺍﻟﻮﺭﺍﻕ ﻭﻗﻌﺪ ﻳﺪﻭﺭ .. ﻛﻠﻬﻢ ﻓﺎﺿﻴﺎﺕ .. ﻟﻤﺎ ﺟﻲ ﺑﻴﺮﺩﻫﻢ . ﺷﺒﺢ ﺣﺎﺟﻪ ﺧﻼﺗﻪ ﻣﺼﺪﻭﻡ ﺍﻛﺜﺮ ... ﺑﻄﺎﻗﻪ ﺧﺪﺍﻫﺎ ﻭﻗﻌﺪ ﻳﻘﺮﺍ ﻓﻴﻬﺎ ﻛﺎﻧﺖ ﻓﻴﻬﺎ ﺻﻮﺭﺗﻬﺎ .. ﻭﻋﻠﻴﻬﺎ ﺍﺳﻤﻬﺎ .. ﻭﻣﻜﺘﻮﺏ ﺍﻟﻤﻬﻨﻪ "... ﺻﺤﻔﻴﻪ ..."
ﺣﻂ ﺍﻟﻮﺭﺍﻕ .. ﻭﺍﺑﺘﺴﻢ .. ﻭﻓﻴﺪﻩ ﺍﻟﺒﻄﺎﻗﻪ ﻭﻣﺸﻲ ﻭﻗﻒ ﺣﺪﺍ ﺍﻟﺮﻭﺷﻦ ﻭﻫﻮ ﻳﺸﻮﻑ ﻣﻨﻪ ﻭﺍﻷﺑﺘﺴﺎﻣﻪ ﻉ ﻭﺟﻬﻪ ..
ﻓﻴﻼ ﺭﺿﻮﺍﻥ ..
ﺳﺎﺭﻩ : ﻳﻴﻴﻴﻴﻴﻴﻴﻲ ..
ﻧﺒﻮﻳﻪ : ﻣﺎﻟﻚ ﻋﻴﻨﻴﻜﻲ ﻓﻴﻦ ﻳﺎﺑﻨﺖ ..
ﺳﺎﺭﻩ : ﺳﻬﻴﺖ .. ﺗﺲ .. ﺧﻞ ﻧﻌﺪﻱ ﻉ ﺍﻟﺴﺮﻳﻊ ﻧﻐﻴﺮ ﻭﻧﺠﻲ ..
ﻧﺒﻮﻳﻪ : ﻃﻴﺐ ﺑﺲ ﻣﺎﺗﺘﻌﻮﻗﻴﺶ ..
ﺳﺎﺭﻩ : 5 ﺩﻗﺎﻳﻖ ﺑﺲ ..
ﻃﻠﻌﺖ ﻣﻦ ﺍﻟﻤﻄﺒﺦ .. ﻭﻃﻠﻌﺖ ﻣﻦ ﺍﻟﻔﻴﻼ ﻭﻫﻲ ﺗﺠﺮﻱ .. ﺧﺸﺖ ﻟﻠﻔﻴﻼ ﺍﻟﺘﺎﻧﻴﻪ .. ﺟﺮﻱ .. ﺧﺸﺖ ﺩﺍﺧﻞ ﺭﻛﺒﺖ ﺍﻟﺪﺭﻭﺝ ﻭﺻﻠﺖ ﻓﺸﻘﺘﻬﺎ ... ﻓﺘﺤﺖ ﺍﻟﺒﺎﺏ ﻭﺧﺸﺖ ... ﺗﻮﺟﻬﺖ ﻟﺪﺍﺭﻫﺎ ... ﻓﺘﺤﺖ ﺍﻟﺒﺎﺏ
ﺧﺸﺖ ﺣﻮﻟﺖ ﻭﺷﺎﺣﻬﺎ ﻭﺷﺎﺩﻩ ﺍﻟﻔﺎﻧﻴﻠﻴﺎ ﻣﻦ ﻋﻨﺪ ﺍﻟﺮﻗﺒﻪ ..
ﺳﺎﺭﻩ : ﻭﻭﻭﺍﺍﺍﻙ ﻃﺒﻴﺨﺔ ﻋﺼﺒﺎﻥ .. ﻛﻠﻪ ﻣﻨﻚ ﻳﺎﺍﻛﺮﻡ ﺍﻟﺰﻓﺖ ".. ﺧﺎﻃﺮﻱ ﻓﻲ ﻋﺼﺒﺎﻥ " ﻭﻗﻠﺪﺕ ﺻﻮﺗﻪ ..
ﻣﺎﺗﻨﺪﺭﻳﺶ ﻉ ﺭﻭﺣﻬﺎ ﺇﻻ ﻭﻫﻲ ﻣﺠﺒﻮﺩﻩ ﻣﻦ ﻳﺪﻫﺎ ﻭﻣﻨﺨﺒﻄﻪ ﻓﻴﻪ ..
ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﺑﺼﺪﻣﻪ ﺷﺪﻳﻴﻴﻴﺪﻩ ﻭﺫﻫﻮﻝ ..
ﻫﻮ ﻛﺎﻥ ﺷﺎﺩﻫﺎ ﺑﻴﺪ .. ﻭﺍﻟﻴﺪ ﺍﻟﺘﺎﻧﻴﻪ ﻛﺎﻥ ﺭﺍﻓﻌﻬﺎ ﻗﺪﺍﻣﻬﺎ ﻭﻓﻴﻬﺎ ﺑﻄﺎﻗﺘﻬﺎ ﻭﺍﻟﺤﺪﻳﺪﻩ ﻣﺘﺎﻋﻬﺎ ﺍﻟﻠﻲ ﻗﺪﺍﺵ ﻟﻴﻬﺎ ﺭﺍﻳﺤﻪ ﻣﻨﻬﺎ ..
ﺍﻛﺮﻡ ﺑﻨﺒﺮﺓ ﻣﺘﻬﻜﻤﻪ : ﺳﻼﻑ ﻋﺒﺪﺍﻟﻤﻘﺼﻮﺩ ... ﺻﺤﻔﻴﻪ ... ﺷﻔﺘﻲ ﻣﺶ ﻗﺘﻠﻚ ﺣﻨﻌﺮﻓﻚ ..
ﺳﻼﻑ ﺗﻨﻬﺪﺕ ﻭﺷﺒﺤﺖ ﻟﻠﺮﻭﺷﻦ .. ﺑﻌﺪﻳﻦ ﺷﺒﺤﺘﻠﻪ ﻭﺍﺑﺘﺴﻤﺖ ..
... ﻳﺘﺒﻊ
