#مشاعر
ﺍﻟﺠﺰﺀ ﺍﻟﺴﺎﺑﻊ 💓💔💙
للكاتبة GomanFared
ﻫﻀﺎ ﺍﺣﺴﻦ ﻣﻜﺎﻥ ..
ﺳﺎﺭﺓ : ﺃﻧﺎ ﺍﺳﻔﻪ ﺑﺲ ﻟﻮﻻ ﺍﻟﺤﺎﺟﻪ ﻣﺎﻛﻨﺘﺶ ﺩﺭﺕ ﺍﻟﻠﻲ ﺩﺭﺗﻪ ..
ﻧﻮﺭﺍﻥ ﺣﻄﺖ ﺍﻳﺪﻫﺎ ﻉ ﺫﺭﺍﻋﻬﺎ ﻭﻗﻌﺪﺕ ﺗﻤﺸﻲ ﻋﻠﻴﻪ : ﻓﺎﻫﻤﻪ ﻋﻠﻴﻚ ... ﺧﻮﺩﻱ ﺭﺍﺣﺘﻚ ﻫﻨﺎ .. ﻛﻴﻒ ﻣﺎﺗﺤﻘﻲ ﻗﺪﺍﻣﻚ ﺷﻘﻪ ﻣﺎﻧﺎﻗﺼﻬﺎ ﺷﻲ ... ﻭﺍﻟﻮﻛﺎﻝ ﻛﺎﻥ ﺗﺒﻲ ﻳﺠﻴﺒﻮﻩ ﻟﻚ ﻫﻨﺎ ..
ﺳﺎﺭﺓ ﺑﻀﺤﻜﻪ : ﻭﺍﺍﺍﺟﺪ ﻫﻚ ﻏﺮﻗﺘﻴﻨﻲ ﺑﻔﻀﻠﻚ ..
ﻧﻮﺭﺍﻥ ﺑﻀﺤﻜﻪ : ﻛﻠﻪ ﻓﻀﻞ ﺭﺑﻲ ﺍﻧﺎ ﻣﺎﻋﻨﺪﻱ ﻓﻴﻪ ﺷﻲ .. ﺗﻮﺍ ﻧﺨﻠﻴﻚ ﻉ ﺭﺍﺣﺘﻚ ... ﺍﻫﺎﺍﺍ .. ﻧﺒﻲ ﻧﻌﺮﻑ ﺍﺳﻤﻚ ..
ﺳﺎﺭﺓ ﺍﺑﺘﺴﻤﺖ : ﺳﺎﺭﺭﺭﺓ ...
ﻧﻮﺭﺍﻥ ﺑﻀﺤﻜﻪ : ﻋﺎﺷﺖ ﺍﻷﺳﺎﻣﻲ ﻳﺎﺣﻨﻪ .. ﻭﺍﻧﺎ ﻧﻮﺭﺍﻥ ..
ﺳﺎﺭﺓ ﺑﻀﺤﻜﻪ : ﺣﻠﻮ ﺍﺳﻤﻚ ...
ﻧﻮﺭﺍﻥ ﺍﺑﺘﺴﻤﺖ : ﺗﺴﻠﻤﻲ ... ﻭﻧﻘﻮﻟﻬﺎ ﻟﻚ ﻣﺮﺓ ﺗﺎﻧﻴﻪ ﺍﻃﻤﻨﻲ ﺗﻮ ﻧﺤﻠﻮﻫﺎ ..
ﺳﺎﺭﺓ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻧﻮﺭﺍﻥ ﻣﺸﺖ ﻃﻠﻌﺖ ﻣﻦ ﺍﻟﺸﻘﻪ ﺍﻟﻠﻲ ﻓﻲ ﺍﻟﺪﻭﺭ ﺍﻟﺘﺎﻟﺖ ﻭﺻﻜﺮﺕ ﺍﻟﺒﺎﺏ ..
ﺳﺎﺭﺓ ﺷﺒﺤﺖ ﻟﻠﺒﺎﺏ ﻟﺤﻈﺎﺕ .. ﺑﻌﺪﻳﻦ ﺣﻮﻟﺖ ﻭﺍﻟﻮﺷﺎﺡ ..
ﺳﺎﺭﺓ : ﺑﺮﻭﺍ ﻋﻠﻴﻚ ﻳﺎﺳﻼﻑ ... ﻛﻠﻪ ﻣﺎﺷﻲ ﻛﻴﻒ ﻣﺎﺗﺒﻲ ﻭﺃﺣﺴﻦ .. ﺍﻭﻝ ﺷﻲ ﻧﺮﺟﻰ ﻧﺸﻮﻑ ﺍﻟﻮﺿﻊ ﻭﺑﻌﺪﻫﺎ ﻧﺒﺪﺍ ... ﺑﺲ ﻗﺒﻞ ﻛﻞ ﺷﻲ ﻭﻳﻦ ﺍﻟﺤﻤﺎﻡ .. ﻭﻣﺸﺖ ﺗﺠﺮﻱ ﺍﺩﻭﺭ ﻋﻠﻴﻪ ..
***
ﺭﺍﻗﺪﻩ ﻭﻓﺤﻀﻨﻬﺎ ﻓﺎﻧﻴﻠﻴﺎ ﻟﻮﻧﻬﺎ ﺃﺯﺭﻕ ﺩﺍﻛﻦ ... ﺩﻣﻮﻋﻬﺎ ﻳﻨﺰﻟﻮﺍ ﺑﻐﺰﺍﺭﺓ ﻭﻫﻲ ﺗﺬﻛﺮ ﻓﻲ ﺍﻟﺬﻛﺮﻯ ﺍﻟﻠﻲ ﺗﺨﺼﻬﺎ ..
ﻓﻼﺵ ﺑﺎﻙ ..
ﻛﻨﺎﻧﻪ ﺑﻌﺼﺒﻴﻪ : ﻣﻌﺎﺵ ﺗﻠﺒﺴﻬﺎ ﺍﻧﻲ ﻗﻠﺖ ..
ﻋﻼﺀ : ﻛﻨﺎﻧﻪ ﺍﻭﻭﻭﻓﺮ ﺭﻩ .
ﻛﻨﺎﻧﻪ : ﻻﻣﺶ ﺃﻭﻓﺮ .. ﺷﻔﺖ ﺍﻟﻴﻮﻡ ﺷﻦ ﺻﺎﺭ .. ﻭﺍﻟﻠﻪ ﻗﺮﻳﺐ ﻣﺘﺖ ﻣﻦ ﺍﻟﻨﺎﺭ ﺍﻟﻠﻲ ﺗﺎﻛﻞ ﻓﻴﺎ ..
ﻋﻼﺀ ﺑﻀﺤﻜﻪ : ﺍﻟﻤﺸﻜﻠﻪ ﺍﻧﺘﻲ ﻭﺍﺧﺪﺗﻬﺎﻟﻲ ..
ﻛﻨﺎﻧﻪ : ﺧﺶ ﺗﻮﺍ ﺍﺭﻣﻴﻬﺎ ﻭﺟﻴﺒﻬﺎ ..
ﻋﻼﺀ ﻳﻀﺤﻚ ﺑﺼﺪﻣﻪ : ﻛﻨﺎﻧﻪ ..
ﻛﻨﺎﻧﻪ : ﻫﻴﺎ ﻛﻠﻤﻪ ﻳﺎﻋﻼﺀ ﻭﻻ ﻭﺍﻟﻠﻪ ﻣﻌﺎﺵ ﻧﻜﻠﻤﻚ .... ﺷﺒﺤﺘﻠﻪ ... ﻟﻤﺪﺓ ﺃﺳﺒﻮﻉ ..
ﻋﻼﺀ ﺑﻀﺤﻜﻪ ﻣﻊ ﺭﻓﻌﺔ ﺣﺎﺟﺐ : ﺍﺳﺒﻮﻉ ﻣﺮﺓ ﻭﺣﺪﻩ ...
ﻛﻨﺎﻧﻪ : ﺇﻳﻪ ﻧﺪﻳﺮﻫﺎ ﻭﺗﻌﺮﻓﻨﻲ .. ﻋﻼﺀ ﻣﻌﺎﺵ ﺍﺿﻴﻊ ﺍﻟﻮﻗﺖ ﻫﻴﺎ ..
ﻋﻼﺀ ﺗﻨﻬﺪ : ﺍﻣﺮﻱ ﻟﻠﻪ ... ﺧﺶ ﻟﺤﻮﺷﻬﻢ .. ﻭﻫﻲ ﻭﺍﻗﻔﻪ ﺑﺮﺍ .. ﺟﺘﻬﺎ ﺗﻬﺎﻧﻲ ..
ﺗﻬﺎﻧﻲ : ﺧﻴﺮﻙ ﻗﺎﻋﺪﻩ ﻫﻨﻲ ﺑﻨﺘﻲ ...
ﻛﻨﺎﻧﻪ ﺑﺈﺑﺘﺴﺎﻣﻪ : ﻣﺎﻩ ﻣﺎﺯﺍﻝ ﺑﻨﻄﻠﻌﻮﺍ ﻭﻧﻤﺸﻮﺍ ﻟﻤﻬﻨﺪﺱ ﺍﻟﺪﻳﻜﻮﺭ ﻉ ﺧﺎﻃﺮ ﺍﻟﻤﺮﻛﺰ ...
ﺗﻬﺎﻧﻲ ﺑﺈﺑﺘﺴﺎﻣﻪ : ﺭﺑﻲ ﻳﻮﻓﻘﻚ ...
ﻛﻨﺎﻧﻪ ﺍﺑﺘﺴﻤﺖ : ﺗﺴﻠﻤﻲ ..
ﻃﻠﻊ ﻋﻼﺀ ﻭﻫﻮ ﻻﺑﺲ ﻓﺎﻧﻴﻠﻴﺎ ﻗﻬﻮﻳﻪ ﻧﺺ ﻛﻢ ﻭﻓﻴﺪﻩ ﺍﻟﺰﺭﻗﺎ .. ﻣﺪﻫﺎ ﻟﻜﻨﺎﻧﻪ ..
ﻋﻼﺀ : ﺗﻔﻀﻠﻲ ﻳﺎﺳﺘﻲ ..
ﺗﻬﺎﻧﻲ ﺑﺈﺳﺘﻐﺮﺍﺏ : ﻫﺬﺍ ﺷﻨﻮ؟
ﻋﻼﺀ : ﻫﺎﺩﻱ ﺍﻟﻐﻴﺮﻩ ﻳﺎﺃﻣﻲ ﻭﺷﺒﺢ ﻟﻜﻨﺎﻧﻪ ﺑﺮﻓﻌﺔ ﺣﺎﺟﺐ ..
ﻭﻛﻨﺎﻧﻪ ﻣﻴﺘﻪ ﻣﻦ ﺍﻹﺣﺮﺍﺝ ﻗﺪﺍﻡ ﻋﺰﻭﺯﺗﻬﺎ ..
ﺗﻬﺎﻧﻲ ﺑﻀﺤﻜﻪ : ﻋﻨﺪﻫﺎ ﺣﻖ ﻣﺎﺗﻨﻼﻡ ﻭﺍﻧﺖ ﺍﻟﻠﻮﻥ ﻫﺬﺍ ﺑﺎﻟﺬﺍﺕ ﺗﻄﻠﻊ ﻓﻴﻪ ﺣﺎﺟﻪ ﺗﺎﻧﻴﻪ ..
ﻛﻨﺎﻧﻪ : ﻫﺎﻩ ﺭﻳﺖ ... ﺧﺸﻴﻨﺎ ﻳﺎﻋﻤﺘﻲ ﻟﻤﻮﻝ ﻭﺍﻟﻠﻪ ﺍﻟﻌﻈﻴﻢ ﺇﻻ ﻭﺣﺪﻩ ﺣﻄﺘﻠﻪ ﺍﻟﺮﻗﻢ ﻉ ﺍﻟﻜﺎﺻﻪ ﻣﺘﺎﻉ ﻭﺍﺣﺪ ﺍﻟﻤﺤﻼﺕ ﻭﻫﻮ ﻭﺍﻗﻒ ﻳﺨﻠﺺ ﺑﺎﻫﻲ ..
ﺗﻬﺎﻧﻲ : ﻧﻬﺎﺭ ﺍﺑﻴﺾ ﺑﻨﺎﺕ ﻫﺎﻟﻮﻗﺖ ﻳﺎﻟﻄﻴﻒ ...
ﻋﻼﺀ ﺑﻀﺤﻜﻪ : ﺑﺎﻩ ﺍﻧﻲ ﺷﻦ ﺫﻧﺒﻲ ..
ﻛﻨﺎﻧﻪ : ﺍﻟﺬﻧﺐ ﻛﻠﻪ ﺫﻧﺒﻚ ﺃﺻﻼ .. ﺧﺪﺕ ﺍﻟﻔﺎﻧﻴﻠﻴﺎ ﻣﻨﻪ ... ﻭﺳﻠﻤﺖ ﻉ ﻣﺮﺕ ﻋﻤﻬﺎ ﻭﻣﺸﺖ ..
ﺗﻬﺎﻧﻲ ﺗﻀﺤﻚ ﻭﻫﻮ ﻟﺤﻘﻬﺎ : ﻛﻨﺎﻧﻪ ... ﻛﻨﻜﻮﻧﺘﻲ .. ﺍﺳﺘﻨﻲ ﻳﺎﻋﺴﻞ ﺣﻴﺎﺗﻲ ..
ﻫﻲ ﻣﺎﺷﻴﻪ ﺗﻀﺤﻚ ﻭﻻﻣﻌﺒﺮﺍﺗﻪ ..
ﺍﻟﻮﻗﺖ ﺍﻟﺤﺎﺿﺮ ..
ﻋﺎﺻﺮﺓ ﺍﻟﻔﺎﻧﻴﻠﻴﺎ ﺑﻘﻮﺓ ﻭﺗﺒﻜﻲ ﺑﺎﻟﻌﺒﺮﺓ ...
ﺑﺮﺍ
ﻣﻨﺼﻮﺭ : ﺧﻼﺹ ﺃﻧﻲ ﺑﻨﺮﻓﻌﻬﺎ ﻟﻄﺒﻴﺐ ﻧﻔﺴﻲ ..
ﻓﺮﻳﺤﻪ ﺧﺒﻄﺖ ﻉ ﺻﺪﺭﻫﺎ ﺑﺒﻜﻲ : ﻫﺬﺍ ﺍﻟﻠﻲ ﻧﺎﻗﺺ ﺑﺶ ﻳﻘﻮﻟﻮﺍ ﻉ ﺑﻨﺘﻲ ﻣﻬﺒﻮﻟﻪ ..
ﻣﻨﺼﻮﺭ : ﻋﺎﺟﺒﻚ ﻭﺿﻌﻬﺎ ﻫﺬﺍ ..
ﻓﺮﻳﺤﻪ : ﺑﻨﺘﻚ ﺣﺰﻳﻨﻪ .. ﻭﺣﻨﻰ ﺯﻳﻬﺎ ﻭﺃﺣﺮﻑ ... ﺍﻟﻤﻮﺗﻪ ﻟﺤﻘﺘﻬﺎ ﻣﻮﺗﻪ ﻃﺒﻴﻌﻲ ﺍﻟﻠﻲ ﻫﻴﺎ ﻓﻴﻪ ... ﻣﺎﻓﺎﺗﺶ ﻉ ﻭﻓﺎﺗﻪ ﺷﻬﺮ ﻭﻟﺤﻘﺖ ﺣﻨﺎﻫﺎ ... ﻃﺒﻴﻌﻲ ﺭﻩ ...
ﻣﻨﺼﻮﺭ ﻫﺰ ﺭﺍﺳﻪ ﺍﻳﻤﻴﻦ ﻭﺍﻳﺴﺎﺭ ﻭﻫﻮ ﻣﺘﻘﻄﻊ ﻉ ﺑﻨﺘﻪ ﻭﻣﺸﻲ ..
ﻭﻓﺮﻳﺤﻪ ﻭﺍﻗﻔﻪ ﺗﻔﻜﺮ ﻓﺒﻨﺘﻬﺎ ﻫﻞ ﻓﻌﻼ ﺑﻌﺪ ﻭﻗﺖ ﺣﺘﻄﻠﻊ ﻣﻦ ﻫﺎﻟﺤﺎﻟﻪ !!
****
ﻭﺍﻧﺘﻲ ﻫﺒﻠﻪ ﺷﻦ ﺩﺭﺍﻙ ﺷﻦ ﻭﺭﺍﻫﺎ ﻫﺬﻱ ..
ﻧﻮﺭﺍﻥ : ﺷﻦ ﺑﻴﻜﻮﻥ ﻭﺭﺍﻫﺎ ﻳﻌﻨﻲ ... ﺑﻼﺵ ﺳﻮﺀ ﻇﻦ ﻓﻲ ﺍﻟﻨﺎﺱ ..
ﻣﻼﻙ : ﺍﻧﺘﻲ ﻋﺒﻴﻄﻪ ﻳﺎﺑﻨﺖ ﺧﺎﻟﺘﻲ ...
ﻧﻮﺭﺍﻥ : ﺑﺎﻩ ﺍﻧﺎ ﻋﺒﻴﻄﻪ ﻳﺎﺳﺘﻲ ....... ﺍﻫﺎ .. ﻣﺎﻛﻠﻤﻚ ﺣﺪ ﺑﺎﺗﻚ ﺃﻣﻚ ..
ﻣﻼﻙ : ﻻ ... ﻭﺑﻌﺪﻳﻦ ﻛﻨﻚ ﺍﻧﺘﻲ ﻛﻴﻒ ﺍﻟﻠﻲ ﺗﻮﺯﻋﻲ ﻓﻴﺎ ...
ﻧﻮﺭﺍﻥ ﺑﺮﺑﻜﻪ : ﻻﻧﻮﺯﻉ ﻓﻴﻚ ﻭﻻﺗﻮﺯﻋﻲ ﻓﻴﺎ ﻧﺴﺄﻝ ﺑﺲ ...
ﺭﻳﻬﺎﻡ ﺟﺘﻬﻢ : ﻫﺎﻩ ﻧﺎﻧﻲ ﺷﻦ ﺻﺎﺭ ﻓﻲ ﻫﺬﻳﻚ ﺍﻟﺒﻨﺖ ..
ﻧﻮﺭﺍﻥ : ﺧﻠﻴﺘﻬﺎ ﺗﻘﻌﺪ ﻓﻲ ﺍﻟﺪﻭﺭ ﺍﻟﺜﺎﻟﺖ ... ﺑﺲ ﺭﻫﻮﻣﻪ ﻧﺒﻴﻚ ﺗﻘﻨﻌﻲ ﻋﻤﻲ ﻳﺨﻠﻴﻬﺎ ﺗﺨﺪﻡ ﻋﻨﺪﻧﺎ ﻫﻨﺎ ... ﻭﺍﻟﻠﻪ ﺣﺎﻟﺘﻬﺎ ﺗﻘﻄﻊ ﺍﻟﻘﻠﺐ ..
ﺭﻳﻬﺎﻡ ﺑﺄﺑﺘﺴﺎﻣﻪ : ﺭﺣﺖ ﻛﻴﻒ ﻣﻨﺪﻭﺏ ﺍﻷﻣﻢ ﺍﻟﻤﺘﺤﺪﻩ ﺑﻴﻨﺎﺗﻜﻢ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻪ ... ﻏﻴﺮ ﻳﺴﻤﺤﻪ ﺑﺎﻟﻠﻪ ﻋﻠﻴﻚ ..
ﺭﻳﻬﺎﻡ : ﺣﺎﺿﺮ ﻳﺎﺳﺘﻲ ﻣﻦ ﻋﻮﻳﻨﺎﺗﻲ ..
ﻧﻮﺭﺍﻥ : ﻧﺠﻚ ﻟﻴﺎ ﺃﻧﺘﻲ ﻭﻋﻮﻳﻨﺎﺗﻚ ﺍﻟﺴﻤﺎﺡ ﻫﺬﻳﻦ ...
ﻣﻼﻙ : ﺑﺘﻄﻠﻌﻲ ﺧﺒﺮ ﺣﻤﻠﻚ ﻟﻺﻋﻼﻡ ...
ﺭﻳﻬﺎﻡ : ﻻ .. ﻣﺶ ﺗﻮ ...
ﻣﻼﻙ : ﺍﻫﺎ ..
ﺳﻜﺘﻮﺍ ﺷﻮﻳﻪ ... ﻧﻮﺭﺍﻥ ﺷﺒﺤﺖ ﻟﺮﻳﻬﺎﻡ ﻭﺍﺷﺮﺗﻠﻬﺎ ﺑﻌﻴﻮﻧﻬﺎ ﻉ ﻣﻼﻙ .. ﺭﻳﻬﺎﻡ ﻓﻬﻤﺖ ... ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ﺑﻌﺪﻳﻦ ﻗﺎﻟﺖ ..
ﺭﻳﻬﺎﻡ : ﻧﺎﻧﻲ ﺷﻦ ﺭﺍﻳﻚ ﺗﻌﺪﻱ ﻣﻌﺎﻳﺎ ﺟﻠﺴﺔ ﺗﺼﻮﻳﺮ ﺍﻟﻌﺸﻴﻪ ..
ﻧﻮﺭﺍﻥ : ﻣﺎﻋﻨﺪﻳﺶ ﻣﺸﻜﻠﻪ ..
ﻣﻼﻙ ﺑﺼﺤﺔ ﻭﺟﻪ : ﻓﻴﻬﺎ ﻣﺸﻜﻠﻪ ﻟﻮ ﻋﺪﻳﺖ ﻣﻌﺎﻛﻢ ..
ﻧﻮﺭﺍﻥ ﺍﻧﺼﺪﻣﺖ .. ﻭﺭﻳﻬﺎﻡ ﺭﻗﻴﺘﻠﻬﺎ ...
ﺭﻳﻬﺎﻡ : ﻣﻌﻠﺶ ﺣﺒﻴﺒﺘﻲ ﺍﻧﺎ ﻧﺒﻲ ﻧﻮﺭﺍﻥ ﺗﻌﺪﻱ ﻣﻌﺎﻳﺎ ...
ﻣﻼﻙ ﺭﻓﻌﺖ ﺣﻮﺍﺟﺒﻬﺎ ..
ﻧﻮﺭﺍﻥ : ﻣﺎﻩ ﺍﻟﻤﺼﻮﺭﺓ ﻣﺎﺗﺤﺒﺶ ﺍﻟﺰﺣﻤﻪ ..
ﻣﻼﻙ : ﺍﻫﺎ ﺍﻭﻛﻲ ... ﻭﻧﺎﺿﺖ ..
ﻧﻮﺭﺍﻥ ﻧﺎﺿﺖ : ﻭﻳﻦ؟
ﻣﻼﻙ : ﺑﻨﻌﺪﻱ ﻧﺮﻭﺡ ..
ﻧﻮﺭﺍﻥ : ﺗﻐﺪﻱ ﻗﺒﻞ ..
ﻣﻼﻙ : ﻻﺣﺒﻴﺒﺘﻲ ﻧﺘﻐﺪﺍ ﻓﺤﻮﺷﻨﺎ ... ﻭﻣﺸﺖ ﻧﻮﺭﺍﻥ ﺟﺖ ﺑﺘﻠﺤﻘﻬﺎ ﺷﺪﺗﻬﺎ ﺭﻳﻬﺎﻡ ..
ﺭﻳﻬﺎﻡ : ﺧﻠﻴﻬﺎ ﺗﻌﺪﻱ ... ﻣﺎﺩﻭﺭﻳﻬﺎﺵ ﺗﺰﻋﻞ ﻳﻮﻣﻴﻦ ﻭﺗﺮﺩ ﻣﺎﺗﻘﺪﺭﺵ ﺃﻛﺜﺮ ﻣﻦ ﻫﻚ ..
ﻧﻮﺭﺍﻥ ﺷﺒﺤﺘﻠﻬﺎ ﺑﻀﻴﻖ ..
ﺭﻳﻬﺎﻡ ﺑﻀﺤﻜﻪ : ﺧﻠﻴﻚ ﻣﻨﻬﺎ ﻭﺍﻟﻬﻲ ﻓﺴﻤﻮﺡ ﺍﻟﻠﻲ ﺳﺎﻛﻦ ﻳﺎﻻﻧﺎ ..
ﻧﻮﺭﺍﻥ ﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ﺣﻠﻮﺓ ﻭﺧﺪﻭﺩﻫﺎ ﺗﻮﺭﺩﻭﺍ ..
ﺭﻳﻬﺎﻡ : ﻫﻬﻬﻬﻬﻬﻬﻪ ﻧﺎﺣﻠﻴﺎ ..
ﻧﻮﺭﺍﻥ ﻗﻌﺪﺕ ﺗﻀﺤﻚ ..
ﻣﻼﻙ ﻃﺎﻟﻌﻪ ﻣﻌﺼﺒﻪ ﻭﻣﺴﺘﻐﺮﺑﻪ ﻓﻨﻮﺭﺍﻥ ﻛﻴﻒ ﻣﺎﻟﺤﻘﺘﻬﺎﺵ .. ﻭﻫﻲ ﻣﺎﺷﻴﻪ ﺧﺶ ﺷﻬﺎﺏ ﺑﺎﻟﺴﻴﺎﺭﺓ ﻟﻤﺎ ﺷﺎﻓﻬﺎ ﻛﻠﻜﺴﻠﻬﺎ ﻣﺸﺘﻠﻪ ..
ﻣﻼﻙ : ﺭﻭﺡ ﺑﻴﺎ ..
ﺷﻬﺎﺏ : ﻛﻨﻪ ﺍﻟﺴﻤﺢ ﺯﻋﻼﻥ .
ﺭﻛﺒﺖ ﺍﻟﺴﻴﺎﺭﺓ : ﻣﺮﺍﺕ ﺑﺎﺗﻚ ﺍﻟﻠﻲ ﻣﺶ ﻃﺎﻳﻘﺘﻨﻲ ﻃﺮﺩﺗﻨﻲ ﺑﺬﻭﻕ ..
ﺷﻬﺎﺏ : ﻣﺎﺩﻭﺭﻳﺶ ..
ﻣﻼﻙ : ﻫﻀﺎ ﻟﻠﻲ ﺭﺑﻲ ﻗﺪﺭﻙ ﻋﻠﻴﻪ ..
ﺷﻬﺎﺏ : ﺗﺒﻴﻨﻲ ﻧﻌﺪﻱ ﻧﻀﺮﺑﻬﺎ ﻣﺜﻼ ..
ﻣﻼﻙ ﺑﻨﺮﻓﺰﺓ : ﻻ ﻧﺒﻴﻚ ﺗﺮﺩ ﺑﻴﺎ ﻟﻠﺤﻮﺵ ..
ﻣﻂ ﺷﻮﺭﺍﺑﻪ ﺑﺈﺳﺘﻴﺎﺀ ﻭﺗﺤﺮﻙ ﻭﻃﻠﻌﻮﺍ ﻣﻦ ﺍﻟﺤﻮﺵ ..
ﻧﻮﺭﺍﻥ ﻃﻮﻝ ﻣﺸﺖ ﻟﺪﺍﺭﻫﺎ ﻓﺘﺤﺖ ﺍﻟﺮﻭﺷﻦ .. ﻟﻘﺖ ﺍﻟﺮﻭﺷﻦ ﻣﺘﺎﻋﻪ ﻣﺼﻜﺮ ..
💙 ﻧﻮﺭﺍﻥ
ﺯﻋﻢ ﺷﻦ ﺩﺍﻳﺮ .. ﻣﺮﺗﺎﺡ ﻭﻻﻻ .. ﺭﻗﺪ ﻛﻮﻳﺲ ﻓﻲ ﺍﻟﻠﻴﻞ ﻭﻻﻻ .. ﻛﻼ ﺍﻟﻔﻄﻮﺭ ﺍﻟﻠﻲ ﺩﺯﻳﻨﺎﻩ ﻭﻻﻻ .. ﻧﺒﻲ ﻧﺸﻮﻓﻪ .. ﺑﺲ ﻣﺶ ﻗﺎﺩﺭﻩ ﻭﻻﻗﺎﺩﺭﻩ ﻧﺮﻥ ﻋﻠﻴﻪ .. ﻗﻌﺪﺕ ﻭﺍﻗﻔﺔ ﺷﻮﻳﻪ ﺑﻌﺪﻳﻦ ﻗﻔﻠﺖ ﺍﻟﺸﺒﺎﻙ ... ﻭﺍﻧﻄﺮﺣﺖ ﻉ ﺳﺮﻳﺮﻱ ﻭﺍﻧﺎ ﻣﺎﻧﻔﻜﺮ ﻓﻐﻴﺮﻩ ❤ ﻭﻧﺬﻛﺮ ﻓﻨﻈﺮﺗﻪ ﻟﻴﺎ ﻣﻨﻴﻦ ﻗﺎﻝ ﻧﻮﺭﺍﻥ ﺗﺨﺘﺎﺭﻟﻲ ﺃﺳﻢ .. ﻧﺎﻋﻠﻴﺎ ﻳﺎﻗﻠﺒﻲ ﺍﻧﺎ ...😍 ﻭﻻ ﻟﻤﺎ ﺣﻂ ﻳﺪﻩ ﻉ ﻳﺪﻱ ﻭﺟﺎﺑﻬﺎ ﻉ ﻗﻠﺒﻪ ﻭﻗﻌﺪ ﻣﺎﺳﻚ ﻳﺪﻱ ﺍﺍﺍﺍﻩ ﻳﺎﺭﺑﻲ .... ﻫﻬﻬﻬﻬﻬﻪ ...
🍁 ﻋﻨﺪ ﻛﻤﺎﻝ ..
ﻛﺎﻥ ﻏﺎﺭﻕ ﻓﻲ ﻋﺎﻟﻢ ﺍﻟﻜﺘﺐ ﻣﺘﺎﻉ ﻣﻜﺘﺒﺔ ﺍﻡ ﻧﻮﺭﺍﻥ ... ﻓﻴﻬﺎ ﻣﻦ ﻛﻞ ﺷﻲ .. ﺩﻳﻦ .. ﻋﻠﻮﻡ .. ﺗﺎﺭﻳﺦ .. ﺃﺩﺏ .. ﻓﻠﺴﻔﻪ ... ﺭﻭﺍﻳﺎﺕ .. ﻭﻓﻲ ﻣﻨﻬﺎ ﺑﺎﻟﻠﻐﺔ ﺍﻹﻧﺠﻠﻴﺰﻳﻪ .. ﻛﺎﻥ ﻋﺎﻳﺶ ﻓﻬﺬﺍﻛﺎ ﺍﻟﻌﺎﻟﻢ ﺍﻟﻠﻲ ﺍﻧﺴﺠﻢ ﻣﻌﺎﻩ ﻫﻠﺒﻪ .. ﻭﻓﻲ ﺣﺎﺟﺎﺕ ﺣﺴﻬﺎ ﻣﺮﺕ ﻋﻠﻴﻪ ﻣﻦ ﻗﺒﻞ ... ﻭﻛﺎﻥ ﻣﺴﺘﻤﺘﻊ ﻷﺑﻌﺪ ﺣﺪ ...
***
ﻓﻲ ﺍﻟﻠﻴﻞ ..
ﻳﺎﺭﺏ ﺷﻦ ﻫﺎﻟﻤﻠﻞ ... ﺍﻭﻓﻔﻒ ..
ﻧﺎﺿﺖ ﻭﻓﺘﺤﺖ ﺍﻟﺮﻭﺷﻦ ﻋﺠﺒﺘﻬﺎ ﺍﻹﻃﻼﻟﻪ ﺷﺎﻓﺖ ﺑﻨﻐﺎﺯﻱ ﻛﻠﻬﺎ ﻣﻨﻬﺎ .. ﺍﺑﺘﺴﻤﺖ ﺑﻌﺪﻳﻦ ﺷﺒﺤﺖ ﻟﻠﺤﻮﺵ ﺍﻟﻠﻲ ﻉ ﺩﻭﺭﻳﻦ ﺣﺪﺍﻫﻢ ﻭﻗﻌﺪﺕ ﻣﺮﻛﺰﺓ ﻓﻴﻪ ﻛﻮﻳﺲ .. ﻭﺳﺮﺣﺖ ﺑﺘﻔﻜﻴﺮﻫﺎ ..
ﻟﻮﻃﺎ ..
ﺍﻛﺮﻡ ﻛﺎﻥ ﻭﺍﻗﻒ ﻛﺎﻟﻌﺎﺩﻩ ... ﺣﺲ ﺭﻗﺒﺘﻪ ﻭﺟﻌﺎﺗﻪ ﻗﻌﺪ ﻳﺤﺮﻙ ﻓﻴﻬﺎ ﺑﻌﺪﻳﻦ ﺭﻓﻊ ﺭﺍﺳﻪ ﻓﻮﻕ ﻭﻋﻴﻮﻧﻪ ﻣﻐﻤﻀﺎﺕ .. ﻓﺘﺤﻬﻢ ﻭﺟﺎﻱ ﺑﻴﺸﺒﺢ ﺍﻟﻘﺪﺍﻡ ﻟﻔﺖ ﺍﻧﺘﺒﺎﻫﻪ ﺍﻟﺒﻨﺖ ﺍﻡ ﻟﺴﺎﻥ ﻃﻮﻳﻞ ﻭﺍﻗﻔﺔ ﻓﻲ ﺍﻟﺮﻭﺷﻦ ﻭﻭﺗﺘﻔﺮﺝ ...
ﺍﻛﺮﻡ ﺭﻓﻊ ﺣﺎﺟﺒﻪ ﻭﺍﺑﺘﺴﻢ ﺑﻤﻜﺮ ..
ﺳﺎﺭﺓ ﻛﺎﻧﺖ ﺗﻔﻜﺮ ﻛﻴﻒ ﺍﺩﻳﺮ ﻭﻫﻞ ﻳﺎﺗﺮﻯ ﺍﻟﻠﻲ ﺗﺨﻄﻄﻠﻪ ﺗﻘﺪﺭ ﺗﻨﻔﺪﻩ ﻭﻻﻻ ...
" ﺍﻧﺘﻲ .."
ﺍﻧﺨﻠﻌﺖ ﻣﻦ ﺻﻮﺗﻪ ﺍﻟﻌﺎﻟﻲ ﺍﻟﻠﻲ ﺯﻱ ﺍﻟﺮﻋﺪ .. ﺷﺒﺤﺖ ﻟﻮﻃﺎ .. ﻭﺍﻧﺼﺪﻣﺖ ..
ﺍﻛﺮﻡ ﺑﻌﺼﺒﻴﻪ ﻣﺼﻄﻨﻌﻪ : ﺧﺸﺸﻲ ﺟﺠﻮﺍﺍﺍﺍ ..
ﺳﺎﺭﺓ ﺑﺮﻓﻌﺔ ﺣﺎﺟﺐ ﺷﺒﺤﺘﻠﻪ .. ﺑﻌﺪﻳﻦ ﺷﺒﺤﺖ ﻗﺪﺍﻡ ﺗﺠﺎﻫﻼﺗﻪ ﺗﻤﺎﻣﺎ ..
ﺍﻛﺮﻡ ﺭﻓﻊ ﺣﻮﺍﺟﺒﻪ ﻻﺧﺎﻓﺖ ﻭﻻﻋﺪﻟﺖ : ﺍﻧﺘﻲ ﻳﺎﻓﺮﺧﻪ ..
ﺷﺒﺤﺘﻠﻪ ﻭﻫﺰﺕ ﺭﺍﺳﻬﺎ ﺑﻤﻌﻨﻲ ﺷﻦ ﺗﺒﻲ ..
ﺍﻛﺮﻡ : ﻗﺖ ﺧﺸﺸﺸﻲ ﺟﻮﺍﺍﺍ ..
ﺳﺎﺭﺓ ﺿﻴﻘﺖ ﻋﻴﻮﻧﻬﺎ ﺑﺈﺯﺩﺭﺍﺀ ﻭﺃﺷﺮﺗﻠﻪ ﺑﻴﺪﻫﺎ ﺑﻤﻌﻨﻲ " ﺑﺮﺍ .. ﺑﺮﺍ " ﻭﺷﺒﺤﺖ ﻓﻮﻕ ..
ﺍﻛﺮﻡ ﺍﺑﺘﺴﻢ ﺑﺮﻓﻌﺔ ﺣﺎﺟﺐ .. ﻓﻴﺴﻊ ﻏﻴﺮ ﻣﻼﻣﺤﻪ ﻭﻭﻟﺖ ﺗﺨﻮﻑ .. ﻃﻠﻊ ﺳﻼﺣﻪ ﻭﺻﻮﺑﻪ ﺟﻴﻬﺘﻬﺎ : ﻳﺎﻓﺮﺭﺭﺭﺧﻪ ..
ﺗﺄﻓﻔﺖ ﺳﺎﺭﺓ ﻭﺷﺒﺤﺖ ﻟﻮﻃﺎ ﻭﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ ... ﻃﻮﻝ ﺧﺸﺖ ﻭﺳﻜﺮﺕ ﺍﻟﺮﻭﺷﻦ ﺯﻳﻦ ﻭﺩﺍﺭﺕ ﺍﻟﺴﺘﺎﺭ ..
ﺣﻄﺖ ﻳﺪﻫﺎ ﻉ ﻗﻠﺒﻬﺎ : ﺷﻦ ﻫﺎﻟﻤﻄﺮﺷﻖ ؟ !!!
ﺍﻣﺎ ﻫﻮ ﻟﻮﻃﺎ ﺭﺩ ﺳﻼﺣﻪ ﻟﻤﻜﺎﻧﻪ ﻭﻫﻮ ﻳﻀﺤﻚ .. ﺭﻓﻊ ﺭﺍﺳﻪ ﺟﻬﺔ ﺭﻭﺷﻨﻬﺎ ﻭﻫﻮ ﻣﺒﺘﺴﻢ ... ﺑﻌﺪﻳﻦ ﻧﺰﻝ ﺭﺍﺳﻪ ﻭﺭﻓﻊ ﻣﻦ ﺟﺪﻳﺪ ﺑﺲ ﻟﻠﺠﻬﺔ ﺍﻟﺘﺎﻧﻴﻪ ﻟﻘﻲ ﺭﻳﻬﺎﻡ ﺗﺸﻮﻓﻠﻪ ... ﻣﻼﻣﺢ ﻭﺟﻬﻪ ﺗﺒﺪﻟﺖ ﻟﻠﺤﺪﻩ ﻭﺷﺒﺢ ﺍﻟﻘﺪﺍﻡ ... ﺍﻣﺎ ﻫﻲ ﻓﻜﺎﻧﺖ ﻣﻀﺎﻳﻘﻪ ﻉ ﺍﻵﺧﺮ ... ﺍﻭﻝ ﻣﺮﺓ ﺍﻛﺮﻡ ﻳﺪﻳﺮ ﻫﻜﻲ ﻭﻳﻨﺎﺷﺐ ﺣﺪ ... ﻭﻳﺪﻭﺭﻩ ﺷﻦ ﻣﻌﻨﺎﻫﺎ ﻫﺎﺩﻱ؟؟ !!
ﻣﻦ ﻏﻴﺮﺗﻬﺎ ﺩﻣﻮﻋﻬﺎ ﻧﺰﻟﻮﺍ ..
🍁🍁🍁
ﻧﻮﺭﺍﻥ ﻛﺎﻧﺖ ﻣﻘﻌﻤﺰﺓ ﺗﺮﺳﻢ ﻓﺘﺼﻤﻴﻢ ﺗﻌﺒﺖ ... ﻧﺎﺿﺖ ﻣﻦ ﻣﻜﺎﻧﻬﺎ ﻭﻣﺸﺖ ﺟﻬﺔ ﺭﻭﺷﻨﻬﺎ ﺍﻟﻤﻔﺘﻮﺡ .. ﻟﻘﺖ ﺍﻟﺮﻭﺷﻦ ﻣﺘﺎﻋﻪ ﻣﻔﺘﻮﺡ ﻭﺍﻟﺴﺘﺎﺭ ﺍﻃﻴﺮ ﻓﻴﻪ ﺍﻟﺮﻳﺢ .. ﻟﻜﻦ ﻫﻮ ﻣﺶ ﺑﺎﻳﻦ .. ﺍﺑﺘﺴﻤﺖ ..
ﺍﻟﻤﻬﻢ ﻓﺘﺢ ﺍﻟﺮﻭﺷﻦ .. ﺍﻟﻤﻬﻢ ﺣﺴﺴﻬﺎ ﺑﻮﺟﻮﺩﻩ .. ﻗﻌﺪﺕ ﻭﺍﻗﻔﻪ ﻟﻠﺤﻈﺎﺕ ﻭﺑﻌﺪﻳﻦ ﺗﻨﻬﺪﺕ ﻭﺧﺸﺖ ...
ﺍﻣﺎ ﻫﻮ ﻓﻜﺎﻥ ﻳﺼﻠﻲ ﻓﻲ ﺍﻟﻌﺸﻲ ...
ﻣﻤﻜﻦ ﻧﺴﻲ ﺍﺣﺐ ﺍﻟﻨﺎﺱ ﻟﻘﻠﺒﻪ ... ﺑﺲ ﻣﺴﺘﺤﻴﻞ ﻳﻨﺴﻰ ﺭﺑﻪ ﺍﻟﻠﻲ ﻛﺎﻥ ﻗﺮﻳﺐ ﻣﻨﻪ ﺑﻘﻠﺒﻪ ﻭﺃﻓﻌﺎﻟﻪ ..❤
***
ﺗﻬﺎﻧﻲ ... ﺗﻬﺎﻧﻲ .. ﻧﻮﺿﻲ ﺧﻮﺩﻱ ﺩﻭﺍﻙ ﺑﺲ ..
ﻋﻼ ﺑﺒﻜﻲ : ﺗﺮﺑﺤﻲ ﻳﻤﺎ ﻧﻮﺿﻲ ..
ﻛﺎﻧﺖ ﺍﻣﻪ ﺭﺍﻗﺪﻩ ﻓﺪﺭﺍﻩ ﻭﻉ ﺳﺮﻳﺮﻩ ﻭﺭﻓﻀﺖ ﺗﻘﺒﻞ ﻓﻴﻪ ﻋﺰﻱ .. ﺑﺎﻟﺬﺍﺕ ﺍﻧﻬﺎ ﻻﺷﺎﻓﺎﺗﻪ ﻓﺘﺎﺑﻮﺕ ﻭﻻﺍﻧﺪﻓﻦ ...
ﻧﺎﺻﺮ : ﺍﺭﺟﻮﻙ ﻳﺎﺗﻬﺎﻧﻲ ﻣﺎﺗﻬﺪﻳﺶ ﺣﻴﻠﻲ ﺃﻛﺜﺮ ﻣﺎﻫﻮ ﻣﻬﺪﻭﺩ ..
ﺗﻬﺎﻧﻲ : ﺍﻧﻲ .. ﻣﻌﺎﺵ ﻓﻴﺎ ﺣﻴﻞ ﺧﻼﺹ ..
ﻋﻼ ﺗﺒﻜﻲ ..
ﻧﺎﺻﺮ : ﺍﻣﺮ ﺍﻟﻠﻪ ﻳﺎﻣﺮﺍﻩ ﺃﻣﺮ ﺍﻟﻠﻪ ..
ﺗﻬﺎﻧﻲ : ﺑﺎﻫﻲ ﻋﻼﺵ ﻗﻠﺒﻲ ﻳﻘﻮﻟﻲ ﺍﻥ ﻭﻟﺪﻱ ﻣﺎﻣﺎﺗﺶ ..
ﻋﻼ ﻃﻠﻌﺖ ﺑﺮﺍ ﻃﻮﻝ ﺑﺶ ﺗﺒﻜﻲ ﺑﺮﺍﺣﺘﻬﺎ
ﻧﺎﺻﺮ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ...
***
ﺗﺎﻧﻲ ﻳﻮﻡ ﺍﻟﺼﺒﺢ ..
ﻓﺎﻗﺖ ﻣﺘﺄﺧﺮ ﻹﻧﻬﺎ ﺭﻗﺪﺕ ﻣﺘﺄﺧﺮ ... ﻧﺎﺿﺖ ﺧﺸﺖ ﻟﻠﺤﻤﺎﻡ .. ﺷﻮﻳﻪ ﻭﻃﻠﻌﺖ ﻟﺒﺴﺖ ﺍﻟﻤﻼﻳﻪ ﻭﻣﺸﺖ ﺟﻬﺔ ﺍﻟﺮﻭﺷﻦ ﻭﻓﺘﺤﺎﺗﻪ .. ﻓﻨﻔﺲ ﺍﻟﻠﺤﻈﻪ ﻫﻮ ﻓﺘﺢ ﺍﻟﺮﻭﺷﻦ ...
ﺍﺑﺘﺴﻤﺖ ﺑﻔﺮﺡ ﻟﻤﺎ ﺷﺎﻓﺘﻪ ﻭﻗﻌﺪ ﺻﺪﺭﻫﺎ ﻳﺮﻛﺐ ﻭﻳﻬﺒﻂ ﻣﻦ ﻗﻮﺓ ﺍﻟﻨﻔﺲ ﺑﺴﺒﺐ ﻧﺒﺾ ﻗﻠﺒﻬﺎ ﺍﻟﻤﺘﺴﺎﺭﻉ ..
ﻛﻤﺎﻝ ﺍﺑﺘﺴﻢ : ﺻﺒﺎﺡ ﺍﻟﺨﻴﺮ ❤
ﻧﻮﺭﺍﻥ ﺑﺈﺑﺘﺴﺎﻣﻪ : ﺻﺒﺎﺣﻚ ﻧﻮﺭ ﻭﺳﺮﻭﺭ ..
ﻛﻤﺎﻝ ﺑﻀﺤﻜﻪ : ﺍﻟﺰﻭﺯ ﻣﻊ ﺑﻌﺾ .. ﺧﻠﻲ ﻭﺣﺪﻩ ﺍﻟﻴﻮﻡ ﻭﻭﺣﺪﻩ ﻏﺪﻭﺓ .. ﺍﻟﻴﻮﻡ ﻣﻊ ﻧﻮﺭ .. ﻭﻏﺪﻭﺓ ﺳﺮﻭﺭ ...
ﻧﻮﺭﺍﻥ ﺣﺴﺖ ﺑﺎﻟﻐﻴﺮﺓ ﺑﺲ ﺿﺤﻜﺖ ﻉ ﻛﻼﻣﻪ ..
ﻛﻤﺎﻝ : ﺷﻜﺮﺍ ﻉ ﻓﻄﻮﺭ ﻭﻏﺪﻱ ﻭﻋﺸﻲ ﺍﻣﺲ ..
ﻧﻮﺭﺍﻥ : ﻫﻀﺎ ﻭﺍﺟﺒﻨﺎ ﻛﻢ ﻣﺮﺓ ﺑﻨﻘﻮﻟﻬﺎ ..
ﻛﻤﺎﻝ ﺍﺑﺘﺴﻢ : ﺑﺎﻫﻲ ﻣﻤﻜﻦ ﺗﻘﻮﻟﻲ ﻷﻛﺮﻡ ﻳﺠﻴﻨﻲ ..
ﻧﻮﺭﺍﻥ : ﺣﺎﺿﺮ ...
ﻛﻤﺎﻝ ﺑﺈﺑﺘﺴﺎﻣﻪ : ﻋﻦ ﺇﺫﻧﻚ .. ﻭﺧﺶ ..
ﺍﻣﺎ ﻫﻲ ﻗﻌﺪﺕ ﻭﺍﻗﻔﻪ ﻭﺗﺸﺒﺢ ﻟﻠﺮﻭﺷﻦ ﻣﺘﺎﻋﻪ ﻭﺧﻼﺹ ... ﺗﻨﻬﺪﺕ ﻣﻦ ﻭﺳﻂ ﻗﻠﺒﻬﺎ ﻭﺯﻓﺮﺕ ﺑﻘﻮﺓ ... ﺑﻌﺪﻳﻦ ﺷﺒﺤﺖ ﻟﺮﻭﺣﻬﺎ ﻭﺍﺫﻛﺮﺕ ﺍﻟﺼﻼﺓ ﺍﻟﻠﻲ ﻧﺴﺘﻬﺎ .. ﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﺍﺳﺘﻐﻔﺮﺕ ﺭﺑﻲ ﻭﻣﺸﺖ ﻭﻗﻔﺖ ﻉ ﺍﻟﺼﻼﻳﻪ ﻭﺑﺪﺕ ﺗﺼﻠﻲ ..
***
ﺟﺪﻱ ﻭﺿﻌﻪ ﻣﺶ ﻣﺰﺑﻮﻁ ﺑﻜﻞ ..
ﺧﻠﻴﻔﻪ : ﻧﻔﻜﺮ ﻧﻄﻠﻊ ﺑﻴﻪ ﻣﻦ ﺍﻟﺒﻼﺩ ..
ﻧﺎﺻﺮ : ﻭﻳﻦ ﺗﻄﻠﻊ ﺑﻴﻪ ﻗﺎﻋﺪﻳﻦ ﻓﻲ ﺍﻟﻌﺰﻱ ..
ﻣﻨﻴﺮ : ﺍﻧﻲ ﺗﻮ ﻧﻄﻠﻊ ﺑﻴﻪ ..
ﻧﺎﺻﺮ : ﻫﻜﻲ ﻣﻤﻜﻦ .. ﻻﺯﻡ ﺍﻧﻲ ﻭﻳﺎﻙ ﻧﻘﻌﺪﻭﺍ ﺑﺶ ﻧﺴﺘﻘﺒﻠﻮﺍ ﺍﻟﻠﻲ ﻳﻌﺰﻭﺍ ﺟﺎﻳﻴﻦ ﻣﻦ ﻛﻞ ﺗﺮﻛﻴﻨﻪ ﻓﻲ ﺍﻟﺒﻼﺩ ...
ﺧﻠﻴﻔﻪ : ﺍﻳﻪ ﻭﻳﻨﻪ ﺍﻟﺴﻴﺪ ﻣﻨﺼﻮﺭ ..
ﻧﺎﺻﺮ : ﻻﻫﻲ ﻓﺒﻨﺘﻪ ﺣﺎﻟﺘﻬﺎ ﺻﻌﺒﻪ ﻫﻠﺒﻪ ..
ﻣﻨﻴﺮ ﺍﺿﺎﻳﻖ ..
ﺧﻠﻴﻔﻪ : ﻟﻜﻦ ﻻﺯﻡ ﻳﺠﻲ ﻛﻞ ﻳﻮﻡ .. ﻫﺎﺩﻱ ﺍﻣﻪ ﺣﺘﻰ ﻫﻮ ..
ﻧﺎﺻﺮ : ﻣﺎﻋﻨﺪﻙ ﻣﺎﺩﻳﺮ ﺑﻴﻪ ..
ﺧﻠﻴﻔﺔ ﺳﻜﺖ ...
ﺍﻣﺎ ﻣﻨﻴﺮ ﻗﻌﺪ ﻳﻔﻜﺮ ﻓﺤﺎﻝ ﻛﻨﺎﻧﻪ ﻭﺷﺎﻑ ﺍﻥ ﺗﻮﺍ ﺍﻟﻮﻗﺖ ﻣﻨﺎﺳﺐ ﺑﺶ ﻳﻘﺮﺑﻠﻬﺎ ...
***
ﻉ ﺍﻟﻔﻄﻮﺭ ...
ﺷﻦ ﻗﻠﺖ ﺣﺒﻴﺒﻲ ..
ﺭﺿﻮﺍﻥ ﻫﺰ ﺭﺍﺳﻪ ﺑﺈﻳﺠﺎﺏ : ﺗﻤﺎﻡ .. ﺗﻮ ﻧﺸﻮﻓﻮﺍ ﺍﺧﺮﺗﻬﺎ ..
ﺭﻳﻬﺎﻡ ﺑﺈﺑﺘﺴﺎﻣﻪ : ﻛﻞ ﺧﻴﺮ ..
ﺷﻬﺎﺏ ﻣﻂ ﺷﻮﺍﺭﺑﻪ ﺑﻀﻴﻖ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺗﻮ ﻧﺪﻭﻱ ﻣﻌﺎﻫﺎ ﻭﻧﻔﻬﻤﻬﺎ ﻛﻞ ﺷﻲ ..
ﺭﺿﻮﺍﻥ : ﺃﻫﻢ ﺷﻲ ﺗﻌﺮﻑ ﺍﻧﻲ ﻣﺎﻧﻐﻔﺮﺵ ﺍﻟﺨﻄﺄ .
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﺷﻬﺎﺏ ﻧﺎﺽ : ﺍﻟﻴﻮﻡ ﺑﻨﺮﺩ ﻣﺘﺄﺧﺮ ..
ﺭﺿﻮﺍﻥ : ﺷﻦ ﺍﻟﺠﺪﻳﺪ ﻳﻌﻨﻲ ﺻﻴﺎﻋﻪ ﻭﺿﻴﺎﻋﻪ ﻭﺭﺩﺓ ﻋﻘﺎﺑﺎﺕ ﺍﻟﻠﻴﻞ ﻫﻀﺎ ﺍﻧﺖ ..
ﻧﻮﺭﺍﻥ ﻭﺭﻳﻬﺎﻡ ﺷﺒﺤﻮﻟﻪ ﺑﻀﻴﻖ ..
ﺍﻣﺎ ﻫﻮ ﻋﺼﺐ ﻭﻣﺸﻲ ﻃﻠﻊ ﺑﺪﻭﻥ ﺭﺩ ..
ﺭﻳﻬﺎﻡ : ﻣﺶ ﻫﻚ ..
ﺭﺿﻮﺍﻥ : ﻭﺻﻠﺖ ﺣﺪﻱ ﻣﻨﻪ ... ﺑﻄﻮﻟﻪ ﻭﻋﺮﺿﻪ ﻫﻀﺎ ﻭﺍﻧﺎ ﻗﻌﺪﺕ ﻧﺠﺮﻱ ﻭﺣﺪﻱ ﻉ ﺍﻟﺸﻐﻞ .. ﺑﻴﻦ ﺍﻟﺸﺮﻛﺔ ﻭﺍﻟﻤﺼﻨﻊ ﻭﺍﻟﻤﻌﺎﻣﻞ .. ﺑﺎﻟﻠﻪ ﻋﻠﻴﻚ ﻫﻀﺎ ﺷﻲ ﻳﻨﺴﻜﺖ ﻋﻠﻴﻪ ..
ﺭﻳﻬﺎﻡ : ﻣﻌﺎﻙ ﺣﻖ ﺑﺲ ﻣﻔﺮﻭﺽ ﻣﺎﺩﻭﻳﺘﻼﺵ ﻫﻚ ﻗﺪﺍﻣﻨﺎ ..
ﺭﺿﻮﺍﻥ ﺗﻨﻬﺪ ﻭﻧﺎﺽ : ﺑﻨﻌﺪﻱ ﻟﻠﺸﺮﻛﻪ ... ﻧﺎﺿﺖ ﺭﻳﻬﺎﻡ ﻭﻣﺸﺖ ﻣﻌﺎﻩ ...
ﺍﻣﺎ ﻧﻮﺭﺍﻥ ﻓﻨﺎﺿﺖ ﻭﻫﻲ ﻣﻀﺎﻳﻘﻪ .. ﺑﺘﻠﺒﺲ ﻭﺗﻤﺸﻲ ﻟﺴﺎﺭﺓ ...
ﺑﺮﺍ ..
ﺭﻳﻬﺎﻡ ﺑﺎﺳﺖ ﺭﺿﻮﺍﻥ : ﻫﺪﻱ ﻳﺎﻗﻠﺒﻲ ..
ﺭﺿﻮﺍﻥ ﺍﺑﺘﺴﻢ ﻭﻗﺮﺻﻬﺎ ﻣﻦ ﺧﺪﻫﺎ ﻗﺮﺻﻪ ﺧﻔﻴﻔﻪ .. ﻭﺭﻛﺐ ﺍﻟﺴﻴﺎﺭﺓ ...
ﺍﻛﺮﻡ ﺭﻛﺐ ﺍﻟﻘﺪﺍﻡ ﻭﻫﻮ ﻣﺘﺠﺎﻫﻠﻬﺎ ﺗﻤﺎﻣﺎ ... ﻭﺗﺤﺮﻛﺖ ﺍﻟﺴﻴﺎﺭﺓ ﻭﻣﺸﻮﺍ ...
ﻫﻲ ﺗﻨﻬﺪﺕ ﺗﻨﻬﻴﺪﻩ ﻗﻮﻳﻪ ﻭﺧﺸﺖ ﺩﺍﺧﻞ ...
ﻉ ﻃﻠﻌﺖ ﻧﻮﺭﺍﻥ ﺍﺑﺘﺴﻤﻮﺍ ﻟﺒﻌﺾ ﻧﻮﺭﺍﻥ ﻛﻤﻠﺖ ﻃﺮﻳﻘﻬﺎ ﻟﺤﻮﺷﻬﻢ
ﻭﺻﻠﺖ ﻓﻲ ﺍﻟﺒﺎﺏ ﻭﻓﺘﺤﺎﺗﻪ ﻭﺧﺸﺖ ﻗﻌﺪﺕ ﺗﺸﻮﻑ ﻟﻠﺤﺪﻳﻘﻪ ﻣﺘﺎﻋﻪ ﺑﺈﺑﺘﺴﺎﻣﻪ ﺧﺸﺖ ﻟﺪﺍﺧﻞ .. ﺗﻨﻬﺪﺕ ﻭﻏﻤﻀﺖ ﻋﻴﻮﻧﻬﺎ ﻭﺍﺫﻛﺮﺕ ﻟﻤﺎ ﺧﺸﻮﺍ ﻣﻊ ﻛﻤﺎﻝ .. ﻣﺸﺖ ﻟﻠﺪﺭﻭﺝ ﻭﺍﺫﻛﺮﺕ ﺍﻟﻤﻮﻗﻒ ﺍﻟﻠﻲ ﺻﺎﺭ ﻟﻤﺎ ﻭﺟﻌﻪ ﻗﻠﺒﻪ .. ﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ﻭﺍﺑﺘﺴﻤﺖ .. ﺭﻛﺒﺖ ﻓﻮﻕ ﻭﺻﻠﺖ ﻓﻲ ﺍﻟﺪﻭﺭ ﺍﻟﺘﺎﻧﻲ ﻭﻗﻔﺖ ﺣﺪﺍ ﺷﻘﺘﻪ ﻭﻫﻲ ﺗﺒﺘﺴﻢ ﻭﺗﻨﻬﺪﺕ .. ﻭﺁﺍﺍﻩ ﻣﻦ ﺗﻨﻬﻴﺪﺍﺕ ﺍﻟﺤﺐ ﺍﻟﻠﻲ ﺗﻄﻠﻊ ﻣﻦ ﺍﻟﻘﻠﺐ ..💓
ﻛﻤﻠﺖ ﻃﺮﻳﻘﻬﺎ ﻭﺭﻛﺒﺖ ﺍﻟﺪﻭﺭ ﺍﻟﺜﺎﻟﺖ ﻭﻗﻔﺖ ﻉ ﺍﻟﺒﺎﺏ ﻭﻃﻘﺖ ..
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ..
ﺳﺎﺭﺓ ﺑﺈﺑﺘﺴﺎﻣﻪ : ﻳﺎﻫﻼ ﺑﺎﻟﺴﻤﺤﻪ .. ﺗﻔﻀﻠﻲ ﺑﻴﺘﻚ ﻭﻣﻄﺮﺣﻚ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻬﻬﻪ ... ﺗﻬﺒﻠﻲ ..
ﺳﺎﺭﺓ : ﻧﺠﻚ ﻳﺎﺳﻤﺤﻪ .. ﺻﻜﺮﺕ ﺍﻟﺒﺎﺏ ..
ﻧﻮﺭﺍﻥ : ﺭﻗﺪﺗﻲ ﻛﻮﻳﺲ ﺍﻟﺒﺎﺭﺡ ..
ﺳﺎﺭﺓ : ﻧﻜﺬﺏ ﻋﻠﻴﻚ ﻟﻮ ﻧﻘﻮﻟﻚ ﺭﻗﺪﺕ ﻛﻮﻳﺲ ..
ﻧﻮﺭﺍﻥ : ﻣﻌﻨﺎﻫﺎ ﻛﻤﻠﺘﻲ ﻟﻴﻠﻚ ﻭﺍﻧﺘﻲ ﺗﻔﻜﺮﻱ ..
ﺳﺎﺭﺓ : ﺍﻫﺎ ﻣﺎﻧﺶ ﻋﺎﺭﻓﻪ ﺷﻦ ﺑﻴﺼﻴﺮ ﻓﻴﺎ ...
ﻧﻮﺭﺍﻥ ﺑﺈﺑﺘﺴﺎﻣﻪ : ﻭﺍﻧﺎ ﻧﻘﻮﻟﻚ ﻣﻌﺶ ﺗﻔﻜﺮﻱ ﻓﺸﻲ .. ﺧﻼﺹ ﺧﺪﻣﺘﻚ ﻭﺳﻜﻨﻚ ﺍﻧﺤﻠﺖ ﻣﺸﻜﻠﺘﻬﻦ ..
ﺳﺎﺭﺓ ﺷﺪﺕ ﻉ ﺍﻳﺪﻳﻦ ﻧﻮﺭﺍﻥ : ﻛﻴﻒ ﺑﺎﻟﻠﻪ ...
ﻧﻮﺭﺍﻥ ﺑﻀﺤﻜﻪ : ﻋﻤﻲ ﻭﺍﻓﻖ ﺗﺸﺘﻐﻠﻲ ﻋﻨﺪﻧﺎ ﻭﺍﻟﻤﻜﺎﻥ ﻫﻀﺎ ﻫﻮ ﺳﻜﻨﻚ ..
ﺳﺎﺭﺓ ﺻﻔﻘﺖ ﻭﺭﻓﻌﺖ ﺍﻳﺪﻳﻬﺎ ﻓﻮﻕ ﻭﻋﻴﻄﺖ : ﺁﺍﺍﺍﺍﺍﺍﺍﺍﻩ ... ﻭﺣﻀﻨﺖ ﻧﻮﺭﺍﻥ ﻭﺑﺎﺳﺘﻬﺎ ﻣﻦ ﺧﺪﻭﺩﻫﺎ ... ﺗﻬﺒﻠﻲ ﺗﻬﺒﻠﻲ ﻳﺎﻧﻮﻧﻮ ﻳﺎﺳﻤﺤﻪ ﺍﻧﺘﻲ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻬﻪ .... ﻟﻜﻦ ﺍﺳﻤﻌﻲ ﻋﻤﻲ ﺷﺪﻳﺪ ﻭﻣﺎﻳﻌﺮﻓﺶ ﺣﺎﺟﻪ ﺳﻤﺎﻫﺎ ﻓﺮﺻﻪ ﺛﺎﻧﻴﻪ ﻏﻠﻄﺘﻲ ﺗﻤﺘﻠﻚ ..
ﺳﺎﺭﺓ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻﻻﺍ ﺍﺑﺪﺍ ﻣﺶ ﺣﻨﻐﻠﻂ ﺇﻥ ﺷﺎﺀ ﺍﻟﻠﻪ ﻭﺣﻨﻜﻮﻥ ﻣﻨﻀﺒﻄﻪ .. ﻭﻧﺨﺪﻡ ﺧﺪﻣﺘﻲ ﻉ ﺍﺣﺴﻦ ﻭﺟﻪ ..
ﻧﻮﺭﺍﻥ ﺑﻀﺤﻜﻪ : ﻛﻮﻳﺲ .. ﺑﻌﺪ ﺍﻟﻌﺼﺮ ﺗﻌﺎﻟﻲ ..
ﺳﺎﺭﻩ : ﺣﺎﺍﺍﺿﺮ ..
ﻫﺪﺭﺯﻭﺍ ﺷﻮﻳﻪ ﻭﻧﻮﺭﺍﻥ ﻃﻠﻌﺖ ﻣﻦ ﻋﻨﺪﻫﺎ ﻭﻧﺰﻟﺖ ﻟﻮﻃﺎ ﻭﻛﻴﻒ ﻭﺻﻠﺖ ﻓﻲ ﺍﻟﺪﻭﺭ ﺍﻟﺘﺎﻧﻲ .. ﺍﻧﻔﺘﺢ ﺍﻟﺒﺎﺏ .. ﺭﻋﺸﺖ ﺭﻋﺸﻪ ﺣﻠﻮﺓ ﻭﻭﻗﻔﺖ ..
ﻛﻤﺎﻝ ﺑﺈﺑﺘﺴﺎﻣﻪ : ﻧﻮﺭﺍﻥ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻛﻴﻒ ﺣﺎﻟﻚ ..
ﻛﻤﺎﻝ : ﺍﻟﺤﻤﺪ ﻟﻠﻪ ... ﻛﻠﻤﺘﻲ ﺍﻛﺮﻡ ..
ﻧﻮﺭﺍﻥ : ﻻ ﻃﻠﻊ ﻗﺒﻞ ﻧﻘﻮﻟﻪ .. ﺑﺲ ﻳﻌﻨﻲ ﺍﻧﺖ ﻣﺶ ﻋﻨﺪﻙ ﺭﻗﻤﻪ ﻟﻴﺶ ﻣﺎﺗﻜﻠﻤﻪ ..
ﻛﻤﺎﻝ : ﻓﻜﺮﺕ ﺍﻛﻴﺪ .. ﺑﺲ ﻣﺤﺮﺝ ﻣﻨﻪ .. ﻣﺮﺍﺕ ﻳﻜﻮﻥ ﻣﺸﻐﻮﻝ ﺗﺠﻲ ﻣﻨﻚ ﺍﻧﺘﻲ ﺍﻓﻀﻞ ﻓﻲ ﺍﻟﻨﻬﺎﻳﻪ ﺗﻤﻮﻧﻲ ﻋﻠﻴﻪ ..
ﻧﻮﺭﺍﻥ : ﺍﻛﺮﻡ ﻻﻳﻌﺮﻑ ﻳﺠﺎﻣﻞ ﻭﻻﻳﻤﻮﻥ ﻋﻠﻴﻪ ﺣﺪ ﻓﺸﻐﻠﻪ .. ﺑﺲ ﺣﺎﺿﺮ ﺗﻮ ﻧﺘﺼﻞ ﺑﻴﻪ ﻭﻧﻘﻮﻟﻪ ..
ﻛﻤﺎﻝ : ﺍﺳﻒ .. ﻣﺴﺒﺒﻠﻜﻢ ﺭﺑﻜﻪ ..
ﻧﻮﺭﺍﻥ : ﻻﺭﺑﻜﻪ ﻭﻻﻫﻢ ﻳﺤﺰﻧﻮﻥ .. ﻣﻦ ﻫﺪﻭﺋﻚ ﻣﺶ ﺣﺎﺳﻴﻦ ﺑﻮﺟﻮﺩﻙ ..
ﻛﻤﺎﻝ ﺑﺈﺑﺘﺴﺎﻣﻪ : ﻛﻮﻳﺲ .. ﻧﺒﻲ ﻧﻄﻠﺐ ﻃﻠﺐ ﻣﻦ ﻓﻀﻠﻚ ..
ﻧﻮﺭﺍﻥ : ﺍﻧﺖ ﺍﻟﻠﻲ ﻣﻦ ﻓﻀﻠﻚ ﺷﻴﻞ ﺍﻟﺮﺳﻤﻴﺎﺕ ﻫﺬﻱ ﻉ ﺟﻨﺐ .. ﻣﺎﻧﻘﺪﺭﺵ ﻧﺘﻌﺎﻣﻞ ﻣﻌﺎﻙ ﺑﺮﺍﺣﻪ ﻫﻚ ..
ﻛﻤﺎﻝ : ﻧﺤﺎﻭﻝ ...
ﻧﻮﺭﺍﻥ : ﻻ ﻣﺘﺤﺎﻭﻟﺶ ... ﺧﻮﺩ ﺭﺍﺣﺘﻚ ﺍﺭﺟﻮﻙ ...
ﻛﻤﺎﻝ ﺍﺑﺘﺴﻢ ﻭﺍﺗﻜﻰ ﻉ ﺍﻟﺒﺎﺏ ﻭﻗﻌﺪ ﻳﻌﺪ ﻉ ﺻﻮﺍﺑﻌﻪ : ﻳﺎﺳﺘﻲ ﻧﺒﻲ ﺑﻦ ... ﺳﻮﺯﺓﻗﻬﻮﺓ ﺻﻐﻴﺮﻭﻧﻪ ... ﻓﻨﺠﺎﻥ .. ﻭﺻﻔﺮﺓ ..
ﻧﻮﺭﺍﻥ ﺑﻀﺤﻜﻪ : ﺣﺎﺿﺮ ﺑﺲ ﺍﻟﺴﻮﺯﺓ ﺷﻦ ﻣﻌﻨﺎﻫﺎ ..
ﻛﻤﺎﻝ ﺣﻂ ﺍﻳﺪ ﻓﻲ ﺟﻴﺒﻪ ﻭﺍﻟﺘﺎﻧﻴﻪ ﺣﻚ ﺑﻴﻬﺎ ﺭﺍﺳﻪ ﻣﻦ ﺍﻟﺨﻠﻒ : ﺍﻣﻢ .. ﺍﺷﺮ ﺑﺴﺒﺎﺑﺘﻪ ﻋﻠﻴﻬﺎ .. ﻫﺎﺩﻱ ﺍﻟﻠﻲ ﻳﻄﻴﺒﻮﺍ ﻓﻴﻬﺎ ﺍﻟﻘﻬﻮﺓ ..
ﻧﻮﺭﺍﻥ ﺑﻀﺤﻜﻪ : ﺍﺍﺍﻩ ... ﺑﻜﺮﺝ ..
ﻛﻤﺎﻝ ﺑﻀﺤﻜﻪ : ﺍﻫﺎ ﻣﻤﻜﻦ ﻫﻮ ...
ﻧﻮﺭﺍﻥ ﺑﻀﺤﻜﻪ : ﻣﺎﺗﺒﻴﺶ ﺳﻜﺮ ..
ﻛﻤﺎﻝ : ﺳﺎﺩﻩ .. ﻗﻬﻮﺗﻲ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺒﺘﺴﻤﻪ : ﺣﺎﺿﺮ .. ﺣﻴﻮﺻﻠﻨﻚ ﺑﻌﺪ ﺷﻮﻱ ..
ﻛﻤﺎﻝ ﺍﺑﺘﺴﻢ ﻭﻭﻗﻒ ﻉ ﺣﻴﻠﻪ : ﻣﺸﻜﻮﺭﺓ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺍﻟﻌﻔﻮ ...
ﺷﺒﺤﻮﺍ ﻟﺒﻌﺾ ﻭﻗﻌﺪﻭﺍ ﺳﺎﻛﺘﻴﻦ ...
💙 ﻧﻮﺭﺍﻥ ..
ﻻﻧﺒﻲ ﻧﻌﺪﻱ ﻭﻻﻧﺒﻴﻪ ﻳﺨﺶ ... ﻫﻮ ﺣﺴﻴﺘﻪ ﻣﻌﺶ ﻋﺮﻑ ﺷﻦ ﻳﺪﻳﺮ .. ﻳﺒﻲ ﻳﺨﺶ .. ﻭﺍﺿﺢ ..
ﻧﻮﺭﺍﻥ : ﺍﺣﻤﻤﻢ .. ﻫﻲ ﻋﻦ ﺇﺫﻧﻚ ..
ﻛﻤﺎﻝ : ﺍﺫﻧﻚ ﻣﻌﺎﻙ ﻭﺍﺑﺘﺴﻢ ..
ﻧﻮﺭﺍﻥ ﺑﺎﻟﺴﻴﻒ ﻟﻔﺖ ﻭﻧﺰﻟﺖ ﻭﻗﻠﺒﻬﺎ ﻳﺪﻕ ﺑﻘﻮﺓ ﺳﻤﻌﺖ ﺻﻮﺕ ﺍﻟﺒﺎﺏ ﺗﺼﻜﺮ ... ﻭﻧﺰﻟﺖ ﺑﺴﺮﻋﻪ ﻭﻃﻮﻝ ﻃﻠﻌﺖ ﻣﻦ ﺍﻟﺤﻮﺵ ...
****
>> ﺍﻣﺘﻰ ﺗﻜﻤﻞ ﻭﺗﺮﻭﺡ ﻧﻬﺎﺋﻲ ﺑﺲ ..
ﻋﻼﺀ : ﻳﺎﻋﻤﺮﻱ ﻫﺎﻧﺖ ﻫﺎﺩﻱ ﺍﺧﺮ ﺳﻨﻪ ..
ﻛﻨﺎﻧﻪ : ﻛﺎﻥ ﻧﻠﻘﻰ ﻣﺎﻧﺨﻠﻴﻜﺶ ﺗﻮﻟﻲ ﺍﻟﻤﺮﺓ ﻫﺎﺩﻱ .. ﻧﺤﺒﺴﻚ ﻓﻲ ﻣﻜﺎﻥ ﻣﺎﻳﻮﺻﻠﻪ ﺣﺪ ﻏﻴﺮﻱ ﻭﻧﺼﻜﺮ ﻋﻠﻴﻚ ...
ﻋﻼﺀ : ﻫﻬﻬﻬﻬﻬﻬﻬﻬﻪ ...
ﻛﻨﺎﻧﻪ ﺗﻨﺮﻓﺰﺕ : ﺍﻳﻪ ﺍﺿﺤﻚ ﺍﺿﺤﻚ .. ﺷﻦ ﻳﻬﻤﻚ ﺍﻧﺖ ﻭﻻ ﻉ ﺑﺎﻟﻚ ﺑﺎﺭﺩ ﻭﻣﺒﺮﺩ ..
ﻋﻼﺀ ﺷﺪ ﻳﺪﻫﺎ ﻭﺑﺎﺳﻬﺎ : ﺭﺩﻱ ﺑﺎﻟﻚ ﺗﻈﻠﻤﻴﻨﻲ .. ﺣﺎﻟﻲ ﻭﺍﻧﻲ ﺑﻌﻴﺪ ﻋﻠﻴﻚ ﺭﺑﻲ ﺍﻟﻠﻲ ﻋﺎﺭﻓﻪ ..
ﻛﻨﺎﻧﻪ ﺗﺸﺒﺢ ﻟﻌﻴﻮﻧﻪ : ﻛﻤﻞ ﺑﺴﺮﻋﻪ ..
ﻋﻼﺀ ﺑﻀﺤﻜﻪ : ﺣﺎﺿﺮ ﺗﻮﻧﻘﻮﻟﻠﻬﻢ ﻳﻤﺘﺤﻨﻮﻧﻲ ﻓﺎﻳﻨﻞ ﻃﻮﻝ ﻧﺒﻲ ﻧﺮﻭﺡ ﻟﺨﻄﻴﺒﺘﻲ ...
ﻛﻨﺎﻧﻪ ﺿﺮﺑﺎﺗﻪ : ﻣﺒﺮﺩﻙ ..
ﻋﻼﺀ : ﻫﻬﻬﻬﻬﻬﻬﻬﻪ .. ﺗﻌﺮﻓﻲ ﺷﻦ ﺧﻄﺮ ﻉ ﺑﺎﻟﻲ ..
ﻛﻨﺎﻧﻪ ﺑﻀﺤﻜﻪ : ﺷﻨﻮ ..
ﻋﻼﺀ : ﻟﻤﺎ ﺍﻧﻲ ﻭﻳﺎﻙ ﻛﻨﺎ ﻧﻐﻨﻮﺍ ﻟﺤﻨﺎﻱ ... ﻭﻛﻞ ﻭﺍﺣﺪ ﻓﻴﻨﺎ ﻳﻌﻠﻲ ﻓﺼﻮﺗﻪ ﺑﺶ ﻳﻐﻄﻲ ﻉ ﺍﻟﺘﺎﻧﻲ ﻭﻳﺒﺎﻥ ﺍﺣﻠﻰ ..
ﻛﻨﺎﻧﻪ : ﻫﻬﻬﻬﻬﻬﻪ .. ﻭﻟﻤﺎ ﻧﻐﻠﺒﻚ ﺑﺼﻮﺗﻲ ﻛﻨﺖ ﺗﺼﻜﺮﻟﻲ ﻓﻔﻤﻲ ﺑﺈﻳﺪﻳﻚ ﻭﺗﻜﻤﻞ ﻏﻨﻲ ...
ﻋﻼﺀ : ﻫﻬﻬﻬﻬﻬﻬﻬﻬﻪ .. ﺻﻮﺗﻚ ﻛﺎﻥ ﺍﺯﻋﺎﺝ ..
ﻛﻨﺎﻧﻪ : ﻋﻴﻨﻚ ﺻﻮﺗﻲ ﺣﻠﻮ ﺍﻧﺖ ﺍﻟﻠﻲ ﻣﺰﻋﺞ ..
ﻋﻼﺀ : ﺷﻦ ﻧﺴﻴﺘﻲ ﻳﺎﺳﻤﺤﻪ ﺍﻧﻲ ﺍﻟﻠﻲ ﻛﻨﺖ ﻧﺮﺑﺢ ﻋﻠﻴﻚ ﺑﺸﻬﺎﺩﺓ ﺣﻨﺎﻱ ..
ﻛﻨﺎﻧﻪ ﺑﻀﺤﻜﻪ : ﻻﺣﺒﻴﺒﻲ ﺣﻨﺎﻱ ﻛﺎﻧﺖ ﺗﺮﺑﺢ ﻓﻴﻚ ﻹﻧﻬﺎ ﺗﺤﺒﻚ ﺍﻛﺜﺮ ﻣﻦ ﻛﻠﻨﺎ ..
ﻋﻼﺀ : ﺑﺎﻫﻲ ﻧﺘﺤﺪﺍﻙ ﺗﻮﺍ ..
ﻛﻨﺎﻧﻪ ﺑﻀﺤﻜﻪ : ﻫﻲ ﺳﻤﻌﻨﻲ ..
ﻋﻼﺀ : ﺣﺘﻐﻨﻲ ﻣﻌﺎﻱ .. ﺍﻷﻏﻨﻴﻪ ﻧﻔﺴﻬﺎ ﺍﻟﻠﻲ ﻛﻨﺎ ﻧﻐﻨﻮﺍ ﻓﻴﻬﺎ ..
ﻛﻨﺎﻧﻪ ﺑﺈﺑﺘﺴﺎﻣﻪ ...OK:
ﻋﻼﺀ : ﺍﺣﻤﻢ .. ﺷﺒﺤﻠﻬﺎ .. ﻣﻦ ﺣﺒﻴﺒﻲ ﺍﻧﺎ ﺭﺩﻱ ﻋﻠﻲ ﻭﻗﻮﻟﻲ
ﻣﻦ ﺣﺒﻴﺒﻲ ﺍﻧﺎ ﺭﺩﻱ ﻋﻠﻲ ﻭﻗﻮﻟﻲ
ﻣﻦ ﺣﺒﻴﺒﻲ ﺍﻧﺎ ﺭﺩﻱ ﻋﻠﻲ ﻭﻗﻮﻟﻲ ..
ﻛﻨﺎﻧﻪ ﻭﻫﻴﺎ ﺗﺸﻮﻑ ﻟﻌﻴﻮﻧﻪ : ﺍﻧﺖ ﺍﻟﻠﻲ ﺑﺤﺒﻮ ﺍﻧﺎ ..
ﺍﻧﺖ ﺍﻟﻠﻲ ﺑﺤﺒﻮ ﺍﻧﺎ ..
ﺍﻧﺖ ﺍﻟﻠﻲ ﺑﺤﺒﻮ ﺍﻧﺎ ... ﺍﻧﺖ ﺍﻟﻠﻲ ﺑﺤﺒﻮﺍ ﺍﻧﺎ ..
ﺳﺎﻛﻦ ﺑﻘﻠﺒﻲ ﻭﺭﻭﺣﻲ ﺍﻧﺖ ﺍﻟﺒﻠﺴﻢ ﻟﺠﺮﻭﺣﻲ ..
ﺍﻧﺖ ﺣﻴﺎﺗﻲ ﺍﻧﺖ ﺣﻴﺎﺗﻲ ﻭﻏﺮﺍﻣﻲ ﺍﻧﺎ ﺍﻧﺎ ..
ﻋﻼﺀ : ﻧﺴﺘﺴﻠﻢ ﺻﻮﺗﻚ ﺍﺣﻠﻰ ...
ﻛﻨﺎﻧﻪ ﺍﺑﺘﺴﻤﺖ : ﺣﺘﻰ ﺻﻮﺗﻚ ﺣﻠﻮ ..
ﻋﻼﺀ ﺑﻀﺤﻜﻪ : ﻋﺎﺭﻑ .. ﻭﺍﺣﻠﻰ ﻳﺨﻲ .
ﻛﻨﺎﻧﻪ : ﻫﻬﻬﻬﻬﻬﻬﻪ ﻭﺑﺎﻩ ﻋﻼﺵ ﻗﺘﻠﻲ ﺻﻮﺗﻚ ﺃﺣﻠﻰ ..
ﻋﻼﺀ ﺷﺒﺢ ﻟﻌﻴﻮﻧﻬﺎ ﺑﺤﺐ ﻭﻗﺎﻝ : ﻹﻧﻲ ﻧﺤﺒﻚ ﺃﻛﺜﺮ ﻣﻦ ﻛﻞ ﺷﻲ ...
ﻛﻨﺎﻧﻪ ﺗﻨﻬﺪﺕ : ﻭﺍﻧﻲ ﻧﻤﻮﺕ ﻓﻴﻚ ..
ﻋﻼﺀ : ﺑﺮﻱ ﻏﺎﺩﻱ .. ﺍﻟﺸﻴﻄﺎﻥ ﻳﻮﺷﻮﺵ ﻓﻮﺫﻧﻲ ..
ﻛﻨﺎﻧﻪ ﺑﻌﺪﺕ : ﻫﻬﻬﻬﻬﻬﻪ ﺍﻋﻮﺫ ﺑﺎﻟﻠﻪ ﻣﻨﻪ <<..
ﺍﻟﻮﻗﺖ ﺍﻟﺤﺎﺿﺮ
ﻣﻘﻌﻤﺰﺓ ﺣﺎﺿﻨﻪ ﺍﻟﻔﺎﻧﻴﻠﻴﺎ ﻭﺗﺒﻜﻲ ... ﻭﺗﻬﺰ ﻭﺗﻐﻨﻲ ..
ﻣﻦ ﺣﺒﻴﺒﻲ ﺍﻧﺎ ... ﺭﺩ ﻋﻠﻲ ﻭﻗﻮﻝ ..
ﻣﻦ ﺣﺒﻴﺒﻲ ﺍﻧﺎ .. ﺭﺩ ﻋﻠﻲ ﻭﻗﻮﻝ ...
ﻣﻦ ﺣﺒﻴﺒﻲ ﺍﻧﺎ ... ﺭﺩ ﻋﻠﻲ ﻭﻗﻮﻝ ..
ﻳﺎﺣﺒﻴﺒﻲ ﺍﻧﺖ ... ﻭﻳﻨﻚ ﺭﺩ ﻋﻠﻴﺎ ... ﻗﻮﻟﻲ ﻣﻦ ﺣﺒﻴﺒﻲ ﺍﻧﻲ .. ﻣﻨﻮ .. ﻣﻨﻮ ﺍﻟﻠﻲ ﻛﻨﺖ ﻧﺸﻮﻑ ﺍﻟﺪﻧﻴﺎ ﺑﻌﻴﻮﻧﻪ ﻭﻛﺎﺭﻫﺘﻬﺎ ﻣﻦ ﻏﻴﺮﻩ ﻣﻨﻮ ... ﻋﺎﺭﻓﻨﻲ ﻣﺎﻧﺘﺤﻤﻠﺶ ﺑﻌﺪﻙ ﻋﻠﻴﺎ ... ﻋﻼﺵ ﺧﻠﻴﺘﻨﻲ ﻋﻼﺵ ...
ﺣﻀﻨﺖ ﺍﻟﻔﺎﻧﻴﻠﻴﺎ ﺑﻘﻮﺓ ﺍﻛﺜﺮ ﻭﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ : ﺁﺍﺍﺍﺍﻩ ﻟﻮ ﺗﻌﺮﻑ ﺷﻦ ﺻﺎﻳﺮ ﻓﻴﺎ ﻣﻦ ﻏﻴﺮﻙ ... ﻭﺍﻟﻨﺎﺭ ﺍﻟﻨﺎﺭ ﺍﻟﻠﻲ ﻓﺼﺪﺭﻱ ﻭﺍﻟﻌﻪ ﻭﻛﻞ ﻳﻮﻡ ﺗﺰﻳﺪ ... ﺍﺍﺍﺍﺍﺍﻩ ﻳﺎﻋﻠﻴﻮﻩ .. ﺯﻱ ﻣﺎﻛﺎﻧﺖ ﺗﻨﺎﺩﻳﻠﻚ ﺣﻨﻴﻨﻪ .. ﺣﻨﻴﻨﻪ ﺍﻟﻠﻲ ﻣﺎﺗﺤﻤﺘﻠﺶ ﻓﺮﺍﻗﻚ ﻭﻟﺤﻘﺎﺗﻚ .. ﻳﺎﺭﻳﺘﻨﻲ ﻟﺤﻘﺘﻜﻢ ﺣﺘﻰ ﺍﻧﻲ ... ﻳﺎﺍﺍﺍﺍﺭﺑﻲ ﺧﻮﺩﻧﻲ ﻳﺎﺍﺍﺍﺍﺭﺑﻲ ﺧﻴﻴﻴﻴﻴﻴﻲ ﺍﻟﺪﻧﻴﺎ ﻣﻦ ﻏﻴﺮﻩ ﻳﺎﺍﺍﺍﺍﺍﺍﺍﺭﺏ ﺍﺭﻓﻌﻨﻲ ﻟﺤﺒﻴﺒﻲ ﻳﺎﺍﺍﺍﺍﺭﺑﻲ ..
ﺁﺍﺍﺍﺍﺍﺍﺍﺍﺍﺍﻩ ... ﺁﺍﺍﺍﺍﺍﺍﺍﺍﺍﻩ ..
ﺧﺸﺖ ﻋﻠﻴﻬﺎ ﺃﻣﻬﺎ ﻭﻛﺎﻧﺖ ﺗﺒﻜﻲ ﻭﺣﻀﻨﺘﻬﺎ ..
ﻛﻨﺎﻧﻪ : ﻳﺎﻣﺎﻣﺎ ﻧﺒﻲ ﻧﻤﻮﺕ ﻧﺒﻲ ﻧﻤﺸﻴﻠﻪ ﻳﺎﻣﺎﻣﺎ ... ﺍﺧﻴﻴﻲ ﻉ ﺩﻧﻴﺎ ﻋﻼﺀ ﻣﺶ ﻓﻴﻬﺎ .. ﺍﺧﻴﻴﻴﻲ ﻉ ﺩﻧﻴﺎ ﻋﻼﺀ ﻣﺶ ﻓﻴﻬﺎ ﻳﺎﻣﺎﻣﺎ ...
ﻓﺮﻳﺤﻪ ﺗﺒﻜﻲ ﻭﺣﺎﺿﻨﺘﻬﺎ ﻭﺧﻼﺹ ..
ﻭﺑﻮﻫﺎ ﻣﻘﻌﻤﺰ ﺑﺮﺍ ﻭﻳﺴﻤﻊ ﻓﻴﻬﺎ ﻭﻗﻠﺒﻪ ﻳﺘﻤﺰﻕ ﺗﻤﺰﻳﻖ ﻉ ﺑﻨﺘﻪ ﺍﻟﻮﺣﻴﺪﻩ ﻭﻉ ﺣﺎﻟﻬﺎ ﺍﻟﻠﻲ ﺗﻌﺒﻪ ﻫﻠﺒﻪ ...
****
ﺑﻌﺪ ﺍﻟﻌﺼﺮ ..
ﻟﺒﺴﺖ ﺑﺪﻱ ﻛﻢ ﻭﻗﻮﻧﻪ ﻃﻮﻳﻠﻪ ... ﻭﻭﺷﺎﺡ ... ﺗﻮﺟﻬﺖ ﻟﻠﺒﺎﺏ ﻓﺘﺤﺎﺗﻪ ﻭﻃﻠﻌﺖ ﻭﺳﻜﺮﺍﺗﻪ ﻭﺭﺍﻫﺎ ﻧﺰﻟﺖ ﻟﻮﻃﺎ ... ﻛﻴﻒ ﻭﺻﻠﺖ ﺍﻟﺪﻭﺭ ﺍﻟﺘﺎﻧﻲ ﻭﻣﻜﻤﻠﻪ ﻧﺰﻭﻝ ﺍﻛﺮﻡ ﻛﺎﻥ ﺭﺍﻛﺐ ﺷﺎﻓﺎﺗﻪ ﺧﺎﻓﺖ ﻟﻜﻦ ﺍﻇﺎﻫﺮﺕ ﺑﻼﻣﺒﺎﻻﻩ ﻭﻣﻌﺎﺵ ﺑﺖ ﺗﺸﻮﻓﻠﻪ ...
ﻫﻮ ﺷﺒﺤﻠﻬﺎ ﻭﻋﺎﺭﻑ ﺍﻧﻬﺎ ﺧﺎﻳﻔﻪ ...
ﻟﻤﺎ ﺟﻮ ﺟﻨﺐ ﺑﻌﺾ ﺷﺒﺤﺘﻠﻪ ﻉ ﺟﻨﺐ ﻟﻘﺎﺗﻪ ﻳﺸﺒﺤﻠﻬﺎ ﻏﻴﺮﺕ ﻋﻴﻮﻧﻬﺎ ﻃﻮﻝ ﻭﻛﻤﻠﺖ ﻧﺰﻭﻝ ﻭﻫﻮ ﺍﺑﺘﺴﻢ ﺑﺘﻬﻜﻢ ﻭﻛﻤﻞ ﻟﻴﻦ ﻭﺻﻞ ﻓﻲ ﺷﻘﺔ ﻛﻤﺎﻝ ...
ﺍﻣﺎ ﻫﻲ ﻣﺎﺻﺪﻗﺖ ﻃﻠﻌﺖ ﻣﻦ ﺍﻟﻔﻴﻼ ... ﻭﻣﺸﺖ ﻃﻮﻝ ﻟﻔﻴﻼ ﺭﺿﻮﺍﻥ ﺧﺸﺖ ﻣﻦ ﺍﻟﺒﺎﺏ ﺍﻟﻠﻲ ﻓﻲ ﺍﻟﺴﻮﺭ ﺍﻟﻔﺎﺻﻞ ﺑﻴﻦ ﺍﻟﺤﻮﺷﻴﻦ ... ﻟﻘﺖ ﺑﺎﺏ ﻣﻔﺘﻮﺡ ﻭﺩﺍﺧﻞ ﻧﺎﺱ ﺗﺤﻮﺱ .. ﻛﺎﻥ ﺑﺎﺏ ﺍﻟﻤﻄﺒﺦ .. ﻭﻗﻔﺖ ﻓﻲ ﺍﻟﺒﺎﺏ
ﺳﺎﺭﺓ : ﺍﻟﺴﻼﻡ ﻋﻠﻴﻜﻢ ...
ﺷﺒﺤﻮﻟﻬﺎ ﻭﻣﺎﺭﺩﻭﺵ .. ﻛﺎﻧﻮﺍ ﻋﺎﻣﻼﺕ ﺍﺳﻴﻮﻳﺎﺕ .. ﻫﻴﺎ ﺍﺳﺘﻐﺮﺑﺖ .. ﻟﻴﻦ ﺟﺖ ﻋﻴﻨﻬﺎ ﻉ ﻧﺒﻮﻳﻪ ..
ﻧﺒﻮﻳﻪ : ﺍﻧﺘﻲ ﺳﺎﺭﺓ .. ﺍﻟﺒﺖ ﺍﻟﻠﻲ ﻋﻤﻠﺖ ﺩﻭﺷﻪ ﺍﻣﺒﺎﺭﺡ ..
ﺳﺎﺭﺓ ﺑﻀﺤﻜﻪ : ﺍﻫﺎ ﻳﺎﺣﻨﻪ ...
ﻧﺒﻮﻳﻪ : ﺗﻌﺎﻟﻲ ﻳﺎﺣﺒﻴﺒﺘﻲ ...
ﺧﺸﺖ ﻭﻣﺸﺖ ﻟﻨﺒﻮﻳﻪ ..
ﻧﺒﻮﻳﻪ ﺷﺪﺗﻬﺎ ﻣﻦ ﺫﺭﺍﻋﻬﺎ : ﺷﻮﻓﻲ ﻳﺎﺣﺒﻴﺒﺘﻲ ﻫﻨﺎ ﻻﺯﻡ ﺗﻜﻮﻧﻲ ﺣﻤﺎﺭﺓ ﺷﻐﻞ ﻭﻣﺎﻟﻜﻴﺶ ﺩﻋﻮﻩ ﺑﺄﻱ ﺣﺪ ... ﺍﺷﺘﻐﻠﻲ ﻭﻣﻦ ﺳﻜﺎﺕ .. ﺍﻟﺒﻴﻪ ﻣﺎﺑﻴﺮﺣﻤﺶ ﻳﺎﺣﺒﻴﺒﻴﺘﻲ ﻏﻠﻄﻪ ﻭﺣﺪﻩ ﺗﺮﻭﺣﻲ ﻭﻣﺎﺗﺮﻗﻌﻴﺶ ﺗﺎﻧﻲ ..
ﺳﺎﺭﺓ : ﻭﺍﻧﺎ ﺇﻥ ﺷﺎﺀ ﺍﻟﻠﻪ ﻣﺎﻧﻐﻠﻄﺶ ..
ﻧﺒﻮﻳﻪ : ﻛﻮﻳﺲ .. ﺑﺘﻌﺮﻓﻲ ﺗﻌﻤﻠﻲ ﺍﻳﻪ ﺑﺌﺎ ..
ﺳﺎﺭﺓ ﺑﺘﺴﺎﺅﻝ : ﻛﻴﻒ ﻳﻌﻨﻲ ..
ﻧﺒﻮﻳﻪ : ﻳﻌﻨﻲ ﺗﻌﺮﻓﻲ ﺗﻨﻈﻔﻲ ﻭﻻﺗﻄﺒﺨﻲ ..
ﺳﺎﺭﺓ " ﻳﺎﻏﺒﺎﺭﺓ ﺍﻧﺎ ﻻﻧﻌﺮﻑ ﻫﺬﻱ ﻭﻻﻫﺬﻱ .. ﻗﺎﻟﺘﻠﻲ ﺍﻣﻰ ﻳﺎﺑﺎﻳﺮ ﺗﻌﻠﻤﻲ ﺷﻲ ﺣﺎﺟﻪ ﺗﻠﻘﻴﻬﺎ ﻟﻜﻦ ﺍﻧﺎ ﺣﻤﺎﺭﺓ ﻃﻨﺸﺖ ﻛﻼﻣﻬﺎ ... ﻋﻠﻴﻚ ﻭﺣﻠﻪ ﻭﺧﻼﺹ "
ﻧﺒﻮﻳﻪ : ﻫﻮ ﺳﺆﺍﻟﻲ ﺻﻌﺐ ﻟﺪﺭﻗﺎﺩﻱ ..
ﺳﺎﺭﺓ : ﺷﻮﻓﻲ ﺍﻧﺎ ﺗﺴﻮﺍﻱ ﻣﺎﻧﻌﺮﻑ .. ﻗﺼﺪﻱ ﺍﻟﻄﺒﺦ ﻳﻌﻨﻲ .. ﺍﻟﻀﻤﺎﻥ ﺍﻫﺎ ﻧﻌﺮﻑ ..
ﻧﺒﻮﻳﻪ : ﻃﺐ ﻛﻮﻳﺲ ... ﺣﺘﺒﺪﺉ ﻣﻦ ﺩﻟﻮﻗﺘﻲ .. ﺣﻮﺩﻳﻜﻲ ﻟﻘﻮﻇﺔ ﺍﺳﺘﻘﺒﺎﻝ ﺍﻟﻀﻴﻮﻑ ﺗﺮﻭﺋﻴﻬﺎ ﺍﻟﺒﻴﻪ ﺍﻟﻨﻬﺎﺭﺩﺓ ﻗﻴﻨﻠﻮﺍ ﺿﻴﻮﻑ ﺗﻘﺎﻝ ..
ﺳﺎﺭﺓ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻫﻴﺎ ﻧﻌﺪﻭﺍ ﻟﻘﻮﻇﻪ ﺍﺳﺘﻘﺒﺎﻝ ﺍﻟﻀﻴﻮﻑ ..
ﻧﺒﻮﻳﻪ ﺿﺤﻜﺖ ﻭﺧﺪﺗﻪ ﻣﻦ ﻳﺪﻫﺎ ﻭﻣﺸﻮﺍ ...
***
ﺍﻫﺎ ... ﺩﻛﺘﻮﺭ ﻧﻔﺴﻲ ﻣﻌﺮﻭﻑ ﻭﻫﻮ ﺍﻟﻠﻲ ﺣﻴﺠﻴﻚ ﻫﻨﺎ ..
ﻛﻤﺎﻝ ﺗﻨﻬﺪ : ﻣﺶ ﻋﺎﺟﺒﻨﻲ ﺍﻟﻮﺿﻊ ﺣﺎﺳﺲ ﺭﻭﺣﻲ ﺯﻱ ﺍﻟﻌﺎﻟﻪ ﻉ ﺍﻟﻜﻞ ..
ﺍﻛﺮﻡ ﺣﻂ ﻳﺪﻩ ﻉ ﺭﻛﺒﺔ ﻛﻤﺎﻝ : ﺑﻨﻘﻮﻟﻚ ﺍﻟﻠﻲ ﻗﺎﻟﺘﻬﻮﻟﻚ ﻧﻮﺭﺍﻥ .. ﺍﻧﺖ ﺣﺎﻟﺘﻚ ﺧﺎﺻﻪ .. ﻭﻭﺿﻌﻚ ﺻﻌﺐ .. ﻭﻧﺤﻨﺎ ﻣﻠﺰﻣﻴﻦ ﺑﻴﻚ ﻣﺎﺩﺍﻡ ﻟﻘﻴﻨﺎﻙ ﻭﺗﺤﻤﻠﻨﺎ ﻣﺴﺆﻭﻟﻴﺘﻚ .. ﻭﺍﻧﺖ ﻟﻤﺎ ﺭﺑﻚ ﻳﺸﻔﻴﻚ ﻭﻳﺮﺩﻟﻚ ﺫﺍﻛﺮﺗﻚ ﺣﺘﺮﺩﻩ ﺍﻛﻴﺪ ..
ﻛﻤﺎﻝ ﺍﺑﺘﺴﻢ : ﻳﺎﺍﺍﺭﺏ ... ﻣﺎﻧﺨﻔﻴﻜﺶ ﻳﺎﺍﻛﺮﻡ .. ﺣﺎﺳﺲ ﺭﻭﺣﻲ ﻣﺨﻨﻮﻕ ... ﺯﻱ ﻗﺎﻋﺪ ﺑﻴﻦ ﺍﻟﺴﻤﻲ ﻭﺍﻷﺭﺽ .. ﺣﻂ ﻧﻔﺴﻚ ﻓﻤﻜﺎﻧﻲ ﻭﻗﻮﻟﻲ ﺷﻦ ﺣﺘﺤﺲ ..
ﺍﻛﺮﻡ : ﺣﺎﺱ ﺑﻴﻚ ﺻﺪﻗﻨﻲ ... ﺑﺲ ﻛﻠﻬﺎ ﻓﺘﺮﺓ ﻭﺗﻌﺪﻱ ...
ﻛﻤﺎﻝ : ﺑﺎﻫﻲ ﻧﺒﻲ ﻧﻄﻠﺐ ﻣﻨﻚ ﻃﻠﺐ ... ﻟﻤﺎ ﺗﺸﻮﻑ ﺭﻭﺣﻚ ﻓﺎﺿﻲ ﺗﻌﺎﻟﻰ ..
ﺍﻛﺮﻡ ﺍﺑﺘﺴﻢ : ﺇﻥ ﺷﺎﺀ ﺍﻟﻠﻪ ...
ﻛﻤﺎﻝ ﺍﺑﺘﺴﻢ ﺑﻌﺪﻳﻦ ﻗﺎﻝ : ﺑﻨﺴﺄﻟﻚ .. ﻧﻘﺪﺭ ﻧﻄﻠﻊ ﻟﺤﺪﻳﻘﺔ ﺍﻟﻔﻴﻼ .. ﻧﻠﻬﻰ ﺑﻴﻬﺎ ﺷﻮﻳﻪ ﻭﻧﻘﻌﻤﺰ ﻓﻴﻬﺎ ...
ﺃﻛﺮﻡ : ﻣﺎﻋﻨﺪﻛﺶ ﻣﺸﺎﻛﻞ ﺍﻟﻠﻲ ﺗﺒﻴﻬﺎ ﺩﻳﺮﻫﺎ ﺻﺎﺣﺒﻪ ﺍﻟﺸﺄﻥ ﻋﺎﻃﻴﺎﺗﻚ ﺍﻹﺫﻥ ...
ﻛﻤﺎﻝ ﺍﺑﺘﺴﻢ : ﻃﻴﺒﺔ ﻭﺻﺎﻓﻴﻪ ﺍﻟﺒﻨﺖ ﻫﺎﺩﻱ ﻭﻋﻔﻮﻳﻪ ..
ﺍﻛﺮﻡ : ﺍﻧﻈﻒ ﻣﻦ ﻋﺮﻓﺖ ﻓﺤﻴﺎﺗﻲ .. ﻋﻨﺪﻱ ﺯﻱ ﺍﺧﺘﻲ ﺍﻟﺼﻐﻴﺮﻩ ﺑﺎﻟﺰﺑﻂ ..
ﻛﻤﺎﻝ : ﻭﺣﺘﻰ ﻫﻴﺎ ﺗﺤﺘﺮﻡ ﻓﻴﻚ ﻫﻠﺒﻪ .. ﻓﻲ ﺍﻷﻭﻝ ﺣﺴﺒﺘﻚ ﺧﻮﻫﺎ ..
ﺍﺑﺘﺴﻢ ﺍﻛﺮﻡ ....
****
ﻋﻤﺘﻜﻢ ﺳﺎﺭﺓ ﺧﺸﺖ ﺑﻌﻀﻬﺎ ﻋﻨﺪﻫﺎ ﺣﺎﻭﻟﺖ ﺍﺿﻢ ﻉ ﻗﺪ ﻣﺎﺗﻘﺪﺭ ﻭﺗﻌﺮﻑ ﺍﻟﻤﻜﺎﻥ ﻛﺒﻴﺮ ﻫﻠﺒﻪ .. ﺑﺲ ﻛﺎﻧﺖ ﺗﺮﻛﺰ ﻓﻲ ﺗﺮﻛﻴﻨﻪ ﻭﺗﻔﻜﺮ ﺯﻋﻤﺎ ﻣﻨﻮ ﺍﻟﻠﻲ ﻳﻤﺸﻲ ﻭﻳﺠﻲ ﻉ ﺭﺿﻮﺍﻥ ﻭﻣﻦ ﺿﻴﻮﻓﻪ ﺍﻟﻠﻴﻠﻪ ..
ﻧﺒﻮﻳﻪ : ﺑﺖ ﻳﺎﺳﺎﺭﺓ ..
ﺳﺎﺭﺓ ﺍﻟﺘﻔﺘﺖ : ﻧﻌﻢ ..
ﻧﺒﻮﻳﻪ : ﺗﻌﺎﻟﻲ .. ﺭﻭﺣﻲ ﺍﻋﻤﻠﻲ ﻗﻬﻮﺓ ﻭﻭﺩﻳﻬﺎ ﻟﻠﻬﻮﺍﻧﻢ ﺑﺮﺍ ...
ﺳﺎﺭﺓ " ﺑﺎﻫﻲ ﺍﻟﻘﻬﻮﺓ ﻧﻌﺮﻓﻬﺎ :" ﺣﺎﺿﺮ ...
ﻣﺸﺖ ﻫﻲ ﻭﻧﺒﻮﻳﻪ ﻭﻭﺭﺗﻬﺎ ﺍﻟﺤﺎﺟﺎﺕ ﻛﻠﻬﻢ .. ﺩﺍﺭﺕ ﺍﻟﻘﻬﻮﺓ ﻭﺻﺒﺘﻬﺎ ﻓﻲ ﻓﻨﺎﺟﻴﻠﻬﺎ ﻭﺩﺍﺭﺗﻬﺎ ﻓﻲ ﺻﻔﺮﺓ ﻭﻃﻠﻌﺖ ...
ﻭﻫﻲ ﻣﺎﺷﻴﻪ ﻗﻌﺪﺕ ﺗﺸﻮﻑ ﻟﻠﺤﺮﺍﺱ ﺍﻟﺰﻭﺯ ﺍﻟﻠﻲ ﺗﻌﺎﺭﻛﺖ ﻣﻌﺎﻫﻢ ﺷﻘﻠﺒﺖ ﻋﻴﻮﻧﻬﺎ ﻭﻟﻔﺖ ﻭﺟﻬﻬﺎ ﻭﻣﺒﺘﺴﻤﻪ ﺑﻨﺼﺮ .
ﺍﻟﺤﺮﺍﺱ 😡😡
ﻣﺸﺖ ﻗﺎﺑﻠﻬﺎ ﺍﻛﺮﻡ ﻭﺍﻗﻒ ﻭﻃﺖ ﺭﺍﺳﻬﺎ ﻭﻛﻤﻠﺖ ﻃﺮﻳﻘﻬﺎ ..
ﻫﻮ ﻛﺎﻥ ﻻﺑﺲ ﻧﻈﺎﺭﺍﺗﻪ ﺗﺒﻌﻬﺎ ﺑﻌﻴﻮﻧﻪ ﻟﻴﻦ ﻭﺻﻠﺖ ﻑ ﺭﻳﻬﺎﻡ ﻭﻧﻮﺭﺍﻥ ...
ﻧﻮﺭﺍﻥ : ﻣﺎﺷﺎﺀ ﺍﻟﻠﻪ ﺑﺪﻳﺘﻲ ﺑﻨﺸﺎﻁ ...
ﺳﺎﺭﺓ ﺑﺈﺑﺘﺴﺎﻣﻪ : ﻧﺒﻲ ﻧﻜﻮﻥ ﻋﻨﺪ ﺣﺴﻦ ﻇﻨﻚ ..
ﺭﻳﻬﺎﻡ : ﻫﻴﺎ ﺑﺲ؟ !!
ﺳﺎﺭﺓ : ﻻﻛﻠﻜﻢ ﺍﻛﻴﺪ ﺑﺲ ﻫﻲ ﺃﻛﺜﺮ ﻷﻧﻬﺎ ﻭﺛﻘﺖ ﻓﻴﺎ ﻭﻭﺻﺒﺖ ﻣﻌﺎﻱ ..
ﻧﻮﺭﺍﻥ ﺍﺑﺘﺴﻤﺖ ..
ﺳﺎﺭﺓ : ﺗﺒﻮﺍ ﺣﺎﺟﻪ ﺃﺧﺮﻯ ..
" ﻗﻬﻮﺓ ﺳﺎﺍﺍﺩﻩ " ..
ﻟﻔﺖ ﻭﺟﻬﻬﺎ ﺑﺒﻂﺀ ﺟﻴﻬﺘﻪ .. ﻭﻫﻮ ﻗﺎﻋﺪ ﻳﺸﺒﺢ ﺍﻟﻘﺪﺍﻡ ..
ﺭﻳﻬﺎﻡ ﺭﻓﻌﺖ ﺣﺎﺟﺒﻬﺎ ﺍﻷﻳﺴﺎﺭ ﺑﺈﺳﺘﻐﺮﺍﺏ ..
ﻧﻮﺭﺍﻥ : ﺩﻳﺮﻳﻠﻪ ﻗﻬﻮﺓ ﺳﺎﺩﺓ ..
ﺳﺎﺭﺓ ﺷﺒﺤﺖ ﻟﻨﻮﺭﺍﻥ : ﺣﺎﺿﺮ ...
ﻣﺸﺖ ﻭﻳﻦ ﻓﺎﺗﺖ ﻣﻦ ﻗﺪﺍﻣﻪ ﺷﺒﺤﺘﻠﻪ ﻉ ﺟﻨﺐ .. ﻭﻫﻮ ﺷﺒﺤﻠﻬﺎ ﻣﻦ ﺗﺤﺖ ﺍﻟﻨﻈﺎﺭﺍﺕ ...
ﺭﻳﻬﺎﻡ ﻣﺮﻛﺰﺓ ﻣﻌﺎﻫﻢ ﻫﻠﺒﻪ ..
ﺩﺍﺭﺕ ﺍﻟﻘﻬﻮﺓ ﻟﻜﻦ ﻛﺎﻥ ﺧﺎﻃﺮ ﻋﻠﻴﻬﺎ ﺧﺎﻃﺮ ..
ﺳﺎﺭﺓ : ﺑﻨﺪﻳﺮﻟﻪ ﻛﻴﻒ ﻣﺎﻳﺪﻳﺮﻭﺍ ﺍﻷﺗﺮﺍﻙ ... ﺗﻮ ﻧﻮﺭﻳﻪ ﻫﺎﻟﻤﺘﻌﺠﺮﻑ ..
ﺻﺒﺖ ﻓﻲ ﻓﻨﺠﺎﻧﻪ ﻣﻠﺢ ﻭﻓﻠﻔﻞ ﺍﺳﻮﺩ .. ﻛﺎﻧﻮﺍ ﻣﺤﻄﻮﻃﺎﺕ ﻗﺒﺎﻟﺘﻬﺎ ..
ﺣﻄﺘﻬﻢ ﻓﻲ ﺻﻔﺮﺓ ...
ﻭﻣﺸﺘﻠﻪ ﻭﺷﺪﺕ ﺿﺤﻜﺘﻬﺎ ﻭﺧﻠﺖ ﺭﻭﺣﻬﺎ ﻋﺎﺩﻳﻪ ﻭﺻﻠﺖ ﻓﻴﻪ ..
ﺳﺎﺭﺓ ﻣﺎﺩﺓ ﺍﻟﺼﻔﺮﺓ : ﺗﻔﻀﻞ ...
ﺧﺪﺩﻱ ﺍﻟﻔﻨﺠﺎﻥ ﻣﻦ ﻏﻴﺮ ﺻﻮﻧﻴﻪ .. ﻭﻫﻲ ﺟﺖ ﺑﺘﻤﺸﻲ .. ﺷﺪﻫﺎ ﻣﻦ ﻣﺮﻓﻘﻬﺎ ﻭﺟﺒﺪﻫﺎ ﻣﺎﻟﺖ ﺍﻟﺼﻔﺮﺓ ﻭﻃﺎﺣﺖ ﺍﻟﺼﻮﻧﻴﻪ .. ﻭﺭﻳﻬﺎﻡ ﻭﻧﻮﺭﺍﻥ ﺍﻧﺼﺪﻣﻮﺍ ﻓﻲ ﺍﻟﻠﻲ ﺩﺍﺭﻩ ..
ﺳﺎﺭﺓ : ﻛﻨﻚ ﺍﻧﺖ ...
ﺍﻛﺮﻡ : ﺍﺷﺮﺑﻴﻬﺎ ...
ﺳﺎﺭﻩ ﺑﺮﺑﻜﻪ : ﻫﻴﺎ ﻟﻚ ﻟﻴﺶ ﻧﺸﺮﺑﻬﺎ ..
ﺍﻛﺮﻡ : ﺍﺷﺮﺑﻴﻬﺎ ﻭﻣﺎﺗﺰﻳﺪﺵ ﺍﻟﻬﺮﺟﻪ ..
ﺳﺎﺭﺓ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ..
ﺍﻛﺮﻡ : ﺩﺍﻳﺮﻩ ﻓﻴﻬﺎ ﺣﺎﺟﻪ؟
ﺳﺎﺭﺓ ﺑﺮﻓﻌﺔ ﺣﺎﺟﺐ : ﺍﻫﺎ ﻭﻭﺭﻳﻨﻲ ﻛﺎﻧﻚ ﻗﻮﻱ ﻭﺗﺘﺤﻤﻞ ﺍﺷﺮﺑﻬﺎ ..
ﺩﻓﻬﺎ ...
ﻧﻮﺭﺍﻥ ﺟﺘﻬﻢ : ﻛﻨﻚ ﻳﺎﺃﻛﺮﻡ ..
ﺍﻛﺮﻡ : ﺷﻲ .. ﻭﻗﻌﺪ ﻳﺸﺮﺏ ﻭﻳﺸﺒﺢ ﻟﺴﺎﺭﺓ ... ﻋﻴﻮﻧﻪ ﻗﺮﻳﺐ ﻃﻠﻌﻮﺍ
ﻭﺳﺎﺭﺓ ﺷﺪﺕ ﺿﺤﻜﺘﻬﺎ ..
ﻫﻮ ﺩﺍﺭ ﺭﻭﺣﻪ ﻋﺎﺩﻱ ﻭﺷﺮﺑﻬﺎ ﻓﻤﺮﺓ ﻭﺣﺪﻩ ...
ﺳﺎﺭﺓ ﺍﺑﺘﺴﻤﺖ ﺑﺘﻬﻜﻢ .. ﺍﺳﺘﻔﺰﺍﺗﻪ ﺣﻂ ﺻﺒﻌﻪ ﻓﻲ ﺍﻟﻔﻨﺠﺎﻥ ﻭﻗﻌﺪ ﻳﻠﺤﺲ ﻓﻲ ﺍﻟﺤﺘﺎﺕ ﻣﺘﺎﻉ ﺍﻟﻘﻬﻮﺓ ﺍﻟﻤﺨﻠﻂ ﺑﺎﻟﻤﻠﺢ ﻭﺍﻟﻔﻠﻔﻞ ..
ﺳﺎﺭﺓ 😨
ﺭﻳﻬﺎﻡ ﻭﻧﻮﺭﺍﻥ 🠾
ﺍﻛﺮﻡ ﻣﻦ ﺩﺍﺧﻞ ﻳﻨﺴﺤﻦ ﺳﺤﻦ ﺑﺲ ﺩﺍﻳﺮ ﺭﻭﺣﻪ ﻋﺎﺩﻱ : ﺍﻧﺘﻲ .. ﻫﺎﻙ ﺷﻴﻠﻲ ..
ﻣﺸﺖ ﺳﺎﺭﺓ ﺯﻱ ﺍﻟﻤﺨﺒﻮﻃﻪ ﻉ ﺭﺍﺳﻬﺎ ﺧﺪﺕ ﺍﻟﻔﻨﺠﺎﻥ .. ﻣﺼﺪﻭﻣﻪ ﻉ ﺍﻷﺧﺮ .. ﻭﻫﻲ ﻣﺎﺷﻴﻪ ﻣﺶ ﻣﺮﻛﺰﺓ ﻉ ﻛﺴﺮ ﺻﻮﻧﻴﻪ ﺍﻟﻔﻨﺠﺎﻥ .. ﺟﺒﺪﻫﺎ ﻣﻦ ﺩﺭﺍﻋﻬﺎ ..
ﺳﺎﺭﺓ ﺧﺎﻓﺖ : ﺗﻲ ﻛﻨﻨﻨﻨﻚ ..
ﺍﻛﺮﻡ ﺍﺷﺮﻟﻬﺎ ﺑﺴﺒﺎﺑﺘﻪ ﻉ ﺍﻟﺼﻮﻧﻴﻪ ﺍﻟﻤﻜﺴﻮﺭﺓ ... ﻭﻃﻠﻘﻬﺎ ...
ﻧﻮﺭﺍﻥ ﺗﻀﺤﻚ .. ﻭﺭﻳﻬﺎﻡ ﺗﺸﺒﺢ ﺑﺼﺪﻣﻪ ﻗﺮﻳﺐ ﺗﻤﻮﺕ ...
ﺳﺎﺭﺓ ﻣﺸﺖ ﻃﺒﺴﺖ ﻟﻤﺖ ﺍﻟﻜﺴﺮ .. ﻭﺣﻄﺎﺗﻪ ﻓﻲ ﺍﻟﺼﻔﺮﻩ ﻣﻊ ﺍﻟﻔﻨﺠﺎﻥ ﻭﻣﺸﺖ ﻭﺍﺑﺘﺴﺎﻣﺘﻬﺎ ﻏﺎﻟﺒﺘﻬﺎ ..
ﻧﻮﺭﺍﻥ ﺑﻀﺤﻜﻪ : ﺍﻣﺎ ﺍﻧﺖ ﻳﺎﺃﺑﻮﺍﻟﻬﻮﻝ ... ﺭﻛﺒﺖ ﺍﻟﺒﻨﺖ ﺍﻟﺮﻋﺐ ..
ﺍﻛﺮﻡ ﺍﺑﺘﺴﻢ ﻧﺺ ﺍﺑﺘﺴﺎﻣﻪ ﻭﻣﺎﻋﻠﻘﺶ .. ﻧﻮﺭﺍﻥ ﻗﺎﻋﺪﻩ ﺗﻀﺤﻚ ﻭﻭﻟﺖ ﻗﻌﻤﺰﺕ ﺣﺪﺍ ﺭﻳﻬﺎﻡ .. ﺍﻟﻠﻲ ﻛﺎﻧﺖ ﺍﻟﻨﺎﺭ ﻭﺍﻟﻌﻪ ﻓﻴﻬﺎ ...
🌘 ﻓﻲ ﺍﻟﻠﻴﻞ ...
ﻛﺎﻧﺖ ﺗﺘﺴﻠﻞ ﻭﻗﻔﺖ ﻓﺘﺮﻛﻴﻨﻪ ﻣﻈﻠﻤﻪ ... ﺗﺸﻮﻑ ﻣﻨﻬﺎ ﻛﻮﻳﺲ ...
ﺧﺸﺖ ﺳﻴﺎﺭﺓ ﺃﻭﻝ ﺍﻟﻀﻴﻮﻑ ... ﻧﺰﻝ ﻣﻨﻬﺎ ﺻﺎﺣﺒﻬﺎ ..
ﺍﻧﺼﺪﻣﺖ ﻟﻤﺎ ﺷﺎﻓﺘﻪ ... ﺭﺋﻴﺲ ﺗﺤﺮﻳﺮ ﺍﻟﺼﺤﻴﻔﻪ ﺍﻟﻠﻲ ﻛﺎﻧﺖ ﺗﺨﺪﻡ ﻓﻴﻬﺎ ..
ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ ﻓﻨﻔﺴﻬﺎ " ﺃﻭﻝ ﺧﻴﻂ ..."
ﻭﻗﺎﻋﺪﻩ ﺗﺮﺍﻗﺐ .. ﻓﻲ ﺣﻔﺎﻭﺓ ﺍﺳﺘﻘﺒﺎﻝ ﺭﺿﻮﺍﻥ ﻟﻴﻪ ... ﻭﺗﻬﺰ ﻓﺮﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﻣﺎﻃﻪ ﺷﻮﺍﺭﺑﻬﺎ ﺑﺈﺯﺩﺭﺍﺀ ﻭﻗﺎﻟﺖ : ﻛﻼﺏ ..
ﻣﺎﺣﺴﺘﺶ ﺇﻻ ﻭﺣﺪ ﺷﺎﺩ ﺫﺭﺍﻋﻬﺎ ...
" ﻣﻦ ﻫﻤﺎ ﺍﺍﻟﻜﻼﺏ "
.... ﻳﺘﺒﻊ ..
