مشاعر

الحلقة التاسعة والعشرون

#مشاعر
ﺍﻟﺠﺰﺀ ﺍﻟﺘﺎﺳﻊ ﻭﺍﻟﻌﺸﺮﻳﻦ 💔
للكاتبةGomanFared
ﺭﻛﺒﺖ ﻟﺪﺍﺭﻫﺎ ﺗﺠﺮﻱ ﻭﺩﻣﻮﻋﻬﺎ ﺳﻴﻞ .. ﻭﻭﻟﺪﻋﻤﻬﺎ ﻃﻠﻊ ﻣﻦ ﺍﻟﻔﻴﻼ ﻃﻮﻝ ﻭﻫﻮ ﻓﻘﻤﺔ ﺍﻟﻐﻀﺐ ...
ﻫﻲ ﺧﺸﺖ ﻟﺪﺍﺭﻫﺎ ﺳﻜﺮﺕ ﺍﻟﺒﺎﺏ ﺍﺗﻜﺖ ﻋﻠﻴﻪ ﻭﻗﻌﺪﺕ ﺗﺒﻜﻲ ﺑﻌﺒﺮﺗﻬﺎ .. ﺗﺒﻜﻲ ﻭﺗﺒﻜﻲ ..
ﺷﺒﺤﺖ ﻹﺳﺘﻴﻜﺔ ﺍﻟﻤﻴﻪ ﻣﺸﺘﻠﻬﺎ ﺗﺠﺮﻱ ﻭﻗﻌﺪﺕ ﺗﺸﺮﺏ ﻭﺗﺒﻜﻲ ﻭﺗﺸﻬﻖ ...
ﻛﺎﻧﺖ ﻣﻘﻌﻤﺰﺓ ﻟﻮﻃﺎ ﺣﺪﺍ ﺍﻟﺴﺮﻳﺮ ... ﻗﺎﻣﺖ ﻋﻴﻮﻧﻬﺎ ﺷﺎﻓﺖ ﺻﻮﺭﺓ ﺃﻣﻬﺎ ... ﻗﺮﺑﺖ ﻣﻨﻬﺎ ﻭﻫﻲ ﺗﻤﺸﻲ ﻉ ﺭﻛﺎﺑﻬﺎ .. ﻭﺻﻠﺖ ﻓﻴﻬﺎ ﺧﺪﺗﻬﺎ ﻣﻦ ﻉ ﺍﻟﻜﺎﻣﺪﻳﻨﻮ ﻭﻗﻌﺪﺕ ﺗﺸﻮﻓﻠﻬﺎ
ﻧﻮﺭﺍﻥ ﺑﺒﻜﻲ : ﺑﻨﻤﻮﺕ ... ﻳﺎﻣﺎﻣﺎ .. ﺑﻨﻤﻮﺕ .. ﻣﺶ ﻗﺎﺩﺭﻩ ﻧﺘﺤﻤﻞ ﻛﻢ ﺍﻭﺟﺎﻉ ﻳﺎﻣﺎﻣﺎ ﺍﻭﺟﺎﻉ ﻣﺎﻟﻬﺎﺵ ﻧﻬﺎﻳﻪ ... ﺣﺘﻰ ﻟﻮ ﻓﺮﺣﺖ ﺷﻮﻳﻪ ﻻﺯﻡ ﻧﻐﺺ ﺑﻔﺮﺣﺘﻲ .. ﺗﺒﻜﻲ ... ﺑﻌﺪﻳﻦ ﻗﺎﻟﺖ ... ﺍﺍﺍﻩ ﻟﻮﺗﻌﺮﻓﻲ ﻗﺪﻳﺶ ﻣﺤﺘﺎﺟﻪ ﻧﺤﻀﻨﻚ ﺑﻘﻮﺓ ﻭﻧﺒﻜﻲ ﻉ ﺻﺪﺭﻙ .. ﻟﻮﻛﻨﺘﻮﺍ ﺍﻧﺘﻲ ﻭﺑﺎﺗﻲ ﻋﺎﻳﺸﻴﻦ ﻛﺎﻥ ﺻﺎﺭ ﻓﻴﺎ ﻫﻚ؟ !! ﺗﺸﻬﻖ ﺑﻌﺒﺮﺗﻬﺎ ...
ﻟﻴﺶ .. ﻟﻴﺶ ﺳﻴﺒﺘﻮﻧﻲ ﻟﻴﺶ .. ﻟﻴﺶ ﺧﻠﻴﺘﻮﻧﻲ ﻓﻬﺎﻟﺪﻧﻴﺎ ﻭﺣﺪﻱ ﻟﻴﺶ .... ﺣﻀﻨﺖ ﺻﻮﺭﺓ ﺃﻣﻬﺎ ﻭﺗﺒﻜﻲ ﺑﺤﺮﻗﺔ ﻭﻗﻬﺮ ...
ﻧﻄﻠﻌﻮﺍ ﻣﻦ ﺩﺍﺭﻫﺎ ﻋﻦ ﻃﺮﻳﻖ ﺭﻭﺷﻨﻬﺎ ﻭﻧﺨﺸﻮﺍ ﻟﺪﺍﺭ ﺟﺎﺭﻫﺎ ﻣﻦ ﺍﻟﺮﻭﺷﻦ ﻣﺘﺎﻋﻪ ﺍﻟﻠﻲ ﻛﺎﻥ ﻣﺮﺩﻭﺩ ... ﻛﺎﻥ ﻣﻘﻌﻤﺰ ﻳﻘﺮﺍ ﻓﻲ ﺍﻟﻤﺬﻛﺮﺍﺕ
‏( ﻛﻨﺎ ﻓﻲ ﺳﻔﺮﺓ ﺩﺍﻣﺖ ﺷﻬﻮﺭ .. ﺳﻔﺮﺓ ﻋﻼﺝ ﻟﻌﻤﺘﻲ .. ﺍﻟﻠﻲ ﺗﻌﺐ ﻗﻠﺒﻬﺎ ﻭﺍﺟﺪﻉ ﻏﻴﺎﺏ ﺭﻓﻴﻘﻬﺎ .. ﺭﺩﻳﻨﺎ ... ﻭﻋﻤﺘﻲ ﻣﺮﻳﻀﺔ ﻗﻠﺐ .. ﻋﻤﺘﻲ ﺍﻟﻠﻲ ﻛﺎﻧﺖ ﺗﺒﺎﻥ ﻑ ﺷﻜﻠﻬﺎ ﻭﺻﺤﺘﻬﺎ ﺃﺻﻐﺮ ﻣﻨﻲ .. ﻛﺒﺮﺕ ﻋﻘﻮﺩ ﻣﻦ ﺍﻟﺰﻣﻦ ﻓﻬﺎﻟﺴﺘﻪ ﺷﻬﻮﺭ ﺍﻟﻠﻲ ﻏﺎﺏ ﻓﻴﻬﻦ ﻋﻨﻬﺎ ﻋﻤﻲ ﺍﻟﻠﻪ ﻳﺮﺣﻤﻪ
ﻟﻠﺤﻈﻪ ﺣﻄﻴﺖ ﺭﻭﺣﻲ ﻣﻜﺎﻧﻬﺎ ... ﺗﻌﻮﺫﺕ ﻣﻦ ﺣﻴﺎﺓ ﺳﻔﻴﺎﻥ ﻣﺶ ﻣﻌﺎﻱ ﻓﻴﻬﺎ .. ﺩﻋﻴﺖ ﻣﻦ ﻭﺳﻂ ﻗﻠﺒﻲ ﺳﺎﻋﺘﻬﺎ ﺍﻥ ﺭﺑﻲ ﻳﺎﺧﺪ ﺭﻭﺣﻲ ﻗﺒﻠﻪ ﻭﻻ ﻣﻌﺎﻩ ... ﻣﺎﻧﺒﻴﺶ ﺣﻴﺎﺓ ﻣﻦ ﻏﻴﺮﻩ ...
ﺳﻔﻴﺎﻥ ﻧﺰﻝ ﻭﺯﻧﻪ ﻭﺍﺟﺪ ﻭﺑﺎﻳﻦ ﻋﻠﻴﻪ ﺍﻟﻬﻢ ﻟﻜﺎﻥ ﻳﻨﺴﻰ ﻓﻴﻪ ﺑﺎﻟﺼﺒﺢ ﺍﻟﻠﻲ ﺩﻳﻤﺎ ﻣﻌﺎﻩ ﺣﺘﻰ ﻟﻤﺎ ﻳﻌﺪﻱ ﻷﺷﻐﺎﻟﻪ .. ﻛﻨﺖ ﻧﻘﻮﻟﻪ ﺍﻟﺒﻨﺖ ﻣﺎﺯﺍﻟﺖ ﺻﻐﻴﺮﻩ ﻣﺎﺗﻘﺪﺭﺵ ﻋﻠﻴﻬﺎ .. ﻳﻘﻮﻟﻲ ﻫﺬﻱ ﺭﻭﺣﻲ ﻭﺍﻧﻲ ﺍﻛﺜﺮ ﻣﻦ ﻳﺮﺍﻋﻴﻬﺎ ﺍﻛﺜﺮ ﺣﺘﻰ ﻣﻨﻚ ...
ﻭﻓﻌﻼ ﻛﺎﻥ ﻫﻚ .. ﻗﻠﺘﻬﺎ ﻗﺒﻞ ﻳﻌﺸﻘﻬﺎ .. ﻭﺣﺘﻰ ﺍﻧﺎ ﻣﺶ ﻋﺎﺭﻓﻪ ﻛﻴﻒ ﺷﻜﻞ ﺣﻴﺎﺗﻨﺎ ﺍﻧﺎ ﻭﺑﺎﺗﻬﺎ ﻟﻮ ﻣﺎﻛﺎﻧﺘﺶ ﻣﻮﺟﻮﺩﻩ ..
ﻛﻞ ﻣﺎﻧﺒﺤﺖ ﻓﻮﺟﻬﻬﺎ ﺍﻟﺒﺮﻱﺀ ﻧﺪﻋﻲ ﻓﻲ ﺳﺮﻱ ﻭﻋﻠﻨﻲ ﺭﺑﻲ ﻳﻜﺘﺒﻠﻚ ﺍﻟﺴﻌﺎﺩﻩ ﻳﺎﺑﻨﺘﻲ ﻭﻻﻳﻜﺴﺮﻟﻚ ﻗﻠﺐ ﻭﻻﻧﺸﻮﻑ ﻓﻴﻚ ﻣﻜﺮﻭﻩ ...
ﻧﺤﺲ ﺑﺈﺣﺴﺎﺱ ﻏﺮﻳﺐ ﻟﻤﺎ ﻧﺒﺤﺖ ﻓﻴﻬﺎ ﻓﻌﻴﻮﻧﻬﺎ .. ﻳﺒﺎﻥ ﻓﻴﻬﻦ ﺣﺰﻥ .. ﺑﺮﻏﻢ ﺍﻧﻬﺎ ﺻﻐﻴﺮﻩ ﻭﺍﺟﺪ ﻭﻣﺎﺯﺍﻝ ﻣﺎﺗﻌﺮﻑ ﻣﻦ ﺍﻟﺪﻧﻴﺎ ﺷﻲ .. ﺑﺲ ﺗﺮﺟﻤﺘﻲ ﻟﻨﻈﺮﺓ ﻋﻴﻨﻬﺎ ﺗﺤﺴﺲ ﻓﻴﺎ ﺑﻬﺎﻟﺸﻌﻮﺭ ...
ﺭﺑﻲ ﻳﺒﻌﺪ ﻋﻨﻚ ﺍﻟﺤﺰﻥ ﻳﺎﺭﻭﺡ ﻗﻠﺐ ﺃﻣﻚ ‏) ﻭﻗﻔﺖ ﻟﻌﻨﺪ ﻫﻨﻲ ..
ﻫﻮ ﻛﺎﻧﻮﺍ ﻋﻴﻮﻧﻪ ﻣﻠﻴﺎﻧﺎﺕ ﺩﻣﻮﻉ .. ﻷﻥ ﻛﺎﻥ ﻳﺸﻮﻑ ﻓﻨﻔﺲ ﺍﻟﻨﻈﺮﺓ ﻓﻌﻴﻮﻧﻬﺎ ...
ﻭﺣﺲ ﻗﺪﺍﺵ ﺻﺒﻴﺤﻪ ﺯﻱ ﻣﺎﻳﺤﺐ ﻳﻨﺎﺩﻳﻬﺎ .. ﺇﻧﺴﺎﻧﻪ ﻗﻠﻴﻠﺔ ﺣﻆ ﻓﻲ ﻫﺎﻟﺪﻧﻴﺎ .. ﺻﺢ ﻫﻲ ﻋﻨﺪﻫﺎ ﻣﻼﻳﻴﻦ ﻭﺍﺭﺍﺿﻲ ﻭﺷﺮﻛﺎﺕ ﻭﻣﺼﺎﻧﻊ .. ﺑﺲ ﻫﺬﺍ ﻛﻠﻪ ﻭﻻ ﺣﺎﺟﻪ ﻗﺪﺍﻡ ﻓﻘﺮ ﺍﻟﺤﺐ ﺍﻟﻠﻲ ﻋﺎﻳﺸﻪ ﻓﻴﻪ ..
ﻛﻞ ﺍﻟﻠﻲ ﻋﻨﺪﻫﺎ ﻟﻮ ﻳﺰﻳﺪ ﺍﺿﻌﺎﻑ ﺍﻻﺿﻌﺎﻑ ﻣﺶ ﺣﻴﺴﺎﻭﻱ ﻟﺤﻈﻪ ﻭﺣﺪﻩ ﻳﺮﺟﻌﻮﺍ ﻓﻴﻬﺎ ﺑﻮﻫﺎ ﻭﺃﻣﻬﺎ ﻟﻠﺪﻧﻴﺎ ﻭﺗﻌﻴﺶ ﻓﻲ ﺣﻀﻨﻬﻢ ﻟﻠﺤﻈﻪ ﺑﺲ .. ﻟﺤﻈﻪ ﻭﺣﺪﻩ .. ﺑﺲ ﻫﻴﻬﺎﺕ ﻫﻴﻬﺎﺕ ... ﺍﻟﻠﻲ ﻳﻤﻮﺕ ﻣﺴﺘﺤﻴﻞ ﻳﺮﺟﻊ ﻟﻠﺤﻴﺎﺓ ﻭﻟﻮ ﺟﺰﺀ ﻣﻦ ﺟﺰﺀ ﻣﻦ ﺍﻟﺜﺎﻧﻴﻪ ...
ﺻﻜﺮ ﺍﻟﻤﺬﻛﺮﻩ ... ﻭﺧﺪﻱ ﺗﻠﻴﻔﻮﻧﻪ ﻭﺣﻂ ﻉ ﺻﻮﺭﻩ ﺳﻴﻠﻔﻲ ﺧﺪﻭﻫﺎ ﺍﻟﺰﻭﺯ ﻣﻊ ﺑﻌﺾ ﺍﻟﻴﻮﻡ ﻛﺒﺮ ﺍﻟﺼﻮﺭﺓ ﻓﺎﻟﺠﺰﺀ ﺍﻟﻠﻲ ﻫﻲ ﻓﻴﻪ ..
ﻗﻌﺪ ﻳﺸﻮﻑ ﻟﻀﺤﻜﺘﻬﺎ ﺍﻟﺒﺮﻳﺌﻪ ﻭﻭﺟﻬﻬﺎ ﺍﻟﺼﺎﻓﻲ ﻓﻲ ﺍﻟﻤﻼﻣﺢ ﺍﺑﺘﺴﻢ ﺑﺄﻟﻢ .. ﻭﻗﻌﺪ ﻳﺘﺄﻣﻞ .. ﻭﻣﺎﻣﻠﺶ ﺑﻜﻞ ﻭﺍﺫﻛﺮ ﺍﻟﻠﻲ ﺻﺎﺭﻟﻪ ﻟﻤﺎ ﺷﺪﺕ ﻳﺪﻩ ... ﺿﺤﻚ .. ﺑﻌﺪﻳﻦ ﻗﻌﺪ ﻳﻤﺮﺭ ﻓﺈﺑﻬﺎﻣﻪ ﻉ ﻭﺟﻬﻬﺎ ﻓﻲ ﺍﻟﺼﻮﺭﺓ ﻭﻋﻴﻮﻧﻪ ﺗﺘﺄﻣﻞ ﺑﻠﻤﻌﻪ ﺣﻠﻮﻩ ﺑﺎﻟﻤﺮﻩ ﻫﻮ ﻣﺎﻳﺸﻮﻓﻬﺎﺵ ﺑﺲ ﻫﻲ ﻭﺍﺿﺤﻪ ﻟﻤﻌﺔ ﺷﻨﻲ ...
ﺗﺘﻮﻗﻌﻮﺍ ﺷﻦ ﺩﺍﺭ ﺑﺪﻭﻥ ﻣﺎﻳﺤﺲ ... ﻣﻦ ﻗﻮﺓ ﺍﻟﻤﺸﺎﻋﺮ ..
ﻗﺮﺏ ﺍﻟﺼﻮﺭﺓ ﻟﻴﻪ ﻭﺑﺎﺳﻬﺎ ﻭﻋﻴﻮﻧﻪ ﻣﻐﻤﻀﺎﺕ .. ﻫﻮ ﻣﺶ ﺣﺎﺱ ﺑﻨﻔﺴﻪ ﻧﻬﺎﺋﻲ ... ﻣﺸﺎﻋﺮﻩ ﻛﺎﻧﺖ ﻗﻮﻳﻪ ﻟﺪﺭﺟﻪ ﺳﻴﻄﺮﺕ ﻋﻠﻴﻪ ﻭﺧﻼﺗﻪ ﻳﺪﻳﺮ ﺷﻲ ﻻﺇﺭﺍﺩﻱ ..
ﻗﻠﺒﻪ ﻗﻌﺪ ﻳﻨﺒﺾ ﺑﺠﻨﻮﻥ .... ﻧﺒﺾ ﻗﻠﺒﻪ ﻫﺬﺍ ﺍﻟﻠﻲ ﻣﻦ ﻗﻮﺗﻪ ﻟﻴﻦ ﺳﻤﻌﻪ .. ﻫﻮ ﺍﻟﻠﻲ ﻭﻗﻀﻪ ﻟﻠﻲ ﻳﺪﻳﺮ ﻓﻴﻪ ...
ﺑﻌﺪ ﺍﻟﺘﻠﻴﻔﻮﻥ ﻭﻫﻮ ﻣﺼﺪﻭﻡ ... ﻭﻧﻔﺴﻪ ﻛﺎﻥ ﺳﺮﻳﻊ ﻭﺻﺪﺭﻩ ﻳﺮﻛﺐ ﻭﻳﻨﺰﻝ ﻣﻦ ﻗﻮﺗﻪ ﻭﺣﺲ ﺭﻭﺣﻪ ﺳﺨﻦ ﻫﻠﺒﻪ ...
ﻃﻠﻊ ﺑﺴﺮﻋﻪ ﻣﻦ ﺍﻹﺳﺘﺪﻳﻮ ﻭﺣﻂ ﺍﻟﺘﻠﻴﻔﻮﻥ ﻉ ﺍﻟﻄﺎﻭﻟﻪ ... ﻭﻧﺎﺽ ﻭﻗﻒ ... ﻣﺶ ﻣﺴﺘﻮﻋﺐ ﺍﻟﻠﻲ ﺻﺎﺭﻟﻪ ﻭﻻ ﺍﻟﻠﻲ ﺩﺍﺭﻩ . ﺷﺒﺢ ﻟﻠﺮﻭﺷﻦ ﻣﺸﺎﻟﻪ ﻃﻮﻝ ﻓﺘﺤﻪ .. ﻣﻦ ﺍﻟﺤﻤﻮ ﺍﻟﻠﻲ ﻛﺎﻥ ﻳﺤﺲ ﺑﻴﻪ ﻫﻮ ﺑﺲ ..
ﺗﺘﻮﻗﻌﻮﺍ ﻣﺮﻩ ﺗﺎﻧﻴﻪ ﺷﻦ ﺩﺍﺭ ﻓﻲ ﻋﺰ ﺍﻟﺼﻘﻊ ..
ﺭﻣﻲ ﺍﻟﻔﺎﻧﻴﻠﻴﺎ ﺍﻟﻠﻲ ﻛﺎﻥ ﻻﺑﺴﻬﺎ ﻭﻗﻌﺪ ﻓﻲ ﻛﺎﻧﺘﻴﺮﺍ .. ﻭﻟﻮﺣﻬﺎ ﻉ ﺍﻟﺴﺮﻳﺮ ﻭﻭﻗﻒ ﻓﻲ ﺍﻟﺮﻭﺷﻦ ﺑﺶ ﻳﺎﺧﺪ ﻧﻔﺲ ﻭﻳﺒﺮﺩ ﺷﻮﻳﻪ ..
ﻣﺎﻩ ﻫﻮ ﻣﺶ ﻋﺎﺭﻑ ﺍﻥ ﺍﻟﻨﺎﺭ ﻣﺼﺪﺭﻫﺎ ﻣﻦ ﺩﺍﺧﻞ ﻣﺶ ﻣﻦ ﺑﺮﺍ ..
ﺍﻟﻘﻠﺐ ﻫﻮ ﺍﻟﻠﻲ ﻭﺍﻟﻌﻪ ﻓﻴﻪ ﺍﻟﻨﺎﺭ ... ﻭﺍﻟﻤﺸﺎﻋﺮ ﺍﻟﻠﻲ ﺣﺴﻬﺎ ﻫﻲ ﺍﻟﻠﻲ ﺗﻘﻮﻱ ﻓﻴﻬﺎ ...
ﻓﻬﺎﺍﻟﻠﺤﻈﻪ ﺗﺤﺪﻳﺪﺍ ﺑﺶ ﺗﻜﻤﻞ ﻣﺮﻩ ﻭﺣﺪﻩ ..
ﻧﻮﺭﺍﻥ ﻓﺘﺤﺖ ﺍﻟﺮﻭﺷﻦ ... ﺍﻧﺼﺪﻣﺖ ...
ﻫﻮ ﻗﻌﺪ ﻳﺸﺒﺤﻠﻬﺎ ﻭﺧﻼﺹ ﺍﻣﺎ ﻫﻲ ﺗﺤﺸﻤﺖ ﻭﺳﻜﺮﺕ ﺍﻟﺮﻭﺷﻦ ﺑﺎﻟﻘﻮﺓ ...
ﻫﻮ ﺍﺳﺘﻐﺮﺏ ... ﺑﻌﺪﻳﻦ ﺷﺒﺢ ﻟﺬﺭﺍﻋﻪ ﻟﻘﺎﻫﺎ ﻋﺮﻳﺎﻧﻪ ... ﺍﺳﺘﺎﻗﺾ ﻟﺮﻭﺣﻪ .. ﺍﻧﺼﺪﻡ ﺧﺶ ﻃﻮﻝ ﻭﺻﻜﺮ ﺍﻟﺮﻭﺷﻦ ﻭﻫﻮ ﻣﺤﺮﺝ ﻫﻠﺒﻪ .. ﺑﻌﺪﻫﺎ ﺗﻠﻔﺖ ﻟﻠﺴﺮﻳﺮ ﻣﺸﺎﻟﻪ ﺧﺪﻱ ﺍﻟﻔﺎﻧﻴﻠﻴﺎ ﺟﺎﻱ ﺑﻴﻠﺒﺴﻬﺎ .. ﺑﺲ ﺑﻌﺪﻳﻦ ﺗﺮﺍﺟﻊ ﻭﻣﺸﻲ ﻟﻠﺪﻭﻻﺏ ﺧﺪﻱ ﺣﻮﺍﻳﺞ ﻭﺧﺶ ﺩﻭﺵ ﺑﺶ ﻳﺒﺮﺩ ﻉ ﺭﻭﺣﻪ ... ﻓﻲ ﻋﺰ ﺍﻟﺼﻘﻊ ...
💓 ﺍﻟﻤﺸﺎﻋﺮ ﻫﺎﺩﻱ ﻋﻤﺮﻩ ﻓﻲ ﺣﻴﺎﺗﻪ ﻣﺎﻣﺮ ﺑﻴﻬﺎ ﻭﻻﺣﺲ ﺑﻴﻬﺎ ﺟﺪﻳﺪﻩ ﻋﻠﻴﻪ ﻫﺬﺍ ﻋﻼﺵ ﻛﺎﻧﺖ ﺑﻬﺎﻟﻘﻮﺓ ... ﻭﻣﻤﻜﻦ ﻫﺬﺍ ﻋﻼﺵ ﻟﻬﺎﻟﻠﺤﻈﻪ ﻣﺎﺃﺫﻛﺮﺵ ﺍﻥ ﺣﺐ ﻣﻦ ﻗﺒﻞ ﺑﻜﻞ ...
ﻫﻲ ﻣﺴﺤﺖ ﺩﻣﻮﻋﻬﺎ ﻭﻗﻌﺪﺕ ﺗﻔﻜﺮ ﺧﻴﺮﻩ ﻫﻜﻲ ﺩﺍﻳﺮ ﻓﻌﻤﺮﻩ ﻓﻲ ﻋﺰ ﺍﻟﺼﻘﻊ !!!
ﻧﺴﺖ ﺍﻟﻠﻲ ﻫﻲ ﻓﻴﻪ ﻛﻠﻪ .. ﻭﺧﺪﺕ ﺗﻠﻔﻮﻧﻬﺎ ﻛﺘﺒﺘﻠﻪ ﺭﺳﺎﻟﻪ ﻭﺑﻌﺘﺘﻬﺎ ..
ﺑﻌﺪﻳﻦ ﺣﻄﺖ ﺍﻟﺘﻠﻴﻔﻮﻥ ﻉ ﺍﻟﻜﺎﻣﺪﻳﻨﻮ ﻭﺗﻤﺪﺩﺕ ﻉ ﺍﻟﺴﺮﻳﺮ ... ﻭﻫﻲ ﺗﻔﻜﺮ ﻓﻲ ﺣﺎﻟﻬﺎ ﻭﻑ ﺍﻟﻤﺼﻴﺒﻪ ﺍﻟﻠﻲ ﻋﻤﻬﺎ ﻧﺰﻟﻬﺎ ﻉ ﺭﺍﺳﻬﺎ ... ﻛﻴﻒ ﺍﺩﻳﺮ ﻓﻴﻬﺎ .. ﻭﺭﺟﻌﻮﺍ ﺩﻣﻮﻋﻬﺎ ﻧﺰﻟﻮﺍ ...
💓💓💓
ﻫﻮ ﻃﻠﻊ ﻣﻦ ﺍﻟﺪﻭﺵ ...
ﻧﺸﻒ ﺷﻌﺮﻩ .. ﺣﻮﻝ ﺍﻟﻔﻮﻃﻪ ... ﻭﻣﺸﻲ ﻟﻠﻄﺎﻭﻟﻪ ﺧﺪﻱ ﺗﻠﻴﻔﻮﻧﻪ ﺑﻴﻀﺒﻂ ﺍﻟﻤﻨﺒﻪ ﻗﺒﻞ ﻳﺮﻗﺪ .. ﻟﻘﻲ ﺭﺳﺎﻟﻪ ‏( ﺑﻜﺮﺍ ﺇﻥ ﺷﺎﺀ ﺍﻟﻠﻪ ﺟﺎﻳﻪ ﻟﻠﻤﺴﺘﺸﻔﻰ ﻧﺒﻲ ﻧﺤﻜﻲ ﻣﻌﺎﻙ ﻓﻲ ﺣﺎﺟﻪ ﺿﺮﻭﺭﻳﻪ ... ﺍﻫﺎ ﻭﻧﺒﻲ ﻧﺬﻛﺮﻙ ﻧﺤﻨﺎ ﻓﻨﺺ ﺷﻬﺮ 1 ﻳﻌﻨﻲ ﻓﻌﺰ ﺍﻟﺸﺘﺎ .. ﻣﺘﺪﻭﺭﺵ ﺭﻭﺣﻚ .. ﺗﺼﺒﺢ ﻉ ﺧﻴﺮ (😊
ﺿﺤﻚ ... ﻋﺎﻭﺩ ﻗﺮﺍﻫﺎ ﺃﻛﺜﺮ ﻣﻦ ﻣﺮﻩ ... ﺑﻌﺪﻳﻦ ﻣﺸﻲ ﻟﻠﺴﺮﻳﺮ .. ﺣﻂ ﺍﻟﺘﻠﻴﻔﻮﻥ ﻉ ﺍﻟﻜﺎﻣﺪﻳﻨﻮ ﻭﺗﻤﺪﺩ ﻉ ﺍﻟﺴﺮﻳﺮ ﻭﻫﻮ ﻳﻔﻜﺮ ﻏﻴﺮ ﻓﻴﻬﺎ ..
ﻭﻧﺴﻲ ﺍﻟﻤﻨﺒﻪ ﻭﻣﺎﻳﺠﻲ ﻣﻨﻪ ...😁
***
ﺗﺎﻧﻲ ﻳﻮﻡ ..
ﺳﺎﺭﻩ ﺧﺸﺖ ﻟﻠﻔﻴﻼ ... ﺷﺒﺤﺖ ﺍﻛﺮﻡ ﻭﺍﻗﻒ ﻉ ﻭﺍﺣﺪ ﻣﻦ ﺍﻟﺤﺮﺍﺳﺎﺕ ﺗﺠﺎﻫﻼﺗﻪ ﺑﺲ ﻟﻔﺖ ﻧﻈﺮﻫﺎ ﻳﺪﻩ ﺍﻟﻤﻠﻔﻮﻓﻪ ﺑﻔﺎﺷﻪ .. ﻗﻌﺪﻥ ﺗﺸﻮﻓﻠﻬﺎ ... ﻗﺎﻣﺖ ﻋﻴﻮﻧﻬﺎ ﻓﻴﻪ ﻟﻘﺎﺗﻪ ﻳﺸﺒﺤﻠﻬﺎ ﻏﻴﺮﺕ ﻋﻴﻮﻧﻬﺎ ﻭﺭﺳﻤﺖ ﻣﻼﻣﺢ ﺍﻟﺤﻘﺪ ﻉ ﻭﺟﻬﻬﺎ ﻭﻣﺸﺖ ﻃﻮﻝ ...
ﻫﻮ ﺗﻨﻬﺪ .. ﻭﻛﻤﻞ ﺷﻐﻠﻪ ..
ﻓﻲ ﺩﺍﺭ ﺭﻳﻬﺎﻡ ﻭﺭﺿﻮﺍﻥ ..
ﺭﻳﻬﺎﻡ : ﺣﺒﻴﺒﻲ ﻛﻠﻪ ﺍﻻ ﺍﻟﺰﻭﺍﺝ ﻣﺎﻳﻨﺠﺤﺶ ﺑﺎﻹﺟﺒﺎﺭ ..
ﺭﺿﻮﺍﻥ ﻭﻫﻮ ﻳﻠﺒﺲ ﻑ ﺩﺟﺎﻛﺘﻪ : ﺍﻧﺎ ﺗﻮ ﻧﺨﻠﻴﻪ ﻳﻨﺠﺢ ..
ﺭﻳﻬﺎﻡ ﻗﺮﺑﺖ ﻣﻨﻪ ﻭﺷﺪﺕ ﻳﺪﻩ : ﺣﺮﺍﻡ ﺣﺒﻴﺒﻲ ... ﻣﺮﺍﺕ ﻫﻤﺎ ﺍﻹﺛﻨﻴﻦ ﻳﺒﻮﺍ ﻏﻴﺮ ﺑﻌﻀﻬﻢ ..
ﺭﺿﻮﺍﻥ ﺷﺒﺤﻠﻬﺎ : ﺗﻌﻠﻤﻲ ﺑﺸﻲ ﺍﻧﺎ ﻣﺎﻧﻌﻠﻤﺶ ﺑﻴﻪ؟
ﺭﻳﻬﺎﻡ ﺑﺮﺑﻜﻪ : ﻻ ﻳﺎﻗﻠﺒﻲ ﺍﻧﺎ ﻧﺨﻤﻦ ﺑﺲ ..
ﻗﺮﺑﻬﺎ ﻭﺑﺎﺳﻬﺎ ﺑﻮﺳﻪ ﻃﻮﻳﻠﻪ ﻭﺑﻌﺪﻳﻦ ﺑﻌﺪ ﻭﻗﺎﻝ : ﺍﻧﺎ ﻗﺎﻋﺪ ﻧﺪﻳﺮ ﻓﻲ ﺍﻟﻠﻲ ﻓﻴﻪ ﻣﺼﻠﺤﺔ ﺍﻟﻜﻞ ﻳﺎﻗﻠﺒﻲ ... ﺷﺪ ﻳﺪﻫﺎ .. ﻫﻲ ﺗﻌﺎﻟﻲ ..
ﺭﻳﻬﺎﻡ ﻣﺸﺖ ﻣﻌﺎﻩ ﻭﻫﻲ ﻣﻀﺎﻳﻘﻪ ...
ﻧﺰﻟﻮﺍ ﻟﻮﻃﺎ ﻣﺎﻟﻘﻮﺍ ﺣﺪ ﻉ ﻃﺎﻭﻟﺔ ﺍﻟﻔﻄﻮﺭ ... ﺭﺿﻮﺍﻥ ﻃﻨﺶ ﻭﻗﻌﻤﺰ ﻋﺎﺩﻱ ﻭﺭﻳﻬﺎﻡ ﻗﻌﻤﺰﺕ ﻭﺃﻛﺜﺮ ﻣﻦ ﻭﺍﺟﻌﻬﺎ ﻧﻮﺭﺍﻥ ...
***
ﺍﻟﺴﺎﻋﻪ 10
ﺍﻟﻤﺸﻐﻞ ...
ﻧﻮﺭﺍﻥ ﻣﻘﻌﻤﺰﻩ ﻗﺪﺍﻡ ﺍﻟﻤﺎﻛﻴﻨﻪ ﻭﺳﺮﺣﺎﻧﻪ ..
ﻭﺍﻟﺒﻨﺎﺕ ﻛﺎﻧﻮﺍ ﻣﺮﻛﺰﻳﻦ ﻋﻠﻴﻬﺎ ... ﺻﻔﺎﺀ ﻗﺮﺑﺘﻠﻬﺎ ...
ﺻﻔﺎﺀ : ﻧﺎﻧﻲ ..
ﻧﻮﺭﺍﻥ ﻟﻤﺎ ﺳﻤﻌﺖ ﺻﻮﺗﻬﺎ ﻗﻠﺒﻬﺎ ﻭﺟﻌﻬﺎ .. ﻗﺎﻣﺖ ﺭﺍﺳﻬﺎ ﻭﺷﺒﺤﺖ ﻟﺼﻔﺎﺀ ﺑﻌﻴﻮﻥ ﻣﺪﻣﻌﻪ : ﻧﻌﻢ ..
ﺻﻔﺎﺀ : ﺍﻧﺘﻲ ﻛﻮﻳﺴﻪ ..
ﻧﻮﺭﺍﻥ ﺍﺑﺘﺴﻤﺖ ﺑﺄﻟﻢ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺻﻔﺎﺀ ﺍﺑﺘﺴﻤﺖ ﻭﻗﺎﻟﺖ : ﺍﻟﻴﻮﻡ ﺑﻴﺠﻮ ﺍﻟﺒﻨﺎﺕ ﺍﻟﻠﻲ ﻗﻠﻨﺎ ﻋﻠﻴﻬﻢ ..
ﻧﻮﺭﺍﻥ ﺷﺒﺤﺖ ﻟﻮﻃﺎ ﺑﻌﺪﻳﻦ ﺷﺒﺤﺖ ﻟﺼﻔﺎﺀ : ﺣﺒﻴﺒﺘﻲ .. ﺍﻧﺘﻲ ﻫﻨﺎ ﻣﻜﺎﻧﻲ ﻟﻤﺎ ﻧﻐﻴﺐ .. ﺷﻮﻓﻴﻬﻢ ﺍﻧﺘﻲ ﻋﻨﻲ .. ﺍﻧﺎ ﺑﻌﺪ ﺷﻮﻳﻪ ﺑﻨﻌﺪﻱ ..
ﺻﻔﺎﺀ : ﻣﺘﺄﻛﺪﻩ ﺍﻧﻚ ﻛﻮﻳﺴﻪ ..
ﻧﻮﺭﺍﻥ ﻏﻤﻀﺖ ﻋﻴﻮﻧﻬﺎ ﻭﻓﺘﺤﻬﻢ ﺑﺈﺑﺘﺴﺎﻣﻪ " ﺑﻤﻌﻨﻰ ﺇﻳﻪ .."
ﺻﻔﺎﺀ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﺸﺖ ﻟﻠﺒﻨﺎﺕ ﻭﻫﻲ ﺗﻔﻜﺮ ﻓﻲ ﺣﺎﻝ ﻧﻮﺭﺍﻥ ..
***
ﺧﺸﺖ ﻟﻤﻘﺮ ﺷﺮﻛﺔ ﻣﻮﺍﺩ ﺗﺠﻤﻴﻞ ﻣﺸﻬﻮﺭﻩ .. ﻗﺮﺗﻠﻬﻢ ﺍﻋﻼﻥ ﻓﻲ ﻣﺠﻠﻪ ﻋﻦ ﻣﺴﺎﺑﻘﻪ ﻣﺪﺍﻳﺮﻳﻨﻬﺎ .. ﻣﺸﺖ ﺑﺘﻘﺪﻡ ﻓﻴﻬﺎ ..
ﻣﺎﺷﻴﻪ ﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﻤﻜﺎﻥ ﻭﺗﺘﻔﺤﺺ ﻓﻴﻪ ﻛﻮﻳﺲ ..
ﻭﻗﻔﺖ ﻉ ﺍﻹﺳﺘﻌﻼﻣﺎﺕ ﻭﺳﺄﻟﺘﻬﻢ ﻭﻗﺎﻟﻮﻟﻬﺎ ﻭﻳﻦ ﺗﻤﺸﻲ ..
ﻣﺸﺖ ﺭﻛﺒﺖ ﻟﻸﺻﻨﺼﻴﺮ ﻭﻭﺻﻠﻬﺎ ﻭﻳﻦ ﻣﺎﺗﺒﻲ ... ﺍﻧﻔﺘﺢ ﺍﻟﺒﺎﺏ ..
ﻗﺎﺑﻠﻬﺎ ﻭﺍﺣﺪ ﻃﻮﻳﻞ ﻋﺮﻳﺾ ﺍﺷﻘﺮ ﻭﺳﻴﻢ ﻭﺟﺬﺍﺏ ﻭﺑﻜﺎﻣﻞ ﺍﻧﺎﻗﺘﻪ .. ﺍﻭﻝ ﻣﺎﺷﺎﻓﻬﺎ ﺟﺖ ﻋﻴﻨﻪ ﻓﻌﻴﻮﻧﻬﺎ ﺍﻟﻠﻲ ﻟﻮﻧﻬﻢ ﻣﺎﻳﻔﺮﻗﺶ ﻋﻦ ﻟﻮﻥ ﻋﻴﻮﻧﻪ ... ﺑﺲ ﻋﻴﻮﻧﻬﺎ ﺍﻟﺤﺎﺩﻩ ﺟﺬﺑﺎﺗﻪ ﻷﺑﻌﺪ ﺣﺪ ..
ﻛﻨﺎﻧﻪ ﺑﺮﻓﻌﺔ ﺣﻮﺍﺟﺐ : ﻋﻔﻮﺍ ...
ﻫﻮ ﺍﺳﺘﺎﻗﺾ ﻭﺑﻌﺪ ﻫﻲ ﻃﻠﻌﺖ ﻭﻛﻤﻠﺖ ﻃﺮﻳﻘﻬﺎ .. ﺍﻣﺎ ﻫﻮ ﻗﺎﻋﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ .. ﺍﺑﺘﺴﻢ ﺷﺒﺢ ﻟﻸﺻﻨﺼﻴﺮ ﺭﺹ ﻉ ﺍﻟﺒﻄﻤﻪ ﺍﻧﻔﺘﺢ ﻭﺧﺸﻠﻪ ..
ﻗﺪﻣﺖ ﻛﻨﺎﻧﻪ ﻉ ﺍﻟﻤﺴﺎﺑﻘﻪ .. ﻭﺳﺠﻠﺖ ﺍﺳﻤﻬﺎ ﻭﺑﻴﺎﻧﺘﻬﺎ ..
ﺍﻟﻤﺴﺎﺑﻘﻪ ﻛﺎﻧﺖ ﻟﻤﺠﻤﻮﻋﻪ ﻣﻦ ﺍﻟﻤﻴﻜﺐ ﺍﺭﺗﺴﺖ ..
ﻳﺪﻳﺮﻭﺍ ﻻﻳﻒ ﻣﻜﻴﺎﺝ ﻟﻤﻮﺩﻳﻞ .. ﻛﻞ ﻭﺣﺪﻩ ﺗﻤﻜﻴﺞ ﻣﻮﺩﻝ .. ﻭﺧﺒﺮﺍﺀ ﻣﻜﻴﺎﺝ ﻫﻤﺎ ﺍﻟﻠﻲ ﻳﻘﻴﻤﻮﺍ ﺷﻐﻠﻬﻢ ..
ﻛﻨﺎﻧﻪ ﻣﺪﺕ ﺍﻹﺳﺘﻤﺎﺭﺓ ﻟﻠﻤﻮﻇﻔﻪ ﻭﺳﺄﻟﺘﻬﺎ : ﻣﺎﻟﺬﻱ ﻋﻠﻴﺎ ﻓﻌﻠﻪ ﺑﻌﺪ ﺫﻟﻚ ..
ﺍﻟﻤﻮﻇﻔﻪ : ﺍﺑﻌﺘﻲ ﻉ ﻣﻮﻗﻊ ﺍﻟﺸﺮﻛﻪ ﺻﻮﺭ ﻭﻓﻴﺪﻳﻮ ﺗﺤﺘﻮﻱ ﻉ ﻋﻤﻠﻚ .. ﻭﻫﻨﺎﻙ ﻣﻘﻴﻤﻮﻥ ﻳﺨﺘﺎﺭﻭﻥ ﺍﻷﻓﻀﻞ ﻟﺘﺨﻮﺽ ﺍﻟﻤﺴﺎﺑﻘﻪ .. ﺍﻥ ﺣﻈﻴﺘﻲ ﺑﺈﻋﺠﺎﺑﻬﻢ ﺳﻨﺘﺼﻞ ﺑﻚ ﺣﺘﻤﺎ ..
ﻛﻨﺎﻧﻪ ﺍﺑﺘﺴﻤﺖ : ﺍﺗﻤﻨﻰ ﺫﻟﻚ ... ﺷﻜﺮﺍ ..
ﻭﻟﻔﺖ ﻭﻣﺸﺖ ﻭﻫﻲ ﻣﺘﺄﻣﻠﻪ ﻫﻠﺒﻪ ﻓﻬﺎﻟﻤﺴﺎﺑﻘﻪ .. ﺭﻛﺒﺖ ﺍﻷﺻﻨﺼﻴﺮ ﻭﻧﺰﻟﺖ .. ﻃﻠﻌﺖ ﻣﻦ ﺍﻷﺻﻨﺼﻴﺮ .. ﻭﻫﻲ ﻣﺎﺷﻴﻪ ﻃﻠﻌﺖ ﺗﻠﻴﻔﻮﻧﻬﺎ ﻣﻦ ﺍﻟﺸﻨﻄﻪ ﻃﺎﺡ ﻣﻨﻬﺎ ﺍﻟﺴﻤﺎﻋﺎﺕ ﻣﺘﺎﻉ ﺍﻟﻤﻮﺑﺎﻳﻞ .. ﺗﺄﻓﻔﺖ .. ﺟﺖ ﺑﻄﺒﺲ .. ﻟﻘﺖ ﻳﺪ ﺭﺍﻓﻌﺘﻬﻢ ﺷﺒﺤﺖ ﻟﺼﺎﺣﺒﻬﺎ ﺍﺗﻔﺎﺟﺌﺖ ﻫﻮ ﻧﻔﺴﻪ ﺍﻟﻠﻲ ﻻﻗﺎﺗﻪ ﻗﺪﺍﻡ ﺍﻷﺻﻨﺼﻴﺮ ..
ﺧﺪﺗﻬﺎ ﻣﻨﻪ : ﺷﻜﺮﺍ ﻟﻚ ..
ﻭﺟﺖ ﺑﺘﻤﺸﻲ ..
" ﻫﻞ ﺍﻧﺘﻲ ﻋﺮﺑﻴﻪ ؟ .."
ﻛﻨﺎﻧﻪ ﺍﻟﺘﻔﺘﺖ ﻭﻫﻲ ﻣﺴﺘﻐﺮﺑﻪ : ﻧﻌﻢ ..
: ﻭﺍﻧﺎ ﻛﻤﺎﻥ ..
ﻛﻨﺎﻧﻪ ﺍﺑﺘﺴﻤﺖ : ﺍﻫﻼ ﺑﻴﻚ ..
: ﻣﻦ ﺍﻟﻤﻐﺮﺏ؟
ﻛﻨﺎﻧﻪ : ﻣﻦ ﺍﻟﻤﻐﺮﺏ ﺍﻟﻌﺮﺑﻲ ..
: ﺍﻩ .. ﺍﺻﺒﺢ ﻣﻦ ﺗﻮﻧﺲ ..
ﻛﻨﺎﻧﻪ ﺑﻀﺤﻜﻪ : ﻻ ﻣﻦ ﻟﻴﺒﻴﺎ ..
: ﺍﺣﺴﻦ ﻧﺎﺱ ... ﻗﺪﻣﻠﻬﺎ ... ﺍﺯﻥ ﻭﺍﺿﺢ ﺍﻧﺎ ﻣﻨﻴﻦ .
ﻛﻨﺎﻧﻪ ﺿﺤﻜﺖ ﻭﻗﺎﻟﺖ : ﻣﻦ ﺍﻟﺒﻼﺩ ﺍﻟﻠﻲ ﺍﺳﻤﻲ ﺯﻱ ﺍﺳﻤﻬﺎ ..
ﻫﻮ ﺍﺳﺘﻐﺮﺏ ..
ﻛﻨﺎﻧﻪ ﻣﺪﺕ ﻳﺪﻫﺎ : ﻣﻌﺎﻙ ﻛﻨﺎﻧﻪ ..
ﻫﻮ ﺿﺤﻚ ﻭﺻﺎﻓﺤﻬﺎ ﻭﻗﺎﻝ : ﻭﻣﻌﺎﻙ ﺍﺑﻦ ﻣﺼﺮ ﺍﻟﻜﻨﺎﻧﻪ .. ﺃﻛﻤﻞ ..
ﻛﻨﺎﻧﻪ : ﺃﻛﻤﻞ ؟ !!
ﺍﻛﻤﻞ : ﺍﻩ ... ﺍﺳﻢ ﻏﺮﻳﺐ ﻋﻠﻴﻜﻲ ..
ﻛﻨﺎﻧﻪ ﺍﺑﺘﺴﻤﺖ ﺑﺈﺣﺮﺍﺝ : ﺑﺼﺮﺍﺣﻪ ﺍﻳﻪ ..
" ﻣﺴﺘﺮ ﺍﻛﻤﻞ .."
ﺍﻛﻤﻞ : ﺍﻧﺎ ﺍﺳﻒ ﺟﺪﺍ ﻣﺸﻐﻮﻝ ﺷﻮﻳﻪ ..
ﻛﻨﺎﻧﻪ : ﻣﺎﻓﻴﺶ ﻣﺸﻜﻠﻪ .. ﺍﺳﺎﺳﺎ ﺍﻧﻲ ﻣﺮﻭﺣﻪ ..
ﺍﻛﻤﻞ : ﺍﺷﻮﻓﻚ ﻣﺮﻩ ﺗﺎﻧﻴﻪ؟ ..
ﻛﻨﺎﻧﻪ ﺑﺈﺑﺘﺴﺎﻣﻪ : ﺍﻟﻠﻪ ﺍﻋﻠﻢ ﻣﻤﻜﻦ ...
ﺍﻛﻤﻞ ﺍﺑﺘﺴﻢ : ﺇﻥ ﺷﺎﺀ ﺍﻟﻠﻪ ...
ﻛﻨﺎﻧﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻓﺮﺻﻪ ﺳﻌﻴﺪﻩ .. ﺑﺎﻱ .. ﻭﻟﻔﺖ ﻭﻣﺸﺖ ..
ﺍﻛﻤﻞ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﻃﻠﻌﺖ .. ﺍﺑﺘﺴﻢ ﺑﻌﺪﻳﻦ ﻟﻒ ﻭﻣﺸﻲ ..
" ﺍﺳﻤﻪ ﻳﻨﻄﻖ .. ﺑﻔﺘﺤﻪ ﻉ ﺍﻷﻟﻒ ﻭﺳﻜﻮﻥ ﻉ ﺍﻟﻜﺎﻑ .. ﻭﻓﺘﺤﻪ ﻉ ﺍﻟﻤﻴﻢ ﻭﺳﻜﻮﻥ ﻉ ﺍﻟﻼﻡ ... ﻓﺘﺤﻪ ﺳﻜﻮﻥ ﻓﺘﺤﻪ ﺳﻜﻮﻥ .. ﺃﻛﻤﻞ
ﺣﺴﻴﺖ ﺭﻭﺣﻲ ﻓﻲ ﺍﻟﻤﻨﺎﻫﻞ ..🤣😂 ﺍﻟﻤﻬﻢ ﺗﻜﻮﻧﻮﺍ ﺯﺑﻄﻮﺍ ﺍﻟﻨﻄﻖ ﻣﺘﺎﻉ ﺍﻹﺳﻢ ..."😁
***
ﺍﻟﺴﺎﻋﻪ 12
ﻓﻲ ﺍﻟﻔﻴﻼ ..
ﺳﺎﺭﻩ ﻛﺎﻧﺖ ﺗﻐﻴﺮ ﻓﻲ ﺟﻮﻫﺎ ﺷﺎﺩﻩ ﻭﺣﺪﻩ ﻣﻦ ﺍﻟﺨﺪﺍﻣﺎﺕ ﺍﻷﺳﻴﻮﻳﺎﺕ ﻭﺯﻋﻤﻴﺘﻚ ﺗﻘﺮﺍﻟﻬﺎ ﻓﻲ ﺍﻟﻜﻒ ..
ﺳﺎﺭﻩ : ﺍﻧﺘﻲ .. ﻭﻫﻮ ... ﺣﻴﺘﺠﻮﺯ .....
ﺍﻟﺨﺪﺍﻣﻪ : ﺻﺎﻩ !!!
ﺳﺎﺭﺓ ﺑﻀﺤﻜﻪ : ﺻﺎﻩ ﺻﺎﻩ ... ﺑﺤﺖ .. ﺍﺷﺮﺗﻠﻬﺎ ﻉ ﻳﺪﻫﺎ .. ﺍﻟﺨﻄﻮﻁ ﻣﺘﺎﻋﻚ ﺗﻼﻗﻦ ... ﻳﻌﻨﻲ ﺣﻴﺘﺠﻮﺯ ..
ﺍﻟﺨﺪﺍﻣﻪ 😕😞
ﺳﺎﺭﻩ : ﻓﻬﻤﺖ؟ ..!!
ﺍﻟﺨﺪﺍﻣﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻃﻠﻌﺖ ﻧﺒﻮﻳﻪ ﻭﺷﺎﻓﺘﻬﻢ : ﺑﺘﻌﻤﻠﻲ ﺍﻳﻪ ﻋﻨﺪﻙ ..
ﺳﺎﺭﻩ ﺑﻀﺤﻜﻪ : ﻧﻘﺮﺍﻟﻬﺎ ﻓﻲ ﺍﻟﻜﻒ ...
ﻧﺒﻮﻳﻪ : ﻳﺎﻧﻬﺎﺭﻙ ﺍﻷﺳﻮﺩ .. ﺍﻧﺘﻲ ﻣﺎﺳﻤﻌﺘﻴﺶ ﺍﻟﺪﻛﺘﻮﺭ ﻛﻤﺎﻝ ﻗﺎﻝ ﺍﻳﻪ . ﻋﻦ ﺍﻟﺤﺎﺟﺎﺕ ﺩﻱ .. ﻛﻔﺮ ﻳﺎﺑﻨﺘﻲ ..
ﺳﺎﺭﻩ ﺑﻀﺤﻜﻪ : ﻧﺴﻠﻰ ..
ﻧﺒﻮﻳﻪ : ﺣﺘﻰ ﺗﺴﻠﻴﻪ ﺣﺮﺍﻡ ...
ﺳﺎﺭﻩ ﻧﺎﺿﺖ ﻭﻫﻲ ﺗﻀﺤﻚ : ﻫﻲ ﺧﻼﺹ ﻳﺎﻭﻟﻴﻪ ﻓﻬﻤﻨﺎ ..
ﺍﻛﺮﻡ ﻛﺎﻥ ﻭﺍﻗﻒ ﺣﺪﺍ ﺑﺎﺏ ﺍﻟﻜﻮﺟﻴﻨﻪ ﺍﻟﺒﺮﺍﻧﻲ ﻭﻳﺴﻤﻊ ﻓﻴﻬﻢ ﻭﻳﻀﺤﻚ ﺑﻜﺘﻤﺎﻥ .. ﺑﻌﺪﻫﺎ ﻏﻴﺮ ﻣﻼﻣﺢ ﻭﺟﻬﻪ ﻭﻟﺒﺲ ﺍﻟﻮﺟﻪ ﺍﻟﺤﺎﺩ ﻭﺍﻟﺠﺎﺩ ﻣﺘﺎﻋﻪ .. ﻭﺧﺶ ..
ﺳﺎﺭﻩ ﺍﻟﻠﻲ ﻛﺎﻧﺖ ﺗﻀﺤﻚ ﺗﻼﺷﺖ ﺿﺤﻜﺘﻬﺎ ﻟﻤﺎ ﺷﺎﻓﺘﻪ ﺟﺖ ﺑﺘﻄﻠﻊ ...
ﺍﻛﺮﻡ : ﺧﻠﻴﻚ ﻣﻜﺎﻧﻚ ... ﻣﻤﻜﻦ ﺗﻌﻄﻴﻨﻲ ﻓﺮﺻﻪ ﻧﻔﻬﻤﻚ ...
ﺳﺎﺭﻩ : ﻣﺎﻳﻠﺰﻣﺶ .. ﻭﻣﺸﺖ ﺑﺘﻄﻠﻊ ﻛﻴﻒ ﻭﺻﻠﺖ ﻓﻲ ﺍﻟﺒﺎﺏ ﻣﺎﺣﺴﺘﺶ ﺑﺮﻭﺣﻬﺎ ﺇﻻ ﻫﻲ ﺗﻨﺠﺮ ﻣﻦ ﺫﺭﺍﻋﻬﺎ ..
ﺍﻛﺮﻡ : ﺟﻴﻨﺎﻙ ﺍﻟﺬﻭﻕ ﻣﺎﻧﻔﻌﺶ .. ﻫﻀﺎ ﺍﻟﻠﻲ ﻳﻤﺸﻲ ﻣﻌﺎﻙ ﺑﺲ ..
ﻫﻲ ﻛﺎﻧﺖ ﻣﺼﺪﻭﻣﻪ ﻭﻣﺴﺘﺴﻠﻤﻪ .
ﻧﺒﻮﻳﻪ ﻭﺍﻟﺨﺪﺍﻣﻪ 🠾񙄤
ﻃﻠﻌﻬﺎ ﻟﻠﺴﻴﺎﺭﻩ ﻓﺘﺢ ﺍﻟﺒﺎﺏ ﺣﻄﻬﺎ ﺩﺍﺧﻞ ﻭﻫﻲ ﺗﻘﻮﻝ ﻭﺍﻛﻠﻪ ﺧﺒﻄﻪ ﻉ ﺭﺍﺳﻬﺎ .. ﺻﻜﺮ ﺍﻟﺒﺎﺏ ..
ﺍﺳﺘﻘﺎﺿﺖ ﻟﻤﺎ ﺷﺎﻓﺖ ﻗﻮﻧﺘﻬﺎ ﺣﺼﻠﺖ ... ﻗﺮﺑﻌﺖ ﻉ ﺍﻟﺒﺎﺏ .. ﺟﺎﻫﺎ
ﺍﻛﺮﻡ : ﺧﻴﺮ ﺩﻋﻮﺗﻚ ..
ﺍﺷﺮﺗﻠﻪ ﺑﻴﺪﻫﺎ ﻟﻮﻃﺎ ﻭﻫﻲ ﺗﺘﻜﻠﻢ ﺻﻮﺗﻬﺎ ﻣﺶ ﻭﺍﺿﺢ ﺍﻟﻤﺮﺵ ﻣﺼﻜﺮ .. ﻓﺘﺢ ﺍﻟﺒﺎﺏ ... ﺷﺒﺢ ﻟﻮﻃﺎ :.. ﺗﻲ ﻛﻨﻚ ﻳﺎﻫﻢ ..
ﺳﺎﺭﻩ : ﺍﻧﺖ ﺍﻟﻬﻢ ﻳﺎﻫﻢ ... ﺍﻟﻘﻮﻧﻪ ﺣﺼﻠﺖ ..
ﺍﻛﺮﻡ ﻣﻂ ﺷﻮﺭﺍﺑﻪ ﺑﺘﻬﻜﻢ ﺩﺧﻠﻬﺎ ﻭﺻﻜﺮ ﺍﻟﺒﺎﺏ ﺑﺎﻟﻘﻮﺓ ..
ﻭﻣﺸﻲ ﺭﻛﺐ ﻭﺻﻜﺮ ﺍﻟﺒﺎﺏ ..
ﺳﺎﺭﻩ : ﻭﻳﻦ ﺑﺘﻌﺪﻱ ﺑﻴﺎ ..
ﺍﻛﺮﻡ : ﻟﻠﺨﻼ ... ﻟﺒﺲ ﻧﻈﺮﺍﺗﻪ ﻭﺷﻐﻞ ﺍﻟﺴﻴﺎﺭﻩ ..
ﺳﺎﺭﻩ ﺟﺖ ﺑﺘﻨﺰﻝ ﻟﻘﺖ ﺍﻟﺒﺎﺏ ﻣﺼﻜﺮ ..
ﺍﻛﺮﻡ : ﺍﻗﻌﺪﻯ ﻋﺎﻗﻠﻪ ﺍﺣﺴﻠﻚ ... ﺣﺮﻙ ﺍﻟﺴﻴﺎﺭﻩ ﻭﻃﻠﻌﻮﺍ ..
ﺳﺎﺭﻩ : ﻋﻄﻴﻚ .... ﻭﺳﻜﺘﺖ ..
ﺍﻛﺮﻡ ﺑﺮﻓﻌﺔ ﺣﺎﺟﺐ : ﺷﻦ؟
ﺳﺎﺭﻩ : ﻋﻄﻴﻨﻲ ﺍﻧﺎ ﻣﺎﻳﺮﻓﻌﻨﻲ ..
ﺍﻛﺮﻡ ﺿﺮﺑﻬﺎ ﺑﻘﺒﻀﻪ ﻳﺪﻩ ﻉ ﺫﺭﺍﻋﻬﺎ : ﻏﻤﻲ ﻓﻤﻚ ...
ﺳﺎﺭﻩ ﺗﺘﺤﺴﺲ ﻓﺬﺍﺭﻋﻬﺎ : ﺿﺮﺑﻪ ﺗﻀﺮﺏ ﻋﺪﻭﻙ ...
ﺍﻛﺮﻡ ﺍﺑﺘﺴﻢ ﻉ ﺟﻨﺐ ﺑﺮﻓﻌﺔ ﺣﺎﺟﺐ ..
ﻭﻫﻲ ﻗﺎﻋﺪﻩ ﻗﺎﺭﻧﻪ ﺣﻮﺍﺟﺒﻬﺎ ﻭﺗﺤﺎﻭﻝ ﺟﺎﻫﺪﻩ ﺗﺸﺪ ﺍﺑﺘﺴﺎﻣﺘﻬﺎ ..
🌺💓🌺💓🌺
ﻓﻲ ﺍﻟﻤﺴﺘﺸﻔﻰ ..
ﺧﺸﺖ ﻧﻮﺭﺍﻥ ﻭﻣﺸﺖ ﻃﻮﻝ ﻟﻤﻜﺘﺐ ﻛﻤﺎﻝ ﻃﻘﺖ .. ﺧﺸﺖ ﻟﻤﺎ ﺳﻤﻌﺎﺗﻪ ﻗﺎﻝ " ﺗﻔﻀﻞ ..."
ﺷﺎﻓﻬﺎ ﺍﺑﺘﺴﻢ : ﺍﻫﻼ ﺍﻫﻼ ..
ﻫﻲ ﺍﺑﺘﺴﻤﺖ ﺑﻀﻴﻖ : ﺍﻫﻼ ﺑﻴﻚ ..
ﻟﻤﺎ ﻗﺮﺑﺖ ﺑﺪﺕ ﺗﺘﻮﺿﺤﻠﻪ ﻣﻼﻣﺢ ﻭﺟﻬﻬﺎ ﺍﻟﺘﻌﺒﺎﻧﻪ ﻭﻋﻴﻮﻧﻬﺎ ﺍﻟﻤﺘﻮﺭﻣﻪ ﻣﻦ ﺍﻟﺒﻜﻲ ..
ﻛﻤﺎﻝ ﻧﺎﺽ : ﺧﻴﺮﻙ؟ ..
ﻫﻲ ﻣﺠﺮﺩ ﻣﺎﻭﻗﻒ ﻭﺳﺄﻟﻬﺎ .. ﻧﺰﻟﻮﺍ ﺍﻟﺪﻣﻮﻉ ﻣﻦ ﻋﻴﻮﻧﻬﺎ ﻭﻃﺖ ﺭﺍﺳﻬﺎ ﻭﻗﻌﺪﺕ ﺗﺒﻜﻲ .. ﻃﻠﻊ ﻣﻦ ﻭﺭﺍ ﺍﻟﻤﻜﺘﺐ ﻭﺟﻲ ﻗﺪﺍﻣﻬﺎ ..
ﻛﻤﺎﻝ ﺑﺨﻮﻑ : ﺻﺒﻴﺤﻪ .. ﺗﻜﻠﻤﻲ .. ﻗﻮﻟﻲ ﺧﻴﺮﻙ ..
ﺷﺒﺤﺘﻠﻪ : ﻋﻤﻲ ..
ﻛﻤﺎﻝ ﺑﺨﻮﻑ ﺍﻛﺒﺮ : ﺧﻴﺮﻩ؟
ﻧﻮﺭﺍﻥ : ﻳﺒﻴﻨﺎ ﻧﺠﻮﺯﻭﺍ ﺍﻧﺎ ﻭﺷﻬﺎﺏ ﺑﻌﺪ ﺍﺳﺒﻮﻋﻴﻦ .
.....
ﻛﺎﻥ ﻋﻤﺮﻱ 10 ﺳﻨﻴﻦ ﻟﻤﺎ ﻋﺮﻓﺘﻬﺎ ﻛﺎﻥ ﻋﻤﺮﻫﺎ 6 ﺳﻨﻴﻦ ﻭﻗﺘﻬﺎ ﻛﺎﻧﺖ ﺩﻳﻤﺎ ﺗﺒﻜﻲ ... ﻫﻲ ﻛﺎﻧﺖ ﻓﻲ ﺩﺍﺭ ﺗﺎﻧﻴﻪ ﺑﻌﺪﻳﻦ ﻧﻘﻠﻮﻫﺎ ﻟﻠﺪﺍﺭ ﺍﻟﻠﻲ ﻧﺤﻨﺎ ﻓﻴﻬﺎ .. ﻛﺎﻧﺖ ﻣﺶ ﻣﺘﻌﻮﺩﻩ ﻉ ﺍﻟﻤﻜﺎﻥ ﻣﻤﻜﻦ ..
ﻭﻛﻞ ﻣﺎﺗﺒﻜﻲ ﻛﺎﻧﻮﺍ ﺍﻟﻌﻴﺎﻝ ﻭﺍﻟﺒﻨﺎﺕ ﻳﻀﺤﻜﻮﺍ ﻋﻠﻴﻬﺎ ﻭﻳﺴﻮﻗﻮﺍ ...
ﻣﺎﺗﺤﻤﻠﺘﺶ ﻓﻴﻬﺎ ﻭﺟﻌﺘﻨﻲ ..
ﻫﺰﺑﺘﻬﻢ ﻭﺿﺮﺑﺖ ﻉ ﺷﺎﻧﻬﺎ ﺣﺘﻰ ﺍﻟﻀﺮﺏ .. ﻭﻛﻨﺖ ﻧﻬﺰﺏ ﻓﻴﻬﺎ ﺣﺘﻰ ﻫﻴﺎ ﺑﺶ ﻣﻌﺎﺵ ﺗﺒﻜﻲ ﻭﺗﻜﻮﻥ ﻗﻮﻳﻪ .
ﻳﻮﻡ ﻋﻦ ﻳﻮﻡ ﺑﺪﺕ ﻗﺮﻳﺒﻪ ﻋﻠﻴﺎ ﻟﻤﺎ ﻛﻨﺎ ﻧﺘﻼﻗﻮﺍ ﻓﻲ ﺍﻟﺴﺎﺣﻪ ﻋﻴﺎﻝ ﻭﺑﻨﺎﺕ ﻣﻊ ﺑﻌﻀﻬﻢ ﻛﺎﻧﺖ ﺩﻳﻤﺎ ﻣﻌﺎﻱ ..
ﻟﻌﻨﺪ ﻛﺒﺮﻧﺎ ﻭﻭﻗﺘﻬﺎ ﻓﺼﻠﻮﻧﺎ ﻋﻦ ﺑﻌﻀﻨﺎ ﺣﺘﻰ ﻓﻲ ﺍﻟﺴﺎﺣﻪ .. ﻟﻜﻦ ﻣﺮﺍﺕ ﻛﻨﺎ ﻧﺰﻗﺒﻮﻟﻬﻢ ﻣﻦ ﺍﻟﺴﻮﺭ .. ﺿﺤﻚ ﻳﺎﻣﺎ ﺍﻧﻀﺮﺑﻨﺎ ﻟﻜﻦ ﺍﻧﺎ ﻣﻬﻤﻨﻴﺶ ﻛﻨﺖ ﻧﺒﻲ ﻧﺤﻘﻬﺎ ﻭﻧﻄﻤﻦ ﻋﻠﻴﻬﺎ ﻭﺑﺲ ...
ﻫﻲ ﻛﻞ ﻣﺎﻛﺎﻧﺖ ﺗﻜﺒﺮ ﺗﺰﻳﺪ ﺳﻤﺎﺣﻪ ﻭﺍﻧﺎ ﺣﺴﻴﺖ ﺗﺠﺎﻫﻬﺎ ﺑﻤﺸﺎﻋﺮ ﻏﺮﻳﺒﻪ ﺣﺴﻴﺘﻬﻦ ﻏﻠﻂ ... ﺑﺪﻳﺖ ﻧﺒﻌﺪ ﻋﻠﻴﻬﺎ ﻭﺣﺘﻰ ﻫﻲ ﻛﺎﻧﺖ ﺗﺒﻌﺪ ﻭﻛﺄﻧﻬﺎ ﻛﺎﻧﺖ ﻓﺎﻫﻤﻪ .. ﻛﻨﺖ ﻧﻐﺎﺭ ﻋﻠﻴﻬﺎ ﻭﺍﺟﺪ .. ﻭﻣﺎﻧﺨﻠﻲ ﺣﺪ ﻳﻘﺮﺏ ﻣﻨﻬﺎ ﻭﻻ ﻧﺘﺤﻤﻞ ﺣﺪ ﻳﺠﻲ ﻳﺎﻻﻫﺎ ﺍﻭ ﻳﻀﺎﻳﻘﻬﺎ ﺇﻥ ﺷﺎﺀ ﺍﻟﻠﻪ ﺣﺘﻰ ﺍﻟﻤﺴﺆﻭﻟﻴﻦ ﻋﻦ ﺍﻟﺪﺍﺭ ..
ﺗﻨﻬﺪ ﻭﻛﻤﻞ ... ﻛﺒﺮﺕ ﻭﻭﺻﻠﺖ ﻟﻠﺴﻦ ﺍﻟﻠﻲ ﻻﺯﻡ ﻧﻄﻠﻊ ﻓﻴﻪ ﻣﻦ ﺍﻟﺪﺍﺭ .. ﻣﺎﺷﻐﻠﺶ ﺑﺎﻟﻲ ﻏﻴﺮﻫﺎ ﻛﻨﺖ ﺧﺎﻳﻒ ﻋﻠﻴﻬﺎ ﻭﺍﺟﺪ .. ﻭﻫﻲ ﻛﺎﻧﺖ ﺗﺒﻜﻲ ﺑﺸﻜﻞ ﻣﺶ ﻃﺒﻴﻌﻲ ﻳﻮﻡ ﺍﻟﻠﻲ ﻃﻠﻌﺖ ﻓﻴﻪ .
ﻋﺎﻫﺪﺕ ﻧﻔﺴﻲ ﻭﻭﻋﺪﺗﻬﺎ ﺍﻥ ﻧﺮﺩﻟﻬﺎ ﻟﻤﺎ ﻳﺠﻲ ﺍﻟﻴﻮﻡ ﺍﻟﻠﻲ ﺗﻄﻠﻊ ﻓﻴﻪ ﻭﻛﻨﺖ ﻣﺨﻄﻂ ﻟﺒﻌﻴﺪ ﻭﺍﺟﺪ ... ﺧﻄﻄﺖ ﺣﺘﻰ ﻟﻠﺰﻭﺍﺝ ..
ﺑﺲ ... ﺍﻟﻮﺍﺣﺪ ﻳﻘﻮﻝ ﻗﻮﻝ ﻭﺭﺑﻲ ﻳﻔﻌﻞ ﻓﻌﻞ ..
ﺻﺎﺭﻥ ﻣﻌﺎﻱ ﺣﺎﺟﺎﺕ ﻭﺍﺟﺪﻩ ﺧﻠﻨﻲ ﻧﻐﻴﺮ ﻛﻞ ﺍﻟﻠﻲ ﻛﻨﺖ ﻣﺨﻄﻄﻠﻪ .. ﻣﺎﺷﻠﺘﻬﺎﺵ ﻣﻦ ﺑﺎﻟﻲ ﺑﺲ ﺍﺟﻠﺖ ﺍﺟﺘﻤﺎﻋﻲ ﺑﻴﻬﺎ ﻟﻠﻮﻗﺖ ﺍﻟﻤﻨﺎﺳﺐ ..
ﻭﺑﺮﺿﻮﺍﻟﻮﺍﺣﺪ ﻳﻘﻮﻝ ﻗﻮﻝ ﻭﺭﺑﻲ ﻳﻔﻌﻞ ﻓﻌﻞ .. ﻭﺗﻼﻗﻴﺖ ﻣﻌﺎﻫﺎ ﺻﺪﻓﻪ ﻛﺎﻧﺖ ﻛﻴﻒ ﻣﺘﺨﺮﺟﻪ ﺣﻜﻴﻨﺎ ﻭﺍﺟﺪ ﻭﻗﺎﻟﺘﻠﻲ ﺍﻧﻬﺎ ﺍﺩﻭﺭ ﻉ ﻭﻇﻴﻔﻪ .. ﺧﺒﻄﺖ ﻉ ﺻﺪﺭﻱ ﻭﻗﺘﻠﻬﺎ ﺧﻠﻴﻬﺎ ﻋﻠﻴﺎ .. ﻋﺪﻳﺖ ﻛﻠﻤﺖ ﺍﻷﺳﺘﺎﺫ ﺭﺿﻮﺍﻥ ﻋﻨﻬﺎ ﻭﻭﺍﻓﻖ ﻳﻮﻇﻔﻬﺎ .. ﺑﻌﺪ 6 ﺷﻬﻮﺭ ..
ﻗﺎﻝ ﺍﻧﻪ ﺣﻴﺠﻮﺯﻫﺎ .. ﻧﻜﺬﺏ ﻋﻠﻴﻚ ﻟﻮ ﻧﻘﻮﻟﻚ ﻣﺎﺃﻧﺼﺪﻣﺘﺶ .. ﺍﻧﺼﺪﻣﺖ ﺑﻘﻮﺓ ﻭﺣﺴﻴﺖ ﻛﻴﻒ ﺍﻟﻄﻌﻨﻪ ﺟﺘﻨﻲ ﻓﻲ ﻗﻠﺒﻲ ... ﺑﺲ ﻣﺎﺑﻴﺪﻱ ﺷﻲ ...
ﺍﺟﻮﺯﺍﺗﻪ ... ﻭﺗﻌﺬﺑﺖ ﻓﻲ ﺍﻻﻭﻝ ﺑﺲ ﻣﻊ ﺍﻟﻮﻗﺖ ﺗﻌﻮﺩﺕ ﻭﺷﻮﻱ ﺷﻮﻱ ﺑﺪﺕ ﺗﻄﻠﻊ ﻣﻦ ﻧﻔﺴﻲ ﻭﻗﻠﺒﻲ ... ﺍﻟﻠﻲ ﺻﺎﺩﻣﻨﻲ ﻓﻴﻬﺎ ﺍﻧﻬﺎ ﻣﺎﺯﺍﻟﺖ ﺗﻘﻮﻝ ﺍﻧﻬﺎ ﺗﺤﺒﻨﻲ ... ﻗﺎﻟﺘﻬﺎ ﻟﻴﺎ ﺑﻌﺪ ﻣﺎﺍﺟﻮﺯﺕ ... ﻉ ﺑﺎﻟﻬﺎ ﺍﻧﺎ ﻣﻤﻜﻦ ﻧﻘﺒﻞ ﻧﻜﻮﻥ ﺧﻮﺍﻥ .. ﺍﻭ ﻧﻐﺪﺭ ... ﻣﺴﺘﺤﻴﻞ ... ﻭﺍﻟﻠﻲ ﺳﻤﻌﺘﻴﻪ ﺳﺎﻋﺘﻬﺎ ﻣﺶ ﺯﻱ ﻣﺎﺍﻧﺘﻲ ﻓﻬﻤﺘﻲ ﻧﻬﺎﺋﻲ ... ﻛﻨﺖ ﻫﺎﺯﻱ ﻋﻠﻴﻬﺎ ﻭﻉ ﻛﻼﻣﻬﺎ ... ﺑﺲ ﻟﻮ ﻛﻨﺘﻲ ﺻﺒﺮﺗﻲ ﻭﺳﻤﻌﺘﻲ ﻋﻘﺎﺏ ﺍﻟﻜﻼﻡ ..
ﺳﻼﻑ ﺳﺎﻛﺘﻪ ﻭﺧﻼﺹ ..
ﺍﻛﺮﻡ : ﺍﺣﻜﻲ ﻗﻮﻟﻲ ﺣﺎﺟﻪ ..
ﺳﻼﻑ ﺗﻨﻬﺪﺕ : ﻳﻌﻨﻲ ﺍﻧﺖ ﺗﻮﺍ ﻣﺎﺗﺤﺒﻬﺶ؟
ﺍﻛﺮﻡ ﺍﺑﺘﺴﻢ ﻉ ﺟﻨﺐ : ﻻ ..
ﺳﻼﻑ : ﺑﺲ ﺑﺼﺮﺍﺣﻪ ﻣﺎﺃﻗﺘﻨﻌﺘﻴﺶ .. ﻛﻴﻒ ﺍﻧﺖ ﺑﻌﺪ ﺳﻨﻴﻦ ﻣﻦ ﺣﻴﺎﺗﻚ ﻣﻌﺎﻫﺎ ﺣﺒﻴﺘﻬﺎ ﻭﻣﺎﻗﺪﺭﺗﺶ ﺗﺼﺎﺭﺣﻬﺎ .. ﻭﺍﻧﺎ ﺍﻟﻠﻲ ﻟﻴﺎ 4 ﺷﻬﻮﺭ ﻃﻮﻝ ﻫﻚ ... ﺟﻴﺘﻨﻲ ﻭﻗﻠﺘﻬﺎ ﻳﻌﻨﻲ .. ﻛﻴﻒ؟
ﺍﻛﺮﻡ ﺑﻀﺤﻜﻪ : ﻣﺎﻩ ﺍﻧﺘﻲ ﻳﺎﺿﺒﻌﻪ ﻣﺎﻛﻴﻔﻚ ﺣﺪ ...
ﺳﻼﻑ ﺍﺑﺘﺴﻤﺖ ﺑﺮﻓﻌﺔ ﺣﺎﺟﺐ : ﺷﻦ ﻗﺼﺪﻙ ...
ﺍﻛﺮﻡ ﻗﻌﺪ ﻳﻤﺴﺢ ﻉ ﻟﺤﻴﺘﻪ ﻭﻫﻮ ﻳﺸﺒﺤﻠﻬﺎ ﺑﺮﻓﻌﺔ ﺣﺎﺟﺐ : ﺍﻧﺘﻲ .... ﺍﺍﺍﺍﻩ ﻳﺎﺇﻧﺘﻲ ... ﺿﺮﺏ ﻉ ﻗﻠﺒﻪ ﺑﻘﺒﻀﺔ ﻳﺪﻩ ﺍﻗﺘﺤﻤﺘﻲ ﻫﻀﺎ ﺍﻗﺘﺤﺎﻡ .. ﻭﺍﺣﺘﻠﺘﻴﻪ ﺍﺣﺘﻼﻝ ... ﻭﺍﺳﺘﻌﻤﺮﺗﻴﻪ ﺍﺳﺘﻌﻤﺎﺭ ﻏﺎﺷﻢ ...
ﺳﻼﻑ ﺿﻴﻘﺖ ﻋﻴﻮﻧﻬﺎ ﻭﻗﺎﻟﺖ ﺑﻀﺤﻜﻪ : ﺩﺭﺕ ﺟﺮﺍﻳﻢ ﺣﺮﺏ؟
ﺍﻛﺮﻡ ﺑﻨﺒﺮﺓ ﻫﺎﺩﻳﻪ : ﻭﺍﺍﺍﺍﺍﺟﺪﻩ ..
ﺍﺑﺘﺴﻤﺖ ﺑﺨﺠﻞ ﻭﻏﻴﺮﺕ ﻋﻴﻮﻧﻬﺎ ﻋﻨﻪ ...
🌺💓🌺💓🌺
ﻗﻠﺒﻪ ﻳﺪﻕ ﺑﻘﻮﺓ ﺷﺪﻳﺪﻩ .. ﺻﻮﺗﻪ ﻣﺴﻤﻮﻉ ... ﻛﺎﻥ ﺣﺎﺱ ﺑﺼﺪﺭﻩ ﻣﺼﻬﻮﺩ ..
ﻳﻔﺮﻙ ﻓﻲ ﺍﺻﺎﺑﻊ ﻳﺪﻩ ﺑﺈﺑﻬﺎﻣﻪ ﻣﻦ ﺍﻟﻐﻀﺐ ....
ﻧﻮﺭﺍﻥ ﺑﺒﻜﻲ : ﻣﺼﻤﻢ ﻫﺎﻟﻤﺮﺓ ... ﻧﻘﺎﺵ ﻻ ... ﻟﺪﺭﺟﺔ ﺍﻧﻲ ﺧﻔﺖ ﻣﻨﻪ ﻭﺍﺟﺪ ... ﺷﻦ ﺍﻟﻠﻲ ﺧﻼﻩ ﻳﺎﺧﺪ ﻫﺎﻟﻘﺮﺍﺭ ﻭﻳﺒﻴﻪ ﻳﺘﻨﻔﺬ ﺑﺴﺮﻋﻪ ﻫﻚ ...
ﻛﻤﺎﻝ ﻛﺎﻥ ﻳﻔﻜﺮ ﻭﻫﻮ ﻳﺴﻤﻊ ﻓﻜﻼﻣﻬﺎ ﻭﺣﺲ ﺍﻥ ﺍﻟﻠﻲ ﺩﺍﺭﻩ ﺭﺩ ﻓﻌﻞ ﻋﻦ ﺍﻟﻠﻲ ﺳﻤﻌﻪ ﻣﻨﻪ ﻋﻦ ﺣﺎﻟﺘﻪ ﻭﺍﻧﻪ ﻓﺤﺎﻟﺔ ﻏﻀﺐ ﻣﻦ ﺍﻟﻠﻲ ﻋﺮﻓﻪ ﻋﻦ ﺣﺎﻟﺘﻪ ... ﻭﻳﺒﻲ ﻳﺪﻳﺮ ﺍﻱ ﺷﻲ ﺑﺶ ﻳﻨﺸﻐﻞ ﻋﻦ ﺗﻔﻜﻴﺮﻩ ﻑ ﺇﻋﺎﻗﺘﻪ ﺍﻟﻠﻲ ﺻﻌﺒﻪ ﻉ ﺍﻱ ﺭﺍﺟﻞ ﻳﻘﺒﻠﻬﺎ ...
ﺧﺎﻳﻒ ﻟﻮ ﻧﻮﺭﺍﻥ ﺗﻤﺴﻜﺖ ﺑﺮﻓﻀﻬﺎ ﻳﺪﻳﺮ ﻓﻴﻬﺎ ﺷﻲ ... ﺧﺎﻑ ﻋﻠﻴﻬﺎ ﻫﻠﺒﻪ .. ﻭﻣﺎﻟﻘﺎﺵ ﻓﻴﺪﻩ ﺍﻻ ﻃﺮﻳﻘﻪ ﻭﺣﺪﻩ ﺑﺶ ﻳﺤﻤﻴﻬﺎ ..
ﻛﻤﺎﻝ ﺍﻏﺘﺼﺐ ﻉ ﻭﺟﻬﻪ ﺍﺑﺘﺴﺎﻣﻪ ﻭﻗﺎﻝ : ﻧﻮﺭﺍﻥ ... ﻋﻤﻚ ﻋﻨﺪﻩ ﺣﻖ ..
ﺍﻧﺼﺪﻣﺖ ﻣﺮﺗﻴﻦ ﻭﺭﺍ ﺑﻌﺾ .. ﺍﻧﻪ ﻧﺎﺩﺍﻫﺎ ﻧﻮﺭﺍﻥ .. ﻭﺍﻟﺘﺎﻧﻴﻪ ﺍﻧﻪ ﺍﻳﺪ ﻋﻤﻬﺎ ..
ﻛﻤﺎﻝ : ﻫﻮ ﺧﺎﻳﻒ ﻋﻠﻴﻚ .. ﻭﺍﻻﺩﺭﻯ ﺑﻤﺼﻠﺤﺘﻚ .. ﻭﺑﻌﺪﻳﻦ ﺷﻬﺎﺏ ﻭﻟﺪ ﻋﻤﻚ ﺩﻣﻚ .. ﻳﻌﻨﻲ ... ﺑﻠﻊ ﺭﻳﻘﻪ ...
ﻫﻮ ﺍﻻﺻﻠﺢ ﺑﻴﻚ ..
💙 ﻧﻮﺭﺍﻥ ..
ﺗﻮﺍ ﺍﻧﺘﻲ ﺍﺧﺮ ﻣﺮﺓ ﻗﺘﻲ ﻛﻴﻒ ﺍﻟﻠﻲ ﻃﺎﺡ ﻣﻦ ﻫﺎﻭﻳﻪ ﻭﻣﺎﻭﺻﻠﺶ ﻟﻠﻘﺎﻉ .. ﻻ ﺍﻧﺎ ﻭﺻﻠﺖ ﻓﻲ ﻫﺎﻟﻠﺤﻈﻪ ﻭﻃﺤﺖ ﻃﻴﺤﻪ ﻗﻮﻳﻪ ﻭﺍﺟﺪ ﻛﺴﺮﺗﻨﻲ ﻫﺸﻤﺘﻨﻲ ﻣﻦ ﻛﻞ ﻧﺎﺣﻴﻪ .. ﻣﺶ ﻋﺎﺭﻓﻪ ﻣﻨﻴﻦ ﺟﺘﻨﻲ ﺍﻟﻘﻮﺓ ﺳﺎﻋﺘﻬﺎ ﻭﺭﺩﻳﺖ ﻋﻠﻴﻪ ﻫﺎﻟﺮﺩ ..
ﻧﻮﺭﺍﻥ ﺍﺑﺘﺴﻤﺖ ﺍﺑﺘﺴﺎﻣﻪ ﺗﺨﻔﻲ ﺻﺪﻣﺘﻬﺎ ﻭﻭﺟﻌﻬﺎ ﺍﻟﺸﺪﻳﺪ : ﺗﺼﺪﻕ ... ﺭﺃﻳﻚ ﺭﻳﺤﻨﻲ ﻭﺍﺟﺪ ﻻﻧﻲ ﻧﻮﺛﻖ ﻓﻲ ﺗﻔﻜﻴﺮﻙ .. ﻣﺴﺤﺖ ﺩﻣﻮﻋﻬﺎ ... ﻧﺎﺿﺖ ... ﻓﻲ ﺍﻟﻨﻬﺎﻳﻪ ﻫﺬﻱ ﻭﺻﻴﺔ ﺑﺎﺗﻲ ﻛﻴﻒ ﻣﺎﻗﺎﻝ ﻋﻤﻲ ..
ﻛﻤﺎﻝ ﺍﻧﺼﺪﻡ ﻓﻲ ﺣﺠﻢ ﺍﻟﻜﺬﺏ ﺍﻟﻠﻲ ﻳﻜﺬﺏ ﻓﻴﻪ ﺭﺿﻮﺍﻥ ﻭﺭﻗﺘﻠﻪ ﺑﺰﻳﺎﺩﻩ ..
ﻧﻮﺭﺍﻥ : ﻳﻠﻼ ﻣﺎﻧﻌﻄﻠﻜﺶ ﺍﻛﺜﺮ .. ﻣﺸﻜﻮﺭ ﺍﻧﻚ ﺳﻤﻌﺘﻨﻲ .. ﻧﺴﺘﺄﺫﻥ ..
ﻛﻤﺎﻝ ﻧﺎﺽ : ﺍﺫﻧﻚ ﻣﻌﺎﻙ ..
ﻧﻮﺭﺍﻥ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ﺑﺘﺼﻨﻊ ﻭﻟﻔﺖ ﻭﺗﻮﺟﻬﺖ ﻟﻠﺒﺎﺏ ..
ﻫﻮ ﻉ ﺷﻮﻱ ﻛﺎﻥ ﺣﻴﻤﻨﻌﻬﺎ ﻳﻮﻗﻒ ﻓﻲ ﻃﺮﻳﻘﻬﺎ ﻭﻳﻘﻮﻟﻠﻬﺎ ﺭﺩﻱ ﺑﺎﻟﻚ ﺍﺩﻳﺮﻳﻬﺎ ... ﺭﺩﻱ ﺑﺎﻟﻚ ... ﺍﺩﻳﺮﻫﺎ ﻓﻴﺎ 💔..
ﺍﻣﺎ ﻫﻲ ﻓﻜﺎﻧﺖ ﺗﺤﺲ ﻓﻲ ﺍﻟﺒﺎﺏ ﻳﺒﻌﺪ ﻛﻞ ﻣﺎﺗﻘﺮﺑﻠﻪ ﺗﺒﻲ ﺗﻮﺻﻞ ﺑﺴﺮﻋﻪ ﺑﺶ ﺗﻄﻠﻊ ﻣﻦ ﻣﻜﺎﻥ ﻫﻮ ﻓﻴﻪ .. ﻭﺻﻠﺖ ﻓﻲ ﺍﻟﺒﺎﺏ .. ﻓﺘﺤﺎﺗﻪ ﻭﻃﻠﻌﺖ ﻭﺻﻜﺮﺍﺗﻪ ﺑﺪﻭﻥ ﻣﺎﺗﻠﻔﺖ .. ﻭﻣﺸﺖ ﺑﺴﺮﻋﻪ ... ﺑﺶ ﺗﻄﻠﻊ ﻣﻦ ﺍﻟﻤﺴﺘﺸﻔﻰ .. ﻭﻃﻠﻌﺖ .. ﻣﺸﺖ ﺗﺠﺮﻱ ﻟﺴﻴﺎﺭﺗﻬﺎ ... ﺭﻛﺒﺖ .. ﻭﺷﻐﻠﺘﻬﺎ ﻃﻮﻝ ﻭﻣﺸﺖ ... ﻛﺎﻧﺖ ﺗﺒﻲ ﺗﻮﺻﻞ ﻟﻠﺤﻮﺵ .. ﺣﺴﺖ ﺑﺮﻋﺸﻪ ... ﻟﻜﻦ ﻗﻌﺪﺕ ﺗﻘﺮﺍ ﻓﻲ ﺍﻟﻔﺎﺗﺤﻪ ﻃﻮﻝ ﺍﻟﻄﺮﻳﻖ ..
ﻣﺶ ﻋﺎﺭﻓﻪ ﻛﻴﻒ ﻭﺻﻠﺖ ﻟﻠﻔﻴﻼ ..
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺳﻜﺮﺕ ﺍﻟﺒﺎﺏ ﺑﻘﻮﺓ .. ﻭﺧﺸﺖ ﺩﺍﺧﻞ ﻭﺭﻛﺒﺖ .. ﻭﺧﺸﺖ ﺩﺍﺧﻞ .. ﺍﻧﺨﺒﻄﺘﺖ ﻓﻲ ﻧﺒﻮﻳﻪ ...
ﺍﺷﺮﺕ ﻟﻨﺒﻮﻳﻪ ..✋ ﺑﺪﻭﻥ ﻣﺎﺗﺸﺒﺤﻠﻬﺎ ﻭﺭﻛﺒﺖ ﻓﻮﻕ ﺗﺠﺮﻱ ﺟﺮﻱ ..
ﻧﺒﻮﻳﻪ ﺍﺳﺘﻐﺮﺑﺖ ﻭﺧﺎﻓﺖ ...
ﺑﻌﺪ ﻧﺺ ﺳﺎﻋﻪ ..
ﺧﺸﺖ ﺭﻳﻬﺎﻡ ﺍﺍﻟﻲ ﻛﺎﻧﺖ ﻓﻲ ﺻﺎﻟﺔ ﺍﻟﺮﻳﺎﺿﻪ ﺍﻟﻠﻲ ﻓﺎﻟﻔﻴﻼ ..
ﺟﺘﻬﺎ ﻧﺒﻮﻳﻪ ﺑﺎﻟﻌﺼﻴﺮ .. ﻗﻌﺪﺕ ﺗﺸﺮﺏ ﻓﻴﻪ ..
ﻧﺒﻮﻳﻪ : ﻳﺎﺳﺖ ﻫﺎﻧﻢ .. ﺍﻟﺴﺖ ﻧﻮﺭﺍﻥ ﻗﺒﻞ ﺣﻮﺍﻟﻲ ﻧﺺ ﺳﺎﻋﻪ ﺟﺖ ﻭﻣﺎﻛﺎﻧﺘﺶ ﻉ ﺑﻌﻀﻬﺎ ... ﻃﻠﻌﺖ ﻓﻮﻕ ﺑﺴﺮﻋﻪ ﻗﻮﻱ .. ﺣﺴﻴﺖ ﺍﻧﻬﺎ ﺯﻋﻼﻧﻪ ﺍﻭ ﺣﺎﺟﻪ ﺯﻱ ﻛﺪﺍ ..
ﺭﻳﻬﺎﻡ ﻋﻄﺖ ﺍﻟﻄﺎﺳﻪ ﻟﻨﺒﻮﺑﻪ ﻭﺭﻛﺒﺖ ﻓﻮﻕ ﻃﻮﻝ ﻭﻫﻲ ﺧﺎﻳﻔﻪ ..
ﻭﺻﻠﺖ ﻓﻲ ﺍﻟﺪﺍﺭ ﻃﻘﺖ ﻉ ﺍﻟﺒﺎﺏ ...
ﺭﻳﻬﺎﻡ : ﻧﺎﻧﻲ ... ﻧﻮﺭﺍﻥ ... ﻃﻘﺖ ﻃﻘﻪ ﺃﻗﻮﻯ ... ﻧﻮﺭﺍﺍﺍﺍﻥ ...
ﺣﻄﺖ ﺍﻳﺪﻫﺎ ﻉ ﻣﻘﺒﺾ ﻭﻓﺘﺤﺖ ﺍﻟﺒﺎﺏ ... ﺷﻬﻘﺖ ﺑﺼﻮﺕ ﻋﺎﻟﻲ ﻭﻧﺒﻮﻳﻪ ﺧﺒﻄﺖ ﻉ ﺻﺪﺭﻫﺎ ﺑﻘﻮﺓ ...
ﻧﻮﺭﺍﻥ ﻛﺎﻧﺖ ﻃﺎﻳﺤﻪ ﻉ ﺍﻷﺭﺽ ﻭﻓﻲ ﺟﻨﺒﻬﺎ ﻳﺒﺮﺓ ﺍﻟﺴﻜﺮ " ﺍﻟﻘﻠﻢ ..."
***
ﺳﺎﺭﻩ : ﻧﺒﻲ ﻧﺴﺄﻟﻚ ﺳﺆﺍﻝ ﻭﻣﻬﻢ ﺗﺠﺎﻭﺑﻨﻲ ﻋﻠﻴﻪ ..
ﺍﻛﺮﻡ ﺍﺑﺘﺴﻢ ﻭﻛﺄﻧﻪ ﻓﺎﻫﻢ ﺷﻦ ﻫﻮ ﺍﻟﺴﺆﺍﻝ : ﺍﺳﺄﻟﻲ ...
ﺳﺎﺭﺓ : ﺍﻥ .....
ﺳﻜﺘﻬﺎ ﺻﻮﺕ ﺍﻟﺘﻠﻴﻔﻮﻥ ﻣﺘﺎﻉ ﺍﻛﺮﻡ ﻭﻫﻮ ﻳﺮﻥ ﺍﻛﺮﻡ ﻣﺎﺑﺎﺵ ﻳﺮﺩ ﻟﻤﺎ ﺷﺎﻑ ﺍﻟﻤﺘﺼﻞ ﻓﺼﻞ ﺍﻟﺨﻂ : ﺍﻳﻪ ﻛﻤﻠﻲ ..
ﺭﻥ ﻣﻦ ﺟﺪﻳﺪ ...
ﺳﺎﺭﺓ : ﺭﺩ ﻣﺮﺍﺕ ﻣﻬﻢ ..
ﺗﺄﻓﻒ ﻭﺭﺩ : ﻫﺎﻩ ................. ﻧﺎﺽ ﻭﻗﺎﻝ ﺑﺼﺪﻣﻪ ... ﻛﻴﻴﻴﻴﻒ !! ؟ ... ﺟﺎﺍﺍﻱ ... ﺟﺎﺍﺍﺍﺍﻱ .. ﺻﻜﺮ ..
ﺳﺎﺭﻩ ﺑﺨﻮﻑ : ﺷﻦ ﻓﻲ ..
ﺍﻛﺮﻡ : ﺗﻌﺎﻟﻲ ..
ﻣﺸﻲ ﻳﺠﺮﻱ ﻭﺳﺎﺭﻩ ﻭﺭﺍﻩ ..
________________
ﺩﻛﺘﻮﺭ ...
ﻛﻤﺎﻝ : ﺍﻟﻴﻮﻡ ﺍﻧﻲ ﻣﺶ ﺣﻨﻜﻤﻞ ﺍﻟﺪﻭﺍﻡ ﺑﻠﻐﻲ ﺍﻟﺪﻛﺘﻮﺭ ﻧﺎﺩﺭ ﻳﺸﺪ ﻣﻜﺎﻧﻲ ...
ﻟﻤﺎ ﺑﺈﺳﺘﻐﺮﺍﺏ : ﺣﺎﺿﺮ ﺩﻛﺘﻮﺭ ..
ﻣﺸﻲ ﻣﻦ ﺣﺪﺍﻫﺎ ﻃﻠﻊ ﺗﻠﻴﻔﻮﻧﻪ ﺻﻜﺮﻩ ... ﻭﻛﺎﻧﺖ ﻣﻀﺎﻳﻖ ﻷﺑﻌﺪ ﺣﺪ ... ﻭﻣﺨﻨﻮﻕ .. ﻭﺻﻞ ﻓﺴﻴﺎﺭﺗﻪ ﺭﻛﺐ .. ﻭﺷﻐﻠﻬﺎ ﻭﺗﺤﺮﻙ ﻃﻮﻝ ﻟﻮﺟﻬﻪ ﻣﺤﺪﺩﻩ ﺑﺎﻟﻨﺴﺒﻪ ﻟﻴﻪ ..
....
ﺍﻛﺮﻡ ﻭﺻﻞ ﻟﻠﺤﻮﺵ ... ﺧﺶ ﻳﺠﺮﻱ ﺭﻛﺐ ﻓﻮﻕ ﺍﻟﺪﺭﺟﺘﻴﻦ ﺑﺪﺭﺟﻪ ... ﺧﺶ ﻟﻠﺪﺍﺭ ﻃﻮﻝ ﻗﺎﻣﻬﺎ ﻓﻲ ﺣﻀﻨﻪ ..
ﻋﻴﻨﻪ ﺟﺖ ﻉ ﺻﻮﺭﺓ ﺑﻮﻫﺎ ﺍﻟﻠﻲ ﻗﺎﺑﻼﺗﻪ ﻃﻮﻝ .. ﺣﺲ ﺑﺸﻌﻮﺭ ﻣﺶ ﻣﻔﻬﻮﻡ ... ﻭﻛﻴﻒ ﺟﻲ ﺑﻴﻄﻠﻊ ﺑﻴﻬﺎ ﻟﻤﺢ ﺻﻮﺭﺓ ﺍﻣﻬﺎ .. ﻗﻠﺒﻪ ﺩﻕ ﺑﻘﻮﺓ ... ﺧﺪﺍﻫﺎ ﻭﻃﻠﻊ ﺑﻴﻬﺎ ﻭﻣﺶ ﻓﺎﻫﻢ . ﺍﻟﻠﻲ ﻳﺤﺲ ﺑﻴﻪ ﻭﻗﺘﻬﺎ ﺷﺒﺢ ﻟﻮﺟﻪ ﻧﻮﺭﺍﻥ ﻗﻠﺒﻪ ﺍﻧﻌﺼﺮ ﻋﺼﺮ .. ﻧﺰﻝ ﺑﻴﻬﺎ ﻟﻮﻃﺎ ﻭﺻﻞ ﺑﻴﻬﺎ ﺍﻟﺴﻴﺎﺭﻩ ﺣﻄﻬﺎ ﻣﻦ ﺍﻟﺨﻠﻒ ﻭﺷﺒﺢ ﻟﺴﺎﺭﻩ : ﺗﻌﺎﻟﻲ ﻣﻌﺎﻳﺎ ..
ﻃﻮﻝ ﻣﺸﺖ ﺭﻛﺒﺖ ﻭﻫﻮ ﺭﻛﺐ ﻭﻃﻠﻌﻮﺍ ..
ﺭﻳﻬﺎﻡ ﺧﺸﺖ ﻃﻮﻝ ﺑﺶ ﺗﺮﻛﺐ ﻭﺗﻐﻴﺮ ﻭﺗﻠﺤﻘﻬﻢ ..
ﻭﻧﺒﻮﻳﻪ ﻣﺴﻜﻴﻨﻪ ﺗﺒﻜﻲ ﺑﺮﻭﺣﻬﺎ ..
💔💔💔
ﺩﺭﺱ ﺑﺎﻟﺴﻴﺎﺭﻩ ﻗﺪﺍﻡ ﺍﻟﺒﺤﺮ ... ﺍﺗﻜﺎ ﻉ ﺍﻟﻜﺮﺳﻲ ﻭﻏﻤﺾ ﻋﻴﻮﻧﻪ ...
ﻭﺣﺎﺱ ﺑﻬﻠﺒﻪ ﻣﺸﺎﻋﺮ ﻣﻠﺨﺒﻄﻪ ... ﺍﻟﻠﻲ ﻫﻮ ﻓﻴﻪ ﻛﻠﻪ ﺍﻣﺘﻰ ﻳﺘﻢ ...
ﻳﺒﻲ ﻳﺮﺗﺎﺡ ... ﻳﺒﻲ ﻳﺒﻌﺪ .. ﺑﺲ ﻟﻤﺎ ﺗﺠﻲ ﻉ ﺑﺎﻟﻪ ﻛﻠﻤﺔ ﺑﻌﺪ ﻳﺮﻓﻀﻬﺎ ﺗﻠﻘﺎﺋﻴﺎ .. ﺑﺲ ﻫﻮ ﻳﺒﻲ ﻳﺮﺗﺎﺡ ...
ﻟﻜﻦ ﺍﻟﺒﺎﻳﻦ ﺍﻥ ﺍﻟﺮﺍﺣﻪ ﺣﺘﻮﺩﻋﻪ ﻧﻬﺎﺋﻲ ﻭﺣﻴﺒﺪﺍ ﻋﺎﻳﺶ ﻣﻊ ﺍﻟﻌﺬﺍﺏ ﻓﻲ ﺃﻳﺎﻣﻪ ﺍﻟﺠﺎﻳﻪ ...
ﻛﻤﺎﻝ ﻭﻫﻮ ﺑﻨﻔﺲ ﺍﻟﻮﺿﻊ : ﺁﺍﺍﺍﺍﺍﻩ ... ﻳﺎﺭﺏ ..
ﻓﻲ ﺍﻟﻤﺴﺘﺸﻔﻰ ..
ﻣﺎﺷﻲ ﻓﻲ ﺍﻟﻤﻤﺮ ﺑﺴﺮﻋﻪ .. ﺧﻄﻮﺍﺕ ﺭﺟﻠﻴﻪ ﺳﺮﻳﻌﻪ ..
ﻳﻄﺮﺑﻖ ﻓﺼﻮﺍﺑﻊ ﺍﻳﺪﻳﻪ .. ﻭﻣﻼﻣﺢ ﻭﺟﻬﻪ ﻛﻠﻬﺎ ﺧﻮﻑ ﻭﺻﻞ ﻓﻐﺮﻓﺘﻬﺎ ...
ﻟﻘﺎﻫﻢ ﻛﻠﻬﻢ ..
ﺭﺿﻮﺍﻥ ﻭﺯﻉ ﻧﻈﺮﻩ ﻋﻠﻴﻬﻢ ﻛﺎﻧﺖ ﻭﺟﻮﻫﻬﻢ ﻣﺎﺗﺒﺸﺮﺵ ﺑﺨﻴﺮ : ﺷﻨﻮ ﺣﺎﻟﺘﻬﺎ؟
ﺭﻳﻬﺎﻡ ﻗﻌﺪﺕ ﺗﺒﻜﻲ ﻭﺳﺎﺭﻩ ﺩﻣﻮﻋﻬﺎ ﺗﻨﺰﻝ ﻭﺗﺸﺒﺢ ﻟﻮﻃﺎ .. ﻭﺷﻬﺎﺏ ﻗﺎﻟﺐ ﻭﺟﻬﻪ ﻋﻨﻪ ...
ﺍﻛﺮﻡ . ﻗﺪﻣﻠﻪ ﻭﻗﺎﻝ : ﻏﻴﺒﻮﺑﺔ ﺳﻜﺮ ...
.... ﻳﺘﺒﻊ