مشاعر

الجزء 9

#مشاعر
ﺍﻟﺠﺰﺀ ﺍﻟﺘﺎﺳﻊ 🍃💔💙
للكاتبةGomanFared
🍃 ﻭﺗﻤﺮ ﺍﻷﻳﺎﻡ ..
💙 ﻧﻮﺭﺍﻥ
ﻭﺣﺒﻪ ﻓﻲ ﻗﻠﺒﻲ ﻳﻜﺒﺮ .. ﻛﻴﻒ ﺑﺎﻟﺴﺮﻋﻪ ﻫﺬﻱ ﻣﺎﻧﻌﻠﻤﺶ .. ﺑﺲ ﻭﺍﻟﻠﻪ ﻟﻮ ﺗﺤﻘﻮﻩ ﻣﺎﺗﻠﻮﻣﻮﻧﻲ ﻭﺍﻟﻠﻪ ... ﻣﺶ ﺑﺲ ﺳﻤﺎﺣﺔ ﺷﻜﻞ . ﻫﺎﻟﻤﺨﻠﻮﻕ ﺳﻤﺢ ﻓﻲ ﻛﻞ ﺣﺎﺟﻪ .. ﻳﺨﺶ ﺧﺎﻃﺮ ﺍﻟﻠﻲ ﻳﻌﺮﻓﻪ ﻣﻦ ﺃﻭﻝ ﻣﺮﺓ ..
ﻓﻲ ﻧﺎﺱ ﻭﺍﺟﺪ ﻋﺎﻃﻴﻬﻢ ﺭﺑﻲ ﻧﺴﺒﺔ ﺟﻤﺎﻝ ﺗﻮﺻﻞ ..%100 ﺑﺲ ﻣﺮﺍﺕ ﻳﻜﻮﻧﻮﺍ ﺛﻘﺎﻝ ﻃﻴﻨﻪ .. ﻭﻻﻏﻴﺮ ﻣﺮﻳﺤﻴﻦ .. ﻭﻻﺍﺧﻼﻗﻬﻢ ﻣﺶ ﻛﻮﻳﺴﻪ .. ﻳﻠﻔﺘﻚ ﺟﻤﺎﻟﻬﻢ ﻓﻲ ﺍﻷﻭﻝ ﺑﺲ ﺑﻌﺪﻳﻦ ﻳﺒﻘﻰ ﺷﻲ ﻋﺎﺩﻱ ﻭﻣﺶ ﻣﺒﻬﺮ ﻛﻴﻒ ﺍﻭﻝ ﻣﺮﺓ ...
ﺑﺲ ﻫﻀﺎ ﻏﻴﺮ ... ﻛﻼﻣﻪ .. ﺃﺩﺑﻪ .. ﺍﺧﻼﻗﻪ .. ﺭﻭﺣﻪ ﺍﻟﺤﻠﻮﺓ .. ﻭﺗﺤﺴﻪ ﻃﻴﺐ ﻗﻠﺐ .. ﺍﻟﺼﻔﺎﺕ ﻫﺬﻳﻨﺎ ﺯﺍﺩﻥ ﻃﻐﻦ ﻉ ﺟﻤﺎﻟﻪ ﺍﻟﺨﺎﺭﺟﻲ ﺧﻠﻨﻪ ﻳﻬﺒﻞ ﻳﻬﺒﻞ ﻧﺎﻋﻠﻴﺎ ..😍 ﻛﻞ ﻣﺮﺓ ﻧﺸﻮﻓﻪ ﻓﻴﻬﺎ ﻧﺤﺴﻪ ﺃﺣﻠﻰ ﻣﻦ ﺍﻟﻠﻲ ﻗﺒﻠﻬﺎ ..
ﺍﺣﻤﻢ .. ﺍﻟﻤﻬﻢ ﻗﻌﺪﻧﺎ ﻧﺘﻘﺎﺑﻠﻮﺍ ﻓﻲ ﺍﻟﺸﺒﺎﻙ ﺻﺒﺎﺡ ﺍﻟﺨﻴﺮ ﺻﺒﺎﺡ ﺍﻟﻨﻮﺭ ﻭﺑﺲ ﻭﻣﻌﺶ ﺣﻜﻴﻨﺎ ﻉ ﺍﻟﻔﻮﻥ .. ﻻﻫﻮ ﺍﺗﺼﻞ ﻭﻻﺃﻧﺎ ...
ﺑﺪﺍ ﻳﺠﻴﻪ ﺩﻛﺘﻮﺭ ﻧﻔﺴﻲ .. ﺍﻟﻠﻲ ﻣﺎﻛﻨﺘﺶ ﻧﻌﺮﻓﻪ ﻭﻗﺘﻬﺎ ﻭﻗﺎﻟﻬﺎ ﻟﻴﺎ ﺃﻛﺮﻡ ﺑﻌﺪﻳﻦ ﺍﻧﻪ ﻛﺎﻥ ﻳﺘﻌﺐ ﻭﺍﺟﺪ ... ﻛﻞ ﻣﺎﻳﺤﺎﻭﻝ ﻳﺬﻛﺮ .. ﻟﻴﻦ ﻳﻐﻤﻰ ﻋﻠﻴﻪ ﻣﺮﺍﺕ .. ﻟﻬﺎﻟﺴﺒﺐ ﻛﻨﺖ ﻧﻔﻘﺪ ﻓﻴﻪ ﻣﺮﺍﺕ ﻭﻳﻘﻌﺪ ﺷﺒﺎﻛﻪ ﻣﻘﻔﻮﻝ ...
🍁🍁🍁
ﺳﺎﺭﺓ ﺑﻄﻠﺖ ﺍﺩﻳﺮ ﺃﻱ ﺷﻲ ﻳﻠﻔﺖ ﺍﻧﺘﺒﺎﻩ ﺃﻛﺮﻡ .. ﻣﺨﻠﻴﻪ ﺭﻭﺣﻬﺎ ﻋﺎﺩﻳﻪ ﻭﻻﻫﻴﻪ ﺑﺨﺪﻣﺘﻬﺎ .. ﻭﻓﻀﻠﺖ ﺗﺨﻠﻴﻬﻢ ﻳﺘﻌﻮﺩﻭﺍ ﻋﻠﻴﻬﺎ ﻭﻳﺤﺒﻮﻫﺎ ﻭﻳﻮﺛﻘﻮﺍ ﻓﻴﻬﺎ ﻭﺑﻌﺪﻳﻦ ﺗﺒﺪﺍ ﺗﺘﺤﺮﻙ ..
ﻭﻗﺎﻋﺪﻩ ﺷﺎﻏﻠﻪ ﺑﺎﻟﻬﺎ ﻗﺼﺔ ﺣﺪﻳﺪﺗﻬﺎ ﺍﻟﻠﻲ ﺭﺍﺣﺖ ﺑﺲ ﺍﻟﻠﻲ ﻣﻄﻤﻨﻬﺎ ﺍﻧﻬﺎﻭﺍﺿﺢ ﻣﺎﻃﺎﺣﺖ ﻓﻴﺪ ﺣﺪ ﻣﻦ ﺍﻟﻨﺎﺱ ﺍﻟﻠﻲ ﻋﺎﻳﺸﻴﻦ ﻣﻌﺎﻫﺎ ..
ﻣﺎﻋﻨﺪﻫﺎﺵ ﻋﻠﻢ ﺇﻥ ﺍﻟﺤﺪﻳﺪﻩ ﻃﺎﺣﺖ ﻓﻲ ﺇﻳﺪﻳﻦ ﺍﻛﺮﻡ ﺍﻟﻠﻲ ﻗﻌﺪ ﺣﺎﻁ ﻋﻠﻴﻬﺎ ﺍﻟﻌﻴﻦ .. ﻭﻳﺤﻠﻞ ﻓﻲ ﻛﻞ ﺗﺼﺮﻓﺎﺗﻬﺎ ﻭﺃﻓﻌﺎﻟﻬﺎ ﻭﻫﻮ ﻣﺘﺄﻛﺪ ﺇﻧﻬﺎ ﻣﺪﺭﻗﻪ ﺷﻲ ...
ﺍﻣﺎ ﻓﻄﺮﺍﺑﻠﺲ ..
ﺍﻟﻌﺰﻱ ﺷﺒﻪ ﺗﻢ ...
ﻣﻨﻴﺮ ﻗﺎﻋﺪ ﻫﻮ ﻭﺟﺪﻩ ﺑﺮﺍ .. ﻭﻳﻔﻜﺮ ﻛﻴﻒ ﻳﺪﻳﺮ ﻣﻊ ﻛﻨﺎﻧﻪ ﺍﻟﻠﻲ ﻭﺿﻌﻬﺎ ﺻﻌﺐ ﻫﻠﺒﻪ .. ﻣﺴﺘﺤﻴﻞ ﻳﻜﻮﻥ ﺗﺨﻄﻴﻄﻪ ﺍﻟﻠﻲ ﺧﻼﻩ ﻳﻔﺮﻁ ﻓﻲ ﺭﻭﺡ ﻭﻟﺪ ﻋﻤﻪ ﻳﺮﻳﺢ ﻉ ﺍﻟﻔﺎﺿﻲ ﻭﻗﻌﺪ ﻳﺨﻄﻂ ﻣﻦ ﺟﺪﻳﺪ ﺑﺶ ﻳﺎﺧﺪ ﻛﻨﺎﻧﻪ ...
ﺍﻡ ﻋﻼﺀ ﻗﺎﻋﺪﻩ ﻣﺶ ﻣﺘﻘﺒﻠﻪ ﻗﺼﺔ ﻣﻮﺗﻪ ﻗﻠﺒﻬﺎ ﻗﻠﺐ ﺍﻷﻡ ﺃﺻﺪﻕ ﻗﻠﺐ ﻣﻤﻜﻦ ﻳﺤﺲ ﺑﻴﻨﺎ ﻣﺶ ﻣﺼﺪﻕ ﻣﻮﺗﻪ ﻭﻳﻘﻮﻟﻠﻬﺎ ﻭﻟﺪﻙ ﻣﺎﺯﺍﻝ ﻋﺎﻳﺶ ﻉ ﻭﺟﻪ ﺍﻟﺪﻧﻴﺎ .. ﺑﺲ ﻣﻌﺎﺵ ﺑﺪﺕ ﺗﺘﻜﻠﻢ ﻓﻲ ﺷﻲ ﺯﻱ ﻫﺬﺍ ﻗﺪﺍﻡ ﺃﻱ ﺣﺪ ﺑﺲ ﻣﺎﻳﻨﻌﺘﻮﻫﺎﺵ ﺑﺎﻟﺠﻨﻮﻥ ...
ﻛﻨﺎﻧﻪ 💔 ﻣﻊ ﺍﻷﺳﻒ ﺍﻟﺸﺪﻳﺪﺣﺎﻟﺘﻬﺎ ﻭﻟﺖ ﺍﺷﺒﻪ ﺑﺎﻟﺠﻨﻮﻥ .. ﻣﺴﻜﻴﻨﻪ ... ﻛﻞ ﺣﻴﺎﺗﻬﺎ ﻭﻗﻔﺖ ﺗﻤﺎﻣﺎ .. ﻣﺮﻛﺰﻫﺎ ﻭﺗﺼﻜﺮ .. ﻭﻷﻧﻬﺎ ﻣﺸﻬﻮﺭﺓ ﻓﻲ ﺍﻟﺴﻮﺷﺎﻝ ﻣﻴﺪﻳﺎ ﺍﺻﺒﺤﺖ ﺣﺪﻳﺚ ﺍﻟﻨﺎﺱ .. ﻭﺍﻷﻏﻠﺒﻴﻪ ﻗﻌﺪﻭﺍ ﻳﻘﻮﻟﻮﺍ ﻋﻴﻦ ﻭﺻﺎﺑﺘﻬﺎ ﻣﻦ ﺍﺧﺮ ﻓﻴﺪﻳﻮ ﻧﺰﻻﺗﻪ ﻫﻲ ﻭﺧﻄﻴﺒﻬﺎ ...
ﺑﻮﻫﺎ ﻣﺶ ﻋﺎﺭﻑ ﻛﻴﻒ ﻳﺘﺼﺮﻑ ﺑﻴﻬﺒﻞ ﻉ ﺑﻨﺘﻪ ... ﻭﺍﻣﻬﺎ ﻛﻞ ﻳﻮﻡ ﺩﻣﻮﻋﻬﺎ ﻉ ﺧﺪﻫﺎ ...
****
ﻧﺮﺟﻌﻮﺍ ﻟﻠﺸﺮﻕ ..
ﺑﻨﻐﺎﺯﻱ ...
ﻣﻼﻙ : ﻫﺎﻧﻲ ﺑﻨﻌﺪﻱ ﻭﻧﻌﺘﺬﺭ ..
ﺳﺎﻟﻢ : ﻣﺎﺗﺮﺩﻳﺶ ﻣﻦ ﻏﺎﺩﻱ ﺇﻻ ﻭﻫﻲ ﻣﺴﺎﻣﺤﺎﺗﻚ ﻭﻣﻌﺎﻙ ﺃﺣﺴﻦ ﻣﻦ ﻗﺒﻞ ..
ﻣﻼﻙ ﻣﻄﺖ ﺑﺸﻮﺍﺭﺑﻬﺎ ﺑﻤﻠﻞ : ﺣﺎﺍﺍﺍﺿﺮ ..
ﺯﻛﻴﻪ : ﻭﻧﺤﻨﺎ ﺍﻷﻳﺎﻡ ﺍﻟﺠﺎﻳﻪ ﺗﻮ ﻧﺰﻭﺭﻫﺎ ..
ﺳﺎﻟﻢ : ﺯﻭﺭﻳﻬﺎ ﺍﻧﺘﻲ ﻭﺣﺪﻙ ﻋﻤﻬﺎ ﻣﺎﻳﻄﻴﻘﻠﻴﺶ ﻭﺟﻪ .. ﺗﻘﻮﻝ ﺍﻧﻈﺮ ﻣﻦ ﻗﺎﺗﻠﻪ ..
ﻣﻼﻙ : ﺑﻪ ﻓﻬﻤﺖ .. ﻫﻴﺎ ﺑﻨﻌﺪﻱ ... ﺑﺎﻱ ... ﻭﻣﺸﺖ ...
ﺳﺎﻟﻢ : ﻧﺬﺑﺤﻬﺎ ﻟﻮ ﻣﺎﺳﻤﺤﺘﻬﺎﺵ ..
ﺯﻛﻴﻪ ﺷﺒﺤﺘﻠﻪ ﺑﺨﻮﻑ ...
***
ﻛﻤﺎﻝ ﺑﺪﻱ ﻣﻌﺮﻭﻑ ﻉ ﺇﻧﻪ ﺻﺪﻳﻖ ﺍﻛﺮﻡ ﻭﺟﺎﻱ ﻟﻠﺸﺮﻕ ﻳﺪﻭﺭ ﻉ ﺧﺪﻣﻪ ﻭﻗﻌﺪ ﻓﻲ ﺣﻮﺵ ﻧﻮﺭﺍﻥ .. ﻭﻧﻮﺭﺍﻥ ﻭﺍﻗﻔﺖ ﻉ ﺧﺎﻃﺮ ﻋﻴﻮﻥ ﺃﻛﺮﻡ ..
ﻣﻘﻌﻤﺰﻳﻦ ﺗﻘﻌﻤﻴﺰﺓ ﺍﻟﻌﺸﻴﻪ
ﻛﻤﺎﻝ ﻭﺍﻛﺮﻡ ﺭﻳﻬﺎﻡ ﻭﻧﻮﺭﺍﻥ ..
ﻛﻤﺎﻝ : ﻋﻨﺪﻱ ﺭﻏﺒﻪ ﻧﺴﻤﻊ ﺻﻮﺗﻚ ..
ﺭﻳﻬﺎﻡ ﺑﺈﺑﺘﺴﺎﻣﻪ : ﺍﺑﺪﺍ ﻣﺎﻋﻨﺪﻳﺶ ﻣﺎﻧﻊ .. ﺑﺲ ﺗﻮﺍ ﺑﻴﺠﻲ ﻣﻠﺤﻦ ﻭﻫﻮ ﻋﺎﺯﻑ ﻉ ﺍﻟﺒﻴﺎﻧﻮ .. ﻳﻌﺰﻓﻠﻲ ﻭﻧﺴﻤﻌﻜﻢ .
ﻛﻤﺎﻝ ﺍﺑﺘﺴﻢ : ﺣﻠﻮ ...
ﻧﻮﺭﺍﻥ : ﺻﻮﺗﻬﺎ ﺣﻠﻮ ﻭﺇﺣﺴﺎﺳﻬﺎ ﻋﺎﻟﻲ ...
ﺃﻛﺮﻡ : ﻭﻳﻦ ﺍﻟﻘﻬﻮﺓ ..
ﺭﻳﻬﺎﻡ ﺷﺒﺤﺘﻠﻪ ﻉ ﺍﻟﺠﻨﺐ ..
ﻧﻮﺭﺍﻥ : ﺳﺎﺍﺍﺍﺍﺍﺭﺓ ..
ﻛﻤﺎﻝ ﺑﻀﺤﻜﻪ : ﺳﺎﺭﺭﺭﺓ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻪ ...
ﺟﺖ ﺳﺎﺭﺓ ﻣﺒﺘﺴﻤﻪ ﻓﻴﺪﻫﺎ ﺻﻔﺮﺓ ﺍﻟﻘﻬﻮﺓ : ﺗﻔﻀﻞ .
ﻛﻤﺎﻝ : ﺗﺴﻠﻢ ﺍﻳﺪﻳﻚ ..
ﺳﺎﺭﺓ : ﺳﻠﻤﻚ .. ﺗﻔﻀﻠﻲ ..
ﻧﻮﺭﺍﻥ : ﻳﺴﻠﻢ ﺍﻳﺪﻳﺎﺗﻚ ..
ﺳﺎﺭﺓ : ﺗﺴﻠﻤﻲ ﻳﺎﺳﺖ ﺍﻟﺒﻨﺎﺕ ﻉ ﻗﻮﻟﺖ ﻧﺒﻮﻳﻪ ..
ﺿﺤﻜﻮﺍ ...
ﻣﺪﺕ ﻟﺮﻳﻬﺎﻡ ﺍﻟﻠﻲ ﻻﺣﻈﺖ ﺳﺎﺭﻩ ﺍﻧﻬﺎ ﻣﺶ ﻣﺘﻘﺒﻠﺘﻬﺎ ﻭﻣﺶ ﻋﺎﺭﻓﻪ ﻋﻼﺵ .. ﺧﺪﺕ ﺍﻟﻔﻨﺠﺎﻥ ﺑﺪﻭﻥ ﻣﺎﺗﺸﺒﺤﻠﻬﺎ ..
ﺳﺎﺭﺓ : ﺗﻔﻀﻞ ..
ﺍﻛﺮﻡ ﺧﺪﺍﻫﺎ ﻭﻫﻮ ﻳﺸﻮﻓﻠﻬﺎ ﺑﻨﺺ ﻋﻴﻦ ...
ﻭﻗﻔﺖ ﻭﻗﺎﻟﺖ : ﺗﺒﻮ ﺣﺎﺟﻪ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺳﻼﻣﺘﻚ ..
ﺧﺸﺖ ﻋﻠﻴﻬﻢ ﻣﻼﻙ ...
ﻣﻼﻙ : ﺍﻟﺴﻼﻡ ﻋﻠﻴﻜﻢ ..
ﻧﻮﺭﺍﻥ ﺍﻟﺘﻔﺘﺖ ﻭﺷﺒﺤﺘﻠﻬﺎ .. ﺑﺪﻭﻥ ﻣﺎﺗﺮﺩ ﻋﻜﺲ ﺍﻟﺒﺎﻗﻲ ﺍﻟﻠﻲ ﺭﺩﻭﺍ ..
ﻗﺪﻣﺖ ﻟﻨﻮﺭﺍﻥ : ﻧﺎﻧﻲ ...
ﻧﻮﺭﺍﻥ ﺍﺑﺘﺴﻤﺖ ﻭﻧﺎﺿﺖ ﺳﻠﻤﺖ ﻋﻠﻴﻬﺎ : ﻫﻼ ﻟﻴﻜﻲ ﻭﻳﻨﻚ ﻣﻐﻴﺒﻪ ..
ﻣﻼﻙ ﺗﺴﻠﻢ ﻭﻫﻲ ﻣﺘﻔﺎﺟﺌﻪ ..
ﺭﻳﻬﺎﻡ : ﻋﺎﺵ ﻣﻦ ﺷﺎﻓﻚ ..
ﻣﻼﻙ ﺑﺈﺳﺘﻐﺮﺍﺏ : ﺗﺴﻠﻤﻲ " ﻭﺍﺿﺢ ﻣﺎﻳﻌﻠﻤﻮﺍ ﺑﺸﻲ .."
ﻧﻮﺭﺍﻥ ﺃﺷﺮﺗﻠﻬﺎ ﻉ ﺍﻟﻜﺮﺳﻲ : ﻗﻤﻌﺰﻱ ..
ﻣﻼﻙ ﺍﺑﺘﺴﻤﺖ ﻭﻗﻌﻤﺰﺕ ﻓﻲ ﻛﺮﺳﻲ ﺣﺪﺍ ﻧﻮﺭﺍﻥ ﻣﻘﺎﺑﻞ ﻛﻤﺎﻝ .. ﺍﻟﻠﻲ ﻟﻤﺎ ﺷﺎﻓﺘﻪ ﻣﻼﻙ ﺳﻬﻤﺖ ﻭﻗﻌﺪﺕ ﻓﺎﺗﺤﻪ ﻋﻴﻮﻧﻬﺎ ﻉ ﻭﺳﻌﻬﻢ ﻓﻴﻪ ...
ﻧﻮﺭﺍﻥ : ﻫﻀﺎ ﻛﻤﺎﻝ ﺻﺎﺣﺐ ﺍﻛﺮﻡ ﺍﻟﻠﻲ ﺣﻜﺖ ﻋﻠﻴﻪ ﺳﻨﺪﺱ .. ﻛﻤﺎﻝ ﻫﺬﻱ ﻣﻼﻙ ﺑﻨﺖ ﺧﺎﻟﺘﻲ ﻭﻛﻴﻒ ﺍﺧﺘﻲ .
ﻣﻼﻙ ﺭﻛﺰﺕ ﻉ ﺍﻟﻜﻠﻤﻪ ﺍﻷﺧﻴﺮﻩ ﺣﺴﺘﻬﺎ ﺗﻠﻘﻴﺤﻪ ﺷﺒﺤﺖ ﻟﻨﻮﺭﺍﻥ ﺑﻌﺪﻳﻦ ﺷﺒﺤﺘﻠﻪ : ﺗﺸﺮﻓﻨﺎ ..
ﻛﻤﺎﻝ ﺍﺑﺘﺴﻢ : ﻭﺑﻴﻚ ..
ﻣﻼﻙ " ﻫﻀﺎ ﺷﻨﻮ .. ﻋﻄﻴﻚ ﺩﻋﻮﺓ ﺗﺎﺧﺪﻙ ﻳﺎﻧﻮﺭﺍﻥ ﻭﺍﻧﺘﻲ ﻛﻞ ﺣﺎﺟﻪ ﺳﻤﺤﻪ ﻋﻨﺪﻙ .."
ﻛﻤﺎﻝ : ﺍﺣﻤﻢ .. ﻋﻨﺪﻛﻢ ﻫﻨﻲ ﻳﺒﻴﻌﻮﺍ ﻓﻲ .. ﺣﻠﻮﻳﺎﺕ .. ﻳﻌﻨﻲ ﻣﺶ ﺯﻱ ﻫﺎﺩﻭﺍ ..
ﺍﻛﺮﻡ : ﻛﻴﻒ ﻳﻌﻨﻲ ..
ﻛﻤﺎﻝ : ﻳﻌﻨﻲ ﺣﻠﻮﻳﺎﺕ ﺯﻣﻨﻴﻪ ..
ﺭﻳﻬﺎﻡ ﺍﺑﺘﺴﻤﺖ : ﺍﻧﺘﻮﺍ ﺍﻟﻄﺮﺍﺑﻠﺴﻴﻪ ﻣﻌﺮﻭﻓﻴﻦ ﺑﺎﻟﺒﻜﻼﻭﺓ ..
ﻛﻤﺎﻝ ﺍﺑﺘﺴﻢ : ﻳﻌﻄﻴﻚ ﺍﻟﺼﺤﻪ .. ﻫﺎﺩﻱ ﺍﻟﻠﻲ ﺑﻨﺴﺄﻝ ﻋﻠﻴﻬﺎ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻳﺎﺳﻴﺪﻱ ﺑﻜﺮﺍ ﺗﻠﻘﺎﻫﺎ ﺻﻔﺮﺓ ﻛﺒﻴﺮﺓ ﻗﺪﺍﻣﻚ ..
ﻛﻤﺎﻝ ﺍﺑﺘﺴﻢ : ﻣﺸﻜﻮﺭﺓ ..
ﻣﻼﻙ ﺍﻧﻐﺎﺿﺖ ﻭﺣﺒﺖ ﺍﺗﻘﻮﻝ ﺷﻲ ﻳﺤﺮﻕ ﻧﻮﺭﺍﻥ ﻣﻦ ﺣﺴﺪﻫﺎ : ﻃﺒﻌﺎ ﺍﻧﺘﻲ ﻣﺎﺗﻘﺪﺭﻳﺶ ﺗﺎﻛﻠﻴﻬﺎ ..
ﻛﻠﻬﻢ ﺷﺒﺤﻮﻟﻬﺎ ﺑﺤﺪﻩ ﻭﻧﻮﺭﺍﻥ ﺍﻟﺪﻣﻌﻪ ﻋﺒﺖ ﻋﻴﻨﻬﺎ ﻭﺍﺑﺘﺴﻤﺖ : ﺑﺎﻫﻲ ﺍﻟﻠﻲ ﺫﻛﺮﺗﻴﻨﻲ ..
ﻛﻤﺎﻝ : ﺑﺎﻩ ﺍﻟﻠﻲ ﺫﻛﺮﺗﻴﻬﺎ ﺍﻟﺤﻠﻮ ﻳﺎﻛﻞ ﺣﻠﻮ ﻣﺸﻜﻠﻪ ﺑﻌﺪﻳﻦ ..
ﻧﻮﺭﺍﻥ ﺷﺒﺤﺘﻠﻪ ﺑﺼﺪﻣﻪ .. ﻭﺭﻳﻬﺎﻡ ﺍﺑﺘﺴﻤﺖ ﺑﻨﺼﺮ .. ﺍﻛﺮﻡ ﺍﺑﺘﺴﻢ ﺑﺮﻓﻌﺔ ﺣﺎﺟﺐ .. ﻭﻣﻼﻙ ﺍﻧﺼﺪﻣﺖ ﻓﻲ ﺍﻟﺮﺩ ...
ﻣﻼﻙ : ﺍﻧﺎ ﺧﻔﺖ ﻋﻠﻴﻬﺎ ..
ﺭﻳﻬﺎﻡ ﺑﺘﻬﻜﻢ : ﻓﻴﻚ ﺍﻟﺨﻴﺮ ..
ﻧﻮﺭﺍﻥ ﻓﻲ ﻋﺎﻟﻢ ﺗﺎﻧﻲ ﻣﻦ ﻛﻠﻤﻪ ﻛﻤﺎﻝ ﺍﻟﻠﻲ ﺧﻠﺖ ﻗﻠﺒﻬﺎ ﻓﻲ ﺣﺎﻟﻪ..💓
ﺍﻛﺮﻡ : ﺗﻢ ﺑﻜﺮﺍ ﻧﻮﺻﻴﻠﻚ ﻋﻠﻴﻬﺎ ﺿﻴﻔﻨﺎ ﻋﺎﺩ ﻭﺑﻨﺪﻟﻌﻮﻙ ...
ﻛﻤﺎﻝ : ﺍﻧﺘﻢ ﺗﻘﻌﺪﻭﺍ ﺍﺩﻟﻌﻮﺍ ﻓﻴﺎ ﻭﺗﻘﻮﻟﻮﺍ ﺿﻴﻔﻨﺎ ... ﻟﻴﻦ ﻧﺎﺧﺪ ﻉ ﺍﻟﻮﺿﻊ ﻭﻣﺎﻧﺮﺿﺎﺵ ﺑﻐﻴﺮﻩ ﻭﺗﺤﺼﻠﻮﺍ ﻓﻴﺎ ..
ﻧﻮﺭﺍﻥ " ﻭﺃﺣﻠﻰ ﺣﺼﻠﻪ ..."❤
ﺿﺤﻜﻮﺍ ﻉ ﻛﻼﻣﻪ .. ﻭﻛﻤﻠﻮﺍ ﻫﺪﺭﺯﺓ ﻭﻣﻼﻙ ﻋﻴﻮﻧﻬﺎ ﻋﻠﻴﻪ ﻣﺎﻧﺰﻟﺘﻬﻤﺶ ﻫﻮ ﺗﻌﻘﺪ ﺑﺲ ﺣﺎﻭﻝ ﻳﺘﺠﺎﻫﻞ ﻧﻈﺮﺍﺗﻬﺎ ﺍﻟﻠﻲ ﺿﺎﻳﻘﺎﺗﻪ ..
ﻧﻮﺭﺍﻥ : ﺍﻳﻪ ﻃﻠﻌﺖ ﻣﻦ ﺍﻟﺜﺎﻧﻮﻳﻪ ﺑﺲ ﻛﻤﻠﺘﺶ ﺟﺎﻣﻌﻪ ﻣﺎﻛﺎﻧﺘﺶ ﻋﻨﺪﻱ ﺭﻏﺒﻪ ﻓﻲ ﺍﻟﻘﺮﺍﻳﻪ ﺭﻏﺒﺘﻲ ﺍﻛﺜﺮ ﻓﻲ ﺍﻟﺘﺼﻤﻴﻢ ﻣﺘﺎﻉ ﺍﻟﻤﻼﺑﺲ .. ﻭﻓﺘﺤﺖ ﻣﺸﻐﻞ ﻉ ﻫﻸﺳﺎﺱ ..
ﻛﻤﺎﻝ : ﺣﻠﻮ ..
ﺭﻳﻬﺎﻡ : ﺻﻤﻤﺘﻠﻲ ﻓﺴﺘﺎﻧﻴﻦ ﻟﻌﻨﺪ ﺗﻮﺍ ﻭﻟﺒﺴﺘﻬﻦ ﻓﻲ ﺣﻔﻼﺕ ﺍﻷﺧﻴﺮﻩ ﻭﻻﻗﻮﺍ ﺇﻋﺠﺎﺏ ﻛﺒﻴﺮ ﻣﻦ ﺍﻟﻨﺎﺱ ...
ﻛﻤﺎﻝ ﺍﺑﺘﺴﻢ : ﺣﻠﻮ ﻫﻠﺒﻪ .. ﻉ ﻓﻜﺮﻩ ﺍﻟﻨﺠﺎﺡ ﻣﺶ ﻣﺸﺮﻭﻁ ﺑﺎﻟﺪﺭﺍﺳﻪ ﺍﻹﻧﺴﺎﻥ ﻻﺯﻡ ﻳﻨﺠﺢ ﻓﻲ ﺃﻱ ﺷﻲ ﻳﺤﺒﻪ ...
ﻧﻮﺭﺍﻥ ﺍﺑﺘﺴﻤﺖ : ﺻﺎﺡ 💓
ﻣﻼﻙ : ﻫﻬﻬﻬﻬﻬﻬﻪ .. ﻗﻮﻟﻲ ﺷﻦ ﺍﺫﻛﺮﺕ ﻧﺎﻧﻲ ..
ﻧﻮﺭﺍﻥ : ﺷﻦ ...
ﻣﻼﻙ ﺑﻀﺤﻜﻪ ﻣﺎﻛﺮﻩ : ﺻﺒﻴﺤﻪ ... ﻣﺬﻛﺮﺓ ؟؟ !
ﺭﻳﻬﺎﻡ " ﺍﻟﻠﻬﻢ ﻃﻮﻟﻚ ﻳﺎﺭﻭﺡ .."
ﺍﻛﺮﻡ " ﻣﻮﻗﺢ ﺍﻣﻬﺎ .."
ﻣﻼﻙ ﺷﺒﺤﺖ ﻟﻜﻤﺎﻝ : ﺗﻮ ﻧﻔﻬﻤﻚ ﻧﻮﺭﺍﻥ ﺯﻣﺎﻥ ﻛﺎﻥ ﺍﺳﻤﻬﺎ ﺻﺒﻴﺤﻪ .. ﻭﻛﺎﻧﻮﺍ ﺍﻟﻌﻴﺎﻝ ﻭﺍﻟﺒﻨﺎﺕ ﻓﻲ ﺍﻟﻤﺪﺭﺳﻪ ﺍﻳﺴﻮﻗﻮﺍ ﻉ ﺍﺳﻤﻬﺎ .. ﻟﻴﻦ ﻛﺮﻫﺎﺗﻪ ﻭﻏﻴﺮﺍﺗﻪ ﻟﻨﻮﺭﺍﻥ ...
ﺭﻳﻬﺎﻡ " ﺑﻨﺼﺒﻲ ﻧﻀﺮﺑﻬﺎ .."
ﻛﻤﺎﻝ : ﺻﺒﻴﺤﻪ ﺍﺳﻢ ﺣﻠﻮ ﻫﻠﺒﻪ ﺗﻌﺮﻓﻴﻪ ﺍﺳﻢ ﻣﻦ ﻛﺎﻥ ﻫﺬﺍ
ﺳﻜﺘﺖ ﻣﻼﻙ ..
ﻧﻮﺭﺍﻥ : ﺍﻟﻠﻲ ﻧﻌﺮﻓﻪ ﺍﻥ ﺍﺳﻢ ﻣﻠﻜﻪ ﻓﻲ ﺍﻷﻧﺪﻟﺲ ..
ﻛﻤﺎﻝ ﺍﺑﺘﺴﻢ : ﺻﺢ ... ﻫﻲ ﻛﺎﻧﺖ ﺟﺎﺭﻳﻪ ﺣﺴﻨﺎﺀ ﺣﺴﻨﺔ ﺍﻟﺼﻮﺕ ﻛﺬﻟﻚ ﻏﻨﺖ ﻗﺪﺍﻡ ﺍﻟﺨﻠﻴﻔﻪ ﺍﻟﺤﺎﻛﻢ ﻭﻗﺘﻬﺎ " ﺍﻟﺤﻜﻢ .."
ﺍﻋﺠﺐ ﺑﻴﻬﺎ ﻫﻠﺒﻪ ... ﺧﺪﺍﻫﺎ ﻟﻨﻔﺴﻪ ... ﺍﻛﺘﺸﻒ ﻟﻤﺎ ﻋﺮﻓﻬﺎ ﺍﻛﺜﺮ ﺍﻧﻬﺎ ﺭﺍﺟﺤﺔ ﻋﻘﻞ ﻭﺣﻜﻴﻤﻪ ﻭﻛﺎﻧﺖ ﻋﻨﺪﻫﺎ ﻓﻄﻨﻪ .. ﻋﺸﻘﻬﺎ ﻭﺗﺰﻭﺟﻬﺎ ... ﻭﻹﻥ ﺍﻟﺨﻠﻴﻔﻪ ﺗﻌﺐ ﻫﻠﺒﻪ .. ﻫﻴﺎ ﻛﺎﻧﺖ ﺷﺒﻪ ﺍﻟﺤﺎﻛﻤﻪ ﻓﻲ ﺍﻟﺒﻼﺩ ﻭﻗﺘﻬﺎ ...
ﺍﻛﺮﻡ ﺑﺈﺑﺘﺴﺎﻣﻪ ﺗﻌﺠﺐ : ﻣﺎﺷﺎﺀ ﺍﻟﻠﻪ ... ﻣﻨﻴﻦ ﻋﺮﻓﺘﻪ ﻫﻀﺎ ﻛﻠﻪ .
ﻛﻤﺎﻝ : ﻛﺘﺎﺏ ﻗﺮﻳﺘﻪ ﻣﻮﺟﻮﺩ ﻓﻲ ﻣﻜﺘﺒﺔ ﻭﺍﻟﺪﺓ ﻧﻮﺭﺍﻥ ﺍﻟﻠﻪ ﻳﺮﺣﻤﻬﺎ ..
ﻧﻮﺭﺍﻥ ﺍﺑﺘﺴﻤﺖ ...
ﻛﻤﺎﻝ : ﺍﻣﻚ ﺷﻜﻠﻬﺎ ﻛﺎﻧﺖ ﻣﺨﺰﻥ ﺛﻘﺎﻓﻲ ...
ﺭﻳﻬﺎﻡ : ﺣﻜﺎﻟﻲ ﻋﻠﻴﻬﺎ ﺭﺿﻮﺍﻥ ﻛﺎﻧﺖ ﻣﺜﻘﻔﻪ ﻭﺗﺤﺐ ﺍﻟﻌﻠﻢ ﻭﺍﺟﺪ ..
ﻣﻼﻙ ﺑﻀﺤﻜﻪ : ﻋﻜﺲ ﺑﻨﺘﻬﺎ ..
ﻛﻤﺎﻝ ﺷﺒﺤﻠﻬﺎ ﺑﺤﺪﻩ ﻃﻴﺮﺗﻬﺎﻟﻪ ﺭﺳﻤﻲ ..
ﻭﺃﻛﺮﻡ ﻉ ﺷﻌﺮﻩ ..
ﻧﻮﺭﺍﻥ ﺑﻠﻌﺖ ﺭﻳﻘﻬﺎ ﻭﺳﻜﺘﺖ ..
ﺭﻳﻬﺎﻡ : ﺑﺎﻟﻌﻜﺲ ﺍﻷﻡ ﻣﺘﻔﻮﻗﻪ ﻓﻲ ﺍﻟﻌﻠﻢ ﻭﺍﻟﺜﻘﺎﻓﻪ .. ﻭﺍﻟﺒﻨﺖ ﻓﻲ ﻣﺠﺎﻝ ﺍﻟﺘﺼﻤﻴﻢ ... ﻧﻮﺭﺍﻥ ﻓﻲ ﺣﻔﻠﺘﻲ ﺍﻟﺠﺎﻳﻪ ﻓﻲ ﻗﺒﺮﺹ ﻧﺒﻲ ﺍﻟﻔﺴﺘﺎﻥ ﻳﻜﻮﻥ ﻭﺍﺗﻲ ﻣﺶ ﺣﻨﻄﻠﻊ ﻉ ﺳﺘﻴﺞ ﻣﻦ ﻏﻴﺮﻩ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻣﻦ ﻋﻴﻮﻧﻲ ..
ﺭﻳﻬﺎﻡ : ﻳﺴﻠﻤﻦ ﺍﻟﻌﻴﻮﻥ ﺍﻟﺴﻤﺎﺡ ﻫﺬﻳﻨﺎ ...
ﻛﻤﺎﻝ ﺍﺑﺘﺴﻢ ﻭﻫﻮ ﻳﺸﻮﻑ ﻟﻨﻮﺭﺍﻥ ..
ﺷﻮﻳﻪ ﻭﺟﻲ ﺍﻟﻤﻠﺤﻦ ... ﺍﻛﺮﻡ ﻗﻌﺪ ﺑﺮﺍ ﻭﻫﻤﺎ ﺧﺸﻮﺍ ﻟﻠﻤﻜﺎﻥ ﺍﻟﻤﺨﺼﺺ ﻟﺮﻳﻬﺎﻡ ﺍﻟﻠﻲ ﺗﺨﺪﻡ ﻓﻴﻪ ﻉ ﺃﻏﺎﻧﻴﻬﺎ ...
ﻛﺎﻧﺖ ﻏﺮﻓﻪ ﻛﺒﻴﺮﻩ ﺩﻳﻜﻮﺭﻫﺎ ﺣﻠﻮ ﻫﻠﺒﻪ ﻭﻓﻴﻬﺎ ﺑﻴﺎﻧﻮ ﻛﺒﻴﺮ .. ﺍﻟﺒﻴﺎﻧﻮ ﻫﺬﺍ ﻭﺭﺍﻩ ﻗﺼﻪ ".. ﺍﺫﻛﺮﻭﻩ ﺑﺲ ..."
ﺭﻳﻬﺎﻡ : ﺷﻦ ﺗﺤﺐ ﺗﺴﻤﻊ ..
ﻛﻤﺎﻝ ﻣﺶ ﺣﺎﺿﺮ ﻓﻲ ﺫﻫﻨﻪ ﺷﻲ ﻭﻣﺶ ﻣﺬﻛﺮ : ﺃﻱ ﺷﻲ ..
ﺭﻳﻬﺎﻡ ﺍﺑﺘﺴﻤﺖ : ﻋﺎﺩﻱ ﺗﺨﺘﺎﺭﻟﻚ ﻧﻮﺭﺍﻥ ..
ﻛﻤﺎﻝ ﺷﺒﺤﻠﻬﺎ ﻭﺍﺑﺘﺴﻢ : ﺍﻛﻴﺪ ...
ﻧﻮﺭﺍﻥ ﺍﺑﺘﺴﻤﺖ ﺑﺨﺠﻞ : ﻓﻴﺮﻭﺯ .. ﻧﺤﻨﺎ ﻭﺍﻟﻘﻤﺮ ﺟﻴﺮﺍﻥ ..
ﺭﻳﻬﺎﻡ ﻓﻬﻤﺖ ﻭﻗﺎﻟﺖ ﺑﻀﺤﻜﻪ : ﺣﺎﺿﺮ ﻳﺎﺟﺎﺭﺓ ﺍﻟﻘﻤﺮ ﺍﻧﺘﻲ ..
ﻛﻤﺎﻝ ﻗﻌﺪ ﻳﺸﺒﺤﻠﻬﺎ ﻫﻠﺒﻪ ﻭﻫﻲ ﺧﺠﻼﻧﻪ ﻭﻣﺘﺒﺴﻤﻪ ﻭﺗﺸﺒﺢ ﻟﺮﻳﻬﺎﻡ ... ﺑﻌﺪﻳﻦ ﺍﺑﺘﺴﻢ ..
ﻣﻼﻙ ﻣﺮﻛﺰﺓ ﻣﻌﺎﻫﻢ " ﺍﻟﺤﻜﺎﻳﻪ ﻣﺶ ﺣﻜﺎﻳﻪ ﺻﺎﺣﺐ ﺃﻛﺮﻡ ﺍﻟﻘﺼﻪ ﺍﻛﺒﺮ ﻣﻦ ﻫﻚ ﺑﻮﺍﺟﺪ ﻭﺣﻴﺎﺗﻚ ﻳﺎﻧﻮﺭﺍﻥ ﺣﻨﻌﺮﻓﻬﺎ .."
ﺑﺪﻱ ﺍﻟﻤﻠﺤﻦ ﻳﻌﺰﻑ ﻉ ﺍﻟﺒﻴﺎﻧﻮ .. ﻭﺭﻳﻬﺎﻡ ﺗﻐﻨﻲ .. ﺻﻮﺗﻬﺎ ﻛﺎﻥ ﺣﻠﻮ ﻭﺗﻐﻨﻲ ﺑﺈﺣﺴﺎﺱ ﻋﺎﻟﻲ .. ﺍﻋﺠﺐ ﻛﻤﺎﻝ ﺑﺼﻮﺗﻬﺎ ﻫﻠﺒﻪ ﻭﻧﻮﺭﺍﻥ ﻟﻤﺎ ﺗﺴﻤﻊ ﻓﻴﻬﺎ ﺗﻐﻨﻲ ﺣﺎﺳﻪ ﺑﻜﻞ ﺣﺮﻑ ﻓﻲ ﺍﻷﻏﻨﻴﻪ ﻭﻛﺎﻧﺖ ﺗﺨﺘﻠﺲ ﻓﻲ ﺍﻟﻨﻈﺮ ﻟﻜﻤﺎﻝ ﺍﻟﻠﻲ ﻛﺎﻥ ﻣﻨﺴﺠﻢ ﻣﻊ ﺍﻷﻏﻨﻴﻪ ...
ﻛﻤﻠﺖ ...
ﻛﻤﺎﻝ ﻳﺼﻔﻖ : ﺭﻭﻭﻭﻋﻪ ..
ﺭﻳﻬﺎﻡ : ﺷﻜﺮﺍ ..
ﻧﻮﺭﺍﻥ : ﻣﺶ ﻗﺘﻠﻚ ﺣﻠﻮ ﻭﺍﺟﺪ
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ..
ﺭﻳﻬﺎﻡ : ﻭﺗﻮﺍ ﻳﺎﺃﻋﺰﺍﺋﻲ ﺧﻠﻮﻧﻲ ﻧﺨﺪﻡ ﻉ ﺭﻭﺣﻲ ..
ﻧﻮﺭﺍﻥ ﺑﻀﺤﻜﻪ : ﻃﺮﺩﺓ ﺑﺬﻭﻕ ..
ﻛﻤﺎﻝ ﻳﻀﺤﻚ ..
ﻃﻠﻌﻮﺍ ﻭﺧﻠﻮﻫﺎ ...
ﻛﻤﺎﻝ : ﻻﺯﻡ ﻧﻤﺸﻲ ..
ﻧﻮﺭﺍﻥ " ﺍﻛﺜﺮ ﻛﻠﻤﻪ ﻧﻜﺮﻫﻬﺎ :" ﺍﺣﻤﻢ ... ﺑﺮﺍﺣﺘﻚ ..
ﻛﻤﺎﻝ ﺍﺑﺘﺴﻢ : ﺳﻼﻡ ..
ﻣﻼﻙ ﻣﺪﺕ ﻳﺪﻫﺎ : ﻓﺮﺻﻪ ﺳﻌﻴﺪﻩ
ﻛﻤﺎﻝ ﺍﺑﺘﺴﻢ ﻣﺠﺎﻣﻠﻪ ﻭﻳﺪﻭﺏ ﺻﺎﻓﺤﻬﺎ : ﺷﻜﺮﺍ ..
ﻭﻟﻒ ﻭﻣﺸﻲ .. ﻭﻧﻮﺭﺍﻥ ﻣﻌﺎﻩ ﺑﻘﻠﺒﻬﺎ ﻭﻋﻴﻮﻧﻬﺎ ..💓
ﻣﻼﻙ ﺷﺒﺤﺘﻠﻬﺎ ﺑﺮﻓﻌﺔ ﺣﺎﺟﺐ : ﻫﻀﺎ ﺍﻛﺜﺮ ﻣﻦ ﺻﺎﺣﺐ ﺃﻛﺮﻡ ..
ﻧﻮﺭﺍﻥ ﺷﺒﺤﺘﻠﻬﺎ : ﺑﺪﺭﻱ ﺳﻜﺘﺖ ﻭﺍﺳﺘﻘﺒﻠﺘﻚ ﻭﻣﺎﺑﻴﺘﺶ ﻧﺤﺮﺟﻚ ﻗﺪﺍﻣﻬﻢ .. ﻭﺍﻧﺖ ﺗﺤﺴﺎﺑﻲ ﺍﻧﻲ ﻓﻮﺗﺖ ﺍﻟﻠﻲ ﺳﻤﻌﺘﻪ ﻣﻨﻚ ﻭﺯﻭﺩﻳﺘﻬﺎ ﺍﻛﺜﺮ .. ﻟﺬﻟﻚ ﻳﺎﺑﻨﺖ ﺧﺎﻟﺘﻲ ﻧﻘﻮﻟﻚ ﻋﺪﻱ ﺗﻮﺍ ﺭﺩﻱ ﻟﺤﻮﺷﻜﻢ ﻭﺭﺍﺟﻌﻲ ﻧﻔﺴﻚ ... ﺗﺒﻲ ﺗﻜﻮﻧﻲ ﺑﻨﺖ ﺧﺎﻟﺘﻲ ﺻﺢ ﻭﻛﻴﻒ ﺃﺧﺘﻲ ﺣﻖ ... ﻧﻔﺘﺤﻠﻚ ﺣﻀﻨﻲ ﻭﺣﻮﺷﻲ ... ﺑﺘﻘﻌﺪﻱ ﻉ ﺣﺎﻟﻚ ﻫﻀﺎ .. ﺳﻼﻣﺘﻚ ﻭﻗﻠﺔ ﺳﻮﻙ ﻣﺎﻧﺒﻴﻠﻚ ﺧﻠﻄﻪ .. ﻭﻣﺸﺖ ﻭﺧﻠﺘﻬﺎ ﻭﺭﻛﺒﺖ ﻟﺪﺍﺭﻫﺎ ..
ﻣﻼﻙ ﻣﺼﺪﻭﻣﻪ " ﻭﻟﻴﺘﻲ ﺗﻌﺮﻓﻲ ﺗﺪﻭﻱ ﺑﺎﻩ ﻛﻮﻳﺲ ﻳﺎﻧﻮﺭﺍﻥ ..." ﻭﻣﺸﺖ ﻃﻠﻌﺖ ﻣﻦ ﺍﻟﻔﻴﻼ ..
ﻓﻲ ﺍﻟﻠﻴﻞ ...
ﺳﺎﺭﺓ ﻛﻤﻠﺖ ﺷﻐﻠﻬﺎ ﻭﺑﺘﻮﻟﻲ ﻟﻠﺤﻮﺵ ﺑﺲ ﻗﺒﻞ ﻟﺘﻮﻟﻲ ﺩﺍﺭﺕ ﺑﺮﺍﺩ ﻛﺒﻴﺮ ﻳﺎﻧﺴﻮﻥ ﺣﻄﺎﺗﻪ ﻓﻲ ﺍﻟﺼﻔﺮﻩ ﻭﺣﻄﺖ ﻣﻌﺎﻩ ﻃﻮﺍﺳﻲ ..
ﻧﺒﻮﻳﻪ : ﺍﻳﻪ ﺩﻩ ﻳﺎﺑﺖ ﻳﺎﺳﺎﺭﺓ ..
ﺳﺎﺭﺓ ﺑﻀﺤﻜﻪ : ﻋﺸﺎﻥ ﺍﻟﻤﺴﺎﻛﻴﻦ ﺍﻟﻤﺼﺒﻴﻦ ﺑﺮﺍ ﻋﻜﺮﺍﻉ ﻭﺍﻟﺠﻮ ﺧﺸﺔ ﻓﺼﻞ ﻉ ﻓﺼﻞ ﻳﻤﺮﺽ ...
ﻧﺒﻮﻳﻪ ﺑﻀﺤﻜﻪ : ﻭﺍﻟﻴﺎﻧﺴﻮﻥ ﺣﻴﻌﻤﻞ ﺍﻳﻪ؟ !
ﺳﺎﺭﺓ : ﻣﺎﺩﺩﻗﻴﺶ ﻳﺎﻭﻟﻴﻪ ﺍﻧﺘﻲ ﺍﻟﻤﻬﻢ ﺣﺎﺟﻪ ﺩﺍﻓﻴﻪ .. ﺧﺪﺕ ﺍﻟﺼﻔﺮﻩ ﻭﻃﻠﻌﺖ ﻭﻧﺒﻮﻳﻪ ﺗﻀﺤﻚ ﻋﻠﻴﻬﺎ ...
ﻃﻠﻌﺖ ﺑﺮﺍ ..
ﺳﺎﺭﺓ " ﻭﺍﺍﺍﻙ ﺗﻤﺜﺎﻝ ﺍﻟﺤﺮﻳﻪ .. ﻟﻴﺶ ﻧﺨﺎﻑ ﻣﻨﻪ ﻫﻚ ﻳﻌﻨﻲ .. ﺟﻤﺪﻱ ﻗﻠﺒﻚ ﻳﺎﺑﻨﺖ ﻭﺍﻃﻠﻌﻲ ..."
ﻃﻠﻌﺖ ﻭﻭﻗﻔﺖ ﺣﺪﺍﻩ .. ﻫﻮ ﺷﺒﺤﻠﻬﺎ ﻉ ﺟﻨﺐ ..
ﺍﻛﺮﻡ : ﺧﻴﺮ ﺩﻋﻮﺗﻚ ..
ﺍﻣﺴﻜﻲ ﺍﻋﺼﺎﺑﻚ ﻳﺎﺳﺎﺭﺓ : ﺍﻣﺴﻚ ..
ﺍﻛﺮﻡ : ﺷﻨﻮ ﻫﻀﺎ؟ !!
ﺳﺎﺭﻩ : ﻳﺎﻧﺴﻮﻥ ﻳﺪﻓﻴﻜﻢ .. ﻭﺑﺎﻩ ﻟﻸﻋﺼﺎﺏ ...
ﺍﻛﺮﻡ : ﺷﻦ ﺗﺤﻘﻲ ﻓﻴﺎ ﻗﺪﺍﻣﻚ . ﻣﻜﻠﻮﺏ؟ !!
ﺳﺎﺭﻩ " ﻣﻜﻠﻮﺏ ﺍﻟﻤﻜﺎﻟﻴﺐ :" ﻣﺶ ﺍﻧﺖ ﺑﺮﻭﺣﻚ ..
ﺍﻛﺮﻡ ﺑﺘﻔﻨﻴﺼﻪ : ﻧﻌﻤﻢ؟ !!
ﺳﺎﺭﺓ ﺍﻧﺨﻠﻌﺖ ﻣﻦ ﺻﻮﺗﻪ : ﻗﺼﺪﻱ ﻟﻴﻜﻢ ﻛﻠﻜﻢ ﻋﺸﺎﻥ ﺍﻟﺠﻮ ﺍﻟﻤﺘﻘﻠﺐ ﻫﻀﺎ ﻭﺍﻟﻠﻴﻞ ﻭﻻ ﺟﻮﻩ ﻣﺼﻘﻊ ...
ﺍﻛﺮﻡ : ﺣﻄﻴﻬﺎ ﻭﻋﺪﻱ ..
ﺳﺎﺭﺓ ﺍﺑﺘﺴﻤﺖ ﻭﺣﻄﺘﻬﺎ : ﺍﺷﺮﺑﻮﻫﺎ ﻛﻠﻜﻢ ..
ﺍﻛﺮﻡ " ﻛﻨﻬﺎ ﻣﺼﺮﻩ ﻫﻚ .. ﺍﻛﻴﺪ ﺣﺎﻃﻪ ﻓﻴﻬﺎ ﺣﺎﺟﻪ ﻭﺗﺒﻲ ﺍﻟﻜﻞ ﻳﺸﺮﺏ ﻣﻨﻬﺎ :" ﺑﺎﻩ ...
ﺳﺎﺭﺓ ﻣﺸﺖ ﻭﻫﻲ ﻓﺮﺣﺎﻧﻪ ﺍﻥ ﺧﺪﺍﻫﺎ ﺩﻭﻥ ﻣﺸﺎﻛﻞ ...
ﺭﻭﺣﺖ ﻟﻠﺤﻮﺵ .. ﺭﻛﺒﺖ ﻟﺸﻘﺘﻬﺎ ﻭﺧﺸﺖ ... ﻭﺻﻜﺮﺕ ﺍﻟﺒﺎﺏ ﻣﺸﺖ ﺣﻮﻟﺖ ﺍﻟﻮﺷﺎﺡ ﻃﻮﻝ ﻣﺸﺖ ﻟﻠﺮﻭﺷﻦ ﺍﻃﻞ ﻋﻠﻴﻪ ﻭﻟﺖ ﻋﺎﺩﺗﻬﺎ ...
ﺍﻧﺼﺪﻣﺖ ﺑﺎﻟﻠﻲ ﺷﺎﻓﺘﻪ ...
ﻟﻘﺎﺗﻪ ﻭﺍﺧﺪ ﺍﻟﺒﺮﺍﺩ ﻭﺻﺒﻪ ﻛﻠﻪ ﻓﻲ ﺣﻮﺽ ﺯﺭﻉ ﻗﺮﻳﺐ ﻋﻠﻴﻪ ..
ﺳﺎﺭﺓ ﺑﺼﺪﻣﻪ : ﻣﺎﻳﻨﻔﻊ ﻓﻴﻚ ﺍﻟﺨﻴﺮ .. ﺑﺲ ﻟﺤﻈﻪ ﻟﻴﺶ ﺩﺍﺭ ﻫﻚ ... ﻻﺍﺍ ﻓﻜﺮﻱ ﻓﻴﻬﺎ ﺑﺸﻜﻞ ﺗﺎﻧﻲ ﻳﺎﺳﻼﻑ .. ﻫﻀﺎ ﻣﻠﻴﻮﻥ ﻓﻲ ﺍﻟﻤﻴﻪ ﺷﺎﻙ ﻓﻴﻚ ... ﻣﺼﻴﺒﻪ ﻫﺎﻷﻛﺮﻡ ﻣﺼﻴﺒﻪ ...
ﻋﻨﺪ ﻧﻮﺭﺍﻥ ...
ﻛﺎﻧﺖ ﺗﺨﺪﻡ ﻉ ﺗﺼﻤﻴﻢ ﻗﻔﻄﺎﻥ ﻣﺶ ﻟﺰﺑﻮﻧﻪ .. ﺑﺲ ﺃﻟﻬﻤﺖ ﺑﻔﻜﺮﺓ ﻗﻔﻄﺎﻥ ﻭﺗﺒﻲ ﺍﺩﻳﺮﻳﻪ ﻗﻌﺪﺕ ﺗﺮﺳﻢ ﻭﺗﻌﺎﻭﺩ .. ﺗﻌﺒﺖ ﻧﺎﺿﺖ ... ﻣﺸﺖ ﻟﻠﺮﻭﺷﻦ ﻛﺎﻟﻌﺎﺩﻩ ... ﻭﻗﻔﺖ .. ﺭﻭﺷﻨﻪ ﻣﻔﺘﻮﺡ ﻣﻨﻪ ﻓﺮﺩﻩ ﻭﺣﺪﻩ ﺑﺲ ﻭﻫﻮ ﻣﺶ ﺑﺎﻳﻦ ... ﻗﻌﺪﺕ ﻭﺍﻗﻔﻪ ﺗﺸﺒﺢ ﻭﺧﻼﺹ ..
ﻋﻨﺪ ﻛﻤﺎﻝ .
ﻣﻘﻌﻤﺰ ﻳﻘﺮﺍ ﻓﻜﺘﺎﺏ ﻋﻦ ﺗﺎﺭﻳﺦ ﺍﻟﻄﺐ ... ﻭﺻﻞ ﻓﻲ ﺟﺰﺀ ﻳﺘﻜﻠﻢ ﻋﻦ ﺍﻟﺠﺮﺍﺣﻪ .. ﻭﺍﺑﻦ ﺳﻴﻨﺎ ﻭﺍﻟﺰﻫﺮﺍﻭﻱ .. ﻭﻧﺒﻮﻏﻬﻢ ﻓﻬﺎﻟﻤﺠﺎﻝ ..
ﻓﻠﺤﻈﻪ .. ﺟﺖ ﺻﻮﺭﺓ ﻣﺸﻮﺷﻪ ﺑﻴﻦ ﻋﻴﻮﻧﻪ ﻭﻷﻭﻝ ﻣﺮﺓ ﺗﺠﻴﻪ ﺻﻮﺭﺓ ﻣﻦ ﺫﻛﺮﻳﺎﺗﻪ ..
ﻏﺮﻓﺔ ﻋﻤﻠﻴﺎﺕ ... ﻫﻮ ﻻﺑﺲ ﻟﺒﺲ ﺍﻟﺠﺮﺍﺣﻴﻦ ... ﺻﺪﺭ ﺑﻨﻲ ﺁﺩﻡ ﻣﻔﺘﻮﺡ ... ﻭﺍﻳﺪﻳﻪ ﺷﺎﺩﻳﻦ ﺍﺩﻭﺍﺕ ﻭﻳﺨﺪﻡ ﺑﻴﻬﻢ ...
ﻃﻠﻖ ﺍﻟﻜﺘﺎﺏ ﻭﺣﻂ ﻳﺪﻩ ﻉ ﺭﺍﺳﻪ ﻭﻋﻴﻮﻧﻪ ﻣﻐﻤﻀﺎﺕ ﺑﺸﺪﻩ ... ﻭﻗﻌﺪ ﻳﻔﺮﻙ ﻓﻴﻪ ... ﺷﻮﻳﻪ ﻭﺟﺖ ﻓﻲ ﺑﺎﻟﻪ ﺳﻮﺭﺓ ﺍﻟﻔﺎﺗﺤﻪ ﻭﺍﺫﻛﺮ ﻧﻮﺭﺍﻥ ﻟﻤﺎ ﻗﺮﺗﻬﺎ ... ﻗﻌﺪ ﻳﻘﺮﺍ ﻓﻴﻬﺎ ﻭﻳﻌﺎﻭﺩ .. ﻭﻳﻜﺮﺭ ﻓﺈﻳﺎﻙ ﻧﻌﺒﺪ ﻭﺇﻳﺎﻙ ﻧﺴﺘﻌﻴﻦ ... ﻟﻴﻦ ﺍﺧﺘﻔﺖ ﺍﻟﺼﻮﺭﺓ .. ﻭﺭﺍﺳﻪ ﻫﺪﺍ ﺷﻮﻱ ... ﻧﺰﻝ ﺍﻳﺪﻳﻪ ﻭﺍﺗﻜﻰ ﻉ ﺍﻟﻜﺮﺳﻲ ﻭﻗﻌﺪ ﻳﺸﺒﺢ ﻟﻠﺴﻘﻒ ..
ﻛﻤﺎﻝ " ﺷﻦ ﺍﻟﻠﻲ ﺟﻲ ﺑﻴﻦ ﻋﻴﻮﻧﻲ ﻫﺬﺍ؟؟ !! ﻟﻤﺎ ﻗﺮﻳﺖ ﻫﺎﻟﺠﺰﺋﻴﻪ ﺗﺤﺪﻳﺪﺍ "... ﻏﻤﺾ ﻋﻴﻮﻧﻪ ﻭﺗﺄﻓﻒ .. ﻧﺎﺽ ﺑﻴﻔﺘﺢ ﻓﺮﺩﻩ ﺍﻟﺮﻭﺷﻦ ﻟﻘﻲ ﻧﻮﺭﺍﻥ ﻗﺪﺍﻣﻪ ...
ﻧﻮﺭﺍﻥ ﺑﺈﺑﺘﺴﺎﻣﻪ : ﻣﺎﺯﻟﺖ ﻣﺎﺭﻗﺪﺕ ..
ﻛﻤﺎﻝ ﻭﻹﻧﻪ ﻣﺶ ﻉ ﺑﻌﻀﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﺳﻜﺮ ﺍﻟﺮﻭﺷﻦ ﻣﺮﺓ ﻭﺣﺪﻩ ﻭﻣﺸﻲ ﺍﻧﻄﺮﺡ ﻉ ﺍﻟﺴﺮﻳﺮ ﻭﻳﺤﺎﻭﻝ ﻳﺮﻗﺪ ﻣﺎﻛﺎﻧﺶ ﻣﺮﻛﺰ ﻉ ﺭﻭﺣﻪ ﺷﻦ ﺩﺍﺭ ...
ﺍﻣﺎ ﻫﻲ ﺍﻧﺼﺪﻣﺖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ...
💙 ﻧﻮﺭﺍﻥ
ﻛﺮﻫﺖ ﺭﻭﺣﻲ ﻟﻤﺎﺩﺍﺭ ﻫﻚ .. ﺣﺴﻴﺖ ﺭﻭﺣﻲ ﻛﺈﻧﻲ ﻭﺣﺪﻩ ﻣﺰﻋﺠﻪ ﻭﻓﺎﺭﺿﻪ ﻧﻔﺴﻲ ﻋﻠﻴﻪ ﻭﻫﻮ ﺍﺿﺎﻳﻖ ﻣﻨﻲ ﺑﺎﻟﺬﺍﺕ ﻣﻦ ﻭﻗﻔﺘﻲ ﻓﻲ ﺍﻟﺸﺒﺎﻙ .. ﻣﺎﻗﺪﺭﺗﺶ ﻧﻠﻮﻣﻪ .. ﺣﺪﻱ ﻗﻔﻠﺖ ﺷﺒﺎﻛﻲ .. ﻭﺩﻣﻮﻋﻲ ﻧﺰﻟﻦ
ﺑﺪﻳﺖ ﻧﺮﻋﺶ .. ﻓﺘﺤﺖ ﺩﺭﺟﻲ ﺧﺬﻳﺖ ﻣﻨﻪ ﺣﻠﻮﻩ ﺻﻐﻴﺮﻩ ﺣﻄﻴﺘﻬﺎ ﻓﻔﻤﻲ ﻭﺭﻗﺪﺕ ﻭﺩﻣﻮﻋﻲ ﻣﺎﺑﻄﻠﻦ ﻧﺰﻭﻝ ..
ﺗﺎﻧﻲ ﻳﻮﻡ ..
ﻓﺎﻕ ﻛﻤﺎﻝ ﻭﻛﺎﻥ ﺍﺣﺴﻦ ... ﻣﺸﻲ ﻃﻠﻊ ﺣﻮﺍﻳﺞ .. ﻭﻟﻠﺤﻤﺎﻡ ﺩﻭﺵ ﻭﻃﻠﻊ ... ﺻﻠﻰ .. ﻭﺑﻌﺪﻫﺎ ﻣﺸﻲ ﻟﻠﻤﻄﺒﺦ ﺣﻂ ﺍﻟﺒﻜﺮﺝ ﻉ ﺍﻟﻨﺎﺭ ... ﻭﻭﻻ ﻟﺪﺍﺭﻩ .. ﺧﺪﻱ ﺍﻟﺘﻠﻴﻔﻮﻥ ﻭﻓﻜﺮ ﻳﺘﺼﻞ ﺑﺎﻟﺪﻛﺘﻮﺭ ﺑﺲ ﺣﺲ ﺍﻥ ﺍﻟﻮﻗﺖ ﻣﺎﺯﺍﻝ ﺑﻜﺮﻱ ...
ﺣﻂ ﺍﻟﺘﻠﻴﻔﻮﻥ ﻭﻣﺸﻲ ﻟﻠﺮﻭﺷﻦ ﻭﻓﺘﺤﻪ .. ﻟﻘﻲ ﺭﻭﺷﻦ ﺩﺍﺭ ﻧﻮﺭﺍﻥ ﻣﺼﻜﺮ ... ﺍﺳﺘﻐﺮﺏ ... ﻭﻫﻮ ﻻﻑ ﻭﺑﻴﻤﺸﻲ ﺍﺫﻛﺮ ﺍﻟﻠﻲ ﺻﺎﺭ ﻓﻲ ﺍﻟﻠﻴﻞ .. ﺭﺟﻊ ﺍﻟﺘﻔﺖ ﻭﺷﺎﻑ ﻟﻠﺮﻭﺷﻦ .. ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﺗﻨﻬﺪ ﻭﻣﺸﻲ ﻟﻠﻤﻄﺒﺦ ..
ﺍﻣﺎ ﻧﻮﺭﺍﻥ ... ﺧﺪﺕ ﻳﺒﺮﺗﻬﺎ ﺑﻌﺪ ﻣﺎﺩﺍﺭﺕ ﺭﻭﺗﻴﻨﻬﺎ ﺍﻟﺼﺒﺎﺣﻲ .. ﻭﻧﺰﻟﺖ ﺗﺤﺖ ﻭﻛﺎﻧﺖ ﻣﻼﻣﺤﻬﺎ ﺣﺰﻳﻨﻪ ... ﻗﻌﻤﺰﺕ ﻉ ﺍﻟﻄﺎﻭﻟﻪ ﺑﻌﺪ ﻣﺎﺻﺒﺤﺖ ﻋﻠﻴﻬﻢ .. ﻳﺪﻭﺏ ﻛﻠﺖ ... ﻭﻧﺎﺿﺖ ..
ﺭﺿﻮﺍﻥ : ﻋﻤﻮ ﻓﻴﻚ ﺣﺎﺟﻪ ...
ﻧﻮﺭﺍﻥ ﺑﺈﺑﺘﺴﺎﻣﻪ ﻣﺠﺎﻣﻠﻪ : ﻛﻮﻳﺴﻪ ﻳﺎﻋﻤﻮ ... ﺳﻼﻡ .. ﻭﻣﺸﺖ ...
ﺭﻳﻬﺎﻡ ﻣﺮﻛﺰﺓ ﻣﻌﺎﻫﺎ ..
ﺭﺿﻮﺍﻥ : ﻛﻨﻬﺎ ..
ﺭﻳﻬﺎﻡ . ﻣﻄﺖ ﺷﻮﺍﺭﺑﻬﺎ ﺑﺘﺴﺎﺅﻝ : ﻋﻠﻤﻲ ﻋﻠﻤﻚ ... ﻣﺎﺯﺍﻝ ﺷﻬﺎﺏ ﻣﺶ ﻣﺮﻭﺡ ..
ﺭﺿﻮﺍﻥ ﺑﺈﺳﺘﻴﺎﺀ : ﻭﻳﻦ ﻧﻌﻠﻢ ﺑﻴﻪ ﺍﻧﺎ ... ﺣﺪ ﻳﻌﻠﻢ ﻋﻨﻪ ﺷﻲ ﻫﺎﻟﺮﺍﺟﻞ ﺍﻟﻤﺤﺘﺮﻡ ... ﺧﻠﻔﺔ ﺍﻟﻬﺪﻭﺩ ... ﻧﺎﺽ ..
ﺭﻳﻬﺎﻡ : ﺧﻼﺹ ﺣﺒﻴﺒﻲ ﻫﺪﻱ ... ﺍﻩ ﻧﺴﻴﺖ ﻧﻘﻮﻟﻚ ﺍﻏﻨﻴﺘﻲ ﺍﻟﺠﺪﻳﺪﻩ ﺣﺘﻨﺰﻝ ﺍﺧﺮ ﺍﻷﺳﺒﻮﻉ ..
ﺭﺿﻮﺍﻥ ﺑﺎﺳﻬﺎ ﻣﻦ ﺧﺪﻫﺎ : ﻣﻮﻓﻘﻪ ﻳﺎﻗﻠﺒﻲ ... ﻃﻠﻌﻮﺍ ﻣﻊ ﺑﻌﺾ ...
ﺑﺮﺍ ...
ﻧﻮﺭﺍﻥ ﻃﻠﻌﺖ ﺑﺴﻴﺎﺭﺗﻬﺎ ﻉ ﻃﻠﻌﺔ ﻛﻤﺎﻝ ﻣﻦ ﺍﻟﺤﻮﺵ ﻣﺎﺷﻲ ﻷﻛﺮﻡ ... ﺷﺎﻑ ﺳﻴﺎﺭﺗﻬﺎ ﻭﺍﺿﺎﻳﻖ ... ﻣﺸﻲ ﻷﻛﺮﻡ ..
ﻛﻤﺎﻝ : ﺻﺒﺎﺡ ﺍﻟﺨﻴﺮ ... ﻃﺎﻟﻊ ﺗﻮﺍ ..
ﺍﻛﺮﻡ : ﺍﻫﺎ ..
ﻛﻤﺎﻝ : ﺗﻤﺎﻡ ... ﻟﻤﺎ ﺗﺮﻭﺡ ﺗﻌﺎﻟﻰ ..
ﺍﻛﺮﻡ : ﺗﻢ ..
ﻛﻤﺎﻝ ﺷﺒﺢ ﺭﺿﻮﺍﻥ ﻃﺎﻟﻊ ﺷﺒﺤﻮﺍ ﻟﺒﻌﺾ .. ﻛﻤﺎﻝ ﺣﻴﺎﻩ ﺑﺤﺮﻛﺔ ﺍﻟﺮﺍﺱ ﻭﺭﺿﻮﺍﻥ ﺭﺩ ﻋﻠﻴﻪ ﻭﺭﻛﺐ ﺍﻟﺴﻴﺎﺭﺓ ...
ﺣﻴﺎ ﺑﻌﺪﻫﺎ ﺭﻳﻬﺎﻡ ﻭﻭﻻ ﻟﻠﺤﻮﺵ ...
ﺍﻟﺼﻮﺭﺓ ﺍﻟﻤﺸﻮﺷﻪ ﺍﻟﻠﻲ ﺷﺎﻓﻬﺎ ﺍﻣﺲ ﻟﺨﺒﻄﺘﺖ ﻧﻔﺴﻴﺘﻪ ﺗﻤﺎﻣﺎ ... ﻭﻗﻒ ﻗﺪﺍﻡ ﺍﻟﺒﺎﺏ ... ﻗﺮﺭ ﺍﻧﻪ ﻣﺎﻳﺨﺸﺶ .. ﻟﻒ ﺍﻟﺠﻬﺔ ﺍﻟﺘﺎﻧﻴﻪ ﺧﺪﻱ ﻧﻔﺲ ﻭﻣﺸﻲ ﻭﻧﺎﺳﻲ ﺗﻠﻴﻔﻮﻧﻪ ﻓﻮﻕ ...
ﻃﻠﻊ ﻣﻦ ﺍﻟﻤﻨﻄﻘﻪ ﻭﻫﻮ ﻳﻤﺸﻲ ﺗﺎﻳﻪ ﺿﺎﻳﻊ .. ﻣﺶ ﺣﺎﺱ ﺭﻭﺣﻪ ﻳﻨﺘﻤﻲ ﻟﺸﻲ ﻓﻲ ﺍﻟﻤﺪﻳﻨﻪ ﺍﻟﻠﻲ ﻫﻮ ﻓﻴﻬﺎ ﺣﺎﺳﺲ ﺑﺎﻟﻐﺮﺑﻪ .. ﻣﻬﻤﺎ ﺣﺎﻭﻝ ﻳﺘﺠﺎﻫﻞ ﻫﺎﻟﺸﻌﻮﺭ
ﻗﻌﺪ ﻳﻤﺸﻲ ﻭﻳﻤﺸﻲ .. ﻳﺸﺒﺢ ﻓﻲ ﺗﻔﺎﺻﻴﻞ ﺍﻟﻨﺎﺱ ﻓﺘﻔﺎﺻﻴﻞ ﺍﻟﻤﺪﻳﻨﻪ ... ﻣﺎﻑ ﺷﻲ ﻳﻨﺘﻤﻴﻠﻪ ﻫﻨﺎﻳﺎ ﺑﻜﻞ .. ﺣﺘﻰ ﺍﻟﻠﻜﻨﻪ ﺗﺨﺘﻠﻒ ...
ﻣﺎﻳﻨﺪﺭﻳﺶ ﻉ ﺭﻭﺣﻪ ﻭﻫﻮ ﻣﺎﺷﻲ ﻟﻴﻦ ﺃﺫﻥ ﺍﻟﻈﻬﺮ ﻭﻛﺎﻥ ﻭﺍﻗﻒ ﺣﺪﺍ ﺍﻟﺠﺎﻣﻊ ﻣﺒﺎﺷﺮﺓ ﺧﺶ ﺗﻮﺿﺎ ﻣﻊ ﺍﻟﻨﺎﺱ ﻭﺧﺶ ﺩﺍﺧﻞ ﻭﻗﻒ ﻣﻊ ﺍﻟﺠﻤﺎﻋﻪ ﻭﺑﺪﻱ ﺍﻟﺼﻼﺓ ...
ﻛﻤﻠﻮﺍ ﺍﻟﺼﻼﺓ ﻧﺎﺽ ﻃﻠﻊ ... ﻭﻭﻗﻒ ﻗﺪﺍﻡ ﺍﻟﺠﺎﻣﻊ ﺧﺪﻱ ﻧﻔﺲ ﻭﻛﻤﻞ ﻃﺮﻳﻘﻪ ﺍﻟﻠﻲ ﻏﻴﺮ ﻣﻌﻠﻮﻡ ﺍﻟﻮﺟﻬﻪ ...
ﻫﻮ ﻧﺎﺳﻲ ﻫﻮ ﻣﻨﻲ ... ﻓﻜﻴﻒ ﺣﻴﺬﻛﺮ ﻃﺮﻳﻖ ﺍﻟﺮﺟﻌﻪ ﻓﻤﺪﻳﻨﻪ ﻋﻤﺮﻩ ﻣﺎﺯﺍﺭﻫﺎ ﻏﻴﺮ ﻣﺮﺓ ﻭﺣﺪﻩ ﻭﻫﺎﻟﺰﻳﺎﺭﺓ ﻏﻴﺮﺕ ﺣﻴﺎﺗﻪ ﺑﺎﻟﻜﺎﻣﻞ ...
ﺑﻌﺪ ﺍﻟﻌﺼﺮ ..
ﺭﻭﺡ ﺭﺿﻮﺍﻥ ﻭﺍﻛﺮﻡ ﺍﻭﻝ ﻣﺎﻧﺰﻝ ﻣﻦ ﺍﻟﺴﻴﺎﺭﺓ ﻣﺸﻲ ﻟﻠﻔﻴﻼ ﺍﻟﻠﻲ ﺟﻨﺒﻬﻢ ﺧﺶ ... ﻓﺘﺢ ﺍﻟﺒﺎﺏ ﺍﻟﺪﺧﻼﻧﻲ ﻭﺧﺶ .. ﺭﻛﺐ ﻓﻮﻕ ﻭﻭﺻﻞ ﻓﻲ ﺍﻟﺸﻘﻪ .. ﻃﻖ ... ﻣﺎﺣﺪ ﻓﺘﺢ .. ﻃﻖ ﻣﺮﺓ ﺗﺎﻧﻴﻪ ﻭﺗﺎﻟﺘﻪ ﻻﺇﺳﺘﺠﺎﺑﻪ ... ﻃﻖ ﺑﻘﻮﺓ ﺍﻟﻤﺮﺓ ﺍﻟﺮﺍﺑﻌﻪ .. ﻻﺇﺳﺘﺠﺎﺑﻪ ...
ﺧﺎﻑ .. ﺍﺗﺼﻞ ﺑﻴﻪ ... ﺳﻤﻊ ﺻﻮﺕ ﺍﻟﺘﻠﻴﻔﻮﻥ ﻳﺮﻥ ﺩﺍﺧﻞ ﻟﻴﻦ ﻓﺼﻠﺖ ﺍﻟﻤﻜﺎﻟﻤﻪ .. ﺷﺒﺢ ﻟﻠﺒﺎﺏ .. ﺑﻌﺪﻳﻦ ﻃﻮﻝ ﻧﺰﻝ ﻳﺠﺮﻱ ... ﺧﺶ ﻟﻔﻴﻼ ﺭﺿﻮﺍﻥ ...
ﺍﻛﺮﻡ : ﻧﺒﻮﻳﻴﻪ ..
ﺟﺎﺗﻪ ﻧﺒﻮﻳﻪ ﺗﺠﺮﻱ : ﻧﻌﻢ ﻳﺎﺑﻴﻪ ..
ﺍﻛﺮﻡ : ﺍﺭﻗﻲ ﻧﺎﺩﻳﻠﻲ ﻧﻮﺭﺍﻥ ﺑﺴﺮﻋﻪ ..
ﻃﻮﻝ ﻣﺸﺖ ﻧﺒﻮﻳﻪ ﻭﺭﻛﺒﺘﻠﻬﺎ ..
ﺍﻛﺮﻡ ﺧﺎﻳﻒ ﻗﻌﺪ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ ﺟﺖ ﻋﻴﻨﻪ ﻉ ﺳﺎﺭﺓ ﺍﻟﻠﻲ ﻛﺎﻧﺖ ﻃﺎﻟﻌﻪ ﻭﺭﺍ ﻧﺒﻮﻳﻪ ﻭﺗﺸﻮﻓﻠﻪ .. ﺷﺒﺤﻠﻬﺎ ﺑﺤﺪﻩ ﻭﻫﻲ ﺷﺒﺤﺖ ﻋﺎﺩﻱ ...
ﻧﺰﻟﺖ ﻧﻮﺭﺍﻥ ﺗﺠﺮﻱ ..
ﻧﻮﺭﺍﻥ : ﻛﻨﻚ ..
ﺍﻛﺮﻡ : ﻋﻨﺪﻙ ﻣﻔﺘﺎﺡ ﺗﺎﻧﻲ ﻟﺸﻘﺔ ﻛﻤﺎﻝ ..
ﻧﻮﺭﺍﻥ ﺑﺨﻮﻍ : ﺍﻫﺎ ﻟﻴﺶ ..
ﺍﻛﺮﻡ : ﻧﺪﻕ ﻋﻠﻴﻪ ﻣﺎﻓﺘﺤﺶ ﻧﺘﺼﻞ ﻣﺎﻳﺮﺩﺵ ..
ﻧﻮﺭﺍﻥ ﻣﺎﺗﺖ ﻣﻦ ﺍﻟﺨﻮﻑ ﺭﻛﺒﺖ ﻓﻮﻕ ﻃﻮﻝ ﺗﺠﺮﻱ ﺯﻱ ﺍﻟﻤﻬﺒﻮﻟﻪ ﻛﺎﻧﺖ ﺗﻔﺮﻓﺶ ﺧﺪﺕ ﺍﻟﻤﻔﺘﺎﺡ .. ﻭﻧﺰﻟﺖ ﻟﻮﻃﺎ ﻭﻗﺮﻳﺐ ﻃﺎﺣﺖ ..
ﻧﻮﺭﺍﻥ ﺑﺨﻮﻑ ﺷﺪﻳﺪ ﻭﻫﻲ ﺩﺍﻫﺸﻪ : ﺍﻫﻮﺍ ...
ﻃﻠﻊ ﺍﻛﺮﻡ ﻭﻫﻲ ﻭﺭﺍﻩ .. ﻣﺸﻮﺍ ﻟﻠﺤﻮﺵ .. ﺧﺸﻮﺍ ﻭﺭﻛﺒﻮﺍ ﻓﻮﻕ ﺍﻛﺮﻡ ﻓﺘﺢ ﺍﻟﺒﺎﺏ ﻭﻧﻮﺭﺍﻥ ﺗﺮﻋﺶ ﻣﻊ ﺑﻌﻀﻬﺎ .. ﺧﺸﻮﺍ ﺩﻭﺭ ﺍﻛﺮﻡ ﻣﺎﻟﻘﺎﺷﻲ ..
ﺍﻛﺮﻡ ﺑﻌﺼﺒﻴﻪ : ﺗﻲ ﻭﻳﻦ ﻋﺪﻯ !!!
ﻧﻮﺭﺍﻥ ﺩﻣﻮﻋﻬﺎ ﻧﺰﻟﻮﺍ : ﻣﺎﻳﻌﺮﻑ ﺷﻲ ﻫﻨﺎ .. ﺍﻛﻴﺪ ﺿﺎﻉ ﺗﻮﺍ ..
ﺍﻛﺮﻡ ﻃﻠﻊ ﻃﻮﻝ ﻭﻫﻲ ﻣﻌﺎﺵ ﻗﺪﺭﺕ ﺗﺘﺤﺮﻙ ﻗﻌﻤﺰﺕ ﻉ ﺍﻟﻜﺮﺳﻲ ﻭﻗﻌﺪﺕ ﺗﺒﻜﻲ ﺑﺸﺪﻩ ...
.... ﻳﺘﺒﻊ ...