مشاعر

الحلقة الثامنة والعشرون

#مشاعر
ﺍﻟﺠﺰﺀ ﺍﻟﺜﺎﻣﻦ ﻭﺍﻟﻌﺸﺮﻳﻦ
للكاتبة GomanFared
ﻳﺎﺍﺍﻩ ﺍﻟﻤﻜﺎﻥ ﺣﻠﻮ ﻭﺍﺟﺪ ... ﻛﻴﻒ ﻟﻘﻴﺘﻪ ..
ﻛﻤﺎﻝ ﻭﻫﻮ ﻳﺸﻮﻓﻠﻬﺎ ﻛﻴﻒ ﺗﺸﺒﺢ ﻟﻠﻤﻜﺎﻥ ﺑﺈﻧﺒﻬﺎﺭ : ﺻﺪﻓﻪ .. ﻣﺮﺓ ﻭﺍﻧﻲ ﻣﺮﻭﺡ ﻣﻦ ﺍﻟﻤﺴﺘﺸﻔﻰ ﺍﻟﺼﺒﺢ ﻗﻌﺪﺕ ﻧﺪﻭﺭ ﺑﺎﻟﺴﻴﺎﺭﻩ ﻫﻜﻲ .. ﻋﺠﺒﻨﻲ ﺍﻟﺠﻮ .. ﻟﻘﻴﺖ ﺭﻭﺣﻲ ﻭﺍﻗﻒ ﻫﻨﻲ .. ﻭﻟﻘﻴﺖ ﻓﻴﻪ ﻧﺎﺱ ﺑﺲ ﺑﻌﺪﺩﺑﺴﻴﻂ ﺍﻗﻞ ﻣﻦ ﻫﻜﻲ ﺍﻟﻠﻲ ﻳﻔﻄﺮ ﻭﺍﻟﻠﻲ ﻳﺘﺮﻳﺾ ﺯﻱ ﻣﺎﺗﺸﻮﻓﻲ ..
ﻧﻮﺭﺍﻥ : ﺑﺠﺪ ﻳﻔﺘﺢ ﺍﻟﻨﻔﺲ ﻉ ﻛﻞ ﺷﻲ ...
ﻛﻤﺎﻝ ﺍﺑﺘﺴﻢ : ﺻﺢ .. ﻭﻗﻒ ﻭﺷﺒﺢ ﺣﻮﺍﻟﻴﻪ .. ﻫﻨﻲ ﻛﻮﻳﺲ؟
ﻧﻮﺭﺍﻥ ﺑﺈﺑﺘﺴﺎﻣﻪ : ﺍﻫﺎ ...
ﻗﻌﻤﺰﻭﺍ ﻉ ﻋﺸﺐ ﺃﺧﻀﺮ ﺑﻌﺪﻣﺎﻓﺮﺷﻮﺍ ﺗﺤﺘﻬﻢ ﻓﺮﺷﺎﺕ ﺟﺎﺑﻬﻢ ﻛﻤﺎﻝ ...
ﻧﻮﺭﺍﻥ : ﺑﺮﻏﻢ ﺍﻥ ﺷﺘﺎ ... ﺑﺲ ﺍﻟﺠﻮ ﺣﻠﻮ ﻫﻨﺎ ..
ﻛﻤﺎﻝ : ﺻﻘﻌﺎﻧﻪ؟
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ﻭﻫﻲ ﻣﺒﺘﺴﻤﻪ ..
ﻛﻤﺎﻝ ﺍﺑﺘﺴﻢ ﻭﺧﺪﻱ ﻃﺮﻣﺲ ﻗﻬﻮﺓ ﺟﺎﻳﺒﻪ ﻣﻌﺎﻩ ﻭﻫﻮ ﺩﺍﻳﺮﻫﺎ ... ﻭﺻﺒﻠﻬﺎ ﻓﻲ ﻣﻖ ﻫﻮ ﺟﺎﻳﺒﻪ : ﺗﻔﻀﻠﻲ ..
ﻧﻮﺭﺍﻥ : ﻭﺍﺍﻱ ﺟﺎﻳﺐ ﻣﻌﺎﻙ ﻛﻞ ﺣﺎﺟﻪ .. ﻏﻴﺮ ﻛﺎﻥ ﺧﺒﺮﺗﻨﻲ ﻉ ﺍﻟﻤﻜﺎﻥ ﺭﻩ ﺟﺒﺖ ﻣﻌﺎﻱ ﺣﺘﻰ ﺍﻧﺎ ..
ﻛﻤﺎﺏ ﺑﺈﺑﺘﺴﺎﻣﻪ : ﺍﻧﻲ ﺍﻟﻠﻲ ﻋﺎﺯﻡ ... ﻭﻫﻴﺎ ﺍﺷﺮﺑﻴﻬﺎ ﻭﻫﻲ ﺳﺨﻮﻧﻪ ..
ﺍﺑﺘﺴﻤﺖ : ﺣﺎﺿﺮ ...
ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ... ﻟﻘﺖ ﻧﺎﺱ ﺍﺣﻮﺍﻟﻬﻢ ﻣﺨﺘﻠﻔﻪ .. ﺍﻟﻠﻲ ﺟﺎﻱ ﺑﺮﻭﺣﻪ .. ﻭﺍﻟﻠﻲ ﺟﺎﻱ ﻣﻌﺎﻩ ﺻﺎﺣﺐ .. ﻭﺍﻟﻠﻲ ﺟﺎﻱ ﻫﻮ ﻭﺷﻴﺒﺎﻧﻲ ﻛﺒﻴﺮ ﻉ ﺍﻟﻐﺎﻟﺐ ﺑﻮﻩ .. ﻗﻌﺪﺕ ﻣﺮﻛﺰﺓ ﻋﻠﻴﻬﻢ ﻫﻤﺎ ﺃﻛﺜﺮ ﺷﻲ ..
ﻭﻛﻤﺎﻝ ﺭﻛﺰ ﻋﻠﻴﻬﺎ ﻭﻭﺟﻌﻪ ﻗﻠﺒﻬﺎ .. ﻳﺸﻮﻑ ﻓﻌﻴﻮﻧﻬﺎ ﺍﻟﻤﻌﺒﻴﻪ ﺩﻣﻮﻉ .. ﺍﻟﻤﻌﺒﻴﻪ ﺷﻮﻕ .. ﻭﺣﺰﻥ ... ﻭﻓﻘﺪ ... ﻭﺍﺣﺘﻴﺎﺝ ...
ﻧﻮﺭﺍﻥ ﺿﺤﻜﺖ : ﺑﺎﺗﻪ ﻳﻮﻛﻞ ﻓﻴﻪ ... ﺗﻘﻮﻟﺶ ﻭﻟﺪﻩ ﻛﻴﻒ ﺍﻟﺒﺎﺏ ﻭﺷﻨﺎﺑﻪ ﻣﻌﺒﻲ ﻭﺟﻪ ..
ﻛﻤﺎﻝ ﺷﺒﺤﻠﻬﻢ ...
ﻟﺤﻈﻪ ﺟﺎﺗﻪ ﺻﻮﺭﺓ ﺧﻄﻒ ... ﻟﺸﻴﺒﺎﻧﻲ ﻓﻲ ﻧﻔﺲ ﺍﻟﻌﻤﺮ ﻭﺳﻤﻊ ﻛﻠﻤﻪ ﻭﺣﺪﻩ "... ﻳﺎﺟﺪﻱ ..."
ﺷﺪ ﺭﺍﺳﻪ ﺑﻴﺪﻩ ﻭﻧﻮﺭﺍﻥ ﻣﺎﻛﺎﻧﺘﺶ ﻣﺮﻛﺰﺓ ..
ﻭﺣﺪﻩ ﻭﺭﺍﻫﻢ ﻧﺨﺼﺖ ﻧﻮﺭﺍﻥ ﻣﻦ ﻛﺘﻔﻬﺎ .. ﺍﻟﺘﻔﺘﺖ ﻧﻮﺭﺍﻥ ..
ﺍﻟﺒﻨﺖ : ﺑﺤﺘﻲ ﻟﻠﻲ ﻣﻌﺎﻙ ﻛﻨﻪ .. ﺷﺒﺤﺘﻠﻪ ..
ﻧﻮﺭﺍﻥ ﺑﺨﻮﻑ ﻗﺮﺑﺘﻠﻪ : ﻛﻨﻚ ﻛﻤﺎﻝ ..
ﻛﻤﺎﻝ ﻭﻫﻮ ﻳﺘﺄﻟﻢ : ﺵ .. ﻱ
ﻧﻮﺭﺍﻥ ﺑﺨﻮﻑ ﺷﺪﻳﺪ : ﻻ .. ﻭﻳﻦ ﺷﻲ ... ﻗﻌﺪﺕ ﺗﺸﺒﺤﻠﻪ ﺷﻮﻳﻪ ﺷﺪﺕ ﻳﺪﻩ ﺍﻟﺘﺎﻧﻴﻪ ...
ﻫﻮ ﺳﺮﻱ ﻓﻲ ﺟﺴﻤﻪ ﺗﻴﺎﺭ ﻛﻬﺮﺑﺎﺋﻲ ﺑﺲ ﻣﺎﻳﺸﺒﻬﺶ ﺍﻟﻠﻲ ﻧﻌﺮﻓﻮﻩ ... ﻫﺬﺍ ﻏﻴﻴﻴﻴﻴﺮ ..💓
ﺧﻼ ﻗﻠﺒﻪ ﻳﺮﺟﻒ ﺩﺍﺧﻠﻪ ﺭﺟﻔﻪ ﺣﻠﻮﻩ .. ﺣﻮﻝ ﻳﺪﻩ ﻣﻦ ﻉ ﺭﺍﺳﻪ ﻭﻗﻌﺪ ﻳﺸﻮﻑ ﻟﻌﻴﻮﻧﻬﺎ ﻭﻫﻲ ﺗﺸﻮﻓﻠﻪ ...
ﻛﺎﻧﺖ ﺷﺎﺩﻩ ﻳﺪﻩ ﺑﺲ ﻫﻮ ﻏﻴﺮ ﺍﻟﻮﺿﻊ ﻭﺷﺪ ﻳﺪﻫﺎ ﺑﻘﻮﺓ ...
ﻛﺎﻧﺖ ﺩﺍﻓﻴﻪ ... ﻭﻳﺪﻫﺎ ﻫﻲ ﻣﺼﻘﻌﻪ ..
💙 ﻧﻮﺭﺍﻥ ..
ﻭﺍﻟﻠﻪ ﺍﻟﻌﻈﻴﻢ ﻓﻘﺪﺕ ﺍﻹﺣﺴﺎﺱ ﺑﻜﻞ ﺷﻲ ﻋﺪﺍ ﻟﻤﺴﺔ ﻳﺪﻩ .. ﻟﻠﺤﻈﻪ ﺣﺴﻴﺖ ﺍﻥ ﻣﺎﻓﻲ ﺣﺪ ﻓﻲ ﺍﻟﻤﻜﺎﻥ ﻏﻴﺮﻱ ﺍﻧﺎ ﻭﻳﺎﻩ ... ﻟﻤﺴﻪ ﻣﻦ ﻳﺪﻩ ﻟﻴﺪﻱ ﺧﻠﺘﻨﻲ ﻧﺤﺲ ﺑﻬﻀﺎ ﻛﻠﻪ ... ﻣﺎﻧﺤﻜﻴﻠﻜﻤﺶ ﻉ ﺣﺎﻟﺔ ﻗﻠﺒﻲ ﻋﺎﺩ ... ﺣﺎﻝ ﻣﺎﻳﻨﻮﺻﻒ ...
ﻧﻮﺭﺍﻥ ﻭﻭﺟﻬﻬﺎ ﺍﺣﻤﺮ ﻭﺯﻱ ﺍﻟﻨﺎﺭ : ﺍﻧﺖ ... ﻛﻮﻳﺲ ..
ﻛﻤﺎﻝ : ﻫﻠﺒﻪ 💓...
ﺟﺖ ﺑﺘﺤﻮﻝ ﻳﺪﻫﺎ ﻗﻌﺪ ﺷﺎﺩﻫﺎ ... ﺷﺒﺤﺘﻠﻪ ﺑﺼﺪﻣﻪ ... ﻭﻗﺮﻳﺐ ﻳﺮﻗﺎ ﺳﻜﺮﻫﺎ ﻣﻦ ﻗﻮﺓ ﺷﻌﻮﺭﻫﺎ ...
ﻧﻮﺭﺍﻥ ﺗﻠﺨﺒﻄﺖ ﺑﺎﻟﻤﺮﺓ : ﻙ .. ﻧﻚ .. ﻭﺗﺘﻨﻔﺲ ﺑﺼﻌﻮﺑﻪ ..
ﻫﻮ ﺍﺳﺘﺎﻗﺾ .. ﺑﻠﻊ ﺭﻳﻘﻪ ﻭﺣﻮﻝ ﻳﺪﻩ ﺑﺎﻟﺸﻮﻳﻪ ﻟﻴﻦ ﻻﻣﺴﺖ ﺍﻃﺮﺍﻑ ﺍﺻﺎﺑﻌﻪ ﺍﻃﺮﺍﻑ ﺍﺻﺎﺑﻌﻬﺎ : ﺍﺣﻤﻢ .. ﻟﻤﺎ ﺷﻔﺘﻬﻢ .. ﻫﺎﺩﻡ .. ﺍﺷﺮ ﺑﺴﺒﺎﺑﺘﻪ ﻉ ﺍﻟﺸﺎﺏ ﻭﺍﻟﺸﻴﺒﺎﻧﻲ ﺍﻟﻠﻲ ﻣﻌﺎﻩ .. ﺍﺫﻛﺮﺕ ﺣﺪ ﻣﻦ ﻋﻴﻠﺘﻲ ..
ﻫﻲ ﻗﻠﺒﻬﺎ ﺍﻧﻘﺒﺾ : ﻣﻦ؟ !!
ﻛﻤﺎﻝ : ﺟﺪﻱ .. ﺗﻘﺮﻳﺒﺎ ﺟﺪﻱ .. ﺑﺲ ﺍﻟﺸﻜﻞ ﻣﺶ ﻗﺎﺩﺭ ﻧﺠﻴﺒﻪ .. ﻳﺪﻭﺏ ﺯﻱ ﺧﻄﻤﺖ ﺯﻱ ﺍﻟﺒﺮﻕ ﺍﻟﺼﻮﺭﺓ ﺍﻟﻠﻲ ﺷﻔﺘﻬﺎ ..
ﻧﻮﺭﺍﻥ ﺑﻌﺪﺕ ﻭﻗﻌﻤﺰﺕ ﻭﺍﺑﺘﺴﻤﺖ ﺍﺑﺘﺴﺎﻣﻪ ﺗﺨﻔﻲ ﺧﻮﻓﻬﺎ : ﻛﻮﻳﺲ .. ﺍﻫﻮ ﻋﺮﻓﺖ ﺍﻥ ﻋﻨﺪﻙ ﺟﺪ ..
ﺷﺒﺤﻠﻬﺎ ﻭﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻭﻗﻌﺪ ﻳﺸﺒﺤﻠﻬﻢ ﻣﻦ ﺟﺪﻳﺪ .. ﻭﻫﻲ ﻣﺎﺣﺒﺘﺶ ﺗﻘﺎﻃﻌﻪ ﻭﻻﺗﺰﻋﺠﻪ ..
💙 ﻧﻮﺭﺍﻥ .
ﺍﻫﺎ ﻧﺤﺒﻪ .. ﻧﻌﺸﻖ ﺗﺮﺍﺏ ﺧﻄﺎﻭﻳﻪ .. ﺑﺲ ﻣﺶ ﺣﻨﻜﻮﻥ ﺍﻧﺎﻧﻴﻪ .. ﻭﻧﺨﻠﻴﻪ ﻋﺎﻳﺶ ﻋﺬﺍﺏ ﺍﻟﻌﻴﺸﻪ ﻭﻫﻮ ﻣﺠﻬﻮﻝ ﺑﺎﻟﻨﺴﺒﻪ ﻟﻨﻔﺴﻪ ﻭﻟﻐﻴﺮﻩ ﻋﺸﺎﻥ ﻣﺎ ﻳﺠﻴﺶ ﻳﻮﻡ ﻭﻳﻌﺪﻱ ﻭﻳﺴﻴﺒﻨﻲ ...
ﻛﻞ ﻫﻤﻲ ﺍﻧﻪ ﻳﺮﺗﺎﺡ .. ﺭﺍﺣﺘﻪ ﺍﻫﻢ ﻣﻦ ﺭﺍﺣﺘﻲ ﻋﻨﺪﻱ ...
ﻓﻲ ﻫﺎﻟﻮﻗﺖ .. ﻭﺫﺍﻧﻲ ﻏﺼﺐ ﻋﻨﻲ ﻟﻘﻄﻦ ﻛﻼﻡ ﺟﺎﺭﺡ ...
ﺍﻟﺒﻨﺎﺕ ﺍﻟﻤﻘﻌﻤﺰﻳﻦ ﻭﺭﺍﻫﻢ ﻳﺸﺒﺤﻮﻟﻬﻢ ﻭﻳﻌﻠﻘﻮﺍ ..
: ﻣﺴﺘﺤﻴﻞ ..
: ﻭﻟﻴﺶ ﻻ ... ﻫﺬﻳﻨﺎ ﻫﻨﺎ ﺍﻟﻠﻲ ﻳﻄﻴﺤﻦ ﻣﺼﺒﻴﺎﺕ ..
: ﺗﻠﻘﻴﻬﺎ ﺩﺍﻳﺮﺗﻠﻪ ﺧﻄﻴﻦ ...
: ﻫﻬﻬﻬﻬﻪ ﺑﺴﺒﻮﺳﻪ ﻭﺍﻧﺘﻲ ﺍﻟﺼﺎﺩﻗﻪ ..
: ﺗﺲ ... ﻳﻘﻬﺮ ﻳﺎﺧﻴﻪ ﻋﻤﺮﻱ ﻣﺎﺣﻘﻴﺖ ﺑﺴﻤﺎﺣﺘﻪ ﺷﻦ ﻟﻤﻪ ﻉ ﻫﺬﻱ ..
: ﻳﻠﻼ ﺭﺑﻲ ﻳﻬﻨﻲ ﺳﻌﻴﺪ ﺑﺴﻌﻴﺪﻩ ..
: ﻗﻮﻟﻲ ﻳﺪﻱ ﺍﻟﺤﻠﻖ ﺍﻟﻠﻲ ﻣﺎﻋﻨﺪﻩ ﻭﺫﺍﻥ ..
: ﺧﻼﺹ ﺍﺳﻜﺘﻲ ﺗﻮ ﻳﺴﻤﻌﻮﻙ ..
ﻟﻨﻮﺭﺍﻥ ﻛﻼﻣﻬﻢ ﻛﺎﻥ ﺟﺎﺭﺡ ﻭﻳﻜﺴﺮ ﺍﻟﺨﺎﻃﺮ .. ﻭﻫﻲ ﻣﻦ ﻏﻴﺮ ﺷﻲ ﺧﺎﻃﺮﻫﺎ ﻣﻜﺴﻮﺭ ..
💙 ﻧﻮﺭﺍﻥ ..
ﻣﻌﺘﺮﻓﻪ ﺍﻧﻲ ﻣﺶ ﺑﻨﺖ ﺳﻤﺤﻪ .. ﻋﺎﺩﻳﻪ .. ﺑﺲ ﻣﺶ ﺳﻤﺤﻪ .. ﻭﻧﻌﺘﺮﻑ ﺍﻧﻲ ﻧﻬﺰﺍ ﻉ ﻧﻔﺴﻲ ﻟﻤﺎ ﻧﺼﺒﻲ ﺣﺪﺍﻩ .. ﺑﺲ ﻛﻼﻣﻬﻦ ﻗﻬﺮﻧﻲ ﻭﺍﺟﺪ .. ﺣﺴﻴﺖ ﺍﻧﻲ ﻣﻦ ﺍﻟﻮﺟﻊ ﻧﺒﻲ ﻧﺒﻜﻲ ﺑﻘﻮﺓ ﺟﻬﺪﻱ ..
ﺑﺲ ﻣﺴﻜﺖ ﻧﻔﺴﻲ ﺑﻜﻞ ﻣﺎﻋﻨﺪﻱ ﻣﻦ ﻗﻮﺓ ...
ﺷﺒﺤﺘﻠﻪ ﻟﻘﺎﺗﻪ ﺍﺑﺘﺴﻢ ﻭﻫﻮ ﻳﺮﺍﻗﺐ ﻓﻲ ﺍﻟﺸﻴﺒﺎﻧﻲ ﻭﺍﻟﺸﺎﺏ ﺑﻌﺪﻳﻦ ﻧﺎﺽ : ﺷﻮﻳﻪ ﻭﺟﺎﻱ ..
ﻧﻮﺭﺍﻥ ﺍﺑﺘﺴﻤﺖ ﻭﻫﻲ ﺗﺨﻔﻲ ﻏﺼﺘﻬﺎ : ﺧﻮﺩ ﺭﺍﺣﺘﻚ ..
ﻣﺸﻲ ﻭﻫﻲ ﺗﻨﻬﺪﺕ ﻭﻗﻌﺪﺕ ﺗﺸﺒﺢ ﻟﻸﺭﺽ ﺧﺪﺕ ﻋﻮﺩ ﻣﻦ ﺷﺠﺮﻩ ﻳﺒﺎﻥ .. ﻭﻗﻌﺪﺕ ﺗﺨﻂ ﻉ ﺗﺮﺍﺏ ... ﺷﻮﻳﻪ ﻭﻟﻘﺖ ﺭﻭﺣﻬﺎ ﺗﻜﺘﺐ ﻓﻲ ﺍﺳﻤﻪ ... ﻭﺣﺎﻭﻟﺖ ﺗﻜﺘﺐ ﺍﺳﻤﻬﺎ ﺟﻨﺒﻪ .. ﻣﺎﻗﺪﺭﺗﺶ ..
ﺣﺎﻭﻟﺖ ﻣﺮﺓ ﺗﺎﻧﻴﻪ ﻭﻟﻤﺎ ﻛﺘﺒﺖ ﺣﺮﻑ ﺍﻟﻨﻮﻥ ﻃﻮﻝ ﻣﺴﺤﺖ ﻛﻞ ﺷﻲ ﺑﻌﺒﺜﻴﻪ ﻭﺩﻣﻌﺘﻬﺎ ﻧﺰﻟﺖ .. ﺣﻀﻨﺖ ﻧﻔﺴﻬﺎ ﻭﻫﻲ ﺗﺸﺒﺢ ﻟﻮﻃﺎ ﻭﺩﻣﻮﻋﻬﺎ ﻳﺘﻘﺎﻃﺮﻭﺍ ﻉ ﺍﻟﺘﺮﺍﺏ ﻳﺒﻠﻮﺍ ﻓﻴﻪ .. ﺯﻱ ﻣﺎﻳﺪﻳﺮﻭﺍ ﻗﻄﺮﺍﺕ ﺍﻟﻨﺪﻱ ﺍﻭﻝ ﻣﺎﻳﻄﻠﻊ ﺍﻟﻔﺠﺮ ..
" ﺻﺒﺢ ..."
ﻣﺴﺤﺖ ﺩﻣﻮﻋﻬﺎ ﻭﻗﺎﻣﺖ ﺭﺍﺳﻬﺎ ﻭﺍﻧﺼﺪﻣﺖ ...
ﻟﻘﺎﺗﻪ ﻣﺎﺩﻟﻬﺎ ﻭﺭﺩﺓ ...
ﻛﻤﺎﻝ : ﺍﺣﻤﻤﻢ ... ﺳﺎﻭﺍ ﺟﻜﺎﺗﻪ ... ﻭﻗﺎﻝ ﺑﺮﻓﻌﺔ ﺣﺎﺟﺐ ... ﺃ ﺗﻘﺒﻠﻬﺎ ﻣﻨﻲ ﺁﻧﺴﺘﻲ ﺍﻟﺠﻤﻴﻠﻪ ...
ﻭﻃﺒﻌﺎ ﻗﺎﻟﻬﺎ ﺑﺼﻮﺗﻪ ﺍﻟﺮﺧﻴﻢ ﺍﻟﺤﻠﻮ .. ﺍﻟﻠﻲ ﺩﻳﻤﺎ ﻫﻲ ﺗﺸﺒﻪ ﻓﻴﻪ ﺑﺼﻮﺕ ﺍﻹﺫﺍﻋﻴﻴﻦ ...
ﻧﻮﺭﺍﻥ ﻗﻌﺪﺕ ﺗﺸﻮﻓﻠﻪ ﻭﺧﻼﺹ ...
ﻓﻲ ﻭﺣﺪﻩ ﺗﺠﺮﻱ ﺷﺎﻓﺘﻬﻢ ﻭﻗﻔﺖ ﻭﻗﺎﻟﺖ : ﺧﻮﺩﻳﻬﺎ ﻣﻨﻪ ﻳﺎﺑﺘﻲ ﻟﻮ ﻣﻜﺎﻧﻚ ﺧﺪﻳﺘﻬﺎ ﻭﺧﺪﻳﺘﻪ ..
ﺿﺤﻜﻮﺍ ﺍﻟﻤﻮﺟﻮﺩﻳﻦ ﺍﻟﻠﻲ ﻛﺎﻧﻮﺍ ﻣﺮﻛﺰﻳﻦ ﻋﻠﻴﻬﻢ ..
ﻧﻮﺭﺍﻥ ﺿﺤﻜﺖ ﺑﺨﺠﻞ ﻭﺷﺒﺤﺘﻠﻪ ﻭﺧﺪﺗﻬﺎ ﻭﺷﻤﺘﻬﺎ
ﻛﻤﺎﻝ ﻗﻌﻤﺰ : ﻳﻐﺎﺭ ﺍﻟﻮﺭﺩ ﻣﻦ ﺣﺴﻨﻚ " ﻗﺎﻟﻬﺎ ﺑﺎﻟﺨﻠﻴﺠﻲ .."
ﺿﺤﻜﺖ ﺑﺨﺠﻞ : ﺷﻦ ﻗﻠﻨﺎ ﻧﺤﻨﺎ ...
ﻛﻤﺎﻝ : ﻫﻬﻬﻬﻬﻬﻬﻬﻬﻬﻬﻪ ...
ﺍﻟﻨﺎﺱ ﻛﺎﻧﻮﺍ ﻳﺸﻮﻓﻮﻟﻬﻢ ﺑﻨﻈﺮﺍﺕ ﻣﺨﺘﻠﻔﻪ ﺍﻟﻠﻲ ﺣﺒﻬﻢ ﻣﻊ ﺑﻌﺾ ... ﺍﻟﻠﻲ ﺣﺴﺪﻫﻢ ... ﺍﻟﻠﻲ ﺗﻤﻨﻰ ﻟﻮ ﻳﻌﻴﺶ ﺣﺎﻟﺘﻬﻢ ...
ﺍﻣﺎ ﻫﻤﺎ ﻓﺒﺪﻭﺍ ﻳﻔﻄﺮﻭﺍ ﻭﻫﻤﺎ ﻳﺎﻛﻠﻮﺍ ﻓﺘﺤﻮﺍ ﻣﻮﺿﻮﻉ ﺳﻨﺪﺱ ..
ﻛﻤﺎﻝ ﺑﻠﻊ ﻟﻘﻤﺘﻪ : ﺍﻣﻢ .. ﻣﻦ ﻫﻮ؟
ﻧﻮﺭﺍﻥ ﺑﻀﺤﻜﻪ : ﺍﺑﻮ ﺍﻟﻬﻮﻝ ..
ﻛﻤﺎﻝ ﺗﻔﺎﺟﺄ : ﻻ ....!!! ﻫﻬﻬﻬﻬﻪ ... ﺍﻛﺮﻡ؟ !!!
ﻧﻮﺭﺍﻥ ﺑﻀﺤﻜﻪ : ﺍﻫﺎ ﻳﺎﺳﻴﺪﻱ ..
ﻛﻤﺎﻝ ﺑﻀﺤﻜﻪ : ﻗﺎﻟﺐ ﺍﻟﺪﻧﻴﺎ ﻉ ﺭﺍﺳﻪ ﻫﺎﻷﻛﺮﻡ ...
ﻧﻮﺭﺍﻥ : ﻫﻬﻬﻬﻬﻬﻪ .. ﺭﻳﺘﻪ ....
ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ ... ﺍﻟﻤﺸﻜﻠﻪ ﺍﻥ ﺍﻛﺮﻡ ﻋﻴﻨﻪ ﻣﻦ ﻏﻴﺮﻫﺎ ..
ﻛﻤﺎﻝ ﺍﺫﻛﺮ ﻧﻬﺎﺭ ﺷﺎﻓﻪ ﻫﻮ ﻭﺳﺎﺭﻩ .. ﻭﻗﺎﻋﺪ ﺷﺎﻏﻞ ﺑﺎﻟﻪ ﺳﺆﺍﻝ ﻣﻦ ﺗﻜﻮﻥ .. ﺳﺮﺡ ..
ﻧﻮﺭﺍﻥ : ﻛﻤﺎﺍﺍﻝ ..
ﺷﺒﺤﻠﻬﺎ : ﻫﺎﺍﻩ ..
ﻧﻮﺭﺍﻥ : ﻭﻳﻦ ﺳﺎﻓﺮﺕ ..
ﻛﻤﺎﻝ ﺿﺤﻚ : ﻗﺎﻋﺪ ﻫﻨﻰ ..
ﻧﻮﺭﺍﻥ : ﻫﻬﻬﻬﻬﻬﻬﻪ ... ﺑﺎﻫﻲ ﻗﻮﻟﻲ ﻛﻴﻒ ﻳﺼﻴﺮ ..
ﻛﻤﺎﻝ ﻓﻜﺮ ﺷﻮﻳﻪ ﻭﺑﻌﺪﻳﻦ ﻗﺎﻝ : ﺧﻞ ﻧﻜﻠﻤﻮﻫﺎ ﺍﻧﻲ ﻭﻳﺎﻙ ﻣﻊ ﺑﻌﺾ ..
ﻧﻮﺭﺍﻥ ﺍﺑﺘﺴﻤﺖ : ﻭﺍﻟﻠﻪ ﺍﺣﺴﻦ ﺭﺍﻱ ..
ﻛﻤﺎﻝ ﺍﺑﺘﺴﻢ : ﻛﻮﻳﺲ ... ﺍﻓﻄﺮﻱ ..
ﻧﻮﺭﺍﻥ ﺍﺑﺘﺴﻤﺖ : ﺑﺎﻫﻲ 💓..
***
ﺳﺎﺭﻩ ﺍﻟﻠﻲ ﺳﻤﻌﺎﺗﻪ ﻗﺎﻋﺪ ﻣﺴﻴﻄﺮ ﻉ ﺗﻔﻜﻴﺮﻫﺎ ...
ﻣﻌﻘﻮﻟﻪ ﺍﻛﺮﻡ ﻳﻄﻠﻊ ﻭﺍﺣﺪ ﻭﺍﻃﻲ ﻭﻫﻲ ﺍﻧﺨﺪﻋﺖ ﺑﻴﻪ !!
ﻣﻌﻘﻮﻟﻪ ﻫﻲ ﺍﻟﻠﻲ ﻛﺎﻧﺖ ﺩﻳﻤﺎ ﺣﺮﻳﺼﻪ ﻭﻣﺴﺘﺤﻴﻞ ﻳﻨﻀﺤﻚ ﻋﻠﻴﻬﺎ ﻓﻲ ﺃﻱ ﺷﻲ .. ﺗﻨﺨﺪﻉ ﺑﻬﺎﻟﺴﻬﻮﻟﻪ ﻭﺗﻜﻮﻥ ﻣﺠﺮﺩ ﻛﻮﻣﺒﺎﺭﺱ ﺍﺳﺘﺨﺪﻣﻪ ﺑﺶ ﻳﻐﻴﺾ ﺑﻴﻪ ﺣﺒﻴﺒﺘﻪ .. ﻻﻭﻫﻮ ﻗﺎﺑﻞ ﻉ ﻧﻔﺴﻪ ﺍﻥ ﻳﻜﻮﻥ ﻉ ﻋﻼﻗﻪ ﺑﻤﺮﺍﻩ ﻣﺘﺰﻭﺟﻪ ... ﻣﺎﻩ ﻛﻼﻣﻪ ﻟﻴﻬﺎ ﺍﻟﻠﻲ ﺳﻤﻌﺎﺗﻪ
ﻫﻜﻲ ﻳﺒﻴﻦ ..
ﺷﻐﻠﺖ ﻧﻔﺴﻬﺎ ﺑﺘﻨﻈﻴﻒ ﺍﻟﻔﻴﻼ ﻭﻣﺎﻛﺎﻧﺘﺶ ﺗﺒﻲ ﺗﻔﻜﺮ ﻓﻴﻪ ﺑﻜﻞ ..
ﻹﻧﻪ ﻣﺎﻳﺴﺘﺎﻫﻠﺶ ﺯﻱ ﻣﺎﻫﻲ ﺣﺎﻃﻪ ﻓﺒﺎﻟﻬﺎ ..
***
ﻭﻟﻜﻦ ﻟﻤﺎﺫﺍ ..
: ﺍﻋﺘﺬﺭ ﻟﻚ ﺟﺪﺍ ﻫﺬﻩ ﺍﻭﺍﻣﺮ ﺍﻟﺴﻴﺪ ﺟﻮﻥ ..
ﻛﻨﺎﻧﻪ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺣﺴﻨﺎ ...
: ﺍﻧﺎ ﺍﺳﻔﻪ ..
ﻛﻨﺎﻧﻪ : ﻻﺩﺍﻋﻲ .. ﻟﻔﺖ ﻭﻃﻠﻌﺖ ﻣﻦ ﺍﻟﻤﺮﻛﺰ ﻭﺩﻣﻮﻋﻬﺎ ﻧﺰﻟﻮﺍ ﻃﻮﻝ .. ﻗﻌﺪﺕ ﺗﻤﺸﻲ ﻭﻫﻲ ﺗﺒﻜﻲ ﻭﻣﻘﻬﻮﺭﺓ ﻉ ﺍﻟﺤﺎﻝ ﺍﻟﻠﻲ ﻭﺻﻠﺘﻠﻪ .. ﻋﺎﺭﻓﻪ ﻛﻮﻳﺲ ﺇﻥ ﺍﻟﻠﻲ ﻭﺭﺍ ﻫﺬﺍ ﻛﻠﻪ ﻣﻨﻴﺮ .. ﻳﺒﻲ ﻳﺮﻏﻤﻬﺎ ﺗﻮﺍﻓﻖ ﻋﻠﻴﻪ ﺑﺲ ﻫﻲ ﻣﺎﺗﺒﻴﺶ ﺗﺴﺘﺴﻠﻢ ﻣﻬﻤﺎ ﺩﺍﺭ ..
ﻭﻗﻔﺖ ﺣﺪﺍ ﺍﻟﺒﺤﺮ ﻭﻫﻲ ﺗﺘﻔﺮﺝ ﻉ ﺍﻟﻨﻮﺍﺭﺱ ﺍﻟﻠﻲ ﻃﻴﺮ ...
ﻭﺭﺟﻌﻠﻬﺎ ﺍﻟﻤﺎﺿﻲ ﺑﺬﻛﺮﻯ ﺑﻌﻴﺪﻩ ...
ﻓﻼﺵ ﺑﺎﻙ ...
ﻓﺎﺗﺤﻪ ﻋﻴﻮﻧﻬﺎ ﻭﻓﻤﻬﺎ ﺑﺼﺪﻣﻪ ..
ﻋﻼﺀ : ﻫﻬﻬﻬﻬﻬﻬﻬﻬﻪ ...
ﻛﻨﺎﻧﻪ ﺑﺼﺪﻣﻪ : ﻋﻼﺀ ... ﺍﻧﺖ ﻣﺘﺄﻛﺪ .. ﻫﺬﺍ ﻛﻠﻪ ﻟﻴﺎ .. ﻣﺮﻛﺰ ﻣﺘﺎﻋﻲ !! ؟؟
ﻋﻼﺀ ﺍﺑﺘﺴﻢ : ﺍﻳﻪ .. ﻣﺮﻛﺰ ﺍﻟﻜﻨﺎﻧﻪ .. ﺯﻱ ﻣﺎﻛﻨﺘﻲ ﺣﺎﺑﻪ ﺗﺴﻤﻴﻪ ..
ﻛﻨﺎﻧﻪ : ﻋﻼﺀ .. ﻫﻮ ﻳﻌﻨﻲ ﻛﺎﻥ ﻣﺠﺮﺩ ﺣﻠﻢ ﻟﻴﺎ ﻗﺘﻬﻮﻟﻚ ﻭﺧﻼﺹ .. ﻳﻌﻨﻲ ..
ﻋﻼﺀ ﺷﺪ ﻳﺪﻫﺎ ﻭﺑﺎﺳﻬﺎ ﺑﻌﺪﻳﻦ ﺷﺒﺢ ﻟﻌﻴﻮﻧﻬﺎ ﻭﻗﺎﻝ : ﻣﻌﺎﻱ ﺍﻧﻲ ﻛﺎﻥ ﻗﺪﺭﻧﻲ ﺭﺑﻲ ﺍﺣﻼﻣﻚ ﻭﺍﻗﻊ ...
ﻛﻨﺎﻧﻪ ﺑﺈﺑﺘﺴﺎﻣﻪ ﻭﻋﻴﻮﻥ ﻣﻠﻴﺎﻧﻪ ﺩﻣﻮﻉ : ﻧﺤﺒﻚ ﻣﻮﻭﻭﺕ ..
ﻋﻼﺀ : ﻭﺍﻧﻲ ﻧﻤﻮﺕ ﻓﻲ ﺑﻮﻙ ﻭﺍﻣﻚ ﺍﻟﻠﻲ ﺟﺎﺑﻮﻙ ..
ﻛﻨﺎﻧﻪ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ ..
ﺍﻟﻮﻗﺖ ﺍﻟﺤﺎﺿﺮ ..
ﺑﻜﺖ ﺑﺤﺮﻗﻪ ﺷﺪﻳﺪﻩ ... ﻭﻫﻲ ﺗﺴﺄﻝ ﻓﻨﻔﺴﻬﺎ ﻋﻼﺵ ﻫﻜﻲ ﺻﺎﺭ ﻣﻌﺎﻫﺎ ...
ﻭﻗﺎﻋﺪ ﻳﺼﻴﺮ ... ﺭﻓﻌﺖ ﺭﺍﺳﻬﺎ ﻓﻮﻕ ﻭﻗﺎﻟﺖ : ﻳﺎﺍﺍﺍﺭﺏ ..
💖 ﻭﻣﺎ ﺧﺎﺏ ﻣﻦ ﻗﺎﻝ ﻳﺎﺭﺏ ..
***
ﻛﻤﻠﻮﺍ ﻓﻄﻮﺭﻫﻢ ﻭﻗﻌﺪﻭﺍ ﻳﺘﻤﺸﻮﺍ ﻓﻲ ﺍﻟﻤﻜﺎﻥ ...
ﻧﻮﺭﺍﻥ : ﻧﻔﻜﺮ ﻧﺎﺧﺪ ﻣﻜﺎﻥ ﺍﻭﺳﻊ ﺍﻟﺸﻐﻞ ﻛﺒﺮ ﻭﺍﻟﻌﺎﻣﻼﺕ ﺣﻴﺰﻳﺪﻥ ...
ﻛﻤﺎﻝ : ﻋﻨﺪﻙ ﺣﻖ ... ﺯﻱ ﻣﺎﺗﻮﺳﻊ ﺍﻟﺸﻐﻞ ﻻﺯﻡ ﻳﺘﻮﺳﻊ ﺍﻟﻤﻜﺎﻥ ﺍﻟﻠﻲ ﻳﺘﻢ ﻓﻴﻪ ..
ﻧﻮﺭﺍﻥ : ﺗﻌﺮﻑ .. ﻓﺮﺣﺎﻧﻪ ﻭﺍﺟﺪ .. ﺣﺎﺳﻪ ﺑﺎﻹﻧﺠﺎﺯ .. ﺍﻟﺤﻠﻢ ﺍﻟﻠﻲ ﺑﺪﺍ ﺑﻤﺎﻛﻴﻨﻪ ﻭﺣﺪﻩ ﻣﻦ ﺍﻟﺤﻮﺵ ﻛﺒﺮ ﻭﻭﺻﻞ ﻟﻬﻨﺎ ...
ﻭﻗﻔﺖ .. ﻧﺼﺎﺭﺣﻚ ﺑﺸﻲ ..
ﻭﻗﻒ ﻭﺍﺑﺘﺴﻢ : ﺷﻨﻮ ..
ﻧﻮﺭﺍﻥ ﺗﻨﻬﺪﺕ ﻭﻗﺎﻟﺖ : ﺍﻭﻝ ﻣﺮﻩ ﻧﺤﺲ ﺍﻥ ﻟﻮﺟﻮﺩﻱ ﻣﻌﻨﻰ ﻭﻓﺎﻳﺪﻩ ﻗﺒﻞ ﻛﻨﺖ ﻧﺤﺲ ﻓﺮﻭﺣﻲ ﻣﺠﺮﺩ ﻋﺎﻟﻪ ﻉ ﻏﻴﺮﻱ ﻭﻭﺟﻮﺩﻱ ﻭﻋﺪﻣﻪ ﻭﺍﺣﺪ ﻓﻲ ﻫﺎﻟﺪﻧﻴﺎ ..
ﻛﻤﺎﻝ : ﻧﺼﺎﺭﺣﻚ ﺑﺸﻲ ..
ﻧﻮﺭﺍﻥ : ﺷﻦ؟ !!
ﻛﻤﺎﻝ : ﺧﺎﻃﺮﻱ ﻧﻌﻄﻴﻚ ﻃﺮﻳﺤﻪ ...
ﻧﻮﺭﺍﻥ ﺑﻀﺤﻜﻪ : ﺣﻴﻪ ﻋﻠﻴﺎ ..
ﻛﻤﺎﻝ ﺑﻀﺤﻜﻪ : ﻧﺘﻜﻠﻢ ﺟﺪ ..
ﺻﺒﺢ ﻋﻼﺵ ﺩﻳﻤﺎ ﺍﻧﺘﻲ ﻫﻜﻲ ﻣﺴﺘﻘﻠﻪ ﺑﻨﻔﺴﻚ .. ﻭﺷﺎﻳﻔﻪ ﺭﻭﺣﻚ ﻓﻤﻨﺰﻟﻪ ﺍﻗﻞ ﻣﻦ ﺍﻟﻠﻲ ﺍﻧﺘﻲ ﻋﻠﻴﻬﺎ ؟؟ !!
ﻧﺎﺳﻴﻪ ﺍﻧﺘﻲ ﺷﻦ ﻣﺪﺍﻳﺮﻩ .. ﻓﺎﺗﺤﻪ ﻣﺴﺘﺸﻔﻰ ﻛﺒﻴﺮﻩ ﻣﻮﻓﺮﺓ ﻓﻴﻬﺎ ﻛﻞ ﺷﻲ .. ﺧﻴﺮﻳﻪ ﻟﻠﻨﺎﺱ ﺍﻟﻤﺤﺘﺎﺟﻪ ﻭﺍﻟﻠﻲ ﻇﺮﻭﻓﻬﻢ ﺻﻌﺒﻪ ﻭﻳﺎﻛﻢ ﻣﻦ ﻧﺎﺱ ﺧﺸﻮﺍ ﻟﻠﻤﺴﺘﺸﻔﻰ ﻳﻌﺎﻧﻮﺍ ﻃﻠﻌﻮﺍ ﻣﻨﻬﺎ ﻭﻫﻤﺎ ﻓﻲ ﺍﺣﺴﻦ ﺣﺎﻝ ... ﺍﻟﻤﺸﻐﻞ ﺍﻟﻠﻲ ﻓﺎﺗﺤﺘﻴﻪ ﻣﺸﻐﻠﻪ ﻓﻴﻪ ﺑﻨﺎﺕ ﻣﺤﺘﺎﺟﻴﻦ ﻟﻠﺨﺪﻣﻪ .. ﺑﺶ ﻳﺴﺎﻋﺪﻭﺍ ﺍﻫﺎﻟﻴﻬﻢ ﻭﻳﺼﺮﻓﻮﺍ ﻉ ﺃﺭﻭﺍﺣﻬﻢ .. ﺍﻧﺘﻲ ﻋﻔﻴﺘﻬﻢ ﻭﺑﻌﺪﺗﻬﻢ ﻋﻦ ﻃﺮﻳﻖ ﻏﻴﺮ ﺳﻮﻳﻪ ﻣﻤﻜﻦ ﻳﻤﺸﻮﺍ ﻓﻴﻬﺎ ﺑﺶ ﻳﻜﺴﺒﻮﺍ ﺍﻟﻘﺮﺵ .. ﻣﻨﺘﺒﻬﻪ ﻟﻌﻈﻢ ﺍﻟﻌﻤﻞ ﻫﺬﺍ ﺑﺎﻟﺬﺍﺕ ..
ﺻﺒﺢ ... ﻛﺎﻥ ﻭﺟﻮﺩﻙ ﻭﻋﺪﻣﻪ ﻭﺍﺣﺪ ﻭﺑﻼﻣﻌﻨﻰ .. ﻣﺎﻻ ﻣﻨﻮ ﻟﻠﻲ ﻟﻮﺟﻮﺩﻩ ﻣﻌﻨﻰ؟ !!!
ﻧﻮﺭﺍﻥ ﺍﺑﺘﺴﻤﺖ ﺑﺪﻣﻮﻉ : ﻣﺶ ﻋﺎﺭﻓﻪ .. ﺷﻦ ﻧﻘﻮﻟﻚ ..
ﻛﻤﺎﻝ ﺍﺑﺘﺴﻢ ﻭﻣﺴﺢ ﺑﻄﺮﻑ ﺍﺑﻬﺎﻣﻪ ﺩﻣﻌﻪ ﻧﺰﻟﺖ ﻣﻦ ﻋﻴﻮﻧﻬﺎ : ﻗﻮﻟﻲ ﺍﻧﻚ ﺣﺘﻤﺸﻲ ﻣﻌﺎﻱ ﺗﻮﺍ ﻟﻠﻤﺴﺘﺸﻔﻰ ﻭﺩﺍﻭﻣﻲ ﻳﻮﻡ ﻛﺎﻣﻞ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺍﻛﻴﻴﺪ 💓..
ﻛﻤﺎﻝ ﺿﺤﻚ : ﻫﻴﺎ ...
ﻣﺸﻮﺍ ﻣﻊ ﺑﻌﻀﻬﻢ ﻭﻛﻞ ﻭﺍﺣﺪ ﻓﻴﻬﻢ ﺩﺍﺧﻠﻪ ﻛﻢ ﻫﺎﺋﻞ ﻣﻦ ﺍﻟﻤﺸﺎﻋﺮ ﺍﻟﺤﻠﻮﻩ ﻣﺎﻋﺎﻟﻢ ﺑﻴﻬﺎ ﻏﻴﺮ ﺭﺑﻲ ...
ﻭﻗﻠﻮﺏ ﻗﺎﻋﺪﻩ ﺗﻘﺮﺏ ﻣﻦ ﺑﻌﻀﻬﺎ ﺑﻘﻮﺓ ﻭﻛﻞ ﻭﺍﺣﺪ ﻣﻨﻬﻢ ﻳﺒﻲ ﺍﻟﺘﺎﻧﻲ ﻳﻜﻮﻥ ﻣﻌﺎﻩ ﻭﻣﺎﻳﻔﺎﺭﻗﺎﺵ ﺑﻜﻞ ...💓💓
ﻓﺘﺤﻠﻬﺎ ﺍﻟﺒﺎﺏ ﺭﻛﺒﺖ ﺳﻜﺮﻩ ..
ﻭﻣﺸﻲ ﻓﺘﺢ ﺍﻟﺒﺎﺏ ﺍﻟﺨﻠﻔﻲ ﺣﻂ ﺍﻟﺤﺎﺟﺎﺕ .. ﻭﺑﻌﺪﻳﻦ ﻣﺸﻲ ﺭﻛﺐ ﺳﻜﺮ ﺍﻟﺒﺎﺏ .. ﺷﺒﺤﻠﻬﺎ ﻟﻘﺎﻫﺎ ﺗﺸﺒﺤﻠﻪ ﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ .. ﺿﺤﻜﺖ ﻫﻮ ﺍﺑﺘﺴﻢ ﺧﺪﻱ ﻧﻈﺎﺭﺍﺗﻪ ﻟﺒﺴﻬﻢ .. ﻭﺣﻄﻠﻬﺎ ﺍﻟﻮﺍﻗﻲ ﻣﺘﺎﻋﻲ ﺍﻟﺴﻴﺎﺭﻩ ﻗﺪﺍﻣﻬﺎ ﻷﻥ ﺍﻟﺸﻤﺲ ﻃﺎﻟﻌﻪ .. ﺷﻐﻞ ﺍﻟﺴﻴﺎﺭﻩ .. ﻭﺗﺤﺮﻙ ...
💙 ﻧﻮﺭﺍﻥ ..
ﺧﻴﺎﻟﻲ ﺳﺮﺡ ﺑﻴﺎ ﺑﻌﻴﺪ ... ﺗﺨﻴﻠﺘﻪ ﺭﺍﺟﻠﻲ ... ﺗﺨﻴﻠﺖ ﺭﻭﺣﻲ ﻧﺨﺪﻡ ﻣﻊ ﺭﺍﺟﻠﻲ ﺍﻟﻠﻲ ﻧﺤﺒﻪ ﻭﻧﻌﺸﻘﻪ ﻓﻲ ﻣﻜﺎﻥ ﻭﺍﺣﺪ ﻭﻭﻳﻦ ﻣﺎﻳﻌﺪﻱ ﺍﻧﺎ ﻣﻌﺎﻩ ... ﻭﻟﻤﺎ ﻧﺮﺩﻭﺍ ﻣﻦ ﺍﻟﻌﻤﻞ .. ﻧﺮﺩﻭﺍ ﻟﺤﻮﺵ ﻭﺍﺣﺪ ﻳﺠﻤﻌﻨﺎ ..
ﻭﺍﺧﺮ ﺍﻟﻴﻮﻡ ﻧﺮﻗﺪ ﻭﺭﺍﺳﻲ ﻉ ﺻﺪﺭﻩ .. ﻳﺤﻜﻴﻠﻲ ﻭﻧﺤﻜﻴﻠﻪ ﻭﻳﺸﻜﻴﻠﻲ ﻭﻧﺸﻜﻴﻠﻪ .. ﺭﻭﺡ ﻧﺤﺒﻬﺎ ﻧﺮﺗﺎﺣﻠﻬﺎ ﺗﻔﻬﻢ ﻋﻠﻴﺎ ﻭﺗﺤﺘﺮﻡ ﻓﻴﺎ ﻭﻣﺤﺴﺴﺘﻨﻲ ﺑﻘﻴﻤﺘﻲ ... ﺭﻭﺡ ﺗﺘﻮﺍﻟﻒ ﻣﻊ ﺭﻭﺣﻲ ... ﻭﻳﻘﻌﺪ ﺭﻓﻴﻘﻲ ﻷﺧﺮ ﻧﻔﺲ ﻧﺎﺧﺪﻩ ﻓﻲ ﺍﻟﺪﻧﻴﺎ ...
ﺑﺲ ﻛﻠﻪ ﺧﻴﺎﻝ ... ﺧﻴﺎﺍﺍﺍﻝ .. ﻭﺣﻴﻘﻌﺪ ﺧﻴﺎﻝ ....
ﻟﻔﺖ ﻭﺟﻬﻬﺎ ﻟﻠﺮﻭﺷﻦ ﺑﺶ ﻣﺎ ﻳﺸﻮﻓﺶ ﺩﻣﻮﻋﻬﺎ ...
ﻫﻮ ﺷﺒﺤﻠﻬﺎ ﻟﻘﺎﻫﺎ ﺗﺸﺒﺢ ﺟﻬﺔ ﺍﻟﺮﻭﺷﻦ ﺷﺒﺢ ﺍﻟﻘﺪﺍﻡ ﻭﻗﻒ ﻓﻲ ﺍﻹﺷﺎﺭﻩ ..
ﻗﺎﻡ ﺗﻠﻴﻔﻮﻧﻪ ﻳﺪﻳﺮ ﻓﻲ ﻣﻜﺎﻟﻤﻪ ... ﻫﻲ ﺷﺎﻓﺘﻠﻪ ﺷﻮﻳﻪ ﺑﻌﺪﻳﻦ ﺭﺟﻌﺖ ﺷﺎﻓﺖ ﻟﻠﺮﻭﺷﻦ .. ﻛﺎﻧﺖ ﺳﺮﺣﺎﻧﻪ .. ﻣﺶ ﻣﺮﻛﺰﺓ ..
ﻓﻮﺍﺣﺪ ﻭﺍﻗﻒ ﺟﻨﺒﻬﻢ ﻛﺎﻥ ﻳﺸﺒﺤﻠﻬﺎ ﻭﺧﻼﺹ ...
ﻛﻤﺎﻝ : ﺧﻼﺹ .. ﺭﺑﻊ ﺳﺎﻋﻪ ﻧﻜﻮﻥ ﻏﺎﺩﻱ ... ﺗﻤﺎﻡ .. ﺷﺒﺢ ﻟﻨﻮﺭﺍﻥ ﺑﻌﺪﻳﻦ ﺷﺒﺢ ﻭﻳﻦ ﻣﺎﺗﺸﺒﺢ ﺷﺎﻑ ﺍﻟﻠﻲ ﻋﻴﻮﻧﻪ ﻣﻌﻠﻘﺎﺕ ﻓﻴﻬﺎ ... ﻃﺎﺭﺗﻠﻪ .. ﺗﻠﻘﺎﺋﻴﺎ ﺍﻧﻘﺮﻧﻮﺍ ﺣﻮﺍﺟﺒﻪ ﻭﻣﻼﻣﺤﻪ ﻭﺟﻬﻪ ﺗﺒﺎﻥ ﻓﻴﻬﻢ ﺍﻟﻌﺼﺒﻴﻪ ..
ﻛﻤﺎﻝ : ﺗﻤﺎﻡ ﺩﻛﺘﻮﺭ ﻧﺸﻮﻓﻚ .. ﺳﻼﻡ ... ﺻﻜﺮ ... ﺭﺹ ﻃﻮﻝ ﺑﻌﺪﻳﻦ ﻉ ﺑﻄﻤﺔ ﻣﺮﺵ ﺍﻟﺮﻭﺷﻦ ﻣﺘﺎﻋﻬﺎ ﺭﻛﺐ ...
ﻟﻘﺎﻫﺎ ﻗﺎﻋﺪﻩ ﻉ ﻧﻔﺲ ﺍﻟﻮﺿﻌﻴﻪ ..
ﻛﻤﺎﻝ ﺑﺤﺪﻩ : ﺻﺒﻴﺤﻪ ..
ﻧﻮﺭﺍﻥ ﺍﻧﻔﺰﻋﺖ ﻹﻧﻬﺎ ﻛﺎﻧﺖ ﺳﺎﺭﺣﻪ : ﻧﻌﻢ !!
ﻛﻤﺎﻝ ﻭﻫﻮ ﻳﺸﺒﺢ ﻟﻺﺷﺎﺭﻩ : ﻭﻳﻦ ﻛﻨﺘﻲ ..
ﻧﻮﺭﺍﻥ : ﺍﺣﻤﻢ .. ﺳﺮﺣﺖ ﺷﻮﻱ ..
ﻛﻤﺎﻝ : ﻓﻤﻨﻮ؟
ﻧﻮﺭﺍﻥ : ﻛﻴﻒ؟؟
ﻛﻤﺎﻝ ﺑﺮﺑﻜﻪ : ﻳﻌﻨﻲ ﻓﺸﻨﻮ ... ﺷﻨﻮ ..
ﻧﻮﺭﺍﻥ : ﻋﺎﺩﻱ ﻛﻞ ﻣﺮﻩ ﻓﺸﻲ ..
ﻛﻤﺎﻝ ﺳﻜﺖ ...
ﻧﻮﺭﺍﻥ ﺭﺟﻌﺖ ﺗﺸﺒﺢ ﻟﻠﺮﻭﺷﻦ ..
ﻛﻤﺎﻝ ﺷﺒﺤﻠﻬﺎ ﻭﻗﺎﻝ ﺑﺤﺪﻩ : ﻣﻌﺎﺵ ﺗﺸﺒﺤﻲ ﻏﺎﺩﻱ ..
ﻫﻲ ﺍﺳﺘﻐﺮﺑﺖ ﺍﺳﻠﻮﺑﻪ ﺷﺒﺤﺖ ﺷﻮﻳﻪ ﻟﻘﺖ ﻭﺍﺣﺪ ﻳﺸﺒﺤﻠﻬﺎ ..
ﻛﻤﺎﻝ : ﺗﺴﻤﻊ ﻓﻴﺎ؟ !!!
ﻧﻮﺭﺍﻥ ﺍﻧﺨﻠﻌﺖ : ﺍﻫﺎ .. ﺍﻳﻪ .. ﺳﻤﻌﺘﻚ .. ﺷﺒﺤﺖ ﺍﻟﻘﺪﺍﻡ ﻭﻫﻲ ﻣﺮﺑﻌﻪ ﺍﻳﺪﻳﻬﺎ ... ﺍﻹﺷﺎﺭﻩ ﻭﻟﺖ ﺧﻀﺮﺍ ﺗﺤﺮﻙ ﻃﻮﻝ ..
ﻫﻲ ﻛﺎﻧﺖ ﺗﺴﺮﻗﻠﻪ ﻓﻲ ﺍﻟﻨﻈﺮ ﻳﺒﺎﻥ ﻣﻌﺼﺐ ..
ﻧﻮﺭﺍﻥ " ﻟﻴﺶ ﻋﺼﺐ؟ !! ﺍﻳﻴﻴﻪ ﻛﻢ ﻣﺮﻩ ﻗﻠﻨﺎ ﻓﻮﺗﻴﻬﺎ ﺍﻷﺳﺌﻠﻪ ﻫﺬﻱ "..
ﺷﺒﺤﺘﻠﻪ ﻣﺮﻩ ﺗﺎﻧﻴﻪ " ﻧﺎﻋﻠﻴﺎ ﻣﻨﻪ ﻟﻤﺎ ﻳﻌﺼﺐ ﻳﺰﻳﺪ ﺳﻤﺎﺣﻪ ﺍﺍﺍﻩ ﻳﺎﻧﻲ ﺍﺍﺍﺍﻩ ﻣﻨﻚ ... ﺍﻟﻠﻲ ﻧﻌﻴﺶ ﻓﻴﻪ ﻣﻌﺎﻙ ﺑﺮﻏﻢ ﺍﻧﻪ ﻋﺬﺍﺏ ﺑﺲ ﻭﺍﻟﻠﻪ ﻓﻮﻕ ﻣﺮﺍﺭﺗﻪ ﺣﻠﻮﻭﻭﻭﻭ "
🌹 ﺃﻧﺖ ﺍﻟﻨﻌﻴﻢ ﻟﻘﻠﺒﻲ ﻭﺍﻟﻌﺬﺍﺏ ﻟﻪ
ﻓﻤﺎ ﺃﻣﺮﻙ ﻓﻲ ﻗﻠﺒﻲ ﻭﻣﺎ ﺃﺣﻼﻙ 💓
" ﺃﺑﻴﺎﺕ ﺍﻟﺸﻌﺮ ﺍﻟﻠﻲ ﻧﺬﻛﺮﻫﺎ ﺑﻴﻦ ﺍﻟﻜﻼﻡ ﻟﺸﻌﺮﺍﺀ ﻣﻦ ﺍﻟﻌﺼﺮ ﺍﻷﻧﺪﻟﺴﻲ "
ﺷﻮﻳﻪ ﻭﻓﺘﺢ ﺍﻟﺮﺍﺩﻳﻮ ..
ﻛﺎﻥ ﻓﻲ ﺑﺮﻧﺎﻣﺞ ..
ﺍﻟﻤﺬﻳﻌﻪ : ﻭﺗﻮﺍ ﻧﺨﻠﻮﻛﻢ ﻣﻊ ﻧﻐﻢ ﺣﻠﻮ ﻟﻠﻬﻀﺒﻪ ﻭﺭﺍﺟﻌﻴﻦ ..
ﺑﺪﺕ ﻣﻮﺳﻴﻘﻰ ﺍﻷﻏﻨﻴﻪ ..
ﻧﻮﺭﺍﻥ ﻋﺮﻓﺘﻬﺎ ﺍﺑﺘﺴﻤﺖ ﺑﻔﺮﺡ ..
🎶 ﻗﺪﺍﻡ ﻋﻴﻮﻧﻚ ﻟﻘﺘﻨﻲ ..
ﺑﻘﻮﻝ ﻳﺎﺭﻳﺘﻨﻲ ﺃﻓﻀﻞ ﻣﻌﺎﻙ
ﻭﺑﺘﻴﺠﻲ ﺩﺍﻳﻤﺎ ﻓﺒﺎﻟﻲ
ﻣﺎﺃﻋﺮﻓﺶ ﻣﺎﻟﻲ ﻣﻦ ﻳﻮﻡ ﻟﻘﺎﻙ ..
ﻫﻮ ﺷﺒﺤﻠﻬﺎ ﻛﻴﻒ ﻣﺘﺤﻤﺴﻪ ﻋﻼ ﺍﻟﺼﻮﺕ ﻭﺍﺑﺘﺴﻢ
ﻗﺪﺍﻡ ﻋﻴﻮﻧﻚ ﻟﻘﺘﻨﻲ
ﺑﻘﻮﻝ ﻳﺎﺭﻳﺘﻨﻲ ﺍﻓﻀﻞ ﻣﻌﺎﻙ ..
ﻭﺑﺘﻴﺠﻲ ﺩﺍﻳﻤﺎ ﻓﺒﺎﻟﻲ
ﻣﺎﺃﻋﺮﻓﺶ ﻣﺎﻟﻲ ﻣﻦ ﻳﻮﻡ ﻟﻘﺎﻙ ..
ﻭﺍﻧﺎ ﻟﻴﻪ ﻭﻳﺎﻙ ﺑﺸﺘﺎﻕ ..
ﻭﺑﺘﻮﻩ ﻓﻜﻼﻣﻲ ﺷﺎﻳﻠﻮﻩ ﺟﻮﺍﻳﺎ ..
ﻋﻠﻰ ﻃﻮﻝ ﻭﻳﺎﻙ ﻉ ﻃﻮﻝ
ﻭﻷﺧﺮ ﻳﻮﻡ ﻓﻌﻤﺮﻱ ﺣﺘﺒﻘﻰ ﻭﻳﺎﻳﺎ
ﻧﻮﺭﺍﻥ ﻓﻘﻠﺒﻬﺎ " ﻳﺎﺍﺍﺍﺭﺏ .."
ﻛﻤﺎﻝ ﻧﻘﺺ ﺍﻟﺼﻮﺕ : ﺗﺤﺒﻴﻪ؟
ﻧﻮﺭﺍﻥ ﺑﺼﺪﻣﻪ : ﻣﻦ ﻫﻮ؟ !!
ﻛﻤﺎﻝ ﺑﻀﺤﻜﻪ : ﻋﻤﺮﻭ ﺩﻳﺎﺏ ..
ﻧﻮﺭﺍﻥ ﺿﺤﻜﺖ ﺑﺮﺑﻜﻪ : ﺍﻫﺎ ..
ﻛﻤﺎﻝ ﺍﺑﺘﺴﻢ ﻭﺭﺟﻊ ﻋﻼ ﺍﻟﺼﻮﺕ
🎶 ﻣﻦ ﻳﻮﻡ ﻣﺎﺷﻔﺘﻚ ﺑﻌﻴﻨﻲ ..
ﻣﺸﻐﻮﻝ ﻳﺎﻋﻴﻨﻲ ﺩﺍﻳﻤﺎ ﻛﺪﺍ ..
ﻣﻦ ﻧﻈﺮﻩ ﺣﺒﻴﺘﻚ ﺃﻧﺖ
ﺍﺯﺍﻱ ﻭﺃﻣﺘﻰ ﻛﺎﻥ ﻛﻞ ﺩﺍ ..
ﻭﺍﻧﺎ ﻟﻴﻪ ﻭﻳﺎﻙ ﺑﺸﺘﺎﻕ ..
ﻭﺑﺘﻮﻩ ﻓﻜﻼﻣﻲ ﻛﺜﻴﺮ ﺷﺎﻳﻠﻮﻩ ﺟﻮﺍﻳﺎ ..
ﻉ ﻃﻮﻝ ﻭﻳﺎﻙ ﻉ ﻃﻮﻝ ...
ﻭﻷﺧﺮﻳﻮﻡ ﻓﻌﻤﺮﻱ ﺣﺘﻘﺒﻰ ﻭﻳﺎﻳﺎ 💖💖
🌹🌹🌹
ﺍﻟﻌﺸﻴﻪ ...
ﺳﺎﺭﻩ ﻛﺎﻧﺖ ﺍﺿﻢ ﻓﻲ ﺍﻟﺤﺪﻳﻘﻪ ﻣﺘﺎﻉ ﺍﻟﺤﻮﺵ ﻣﻦ ﺍﻟﻘﺪﺍﻡ ...
ﻭﻣﻌﺎﻫﺎ ﺯﻭﺯ ﻋﺎﻣﻼﺕ ..
ﺍﻧﻔﺘﺢ ﺍﻟﺒﺎﺏ ﺍﻟﺮﺋﻴﺴﻲ ..
ﺧﺸﺖ ﺳﻴﺎﺭﺓ ﺭﺿﻮﺍﻥ ..
ﻧﺰﻝ ﻣﻨﻬﺎ ﻫﻮ ﻭﺭﻳﻬﺎﻡ ﺷﺪﻫﺎ ﻣﻦ ﻳﺪﻫﺎ ﻭﺧﺸﻮﺍ ﺍﻟﺰﻭﺯ ...
ﻭﺍﻛﺮﻡ ﻧﺰﻝ ﻭﺍﻟﺴﻮﺍﻕ ﺧﺪﻱ ﺍﻟﺴﻴﺎﺭﻩ ﻭﺗﻮﺟﻪ ﺑﻴﻬﺎ ﻟﻠﻘﺮﺍﺝ ..
ﺗﻠﻔﺖ ... ﻟﻘﻲ ﺳﺎﺭﻩ ﺍﺿﻢ .. ﻫﻲ ﻛﺎﻧﺖ ﺗﺸﺒﺤﻠﻬﻢ ﺑﺲ ﻟﻤﺎ ﺑﺎﻥ ﻋﻠﻴﻬﺎ ﺍﻛﺮﻡ ﺩﺍﺭﺕ ﺭﻭﺣﻬﺎ ﺍﺿﻢ ... ﺟﺎﻫﺎ ...
ﺍﻛﺮﻡ : ﻣﻤﻜﻦ ﺷﻮﻱ ..
ﺳﺎﺭﻩ ﺑﺪﻭﻥ ﻣﺎﺗﺸﺒﺤﻠﻪ : ﺗﻔﻀﻞ ..
ﺍﻛﺮﻡ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ : ﺍﺳﻤﻌﻲ .. ﻻﺯﻡ ﻧﺤﻜﻲ ﻣﻌﺎﻙ ..
ﺳﺎﺭﻩ : ﻣﺎﻓﺶ ﺑﻴﻨﻲ ﻭﺑﻴﻨﻚ ﻛﻼﻡ ...
ﺟﺖ ﺑﺘﻤﺸﻲ ﺗﻮﻗﻌﺖ ﻳﺸﺪﻫﺎ .. ﺑﻌﺪﺕ ﻭﺩﺍﺭﺕ ﺑﻴﺪﻫﺎ ﻫﻜﻲ :✋ ﺍﺧﺮ ﻣﺮﻩ ﺗﻔﻜﺮ ﺍﺩﻳﺮﻫﺎ ... ﻭﻣﺸﺖ ﻭﺧﻼﺗﻪ ... ﺷﺪ ﻉ ﻗﺒﻀﺔ ﻳﺪﻩ ﺑﻘﻮﻩ ... ﻛﺎﻥ ﻓﻲ ﻗﻤﺔ ﺍﻟﻐﻀﺐ ... ﺗﻠﻔﺖ ﻭﺿﺮﺏ ﺑﻘﺒﻀﺔ ﻳﺪﻩ ﺍﻟﺤﻴﻂ : ﻫﺎﺍﺍﺍﺍﺍﺍﺍﺍﺍﺍﺍﻉ ..
ﺍﻟﻌﺎﻣﻼﺕ ...😲😲: ﻭﻃﺎﺭﻭﺍ ﺟﺮﻱ ﻣﺴﻜﻴﻨﺎﺕ ..
ﻫﻮ ﺧﺪﻱ ﻧﻔﺲ ﻭﻃﻠﻊ ﻭﻣﺶ ﻣﺮﻛﺰ ﻉ ﺍﻟﺤﻴﻂ ﺍﻟﻠﻲ ﺧﻼﻩ ﻣﻠﻮﻥ ﺑﺪﻣﻪ ... ﺍﻳﺪﻩ ﺩﻡ ﻣﻦ ﻗﻮﺓ ﺍﻟﻀﺮﺑﻪ ﺑﺲ ﻣﺎﺣﺴﺶ ﺑﻴﻬﺎ ..
ﻣﻦ ﻓﻮﻕ ﺭﻳﻬﺎﻡ ﻛﺎﻧﺖ ﺗﺸﻮﻓﻠﻪ ﻭﻫﻲ ﺑﺘﻤﻮﺕ ... ﻣﺎﺗﺒﻴﺶ ﺗﻘﺘﻨﻊ ﺍﻥ ﺍﻛﺮﻡ ﻓﻌﻼ ﻳﺤﺐ ﻏﻴﺮﻫﺎ ﻭﺍﻥ ﺣﺎﻟﻪ ﻫﺬﺍﻣﺎ ﻳﺸﺒﻬﺶ ﺑﻜﻞ ﺣﺎﻟﻪ ﻣﻌﺎﻫﺎ ....
****
ﻓﻲ ﺍﻟﻤﺴﺘﺸﻔﻰ ...
ﺗﻜﺢ ﻟﻴﻦ ﻋﻴﻮﻧﻬﺎ ﺩﻣﻌﻮﺍ ﻣﻦ ﺍﻟﺸﺮﻗﻪ ..
ﻧﻮﺭﺍﻥ : ﻫﺎﻙ ﺍﺷﺮﺑﻲ .
ﺳﻨﺪﺱ : ﺧﻠﻴﻨﻲ ﻣﻦ ﻫﻀﺎ ﺗﻮ ... ﺷﻦ ﺣﺴﻚ ﻗﺘﻲ ﻓﺮﺝ !!!!. ؟ ..
ﻧﻮﺭﺍﻥ : ﺍﻫﺎ ..
ﺳﻨﺪﺱ : ﻭﺍﻧﺎ ﺍﻟﻠﻲ ﺣﺎﺳﺒﺎﺗﻪ ﻛﻴﻒ ﺍﻷﺥ .. ﻭﻫﻮ ﻟﻴﻪ ﻏﺮﺽ ﺍﺧﺮﻯ .. ﺑﺎﻫﻲ .. ﻭﻃﻠﻌﺖ ﻣﻦ ﺣﺪﺍﻫﺎ ..
ﻧﻮﺭﺍﻥ ﺍﻧﺼﺪﻣﺖ ﻭﻣﺸﺖ ﻭﺭﺍﻫﺎ : ﺳﻨﺪﺱ .. ﺳﻨﺪﺱ ﻭﻗﻔﻲ ..
ﺳﻨﺪﺱ : ﺧﻠﻴﻨﻲ ﻧﻌﺪﻱ ﻧﺮﺑﻴﻪ ﻣﻦ ﺍﻭﻝ ﻭﺟﺪﻳﺪ ﻛﺎﻥ ﻣﺎﺗﺮﺑﺎﺵ ..
ﻧﻮﺭﺍﻥ . ﺷﺪﺗﻬﺎ : ﺗﻌﺎﻟﻲ ﻫﻨﺎ ... ﺷﻦ ﻗﺎﻝ ﺍﻟﺮﺍﺟﻞ .. ﻳﺒﻴﻚ ﻉ ﺳﻨﺔ ﺍﻟﻠﻪ ﻭﺭﺳﻮﻟﻪ ﻣﺎﻗﺎﻟﺶ ﻧﺒﻴﻬﺎ ﺗﻄﻠﻊ ﻣﻌﺎﻳﺎ ﻭﺗﻮﻟﻲ ﺻﺎﺣﺒﺘﻲ ..
ﺳﻨﺪﺱ ﺳﻜﺘﺖ ﺑﻌﺪﻳﻦ ﺷﺒﺤﺘﻠﻬﺎ ﻭﻗﺎﻟﺖ : ﺑﺲ ﺍﻧﺎ ﻛﻨﺖ ﻭﺍﺛﻘﻪ ﻓﻴﻪ ﻭﺣﺴﺎﺑﺎﺗﻪ ﺧﻮﻳﺎ ﻭﻧﺄﻣﻨﻠﻪ ﻫﻮ ﺍﻛﺜﺮ ﻭﺍﺣﺪ ...
ﻧﻮﺭﺍﻥ : ﻛﻮﻳﺲ ﻭﻭﺍﺟﺪ ﺍﺧﺮﻯ ... ﻣﺪﺍﻡ ﺗﺤﺴﻲ ﻣﻌﺎﻩ ﺑﺎﻷﻣﺎﻥ ﻫﺎﺫﺍ ﺍﻫﻢ ﺷﻲ .. ﻭﺍﻟﺒﺪﺍﻳﻪ ..
ﺳﻨﺪﺱ : ﻧﺎﻧﻲ .. ﺑﺪﺍﻳﺔ ﻟﺸﻦ ... ﻧﺎﻧﻲ ﻛﻨﻚ ﺗﺪﻭﻱ ﻭﻛﺈﻧﻚ ﻣﺎﺗﻌﻠﻤﻲ ﺑﺸﻲ ...
ﻧﻮﺭﺍﻥ ﺗﻨﻬﺪﺕ ﻭﺑﻌﺪﻳﻦ ﻗﺎﻟﺖ : ﻃﻠﻌﻴﻪ ﻣﻦ ﺭﺍﺳﻚ ﻳﺎﺩﻭﺳﻪ .
ﺳﻨﺪﺱ ﺑﻀﻴﻖ : ﻟﻴﺶ ﺑﺎﻫﻲ؟ !
ﻧﻮﺭﺍﻥ ﺑﻀﻴﻖ ﺷﺪﻳﺪﻩ : ﺳﻨﺪﺱ ... ﺍﻛﺮﻡ .. ﻣﺶ ﺧﺎﻟﻲ ..
ﺳﻨﺪﺱ ﺣﺴﺖ ﺑﻨﺨﺼﻪ ﻓﻘﻠﺒﻬﺎ ﻭﻗﻌﺪﺕ ﺳﺎﻛﺘﻪ ..
ﻧﻮﺭﺍﻥ ﺍﺿﺎﻳﻘﺖ ﻉ ﺧﺎﻃﺮﻫﺎ ﻫﻠﺒﻪ : ﻭﻭﺍﻟﻠﻪ ﺍﻛﺮﻡ ﻣﺎﻳﺘﺨﻴﺮ ﻋﻦ ﻓﺮﺝ ... ﻭﻣﺮﺍﺕ ﻓﺮﺝ ﺍﺣﺴﻦ ..
ﺳﻨﺪﺱ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺍﺣﻤﻢ .. ﺑﺎﻫﻲ ﺍﻧﺎ ﺑﻨﻌﺪﻱ ﺗﻮ ﻗﺮﻳﺐ ﻳﻄﻠﺒﻮﻧﻲ .. ﻋﻦ ﺍﺫﻧﻚ ﻧﺎﻧﻲ .. ﻭﻣﺸﺖ ﺑﺴﺮﻋﻪ ...
ﻧﻮﺭﺍﻥ ﺍﻧﻮﺟﻌﺖ ﻋﻠﻴﻬﺎ ﻭﺧﺎﻓﺖ ﻓﻨﻔﺲ ﺍﻟﻮﻗﺖ .. ﺣﻄﺖ ﺍﻳﺪﻫﺎ ﻉ ﺻﺪﺭﻫﺎ ﺍﻟﻠﻲ ﺿﺎﻕ ﺑﻌﺪﻳﻦ ﺣﻄﺘﻬﺎ ﻓﻲ ﺟﻴﺐ ﺍﻟﻴﻮﻧﻴﻔﻮﺭﻡ ﻭﻗﻌﺪﺕ ﺗﺸﻮﻑ ﻟﻠﻮﺭﺩﺓ ﺗﻨﻬﺪﺕ ﺑﺄﻟﻢ ﺭﺩﺗﻬﺎ ﻟﻤﻜﺎﻧﻬﺎ ﻭﻣﺸﺖ ...
***
ﺗﺤﺴﺎﺑﻨﻲ ﻏﺒﻴﻪ ﻭﺑﻴﻔﻮﺕ ﻋﻠﻴﺎ .......... ﺍﺳﻚ .. ﺍﺳﻜﺖ ﺍﺳﻜﺖ ... ﺗﺮﺍ ... ﺑﺮﺍ ﺩﻳﺮﻩ ﻉ ﻏﻴﺮﻱ ......... ﺩﻳﺮﻩ ...... ﺩﻳﺮﻩ ﻉ ﻏﻴﺮﻱ ﺍﻟﺠﻮ ﻫﺬﺍ ...... ﺍﺧﺮ ﻛﻠﻤﻪ ﺑﻨﻘﻮﻟﻬﺎﻟﻚ .. ﺍﻟﻠﻲ ﻓﺒﺎﻟﻚ ﻭﺗﺒﻲ ﺗﻮﺻﻠﻪ .. ﻋﺸﻢ .. ﺍﺑﻠﻴﺲ .. ﻓﻲ ﺍﻟﺠﻨﻪ ... ﻭﺻﻜﺮﺕ ﻋﻠﻴﻪ ..
ﻓﺮﻳﺤﻪ : ﻋﻼﺵ ﻳﺎﺑﻨﺘﻲ ﻫﻜﻲ ﻋﻼﺵ ..
ﻛﻨﺎﻧﻪ ﺑﺘﺬﻣﺮ : ﺑﺎﻟﻠﻪ ﻳﺎﻣﺎﻣﺎ ﻓﻜﻴﻨﻲ ﺗﺮﺍ ..
ﻓﺮﻳﺤﻪ : ﻋﻴﺐ ﻳﺎﺑﻨﺘﻲ ﻋﻴﺐ .. ﺍﻟﺮﺍﺟﻞ ﺍﻟﻮﺣﻴﺪ ﻣﻦ ﻋﻴﻠﺘﻚ ﺍﻟﻲ ﻗﺎﻋﺪ ﻳﺸﻮﻑ ﻓﺤﺎﻟﻨﺎ ﻭﻭﺍﻗﻒ ﻣﻌﺎﻧﺎ ﺍﺩﻳﺮﻱ ﻓﻴﻪ ﻫﻜﻲ ..
ﻛﻨﺎﻧﻪ : ﻳﺎﻣﺎﻣﺎ ﻳﺎﺣﺒﻴﺒﺘﻲ .. ﺍﻓﻬﻤﻲ .. ﻣﻨﻴﺮ ﻫﺬﺍ ﻭﺍﺣﺪ ﺣﻘﻴﺮ ﻭﺍﻧﻲ ﺍﻟﻠﻲ ﻧﻌﺮﻓﻪ ﻣﺎﺩﺍﺭﺵ ﺍﻟﻠﻲ ﺩﺍﺭﻩ ﻣﻌﺎﻧﺎ ﻉ ﺧﺎﻃﺮ ﺻﻠﺔ ﺍﻟﻘﺮﺍﺑﻪ .. ﻻ .. ﻉ ﺧﺎﻃﺮ ﻏﺮﺽ ﻓﻲ ﻧﻔﺴﻪ ... ﻳﺎﻣﺎﻣﺎ .. ﺍﺻﻼ ﻫﺬﺍ ﻻﻳﻌﺮﻑ ﻓﺼﻠﻪ ﺍﻟﻘﺮﺍﺑﻪ ﻭﻻﺍﻷﺻﻮﻝ ﻭﻻﻳﻔﻬﻢ ﻓﻴﻬﻢ .. ﻭﻟﻮ ﺍﻧﺘﻲ ﻣﺼﺮﻩ ﺍﻧﻲ ﻧﺎﺧﺪﻩ ﻣﻌﻨﺎﻫﺎ ﺗﺒﻲ ﺗﺮﻣﻴﻨﻲ ﻓﻲ ﺍﻟﻨﺎﺭ ﺑﺈﻳﺪﻳﻚ .. ﻭﻣﺸﺖ ﻟﺪﺍﺭﻫﺎ ﻭﺧﻠﺘﻬﺎ ..
ﻭﻓﺮﻳﺤﻪ ﺗﺨﻤﻢ ﻓﻴﻬﺎ ﻭﺧﺎﻳﻔﻪ ﻋﻠﻴﻬﺎ ﻣﻦ ﺍﻟﻐﺮﺑﻪ ﻭﻣﻦ ﺍﻟﻠﻲ ﺩﺍﺳﺎﺗﻪ ﻫﺎﻟﺒﻼﺩ ﺍﻟﻠﻲ ﻫﻤﺎ ﻓﻴﻬﺎ ...
***
ﺍﻟﺴﺎﻋﻪ 8:00
ﻧﻮﺭﺍﻥ : ﺍﻧﺖ ﻣﺎﺗﻘﻮﻟﻪ ﺷﻲ ﺗﻮ ﺧﻠﻴﻬﺎ ﺗﻔﻜﺮ ﻭﺗﻘﻠﺒﻬﺎ ﻓﺮﺍﺳﻬﺎ ﺍﻷﻭﻝ ..
ﻛﻤﺎﻝ : ﺗﻤﺎﻡ .. ﺧﻠﻴﺘﻬﺎ ﻋﻠﻴﻚ ..
ﻧﻮﺭﺍﻥ ﺍﺑﺘﺴﻤﺖ : ﺭﺑﻲ ﻳﻘﺪﺭﻧﻲ ﻭﻧﺠﻤﻊ ﺑﻴﻨﺎﺗﻬﻢ .
ﻛﻤﺎﻝ ﺍﺑﺘﺴﻢ : ﺇﻥ ﺷﺎﺀ ﺍﻟﻠﻪ ..
ﻧﻮﺭﺍﻥ : ﺗﻌﺒﺘﻚ ﺍﻟﻴﻮﻡ ..
ﻛﻤﺎﻝ ﺷﺒﺤﻠﻬﺎ ﺑﻨﺺ ﻋﻴﻦ : ﺍﻧﺰﻟﻲ ﺧﻴﺮﻟﻚ ..
ﻧﻮﺭﺍﻥ : ﻫﻬﻬﻬﻬﻬﻬﻪ ... ﻭﻧﺰﻟﺖ .. ﺑﺎﻱ ..
ﻛﻤﺎﻝ ﺍﺷﺮﻟﻬﺎ ﺑﻴﺪﻩ 🖐 ﻭﻫﻮ ﻣﺒﺘﺴﻢ ..
ﺻﻜﺮﺕ ﺍﻟﺒﺎﺏ .. ﻛﻤﻞ ﻫﻮ ﻟﻠﻔﻴﻼ ﺍﻟﺘﺎﻧﻴﻪ ﻭﻫﻲ ﺧﺸﺖ ...
ﻣﺎﻟﻘﺘﺶ ﺍﻛﺮﻡ ﺍﺳﺘﻐﺮﺑﺖ ... ﺭﻛﺒﺖ ﺍﻟﺪﺭﻭﺝ ﻭﻫﻲ ﺧﺎﺷﻪ .. ﻟﻘﺖ ﺭﻳﻬﺎﻡ ..
ﺭﻳﻬﺎﻡ : ﻫﻼ ﺑﺎﻟﺴﻤﺤﻪ ..
ﻧﻮﺭﺍﻥ ﺑﺎﺳﺘﻬﺎ : ﻳﺎﻫﻼ ﺑﻴﻚ ..
ﺭﻳﻬﺎﻡ : ﺍﺭﻛﺒﻲ ﺑﺪﻟﻲ ﻭﺍﻧﺰﻟﻲ ﻟﻠﺼﺎﻟﻪ ﻋﻤﻚ ﻳﺒﻴﻚ ﺍﻧﺘﻲ ﻭﺷﻬﺎﺏ ..
ﻧﻮﺭﺍﻥ : ﻛﻮﻳﺲ ...
ﻣﺸﺖ ﻃﻮﻝ ﺭﻛﺒﺖ ... ﺗﻮﺟﻬﺖ ﻟﺪﺍﺭﻫﺎ ﺑﺪﻟﺖ ﻉ ﺍﻟﺴﺮﻳﻊ ﻭﻃﻠﻌﺖ .. ﻭﻫﻲ ﻣﺎﺷﻴﻪ ﺗﻼﻗﺖ ﻣﻊ ﺷﻬﺎﺏ ...
ﺷﻬﺎﺏ : ﺭﺑﻚ ﻳﺴﺘﺮﻫﺎ ﻣﻌﺎﻧﺎ ..
ﻧﻮﺭﺍﻥ ﺍﺑﺘﺴﻤﺖ : ﺧﻴﺮ ﺇﻥ ﺷﺎﺀ ﺍﻟﻠﻪ ..
ﻧﺰﻟﻮﺍ ﻣﻊ ﺑﻌﺾ ﻭﺗﻮﺟﻬﻮﺍ ﻟﻠﺼﺎﻟﻪ .. ﺧﺸﻮﺍ ﻟﻘﻮﺍ ﺭﺿﻮﺍﻥ ﻣﻘﻌﻤﺰ ﻳﺴﺘﻨﻰ ﻓﻴﻬﻢ ..
ﺭﺿﻮﺍﻥ ﺷﺎﻓﻬﻢ : ﺗﻌﺎﻟﻮﺍ ﻗﻤﻌﺰﻭﺍ ..
ﻗﻌﻤﺰﻭﺍ ﺍﻟﺰﻭﺯ ...
ﻫﻮ ﻧﺎﺽ ﻭﻗﻒ ﻭﻗﺎﻝ ﻭﺑﺪﻭﻥ ﻣﻘﺪﻣﺎﺕ : ﺟﻬﺰﻭﺍ ﺍﻧﻔﺴﻜﻢ ﺍﺳﺒﻮﻋﻴﻦ ﻭﺑﺘﻄﻠﻌﻮﺍ ﺍﻟﻔﺮﺡ ..
ﺍﻟﺰﻭﺯ ﺍﻧﺼﺪﻣﻮﺍ ﻭﺷﺒﺤﻮﺍ ﻟﺒﻌﺾ ..
ﺷﻬﺎﺏ : ﻓﺮﺡ ﺷﻦ؟؟
ﺭﺿﻮﺍﻥ ﺍﺑﺘﺴﻢ ﺑﺘﻬﻜﻢ : ﻓﺮﺣﻲ ﺍﻧﺎ !! ﻓﺮﺣﻚ ﺍﻧﺖ ﻭﺑﻨﺖ ﻋﻤﻚ ﻳﺎﺑﺎﺷﺎ ..
ﺷﻬﺎﺏ ﺷﺒﺢ ﻟﻨﻮﺭﺍﻥ ..
ﻧﻮﺭﺍﻥ ﺑﻠﻌﺖ ﺭﻳﻘﻬﺎ : ﻋﻤﻮ .. ﺍﻧﺎ ﻛﻨﺖ ﻧﺒﻲ ﻧﺪﻭﻳﻠﻚ ﻋﻦ ﺍﻟﻤﻮﺿﻮﻉ ﻫﻀﺎ .. ﻋﻤﻮ ... ﺍﻧﺎ ﻣﺎﻧﺒﻴﺶ ﻧﺠﻮﺯ ﺷﻬﺎﺏ ..
ﺭﺿﻮﺍﻥ ﺿﺤﻚ ﺑﺘﻬﻜﻢ : ﻋﺎﺭﻓﻪ .. ﻫﻮ ﺍﻟﻠﻲ ﻗﺎﻟﻚ ﺗﻘﻮﻟﻲ ﻫﻚ ..
ﻧﻮﺭﺍﻥ : ﻻ ﻭﺍﻟﻞ ...
ﻗﺎﻃﻌﻬﺎ : ﻧﻮﺭﺍﺍﺍﻥ ﻧﻮﺭﺍﺍﻥ .. ﻳﺎﺑﻨﺘﻲ ﺍﻧﺎ ﺍﻟﻠﻲ ﻧﻌﺮﻑ .. ﺷﺒﺢ ﻟﻮﻟﺪﻩ .. ﻛﻠﻤﺘﻲ ﻛﻠﻤﻪ ﻭﺍﻧﺎ ﺳﺎﻳﺮﺕ ﻭﺍﺟﺪ ﻭﻋﻄﻴﺘﻚ ﻭﺟﻪ ﻭﺍﺟﺪ .. ﺣﺘﺠﻮﺯ ﺑﻨﺖ ﻋﻤﻚ ﺑﻌﺪ ﺍﺳﺒﻮﻋﻴﻦ ﺑﺲ ..
ﺷﻬﺎﺏ ﻧﺎﺽ ﻭﻗﺎﻝ ﺑﺤﺪﻩ : ﻻﺍﺍ ..
ﺭﺿﻮﺍﻥ ﻗﺪﻣﻠﻪ ﻭﺣﻂ ﺻﺒﻌﻪ ﻉ ﺧﺸﻢ ﻭﻟﺪﻩ ﻭﻗﺎﻝ : ﺭﻏﻢ ﻋﻨﻚ .. ﺗﺒﻲ ﻭﻻﻣﺎﺗﺒﻲ ..
ﺑﻌﺪ .. ﻭﺑﻌﺪﻳﻦ ﺍﻧﺖ ﻋﻠﻴﺶ ﻣﺎﺗﺒﻴﻬﺎﺵ .. ﻋﺸﺎﻧﻬﺎ ﻣﺮﻳﻀﻪ ﺳﻜﺮ .. ﻭﺍﺟﺪﺍﺕ ﻓﻲ ﺣﺎﻟﺘﻬﺎ ﻣﺠﻮﺯﺍﺕ ﻭﻋﺎﻳﺸﺎﺕ ﻋﺎﺩﻱ ... ﻭﻓﻲ ﺍﻟﻨﻬﺎﻳﻪ ﺑﻨﺖ ﻋﻤﻚ ﻣﺎﻟﻴﻬﺎ ﺣﺪ ﻏﻴﺮﻙ . ﺍﻧﺖ ﺑﺲ .. ﺍﻟﻠﻲ ﺗﺼﻠﺤﻠﻬﺎ ..
ﻧﻮﺭﺍﻥ . ﻧﺎﺿﺖ : ﻋﻤﻲ ﺍﻧﺎ ﻣﺎﻧﺒﻴﺶ ﻣﺎﻧﺒﻴﺶ ..
ﺭﺿﻮﺍﻥ : ﻣﺶ ﻉ ﻛﻴﻔﻚ .. ﻫﻀﺎ ﻭﻋﺪ ﻋﻄﻴﺘﻪ ﻟﺒﺎﺗﻚ ... ﻣﻠﺰﻣﻴﻦ ﺑﻴﻪ ﺍﻧﺖ ﻭﻳﺎﻩ .. ﻭﺍﻧﺖ ﻳﺎﺳﻴﺪ ﻳﺎﺷﻬﺎﺏ ﻛﺎﻥ ﺑﺘﻘﻌﺪ ﺭﺍﻛﺐ ﺭﺍﺳﻚ .. ﺍﻃﻠﻊ ﻣﻦ ﺣﻮﺷﻲ ﻭﺧﻠﻲ ﻛﻞ ﺷﻲ ﻋﺎﻃﻴﻬﻮﻟﻚ .. ﺍﻃﻠﻊ ﻛﻴﻒ ﻣﺎﺃﻧﺖ ﻭﻣﻌﺶ ﺗﻮﺭﻳﻨﻲ ﺯﻭﻣﺘﻚ ﻧﻬﺎﺋﻲ ..
ﺍﻟﺰﻭﺯ ﻣﺼﺪﻭﻣﻴﻦ ﻷﺑﻌﺪ ﺣﺪ ﻭﻣﺶ ﻗﺎﺩﺭﻳﻦ ﻳﺘﻜﻠﻤﻮﺍ ..
ﺭﺿﻮﺍﻥ : ﺑﻌﺪ ﺍﺳﺒﻮﻋﻴﻦ ﺣﺘﺠﻮﺯﻭﺍ ... ﺗﻢ ﺍﻟﻜﻼﻡ .. ﻭﻣﺸﻲ ﻭﺧﻼﻫﻢ ...
ﻭﺣﺎﻟﻬﻢ ﺯﻱ ﺍﻟﻠﻲ ﻃﺎﺡ ﻓﻲ ﻫﺎﻭﻳﻪ ﻣﺎﻭﺻﻠﺶ ﻟﻘﺎﻋﻬﺎ ... ﻣﻌﻠﻖ ﺑﻴﻦ ﻓﻮﻕ ﻭﻟﻮﻃﺎ ...
... ﻳﺘﺒﻊ ...