#مشاعر
ﺍﻟﺠﺰﺀ ﺍﻟﺨﺎﻣﺲ ﻋﺸﺮ 💔❤
للكاتبةGomanFared
🌄 ﻭﻃﻠﻊ ﺍﻟﺼﺒﺢ ..
ﻭﺗﺮﻧﻤﺖ ﺍﻟﻌﺼﺎﻓﻴﺮ ﺑﺎﻟﺘﺴﺒﻴﺢ ﻟﻠﺠﻤﻴﻞ ...❤ ﻭﺍﻟﺸﻤﺲ ﺍﺷﺮﻗﺖ ﻭﺣﻮﺍﻟﻴﻬﺎ ﻏﻴﻮﻡ ﺑﻴﻀﺎ .. ﻣﻊ ﺭﻳﺢ ﺧﻔﻴﻔﻪ ﻣﺼﻘﻌﻪ .. ﻫﻮ ﺍﻟﺸﺘﻲ ﻳﺴﺘﻌﺪ ﻟﻠﻤﻮﺳﻢ ﻣﺘﺎﻋﻪ ﻭﻳﻨﺒﺄ ﺑﻘﺮﺏ ﺩﺧﻮﻟﻪ ..
ﻓﺘﺢ ﻋﻴﻮﻧﻪ ﺍﻟﺤﻠﻮﺓ ﺍﻟﻌﺴﻠﻴﻪ ... ﻭﻧﺎﺽ ... ﺩﺍﺭ ﺭﻭﺗﻴﻨﻪ ﺍﻟﻴﻮﻣﻲ ... ﻓﻄﺮ ﻭﺧﺪﻱ ﺩﻭﺍﻩ .. ﻟﺒﺲ ﻃﺎﻗﻴﻪ .. ﻭﻗﺎﻡ ﻛﺎﺏ ﺍﻟﺘﻮﺗﻪ ﻉ ﺭﺍﺳﻪ ﻭﻃﻠﻊ ﻣﻦ ﺍﻟﺸﻘﻪ ﻭﻧﺰﻝ ﻟﻮﻃﺎ .. ﻃﻠﻊ ﻣﻦ ﺍﻟﻔﻴﻼ .. ﻭﺗﻮﺟﻪ ﻟﻔﻴﻼ ﺟﻴﺮﺍﻧﻬﻢ ﺧﺶ ﻟﻘﻲ ﺍﻛﺮﻡ ...
ﻛﻤﺎﻝ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺮﺟﻮﻟﻪ ..❤
ﺍﻛﺮﻡ ﺑﻀﺤﻜﻪ : ﺻﺒﺎﺡ ﺍﻟﺸﻬﺎﻣﻪ ..
ﻛﻤﺎﻝ : ﻫﻬﻬﻬﻬﻬﻬﻬﻪ ...
ﺍﻛﺮﻡ ﻗﺪﻣﻠﻪ : ﻫﺎﻩ ﺷﻦ ﺣﺎﻟﻚ ﺍﻟﻴﻮﻡ ..
ﻛﻤﺎﻝ : ﺍﻟﺤﻤﺪ ﻟﻠﻪ ﻓﻲ ﺍﺣﺴﻦ ﺣﺎﻝ ..
ﺷﻮﻳﻪ ﻭﺟﺖ ﺳﺎﺭﺓ ..
ﺳﺎﺭﺓ : ﺻﺒﺎﺡ ﺍﻟﺨﻴﺮ ﻛﻤﺎﻝ ..
ﻛﻤﺎﻝ ﺑﺮﻓﻌﺔ ﺣﻮﺍﺟﺐ ﻭﻫﻮ ﻳﺸﻮﻑ ﻷﻛﺮﻡ : ﺻﺒﺎﺡ ﺍﻟﻨﻮﺭﺍﺕ .. ﺣﻮﻝ ﻉ ﺟﻨﺐ ﻭﺧﺸﺖ ﺳﺎﺭﺓ ﻭﻫﻲ ﻣﺘﺠﺎﻫﻠﻪ ﺍﻛﺮﻡ ﺗﻤﺎﻣﺎ ..
ﻛﻤﺎﻝ ﺑﺄﺳﺘﻐﺮﺍﺏ : ﺷﻦ ﻓﻲ ..
ﺍﻛﺮﻡ ﻭﻋﻴﻮﻧﻪ ﻣﻊ ﺳﺎﺭﺓ ﻟﻴﻦ ﺍﺧﺘﻔﺖ ﺗﻨﻬﺪ ﻭﺗﻠﻔﺖ ﻟﻜﻤﺎﻝ : ﺑﻨﺎﺧﺪ ﺭﺍﻳﻚ ..
ﻛﻤﺎﻝ ﺑﺤﻤﺎﺱ : ﻳﺎﺳﻼﻡ ﺧﻮﺩﻩ ﻭﺧﻠﻴﻪ ﻋﻨﺪﻙ ..
ﺍﻛﺮﻡ ﺑﻀﺤﻜﻪ : ﻧﺤﻜﻲ ﺟﺪ ..
ﻛﻤﺎﻝ : ﻭﺍﻧﻲ ﻧﺴﻤﻊ ..
ﺍﻛﺮﻡ : ﺍﺣﻤﻢ .. ﻳﻌﻨﻲ ﺍﻟﻮﺍﺣﺪ .. ﻟﻤﺎ ﻳﻐﻠﻂ ﻓﻲ ﺣﺪ .. ﻭﺍﻟﻐﻠﻂ ﻗﻮﻱ ﺷﻮﻳﻪ .. ﻳﻌﻨﻲ .. ﺷﻦ ﺍﺣﺴﻦ ﻃﺮﻳﻘﺔ ﻳﻌﺘﺬﺭ ﺑﻴﻬﺎ ﻣﻨﻪ ..
ﻛﻤﺎﻝ ﺍﺑﺘﺴﻢ : ﻣﺶ ﻣﻬﻢ ﺍﻟﻄﺮﻳﻘﻪ ﺍﻟﻤﻬﻢ ﺍﻋﺘﺬﺍﺭﻙ ﻳﻜﻮﻥ ﻃﺎﻟﻊ ﻣﻦ ﻗﻠﺒﻚ ... ﻭﺍﻟﻠﻲ ﻏﻠﻄﺘﺖ ﻓﻲ ﺣﻘﻪ ﻳﺸﻮﻑ ﻓﻌﻴﻮﻧﻚ . ﺍﻟﻨﺪﻡ ﻭﺍﻷﺳﻒ ﻉ ﺍﻧﻚ ﻏﻠﻄﺘﺖ ﻓﻴﻪ ..
ﺍﻛﺮﻡ : ﺍﻟﺨﻼﺻﻪ؟ !!
ﻛﻤﺎﻝ ﺑﻀﺤﻜﻪ : ﻫﻬﻬﻬﻪ ... ﺍﺳﻒ ﺳﺎﺩﻩ ...
ﺍﻛﺮﻡ : ﻫﻚ ﻗﻮﻟﻚ ..
ﻛﻤﺎﻝ ﺑﻀﺤﻜﻪ : ﺍﻫﺎ ...
ﺷﻮﻳﻪ ﻭﺷﺎﻓﻮﺍ ﺳﺎﺭﺓ ﻃﺎﻟﻌﻪ ﺍﺩﺧﻞ ﻓﻲ ﻣﻔﺎﺭﺵ ﻣﻨﺸﻮﺭﺓ .. ﻭﺍﻛﺮﻡ ﻗﻌﺪ ﻳﺸﺒﺤﻠﻬﺎ ﻭﻳﻔﻜﺮ ..
ﻛﻤﺎﻝ ﻣﺮﻛﺰ ﻣﻌﺎﻩ : ﻣﺎﺗﻔﻜﺮﺵ ﻋﺪﻱ ﻃﻮﺍﻟﻲ ..
ﺍﻛﺮﻡ ﺷﺒﺤﻠﻪ .. ﻛﻤﺎﻝ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﻭﻫﻮ ﻳﻬﺰ ﻓﺮﺍﺳﻪ ﺑﺄﻳﺠﺎﺏ ...
ﺍﻛﺮﻡ ﺧﺪﻱ ﻧﻔﺲ ﻭﻣﺸﻲ .. ﻭﻫﻮ ﻣﺎﺷﻲ .. ﻧﻮﺭﺍﻥ ﺟﺖ ﻃﺎﻟﻌﻪ ﺷﺎﻓﺖ ﻛﻤﺎﻝ ﻭﺍﻗﻒ ﻳﺸﺒﺢ ﻷﻛﺮﻡ .. ﺍﺑﺘﺴﻤﺖ ﻣﻦ ﻗﻠﺒﻬﺎ ...💓
ﺑﻌﺪﻳﻦ ﺍﺫﻛﺮﺕ ﺍﻧﻪ ﻣﺮﻳﺾ ﻣﺸﺘﻠﻪ ﺑﺴﺮﻋﻪ ..
ﻧﻮﺭﺍﻥ ﺑﺨﻮﻑ : ﺷﻦ ﺟﺎﺑﻚ؟ !!
ﻛﻤﺎﻝ ﺷﺒﺤﻠﻬﺎ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﻮﺭﺩ 🌹
ﺭﺩﺕ ﺑﻀﺤﻜﻪ : ﺑﺎﻫﻲ ﺻﺒﺎﺡ ﺍﻟﻨﻮﺭ .. ﺑﺲ ﻋﺪﻱ ﺗﻮﺍ ..
ﻛﻤﺎﻝ ﺑﻀﺤﻜﻪ : ﻟﻬﺎﻟﺪﺭﺟﻪ ﻣﺶ ﻃﺎﻳﻘﻪ . ﺷﻮﻓﺘﻲ ..
💙 ﻧﻮﺭﺍﻥ ..
ﻧﻀﺮﺑﻪ ...
ﺟﻤﺎﻥ : ﻳﺒﻴﻬﺎ ...
ﻧﻮﺭﺍﻥ : ﻣﺎﻳﻬﻮﻧﺶ ﻋﻠﻴﺎ ﻧﺠﻪ ﻟﻴﺎ ﻫﻮ ﻭﻏﺒﺎﺋﻪ ﺍﻟﻠﻲ ﻳﺠﻲ ﻉ ﻏﻔﻠﻪ 😍...😙
ﻧﻮﺭﺍﻥ ﺑﻀﺤﻜﻪ : ﻗﺎﻋﺪ ﻣﺮﻳﺾ ..
ﻛﻤﺎﻝ ﺷﺒﺢ ﺟﻬﺔ ﺍﻛﺮﻡ : ﻻﺍ ﻭﻟﻴﺖ ﻛﻮﻳﺲ ... ﻏﻴﺮ ﺷﻮﻓﻲ ..
ﺷﺒﺤﺖ ﻧﻮﺭﺍﻥ ﻭﻳﻦ ﻣﺎﻳﺸﺒﺢ ...
ﻋﻨﺪ ﺍﻛﺮﻡ ﻭﺳﺎﺭﺓ ...
ﻟﻔﺖ ﺑﺘﺨﺶ ﺑﻌﺪ ﺧﺪﺕ ﺍﻟﻤﻔﺎﺭﺵ .. ﺟﻲ ﻗﺪﺍﻣﻬﺎ ..
ﺳﺎﺭﻩ ﺑﺪﻭﻥ ﻣﺎﺗﺸﺒﺤﻠﻪ : ﻋﻨﺪﻙ ﻛﻠﻤﻪ ﻣﻌﻘﺒﻬﺎ ﻣﻦ ﻛﻼﻣﻚ ﻳﻮﻣﻬﺎ ﻭﺗﺒﻲ ﺗﻘﻮﻟﻬﺎ ..
ﺍﻛﺮﻡ ﺍﺑﺘﺴﻢ : ﺃﺳﻒ ..❤
ﺳﻤﻌﺘﻬﺎ ﻣﻨﻪ ﺑﻨﺒﺮﺓ ﻣﺨﺘﻠﻔﻪ ﺗﻤﺎﻣﺎ .. ﻧﺒﺮﺓ ﺣﻠﻮﺓ ﻟﻤﺴﺖ ﺷﻐﺎﻑ ﻗﻠﺒﻬﺎ .. ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻧﻪ .. ﻧﻈﺮﺍﺕ ﻋﻴﻮﻧﻪ ﺑﺮﻏﻢ ﺣﺪﺗﻬﻢ ﻛﺎﻧﻮﺍ ﺣﻠﻮﺍﺕ .. ﺳﺮﺣﺖ ﻓﻴﻬﻢ ﻭﻓﺼﻠﻮﻫﺎ ﻋﻦ ﺍﻟﻌﺎﻟﻢ ﻟﺜﻮﺍﻧﻲ ..
ﺍﻣﺎ ﻫﻮ ﻓﻜﺎﻥ ﻳﺒﻴﻬﺎ ﺗﺴﺎﻣﺤﻪ ﺑﺄﻱ ﺷﻜﻞ ﻣﺶ ﺣﻴﺨﻠﻴﻬﺎ ﻟﻴﻦ ﺗﺴﺎﻣﺤﻪ ...
ﻧﻮﺭﺍﻥ : ﻋﻨﺪﻙ ﺣﻖ ...
ﻛﻤﺎﻝ ﺑﻀﺤﻜﻪ : ﺑﺶ ﺗﻌﺮﻓﻲ .. ﺷﺒﺤﺘﻠﻪ ﻭﺍﺑﺘﺴﻤﺖ ﻭﺷﺒﺤﺖ ﺍﻟﻘﺪﺍﻡ ..
ﺳﺎﺭﺓ ﺗﻨﻬﺪﺕ : ﺍﻣﻤﻢ ... ﻧﻔﻜﺮ ﻭﻧﺮﺩ ﻋﻠﻴﻚ .. ﻭﺟﺖ ﺑﺘﻤﺸﻲ ﺷﺪﻫﺎ ﻣﻦ ﺫﺭﺍﻋﻬﺎ ...
ﻛﻤﺎﻝ : ﺍﻭﻭﺑﺎ ﻭﻋﺾ ﻉ ﺷﺎﺭﺑﻪ ..
ﻧﻮﺭﺍﻥ : ﻫﻬﻬﻬﻬﻬﻪ ..
ﺍﻛﺮﻡ ﺑﻌﺼﺒﻴﻪ : ﺗﻔﻜﺮﻱ ﻓﺸﻦ .. ﺧﻄﺒﺘﻚ ﺍﻧﺎ؟؟ !!
ﺳﺎﺭﺓ ﻧﻔﻀﺖ ﻳﺪﻩ ﻭﻗﺎﻟﺖ : ﺍﻭﻻ ﺍﻧﺖ ﺍﻋﺘﺬﺭﺕ ﺯﻋﻤﻴﺘﻚ ﻓﺄﻧﺎ ﻧﺒﻲ ﻧﻔﻜﺮ ﺷﻦ ﻧﺮﺩ ﻋﻠﻴﻚ ﺑﻘﺒﻮﻝ ﺍﻋﺘﺬﺍﺭﻙ ﻣﻦ ﻋﺪﻣﻪ .. ﻭﺛﺎﻧﻴﺎ ﻭﻫﻀﺎ ﺍﻷﻫﻢ ﻟﻮﻛﻨﺖ ﺧﻄﺒﺘﻨﻲ ﻣﺶ ﺣﻨﻔﻜﺮ ﺣﻨﺮﺩ ﻃﻮﻝ ﻻ .. ﻭﻣﺸﺖ ﻭﺧﻼﺗﻪ ..
ﺍﻛﺮﻡ ﻃﺎﺭﺗﻠﻪ ﻉ ﺍﻵﺧﺮ : ﻣﻴﺖ ﻉ ﺯﻭﻣﺘﻚ ﺗﺤﻘﻲ ﻓﻴﺎ .. ﺍﺧﺮ ﻭﺣﺪﻩ ﻧﻔﻜﺮ ﻓﻴﻬﺎ ﺍﻧﺘﻲ .. ﻻﻣﺶ ﺍﺧﺮ ﻭﺣﺪﻩ ﻣﺎﻧﻜﺶ ﻉ ﺍﻟﻘﺎﻳﻤﻪ ﺍﺻﻼ ..
ﺗﺴﻤﻊ ﻭﺷﺎﺩﻩ ﺿﺤﻜﺘﻬﺎ .. ﻭﺻﻠﺖ ﻓﻲ ﺑﺎﺏ ﺍﻟﻤﻄﺒﺦ ... ﺗﻠﻔﺘﺖ ﺷﺒﺤﺘﻠﻪ ﻣﻦ ﻓﻮﻕ ﻟﺘﺤﺖ ﻭﺧﺸﺖ ..
ﻣﺸﻲ ﻭﻫﻮ ﻣﺘﻨﺮﻓﺰ ﺷﺒﺢ ﻟﻜﻤﺎﻝ : ﻣﺮﺓ ﺗﺎﻧﻴﻪ ﺧﻠﻲ ﺭﺍﻳﻚ ﻋﻨﺪﻙ .
ﻛﻤﺎﻝ ﻭﻧﻮﺭﺍﻥ : 😂😂
ﻉ ﻃﻠﻌﺔ ﺭﺿﻮﺍﻥ ... ﻭﻣﻌﺎﻩ ﺭﻳﻬﺎﻡ ﺷﺒﺤﺎﺗﻪ ﻟﻘﺎﺗﻪ ﻣﻌﺼﺐ .. ﻓﺘﺢ ﺍﻟﺴﻮﺍﻕ ﺍﻟﺒﺎﺏ ﻟﺮﺿﻮﺍﻥ ﺍﻟﻠﻲ ﻗﺒﻞ ﻟﻴﺨﺶ ﺟﺖ ﻋﻴﻨﻪ ﻓﻲ ﻋﻴﻦ ﻛﻤﺎﻝ .. ﺍﺑﺘﺴﻤﻠﻪ ﻭﺧﺶ ﺍﻟﺴﻴﺎﺭﻩ ..
ﻛﻤﺎﻝ ﺭﺩﻫﺎ ﻣﺠﺎﻣﻠﺔ ...
ﺍﻧﻔﺘﺢ ﺍﻟﺒﺎﺏ ﺍﻟﺮﺋﻴﺴﻲ ﻭﻃﻠﻌﺖ ﺍﻟﺴﻴﺎﺭﺓ ... ﻛﻤﺎﻝ ﻣﻌﺎﻫﺎ ﺑﻌﻴﻮﻧﻪ ..
ﺭﻳﻬﺎﻡ ﻧﺰﻟﺖ ﻣﻦ ﺍﻟﺪﺭﻭﺝ : ﺻﺒﺎﺡ ﺍﻟﺨﻴﺮ ..
ﻛﻤﺎﻝ : ﺻﺒﺎﺡ ﺍﻟﻨﻮﺭ ..
ﺭﻳﻬﺎﻡ : ﻻﺑﺎﺱ ﻋﻠﻴﻚ ..
ﻛﻤﺎﻝ ﺑﺈﺑﺘﺴﺎﻣﻪ : ﻻﻳﻮﺭﻳﻚ ﺑﺎﺱ ...
ﺭﻳﻬﺎﻡ ﺍﺑﺘﺴﻤﺖ ﻭﺷﺒﺤﺖ ﻟﻨﻮﺭﺍﻥ : ﻧﺎﻧﻲ ﺑﺘﻌﺪﻱ ﻟﻠﻤﺸﻐﻞ ..
ﻧﻮﺭﺍﻥ : ﺑﻌﺪ ﺳﺎﻋﻪ ..
ﺭﻳﻬﺎﻡ : ﺑﺎﻫﻲ ﺗﻌﺎﻟﻲ ﻣﻌﺎﻳﺎ .. ﺷﺒﺤﺖ ﻟﻜﻤﺎﻝ .. ﻋﻦ ﺍﺫﻧﻚ .. ﺧﺪﺗﻬﺎ ﻣﻦ ﻳﺪﻫﺎ ﻭﻣﺸﻮﺍ ﻧﻮﺭﺍﻥ ﺍﻟﺘﻔﺘﺖ ﻟﻜﻤﺎﻝ ﺍﺑﺘﺴﻤﺖ ﻭﺩﺍﺭﺗﻠﻪ ..🖐 ﻭﻫﻮ ﺿﺤﻚ ﻭﺭﺩﻫﺎ ...🖐 ﻭﻟﻒ ﻭﻃﻠﻊ ...
ﻧﻮﺭﺍﻥ ﺑﻀﺤﻜﻪ؛ ﻛﻨﻚ ..
ﺭﻳﻬﺎﻡ : ﺍﺧﺮ ﺍﻟﺸﻬﺮ ﻋﻨﺪﻱ ﺣﻔﻠﻪ ﻓﻄﺒﺮﻕ ... ﻧﺒﻴﻚ ﺗﻔﺼﻠﻲ ﻟﻴﺎ ﺷﻲ ﺟﺪﻳﺪ ..
ﻧﻮﺭﺍﻥ : ﺑﺎﻟﻠﻪ؟ !!
ﺭﻳﻬﺎﻡ ﺑﻀﺤﻜﻪ : ﺍﻫﺎ .. ﻭﻛﻠﻜﻢ ﺣﻨﺠﺰﻟﻜﻢ ﻛﺮﺍﺳﻲ ﺍﻟﻘﺪﺍﻣﻴﻪ ...
ﻧﻮﺭﺍﻥ : ﻛﻠﻨﺎ ﻣﻦ ﻳﻌﻨﻲ ..
ﺭﻳﻬﺎﻡ ﺑﺈﺑﺘﺴﺎﻣﻪ؛ ﺍﻣﻤﻢ .. ﻋﻤﻚ ... ﻭﻭﻟﺪ ﻋﻤﻚ .. ﻭﺍﻧﺘﻲ ﻃﺒﻌﺎ ... ﻭﺣﺘﻰ ﺍﻛﺮﻡ .. ﻭﻧﺒﻮﻳﻪ ..
ﻧﻮﺭﺍﻥ ﻣﻼﻣﺢ ﻭﺟﻬﻬﺎ ﺑﺪﻱ ﻋﻠﻴﻬﺎ ﺍﻟﻀﻴﻖ ..
ﺭﻳﻬﺎﻡ ﺑﻀﺤﻜﻪ؛ ﻳﺎﺳﻤﺤﻪ ﺍﻧﺘﻲ ... ﺣﻄﺖ ﺻﺒﻌﻬﺎ ﻉ ﻗﻠﺐ ﻧﻮﺭﺍﻥ .. ﺣﺘﻰ ﺍﻟﻠﻲ ﺳﺎﻛﻦ ﻫﻨﺎ ﻃﺒﻌﺎ ..
ﻧﻮﺭﺍﻥ ﻭﺟﻬﻬﺎ ﺍﺣﻤﺮ ﻭﺍﺑﺘﺴﻤﺖ ﺑﺨﺠﻞ ...
ﺭﻳﻬﺎﻡ ﻗﺮﺻﺖ ﺧﺪ ﻧﻮﺭﺍﻥ ﻭﻗﺎﻟﺖ ﺑﻀﺤﻜﻪ : ﻧﺰﻙ ﻧﺰﻙ ..
ﻧﻮﺭﺍﻥ ﺿﺤﻜﺖ ﺑﺨﺠﻞ ﻭﻗﺎﻟﺖ : ﺑﺎﻩ ﻭﺳﺎﺭﺓ؟
ﺭﻳﻬﺎﻡ ﺿﺤﻜﺘﻬﺎ ﺗﻼﺷﺖ : ﻛﻨﻬﺎ؟
ﻧﻮﺭﺍﻥ : ﻣﺴﻜﻴﻨﻪ ﺗﻘﻌﺪ ﻭﺣﺪﻫﺎ؟ ! ﺧﻠﻴﻬﺎ ﺗﺠﻲ ﻣﻌﺎﻧﺎ ﻭﺗﻐﻴﺮ ﺟﻮﻫﺎ .. ﺗﻜﺴﺒﻲ ﻓﻴﻬﺎ ﺍﺟﺮ ﺭﻫﻮﻣﻪ ..
ﺭﻳﻬﺎﻡ ﺑﻠﻌﺖ ﺭﻳﻘﻬﺎ ﻭﻗﻌﺪﺕ ﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﻤﻜﺎﻥ ﺷﺒﺤﺖ ﻟﻨﻮﺭﺍﻥ ﻭﺍﺑﺘﺴﻤﺖ ﺑﻀﻴﻖ : ﺍﻭﻛﻲ ﻣﺎﻓﺶ ﻣﺸﻜﻠﻪ .
ﻧﻮﺭﺍﻥ ﺑﺎﺳﺘﻬﺎ : ﻭﺍﻟﻠﻪ ﻣﺎﻓﻲ ﻣﻨﻚ ❤
ﺭﻳﻬﺎﻡ ﻗﻌﺪﺕ ﺗﻀﺤﻚ ... ﻭﺗﺨﻔﻲ ﺍﻟﻢ ﺟﺮﺣﻬﺎ ﻭﻧﺎﺭ ﻏﻴﺮﺗﻬﺎ ..
***
ﻋﻨﺪ ﻛﻤﺎﻝ ..
ﻟﺒﺲ ﻭﻭﺗﻰ ﺭﻭﺣﻪ ﻭﻣﺘﻮﺟﻪ ﻟﻠﻤﺴﺘﺸﻔﻰ ﺑﺮﻏﻢ ﺍﻧﻪ ﻣﺎﺯﺍﻝ ﻣﺎﺗﻌﺎﻓﺎﺵ ﺗﻤﺎﻣﺎ ﺑﺲ ﺣﺲ ﺭﻭﺣﻪ ﻛﻮﻳﺲ .. ﻭﻗﺮﺭ ﻳﻤﺸﻲ ..
ﻃﻠﻊ ﻣﻦ ﺍﻟﻔﻴﻼ ... ﻭﻛﻴﻒ ﺟﺎﻱ ﺑﻴﺮﻛﺐ ﺍﻟﺴﻴﺎﺭﺓ ﺧﻄﺮ ﻋﻠﻴﻪ ﺍﺍﻟﻲ ﺻﺎﺭ ﺍﻣﺲ ﺍﻟﺼﻮﺭﺓ ﺍﻟﻠﻲ ﺟﺖ ﻣﻦ ﻣﻦ ﺫﺍﻛﺮﺗﻪ ﺍﻟﺒﻌﻴﺪ ﻭﺍﻟﺼﻮﺕ ﺍﻟﺤﻨﻮﻥ ﺍﻟﻠﻲ ﺳﻤﻌﻪ ﺍﺑﺘﺴﻢ ﻣﻦ ﻗﻠﺒﻪ ... ﺍﻟﻠﻲ ﻗﻌﺪ ﻳﻨﺒﺾ ﺑﻘﻮﺓ ... ﻉ ﻃﻠﻌﺔ ﻧﻮﺭﺍﻥ ﺑﺎﻟﺴﻴﺎﺭﺓ ﻛﻠﻜﺴﺘﻠﻪ ..
ﻫﻮ ﺍﺳﺘﺎﻗﺾ ﻭﺷﺒﺤﻠﻬﺎ ﺑﺈﺑﺘﺴﺎﻣﻪ ﻭﺣﺮﻙ ﺭﺍﺳﻪ ﺑﻤﻌﻨﻰ ﺷﻨﻮ ..
ﺗﻨﻬﺪﺕ ﻭﻧﺰﻟﺖ ﻣﻦ ﺳﻴﺎﺭﺓ ﻭﺟﺎﺗﻪ ﻭﻫﻮ ﻳﺸﺒﺤﻠﻬﺎ ﻭﺍﻷﺑﺘﺴﺎﻣﻪ ﻣﺎﻓﺎﺭﻗﺘﺶ ﻭﺟﻬﻪ ..
ﻧﻮﺭﺍﻥ : ﻛﻨﻚ ﺍﻧﺖ ﻗﻮﻟﻲ ..
ﻛﻤﺎﻝ ﺑﻀﺤﻜﻪ : ﻛﻨﻲ؟؟ !
ﻧﻮﺭﺍﻥ ﺑﻀﺤﻜﻪ : ﻧﺤﻜﻲ ﺟﺪ .. ﻣﺎﺯﻟﺖ ﻣﺮﻳﺾ ﺭﻩ ..
ﻛﻤﺎﻝ : ﺩﻭﺍﻱ ﺧﺪﻳﺘﻪ ﻭﺣﺎﺱ ﺭﻭﺣﻲ ﻧﺎﺷﻂ ﻭﻓﻲ ﻭﺭﺍﻱ ﻧﺎﺱ ﺗﺴﺘﻨﻰ ﻓﻴﺎ ..
ﻧﻮﺭﺍﻥ : ﺑﺎﻩ ﻻﺑﺲ ﻛﻮﻳﺲ ..
ﻛﻤﺎﻝ ﺑﻀﺤﻜﻪ : ﺍﻳﻪ ...
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺸﺒﺢ ﻟﻮﻃﺎ ..
ﻛﻤﺎﻝ : ﺻﺒﻴﺤﻪ ..
ﻗﺎﻣﺖ ﺭﺍﺳﻬﺎ ﻭﺟﻮ ﻋﻴﻮﻧﻬﺎ ﻓﻌﻴﻮﻧﻪ ﺍﻟﻌﺴﻠﻴﻪ ﺍﻟﻠﻲ ﻋﻜﺴﺖ ﻋﻠﻴﻬﻢ ﺍﻟﺸﻤﺲ ...
💙 ﻧﻮﺭﺍﻥ ..
ﻗﻠﺒﻲ ﺫﺍﺏ ﻓﻲ ﻋﺴﻞ ﻋﻴﻮﻧﻪ ﻫﺬﻳﻦ ﺍﻟﻠﻲ ﻳﺬﻫﺒﻦ ﺍﻟﺸﻴﺮﺓ .. ﺟﻤﺪﺕ ﻣﻜﺎﻧﻲ ﻭﻻﻗﺪﺭﺕ ﻧﺮﻣﺶ .. ﻣﺎﻧﺒﻴﺶ ﻧﺮﻣﺶ ﻣﺎﻧﺒﻴﺶ ..
ﻛﻤﺎﻝ : ﻋﻼﺵ ﻛﻨﺘﻲ ﺑﻌﻴﺪﻩ ﺍﻷﻳﺎﻡ ﺍﻟﻠﻲ ﻓﺎﺗﻮﺍ ..
💙 ﻧﻮﺭﺍﻥ ..
ﻛﻨﺖ ﺍﻗﺮﺑﻠﻚ ﻣﻦ ﺭﻭﺣﻚ ﻣﺎﺑﻄﻠﺘﺶ ﺗﻔﻜﻴﺮ ﻓﻴﻚ ﺩﻗﻴﻘﻪ ...
ﻛﻤﺎﻝ : ﻏﻠﻄﺘﺖ ﻓﻴﻚ .. ﺟﺮﺣﺘﻚ ﺑﺪﻭﻥ ﻣﺎﻧﻘﺼﺪ ..
💙 ﻧﻮﺭﺍﻥ ..
ﻳﺎﺭﻳﺘﻚ ﻏﻠﻄﺘﺖ ﻓﻴﺎ ﻭﺟﺮﺣﺘﻨﻲ ﻳﺎﺭﻳﺘﻚ ...
ﻛﻤﺎﻝ : ﺻﺒﺢ .. ﺧﻴﺮﻙ ﺳﺎﻛﺘﻪ ..
ﻧﻮﺭﺍﻥ ﺗﻨﻬﺪﺕ : ﻛﻨﺖ ﻣﺸﻐﻮﻟﻪ ﻭﺍﺟﺪ ﻭﺗﻌﺒﺖ ﺷﻮﻱ .. ﺗﻌﺮﻑ ﻳﻌﻨﻲ .. ﻭﻣﺶ ﻋﻠﻴﻚ ﺍﻧﺖ ﺑﺲ ﻉ ﺍﻟﻜﻞ ..
ﻛﻤﺎﻝ : ﺗﻤﺎﻡ ... ﻧﺒﻲ ﻧﻌﻘﺪ ﻣﻌﺎﻙ ﺍﺗﻔﺎﻕ ..
ﻧﻮﺭﺍﻥ : ﺷﻦ ﻫﻮ ..
ﻛﻤﺎﻝ : ﺍﻧﻲ ﻭﻳﺎﻙ ﺍﺻﺪﻗﺎﺀ .. ﺗﻤﺎﻡ ..
ﻧﻮﺭﺍﻥ ﺍﺑﺘﺴﻤﺖ : ﺗﻤﺎﻡ ..
ﻛﻤﺎﻝ : ﺍﻟﻤﻔﺮﻭﺽ ﻧﺘﺸﺎﺭﻛﻮﺍ ﻛﻞ ﺷﻲ .. ﺍﻟﻀﻴﻘﻪ ﻭﺍﻟﻔﺮﺡ .. ﻳﻌﻨﻲ .. ﻧﻠﻘﻮﺍ ﺑﻌﺾ ﻟﻤﺎ ﻧﺤﺴﻮﺍ ﺭﻭﺍﺣﻨﺎ ﺑﺮﻭﺍﺣﻨﺎ ﻭﻣﺎﻣﻌﺎﻧﺎ ﺣﺪ ..
ﻧﻮﺭﺍﻥ : ﻛﻼﻣﻚ ﺣﻠﻮ ﻭﺍﺟﺪ .. ﻭﺍﺳﻠﻮﺑﻚ ﻟﻄﻴﻒ ﻭﺍﺟﺪ .. ﺗﻌﺮﻑ ﺷﻦ ﺧﺎﻃﺮﻱ .
ﻛﻤﺎﻝ ﺑﺈﺑﺘﺴﺎﻣﻪ : ﺷﻦ ..
ﻧﻮﺭﺍﻥ : ﻧﺤﻖ ﺍﻟﻤﺮﺍﺓ ﺍﻟﻠﻲ ﺭﺑﺎﺗﻚ .. ﺍﻣﻚ ..
ﻛﻤﺎﻝ : ﺷﻔﺘﻬﺎ ﺍﻣﺲ ..
ﻧﻮﺭﺍﻥ ﺑﺼﺪﻣﻪ : ﻛﻴﻒ؟ !!
ﻛﻤﺎﻝ : ﻭﺳﻤﻌﺖ ﺻﻮﺗﻬﺎ ... ﺑﺲ ﺷﻜﻠﻬﺎ ﻣﺎﺷﻔﺘﺎﺵ ﻛﻮﻳﺲ ..
ﻧﻮﺭﺍﻥ ﺍﺑﺘﺴﻤﺖ ﺑﺄﻟﻢ : ﻭﺍﻛﻴﺪ ﻓﺮﺣﺖ ..
ﻛﻤﺎﻝ : ﻫﻠﺒﻪ ..
ﻧﻮﺭﺍﻥ ﺑﻠﻌﺖ ﺭﻳﻘﻬﺎ ﺑﺶ ﺗﺸﺪ ﺍﻟﺪﻣﻮﻉ ﻭﺧﻔﺘﻬﻢ ﺑﺈﺑﺘﺴﺎﻣﻪ : ﺭﺑﻲ ﻳﺮﺩﻛﻢ ﻟﺒﻌﻀﻜﻢ ﻳﺎﺍﺍﺭﺏ ..
ﻛﻤﺎﻝ : ﺁﻣﻴﻦ ..
ﻧﻮﺭﺍﻥ ﻛﺎﻟﻌﺎﺩﻩ ﺗﺒﻲ ﺗﻬﺮﺏ : ﻳﻠﻼ ﻋﻦ ﺍﺫﻧﻚ .. ﺟﺖ ﺑﺘﻤﺸﻲ ﺷﺪ ﻳﺪﻫﺎ ..
ﺗﻠﻔﺘﺖ ﻃﻮﻝ ..
ﻛﻤﺎﻝ : ﺣﺘﻰ ﺍﻣﻚ ﺍﻧﺘﻲ ﻛﻨﺖ ﻧﺘﻤﻨﻰ ﻟﻮ ﻧﻘﺪﺭ ﻧﺸﻮﻓﻬﺎ .. ﺑﺶ ﻧﺸﻜﺮﻫﺎ ﻉ ﺇﻧﻬﺎ ﺟﺎﺑﺖ ﺑﻨﺖ ﺯﻱ ﺍﻟﻤﻼﻙ ﻏﻤﺮﺗﻨﻲ ﺑﻄﻴﺒﻪ ﻗﻠﺒﻬﺎ ..
💙 ﻧﻮﺭﺍﻥ ..
ﻓﻲ ﺩﺍﺧﻠﻲ ﻗﻠﺒﻲ ﻧﺒﻀﺎﺗﻪ ﺗﻘﻮﻝ .. ﻧﺤﺒﻚ .. ﻧﺤﺒﻚ .. ﻧﺤﺒﻚ .. ﺗﺤﺒﻚ ..
ﻋﻴﻮﻧﻲ ﻳﺤﻜﻦ ... ﻧﻌﺸﻘﻚ .. ﻧﻌﺸﻘﻚ ... ﻧﻌﺸﻘﻚ .. ﻧﻌﺸﻘﻚ ..
ﺑﺲ ﻟﺴﺎﻧﻲ ....
ﻧﻮﺭﺍﻥ ﺍﺑﺘﺴﻤﺖ : ﻣﺸﻜﻮﺭ ...
ﻃﻠﻖ ﻳﺪﻫﺎ : ﻫﻲ .. ﻋﻄﻠﺘﻚ .. ﻭﺣﺘﻰ ﺍﻧﻲ ﻋﻄﻠﺖ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺒﺘﺴﻤﻪ : ﻓﻲ ﺍﻣﺎﻥ ﺍﻟﻠﻪ ..
ﺗﻠﻔﺘﺖ ﺑﺘﻤﺸﻲ .. ﻭﻣﺎﺗﺒﻴﺶ ﺯﻱ ﺍﻟﻌﺎﺩﻩ ... ﻭﻫﻮ ﻫﺎﻟﻤﺮﺓ ﻋﻨﺪﻩ ﺭﻏﺒﻪ ﺷﺪﻳﺪﻩ ﺍﻧﻬﺎ ﺗﻘﻌﺪ ..
ﻛﻤﺎﻝ : ﺻﺒﺢ ...
ﻧﻮﺭﺍﻥ ﻏﻤﻀﺖ ﻋﻴﻮﻧﻬﺎ " ﺗﻮﻗﻌﺘﻬﺎ ﻭﺍﻟﻠﻪ " ﺍﻟﺘﻔﺘﺖ : ﻧﻌﻢ ..
ﻛﻤﺎﻝ : ﺗﻌﺎﻟﻲ ﻟﻠﻤﺴﺘﺸﻔﻰ ﺍﻟﻴﻮﻡ ..
ﻧﻮﺭﺍﻥ ﺍﺑﺘﺴﻤﺖ : ﺣﺎﺿﺮ ...
ﻛﻤﺎﻝ : ﻳﺤﻀﺮﻟﻚ ﺍﻟﺨﻴﺮ .. ﻓﻲ ﺣﻔﻆ ﺍﻟﻠﻪ ..
ﻣﺸﺖ ﻧﻮﺭﺍﻥ ﻟﺴﻴﺎﺭﺗﻬﺎ ﺭﻛﺒﺖ ﺷﺒﺤﺘﻠﻪ .. ﻟﻘﺎﺗﻪ ﺭﺍﻛﺐ ﺳﻴﺎﺭﺗﻪ ﻭﻳﺸﻮﻓﻠﻬﺎ ... ﺗﻨﻬﺪﺕ ﻭﺷﻐﻠﺖ ﺍﻟﺴﻴﺎﺭﺓ ﻭﺗﺤﺮﻛﺖ ..
ﻭﻫﻮ ﺑﻌﺪ ﻣﺎﻫﻲ ﻣﺸﺖ ﺗﺤﺮﻙ ..
***
ﻣﺶ ﻋﺎﺭﻓﻪ ﺣﺎﺟﻪ ﻏﻤﺖ ﻋﻠﻴﺎ ﻭﻗﻠﺒﻲ ﻗﻌﺪ ﻳﻀﺮﺏ ﺑﻘﻮﺓ ..
ﻋﻼ : ﺑﺎﻟﻚ ﺿﻐﻂ ﺭﻗﻲ ﻣﺎﻣﺎ ..
ﺗﻬﺎﻧﻲ : ﻣﺶ ﻋﺎﺭﻓﻪ .. ﺑﺲ ﺍﻭﻝ ﻣﺮﺓ ﻫﻜﻲ ﻳﺼﻴﺮ ﻣﻌﺎﻱ ..
ﻋﻼ ﺗﻨﻬﺪﺕ : ﺍﻟﺤﻤﺪ ﻟﻠﻪ ﻣﺸﺖ ﻉ ﺧﻴﺮ ﻭﺍﻟﻠﻪ ﻃﻮﻝ ﺍﻟﻠﻴﻞ ﻣﺎﻗﺪﺭﺕ ﻧﻐﻤﺾ ﻋﻴﻨﻲ .. ﻗﻌﺪﺕ ﺑﺮﺍ ﻣﻘﻌﻤﺰﺓ ﺑﺶ ﻣﺎﻧﻮﺿﺶ ﻣﺤﻤﺪ .. ﺍﻟﻠﻲ ﻣﺮ ﻋﻠﻴﻨﺎ ﻣﺨﻠﻴﻨﻲ ﻛﻞ ﻣﺎﻳﺮﻥ ﺍﻟﺘﻠﻴﻔﻮﻥ ﻧﻨﺨﻠﻊ ..
ﺗﻬﺎﻧﻲ ﺗﻨﻬﺪﺕ ﺑﺤﺮﻗﻪ ...
ﻋﻼ ﺷﺒﺤﺘﻠﻬﺎ : ﺳﻤﻌﺘﻲ ﺑﻤﻨﻴﺮ ﻭﻛﻨﺎﻧﻪ ..
ﺗﻬﺎﻧﻲ : ﺍﻳﻪ .. ﻗﺎﻟﻮﺍ ﺳﺎﻓﺮﻭﺍ ﺟﻤﻴﻊ ..
ﻋﻼ : ﺯﻋﻤﻪ ﺑﻴﺎﺧﺪﻫﺎ ﻣﻨﻴﺮ ﺣﻖ .. ﻟﺤﻘﺖ ﺗﻨﺴﻰ ﻋﻼﺀ ﺍﻟﻠﻪ ﻳﺮﺣﻤﻪ ..
ﺗﻬﺎﻧﻲ : ﺗﻌﺮﻓﻲ ﻳﺎﻋﻼ .. ﻋﻘﻠﻲ ﻳﻘﻮﻟﻲ ﺍﻳﻪ ﻭﻗﻠﺒﻲ ﻳﻘﻮﻟﻲ ﻻ ..
ﻋﻼ : ﺷﻨﻮ ..
ﺗﻬﺎﻧﻲ : ﺍﻥ ﻛﻨﺎﻧﻪ ﺗﻘﺒﻞ ﺗﺎﺧﺪ ﺭﺍﺟﻞ ﺑﻌﺪ ﺧﻮﻙ ﺍﻟﻠﻪ ﻳﺮﺣﻤﻪ ... ﻭﻣﻦ ﺍﻷﺧﻴﺮ .. ﻣﻨﻴﺮ ﻋﻴﻨﻪ ﻓﻴﻬﺎ ﻣﻦ ﺯﻣﺎﻥ .
ﻋﻼ ﺑﻀﺤﻜﻪ : ﻧﺤﺴﺎﺏ ﺭﻭﺣﻲ ﺍﻧﻲ ﺑﺲ ﺍﻟﻤﻼﺣﻈﻪ ..
ﺗﻬﺎﻧﻲ : ﻣﻈﻨﻪ ﺧﻮﻙ ﺍﻟﻠﻪ ﻳﺮﺣﻤﻪ ﻫﻮ ﺍﻟﻮﺣﻴﺪ ﺍﻟﻠﻲ ﻣﺎﻟﺤﻈﺶ ..
ﻋﻼ : ﻋﻼﺀ ﻃﻴﺐ ﻭﺩﻳﻤﺎ ﺣﺴﻦ ﻇﻦ ﺑﺎﻟﻨﺎﺱ ﻣﺎﻳﻔﻜﺮﺵ ﻓﺘﻔﻜﻴﺮ ﻣﺶ ﻛﻮﻳﺲ ﺗﺠﺎﻩ ﺍﻱ ﺣﺪ ... ﺩﻣﻌﺘﻬﺎ ﻋﺒﺖ ﻋﻴﻨﻬﺎ .. ﺍﻟﻠﻪ ﻳﺮﺣﻤﻪ ..
ﺗﻬﺎﻧﻲ ﻧﺎﺿﺖ : ﺧﻞ ﺍﻧﻮﺽ ﻧﺸﻮﻑ ﺍﻟﻐﺴﺎﻟﻪ ... ﻣﺸﺖ ﺑﺴﺮﻋﻪ ﻭﺩﻣﻮﻋﻬﺎ ﻃﺎﺣﻮﺍ ﻃﻮﻝ ..
ﻭﻋﻼ ﻗﻌﺪﺕ ﺗﺒﻜﻲ 💔....
***
ﻓﻲ ﺍﻟﻤﺸﻐﻞ ..
ﺇﻣﺘﻲ ﺣﺘﻌﺮﻑ ﺇﻣﺘﻰ ﺇﻧﻲ ﺑﺤﺒﻚ ﺍﻧﺖ ..
ﺍﻟﺒﻨﺎﺕ ﻳﺸﻮﻓﻮﻟﻬﺎ ﻛﻴﻒ ﺟﻮﻫﺎ ﻣﺘﻐﻴﺮ .. ﻭﺗﻐﻨﻲ ﻭﺍﺑﺘﺴﺎﻣﺘﻬﺎ ﻣﺎﻓﺎﺭﻗﺘﺶ ﻭﺟﻬﻬﺎ ﺑﻜﻞ ... ﻓﺮﺣﻮﺍ ﻟﻔﺮﺣﺘﻬﺎ ﻭﻣﺘﺄﻛﺪﻳﻦ ﺍﻥ ﺍﻟﻠﻲ ﻓﻴﻪ ﻟﻴﻪ ﻋﻼﻗﻪ ﺑﺎﻟﻘﻤﺮ ﺍﻟﻐﺮﺑﺎﻭﻱ ..🌕
ﺷﺒﺤﺘﻠﻬﻢ ﻭﻛﻤﻠﺖ ﻏﻨﻲ ﻭﻫﻲ ﺗﻀﺤﻚ ..
ﺇﻣﺘﻰ ﺣﺘﻌﺮﻑ ﺇﻣﺘﻰ ﺇﻧﻲ ﺑﺤﺒﻚ ﺃﻧﺖ ..
ﺇﻣﺘﻰ ﺇﻣﺘﻰ ﺇﻣﺘﻰ ...
ﺍﻧﻔﺘﺢ ﺍﻟﺒﺎﺏ ..
" ﻏﻴﺮ ﻣﻦ ﻫﻮ .."
ﺍﻟﺒﻨﺎﺕ ﻓﻲ ﺩﺍﺧﻠﻬﻢ ﻛﻞ ﻭﺣﺪﻩ ﺗﺪﻋﻲ ﻭﺗﺴﺤﺴﺢ ...
ﻧﻮﺭﺍﻥ ﺟﻮﻫﺎ ﺍﻧﻘﻠﺐ ﻓﻲ ﺛﺎﻧﻴﻪ ..
ﺟﺘﻬﺎ ﺑﺎﺳﺘﻬﺎ ﻣﻦ ﺧﺪﻫﺎ : ﺗﻮﺣﺸﺘﻚ ..
ﻧﻮﺭﺍﻥ ﺍﺑﺘﺴﻤﺖ ﻣﺠﺎﻣﻠﻪ : ﺷﻦ ﺣﺎﻟﻚ ..
ﻣﻼﻙ : ﺗﻤﺎﻡ ... ﺍﻣﻤﻢ .. ﺷﻦ ﺟﻮﻙ ﺍﻧﺘﻲ ..
ﻧﻮﺭﺍﻥ : ﺗﻤﺎﻡ ...
ﻣﻼﻙ : ﺷﻦ ﺣﺎﻝ ﺍﻟﻠﻲ ﻋﻨﺪﻛﻢ .. ﻗﺎﻟﻚ ﻣﺸﻴﺘﻠﻪ ﺍﻟﻤﺴﺘﺸﻔﻰ ..
ﻧﻮﺭﺍﻥ ﺑﻀﻴﻖ : ﻻ ..
ﻣﻼﻙ ﺑﻀﺤﻜﻪ : ﺍﻛﻴﺪ ﻣﺶ ﺣﻴﻘﻮﻟﻚ ﻋﻠﻴﺶ ﺑﻴﻘﻮﻟﻚ ..
ﻧﻮﺭﺍﻥ ﺗﻨﻬﺪﺕ ﻭﻛﺘﻤﺖ ﺍﻧﺰﻋﺎﺟﻬﺎ ...
ﻣﻼﻙ : ﺑﺲ ﻣﺎﻧﺤﻜﻴﻠﻚ ﺍﻟﻤﺴﺘﺸﻔﻰ ﻣﺎﻟﻴﻬﻢ ﻛﺎﻥ ﺳﻴﺮﺗﻪ .. ﺧﻄﻒ ﻗﻠﻮﺑﻬﻢ ﻛﻠﻬﻢ ... ﻋﻨﺸﻜﻠﻪ ... ﻳﺨﻄﻒ ﺍﻟﻘﻠﺐ ﺑﻨﻈﺮﻩ 😍
ﻧﻮﺭﺍﻥ : ﺁﺍﺍﺍﺍﻩ .. ﻣﻦ ﻏﻴﻀﻬﺎ ﺧﺸﺖ ﺍﻟﻴﺒﺮﺍ ﻓﻲ ﺻﺒﻌﻬﺎ ﻧﺰﻑ ...
ﺻﻔﺎﺀ ﺟﺘﻬﺎ ﺗﺠﺮﻱ : ﺟﻴﺒﻮﺍ ﺷﺎﺵ ﻭﻣﻌﻘﻢ ﻭﻟﺼﻘﺔ ﺟﺮﺡ ..
ﺍﻟﺒﻨﺎﺕ ﻗﻌﺪﻭﺍ ﻳﺠﺮﻭﺍ ﺭﻗﻴﻪ ﺟﺎﺑﺘﻬﺎ ﻭﺟﺖ ﻭﻗﻌﺪﺕ ﺻﻔﺎﺀ ﺍﺩﻳﺮﻟﻬﺎ ﻓﻴﻪ ...
ﻧﻮﺭﺍﻥ ﺣﺎﺑﺴﻪ ﺩﻣﻌﺘﻬﺎ .... ﻃﺒﻌﺎ ﻫﻲ ﻧﺨﺼﺔ ﻳﺒﺮﺍ ﻃﻠﻌﺖ ﺑﻘﻄﺔ ﺩﻡ ﺑﺴﻴﻄﻪ ﺑﺲ ﺍﻟﻠﻲ ﻓﻲ ﺣﺎﻟﺘﻬﺎ .. ﻧﺨﺼﺔ ﺍﻟﻴﺒﺮﺍ ﻫﺎﺩﻱ ﺍﻟﻠﻲ ﻃﻠﻌﺖ ﺑﻘﻄﺔ ﺍﻟﺪﻡ ﻣﻤﻜﻦ ﺍﺩﻳﺮ ﻛﻮﺍﺭﺙ ...
ﻣﻼﻙ ﺑﺨﺒﺚ : ﺑﻴﻴﻲ .. ﻫﻀﺎ ﻛﻠﻪ ﻋﺸﺎﻥ ﻧﺨﺼﺔ ﻳﺒﺮﺍ ..
ﺷﺒﺤﻮﻟﻬﺎ ﺑﺤﺪﻩ ..
ﺷﺒﺤﺘﻠﻬﻢ : ﺃﻫﺎﺍﺍﺍﺍ
ﺃﺳﻔﺔ ﻧﺎﻧﻲ ﻧﺴﻴﺖ ﻭﺿﻌﻚ ..
ﺻﻔﺎﺀ : ﻣﻤﻜﻦ ﻟﻮ ﺳﻤﺤﺘﻲ ﻛﺎﻥ ﻣﺎﻋﻨﺪﻙ ﺷﻲ ﻛﻮﻳﺲ ﺗﻘﻮﻟﻴﻪ ﺗﺴﻜﺘﻲ ..
ﻣﻼﻙ ﺑﺮﻓﻌﺔ ﺣﺎﺟﺐ : ﻭﺍﻟﻠﻪ؟؟؟ !!!
ﻧﻮﺭﺍﻥ ﺑﻨﺒﺮﺓ ﻣﺨﻨﻮﻓﻪ : ﺧﻼﺹ ...
ﺳﻜﺘﺖ ﺻﻔﺎﺀ ..
ﻣﻼﻙ : ﻫﻀﺎ ﺍﻟﻠﻲ ﺭﺑﻲ ﻗﺪﺭﻙ ﻋﻠﻴﻪ .. ﺑﺪﺍﻝ ﻣﺎﺗﻬﺰﺑﻴﻬﺎ ﻫﺰﻳﺒﻪ ﺳﻤﺤﻪ ﺗﻮﺭﻳﻬﺎ ﻗﺪﺭﻫﺎ ﻓﻴﻬﺎ ..
ﻧﻮﺭﺍﻥ : ﻣﻼﻙ ﻟﻮﺳﻤﺤﺘﻲ ﺧﺎﻃﺮﻙ ﻓﻲ ﻣﺸﻜﻠﻪ ﻋﺪﻱ ﺩﻳﺮﻳﻬﺎ ﻓﻤﻜﺎﻥ ﺗﺎﻧﻲ ..
ﻣﻼﻙ ﺭﻗﻴﺘﻠﻬﺎ : ﺍﻫﺎ ﻃﺎﻟﻌﻪ ﻭﺍﻧﺘﻲ ﺧﻠﻴﻚ ﻣﻊ ﻫﺬﻳﻨﺎ ﺍﻟﻤﻠﺘﻤﻴﻦ ﻋﻠﻴﻚ ﻭﻳﻨﺎﻓﻘﻮﺍ ﻓﻴﻚ ﻋﺸﺎﻧﻚ ﻭﻟﻴﺔ ﻧﻌﻤﺘﻬﻢ ...
ﻃﻠﻌﺖ ﻣﻦ ﺍﻟﻤﺸﻐﻞ ..
ﺍﻟﺒﻨﺎﺕ ﻣﺼﺪﻭﻣﺎﺕ ﻓﻲ ﻛﻼﻣﻬﺎ ﺍﻟﻮﻗﺢ ﺷﺒﺤﻮﺍ ﻟﺒﻌﺾ ﺑﻌﺪﻳﻦ ﺷﺒﺤﻮﺍ ﻟﻨﻮﺭﺍﻥ ..
ﻧﻮﺭﺍﻥ ﺑﻀﺤﻜﻪ : ﻛﻨﻜﻦ ... ﻛﻼﻣﻬﺎ ﻭﻻﺣﺮﻙ ﻓﻴﺎ ﺷﻌﺮﻩ ... ﻓﺮﻕ ﻛﺒﻴﺮ ﺑﻴﻨﻜﻦ ﻭﺑﻴﻨﻬﺎ ..
ﺍﺑﺘﺴﻤﻮﺍ ﺍﻟﺘﻼﺛﻪ ...
ﺻﻔﺎﺀ : ﻭﺍﻟﻠﻪ ﺍﻟﻌﻈﻴﻢ ﻧﺤﺒﻚ ﻛﺄﻧﻚ ﺍﺧﺘﻲ ﻭﻣﻌﺮﻭﻓﻚ ﻣﻌﺎﻳﺎ ﻟﻴﻦ ﻧﻤﻮﺕ ﻭﻣﺎﻧﻨﺴﺎﻩ ..
ﺭﻗﻴﻪ : ﻭﺍﻟﻠﻪ ﻭﺣﺘﻰ ﺍﻧﺎ ..
ﺩﺍﻟﻴﺎ : ﻭﻻ ﻭﺣﺪﻩ ﻓﻴﻨﺎ ﻣﻌﺮﻭﻓﻚ ﻣﻌﺎﻫﺎ ﻣﺶ ﻣﺎﻟﻜﻬﺎ .. ﺑﺲ ﻭﺍﻟﻠﻪ ﻧﺤﺒﻮﻛﻲ ﻹﻧﻚ ﻃﻴﺒﻪ ﻭﻧﻈﻴﻔﺔ ﻗﻠﺐ ﻭﻋﻤﺮﻙ ﻣﺎﻋﺎﻣﻠﺘﻴﻨﺎ ﻉ ﺍﻧﻨﺎ ﻋﺎﻣﻼﺕ ﻋﻨﺪﻙ ﺩﻳﻤﺎ ﺣﺎﺳﻴﻦ ﺍﻧﻨﺎ ﺧﻮﺍﺗﻚ ..
ﻧﻮﺭﺍﻥ : ﻭﺃﻧﺘﻦ ﻫﻚ ﻭﺍﻟﻠﻪ ... ﺭﺑﻲ ﻣﺎﻳﺤﺮﻣﻨﻲ ﻣﻨﻜﻦ ... ﻣﺴﺤﺖ ﺩﻣﻮﻋﻬﺎ ... ﻫﻴﺎ .. ﻫﻴﺎ ﺍﺷﺘﻐﻠﻦ ﻭﺭﺍﻧﺎ ﻫﻢ ﻣﺎﻳﻠﺘﻢ ﻭﺿﺤﻜﺖ .
ﻛﻞ ﻭﺣﺪﻩ ﻓﻴﻬﻢ ﻣﺴﺤﺖ ﺩﻣﻌﺘﻬﺎ ﻭﻭﻟﻮﺍ ﻟﺨﺪﻣﺘﻬﻢ ﻣﻦ ﺟﺪﻳﺪ ..
***
ﺑﻌﺪ ﺍﻟﻌﺼﺮ ...
ﺑﻌﺪ ﺻﻠﻰ ... ﻭﻟﻰ ﻟﺸﻐﻠﻪ ﻣﻦ ﺟﺪﻳﺪ ..
ﻭﻫﻮ ﻓﺤﺠﺮﺗﻪ .. ﻃﻖ ﺍﻟﺒﺎﺏ ..
ﻛﻤﺎﻝ : ﺗﻔﻀﻞ ..
ﺍﻧﻔﺘﺢ ﺍﻟﺒﺎﺏ ﻭﺧﺸﻮﺍ 3 ﻣﻤﺮﺿﺎﺕ ﻭﻛﻞ ﻭﺣﺪﻩ ﻓﻴﺪﻫﺎ ﺣﺎﺟﻪ ..
ﻛﻤﺎﻝ ﺭﻓﻊ ﺣﻮﺍﺟﺒﻪ ﻭﻫﻮ ﻣﺒﺘﺴﻢ : ﺇﻥ ﺷﺎﺀ ﺍﻟﻠﻪ ﺧﻴﺮ !!
ﺻﺎﺑﺮﻳﻦ : ﻋﺎﺭﻓﻴﻨﻚ ﺍﻟﻴﻮﻡ ﺑﺘﻘﻌﺪ ﻟﻌﻨﺪ ﺍﻟﻠﻴﻞ ﻭﺣﻀﺮﺗﻚ ﺗﺘﻌﺐ ﻭﺍﺟﺪ ﻭﺷﺒﻪ ﻣﺎﺗﺎﻛﻠﺶ ﻛﻴﻒ ﻣﺎﻻﺣﻈﻨﺎ ..
ﺑﺴﻤﻪ : ﻓﻜﺮﻧﺎ ﻧﺤﺴﺒﻮﻙ ﻣﻌﺎﻧﺎ ﻓﻲ ﺍﻟﻐﺪﺍ ...
ﻛﻤﺎﻝ ﺑﻀﺤﻜﻪ : ﻣﺸﻜﻮﺭﺍﺕ ﻫﻠﺒﻪ .. ﺑﺲ ﺍﻧﻲ ﻟﻤﺎ ﻧﺨﺪﻡ ﻣﺎﻧﺤﺒﺶ ﻧﺎﻛﻞ ﺑﻌﺪ ﻧﻜﻤﻞ ﻣﻤﻜﻦ ﻧﺎﻛﻞ .
ﺇﺳﺮﺍﺀ : ﺍﻳﻪ .. ﺑﻌﺪ ﺗﻜﻤﻞ .. ﻳﻌﻨﻲ ﻧﺤﻨﺎ ﻗﻠﻨﺎ ﻫﻚ ..
ﺻﺎﺑﺮﻳﻦ ﻗﺪﻣﺖ ﻭﺣﻄﺖ ﺣﺎﻓﻈﻪ ﺻﻐﻴﺮﻩ ﻭﻗﺎﻟﺖ : ﻃﺎﺟﻴﻦ ﻳﻮﻧﺎﻧﻲ ..
ﺿﺤﻚ ﺑﺄﺳﺘﻐﺮﺍﺏ ..
ﻗﺪﻣﺖ ﺇﺳﺮﺍﺀ : ﺭﺷﺪﺓ ﻛﺴﻜﺎﺱ ﺗﺤﺒﻮﻫﺎ ﻭﺍﺟﺪ ﺍﻧﺘﻮ ﺍﻟﻐﺮﺍﺑﻪ ..
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺎﺯﺍﻟﺖ ﻋﻼﻣﺎﺕ ﺍﻹﺳﺘﻐﺮﺍﺏ ﻉ ﻭﺟﻬﻪ ﻣﺮﺍﻓﻘﺔ ﺿﺤﻜﺘﻪ ..
ﺑﺴﻤﻪ : ﻭﻫﺬﻱ ﺍﻟﺘﺤﻼﻳﻪ ﻣﻌﻤﻮﻝ ﺑﺎﻟﺘﻤﺮ ﻳﺬﻭﺏ ﻓﻲ ﺍﻟﻔﻢ ﺍﻥ ﺷﺎﺀ ﺍﻟﻠﻪ ﻳﻌﺠﺒﻚ ..
ﻛﻤﺎﻝ ﺑﻀﺤﻜﻪ ﻭﻫﻮ ﻳﺸﺒﺢ ﻟﻠﺤﺎﻓﻈﺎﺕ : ﻭﺍﻟﻠﻪ ﺷﻦ ﺑﻨﻘﻮﻝ ﻳﻌﻄﻴﻜﻢ ﺍﻟﺼﺤﻪ .. ﻭﺳﺎﻣﺤﻮﻧﻲ ﻓﻲ ﺗﻌﺒﻜﻢ ..
ﺑﺴﻤﻪ : ﺗﻌﺒﻚ ﺭﺍﺣﻪ ...😍
ﻛﻤﺎﻝ : ﺍﺣﻤﻢ .. ﺑﺎﻫﻲ ﺗﻮﺍ ﻛﻞ ﻭﺣﺪﻩ ﺗﻤﺸﻲ ﺗﺸﻮﻑ ﺷﻐﻠﻬﺎ ﻫﻴﺎ ..
ﻛﻠﻬﻢ ﺑﺼﻮﺕ ﻭﺍﺣﺪ : ﺣﺎﺿﺮ ..😍😍😍
ﻭﻛﻴﻒ ﻟﻔﻮﺍ ﺑﻴﻄﻠﻌﻮﺍ ﻭﻛﻞ ﻭﺣﺪﻩ ﻓﻴﻬﻢ ﻣﻌﻠﻘﻪ ﻋﻴﻮﻧﻬﺎ ﻓﻴﻪ .. ﻭﻫﻮﻻﻫﻲ ﺑﻤﻠﻒ ﻭﺍﺣﺪ ﻣﻦ ﺍﻟﻤﺮﺿﻰ .. ﺧﺸﺖ ﻧﻮﺭﺍﻥ .. ﺳﻠﻤﺖ ﻋﻠﻴﻬﻢ ﻭﺭﺩﻭﺍ ﻋﻠﻴﻬﺎ ﻭﻃﻠﻌﻮﺍ .. ﻭﻫﻲ ﻋﻴﻮﻧﻬﺎ ﻉ ﻃﺎﻭﻟﺔ ﻣﻜﺘﺒﻪ ... ﻭﺭﺍﻓﻌﻪ ﺣﻮﺍﺟﺒﻬﺎ ﺑﺄﺳﺘﻐﺮﺍﺏ ..
ﻧﻮﺭﺍﻥ : ﺍﺣﺤﻤﻢ .. ﺩﻛﺘﻮﺭ ..
ﻗﺎﻡ ﻋﻴﻮﻧﻪ ﻓﻴﻬﺎ ﻭﻫﻮ ﻻﺑﺲ ﺍﻟﻨﻈﺮﺍﺕ ﺍﻟﻄﺒﻴﻪ ﺃﻭﻝ ﻣﺮﺓ ﺗﺸﻮﻓﻪ ﺑﻴﻬﻢ ...
💙 ﻧﻮﺭﺍﻥ .
ﺍﻩ ﻳﺎﺭﺑﻲ ﺍﺭﺣﻤﻨﻲ ﻣﻨﻪ ... ﻳﻬﺒﺒﺒﺒﻞ ﻳﺎﺑﻨﺎﺕ ﻳﻬﺒﺒﺒﺒﺒﺒﺒﻞ ﺍﺍﺍﺍﺍﻩ ﻳﺎﻗﻠﺒﻲ ﺍﻟﻤﺘﻤﻠﺢ 💓💓💓😍😍
ﻛﻤﺎﻝ ﺍﺑﺘﺴﻢ : ﺍﻫﻼ ﻭﺳﻬﻼ ..
ﻗﺪﻣﺖ ﻭﻫﻲ ﺗﺸﺒﺢ ﻟﻠﺤﺎﻓﻈﺎﺕ : ﺷﻨﻮ ﻫﻀﺎ ﺯﺭﺩﺓ ؟ !!
ﻛﻤﺎﻝ : ﻫﻬﻬﻬﻬﻬﻪ ... ﻫﻜﻲ ﺍﻟﺒﺎﻳﻦ ..
ﻧﻮﺭﺍﻥ ﺗﺸﻮﻓﻠﻬﻢ ﻭﺣﺎﺟﺒﻬﺎ ﻣﺮﻓﻮﻉ ﻭﻗﺎﻟﺖ ﺑﻐﻴﺮﻩ : ﺑﺘﺎﻛﻞ ﻣﻨﻬﻦ ..
ﻛﻤﺎﻝ : ﺗﺲ ..
ﻧﻮﺭﺍﻥ : ﻭﻟﻴﺶ ﻗﺒﻠﺘﻬﻦ؟ !
ﻛﻤﺎﻝ : ﻣﺎﻗﺪﺭﺗﺶ ﻧﺤﺮﺟﻬﻢ ..
ﻧﻮﺭﺍﻥ : ﻭﻛﻴﻒ ﻳﺼﻴﺮ ﻓﻴﻬﻦ؟
ﻛﻤﺎﻝ ﺑﺄﺑﺘﺴﺎﻣﻪ : ﺗﻮ ﻧﺘﺼﺮﻑ ..
ﻧﻮﺭﺍﻥ : ﻭﻫﺬﻱ ﺍﻭﻝ ﻣﺮﺓ ﻭﻻﺩﺍﻳﺮﺗﻬﺎ ﻗﺒﻞ ..
ﻛﻤﺎﻝ ﺭﺍﻓﻊ ﺣﺎﺟﺒﻪ ﺑﺈﺑﺘﺴﺎﻣﻪ ﻭﻫﻮ ﻳﺸﻮﻓﻠﻬﺎ : ﺍﻭﻝ ﻣﺮﺓ ﻧﻘﻌﺪ ﻟﻮﻗﺖ ﻣﺘﺄﺧﺮ ﻟﻬﺬﺍ ﺃﻭﻝ ﻣﺮﺓ ﻳﺪﻳﺮﻭﻫﺎ ...
ﻧﻮﺭﺍﻥ : ﺍﻟﺤﻖ ﻋﻠﻴﻚ ... ﻣﻔﺮﻭﺽ ﺗﻜﻮﻥ ﺣﺎﺩ ﺷﻮﻳﻪ ﻣﻌﺎﻫﻦ ﺍﻟﻤﻌﺎﻣﻠﻪ ﺍﻟﻜﻮﻳﺴﻪ ﺗﺨﻠﻴﻬﻦ ﻳﺎﺧﺬﻥ ﻭﺟﻪ ..
ﻛﻤﺎﻝ ﺑﻀﺤﻜﻪ : ﺍﻧﺘﻲ ﺗﻘﻮﻟﻲ ﻫﻜﻲ ﻣﺎﻧﻌﺮﻓﻜﺶ ﺷﺮﻳﺮﺓ ...
ﻧﻮﺭﺍﻥ ﺍﻧﺤﺮﺟﺖ : ﻣﺶ ﺷﺮ .. ﻫﻮ ....
ﻛﻤﺎﻝ ﺑﺮﻓﻌﻪ ﺣﺎﺟﺐ : ﻫﻮ ... ﺷﻨﻮ ..
ﻧﻮﺭﺍﻥ ﺑﺈﺣﺮﺍﺝ ﺷﺪﻳﺪ ﻓﻜﺮﺕ ﻓﻲ ﺣﺎﺟﻪ ﻭﻗﺎﻟﺘﻬﺎ ﺑﺴﺮﻋﻪ : ﻫﻮ ﺿﺒﻂ ﻭﺭﺑﻂ ...
ﻛﻤﺎﻝ : ﻫﻬﻬﻬﻬﻬﻬﻬﻪ ... ﺑﺎﻩ ﻳﺎﺳﺘﻲ ﺗﻮ ﻧﺮﺑﻄﻮﺍ .
ﻧﻮﺭﺍﻥ ﺑﻔﺰﺓ : ﺷﻦ ﺗﺮﺑﻂ؟ !!
ﻛﻤﺎﻝ ﺿﺤﻚ ﺑﺈﺳﺘﻐﺮﺍﺏ : ﺍﻟﻮﺿﻊ ...
ﻧﻮﺭﺍﻥ ﺳﺎﻭﺕ ﻭﺷﺎﺣﻬﺎ ﺑﺈﺣﺮﺍﺝ : ﺍﻫﺎ ..
ﻫﻮ ﻣﻼﻣﺢ ﻭﺟﻬﻪ ﺗﻠﻘﺎﺋﻴﺎ ﺗﻐﻴﺮﺕ ...
ﻧﻮﺭﺍﻥ ﻻﺣﻈﺖ : ﻛﻨﻚ ..
ﻧﺎﺽ ﻣﻦ ﻣﻜﺎﻧﻪ ... ﻭﺟﺎﻫﺎ ﺷﺪ ﻳﺪﻫﺎ ﻭﺭﻓﻌﻬﺎ ﻟﻴﻪ ﻭﻗﻌﺪ ﻳﺸﻮﻑ ﻟﺼﺒﻌﻬﺎ : ﺧﻴﺮﻩ !!!
ﻧﻮﺭﺍﻥ : ﻓﺠﻌﺘﻨﻲ ﻫﻬﻬﻬﻪ .. ﻧﺨﺼﺔ ﻳﺒﺮﺍ ﻋﺎﺩﻱ ﻳﻌﻨﻲ ..
ﻛﻤﺎﻝ ﺧﺎﻑ ﻫﻠﺒﻪ ﻋﻠﻴﻬﺎ ﺑﺲ ﻣﺎﺑﺎﺵ ﻳﺸﺪ ﻓﺎﻟﻤﻮﺿﻮﻉ ﺑﺶ ﻣﺎﻳﻀﺎﻳﻘﻬﺎﺵ : ﺑﺎﻫﻲ ... ﻗﻌﺪ ﺷﺎﺩ ﻳﺪﻫﺎ ﻭﻫﻲ ﺗﺸﺒﺤﻠﻪ ﻭﻫﻮ ﻳﺸﻮﻓﻠﻬﺎ ... ﻫﻮ ﺍﺳﺘﺎﻗﺾ .. ﻧﺰﻝ ﻳﺪﻫﺎ ﺑﺎﻟﺸﻮﻳﻪ ﻭﻃﻠﻘﻬﺎ ﺗﺪﺭﻳﺠﻴﺎ ..
💙 ﻧﻮﺭﺍﻥ ..
ﺣﺴﻴﺖ ﺑﺸﻲ ﻏﺮﻳﺐ ﻓﻌﻴﻮﻧﻪ ﺣﻘﻴﺘﻪ ... ﺣﺘﻰ ﻟﻤﺎ ﺭﺧﺎ ﻳﺪﻱ .. ﻭﻛﺄﻧﻪ ﻣﺎﻳﺒﻴﺶ ﻳﺮﺧﻴﻬﺎ ... ﺑﺲ ﻛﺎﻟﻌﺎﺩﻩ ﺗﺠﺎﻫﻠﺖ ﺗﺠﺎﻫﻠﺖ ﻏﺼﺐ ﻋﻨﻲ ...💔
ﻛﻤﺎﻝ : ﺍﺣﻤﻢ .. ﺗﻠﻔﺖ ﺧﺪﻱ ﺍﻟﻤﻠﻒ ﻣﻦ ﻉ ﺍﻟﻄﺎﻭﻟﻪ .. ﺍﻟﺒﺴﻲ ﺍﻟﻴﻮﻧﻴﻔﻮﺭﻡ .. ﻭﺗﻌﺎﻟﻲ ﻣﻌﺎﻱ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺣﺎﺿﺮ ..
ﻃﻠﻌﻮﺍ ﺍﻟﺰﻭﺯ .... ﻫﻲ ﻣﺸﺖ ﻟﺒﺴﺖ ﻭﻟﺤﻘﺎﺗﻪ ﻭﺑﺪﻭﺍ ﺷﻐﻠﻬﻢ ﻣﻊ ﺑﻌﺾ ..
***
ﻳﺸﺒﺢ ﻓﻴﻬﺎ ﻣﺎﺷﻴﻪ ﻭﺭﺍ ﺍﻟﺤﻮﺵ ﻣﺸﻲ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ... ﺑﺶ ﻳﻌﺮﻑ ﺷﻦ ﺍﺩﻳﺮ ..
ﻭﺻﻞ ﻟﻘﺎﻫﺎ ﺗﺮﺩ ﺍﻟﺘﻠﻔﻮﻥ ..
ﺳﺎﺭﺓ : ﻋﺒﺪ ﺍﻟﻤﻠﻚ ﺯﻭﺩﺗﻬﺎ ............ ﻣﺎﻧﺒﺶ ﺍﻓﻬﻢ ......... ﺍﻓﻔﻒ ... ﻻﺑﻨﻨﻔﺦ ﻳﺎﺭﺍﺟﻞ ﺍﻧﺎ ﻗﺖ ﺍﻟﻠﻲ ﻋﻨﺪﻱ ﺧﻼﺹ ﻟﻴﺶ ﺗﻌﻴﺪ ﻭﺗﺰﻳﺪ ...... ﺍﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ..... ﺍﻟﻠﻬﻢ ﺻﻞ ﻋﻠﻰ ﺳﻴﺪﻧﺎ ﻣﺤﻤﺪ ...... ﺑﺎﻩ ...... ﺷﻦ ﺍﻟﻔﺎﻳﺪﻩ ﻟﻮ ﺗﻼﻗﻴﻨﺎ ......................... ﻋﺒﺪﺍﻟﻤﻠﻚ ... ﺍﻭﻛﻲ ﺍﺳﻤﻌﻨﻲ .. ﻫﺬﻱ ﺍﺧﺮ ﻣﺮﺓ ... ﺗﻤﺎﻡ ... ﺭﻩ ﻭﺍﻟﻠﻪ ﺑﻌﺪﻳﻦ ﻧﺪﺧﻞ ﻓﻴﻬﺎ ﺧﻮﻳﺎ ﻭﺑﺎﺗﻚ ﻭﻋﻤﺎﻣﻲ ..
ﺭﻓﻊ ﺣﺎﺟﺒﻪ : ﻣﺎﺍﺍﺍﺷﺎﺀ ﺍﻟﻠﻪ ..!!!!!
ﺳﺎﺭﺓ : ﺧﻼﺹ ... ﺳﻼﻡ .. ﺻﻜﺮﺕ .. ﻫﻮ ﺍﺩﺭﻕ .. ﻫﻲ ﻣﺸﺖ ﻭﻫﻮ ﻳﻔﻜﺮ "... ﺧﻮﺕ .. ﻭﺃﻋﻤﺎﻡ ... ﻭﻋﺒﺪﺍﻟﻤﻠﻚ .. ﻣﻦ ﻳﻜﻮﻥ ... ﻫﻲ ﻣﻦ ﺗﻜﻮﻥ ﺃﺻﻼ ...."!! ﻭﺭﺍﻙ ﻭﺭﺍﻙ .. ﻭﺣﻨﻌﺮﻓﻚ ...
****
ﺑﻌﺪ ﺍﻟﻌﺸﺎﺀ ...
ﻃﻠﻌﻮﺍ ﺍﻟﺰﻭﺯ ﻣﻦ ﺍﻟﻤﺴﺘﺸﻔﻰ ..
ﻧﻮﺭﺍﻥ : ﻗﺎﻋﺪ ﺗﺠﺮﻱ ﻉ ﻭﺭﺍﻗﻚ ..
ﻛﻤﺎﻝ : ﺍﻳﻪ .. ﺍﻫﻢ ﺷﻲ ﻭﺭﻗﺔ ﻧﻄﻠﻌﻬﺎ ﻟﻤﺎ ﻳﻄﻠﺒﻬﺎ ﻣﻨﻲ ﺍﻟﻤﺮﻭﺭ ...
ﻧﻮﺭﺍﻥ : ﻛﻮﻳﺲ ... ﺗﺒﻲ ﺍﻱ ﻣﺴﺎﻋﺪﻩ ﺍﻧﺎ ﺣﺎﺿﺮﺓ .
ﻛﻤﺎﻝ ﺍﺑﺘﺴﻢ : ﺗﺴﻠﻤﻲ ..
ﻭﺻﻠﻮﺍ ﻟﺴﻴﺎﺭﺗﻬﻢ ...
ﻧﻮﺭﺍﻥ ﺭﻛﺒﺖ ﻭﻫﻮ ﺭﻛﺐ ﺑﻌﺪ ﺭﻛﺒﺖ .. ﻣﺸﺖ ﻭﻫﻮ ﻭﺭﺍﻫﺎ ...
ﻫﻲ ﺗﺸﻮﻓﻠﻪ ﻣﻦ ﺍﻟﻤﺮﺍﻳﺎ ﻭﻣﺒﺘﺴﻤﻪ ...
ﺍﻣﺎ ﻫﻮ ﻓﻜﺎﻥ ﻳﻔﻜﺮ ﺷﻦ ﻓﻲ ﻣﻦ ﺍﺳﺮﺍﺭ ﻭﺭﺍ ﻋﻤﻬﺎ ﻳﺮﺍﺟﻲ ﺍﻣﺘﻰ ﻳﺮﻭﺡ ﺑﺶ ﻳﻜﻤﻞ ﻗﺮﺍﻳﻪ ﺍﻟﻤﺬﻛﺮﺍﺕ ﻣﺘﺎﻉ ﺍﻣﻬﺎ ...
ﻭﺻﻠﻮﺍ ﺍﻟﺰﻭﺯ ﻫﻲ ﻓﺎﺗﺖ ﻣﻦ ﺣﺪﺍﻩ ﻭﻛﻤﻠﺖ ﺍﻟﻘﺪﺍﻡ ﻭﻫﻮ ﻳﺸﻮﻓﻠﻬﺎ ﻧﺰﻟﻮﺍ ﺍﻟﺰﻭﺯ ... ﺍﻟﺘﻔﺘﺖ .. ﺩﺍﺭﺗﻠﻪ ..🖐 ﻭﻫﻮ ﺭﺩﻫﺎ ... ﺧﺸﺖ .. ﻭﻫﻮ ﺧﺶ ...
ﻧﻮﺭﺍﻥ ﻟﻤﺎ ﺟﺖ ﺧﺎﺷﻪ ﻟﻘﺖ ﺳﺎﺭﺓ ﺗﻤﺸﻲ ﻭﺗﺠﻲ ﻓﻤﻜﺎﻧﻬﺎ ﻭﺍﻛﺮﻡ ﻭﺍﻗﻒ ﺑﻌﻴﺪ ﻳﺸﻮﻓﻠﻬﺎ ...
ﺳﺎﺭﺓ ﻟﻤﺎ ﺣﺴﺖ ﺑﻮﺟﻮﺩ ﻧﻮﺭﺍﻥ ﺟﺘﻬﺎ ﻃﻮﻝ : ﻧﻮﺭﺍﻥ ..
ﻧﻮﺭﺍﻥ ﺷﺒﺤﺘﻠﻬﺎ ﺑﺈﺳﺘﻐﺮﺍﺏ ..
ﺳﺎﺭﺓ : ﻓﻮﺣﺪﻩ ﻣﻦ ﺍﻟﻠﻲ ﻛﺎﻧﻦ ﻳﺨﺪﻣﻦ ﻣﻌﺎﻳﺎ ﻓﻲ ﺍﻟﻤﻌﻤﻞ ﺟﺎﺑﺖ ﻭﺩﺍﻳﺮﺓ ﻏﺪﺍ .. ﻭﻋﺰﻣﺘﻨﻲ ..
ﻧﻮﺭﺍﻥ ﻗﻄﻌﺖ ﻋﻠﻴﻬﺎ ﺑﺈﺑﺘﺴﺎﻣﻪ : ﻋﺪﻱ ..
ﺳﺎﺭﺓ ﺑﻀﺤﻜﻪ : ﻭﺍﻟﻠﻪ ﻧﺤﺒﻚ .. ﺑﺎﻟﻠﻪ ﺣﻠﻒ .. ﺣﻀﻨﺘﻬﺎ ﻭﻫﻲ ﺗﻀﺤﻚ ﻭﻧﻮﺭﺍﻥ ﺗﻀﺤﻚ ... ﻭﻛﻴﻒ ﻟﻔﺖ ﺑﺘﻤﺸﻲ ﺟﺖ ﻋﻴﻨﻬﺎ ﻓﻌﻴﻦ ﺍﻛﺮﻡ ﺗﻼﺷﺖ ﺿﺤﻜﺘﻬﺎ ﺷﺒﺤﺘﻠﻪ ﺑﺤﺪﻩ ﻭﻣﺸﺖ .. ﺍﻣﺎ ﻫﻮ ﻓﺸﺒﺤﻠﻬﺎ ﺑﺈﺯﺩﺭﺍﺀ ﻛﻌﺎﺩﺗﻪ ...
ﻧﻮﺭﺍﻥ ﺭﻛﺒﺖ ﺩﺭﻭﺝ ﺍﻟﻤﺪﺧﻞ ﻭﺧﺸﺖ ﻟﻠﻔﻴﻼ ﻭﻫﻲ ﺗﻀﺤﻚ ...
ﻭﺃﻛﺮﻡ ﻓﺮﺍﺳﻪ ﺷﻲ ﺣﻴﻨﻔﺪﻩ ..
****
ﻛﻤﺎﻝ ﺑﻌﺪ ﻣﺎﺭﻭﺡ ..
ﺩﺍﺭ ﺍﻟﺮﻭﺗﻴﻦ ﺍﻟﻤﻌﺮﻭﻑ ...
ﻭﻃﻮﻝ ﺗﻮﺟﻪ ﻟﻠﺴﺮﻳﺮ ﻭﺧﺪﻱ ﺍﻟﻤﺬﻛﺮﺓ ﻗﻌﻤﺰ ﻉ ﺍﻟﻜﺮﺳﻲ ﻭﻓﺘﺢ ﻭﻳﻦ ﻣﺎﻭﺻﻞ ..
( ﺍﻟﻴﻮﻡ ﺛﺎﻣﻦ ﻳﻮﻡ ﺭﻣﻀﺎﻥ .. ﻭﺍﻧﺎ ﺧﺸﻴﺖ ﺍﻟﺜﺎﻣﻦ ... ﺍﺳﺘﻐﺮﺑﺖ ﻓﻲ ﺍﺗﺼﺎﻝ ﺑﺎﺗﻲ .. ﺍﻟﻠﻲ ﻗﺎﻝ ﺍﻧﻪ ﺣﻴﻔﻄﺮ ﻋﻨﺪﻧﺎ ﻳﻌﻨﻲ ﻓﺤﻮﺵ ﻋﻤﻲ .. ﻭﻫﻮ ﺍﻣﺲ ﻛﺎﻥ ﻓﺎﻃﺮ ﻫﻨﺎ ﻣﻊ ﺍﻣﻲ .. ﺣﺴﻴﺖ ﺍﻥ ﻓﻲ ﺷﻲ .. ﻭﻓﻌﻼ ... ﻉ ﺍﻟﻔﻄﻮﺭ ﺟﺎ ﺑﺎﺗﻲ ﺑﺲ ﻣﺶ ﻭﺣﺪﻩ ﻭﻣﺶ ﺍﻣﻲ ﺍﻟﻠﻲ ﻣﻌﺎﻩ .. ﻣﻌﺎﻩ ﺭﺿﻮﺍﻥ .. ﺟﺎﻱ ﻳﻌﺘﺬﺭ ﻭﻳﺘﺄﺳﻒ ﻟﺒﺎﺗﻪ .. ﻭﻃﺒﻌﺎ ﺳﻔﻴﺎﻥ ﺳﺎﻋﺪﻩ ﺑﺶ ﻳﻠﻴﻦ ﻗﻠﺐ ﻋﻤﻲ ﻋﻠﻴﻪ ﻭﻳﺴﺎﻣﺤﻪ .. ﻭﻋﻤﻲ ﻓﻲ ﺍﻟﻨﻬﺎﻳﻪ ﺃﺏ ﺣﻴﻠﻴﻦ ﻗﻠﺒﻪ ﻟﻀﻨﻮﺗﻪ .. ﺳﺎﻣﺤﻪ .. ﻭﻓﻄﺮ ﻣﻌﺎﻫﻢ .. ﻭﻟﻤﺎ ﺟﺎ ﺑﻴﻄﻠﻊ ﺑﺶ ﻳﺠﻴﺐ ﺣﺎﺟﺎﺗﻪ ﻭﻳﺮﺩ ﺍﻟﺤﻮﺵ .. ﺳﻠﻢ ﻉ ﺍﻣﻪ ﻭﺍﻧﺎ ﻛﻨﺖ ﻣﻌﺎﻩ .. ﺳﻠﻢ ﻋﻠﻴﺎ ﻭﻧﻈﺮﺍﺗﻪ ﺍﻟﻠﻲ ﺗﻮﺟﻬﺖ ﻟﺒﻄﻨﻲ ﺧﻮﻓﺘﻨﻲ .. ﻧﻈﺮﺓ ﺳﺮﻳﻌﻪ ... ﺑﺲ ﻏﺮﻳﺒﻪ ﻭﻣﺮﻳﺒﻪ .. ﺧﻔﺖ ﻭﺍﺍﺍﺟﺪ ... ﺑﺤﺘﺖ ﻓﻴﻪ ﺑﺤﺪﻩ .. ﻫﻮ ﺑﻌﺪﻫﺎ ﻋﺪﺍ .. ﻭﺧﻼ ﻗﻠﺒﻲ ﻣﻠﻴﺎﻥ ﺧﻮﻑ .. ﻋﻤﺘﻲ ﻟﻴﻠﺘﻬﺎ ﺧﺒﺮﺗﻨﻲ .. ﺍﻧﻪ ﻓﺎﺗﺢ ﺑﺎﺗﻪ ﻓﻤﻮﺿﻮﻉ ﺍﻟﺰﻭﺍﺝ ﻣﻦ ﻭﺣﺪﻩ ﻣﻦ ﺑﻨﺎﺕ ﻋﻤﺎﻣﻲ ﺍﻣﻪ ﺗﺨﺘﺎﺭﻫﺎ .. ﻋﻤﺘﻲ ﻛﺎﻧﺖ ﻓﺮﺣﺎﻧﻪ ﻭﺍﺟﺪ ..
ﻭﺍﻧﺎ ﺧﻔﺖ ﻭﺍﺟﺪ )
ﻛﻤﺎﻝ ﻗﻠﺐ ﺍﻟﺼﻔﺤﺔ ... ﻟﻘﺎﻫﺎ ﻓﻲ ﺗﺎﺭﻳﺦ ﺑﻌﻴﺪ ﻳﻌﻨﻲ ﺑﻴﻦ ﺍﻟﺼﻔﺤﻪ ﻫﺎﺩﻱ ﻭﺍﻟﻠﻲ ﻗﺒﻠﻬﺎ 25 ﻳﻮﻡ ..
( ﺍﻟﻔﺘﺮﺓ ﺍﻟﻠﻲ ﻓﺎﺗﺖ ﺍﻧﺸﻐﻠﻨﺎ ﺑﺎﻣﻮﺭ ﻭﺍﺟﺪﻩ ﺧﻄﺒﺔ ﺭﺿﻮﺍﻥ .. ﻭﺗﺠﻬﻴﺰﻱ ﻟﻠﻮﻻﺩﻩ .. ﻭﻓﺮﺡ ﺭﺿﻮﺍﻥ ﺍﻟﻠﻲ ﻗﺮﺏ .. ﺧﻼﻝ ﻫﺎﻟﻔﺘﺮﺓ ﻛﺎﻥ ﺭﺿﻮﺍﻥ ﻫﺎﺩﻱ ﺟﺪﺍ ﻭﻣﺒﻴﻦ ﻟﻠﻜﻞ ﺍﻥ ﺣﺎﻟﻪ ﺗﻐﻴﺮ .. ﺑﺲ ﺍﻧﺎ ﻻ ﻣﻤﺸﺎﺵ ﻋﻠﻴﺎ ﺗﻤﺜﻴﻠﻪ .. ﻫﻮ ﻣﺴﺒﺒﻠﻲ ﻫﺎﺟﺲ ﻭﻫﺎﻟﻬﺎﺟﺲ ﺧﻼﻧﻲ ﻧﺪﻗﻖ ﻉ ﻛﻞ ﺗﺼﺮﻓﺎﺗﻪ .. ﺑﺲ ﺍﻟﻠﻲ ﺳﻤﻌﺘﻪ ﺍﻟﻴﻮﻡ ﻣﻨﻪ ﺷﻲ ﺻﺪﻣﻨﻲ ... ﺻﺪﻣﻨﻲ ﻭﺍﺟﺪ .. )
ﻓﻼﺵ ﺑﺎﻙ ..
ﺍﻟﺸﻴﻤﺎﺀ ﺑﺘﺮﻛﺐ ﻟﺸﻘﺘﻬﺎ ﺳﻤﻌﺖ ﺭﺿﻮﺍﻥ ﻳﺘﻜﻠﻢ ﺑﺎﻟﺘﻠﻴﻔﻮﻥ ﻓﻲ ﻣﺴﺘﺮﺍﺡ ﻳﻔﺼﻞ ﺑﻴﻦ ﺍﻟﺪﺭﻭﺝ .... ﻭﻟﺖ ﻭﻗﻌﺪﺕ ﺗﺘﺼﻨﺖ ..
ﺭﺿﻮﺍﻥ : ﺍﻟﺤﺎﺟﻪ ﻫﺬﻱ ﻣﺎﻓﻜﺮﺗﺶ ﻓﻴﻬﺎ ﺑﺲ ﻣﺎﻓﺶ ﻣﺸﻜﻠﻪ .. ﻟﻮ ﻃﻠﻌﺖ ﺑﻨﺖ ﻭﺇﻥ ﺷﺎﺀ ﺍﻟﻠﻪ ﺗﻜﻮﻥ ﺍﻟﺒﻨﺖ .. ﺍﻟﻮﺿﻊ ﺣﻴﻜﻮﻥ ﺗﺤﺖ ﺍﻟﺴﻴﻄﺮﻩ .. ﺑﺲ ﻛﺎﻥ ﻃﻠﻊ ﻋﻴﻞ ... ﻓﻌﻨﺪﻱ ﺷﻲ ﻓﺒﺎﻟﻲ ﻣﻀﻄﺮ ﻧﺪﻳﺮﻩ .......... ﻧﺘﻼﻗﻮﺍ ﻭﻧﺘﻔﺎﻫﻤﻮﺍ ﺃﻛﺜﺮ ﺃﻫﻢ ﺷﻲ ﻋﻴﻨﻚ ﻣﺎﺗﻐﻔﻠﺶ ..
( ﺭﺟﻌﺖ ﻉ ﻭﺭﺍﻱ ﺩﻏﺮﻱ ﻭﺍﻧﺎ ﻧﺮﻋﺶ ﻭﺣﺎﻃﻪ . ﺍﻳﺪﻳﺎ ﺍﻹﺗﻨﻴﻦ ﻉ ﺑﻄﻨﻲ .. ﻛﺎﻥ ﻧﻠﻘﻰ ﻧﻬﺮﺏ ﺑﻌﻴﺪ ... ﻟﻤﻜﺎﻥ ﻣﺎﻳﻌﺮﻓﻨﻲ ﻓﻴﻪ ﺣﺪ ﺍﻟﻤﻬﻢ ﻳﻨﺠﻰ ﻃﻔﻠﻲ ... ﻋﻴﻞ ﻭﻻﺑﻨﺖ ... ﻟﻤﺤﺖ ﺳﻔﻴﺎﻥ ﻣﻊ ﻋﻤﻲ ﺧﺎﺷﻴﻦ ﻟﻠﻔﻴﻼ ﻣﻦ ﺍﻟﺒﺎﺏ ﺍﻟﺮﺋﻴﺴﻲ .. ﻣﺎﻋﺮﻓﺘﺶ ﺷﻦ ﻻﺯﻡ ﻧﺪﻳﺮ ... )
" ﻛﻨﻚ ﻳﺎﺷﻴﻤﺎﺀ .."
( ﺍﻧﺘﻔﻀﺖ ﻣﻦ ﺍﻟﻔﺠﻌﻪ ﻭﺑﺤﺘﺖ ﻓﻴﻪ ﻛﺎﻥ ﻣﺼﺒﻲ ﺣﺪﺍﻳﺎ ﻟﻤﺎ ﻛﻠﻤﻨﻲ .. )
ﺭﺿﻮﺍﻥ ﺑﺈﺑﺘﺴﺎﻣﻪ : ﺍﺳﻒ ...
( ﻣﺎﺭﺩﻳﺘﺶ ﻋﻠﻴﻪ ﻭﺩﻏﺮﻱ ﻛﻤﻠﺖ ﻃﺮﻳﻘﻲ ﻟﺴﻔﻴﺎﻥ . ﻭﻗﻠﺒﻲ ﻳﺮﺟﻒ ﻭﻟﻬﺎﻟﻠﺤﻈﻪ ﻳﺮﺟﻒ ﻣﺶ ﻋﺎﺭﻓﻪ ﻧﺨﺒﺮ ﺳﻔﻴﺎﻥ ﻭﻻﻻ .. ﺧﺼﻮﺻﺎ ﺍﻧﻪ ﻛﺎﻥ . ﻓﺮﺣﺎﻥ ﺍﻛﺜﺮ ﻣﻦ ﺍﻟﻜﻞ ﺑﺮﺩﺓ ﺧﻮﻩ ﻭﻛﻞ ﻳﻮﻡ ﻳﺤﻜﻴﻠﻲ ﻋﻨﻪ ﻛﻴﻒ ﺗﻐﻴﺮ ... ﻭﻫﻮ ﻋﺎﺭﻑ ﺍﻧﻲ ﻣﺎﻧﻘﺒﻠﺶ ﺧﻮﻩ .. ﺧﺎﻳﻔﻪ ﻟﻮ ﻳﻈﻦ ﺍﻧﻲ ﻧﺒﻲ ﻧﻔﺮﻕ ﺑﻴﻨﻬﻢ ﻭﺑﻴﻨﻪ ... ﻣﺤﺘﺎﺭﺓ ﻭﺍﺟﺪ ﻭﺧﺎﻳﻔﻪ ﺧﺎﻳﻔﻪ ﻣﻴﺘﻪ ﻣﻦ ﺧﻮﻓﻲ ) ..
ﻛﻤﺎﻝ ﺻﻜﺮ ﺍﻟﻤﺬﻛﺮﺓ .. ﻣﺎﻳﺒﻴﺶ ﻳﻔﻜﺮ ﺷﻦ ﻣﻤﻜﻦ ﻳﻜﻮﻥ ﺩﺍﺭ ﺭﺿﻮﺍﻥ ﻓﻲ ﻭﻟﺪ ﺧﻮﻩ ..
ﻛﻤﺎﻝ : ﺍﻛﻴﺪ ﺟﺎﺑﺖ ﻭﻟﺪ .. ﻓﺮﻕ ﺍﻟﻌﻤﺮ ﻭﺍﺿﺢ 6 ﺳﻨﻴﻦ .. ﻻﻻ .. ﻣﺶ ﻣﺴﺘﻮﻋﺐ ﻳﻌﻨﻲ ﻃﻔﻞ ﺻﻐﻴﺮ ﺷﻦ ﻣﻤﻜﻦ ﻳﻜﻮﻥ ﺩﺍﺭﻟﻪ .. ﺩﻣﻪ ﻟﺤﻤﻪ ﻭﻟﺪ ﺧﻮﻩ .... ﺍﺳﺘﻐﻔﺮ ﺍﻟﻠﻪ ... ﻧﺎﺽ ﺭﺩ ﺍﻟﻤﺬﻛﺮﺓ ﻟﻤﻜﺎﻧﻬﺎ ﺍﻟﻠﻲ ﺗﻌﻮﺩ ﻳﺪﺳﻬﺎ ﻓﻴﻪ ﻭﺗﻤﺪﺩ ﻉ ﺍﻟﺴﺮﻳﺮ ﻭﻫﻮ ﻣﺶ ﻗﺎﺩﺭ ﻳﺮﻗﺪ ﻣﻦ ﺍﻟﺘﻔﻜﻴﺮ ...
***
ﺗﺎﻧﻲ ﻳﻮﻡ ...
ﺑﻌﺪ ﺍﻟﻈﻬﺮ ..
ﻛﺎﻧﺖ ﻃﺎﻟﻌﻪ ﻣﻦ ﺍﻟﻔﻴﻼ ﻻﺑﺴﻪ ﻋﺒﺎﻳﻪ ﻭﻭﺷﺎﺡ ﻗﻌﺪﺕ ﺗﺘﻤﺸﻰ ﻭﻫﻮ ﻭﺭﺍﻫﺎ ﺑﺎﻟﺴﻴﺎﺭﺓ ﻣﻦ ﺑﻌﻴﺪ ﻳﺘﺒﻊ ﻓﻴﻬﺎ ﻟﻴﻦ ﻃﻠﻌﺖ ﻣﻦ ﺍﻟﻤﻨﻄﻘﻪ .. ﻭﻗﻔﺖ ﺗﺎﻛﺴﻲ ﻭﺭﻛﺒﺖ ... ﻭﻫﻮ ﻭﺭﺍﻫﻢ ﺑﻤﺴﺎﻓﻪ ..
ﻣﺸﻮﺍ ﻣﺴﺎﻓﻪ .. ﻭﻫﻮ ﻭﺭﺍﻫﻢ ... ﻭﻗﻔﺖ ﻓﺠﺄﺓ ﺍﻟﺴﻴﺎﺭﺓ ﺣﺪﺍ ﻣﻮﻝ ...
ﺧﺸﺖ ...
ﻭﻫﻮ ﻳﺮﺍﻗﺐ ...
ﺍﻛﺮﻡ " ﺑﺘﻘﺎﺑﻠﻪ ﻫﻨﺎ؟ .."
10 ﺩﻗﺎﻳﻖ ﺑﺎﻟﺰﺑﻂ .. ﻭﻋﻴﻮﻥ ﺍﻛﺮﻡ ﺍﻧﻔﺘﺤﻮﺍ ﻉ ﻭﺳﻌﻬﻢ ﺑﺼﺪﻣﻪ ...
ﺷﺎﻓﻬﺎ ﻻﺑﺴﻪ ﺑﻠﻮﺯﺓ ﻗﺼﻴﺮﻩ ﻭﺳﺮﻭﺍﻝ ﺍﺳﻮﺩ ... ﻭﻣﺶ ﻣﺘﺤﺠﺒﻪ ﻻﺑﺴﻪ ﻧﻈﺮﺍﺕ ﺣﺎﻃﺘﻬﻢ ﻓﻮﻕ ﺭﺍﺳﻬﺎ ... ﻓﻴﺪﻫﺎ ﻭﺭﺍﻕ ﻭﻻﺑﺴﻪ ﺷﻨﻄﻪ .. ﺧﺸﺖ ﺍﻟﺘﺎﻛﺴﻲ ﻭﺍﻟﺘﺎﻛﺴﻲ ﺗﺤﺮﻛﺖ ..
ﻫﻮ ﻣﺼﺪﻭﻡ ﻫﻠﺒﻪ ... ﻗﻌﺪ ﻭﺭﺍﻫﻢ ﻟﻴﻦ ﻭﺻﻠﺖ ﻟﻤﻄﻌﻢ ... ﻧﺰﻟﺖ ﻛﺎﻥ ﻭﺍﻗﻒ ﻗﺪﺍﻣﻬﺎ ﺷﺎﺏ ﻗﻨﻴﻦ ﻭﻃﺎﺭﺡ ... ﺳﻠﻤﺖ ﻋﻠﻴﻪ ﻭﺧﺸﻮﺍ ...
ﻫﻮ ﻣﺼﺪﻭﻡ ﻉ ﻏﻴﺮﺍﻥ ... ﻭﻫﻠﺒﻪ ﻣﺸﺎﻋﺮ ﻣﻠﺨﺒﻄﻪ ..
ﻃﺒﻌﺎ ﻫﻮ ﻛﺎﻥ . ﻣﻐﻴﺮ ﻓﻬﻴﺌﺘﻪ .. ﻧﺰﻝ ﻣﻦ ﺍﻟﺴﻴﺎﺭﺓ ... ﻭﻣﺸﻲ ﻟﻠﻤﻄﻌﻢ ..
ﺧﺶ ﺑﺪﻭﻥ ﻣﺎﻳﺜﻴﺮ ﺍﻟﺸﻚ ... ﻗﻌﻤﺰ ﻓﻲ ﻃﺎﻭﻟﻪ ﻭﺭﺍﻫﻢ .. ﻛﺎﻧﻮ ﻋﺎﻃﻴﻴﻦ ﻟﺒﻌﺾ ﺑﺎﻟﻈﻬﺮ ﻭﺑﺪﻱ ﻳﺴﻤﻊ ..
ﻋﺒﺪﺍﻟﻤﻠﻚ : ﺳﻼﻑ .. ﺍﻧﺘﻲ ﻣﺸﻨﺠﻪ ﻭﺍﺟﺪ ﺧﻠﻴﻨﺎ ﻧﺤﻜﻮﺍ ﺑﺎﻟﻌﻘﻞ .
ﺳﻼﻑ : ﻳﺎﻋﺒﺎﺩﻱ ﺍﺳﻤﻌﻨﻲ ﻟﻮﺳﻤﺤﺖ ﺍﻧﺎ ﺟﻴﺖ ﺑﺶ ﻧﻔﻬﻤﻚ ﺍﻥ ﻧﺼﻴﺒﻚ ﻣﺶ ﻣﻌﺎﻳﺎ ﻣﺶ ﻣﻌﺎﻳﺎ ﻳﺎﻭﻟﺪ ﺳﻴﺪﻱ ..
ﻋﺒﺪﺍﻟﻤﻠﻚ : ﻟﻴﺶ ﺑﺎﻫﻲ .. ﻋﻄﻴﻨﻲ ﺳﺒﺐ ﻭﺍﺣﺪ ..
ﺳﻼﻑ ﺗﻨﻬﺪﺕ : ﺍﻧﺎ ﺣﺎﻟﻴﺎ ﻣﺎﻧﺒﻴﺶ ﻧﺠﻮﺯ .. ﻫﺬﻱ ﺣﺎﺟﻪ ﻭﺍﻟﺤﺎﺟﻪ ﺍﻷﺧﺮﻯ ﺍﻧﺎ ﻭﻳﺎﻙ ﻣﺎﻧﺘﻼﻳﻤﻮﺵ .
ﻋﺒﺪﺍﻟﻤﻠﻚ : ﻣﺎﺃﻗﺘﻨﻌﺘﺶ ..
ﺳﻼﻑ : ﺍﻓﻔﻔﻔﻒ ..
ﻋﺒﺪ ﺍﻟﻤﻠﻚ : ﻣﺎﺗﻨﻔﺨﻴﺶ ..
ﺳﻼﻑ : ﻻ ﺑﻨﻨﻔﺦ ﻭﻧﻨﻔﺦ .. ﺗﺒﻴﻬﺎ ﺻﺮﻳﺤﻪ ﻫﻚ .. ﻣﺎﻋﻨﺪﻳﺶ ﻣﺸﻜﻠﻪ .. ﺍﻧﺖ ﻣﺪﻟﻞ ﺍﻣﻚ .. ﻭﺗﺒﻲ ﺟﺎﺭﻳﻪ ﺗﺤﺖ ﻛﺮﻋﻴﻚ ﻭﻭﺣﺪﻩ ﺗﻌﻴﺶ ﻋﺸﺎﻧﻚ . ﺍﻧﺖ ﻭﺑﺲ .. ﻭﺍﻧﺎ ﻣﺶ ﻫﻚ .. ﺍﻧﺎ ﻳﻠﻔﺘﻨﻲ ﺍﻟﺮﺍﺟﻞ ﺍﻟﻘﻮﻱ ﺍﻟﻠﻲ ﺷﻮﺭﻩ ﻣﻦ ﺭﺍﺳﻪ .. ﻭﺍﻟﻠﻲ ﻳﻜﻮﻥ ﻗﺪ ﺍﻟﻤﺴﺆﻭﻟﻴﻪ ﻭﻳﻜﻮﻥ ﻣﺤﺘﺮﻣﻨﻲ ﻭﻣﻘﺪﺭﻧﻲ ... ﻣﻌﻠﻴﺶ ﺍﻧﺖ ﻋﻤﺮﻙ ﻣﺎﺣﺘﻜﻮﻥ ﻫﻚ ..
ﻋﺒﺪﺍﻟﻤﻠﻚ : ﻛﻼﻣﻚ ﺟﺎﺭﺡ ﻭﺍﺟﺪ
ﺳﻼﻑ ﺑﻀﺤﻜﻪ : ﻋﺪﻱ ﻗﻮﻟﻪ ﻷﻣﻚ ﺑﺶ ﺗﺤﺮﺵ ﺍﻣﻲ ﻭﺗﻌﺎﺭﻛﻨﻲ ..
ﺍﻛﺮﻡ ﺷﺪ ﺿﺤﻜﺘﻪ ..
ﻋﺒﺪﺍﻟﻤﻠﻚ ﻣﻂ ﺷﻮﺭﺍﺑﻪ ﺑﺈﺳﺘﻴﺎﺀ ..
ﺳﻼﻑ : ﻋﻮﺑﺪ .. ﺩﻭﺭ ﻭﺣﺘﻠﻘﻰ ﻭﺣﺪﻩ ﺗﻨﺎﺳﺒﻚ ﺍﻧﺎ ﻣﺶ ﻟﻚ ﻳﺎﻭﻟﺪ ﺳﻴﺪﻱ .. ﺳﻼﻡ .. ﻧﺎﺿﺖ ﻃﻠﻌﺖ ﻣﻦ ﺣﺪﺍﻩ ... ﻭﻫﻮ ﻗﺮﻳﺐ ﻳﻨﻔﺠﺮ ..
ﺍﻛﺮﻡ ﻛﺎﻥ ﻓﺮﺣﺎﻥ ﺑﺎﻟﻠﻲ ﺳﻤﻌﻪ ﻭﺯﺍﺩﺕ ﺧﺸﺖ ﺭﺍﺳﻪ ﻭﻗﻠﺒﻪ ﺍﻛﺜﺮ ﻭﺃﻛﺜﺮ .. ﻧﺎﺽ ﻭﻃﻠﻊ ..
ﺷﺎﻓﻬﺎ ﻣﺎﺷﻴﻪ ﻉ ﺭﺟﻠﻴﻬﺎ .. ﺭﻛﺐ ﺍﻟﺴﻴﺎﺭﺓ ﻭﻟﺤﻘﻬﺎ ﺑﺪﻭﻥ ﻣﺎﺗﺤﺲ ..
ﻫﻲ ﻛﺎﻧﺖ ﺗﺸﻮﻑ ﻟﻠﻮﺭﺍﻕ ﻓﻴﺪﻫﺎ ﻛﺎﺗﺒﻪ ﺷﻮﻳﻪ ﻋﻦ ﺗﺤﻘﻴﻘﻬﺎ ﺍﻟﺼﺤﻔﻲ .. ﻛﻤﺴﻮﺩﺓ ﺗﺒﻲ ﺗﺮﺍﺟﻌﻬﺎ ﻉ ﺭﻭﺍﺀ ..
ﻓﺠﺄﺓ ...
" ﻣﻜﺎﻧﻚ ﻳﺎﺳﻤﺤﻪ .."
ﻭﻗﻔﺖ ﻭﻗﺎﻣﺖ ﻋﻴﻮﻧﻬﺎ ﻟﻘﺖ ﻭﺍﺣﺪ ﻭﺍﻗﻒ ﻗﺪﺍﻣﻬﺎ ﻣﻨﻈﺮﻩ ﻳﺮﻋﺶ ﻭﺷﺎﺩ ﺑﻮﺧﻮﺻﻪ ..
ﺍﻟﻤﻜﺎﻥ ﻛﺎﻥ ﻣﺴﺘﺨﻄﻲ ﻭﻓﺎﺿﻲ ..
ﺍﻛﺮﻡ ﻳﺸﺒﺢ ﻣﻦ ﺑﻌﻴﺪ ... ﻳﺒﻲ ﻳﺸﻮﻓﻬﺎ ﻛﻴﻒ ﺣﺘﺘﺼﺮﻑ ..
: ﻫﺎﺗﻲ ﺍﻟﺸﻨﻄﻪ ..
ﻫﻲ ﻭﺧﺮﺕ ﺧﻄﻮﺗﻴﻦ ﻟﻔﺖ ﻭﺟﺖ ﺑﺘﺠﺮﻱ ﺍﻧﺼﺪﻣﺖ ﺷﺎﻓﺖ ﻭﺍﺣﺪ ﺗﺎﻧﻲ ﻭﺭﺍﻫﺎ ﺳﺎﺣﺐ ﻋﻠﻴﻬﺎ ﺳﻼﺡ ...
ﺳﻼﻑ ﻉ ﺍﺳﺎﺱ ﺧﺎﻳﻔﻪ : ﺣﺎﺿﺮ ﺣﺎﺿﺮ ﺗﻮﻧﻌﻄﻴﻬﺎ ﻟﻚ ...
ﺣﻮﻟﺘﻬﺎ ﻭﻛﻴﻒ ﺟﺎﻳﻪ ﺑﺘﻨﺰﻟﻬﺎ .. ﺍﻟﻠﻲ ﻓﻴﺪﻩ ﻣﺴﺪﺱ ﻗﺮﺏ ﺑﺤﺮﻛﻪ ﻗﺎﻣﺖ ﺭﺟﻠﻬﺎ ﺿﺮﺑﺎﺗﻪ ﻉ ﻳﺪﻩ ﻃﺎﺡ ﺳﻼﺣﻪ .. ﺟﺒﺪﺍﺗﻪ ﻣﻦ ﻳﺪﻩ ﺣﺬﻓﺎﺗﻪ ﻉ ﺻﺎﺣﺒﻪ ... ﺧﺶ ﺍﻟﺒﻮﺧﻮﺻﻪ ﻓﻲ ﺫﺭﺍﻋﻪ .. ﻭﻃﺎﺣﻮﺍ ﺍﻟﺰﻭﺯ ﻣﻦ ﻗﻮﺓ ﺍﻟﺤﺪﻓﻪ ﻉ ﺑﻌﺾ ... ﻭﻫﻲ ﻃﻮﻝ ﺧﺪﺕ ﺍﻟﺴﻼﺡ ﻭﺻﻮﺑﺎﺗﻪ ﻋﻠﻴﻬﻢ ..
ﺍﻛﺮﻡ ﺑﺪﻫﺸﻪ : ﻣﻨﻮ ﻫﺬﻱ ..!!!!!
ﻧﺎﺿﻮﺍ ﺍﻟﺰﻭﺯ ﻳﻀﺤﻜﻮﺍ ..
ﻫﻲ ﺍﺳﺘﻐﺮﺑﺖ : ﺍﻟﻠﻲ ﻳﻘﺮﺏ ﻭﺍﻟﻠﻪ ﻧﻔﺮﻏﻪ ﻓﻴﻪ ﻣﺎﻋﻨﺪﻳﺶ ﻣﺸﻜﻠﻪ ...
ﻗﻌﺪﻭﺍ ﻳﻘﺮﺑﻮﺍ .. ﻫﻲ ﻓﻜﺮﺕ ﺗﻀﺮﺏ ﻉ ﺭﺟﻠﻴﻬﻢ ... ﺿﺮﺑﺖ ﻭﻫﻨﺎ ﻛﺎﻧﺖ ﺍﻟﺼﺪﻣﻪ .. ﺍﻟﻤﺴﺪﺱ ﻟﻌﺒﻪ .. ﺻﻮﺕ ﺑﺲ ...
ﻗﻌﺪﻭﺍ ﻳﻘﺮﺑﻮﺍ ﻭﺍﺣﺪ ﺷﺎﺩ ﺫﺭﺍﻋﻪ ﺍﻟﻠﻲ ﺗﻨﺰﻑ ﻭﺍﻟﺘﺎﻧﻲ ﻓﺎﺗﺢ ﺍﻟﺒﻮﺧﻮﺻﻪ ..
ﻗﺪﻣﻠﻬﺎ ﻣﺘﺎﻉ ﺍﻟﺒﻮﺧﻮﺻﻪ ..
ﺍﻛﺮﻡ ﺧﺎﻑ ﺟﺎﻱ ﺑﻴﻨﺰﻝ ...
ﻫﻲ ﺩﺍﺭﺕ ﺭﻭﺣﻬﺎ ﻣﺴﺘﺴﻠﻤﻪ ﻭﺗﺮﻋﺶ ... ﻗﺮﺏ ﻣﻨﻬﺎ ..
ﺑﺤﺮﻛﻪ ﺳﺮﻳﻌﻪ ﺷﺪﺕ ﻳﺪﻩ ﺑﻘﺒﻀﺘﻬﺎ ﺍﻟﻘﻮﻳﻪ ﻟﻮﺍﺗﻬﺎﻟﻪ ﻉ ﻇﻬﺮﻩ ﺑﻘﻮﺓ .. ﺟﻲ ﺑﻴﻘﺮﺏ ﺻﺎﺣﺒﻪ ﺿﺮﺑﺎﺗﻪ ﺑﺮﺟﻠﻬﺎ ﻉ ﻣﻜﺎﻥ ﺣﺴﺎﺱ ﻗﻌﺪ . ﻳﻌﻴﻂ .. ﺩﻓﺖ ﺻﺎﺣﺒﻪ ﻋﻠﻴﻪ ﺑﻌﺪ ﻃﻴﺢ ﺍﻟﺒﻮﺧﻮﺻﻪ ﻣﻦ ﻳﺪﻩ ﻣﻦ ﺷﺪﺓ ﺍﻟﻮﺟﻊ ﺍﻟﻠﻲ ﺣﺲ ﺑﻴﻪ ﻟﻤﺎ ﻟﻮﺗﻠﻪ ﻳﺪﻩ ..
ﺧﺪﺕ ﺍﻟﺒﻮﺧﻮﺻﻪ ﻭﺷﺪﺗﻬﺎ ..
ﺳﻼﻑ ﻭﻫﻲ ﺩﺍﻫﺸﻪ : ﻣﺎﺯﺍﻝ .. ﺧﺎﻃﺮﻛﻢ ﻓﻲ ﺣﺎﺟﻪ ..
: ﺗﻲ ﺑﺮﻱ ﻳﺎﺷﻴﺨﻪ ﻣﻨﻚ ﻟﻠﻪ ﻃﻠﻌﻮﺍ ﻳﺠﺮﻭﺍ ﻭﻫﻲ .. ﺿﺤﻜﺖ ﺑﻨﺼﺮ ..
ﺍﻛﺮﻡ ﻭﻫﻮ ﻓﺎﺗﺢ ﻓﻤﻪ ﻭﻋﻴﻮﻧﻪ ﺑﺈﻋﺠﺎﺏ ﺷﺪﻳﺪ : ﻳﺎﻋﻨﺸﻜﻠﻚ ..!!!
ﺧﺪﺕ ﺍﻟﺸﻨﻄﺔ ﻭﻟﻤﺖ ﻭﺭﺍﻗﻬﺎ ﺍﻟﻠﻲ ﺗﺸﺮﺗﻌﻮﺍ ... ﻭﻟﻮﺣﺖ ﺍﻟﺒﻮﺧﻮﺻﻪ .. ﻭﻟﻔﺖ ﺑﺘﻤﺸﻲ ..
ﺍﻛﺮﻡ ﻧﺰﻝ ﺍﻟﻄﺎﻗﻴﻪ ﻉ ﻭﺟﻬﻪ .. ﻭﻛﺎﻥ ﺭﺍﻛﺐ ﺳﻴﺎﺭﺓ ﻋﺎﺩﻳﻪ ﺟﺪﺍ ... ﻏﻴﺮ ﻣﻠﻔﺘﻪ ﻟﻺﻧﺘﺒﺎﻩ ..
ﻓﺎﺗﺖ ﺭﺍﺟﺎﻫﺎ ﻟﻴﻦ ﺗﺒﻌﺪ ﺑﻌﺪﻳﻦ ﺷﻐﻞ ﺍﻟﺴﻴﺎﺭﺓ ﻭﺣﺮﻛﻬﺎ ﻭﺟﻲ ﻭﺭﺍﻫﺎ ﺑﻤﺴﺎﻓﻪ ... ﻫﻲ ﻃﻠﺒﺖ ﺗﺎﻛﺴﻲ ﻭﻣﺸﺖ ...
ﻭﺻﺎﺭ ﻧﻔﺲ ﺍﻟﺸﻲ ﻭﻗﻔﺖ ﻉ ﺍﻟﻤﻮﻝ .. ﻭﻏﻴﺮﺕ ﻭﻃﻠﻌﺖ ﻭﻭﺻﻠﻬﺎ ﺍﻟﺘﺎﻛﺴﻲ ﺍﻟﻔﻴﻼ ﻭﺧﺸﺖ ﻃﻮﻝ ...
ﺍﻛﺮﻡ ﺑﺈﺑﺘﺴﺎﻣﻪ : ﻓﺤﻴﺎﺗﻲ ﻣﺎﻗﺎﺑﻠﺖ ﻛﻴﻔﻬﺎ ... ﻟﺒﻮﺓ ﺣﻖ .. ﺑﺲ ﺯﻋﻢ ﺗﻄﻠﻊ ﺍﻟﻠﻲ ﻓﺒﺎﻟﻲ؟ .!! ﻭﻣﺸﻲ ﻭﻫﻮ ﻳﻔﻜﺮ ﻣﻦ ﻣﻤﻜﻦ ﺗﻜﻮﻥ ﺳﻼﻑ؟ !!
.... ﻳﺘﺒﻊ
